ᐅᖃᓚᐅᑎᓯᐅᑏᑦ

You are here

ᐋᓐᓂᐊᓯᐅᑎᒃᓴᓄᑦ ᐃᓕᓴᐃᔨ

ᓄᓇᓕᒃ: 
ᑲᙱᖅᖠᓂᖅᒥ
ᓇᓗᓇᐃᒃᑯᑕᖓ: 
10-03-320-012LA
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$99, 743 – 113,159
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$18,517.00

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᖅ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᐋᓐᓂᐊᓯᐅᖅᑎᓂᑦ ᐃᓕᓐᓂᐊᑎᑦᑎᔨ ᐊᐅᓚᑦᑎᔨᓃᖃᑕᐅᔪᖅ ᓯᕗᓕᖅᑎᒋᔭᐅᓪᓗᓂ ᐊᒻᒪ ᐊᓐᓂᐊᕕᖕᓂᑦ ᖃᐅᔨᒪᔨᑕᐅᓪᓗᓂ; ᐋᓐᓂᐊᔪᓕᕆᓂᕐᒧᑦ ᑕᑯᒃᓴᐅᑎᑦᑎᑦᑎᐊᕐᓗᓂ ᐱᐅᔪᒥᑦ, ᐱᖅᑯᓯᒥᑦ ᐃᒃᐱᒍᓱᑦᑎᐊᕐᓗᓂ ᐋᓐᓂᐊᓯᐅᖅᑎᐅᑎᓪᓗᒍ, ᐱᐅᓯᕚᓪᓕᑎᑦᑎᓇᓱᐊᖏᓐᓇᕐᓗᓂ, ᐋᓐᓂᐊᕕᓕᐊᖅᓯᒪᔪᑦ ᐱᔪᓐᓃᖅᐹᓪᓕᖅᑎᓐᓇᓱᐊᕐᓗᒋᑦ ᐊᒻᒪ ᑕᑯᔭᐅᔪᑦ ᖃᓄᐃᓐᓇᖏᑦᑐᒦᑎᓪᓗᒋᑦ ᐋᓐᓂᐊᕕᖕᒥᑦ.  ᐃᖅᑲᓇᐃᔭᖅᑎᙳᖅᑐᖅ ᐋᓐᓂᐊᓯᐅᖅᑎᓂᑦ ᐃᑲᔪᖃᑦᑕᕐᓂᐊᖅᐳᖅ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᖃᖅᐸᒡᓗᓂ ᐱᓕᕆᐊᒃᓴᒥᓂᒃ ᐱᓕᕆᔪᓐᓇᖅᓯᑦᑎᐊᖁᓪᓗᒍ ᑲᔪᓯᑦᑎᐊᖁᓪᓗᒍ ᐱᓕᕆᐊᒃᓴᒥᓂᒃ.  ᑕᒪᑐᒥᖓ ᑲᒪᔪᖅ, ᐋᓐᓂᐊᕕᖕᒥᑦ ᐋᓐᓂᐊᓯᐅᖅᑎᓂᑦ ᐃᓕᓐᓂᐊᖅᑎᑦᑎᔨ ᐊᐅᓚᑦᑎᖃᑦᑕᓂᐊᖅᑐᖅ ᐊᒻᒪ ᐃᓕᓐᓂᐊᖅᑎᑦᑎᔾᔪᑎᒃᓴᓂᒃ ᐋᖅᑭᒃᓱᐃᖃᕙᒡᓗᓂ, ᐊᔪᕈᓐᓃᖅᓴᖅᑎᑦᑎᖃᑦᑕᕐᓗᓂ ᐊᒻᒪ ᐃᓕᓐᓂᐊᑎᑦᑎᔾᔪᑎᒃᓴᓂᒃ ᐸᕐᓇᓯᒪᖃᑦᑕᕐᓗᓂ. ᐃᖅᑲᓇᐃᔭᖅᑎᙳᖅᑐᖅ ᐱᔪᓐᓇᑦᑎᐊᖅᑐᓂᒃ ᖃᐅᔨᓴᐃᓐᓇᖃᑦᑕᕐᓂᐊᖅᐳᖅ ᐃᓕᓐᓂᐊᒐᒃᓴᓂᓪᓗ ᐱᕙᒌᔭᖅᐸᒡᓗᓂ ᖃᐅᔨᓴᕈᑎᒋᔭᖏᑦ ᒪᓕᒡᓗᓂᒋᑦ.  ᑐᕌᒐᖃᓪᓗᐊᑕᕐᓗᓂ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐃᖅᑲᓇᐃᔮᖃᐃᓐᓇᕐᓂᕐᒥᒃ, ᐋᓐᓂᐊᕐᕕᖕᒥᑦ ᐋᓐᓂᐊᓯᐅᖅᑎᓂᑦ ᐃᓕᓐᓂᐊᖅᑎᑦᑎᔨ ᑕᓯᐅᖅᑎᒋᔭᐅᓂᐊᖅᐳᖅ ᓄᓇᕗᑦ ᒐᕙᒪᒃᑯᑦ ᐋᓐᓂᐊᓯᐅᖅᑎᖏᓐᓂᒃ; ᐊᔾᔨᒌᙱᑦᑐᓂᒃ ᐋᓐᓂᐊᓯᐅᖅᑎᙳᓵᖅᑐᓂᒃ, ᐱᓕᕆᖃᑦᑕᖅᓯᒪᔪᓂᓪᓗ ᐅᑭᐅᖅᑕᖅᑐᒥ ᓄᓇᓕᖕᓂ.

ᐋᓐᓂᐊᓯᐅᖅᑎᓕᕆᔨᑦ ᐊᖓᔪᖅᑳᒻᒪᕆᖓᓄᑦ ᑐᓴᖅᑎᑦᑎᕙᒡᓗᓂ ᐋᓐᓂᐊᕐᕕᖕᒥᑦ ᐋᓂᐊᓯᐅᖅᑎᓂᑦ ᐃᓕᓐᓂᐊᖅᑎᑦᑎᔨ ᐱᓕᕆᐊᒃᓴᖃᖃᑦᑕᕐᓂᐊᕆᕗᖅ ᓄᓇᓕᖕᓂ ᐋᓐᓂᐊᕐᕕᖓᓂ ᐋᓂᐊᓯᐅᖅᑎᐅᕙᒡᓗᓂ ᐋᓐᓂᐊᕐᕕᖕᒦᓕᕌᖓᑦ. ᐅᑯᓇᓂᓗ ᐱᓕᕆᖃᑕᐅᕙᒡᓗᓂ ᐃᖅᑲᓇᐃᔭᕐᓇᐅᔪᓐᓃᖅᑎᓪᓗᒍ ᐃᖅᑲᓇᐃᔭᖃᑦᑕᕐᓗᓂ, ᐊᑐᐃᓐᓇᐅᖃᑕᕐᓗᓂ ᐃᖅᑲᓇᐃᔭᕆᐊᖃᑐᐊᕋᐃᑉᐸᑦ ᐱᔭᒃᓴᖅᑕᖃᖅᑎᓪᓗᒍ ᐃᓕᓐᓂᐊᑎᑦᑎᓂᖓᓂᒃ ᓄᑖᓂᑦ ᐋᓐᓂᐊᓯᐅᖅᑎᓂᑦ. 

ᐃᖅᑲᓇᐃᔭᖅᑎᙳᖅᑐᖅ ᑎᑎᕋᖅᑕᐅᔪᓐᓇᕆᐊᓕᒃ ᐋᓐᓂᐊᓯᐅᖅᑎᒃᑯᑦ ᑲᑐᔾᔨᖃᑎᒌᖏᓐᓄᑦ ᓄᓇᑦᓯᐊᒥ ᓄᓇᕗᒻᒥᓗ ᐃᖢᐊᖅᓴᐃᔨᐅᓂᕐᒧᑦ ᐊᓂᒍᐃᓯᒪᓗᓂ ᐅᕝᕙᓘᓐᓃᑦ ᐋᓐᓂᐊᓯᐅᖅᑎᐅᓂᕐᒧᑦ ᓄᓇᓕᖕᓂ ᐋᓐᓂᐊᕐᕕᖕᒥ, ᑐᐊᕕᕐᓇᖅᑐᓕᕆᕝᕕᖕᒥ, ᐋᓐᓂᐊᓪᓚᕆᒃᑐᓂᑦ ᑲᒪᔨᐅᓂᕐᒥᑦ ᐅᕝᕙᓘᓐᓃᑦ ᐋᓂᐊᓯᐅᖅᑎᓄᑦ ᐊᖓᔪᖅᑳᖑᓂᕐᒧᑦ. ᑖᔅᓱᒧᖓ ᐃᖅᑲᓇᐃᔭᖅᑎᙳᖅᑐᖅ ᐊᕐᕌᒍᒥᑦ ᐊᑕᐅᓯᕐᒥᑦ ᑭᒡᓕᖃᕐᓗᒍ ᐱᔭᕆᐊᑭᓐᓂᖅᓴᓂᒃ ᐃᓕᓐᓂᐊᖅᑎᑦᑎᖃᑦᑕᖅᓯᒪᔭᕆᐊᓕᒃ ᐃᓐᓇᕐᓂᑦ ᐃᓕᓐᓂᐊᖅᑐᓂᑦ, ᐃᓐᓇᐃᑦ ᐃᓕᓐᓂᐊᕐᕕᖓᓂ, ᐅᕝᕙᓘᓐᓃᑦ ᐋᓐᓂᐊᓯᐅᖅᑎᒃᓴᓂᒃ ᐃᓕᓐᓂᐊᖅᑐᓂᑦ. ᐱᔪᒥᒋᔭᐅᓇᔭᖅᑐᖅ ᐃᖅᑲᓇᐃᔮᖅᑖᕋᓱᒃᑐᓂᑦ ᓯᓚᑦᑐᖅᓴᕐᕕᒡᔪᐊᕐᒥ ᐱᔪᓐᓇᐅᑎᑖᖅᓯᒪᓗᓂ ᐋᓐᓂᐊᓯᐅᖅᑎᐅᓂᕐᒧᑦ ᑭᓯᐊᓂ; ᐋᓐᓂᐊᓯᐅᖅᑎᐅᓂᕐᒧᑦ ᐃᓕᑕᕆᔭᐅᔾᔪᑎᓖᑦ ᐃᓱᒪᒃᓴᖅᓯᐅᕈᑕᐅᓂᐊᖅᐳᑦ ᓇᓗᓇᐃᖅᑕᐅᓯᒪᔪᒥᓪᓗ ᐸᐃᑉᐹᖅᑖᖅᓯᒪᔪᑦ ᐅᕝᕙᓘᓐᓃᑦ ᐋᓐᓂᐊᓯᐅᖅᑎᐅᓂᕐᒧᑦ ᐃᓕᓴᕆᔭᐅᔾᔪᑎᖃᖅᑐᑦ ᐊᕐᕌᒍᓂᓪᓗ ᑕᓪᓕᒪᓂᒃ ᐋᓐᓂᐊᕐᕕᖕᒥ ᐱᓕᕆᖃᑦᑕᖅᓯᒪᓗᓂ ᐊᔪᕐᓇᕐᓂᖅᓴᒥᑦ ᒫᓐᓇᕈᓗᒃ.

ᐅᑯᐊ ᐃᑲᔫᑕᐅᔪᓐᓇᖅᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐱᔭᕆᑐᓂᖅᓴᒥᑦ ᐃᓕᓐᓂᐊᖅᑎᑦᑎᖃᑦᑕᖅᓯᒪᓗᓂ ᐃᓐᓇᕐᓂᑦ, ᐱᓕᕆᐊᒃᓴᓂᒃ ᐊᐅᓚᑦᑎᔨᐅᖃᑦᑕᖅᓯᒪᓗᓂ, ᐃᖅᑲᓇᐃᔭᖅᑎᓂᒃ ᑲᒪᔨᐅᖃᑦᑕᖅᓯᒪᓗᓂ, ᐱᓕᕆᐊᒃᓴᓂᒃ ᐱᕙᒌᔭᖃᑦᑕᖅᓯᒪᓗᓂ ᐅᕝᕙᓘᓐᓃᖅ ᐋᓐᓂᐊᕐᕕᖕᒥ ᐃᓕᓐᓂᐊᖅᑎᑦᑎᖃᑦᑕᖅᓯᒪᓗᓂ.

ᖃᐅᔨᒪᒃᐸᑦ ᐃᓄᐃᑦ ᐅᖃᐅᓯᖓᓂ, ᓄᓇᓕᖕᓂ, ᐃᓕᖅᑯᓯᖓᓂ, ᓄᓇᒥ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᑲᔫᑎᖃᑦᑎᐊᕋᔭᖅᐳᖅ.

ᐃᖅᑲᓇᐃᔭᐃᓐᓇᖅᑐᓄᑦ, ᐃᓗᐊᖅᓴᐃᔨᓪᓚᕆᖕᓄᑦ, ᐃᖅᑲᓇᐃᔮᖃᐃᓐᓇᖅᑐᑦ ᐊᑭᓕᖅᑕᐅᒃᑲᓐᓂᖃᑦᑕᕐᓂᐊᖅᐳᑦ: $5,000 ᐃᖅᑲᓇᐃᔮᒥ ᐱᒋᐊᓵᖅᑎᓪᓗᒋᑦ, $5,000 18-ᓄᑦ ᑕᖅᑭᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ ᐊᒻᒪ $10,000 ᑕᖅᑭᓄᑦ 30−ᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ. ᐃᓚᓕᐅᔾᔭᐅᓯᒪᔪᑦ ᐊᑭᓕᐅᑎᑦ $9,000 ᐊᕐᕌᒍᓕᒫᒧᑦ ᑲᒪᓯᒋᐊᖅᑳᒃᐸᒃᑐᓄᑦ ᐊᑭᓕᐅᓯᐊᑦ ᐊᒻᒪ $375 ᑕᖅᑭᑕᒫᑦ ᐃᖅᑲᓇᐃᔮᖃᐃᓐᓇᕐᓂᕐᒧᑦ ᐊᑭᓕᐅᓯᐊᒃᑲᓐᓂᖅᐸᒃᖢᑎᒃ ᑲᑎᖦᖢᒋᑦ $4,500 ᐊᕐᕌᒍᓕᒫᒧᑦ.

ᐊᔪᙱᑎᑕᐅᔪᑦ ᐊᑎᓕᐅᖅᑕᐅᑐᐃᓐᓇᕆᐊᖃᖅᐳᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᖅ ᐃᓐᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᔪᒃᓴᓂᒃ.

Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ