ᐅᖃᓚᐅᑎᓯᐅᑏᑦ

You are here

ᐊᖓᔪᖅᑳᖅ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᑦᓴᓄᑦ

ᓄᓇᓕᒃ: 
ᖃᐅᓱᐃᑦᑐᒥᑦ
ᓇᓗᓇᐃᒃᑯᑕᖓ: 
10-02-260-100-JA
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$116,454.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$28,477.00

ᐃᓪᓗᒥᐅᖃᑎᖃᕋᔭᖅᑐᖅ ᐃᖅᑲᓇᐃᔭᖅᑎᓄᑦ ᐃᓪᓗᖃᑎᑕᐅᓂᕐᒧᑦ

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᓯᓂᐊᖏᒃᑲᓗᐊᕐᒪᖔᖅᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᖓᔪᖅ ᐆᒃᑐᕈᒪᔪᓕᒫᓄᑦ.

ᐊᖓᔪᖅᑳᖃᕐᓗᓂ ᑐᑭᒧᐊᑦᑎᑦᓯᔨᖓᓄᑦ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᑦᓴᓄᑦ; ᐊᖓᔪᖅᑳᖅ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᑦᓴᓄᖅ (SHP) ᐊᑐᐃᓐᓇᐅᑎᑦᓯᓂᐊᖅᑐᖅ ᓯᕗᓕᖅᑎᐅᓂᕐᒧᑦ, ᑐᑭᒧᐊᑦᑎᑦᓯᓂᕐᒧᑦ ᐃᑲᔪᖅᑐᐃᓂᕐᒧᓪᓗ ᐃᓘᓐᓇᖏᓐᓂᒃ ᐋᓐᓂᐊᖅᑐᓕᕆᓂᕐᒧᑦ ᐃᖅᑲᓇᐃᔭᖅᑎᓄᑦ. ᐊᖓᔪᖅᑳᖅ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᑦᓴᓄᑦ ᐃᖅᑲᓇᐃᔭᖃᑎᖃᕐᓂᐊᖅᑐᖅ ᓄᓇᓕᓐᓂ ᐋᓐᓂᐊᓯᐅᖅᑎᓂᑦ (CHNs), ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑭᒡᒐᖅᑐᐃᔨᓂᑦ ᐊᓯᖏᓐᓂᓪᓗ ᐋᓐᓂᐊᓯᐅᖅᑎᓕᕆᔨᒻᒪᕆᓐᓂᓪᓗ ᐊᑐᐃᓐᓇᐅᑎᑦᓯᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᐅᑎᓂᑦ ᓄᓇᓕᓕᒫᓄᑦ ᐱᔨᑦᓯᕋᖅᑕᐅᔪᓄᑦ ᒪᓕᓪᓗᒍ ᐋᖅᑭᑦᑕᐅᓯᒪᔪᖅ ᒪᓕᒐᑦᓴᖏᑦ ᐋᓐᓂᐊᓯᐅᖅᑎᓄᑦ ᐊᑐᖅᑕᐅᖃᑦᑕᖅᑐᓄᑦ ᐃᓱᒪᒋᔭᐅᔪᓄᓪᓗ ᑐᕌᒐᒃᓴᖏᓐᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ. ᐃᖅᑲᓇᐃᔭᖅᑏᑦ ᐃᖅᑲᓇᐃᔮᖅᑖᖅᑐᑦ ᐋᓐᓂᐊᓯᐅᖅᑎᙳᕆᐅᖅᓴᔪᓄᑦ (NPs) ᐊᑐᐃᓐᓇᐅᑎᑦᓯᓂᐊᖅᑐᑦ ᐋᓐᓂᐊᕐᕕᒻᒥ ᐃᑲᔪᖅᑐᐃᓂᕐᒧᑦ ᑐᑭᒧᐊᑦᑎᑦᓯᓂᕐᒧᓪᓗ ᓄᓇᓕᓐᓂ ᐋᓐᓂᐊᓯᐅᖅᑎᓂᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᓕᕆᖃᑎᒌᑦ ᐱᓯᒪᑦᓯᓂᕐᒧᑦ ᐃᓕᓐᓂᐊᕐᓂᕐᒧᑦ ᐊᑐᐃᓐᓇᐅᓂᕐᒧᑦ ᐋᓐᓂᐊᓯᐅᖅᑎᙳᕆᐅᖅᓴᔪᓄᑦ ᐱᓕᕆᔪᓐᓇᕐᓂᖓᓃᑉᐸᑦ.

ᑖᓐᓇ ᐊᖓᔪᖅᑳᖑᓂᐊᖅᑐᖅ ᐋᓐᓂᐊᕐᕕᒻᒥ, ᑲᒪᒋᔭᖃᕆᐊᓕᒃ ᐊᐅᓚᑦᓯᓂᕐᒧᑦ ᐊᑐᐃᓐᓇᐅᑎᑦᓯᓂᕐᒧᓪᓗ ᐋᓐᓂᐊᕐᕕᒻᒥ ᐊᓪᓚᕝᕕᓕᕆᓂᕐᒧᓪᓗ ᖃᐅᔨᓴᕐᓗᓂ ᐱᓕᒻᒪᑦᓴᖅᑎᑦᓯᓂᕐᒧᓪᓗ ᓄᓇᓕᓐᓂ ᐋᓐᓂᐊᓯᐅᖅᑎᓂᑦ ᐃᑲᔪᖅᑐᐃᓂᕐᒧᓪᓗ ᐃᖅᑲᓇᐃᔭᖅᑎᓂᑦ. ᐊᖓᔪᖅᑳᖅ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᑦᓴᓄᑦ ᐊᐅᓚᑦᑎᖃᑦᑕᕐᓂᐊᖅᑐᖅ ᐅᔾᔨᕐᓇᖅᑐᓂ ᑮᓇᐅᔭᓂ ᐊᑐᖅᑐᒃᓴᓂ ᑮᓇᐅᔭᓕᕆᓐᓇᐅᑉ ᐊᕐᕌᒍᖓᓂ ᒪᓕᒡᓗᓂ ᓈᒪᔪᓂ ᐋᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᐅᑎᓂᒃ ᓄᓇᓕᖕᓂ. ᐊᐅᓚᑦᑎᓂᖅ ᓇᓗᓇᐃᖅᑕᐅᓯᒪᔪᓂ ᑮᓇᐅᔭᓂ ᐊᑐᖅᑐᒃᓴᓂ, ᐊᖓᔪᖅᑳᖅ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᑦᓴᓄᑦ ᐊᑐᖃᑦᑕᕆᐊᖃᕐᓂᐊᖅᑐᖅ ᐃᓱᒪᒃᓴᖅᓯᐅᑦᑎᐊᕐᓂᕐᒥᒃ ᓴᓂᕐᕙᐃᕙᓪᓕᐊᑎᓪᓗᒍ ᑮᓇᐅᔭᖁᑎᓂᒃ ᓈᒻᒪᓛᒃᑯᑦ. ᐊᖓᔪᖅᑳᖅ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᑦᓴᓄᑦ ᐃᑲᔪᖅᓱᐃᖃᑦᑕᕐᓂᐊᖅᑐᖅ ᒪᓕᒋᐊᓕᖕᓂ ᐱᐅᔪᓂ ᓄᓇᓕᖕᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᐊᒃᓴᓂ.

ᖃᐅᔨᒪᔭᖏᑦ, ᐊᔪᙱᑕᖏᑦ ᐱᓕᕆᔪᓐᓇᕐᓂᖏᓪᓗ ᐱᔭᕆᐊᖃᖅᑐᑦ ᑖᑦᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᑦᑐᑦ ᐱᔭᕇᕈᓯᐊᖅ ᓯᕗᓪᓕᖅ ᐋᓐᓂᐊᓯᐅᖅᑎᐅᓂᕐᒧᑦ ᐋᓐᓂᐊᓯᐅᖅᑎᐅᓂᕐᒧᓪᓘᓐᓃᑦ ᐱᔭᕇᕈᓯᐊᖅᒥ ᑕᓪᓕᒪᓄᑦ ᐊᕐᕌᒍᓄᑦ (5) ᐋᓐᓂᐊᓯᐅᖅᑎᐅᓯᒪᓗᓂ ᐊᑕᐅᓯᕐᒧᓪᓗ (1) ᐊᕐᕌᒍᒧ ᐅᑭᐅᖅᑕᖅᑐᒥ ᐋᓐᓂᐊᓯᐅᖅᑎᐅᓂᕐᒧᑦ, ᐊᒻᒪᓗ ᒪᕐᕉᓐᓄᑦ (2) ᐊᕐᕌᒍᓄᑦ ᐊᖓᔪᖅᑳᖑᖃᑦᑕᖅᓯᒪᓗᓂ.  ᐊᑎᓕᐅᖅᓯᒪᖃᑕᐅᔪᓐᓇᕐᓗᓂ ᐋᓐᓂᐊᓯᐅᖅᑏᑦ ᑲᑐᔾᔨᖃᑎᒌᖏᓐᓄᑦ ᓄᓇᑦᓯᐊᕐᒥ/ᓄᓇᕘᒥ. ᐱᔪᓐᓇᐅᑎᖃᕆᐊᖃᖅᑐᑎᑦ ᐃᓚᒋᔭᐅᑦᓯᐊᕐᓂᕐᒧᓪᓗ ᐋᓐᓂᐊᖅᓯᐅᖅᑎᓄᑦ ᑲᑐᔾᔨᖃᑎᒌᒃᑯᖏᓐᓄᑦ/ᓄᓇᕗᒻᒥᑦ. ᐋᓐᓂᐊᓯᐅᖅᑎᙳᕆᐅᖅᓴᔪᑦ ᐱᔭᕇᖅᓯᒪᔭᕆᐊᓖᑦ ᐋᓐᓂᐊᕐᕕᓕᐊᕆᐅᖅᑐᓄᑦ ᑲᒪᔨᐅᓂᕐᒧᑦ NP ᐅᕝᕙᓘᓐᓃᑦ

ᐃᓐᓇᖅ/ᐃᓚᒌᑦ, ᖃᓄᑐᐃᓐᓇᖅ ᐊᕌᒍᓕᓐᓄᑦ ᓇᓗᓇᐃᒃᑯᑕᕐᒥ.  ᐆᒻᒪᑎᓕᕆᓂᕐᒧᑦ ᐆᒪᑎᑦᑎᓇᓱᖕᓂᕐᒧᑦ ᐃᑲᔪᖅᑐᐃᔪᓐᓴᕐᓂᖅ ᐊᕐᕌᒍᑕᒫᓪᓗ ᓄᑖᖑᕆᐊᖅᑎᑦᓯᓂᕐᒧᑦ ᐱᒻᒪᕆᐊᓘᕗᖅ.

ᐱᓯᒪᔪᑦ ᐊᑕᐅᓯᕐᒥ ᐅᖓᑖᓄᓪᓘᓐᓃᑦ ᐅᑯᓂᖓ ᐱᕚᓪᓕᕈᑕᐅᓇᔭᖅᑐᑦ: ᐊᔪᕐᓇᕐᓂᖅᓴᖅ ᐆᒻᒪᑎᓄᑦ ᑎᒡᓕᖅᑎᕈᑎᓄᑦ ᑲᑉᐳᔾᔭᖅ, ᓄᑕᕋᓛᓄᑦ ᐊᓂᖅᓵᖅᑑᑎᓄᑦ ᑲᑉᐳᔾᔭᖅ, ᐊᓂᖅᑎᕆᔪᓐᓃᖅᑐᓄᑦ ᐊᓂᖅᓵᖅᑎᑦᑎᒃᑲᓐᓂᕐᓂᕐᒧᑦ ᐱᓕᕆᐊᖅ, ᐃᕐᓂᓱᒃᑐᓕᕆᓂᖅ ᖁᐊᖅᓵᕐᓇᖅᑎᑦᑎᑦᑕᐃᓕᒪᓂᕐᓗ, ᑐᐊᕕᕐᓇᖅᑐᓕᕆᓂᕐᒧᑦ ᓄᑕᖅᑲᓂᒃ ᐃᖢᐊᖅᓴᐃᔨᐅᔪᓐᓇᖅᓯᓂᕐᒧᑦ ᐃᓕᓐᓂᐊᒐᒃᓴᖅ ᐊᒻᒪᓗ/ᐅᕝᕙᓗᓃᑦ ᕿᒃᓵᒃᑐᓄᑦ/ᐃᓱᒪᒃᑯᑦ ᐋᓐᓂᖅᑐᓄᑦ ᐃᖢᐊᖅᓴᐃᔨᙳᖅᓴᓂᖅ. ᐋᓐᓂᐊᓯᐅᖅᑎᙳᕆᐅᖅᓴᔪᓄᑦ, ᐊᑕᐅᓯᕐᒧ (1) ᐊᕐᕌᒍᒧ ᐋᓐᓂᐊᓯᐅᖅᑎᙳᕆᐅᖅᓴᖅᓯᒪᓂᖓ ᐊᑲᐅᓇᔭᖅᑐᖅ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑎᑐᑦ ᐅᐃᕖᑎᑐᓪᓗ.  ᑐᓴᐅᒪᑎᑦᑎᔪᓐᓇᖅᐸᑦᓄᓇᕗᒻᒥ ᐅᖃᐅᓯᖅᑕᕆᔭᐅᔪᓂᒃ ᐊᑕᐅᓯᐅᖏᑐᒥᒃ ᐃᑲᔫᑎᖃᑦᑎᐊᕋᔭᖅᐳᖅ. ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖕᓂᑦ, ᐱᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᕚᓪᓕᕈᑕᐅᒐᔭᖅᐳᖅ. 

ᐅᓪᓗᓕᒫᖅᐸᒃᑐᓄᑦ, ᐃᖅᑲᓇᐃᔭᐃᓐᓴᕐᓂᐊᓕᖅᑐᓄᑦ ᐋᓐᓂᐊᓯᐅᑎᓄᑦ, ᐃᖅᑲᓇᐃᔭᖅᑎᑕᐅᓕᕐᓂᕐᒧᑦ ᖄᒃᑲᓐᓂᐊᒍᑦ ᐱᔭᐅᕙᒃᑐᑦ ᐅᑯᐊᖑᕗᑦ: $5,000.00-ᓂᒃ ᐅᓪᓗᐊᓂ ᐱᒋᐊᕐᕕᖓᓂ, $5,000.00−ᓂᒃ 18−ᓂᒃ ᑕᖅᑭᓂᒃ ᐃᖅᑲᓇᐃᔭᖅᓯᒪᓕᕈᑎᒃ, $10,000.00−ᓂᒡᓗ 30−ᓂᒃ ᑕᖅᑭᓂᒃ ᐃᖅᑲᓇᐃᔭᖅᓯᒪᓕᕈᑎᒃ. ᐃᓚᓕᐅᔾᔭᐅᓯᒪᒃᑲᓐᓂᖅᑐᑦ ᐱᔭᐅᒃᑲᓐᓂᖅᐸᒃᑐᑦ ᐃᓚᖃᖅᐳᑦ $9,000.00−ᓂᒃ ᐊᕐᕌᒍᑕᒫᑦ ᐱᓕᕆᓯᒋᐊᖅᑳᖅᐸᖕᓂᕐᒧᑦ ᐱᑎᑕᐅᒃᑲᓐᓂᖅᐸᒃᑐᒥᒃ, ᐊᒻᒪᓗ $375.00−ᑲᓐᓂᕐᓂᒃ ᑕᖅᑭᑕᒫᑦ ᑕᐃᑲᓃᙱᓐᓇᕐᓂᕐᒧᑦ ᐱᔭᐅᒃᑲᓐᓂᖅᐸᒃᑐᓂᒃ, ᑲᑎᖦᖢᒋᑦ $4,500.00−ᖑᓪᓗᑎᒃ ᐊᕐᕌᒍᑕᒫᑦ.

ᐊᔪᙱᑦᑐᑦ ᐊᑎᓕᐅᖅᑕᐅᑐᐃᓐᓇᕆᐊᖃᖅᐳᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᖅ ᐃᓐᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᔪᒃᓴᓂᒃ.

_____________________________________________________________________________________________

ᐱᓇᔪᒍᒪᒍᕕᑦ ᐃᖅᑲᓇᐃᔮᒃᓴᒧᑦ, ᓇᒃᓯᐅᑎᓗᒍ ᐃᕐᙲᓐᓈᖅᑕᐅᒃᑯᑦ ᑎᑎᖅᑲᖃᕐᓗᓂᓗ ᐃᖅᑲᓇᐃᔭᖅᑖᕋᓲᑏᑦ ᐅᕗᖓ health_baf_hr@gov.nu.ca. ᐃᓚᓕᐅᑎᓗᒍ ᓇᓗᓇᐃᒃᑯᑕᖓᑕ ᓈᓴᐅᑎᖓ ᐱᔾᔪᑎᒋᔭᖓᓄᑦ ᑎᑎᕋᖅᓯᒪᓂᖓᓄᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕕᒃᐱᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᖁᓪᓗᒋᑦ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖅᑳᖁᓪᓗᒋᑦ ᓄᓇᕗᒻᒥ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ ᐊᑐᐊᒐᖅ ᒪᓕᒃᖢᒍ.
  • ᐃᓚᖏᑦ ᐃᖅᑲᓇᐃᔮᒃᓴᑦ ᖃᐅᔨᓴᖅᑕᐅᔭᕆᐊᓖᑦ ᐱᕋᔭᓚᐅᖅᓯᒪᙱᒃᑲᓗᐊᒪᖔᑦ ᑎᑎᖅᑲᖁᑎᒥᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᙱᑎᑕᐅᑐᐃᓐᓇᕆᐊᓖᑦ ᐆᒃᑐᕈᒪᔪᓂ ᐃᓱᒪᒋᔭᐅᒃᑲᓐᓂᕐᓗᑎᒡᓗ.
  • ᐃᖅᑲᓇᐃᔮᒥᑦ ᐆᒃᑐᕈᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᑦᑕ ᐱᔪᒥᓴᐅᑎᖓᓂᑦ ᑐᓂᓯᔭᕆᐊᓕᒃ ᐅᖃᐅᓯᖅ ᓇᓕᐊᑐᐃᓐᓇᖅ ᐊᑐᕐᓗᒍ ᐃᓕᓴᕆᔭᐅᓯᒪᔪᓂᑦ.
  • ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᐱᔭᒃᓴᐅᔪᑦ ᓱᒃᑲᔪᒃᑯᑦ, ᐃᕐᖐᓐᓈᕈᑎᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.

 

ᑎᑎᕋᕐᕕᒋᓗᒍ:  ᐋᓐᓇᐊᖃᕐᓇᖏᑦᑐᓕᕆᔨᒃᑯᑦ, ᓄᓇᕗᑦ ᒐᕙᒪᖓᓂ
PO Box 304, Pangnirtung, Nunavut X0A 0R0
health_baf_hr@gov.nu.ca
ᓱᒃᑲᑦᑐᒃᑯᑦ: (867) 473-2665
ᐃᕐᖐᓇᖅᑕᐅᒃᑯᑦ: health_baf_hr@gov.nu.ca

Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ