ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᐊᖓᔪᖅᑳᖅ ᑮᓇᐅᔭᓕᕆᓂᕐᒧᑦ ᐊᓪᓚᕝᕕᓕᕆᓂᕐᒧᓪᓗ ᓄᓇᕗᑦ ᒥᕝᕕᖏᓐᓂ

ᓄᓇᓕᒃ: 
ᑲᙱᖅᖠᓂᖅᒥ
ᓇᓗᓇᐃᒃᑯᑕᖓ: 
15-505951
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑲᑐᔾᔨᖃᑎᒌᖑᓂᖓ: 
ᑮᓇᐅᔾᔭᒃᓴᓇᔭᖅᑐᖅ: 
$99,743.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$18,517.00
ᒪᑐᕝᕕᒃᓴᖓ: 
ᐄᐳᕈ 03, 2020

ᐅᓇ ᐃᖅᑲᓇᐃᔮᑦᓴᖅ ᒪᑐᐃᖓᔪᖅ ᐱᒐᓱᐊᕈᒪᔪᓕᒫᓄᑦ.

ᐊᖓᔪᖅᑳᖃᕐᓗᓂ ᐊᐅᓚᑦᓯᔨᖓᓐᓂᒃ ᑮᓇᐅᔭᓕᕆᔩᑦ ᐊᓪᓚᕝᕕᓕᕆᔩᓪᓗ ᐱᓕᕆᖃᑎᖃᑦᓯᐊᕐᓗᓂᓗ ᐊᐅᓚᑦᓯᔨᖓᓐᓂᒃ ᓄᓇᕗᒻᒥ ᒥᕝᕕᓕᕆᔨᒃᑯᑦ ᑖᑦᓱᒥᖓ ᐃᖅᑲᓇᐃᔮᓕᒃ ᐊᐅᓚᑦᓯᓲᖅ, ᖃᐅᔨᓴᖅᓱᓂ ᑐᑭᒧᐊᑎᑦᓯᓲᖅ ᑮᓇᐅᔭᓕᕆᔾᔪᑎᓂᒃ ᑮᓇᐅᔭᐃᓪᓗ ᐊᐅᓚᓂᖏᓐᓂᒃ ᓄᓇᕗᒻᒥ ᒥᕝᕕᓕᕆᔨᓂ ᐃᓗᐊᓐᓂ ᒥᓂᔅᑕᐅᕕᖓᑦᑕ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ. ᑖᑦᓱᒥᖓ ᐃᖅᑲᓇᐃᔮᓕᒃ ᑎᒍᒥᐊᖅᑐᖅ ᐱᕙᓪᓕᐊᑎᑦᓯᓂᕐᒥᒃ, ᖃᐅᔨᓴᕐᓂᕐᒥᒃ, ᐊᐅᓚᑦᓯᓂᕐᒥᒃ ᑲᔪᓯᑎᑦᓯᓂᕐᒥᓪᓗ ᒥᕝᕕᓕᕆᓕᓂᕐᒥ Free Balance ᐊᐅᓚᔾᔪᑎᖓᓂᒃ ᐊᑦᑐᐊᔪᓂᓪᓗ ᑮᓇᐅᔭᓅᖓᔪᓂᒃ ᖃᕆᑕᐅᔭᕐᒧᑦ ᐃᓗᓕᑦᓴᔭᓂᒃ. ᐃᖅᑲᓇᐃᔮᖅᑖᖅᑐᖅ ᑭᐅᔾᔪᑎᖃᕈᓐᓇᕆᐊᓕᒃ ᐊᐅᓚᑦᓯᓂᕐᒧᑦ ᐃᓘᓐᓇᖏᓐᓂᒃ ᑮᓇᐅᔭᓅᖓᔪᑦ ᐊᒻᒪᓗ ᖃᕆᑕᐅᔭᒃᑯᑦ ᑲᑎᖅᓱᖅᑕᐅᔪᑦ ᐊᐅᓚᓂᖏᓐᓂᒃ, ᐱᖃᓯᐅᑎᑦᓱᑎᒃ ᑲᑎᖅᓱᖅᑕᐅᔪᑦ ᐃᑖᔭᐃᑦ, ᐊᑭᓕᕆᐊᓖᑦ ᐃᑖᔪᓪᓗ, ᑮᓇᐅᔭᓕᐅᕈᑎᑦᓴᓂᒃ ᐱᕙᓪᓕᐊᔪᓂᒃ ᑮᓇᐅᔭᐃᑦ ᐃᑖᔪᑦ, ᑮᓇᐅᔭᓕᕆᕕᒻᒪᕆᐅᑉ ᑲᓱᖅᑎᔾᔪᑎᖏᓐᓂᒃ, ᑳᑦᑐᓛᑦᑎᑕᐅᔪᓂᒃ, ᓯᒃᑭᑖᖏᓐᓂᒃ ᐃᖅᑲᓇᐃᔭᖅᑏᑦ ᑲᓱᖅᑎᕆᓂᖅ ᐊᒻᒪᓗ ᐊᔾᔨᒌᙱᑦᑐᓂᒃ ᒐᕙᒪᒃᑯᓐᓄᑦ ᐅᓂᒃᑳᓂᒃ. ᐃᖅᑲᓇᐃᔭᖅᑎ ᖃᐅᔨᓴᓲᖑᒻᒥᔪᖅ ᑎᑎᕋᖅᑕᐅᓯᒪᔪᓕᒫᑦ ᑕᐃᒫᑦᓯᐊᕋᓗᐊᕐᒪᖔᑕ ᑕᕝᕗᖓᑦᓯᐊᖅ ᐃᓕᔭᐅᒐᓗᐊᕐᒪᖔᑕ ᑐᙵᕕᐅᓗᑎᒃ ᐊᐅᓚᔾᔪᑎᓄᑦ ᒪᑭᒪᔾᔪᑎᓄᓪᓗ ᑮᓇᐅᔭᖅᑐᕈᑎᑦᓴᐃᑦ, ᑕᖅᑳᖓᓪᓗ ᐊᖏᖃᑎᒌᒍᑎᑎᒍᑦ ᑮᓇᐅᔭᖅᑑᑎᑦᓴᐃᑦ.

ᐃᖅᑲᓇᐃᔭᖅᑎ ᑎᒍᒥᐊᕐᒥᔪᖅ ᑎᓕᐅᕆᓂᕐᒥᒃ  ᐃᑲᔪᖅᑐᐃᓂᕐᒥᓪᓗ ᑮᓇᐅᔭᓕᕆᔨᒧᑦ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐊᓪᓚᕝᕕᓕᕆᓂᕐᒧᓪᓗ ᑎᑎᕋᖅᑎᖓᓐᓂᒃ ᑲᔪᓯᔪᒥᓪᓗ ᑮᓇᐅᔭᓅᖓᔪᓂᒃ ᐅᖃᐅᔾᔨᒋᐊᖅᐸᓪᓗᓂ ᐊᐅᓚᑦᓯᔨᖓᓐᓂᒃ ᓄᓇᕗᒻᒥ ᒥᕝᕕᓕᕆᔩᑦ. ᐃᖅᑲᓇᐃᔭᖅᑎ ᐊᑐᐃᓐᓇᐅᑎᑦᓯᕙᓐᓂᐊᖅᑐᖅ ᑭᖑᕙᐅᖅᑲᙱᑦᑐᑦ ᑕᒻᒪᐅᖅᑲᖏᑦᑐᓂᒃ ᑲᑎᖅᓱᖅᓯᒪᔪᓂᒃ ᑮᓇᐅᔭᓄᑦ ᐅᓂᒃᑳᓂᒃ ᐊᖓᔪᖅᑲᐅᑎᓄᑦ, ᒐᕙᒪᑐᖃᒃᑯᓐᓄᑦ ᐊᒻᒪᓗ ᐊᓯᖏᓐᓄᑦ ᒪᓕᒐᖅᑎᒎᖅᑐᓄᑦ ᐅᕝᕙᓗ ᓴᓐᓇᕕᐅᔪᓄᑦ ᑎᒥᐅᔪᓄᑦ. ᐃᖅᑲᓇᐃᔭᖅᑎ ᐊᐅᓚᑦᓯᓲᖅ ᑲᔪᓯᑎᑕᐅᓂᖏᓐᓂᒃ ᓄᓇᕗᒻᒥ ᒥᕝᕕᓕᕆᔩᑦ ᑮᓇᐅᔭᓄᑦ ᐱᔨᑦᓯᕋᐅᑎᖏᓐᓂᒃ ᐊᑐᐃᓐᓇᐅᑎᑦᓯᑦᓱᑎᓪᓗ ᐃᖅᑲᓇᐃᔭᖅᑎᓄᑦ ᐊᓪᓚᕝᕕᓕᕆᓂᕐᒧᑦ ᐸᐃᑉᐹᓕᕆᔭᐅᓂᕐᒥᒃ, ᐊᐅᓚᑦᓯᓯᓐᓈᖅᓱᑎᓪᓗ ᑮᓇᐅᔭᓕᐅᕋᓱᐊᕐᓂᒃᑯᑦ ᐃᑖᔪᓂᒃ ᐱᓯᒪᔪᓂᒃ 24-ᓂᒃ ᓄᓇᕗᒻᒥ ᒥᕝᕕᐅᔪᓂᒃ. ᖃᐅᔨᒪᓂᖃᕐᓂᖅ ᑮᓇᐅᔭᓕᕆᔾᔪᑎᓄᑦ ᑐᙵᕕᐅᔪᓂᒃ, ᓴᙱᔪᒻᒪᕆᒻᒥᒃ ᐅᔾᔨᖅᑐᕐᓂᖃᕐᓗᓂ ᐃᓗᓕᓪᓗᐊᑕᖏᓐᓂᒃ ᐃᑲᔪᖅᑐᐃᓂᐅᑉ ᓴᙱᔪᒥᒃ ᑮᓇᐅᔭᓂᒃ ᐊᐅᓚᑦᓯᒍᓐᓇᕐᓂᕐᒥᒃ, ᓴᙱᔪᒻᒪᕆᒻᒥᒃ ᑮᓇᐅᔭᓂᒃ ᐊᐅᓚᑦᓯᒍᓐᓇᕐᓂᖃᕐᓗᓂ, ᑕᒻᒪᐅᖅᑲᖏᑦᑐᓂᓪᓗ ᑐᑭᓕᐅᕆᒍᓐᓇᑦᓯᐊᕐᓗᓂ ᐊᔾᔨᒌᙱᑦᑐᓂᒃ ᐃᓗᓕᖃᐅᖅᑐᓂᒃ ᑮᓇᐅᔭᓄᑦ ᐅᓂᒃᑳᓂᒃ ᐱᔪᓐᓇᕐᓂᐅᔪᑦ ᐊᑑᑎᖃᒻᒪᕆᑦᑐᑦ ᐃᖅᑲᓇᐃᔮᒧᑦ. ᖃᕆᑕᐅᔭᓕᕆᒍᓐᓇᑦᓯᐊᕐᓂᖅ ᐊᑑᑎᖃᓪᓗᐊᑕᕐᒥᔪᖅ ᐱᖃᓯᐅᑎᑦᓱᓂ ᐃᓗᓕᑦᓴᖓᓐᓂᒃ ᑲᒪᒍᓐᓇᑦᓯᐊᕐᓂᖅ ᐱᓕᒻᒪᑦᓯᒪᓂᕐᓗ  ᖃᕆᑕᐅᔭᒃᑯᑦ ᑮᓇᐅᔭᓕᕆᔾᔪᑎᓄᑦ ᑲᑎᖅᓱᐃᓂᕐᒧᑦ ᐊᑐᖅᑕᐅᓲᓂᒃ. ᑐᑭᓯᐅᒪᑦᓯᐊᕐᓂᖅ ᑮᓇᐅᔭᓕᕆᓂᕐᒧᑦ ᐊᑐᐊᒐᕐᓂᒃ, ᐃᖅᑲᓇᐃᔭᖅᑐᓕᕆᓂᕐᒥᒃ, ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒥᒃ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᑦᑕ ᑐᙵᕕᖏᓐᓂᒃ ᐃᑲᔪᖅᓯᓂᖃᖅᑐᑦ ᖃᐅᔨᒪᓃᑦ ᓄᓇᕗᑦᒥ ᓇᒻᒥᓂᖃᖅᑐᓂᒃ ᐃᑲᔫᑎ ᐊᑐᐊᒐᖓᓂᒃ ᐊᒻᒪᓗ ᑐᑦᑕᕐᕕᐳᔪᓄᑦ ᒪᓕᒐᐃᑦ ᑐᙵᕕᐅᔪᑦ ᐊᑑᑎᖃᕐᓂᐊᕐᔪᑦ ᐃᖅᑲᓇᐃᔮᒧᑦ. ᐃᖅᑲᓇᐃᔭᖅᑎ ᒪᑐᐃᖔᑦᓯᐊᕆᐊᓕᒃ ᐊᓯᔾᔨᕆᐊᓕᓐᓄᑦ ᐊᐅᓚᔾᔭᒋᐊᓴᐅᖅᑐᕈᓐᓇᕐᓗᓂ ᐅᐃᔾᔮᖅᑐᓄᑦ ᓯᕗᓪᓕᐅᑎᒋᐊᓕᓐᓄᑦ, ᐊᐅᓚᔾᔭᒋᐊᖅᐸᓪᓗᓂ ᓈᒻᒪᓈᖅᓯᒪᔪᒃᑯᑦ ᐊᑦᓱᕈᕐᓇᖅᑐᑎᒍᑦ, ᐱᕙᓪᓕᐊᑎᑦᓯᓗᓂ ᐊᑐᓕᖅᑎᑦᓯᓗᓂᓗ ᓄᑖᕐᓂᒃ ᓯᕗᒧᑦ ᑐᕌᖅᓱᑎᒃ ᐃᓱᒻᒪᓯᐅᔪᓄᑦ, ᐃᖅᑲᓇᐃᔭᖅᑎᒻᒪᕆᐅᓗᓂ ᓯᕗᓕᑦᓯᐊᕐᓗᓂᓗ ᐃᓄᓐᓄᑦ ᐱᓕᕆᖃᑎᒌᑦᑐᓄᓪᓗ ᑎᑭᐅᑎᒪᒍᒪᔭᖏᓐᓄᑦ ᑎᑭᐅᑎᖃᑎᒌᑦᑎᑦᓯᓂᕐᒧᑦ. ᐅᖃᕈᓐᓇᑦᓯᐊᕐᓂᖅ ᑎᑎᕋᕈᓐᓇᑦᓯᐊᕐᓂᕐᓗ.

ᐱᔪᓐᓇᕐᓂᐅᔪᑦ ᑖᑦᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᓲᑦ ᐱᔭᕇᕐᓂᒃᑯᑦ ᐃᓕᑕᕆᔭᐅᓯᒪᔪᒥ ᓯᓚᑦᑐᓴᕐᕕᔾᔪᐊᕐᒥ ᐃᓕᓐᓂᐊᖅᓯᒪᓗᓂ ᐱᓇᓱᐊᕐᕕᒻᒥᒃ ᐊᐅᓚᑦᓯᓂᕐᒥᒃ, ᑮᓇᐅᔭᓕᐅᕐᓂᕐᒥᒃ, ᑮᓇᐅᔭᓂᒃ, ᑮᓇᐅᔭᓕᕆᔾᔪᑎᓂᒃ, ᖃᑭᒪᓇᓱᐊᕐᓂᕐᒥᒃ ᐅᕝᕙᓗ ᐊᓯᖏᓐᓂᒃ ᐊᑦᑐᐊᓂᖃᖅᑐᓂᒃ ᑲᒪᒋᔭᕆᐊᓕᓐᓄᑦ ᐃᖅᑲᓇᐃᔮᕐᒥ. ᐊᑖᓂᐅᙱᑦᑐᖅ ᐊᕐᕌᒍᐃᑦ ᓯᑕᒪᑦ ᑮᓇᐅᔭᓕᕆᔨᐅᓯᒪᒋᐊᓕᒃ ᐊᕐᕌᒎᓐᓂᓪᓗ ᒪᕐᕉᓐᓂᒃ ᐊᖓᔪᖅᑳᖑᓯᒪᓗᓂ.

ᐃᓕᑕᕆᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥ ᐃᓄᒃᑐᑦ, ᐃᓄᐃᓐᓇᖅᑐᑦ, ᖃᓪᓗᓈᑎᑐᑦ ᐅᐃᕕᑎᑐᓪᓗ. ᐅᖃᕆᓐᓇᑦᓯᐊᕐᓂᖅ ᐃᓄᒃᑯᑦ ᐃᓄᐃᓐᓇᖅᑐᓪᓘᓐᓃᖅ ᐊᑑᑎᓕᒃ.  

ᐊᔾᔨᒐᓚᖏᓐᓂᒃ ᐃᓗᓕᖃᖅᑐᑦ ᓈᒻᒪᒋᔭᐅᔪᓂᒃ ᑲᑎᓯᒪᔪᓂᒃ ᐃᓕᓐᓂᐊᕐᓂᕐᒥᒃ, ᐱᓕᒻᒪᑦᓯᒪᓂᖅ, ᖃᐅᔨᒪᓂᖃᕐᓂᖅ, ᐱᔪᓐᓇᕐᓃᓪᓗ ᐃᓱᒪᒋᔭᐅᖃᓯᐅᑎᑐᐃᓐᓇᕆᐊᓖᑦ.

ᖃᐅᔨᒪᓂᖅ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᕗᒻᒥ ᓄᓇᓕᓐᓂᒃ, ᐱᖅᑯᓯᕐᒥᒃ, ᓄᓇᒥᒃ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᑑᑎᓕᒃ.

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ