ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᐊᓂᖅᓵᖅᑐᒐᕐᒥ ᐱᐅᑎᑦᑎᕙᖕᓂᕐᒧᑦ ᐱᓕᕆᔨ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
13-505955
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐃᖅᑲᓇᐃᔭᐃᓐᓇᕋᔭᖅᑐᖅ
ᑮᓇᐅᔾᔭᒃᓴᓇᔭᖅᑐᖅ: 
$85,215.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016.00
ᒪᑐᕝᕕᒃᓴᖓ: 
ᐄᐳᕈ 10, 2020

ᐃᖅᑲᓇᐃᔭᖅᑐᓕᕆᔨᒃᑯᑦ ᒪᓕᒐᖓ ᒪᓕᒃᖢᒍ ᑎᓕᐅᕆᔾᔪᑎ 518, ᑖᓐᓇ ᐃᖅᑲᓇᐃᔮᒃᓴᖅ ᐱᓇᔪᒃᑕᐅᔪᓐᓇᖅᑐᖅ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᑐᐊᖏᓐᓄᑦ.

ᐊᕙᑎᓕᕆᔨᒃᑯᑦ ᐱᓕᕆᖃᑎᖃᐃᓐᓇᕆᐊᖃᓲᑦ ᓄᓇᓕᐅᔪᒥ, ᓄᓇᕗᒻᒥ, ᑲᓇᑕᒥ ᐊᕕᒃᑐᖅᓯᒪᔪᖏᓐᓂ, ᑲᓇᑕᒥ ᐊᒻᒪᓗ ᑲᓇᑕ ᓯᓚᑖᓃᑦᑐᓂᑦ ᐊᒃᑐᖅᑕᐅᓂᖃᓲᓂᑦ ᐱᓕᕆᐊᖃᕐᓂᑎᒍᑦ ᐊᑐᕐᓗᑎᑦ ᐅᓪᓗᒥᓕᓴᕐᓂᑦ ᖃᕋᓴᐅᔭᕐᓅᖓᔪᓂᑦ ᐊᑐᖅᑕᐅᓲᓂᓪᓗ ᐊᒻᒪᓗ ᑐᑭᓯᒋᐊᕈᑎᖏᓐᓂᑦ.  ᑕᐃᒫᔅᓴᐃᓐᓇᕐᓗ, ᑲᑐᔾᔨᑎᒌᑦ ᐱᓕᕆᔪᒪᑦᑎᐊᖅᑐᑦ ᐃᖅᑲᓇᐃᔭᕐᕕᓐᓂ ᑭᒡᒐᖅᑐᐃᖁᔨᓗᑎᑦ ᐃᓄᒋᐊᓂᑦ ᐊᐅᓚᑦᑎᖃᑦᑕᖅᑐᓂ ᒪᓕᒃᑐᓂᑦ ᒪᓕᒐᖏᓂ ᐃᓄᐃᑦ ᖃᐅᔨᒪᔭᑐᖃᖏᓐᓂ.

ᐅᖃᕐᕕᖃᖅᐸᒡᓗᓂ ᐊᐅᓚᑦᑎᔨᒧᑦ, ᐊᕙᑎᑦᑎᓐᓂᒃ ᖃᐅᔨᓴᕐᓂᕐᒥᒃ, ᐊᓂᖅᓵᖅᑐᒐᕐᒥ ᐱᐅᑎᑦᑎᕙᖕᓂᕐᒧᑦ ᐱᓕᕆᔨᒧᑦ ᐃᓂᐅᔪᖅ ᑲᒪᒋᔭᖃᕐᓂᐊᖅᑐᖅ ᐱᕙᓪᓕᐊᑎᑦᑎᓂᕐᒥᒃ, ᐊᑐᓕᖅᑎᑦᑎᓂᕐᒥᒃ ᑲᔪᓯᑎᑦᑎᓂᕐᒥᒡᓗ ᐊᓂᖅᓵᖅᑐᒐᕐᒥ ᐱᐅᑎᑦᑎᕙᖕᓂᕐᒧᑦ ᐱᓕᕆᐊᒃᓴᓂᒃ, ᐊᑐᐊᒐᖏᓐᓂᒃ ᐊᒻᒪ ᐱᓕᕆᐊᖑᕙᓪᓕᐊᔪᒪᔪᓂᒃ ᐃᑲᔪᕐᓂᖃᖅᑐᓄᑦ ᐱᐊᓂᒃᓯᕙᓪᓕᐊᓂᕐᓂᒃ ᐱᓕᕆᕝᕕᖕᒥ ᑐᕌᒐᕆᔭᐅᔪᑦ ᑎᑭᑕᐅᓇᓱᐊᖅᑐᓪᓗ ᒪᓕᒡᓗᑎᒃ ᐱᐅᓂᖏᓐᓂᒃ ᓄᓇᕗᒻᒥ.  ᑖᓐᓇ ᐃᓂᐅᔪᖅ ᐱᓕᕆᕝᕕᖕᒥ ᓴᓇᔨᓪᓗᐊᑕᕆᔭᐅᔪᖅ ᐊᓂᖅᓵᖅᑐᒐᕐᒥ ᐱᐅᑎᑦᑎᕙᖕᓂᕐᒧᑦ ᐊᐅᓚᑦᑎᓂᕐᒥᒃ. ᑖᓐᓇ ᐃᖅᑲᓇᐃᔭᖅᑎᑖᕆᔭᐅᔪᖅ ᐊᑐᐃᓐᓇᐅᑎᑦᑎᖃᑦᑕᕐᓂᐊᖅᑐᖅ ᐱᓕᕆᓂᒃᑯᑦ ᐅᖃᐅᔾᔨᒋᐊᕐᓂᕐᒥᒃ ᐃᑲᔪᖅᑐᐃᓂᕐᒥᒡᓗ ᓇᐅᒃᑯᓕᒫᖅ ᒐᕙᒪᒃᑯᓐᓂ, ᐱᓕᕆᕝᕕᖏᓐᓂᒃ, ᐃᓄᐃᑦ ᑎᒥᐅᔪᖁᑎᖏᓐᓂᑦ ᑭᒃᑯᑐᐃᓇᕐᓂᒡᓗ. ᑕᕝᕙᓂ ᐃᓂᐅᔪᒥ ᓇᓗᓇᐃᖅᓯᖃᑦᑕᖁᔭᐅᓂᐊᖅᑐᖅ  ᑭᙴᒪᒋᔭᖏᓐᓂᒃ ᐱᕙᓪᓕᐊᓂᖃᖅᑎᑦᑎᓗᓂᓗ ᐊᓂᖅᓵᖅᑐᒐᕐᒥ ᐱᐅᑎᑦᑎᕙᖕᓂᕐᒧᑦ ᐱᓕᕆᐊᒃᓴᓄᑦ ᓄᓇᕗᓕᒫᒧᑦ. ᐊᓂᖅᓵᖅᑐᒐᕐᒥ ᐱᐅᑎᑦᑎᕙᖕᓂᕐᒧᑦ ᐱᓕᕆᔨᒧᑦ ᐃᓂᐅᔪᖅ ᑭᒡᒐᖅᑐᐃᖃᑦᑕᕐᓂᐊᖅᑐᖅ ᐊᕙᑎᓕᕆᔨᒃᑯᓐᓂᒃ ᓄᓇᕗᑦ ᒐᕙᒪᓂᒡᓗ ᐱᓕᕆᕝᕕᖕᒥᐅᖃᑎᒌᓂᒃ ᐊᒻᒪ ᒐᕙᒪᒃᑯᑦ−ᐃᓗᐊᓂ, ᓴᓇᕝᕕᖕᓂ ᐊᒻᒪ ᐃᓄᑐᐃᓐᓇᕐᓄ ᑲᑎᒪᕝᕕᖕᓂ ᐊᒃᑐᐊᓂᖃᕐᓂᖏᓐᓄᑦ ᐊᓂᖅᓵᖅᑐᒐᕐᒥ ᐱᐅᑎᑦᑎᕙᖕᓂᕐᒥᑦ.     ᑕᕝᕙᓂ ᐃᓂᐅᔪᒥ ᑲᒪᒋᔭᖃᕐᓂᐊᕐᒥᔪᖅ ᕿᒥᕐᕈᓂᕐᒥᒃ, ᐊᑐᓕᖁᔨᓂᕐᒥᒃ ᐊᒻᒪ ᐃᓚᐅᖃᑕᐅᓂᕐᒥᒃ ᖃᐅᔨᓴᖅᑐᓕᕆᓂᕐᒥᒃ ᐊᒃᑐᐊᓂᖃᖅᑐᓂ ᖃᐅᔨᓴᕈᑕᐅᔪᓂ ᐊᓂᖅᓵᖅᑐᒐᕐᒥ ᐱᐅᑎᑦᑎᕙᖕᓂᕐᒧᑦ ᓇᐅᑦᑎᓱᖅᐸᓪᓕᐊᓂᕐᒥᒃ.

ᖃᐅᔨᒪᔭᕆᐊᓕᖏᑦ, ᐊᔪᙱᑦᑕᕆᐊᓕᖏᑦ, ᐱᓕᕆᔪᓐᓇᕆᐊᓕᖏᓪᓗ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᑐᑦ ᐃᓕᓴᕆᔭᐅᓯᒪᔪᒥᒃ ᐱᓕᕆᓂᒃᑯᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᑖᖅᓯᒪᓗᓂ ᓄᓇᓕᕆᓂᕐᒥ ᐅᕝᕙᓘᓐᓃᑦ ᐊᔾᔨᑲᓴᖓᓂ ᐱᓕᕆᐊᒥᑦ ᐃᓕᓴᕆᔭᐅᓯᒪᔪᒥ ᐱᓕᕆᕝᕕᖕᒥ ᐃᓚᖃᕐᓗᒍ ᐊᕐᕋᒎᒃ ᒪᕐᕉᒃ (2) ᐊᒃᑐᐊᓂᓕᖕᒥᒃ ᐊᑐᕐᓂᑰᓗᓂ.  ᐊᕙᑎᒥ ᖃᐅᔨᓴᕐᓂᕐᒥᒃ ᐱᓕᕆᖃᑦᑕᖅᓯᒪᓂᑰᔭᕆᐊᓕᒃ. ᖃᐅᔨᒪᓂᖃᕐᓗᓂ ᖃᕆᑕᐅᔭᓂ, ᖃᐅᔨᔭᐅᓯᒪᔪᓂ ᐊᐅᓚᑦᑎᓂᕐᒥᒃ, ᐊᒻᒪ ᑎᑎᖅᑲᙳᖅᑎᑦᑎᕙᓪᓕᐊᓂᕐᒥᒃ, ᐃᓚᒋᓪᓗᒍ Microsoft word−ᒥᒃ ᐊᒻᒪᓗ/ᐅᕝᕙᓗᓃᑦ excel−ᒥᑦ ᐱᔭᕆᐊᓕᒃ. ᐱᐅᔪᒥᒃ ᑎᑎᕋᕈᓐᓇᕐᓗᓂ ᐅᖃᕈᓐᓇᕐᓗᓂᓗ ᑐᓴᐅᒪᔪᓕᕆᔾᔪᑎᓄᑦ ᐊᔪᙱᑦᑕᕆᐊᓕᒃ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᖃᓪᓗᓈᑐᑦ ᐊᒻᒪᓗ ᐅᐃᕖᑐᑦ. ᐅᖃᕈᓐᓇᑦᑎᐊᕐᓗᓂ ᐃᓄᒃᑎᑐᑦ ᐱᒻᒪᕆᐅᕗᖅ. ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖕᓂᑦ, ᐱᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᕚᓪᓕᕈᑕᐅᓇᔭᖅᐳᖅ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ ᐃᓕᓐᓂᐊᖅᓯᒪᓂᖓ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᓂᖓ ᐃᓱᒪᒋᔭᐅᓇᔭᕐᒥᔪᑦ.

ᐃᖅᑲᓇᐃᔭᕈᓐᓇᑐᐃᓐᓇᕆᐊᓕᖕᓂᑦ ᓯᕗᓂᒃᓴᒧᑦ ᓴᓇᔪᖃᑐᐃᓐᓇᕆᐊᓕᒃ.

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ