ᐅᖃᓚᐅᑎᓯᐅᑏᑦ

You are here

ᐊᓪᓚᕝᕕᖕᒥ ᐃᓱᒪᑕᖅ, ᕿᑭᖅᑖᓗᖕᒥ

Community: 
ᐸᓐᓂᑦ`ᑐᖅᒥ
Reference number: 
10-505638
Union Status: 
Salary: 
$123,186 to $175,980
Northern Allowance: 
$19,077
Closing Date: 
ᐊᒃᑐᐸ 04, 2019

ᓇᓗᓇᐃᖅᑕᐅᓯᒪᓪᓗᓂ ᐋᓐᓂᐊᖅᓯᐅᕐᑎᓕᕆᔨᒃᑯᓐᓂ ᓯᕗᓕᖅᑎᒋᔭᐅᔪᖅ ᑖᔅᓱᒥᖓ ᐃᖅᑲᓇᐃᔮᖑᓕᕈᓐᓇᖅᑐᒥᒃ ᐃᓯᒪᓕᕈᓐᓇᕐᐳᖅ ᐃᖅᑲᓇᐃᔮᒥᓂ ᓯᕗᒻᒋᐊᕈᑎᒋᓯᒪᓕᕐᓂᐊᕐᓗᒍ ᐊᒻᒪᓗ ᓯᕗᓕᖅᑎᐅᓗᓂ ᐱᓕᕆᔨᐅᓕᕋᔭᖅᑐᓂ ᐱᐅᓯᑐᖃᒃᑯᑦ ᓈᒻᒪᒃᑐᑎᒍᑦ ᐱᓇᓱᐊᕈᓯᐅᕙᒃᑐᓂ ᐋᓐᓂᐊᕐᕕᓕᐊᖅᓯᒪᔪᓄᑦ ᐊᒻᒪᓗ ᐱᐅᓂᖅᐸᐅᔪᑎᒍᑦ ᑲᒪᒋᔭᐅᕙᓕᖁᓪᓗᒋᑦ ᐅᐱᒋᔭᐅᑦᓯᐊᖅᑑᓗᑎᒃ ᐱᐅᓯᒋᐊᖅᑎᑕᐅᕙᓪᓕᐊᓂᖏᑦ ᑲᔪᓯᒋᐊᖅᑎᑕᐅᓯᒪᐃᓐᓇᖅᑐᓄᑦ.

ᐊᕕᒃᑐᖅᓯᒪᓂᖖᒍᓚᐅᖅᓯᒪᓪᓗᓂ 1999-ᖑᑎᓪᓗᒍ, ᓄᓇᕗᑦ ᐊᕕᒃᑐᖅᓯᒪᓂᐅᒻᒪᑦ ᐱᐅᓯᑐᖃᕆᔭᐅᔪᐃᑦ ᐊᒻᒪᓗ ᐱᕙᓪᓕᐊᑎᑕᐅᓃᑦ ᓯᕗᒻᒧᒋᐊᖅᓯᒪᑎᑕᐅᔪᑦ ᑲᑎᓐᓂᖃᖅᑎᑕᐅᓯᒪᓂᖏᓐᓄᑦ. ᓄᓇᕗᒻᒥᐅᑦ ᐃᓄᖏᑦ ᓴᖖᒋᔪᒻᒪᕆᖕᒥᒃ ᐱᐅᓯᑐᖃᖃᕐᒪᑕ, ᐃᓚᒌᒃᑐᐃᑦ ᐅᐊᔭᐃᓐᓇᐅᔭᖅᐸᒃᓯᒪᓪᓗᑎᒃ ᐅᑭᐅᖅᑕᖅᑐᓕᒫᒃᑯᑦ ᐅᑭᐅᓄᑦ 4,000-ᓗᐊᓄᑦ.  ᑐᖖᒐᕝᕕᖃᖅᑎᑕᐅᓯᒪᓪᓗᑎᒃ ᐱᐅᓪᓚᕆᒃᑐᓄᑦ ᐱᐅᓯᑐᖃᕆᔭᐅᔪᓄᑦ, ᓄᓇᕗᒻᒥ ᒐᕙᒪᖓᑦ (GN) ᐸᕐᓇᒍᑎᖃᖅᐸᓪᓕᐊᕗᑦ ᐊᒃᖢᐃᑦᑑᓗᑎᒃ ᓯᕗᓂᒃᓴᖃᓕᖅᑎᑦᑎᓇᔭᕐᓂᕐᒥᓐᓄᑦ ᑮᓇᐅᔭᑎᒍᑦ ᕿᑐᕐᖏᐅᖅᑎᑦᑎᓂᕐᒥᓐᓂ ᖁᑦᑎᖕᓂᖅᐸᐅᔪᑎᒍ ᐱᐅᑦᑎᐊᖅᑐᓂᒃ ᐃᓕᓐᓂᐊᕐᓂᓕᕆᓂᐅᔪᓄᑦ, ᐋᓐᓂᐊᖃᕐᓇᖖᒋᑦᑐᓕᕆᔨᐅᔪᓄᑦ, ᐊᕙᑎᐅᔪᑉ ᒥᐊᓂᕆᔭᐅᓯᒪᓕᕐᓂᒃᓴᖓᑕ, ᐊᒻᒪᓗ ᐅᔭᕋᒃᑕᕆᐊᖅᑎᐅᔪᑦ ᐱᓕᕆᓂᕆᕙᒃᑕᖏᓂᒃ. ᑕᐃᒃᑯᐊ ᐃᓄᐃᑦ ᐊᑐᕐᓂᖃᒻᒪᕆᒃᑐᑎᒍᑦ ᐱᓕᕆᓂᖃᓕᕈᒪᔪᑦ ᖁᕕᐊᓇᖅᑑᓪᓗᓂ ᐊᕕᒃᑐᖅᓯᒪᓂᐅᔪᒥ ᐋᓐᓂᐊᖃᕐᓇᖖᒋᑦᑐᓕᕆᓂᕐᓄᑦ ᐱᓕᕆᔾᔪᑎᓄᑦ ᐃᓚᒋᔭᐅᓕᕈᒪᔪᑦ ᖁᕕᐊᒋᔭᖃᖃᑕᐅᓇᔭᖅᐳᑦ ᓄᓇᕗᒻᒥ ᓄᓇᖓᑕ ᑕᐅᑦᑐᕆᔭᖓᓂᒃ, ᓄᓇᓕᐅᔪᒥ ᐃᓅᓯᕆᔭᐅᔪᒥᒃ, ᐱᐅᓪᓚᕆᒃᑑᓪᓗᑎᒃ ᐃᓄᐃᑦ ᓴᓇᐅᒐᓕᐊᕆᕙᒃᑕᖏᓐᓂᒃ, ᐊᒻᒪᓗ ᐊᒥᓱᑲᓪᓚᒻᒪᕆᐅᔪᓂᒃ ᓯᓚᒥ ᖃᓄᐃᓕᐅᕐᓂᐅᕙᒃᑐᓄᑦ ᑐᕌᖓᔪᓂᒃ.

ᓄᓇᕗᒻᒥ ᒐᕙᒪᖓᑦ ᕿᓂᓕᖅᓯᒪᕗᑦ ᑮᓇᐅᔭᓕᕆᓂᕐᒥᒃ ᑲᒪᑦᓯᐊᕐᓂᖃᕈᓐᓇᖅᑑᓪᓗᓂ ᐊᓪᓚᕝᕕᖕᒥ ᐃᓱᒪᑕᐅᓕᕈᓐᓇᖅᑐᒥᒃ, ᕿᑭᖅᑖᓗᖕᒥ, ᐋᓐᓂᐊᖅᓯᐅᕐᑎᓕᕆᔨᒃᑯᑦ ᐃᖅᑲᓇᐃᔭᕐᕕᖓᓐᓂ. ᐊᖏᓂᖅᐸᐅᓪᓗᓂ ᓄᓇᖖᒍᐊᑎᒍᑦ ᓄᓇᕗᒻᒥ ᐊᕕᒃᑐᖅᓯᒪᓂᐅᒻᒪᑦ ᕿᑭᖅᑖᓘᑉ ᐊᒻᒪᓗ ᓇᑉᐸᓪᓗᐊᖓᓂᒃ ᑲᑎᓗᒃᑕᕐᓗᒋᑦ ᐃᓄᒋᐊᖕᓂᕆᔭᖏᓂᒃ ᓄᓇᕗᒻᒥ ᐃᓄᒋᐊᖕᓂᖄᖅᑑᕗᖅ, ᐃᓄᒋᐊᖕᓂᖃᖅᑑᓪᓗᓂ 19,000-ᓗᐊᓂᒃ. ᐃᖅᑲᓇᐃᔮᖃᕋᔭᖅᑐᑎᑦ ᐸᓐᓂᖅᑑᖅ, ᓄᓇᕗᒻᒥ, ᐊᒻᒪᓗ ᐃᓱᒪᑕᖃᕐᓗᑎᑦ ᒥᓂᔅᑕᐅᑉ ᑐᖓᓕᖓᑕ ᐃᑲᔪᖅᑎᒋᔭᖓᓂᒃ, ᐊᐅᓚᑕᐅᔪᓕᕆᓂᕐᓂᒃ ᐱᓕᕆᔨᐅᓗᑎᑦ, ᐊᐅᓚᑦᓯᓂᖃᕐᓗᑎᑦ ᑕᒪᐃᓐᓂᒃ ᐋᓐᓂᐊᖃᕐᓇᖖᒋᑦᑐᓕᕆᓂᕐᒥ ᐱᔨᑦᓯᕋᕈᑎᓂᒃ ᓄᓇᓕᖃᖅᑐᓄᑦ 11-ᖑᔪᓂ ᓄᓇᓕᐅᔪᓂ ᐊᕕᒃᑐᖅᓯᒪᓂᐅᔪᑉ ᐃᓗᐊᓂ, ᐊᒻᒪᓗ ᐊᕕᒃᑐᖅᓯᒪᓂᐅᔪᑉ ᓯᓚᑖᓂ ᐱᔨᑦᓯᕋᕈᑎᒋᔭᐅᔪᓂᒃ ᐱᔾᔪᑎᒋᓪᓗᒋᑦ ᕿᑭᖅᑖᓘᑉ ᐊᕕᒃᑐᖅᓯᒪᓂᖓᓂᕐᒥᐅᑦ ᓄᓇᓕᖃᖅᑐᑦ ᑲᓇᑕᒥ ᖃᓪᓗᓈᑦ ᓄᓇᖓᓐᓂ. ᐱᓗᐊᖅᑐᒥᒃ, ᐊᓪᓚᕝᕕᖕᒥ ᐃᓱᒪᑕᐅᓗᑎᑦ, ᓴᖅᑮᓯᒪᖃᑦᑕᕆᐊᖃᕐᓂᐊᕋᕕᑦ ᖁᑦᑎᖕᓂᖅᐸᐅᔪᑎᒍᑦ ᑲᒪᔨᖃᖃᑦᑕᕈᑎᒃᓴᖏᓐᒃ, ᑲᔪᓰᓐᓇᖅᑎᑕᐅᓯᒪᓂᖏᓐᓂᒃ ᐱᔨᑦᓯᕋᕈᑎᓄᑦ ᐱᐅᓯᒋᐊᖅᑎᑕᐅᓯᒪᓕᕐᓂᒃᓴᖏᑕ, ᐱᐅᓯᑐᖃᒧᑦ ᐋᖅᑭᒋᐊᖅᑕᐅᓯᒪᓪᓗᑎᒃ ᐋᓐᓂᐊᕐᓯᐅᕐᑎᓕᕆᔨᐅᔪᑦ ᐱᓇᓱᐊᕈᓯᕆᕙᒃᑕᖏᓂ, ᐅᐱᒍᓱᑦᑎᐊᕐᑐᓂᒃ ᐃᖅᑲᓇᐃᔭᖅᑎᐅᔪᑦ ᐱᓕᕆᖃᑎᒌᒃᐸᒐᔭᕐᓂᖏᓐᓄᑦ, ᐊᒻᒪᓗ ᑮᓇᐅᔭᓕᕆᔾᔪᑎᐅᔪᑦ ᓴᖅᑭᑕᐅᕙᓐᓂᐊᕐᓂᖏᑕ ᐱᔨᑦᓯᕋᕈᑎᔅᓴᓂᒃ ᐱᑕᖃᖅᑎᑦᓯᓯᒪᓂᐅᔪᓄᑦ.

ᓄᓇᓕᐅᔪᒥ ᐱᓕᕆᐊᖑᔪᑦ ᐱᓕᕆᐊᕆᕙᓐᓂᐊᖅᑕᕐᐱᑦ ᐃᓗᐊᓃᖃᑕᐅᔪᑦ ᐃᓚᖃᕐᑎᑕᐅᓂᐊᖅᐳᑦ ᐋᓐᓂᐊᖅᓯᐅᕐᑎᓂᑦ ᑲᒪᒋᔭᐅᕙᒃᑐᓂᑦ, ᑭᒃᑯᑐᐃᓐᓇᐃᑦ ᐋᓐᓂᐊᖃᓕᖅᑕᐃᓕᒪᔾᔪᑎᖏᓂᒃ, ᐃᓱᒪᒃᑯᑦ ᐋᓐᓂᐊᖃᓕᖅᑕᐃᓕᒪᓂᕐᒥ ᐱᓕᕆᔾᔪᑎᓂᒃ, ᐋᓐᓂᐊᖃᓕᖅᑕᐃᓕᒪᓂᕐᒥ ᒥᐊᓂᖅᓯᓯᒪᔾᔪᑎᐅᔪᓂᒃ ᐊᒻᒪᓗ ᐋᓐᓂᐊᖃᓕᖁᔨᖖᒋᓐᓂᕐᒧᑦ ᖁᕝᕙᖅᑎᑕᐅᒋᐊᖅᓯᒪᕙᒃᑐᓂᒃ. ᐊᕕᒃᑐᖅᓯᒪᓂᐅᔪᑉ ᓯᓚᑖᓂ ᐱᔨᑦᓯᕋᕈᑎᒃᓴᐃᑦ ᐃᓚᖃᕐᓂᐊᖅᐳᑦ ᖃᐅᔨᒪᔨᒻᒪᕆᐅᓗᑎᒃ ᐋᓐᓂᐊᕐᓯᐅᕐᑎᓕᕆᔨᓂᑦ ᑲᒪᔨᖃᖅᑎᑕᐅᕙᓐᓂᕐᓂᒃ ᐊᒻᒪᓗ ᖃᐅᔨᓴᕈᑎᐅᕙᒃᑐᓂᒃ ᐊᑐᐃᓐᓇᐅᖖᒋᑦᑐᑎᒍᑦ ᐅᑭᐅᖅᑕᖅᑐᒥ. ᐊᑯᓃᕐᓂᖅᓴᒧᐊᖑᔪᓂᒃ ᕿᒥᕐᕈᓗᓂ ᐱᓕᕆᔪᓐᓇᓕᖅᑎᑦᑎᒋᐊᕐᐸᒃᓗᑎᑦ ᓄᓇᓕᐅᔪᒥ ᑎᒥᖁᑎᒋᔭᐅᔪᓂᒃ ᓴᖅᑮᔨᐅᕙᒃᑐᓂᒃ ᐋᓐᓂᐊᖅᓯᐅᕐᑎᓕᕆᓂᕐᒥ ᐱᓕᕆᐊᖑᔪᓂᒃ, ᐋᖅᑭᒃᓱᐃᔨᐅᕙᒃᓗᑎᑦ ᓴᖖᒋᓂᖃᖅᑐᑎᒍᑦ ᓄᓇᓕᐅᔪᒥ ᐋᓐᓂᐊᕐᓯᐅᖅᑎᓕᕆᔾᔪᑎᒃᓴᓂᒃ ᐱᑕᖃᖅᑎᑦᑎᓯᒪᕙᒃᑐᓂᒃ ᐃᑲᔪᕈᑎᒃᓴᓂᒃ ᐱᓕᕆᔾᔪᑎᒃᓴᐅᔪᓄᑦ, ᐊᒻᒪᓗ ᐱᓇᓱᐊᕈᓰᒃ ᒪᕐᕉᒃ ᓈᓯᒪᓕᕌᖓᑕ ᑐᑭᒧᐊᒍᑎᒃᓴᓂᒃ ᖃᐅᔨᒪᓂᐅᔪᓄᑦ ᐊᒥᖅᑲᖃᐊᑎᒌᓐᓂᕐᓂᒃ ᐱᓕᕆᖃᑎᖃᖅᐸᓪᓗᑎᑦ ᐃᓱᒪᑕᒻᒪᕆᒋᔭᐅᔪᓂᑦ ᐊᒻᒪᓗ ᑕᐃᒃᑯᓇᖖᒐᑦ ᐊᐅᓚᑦᓯᓂᖃᖅᑎᐅᔪᓂᒃ ᐅᓪᓗᑕᒫᑦ ᐊᐅᓚᑦᓯᓂᖃᖅᐸᓐᓂᕐᓂ ᓄᓇᓕᐅᔪᒥ ᐋᓐᓂᐊᕐᕕᖕᓂ. ᐱᓕᕆᓂᖃᕆᐊᖃᕋᔭᕐᒥᔪᑎᑦ ᐃᓄᐃᑦ ᐃᓅᖃᑎᒌᒃᑐᓂᑦ ᐊᑐᕐᓂᖃᖅᑎᑕᐅᔪᑦ ᐃᓕᔭᐅᓯᒪᖃᑕᐅᓕᖁᓪᓗᒋᑦ ᐃᖅᑲᓇᐃᔭᕐᕕᒻᒥ ᐃᓕᖅᑯᓯᖃᕈᓯᐅᕙᒃᑐᓂ ᐊᒻᒪᓗ ᐅᓪᓗᑕᒫᑦ ᐊᐅᓚᑦᓯᓂᕆᔭᐅᕙᒃᑐᓂ.

ᑖᓐᓇ ᐃᖅᑲᓇᐃᔮᖑᓕᕈᓐᓇᕐᑐᖅ ᐃᓂᒋᔭᐅᓕᕈᓐᓇᕐᒪᑦ ᐋᓐᓂᐊᖅᓯᐅᕐᑎᓕᕆᓂᕐᒥ ᐃᓱᒪᑕᕆᔭᐅᔪᒧᑦ ᖃᐅᔨᒪᔭᐅᑦᑎᐊᖅᑑᓪᓗᓂ ᐱᐅᓪᓚᕆᒃᑐᑎᒍᑦ ᓯᕗᓕᖅᑎᒋᐅᔪᓐᓇᕐᓂᖓᓂᒃ ᐊᒻᒪᓗ ᐱᓕᕆᖃᑎᖃᕈᒪᑦᑎᐊᖅᑐᒥᑦ ᐊᕕᒃᑐᖅᓯᓂᐅᔪᓂ ᐋᓐᓂᐊᖅᓯᐅᕐᑎᓕᕆᓂᕐᒥ ᐱᓕᕆᔨᒋᔭᐅᔪᓂᒃ ᐊᒻᒪᓗ ᓄᓇᓕᒋᔭᐅᔪᓂᒃ ᓇᓂᓯᓯᒪᓕᕋᓱᐊᕐᓂᕐᒥ ᐱᔭᕆᑐᔫᓪᓗᑎᒃ ᐱᓕᕆᐊᒃᓴᕆᔭᐅᓕᖅᓯᒪᔪᓄᑦ ᐊᒻᒪᓗ ᐱᕙᓪᓕᐊᔪᓕᕆᓂᐅᔪᓄᑦ. ᐊᐅᓚᑦᓯᔨᒋᔭᐅᓇᔭᖅᐳᑎᑦ ᑐᑭᒧᐊᒃᑎᑦᑎᔨᐅᖃᑎᒌᓂᒃ, ᐊᐅᓚᑦᓯᔨᓂᒃ ᐊᒻᒪᓗ ᐃᓱᒪᑕᐅᔪᒧᑦ ᑎᑎᕋᖅᑎᒋᔭᐅᔪᒥᒃ, ᑐᑭᒧᒃᕕᒃᓴᓂᒃ ᓇᓗᓇᐃᖅᓯᔨᐅᕙᒃᓗᑎᑦ ᐊᒻᒪᓗ ᑐᑭᒧᐊᒃᑎᒋᔭᐅᕙᒃᓗᑎᑦ ᐱᓕᔾᔪᕋᕈᑎᓂᒃ ᓴᖅᑮᓯᒪᓕᖅᐸᓐᓂᕐᓄᑦ, ᐊᐅᓚᔾᔭᐃᒋᐊᖃᑦᑕᕐᑎᐅᓂᕐᒧᑦ ᐊᒻᒪᓗ ᐱᓕᕆᖃᑎᒋᕙᒃᒃᓗᒋᑦ ᐃᖅᑲᓇᐃᔭᖅᑎᐅᔪᑦ ᑎᑭᒪᓕᕋᓱᐊᕐᕕᒋᔭᖏᓐᓄᑦ ᐱᓕᕆᐊᒥᓐᓂ, ᐊᒻᒪᓗ ᐊᐅᓚᑦᓯᔨᐅᓗᑎᑦ ᑮᓇᐅᔭᖁᑎᒃᓴᕆᔭᐅᔪᓂᒃ ᐊᐅᓚᑦᓯᓂᕐᒧᑦ $72‑ᒥᓕᐊᓐᑖᓚᓂᒃ. ᓴᖖᒋᓂᖃᑦᑎᐊᖅᑐᑎᒍᑦ ᐊᐅᓚᑦᓯᔨᐅᔪᓐᓇᕆᐊᖃᖅᐳᑎᑦ ᐊᒻᒪᓗ ᐸᕐᓇᐅᑎᓕᐅᕈᓐᓇᕐᓂᕐᒥ ᐊᔪᖖᒋᓐᓂᖃᖅᑑᓗᑎᑦ ᐱᓕᕆᐊᕆᔪᓐᓇᕈᑎᒋᓂᐊᕐᓗᒋᑦ ᐊᖏᒡᓕᕙᓪᓕᐊᓪᓗᑎᒃ ᐋᓐᓂᐊᕐᓯᐅᕐᑎᓕᕆᓂᕐᒥ ᐱᓕᕆᔾᔪᑎᐅᕙᒃᑐᓂᒃ ᐊᒻᒪᓗ ᐊᒃᑐᐃᓯᒪᓂᖃᖅᐸᓐᓂᖏᑕ ᐊᓯᔾᔨᖅᓯᒪᓕᕐᓂᐅᔪᓄᑦ ᐱᓕᕆᐊᖑᕙᒃᑐᓂ. ᑕᒪᒃᑯᐊ ᐃᓚᖃᕋᔭᖅᐳᑦ ᑎᑎᕋᖅᑎᐅᕙᓐᓂᕐᒧᑦ ᑐᑭᓯᒋᐊᕈᑎᒃᓴᓂᒃ ᑎᑎᖅᑲᓂᒃ, ᐋᖅᑭᒃᓱᐃᕙᓐᓂᕐᒧᑦ ᐱᓕᕆᐊᖃᕈᑎᒃᓴᓂᒃ, ᐊᒻᒪᓗ ᑐᑭᓯᒋᐊᕐᕕᒃᓴᖁᑎᓂᒃ ᐊᑐᕈᓐᓇᕐᓂᕐᒥᒃ ᑐᓴᐅᒪᓕᖅᑎᑦᑎᔾᔪᑎᒋᕙᓐᓂᐊᕐᓗᒋᑦ ᐸᕐᓇᐃᕙᓪᓕᐊᔨᐅᔪᑦ ᐊᒻᒪᓗ ᐃᓱᒪᓕᐅᕈᑎᓕᐅᖅᑎᐅᕙᒃᑐᑦ.

ᒪᓕᒃᑕᐅᑎᓪᓗᒋᑦ ᓄᓇᕗᑦ ᒐᕙᒪᖓᑕ (GN) ᐱᓕᕆᐊᒃᓴᕆᔭᖏᓄᑦ ᐋᖅᑭᒃᓱᐃᓂᕐᒥᒃ ᑭᒃᑯᑐᐃᓐᓇᓄᑦ ᐱᔨᑦᓯᕋᕈᑎᒃᓴᓂᒃ ᐱᔾᔪᑎᒋᓯᒪᓂᐊᕐᓗᒋᑦ ᐃᓅᖃᑎᒌᒃᑐᐃᑦ (85% ᐃᓅᓪᓗᑎᒃ) ᓄᓇᕗᒻᒥᐅᑦ, ᓯᕗᓪᓕᖅᐸᐅᑎᖃᑕᐅᓗᒋᑦ ᐊᓪᓚᕝᕕᖕᒥ ᐃᓱᒪᑕᐅᓂᕐᓂ ᐱᓕᕆᐊᒃᓴᕆᔭᕐᓄᑦ ᐃᖅᑲᓇᐃᔭᕐᕕᒻᒥ ᐃᓄᐃᑦ ᐃᖅᑲᓇᐃᔭᖅᑎᒋᔭᐅᓂᖏᓐᓄᑦ ᐸᕐᓇᐅᑎᓕᐊᖑᓯᒪᔪᑦ ᐊᑐᓕᖅᑎᑕᐅᓯᒪᓕᕐᓂᒃᓴᖏᓂᒃ ᐱᓕᕆᓂᖃᓕᖅᑎᑦᑎᓗᑎᑦ ᐊᕕᒃᑐᖅᓯᒪᓂᓕᒫᒥ ᐊᒥᓱᖖᒍᕆᐊᖅᑎᑕᐅᓯᒪᓕᖁᓪᓗᒋᑦ ᐱᓯᒪᓕᖅᑕᐅᔪᑦ ᐊᒻᒪᓗ

ᐃᖅᑲᓇᐃᔭᖅᑎᑖᕐᓯᒪᓕᖅᐸᓐᓂᐅᔪᑦ ᐃᓄᓐᓂᒃ. ᑕᒪᓐᓇ ᐊᑐᕐᓂᖃᒻᒪᕆᒃᑑᓪᓗᓂ ᐱᓕᕆᐊᖑᔪᒃᓴᐅᒻᒪᑦ ᐋᓐᓂᐊᕐᓯᐅᕐᑎᓕᕆᓂᕐᒧᑦ ᐱᔨᑦᓯᕋᕈᑏᑦ, ᑕᐃᒪᓕ, ᑭᒃᑯᑐᐃᓐᓇᕐᓄᑦ ᑲᒪᒋᔭᖃᑦᑎᐊᖅᐸᓕᖅᑎᑕᐅᖁᓪᓗᒋᑦ ᐊᒻᒪᓗ ᐱᐅᓯᑐᖃᒃᑯᑦ ᓈᒻᒪᒃᑑᑎᑕᐅᓯᒪᖁᓪᓗᒋᑦ.

ᐃᓱᒪᑕᐅᓪᓗᑎᑦ ᓯᕗᓕᖅᑎᐅᓂᕐᓂ, ᑎᓕᔭᐅᓯᒪᓕᖃᑦᑕᕐᓂᐊᕋᕕᑦ ᐱᓕᕆᔾᔪᑎᓕᕆᓂᕐᒧᑦ ᐃᓱᒪᒋᔭᖃᕆᐊᖃᖃᑦᑕᕐᓂᕐᒥᒃ ᐊᒻᒪᓗ ᐊᓯᖏᓂᒃ ᐱᓕᕆᕝᕕᖕᒥ ᑐᖖᒐᕝᕕᖁᑎᓕᕆᓂᐅᒧᓄᑦ ᐋᓐᓂᐊᖃᕐᓇᖖᒋᑦᑐᓕᕆᔨᐅᔪᑦ ᐃᓗᐊᓂ. ᐱᐅᓯᑐᖃᕐᒥᒃ ᖃᐅᔨᒪᑦᓯᐊᖅᑑᓂᒃᑯᑦ ᐱᓕᕆᓂᖃᕈᓐᓇᕐᓃᑦ ᐊᒻᒪᓗ ᐃᑉᐱᓐᓂᐊᕈᑎᒃᑯᑦ ᖃᐅᔨᒪᓂᖃᑦᑎᐊᕐᓂᑎᑦ ᐱᓕᕆᔾᔪᑎᒋᔪᓐᓇᕐᓂᐊᕐᓗᒋᑦ ᐱᒋᐊᖅᑎᑦᑎᓯᒪᓕᕋᔭᕐᓂᕐᒧᑦ ᐊᒻᒪᓗ ᐱᓯᒪᐃᓐᓇᕋᓱᐊᕈᑎᒃᓴᓂᒃ ᓴᖖᒋᓂᖃᑦᑎᐊᖅᑐᑎᒍᑦ ᐱᓕᕆᖃᑎᖃᖅᐸᓐᓂᐅᔪᓂᒃ, ᑐᑭᓯᓇᑦᓯᐊᖅᑐᑎᒍᓪᓗ ᑐᓴᐅᒪᑎᑦᑎᔪᓐᓇᕐᓗᑎᑦ ᐃᖅᑲᓇᐃᔭᕐᕕᐅᑉ ᐃᓗᐊᓂ ᐊᒻᒪᓗ ᓯᓚᑖᓂ ᑎᒍᒥᐊᖅᑎᒋᔭᐅᔪᓂᒃ, ᐊᒻᒪᓗ ᑐᑭᒧᐊᒃᑎᒋᔭᐅᕙᒃᓗᑎᑦ ᐅᖃᓪᓚᖃᑎᒌᖕᓂᐅᕙᒃᑐᓄᑦ ᑭᒃᑯᑐᐃᓐᓇᕐᓂᑦ ᐊᒻᒪᓗ ᑎᒥᒋᔭᐅᔪᓂᑦ. ᓯᕗᓕᖅᑎᐅᓪᓗᑎᑦ, ᐃᔾᔪᐊᕈᒥᓇᖅᑐᒃᑯᑦ ᐃᖅᑲᓇᐃᔭᖅᑎᐅᔪᓄᑦ ᐊᒻᒪᓗ ᑲᑐᔾᔾᔨᖃᑎᒌᖑᔪᓄᑦ ᐱᓕᕆᓂᖃᓕᖅᑎᑦᑎᔪᒪᓗᑎᑦ ᐱᐅᓂᖅᐸᐅᔪᑎᒍᑦ, ᐋᖅᑮᓯᒪᓕᕈᓐᓇᕐᓗᑎᑦ ᐊᒥᖅᑲᒐᐅᓯᒪᓪᓗᑎᒃ ᓂᕆᐅᓐᓂᕆᔭᐅᔪᓂᒃ ᓯᕗᓂᐅᓂᐊᖅᑐᒥ, ᐊᒻᒪᓗ ᐊᐅᒪᑦᓯᓂᖃᕈᓐᓇᕐᓗᑎᑦ ᐊᓯᔾᔨᖅᓯᒪᓂᐅᔪᓂᒃ ᑎᑭᓯᒪᓕᖁᓪᓗᒋᑦ ᑎᒥᒋᔭᐅᔪᑦ ᐸᕐᓇᐅᑎᓕᐊᕆᓯᒪᓪᓗᒋᑦ ᑐᕌᕐᕕᒃᓴᖁᑎᖏᓐᓄᑦ. ᐃᓅᓯᕐᓂ ᐱᓕᕆᔾᔪᓯᖃᖅᐸᓐᓂᑎᑦ ᓂᑉᑕᑦᑎᐊᖅᑑᕙᒋᐊᖃᕐᓂᐊᖅᐳᑦ ᐱᑦᓯᐊᖅᑑᓂᕐᓄᑦ ᐊᒻᒪᓗ ᐃᖅᑲᓇᐃᔮᕆᔭᕐᓂ ᐱᓕᕆᔾᔪᓯᕆᕙᒃᑕᒃᑯᑦ ᒪᓕᓐᓂᖃᖅᑎᐊᖅᑐᑎᒍᑦ ᐱᑦᓯᐊᖅᑑᔭᕆᐊᖃᕐᓂᕐᒥᒃ ᐊᒻᒪᓗ ᐃᖅᑲᓇᐃᔭᖅᑎᒻᒪᕆᐅᔪᓄᑦ ᒪᓕᒃᑕᐅᒋᐊᓕᖁᑎᓂᒃ, ᐃᓚᖃᕐᓗᒋᑦ ᑲᒪᔨᐅᑦᑎᐊᕈᓐᓇᕐᓂᕐᒥᒃ ᐋᓐᓂᐊᖅᓯᐅᕐᑎᓕᐊᖅᓯᒪᔪᓄᑦ ᐊᒻᒪᓗ ᓄᓇᓕᐅᔪᓂᕐᒥᐅᓄᑦ, ᓴᖖᒋᓂᖃᑦᑎᐊᖅᑐᑎᒍᑦ ᐱᔨᑦᓯᕋᕈᑎᒃᓴᓂᒃ ᖃᐅᔨᒪᓂᕐᒥᒃ, ᐊᒻᒪᓗ ᐱᓕᕆᐊᖃᕈᓐᓇᕐᓗᑎᑦ ᐃᓅᓯᓕᒫᕐᓂ ᐃᓕᑉᐸᓪᓕᐊᔾᔪᑎᒋᔪᓐᓇᖅᑕᕐᓂᒃ ᐊᒻᒪᓗ ᐱᐅᓯᒋᐊᕈᑎᒋᔪᓐᓇᖅᑕᕐᓂᒃ ᐱᓕᕆᐊᒃᓴᕆᕙᒃᑕᕐᓄᑦ.

ᑕᐃᓐᓇ ᐃᓄᒃ ᐊᓪᓚᕝᕕᖕᒥ ᐃᓱᒪᑕᐅᓗᓂ ᐃᖅᑲᓇᐃᔭᖅᑎᑖᖑᔪᒪᓇᔭᕐᒪᑦ, ᕿᑭᖅᑖᓘᑉ ᐊᕕᒃᑐᖅᓯᒪᓂᖓᓂ ᐃᖏᕐᕋᓂᖃᑦᓯᐊᖅᑎᑦᑎᓯᒪᔫᓪᓗᓂ ᐱᓕᕆᓂᖃᖅᓯᒪᓂᖓᓄᑦ ᓇᓗᓇᐃᖅᑕᐅᓯᒪᔪᓐᓇᕐᓗᓂ ᖁᑦᑎᖕᓂᖅᐹᓂᒃ ᐃᓕᓐᓂᐊᕌᓂᒍᑎᖃᖅᓯᒪᔪᖅ ᐋᓐᓂᐊᖃᕐᓇᖖᒋᑦᑐᓕᕆᓂᕐᒧᑦ ᐱᔨᑦᓯᕋᕈᑎᒃᓴᓕᕆᔨᐅᓂᕐᒧᑦ ᐃᓕᓴᕆᔭᐅᓯᒪᔪᒥᑦ ᓯᓚᑦᑐᖅᓴᕐᕕᒡᔪᐊᕐᒥ (ᖁᑦᑎᖕᓂᖅᐹᒥᒃ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕌᓂᒍᑎᖃᖅᓯᒪᔪᑦ ᐱᔪᒥᒋᔭᐅᓇᔭᖅᑐᖅ) ᐊᒻᒪᓗ ᑕᓪᓕᒪᓄᑦ ᐅᑭᐅᓄᑦ ᐃᓱᒪᑕᐅᑉ ᖁᑦᑎᖕᓂᖓᓄᑦ ᐊᐅᓚᑦᓯᔨᒋᔭᐅᓯᒪᓗᓂ ᐋᓐᓂᐊᖅᓯᐅᕐᑎᓕᕆᔨᒃᑯᓐᓂ. ᓇᓕᖅᑲᓪᓗᐊᖏᓄᑦ ᖃᐅᔨᒪᓂᕆᔭᐅᔪᑦᑕᐅᖅ ᐃᓚᖃᕋᔭᕐᒥᔪᑦ ᑲᑎᑕᐅᓯᒪᓗᒋᑦ ᒪᑯᐊ ᐃᓕᓐᓂᐊᖅᓯᒪᓂᖏᑦ, ᖃᐅᔨᒪᓂᖏᑦ, ᐊᔪᖖᒋᓐᓂᖃᕐᕕᒋᔭᖏᑦ ᐊᒻᒪᓗ ᐱᓕᕆᓂᖃᕐᕕᒋᔪᓐᓇᖅᑕᖏᑦ ᐃᓱᒪᒃᓴᖅᓯᐅᕈᑎᐅᔪᓐᓇᕋᔭᕆᓪᓗᑎᒃ.

ᖃᐅᔨᒪᒃᐸᑦ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᖏᓐᓂᒃ, ᐃᓕᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐊᒻᒪ ᐅᖃᕈᓐᓇᕐᓗᓂ ᓄᓇᕗᒻᒥᑦ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓇᓪᓕᐊᖕᓂᑐᐃᓐᓇᖅ ᐅᖃᕈᓐᓇᑦᑎᐊᕐᓗᓂ ᐊᑑᑎᒐᔭᖅᑐᖅ.

ᑖᔅᓱᒧᖓ ᐃᖅᑲᓇᐃᔮᖑᓕᕈᓐᓇᖅᑐᒧᑦ ᐱᓯᒪᓕᕋᓱᐊᕈᒪᒍᕕᑦ ᐃᓱᒪᑕᐅᓗᑎᑦ ᓯᕗᓕᖅᑎᐅᓗᑎᑦ ᐃᖅᑲᓇᐃᔭᖅᑎᐅᓕᕋᔭᕐᓂᕐᒧᑦ ᐋᓐᓂᐊᖃᕐᓇᖖᒋᑦᑐᓕᕆᔨᓂ, ᐊᑏ ᐃᖅᑲᓇᐃᔮᕆᓯᒪᔭᕐᓄᑦ ᑎᑎᖅᑲᖁᑎᑎᑦ, ᑲᖖᒍᓇᖅᑐᒃᑰᖅᑎᓯᒪᓗᒋᑦ, ᓇᓗᓇᐃᔭᖅᓯᒪᓗᒍ ᐃᖅᑲᓇᐃᔮᑉ ᑕᐃᔭᐅᔾᔪᓯᖓ ᖃᕆᑕᐅᔭᑎᒍᑦ ᐊᐅᓪᓚᖅᑎᑦᓱᓐᓇᖅᐸᑎᑦ, ᓯᕗᕐᖓᓂ ᐅᑐᐱᕆ 4, 2019, ᐅᑯᓄᖓ careers@phelpsgroup.ca.

ᑐᕌᕈᑎᖓᑦ:

Phelpsgroup

401 Bay Street, Suite 1400, Toronto, ON M5H 2Y4

ᐅᖄᓚᐅᑎᖓᑦ: 416-364-6229

 

  • ᓄᓇᕗᑦ ᒐᕙᒪᒃᑯᑦ ᑲᔪᖏᖅᓯᒪᔪᑦ ᓴᖅᑭᑎᑦᑎᓂᕐᒥᒃ ᑭᒡᒐᖅᑐᐃᓂᖅᓴᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᑦᑎᐊᕐᓂᖅᓴᐅᔪᓐᓇᓂᐊᕐᒪᑕ  ᐊᒻᒪ ᐱᔨᑦᑎᕐᓗᒋᑦ ᐱᔭᕆᐊᖃᖅᑕᖏᓐᓂᒃ ᓄᓇᕗᒻᒥᐅᑦ. ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥ ᐃᓄᐃᑦ ᓇᓗᓇᐃᖅᓯᑦᑎᐊᕆᐊᓖᑦ ᑭᓇᐅᓂᕐᒥᓂᒃ ᐱᔪᓐᓇᖅᑎᑕᐅᓂᖏᓐᓄᑦ ᐱᑎᑕᐅᓂᐊᕐᓗᓂ ᓯᕗᓪᓕᐅᔾᔭᐅᓂᕐᒧᑦ ᐃᓱᒪᒋᔭᐅᓂᕐᒧᑦ ᐊᑖᓂ ᓄᓇᕗᒻᒥ ᓯᕗᓪᓕᐅᔾᔭᐅᔭᕆᐊᓕᓐᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᐊᒐᖅ.
  • ᐃᖅᑲᓇᐃᔮᔅᓴᐃᑦ ᐃᓚᖏᓐᓂᒃ ᐃᓂᐅᔪᓂᒃ ᐱᑕᖃᕆᐊᖃᖅᑎᑕᐅᔪᑦ ᖃᐅᔨᓴᖅᑕᐅᓗᑎᒃ ᓈᒻᒪᒋᔭᐅᔪᒥᒃ ᐱᕋᔭᓚᐅᖅᓯᒪᖏᓐᓂᖓᓄᑦ. ᐱᕋᔭᓚᐅᖅᓯᒪᓂᐅᔪᖅ ᐱᓇᓱᐊᕈᓐᓇᐃᓕᑎᑦᑎᖏᑦᑐᖅ ᐃᓱᒪᒋᔭᐅᒃᑲᓂᕐᓂᐊᕐᓗᓂ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᑐᓂᓯᒍᓐᓇᖅᑐᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂᒃ ᑎᑎᕋᖅᓯᒪᔪᓂᒃ ᐃᓕᓴᕆᔭᐅᓯᒪᔪᓂᒃ ᐅᖃᐅᓯᕐᓂᒃ ᓂᕈᐊᖅᑕᖏᓐᓂᒃ.
  • ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᑕᐅᔪᓐᓇᖅᑐᑦ ᐃᓐᓄᐃᓂᐊᕐᓗᑎᒃ ᓯᕗᓂᔅᓴᒥ ᐃᓐᓄᑦᑕᐅᓯᒪᖏᑦᑐᓂᒃ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᓂᖏᑦ ᐱᔭᐅᔪᓐᓇᖅᑐᑦ ᓱᑲᔪᒃᑯᑦ, ᖃᕋᓴᐅᔭᒃᑯᑦ ᑎᑎᖅᑲᒃᑯᑦ ᐅᕝᕙᓘᓐᓃᑦ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓᒍᑦ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᓂᕈᐊᖅᑕᑐᐊᖑᔪᑦ ᐊᐱᖅᓱᖅᑕᐅᓂᕐᒧᑦ ᖃᐅᔨᒋᐊᕐᕕᐅᓂᐊᖅᑐᑦ.
Expiry Options: 
ᒪᑐᕕᒃᓴᖓᑕ ᐅᓪᓗᖓ