ᐅᖃᓚᐅᑎᓯᐅᑏᑦ

Logo Home

You are here

ᐋᓐᓂᐊᓯᐅᖅᑎᐅᓂᕐᒧᑦ ᐱᓕᕆᔨᒻᒪᕆᒃ − ᐱᓕᕆᐊᓄᑦ ᐱᕙᓪᓕᐊᑎᑦᓯᔨ

ᓄᓇᓕᒃ: 
ᑲᙱᖅᖠᓂᖅᒥ
ᓇᓗᓇᐃᒃᑯᑕᖓ: 
051-2021-PNSPD-15176
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᑖᓐᓇ ᐃᖅᑲᓇᐃᔮᔅᓴᖅ ᒪᑐᐃᖓᔪᖅ ᑲᖏᖅᖠᓂᕐᒥᐅᓄᑐᐊᖅ ᑭᓯᐊᓂ ᐊᑐᐃᓐᓇᐅᑎᑕᐅᔪᖅ.
ᑮᓇᐅᔾᔭᒃᓴᓇᔭᖅᑐᖅ: 
$95,882 - $108,810
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$18,517

ᐃᖅᑲᓇᐃᔭᑐᓕᕆᓂᕐᒧᑦ ᐊᑐᐊᒐᑦ 518 ᒪᓕᓪᓗᒋᑦ ᑖᓐᓇ ᐃᖅᑲᓇᐃᔮᔅᓴᖅ ᒪᑐᐃᖓᔪᖅ ᑲᖏᖅᖠᓂᕐᒥᐅᓄᑐᐊᖅ ᑭᓯᐊᓂ ᐊᑐᐃᓐᓇᐅᑎᑕᐅᔪᖅ.

ᑐᑭᒧᐊᑦᑎᑕᐅᓗᓂ ᑲᑎᒪᑎᑦᓯᔨᖓᓄ, ᐋᓐᓂᐊᖅᑕᐃᓕᒪᓂᕐᒧᑦ ᖃᓄᐃᙱᑦᑎᐊᕐᓂᕐᒧᓪᓗ, ᐋᓐᓂᐊᓯᐅᖅᑎᐅᓂᕐᒧᑦ ᐱᓕᕆᔨᒻᒪᕆᒃ, ᐱᓕᕆᐊᓄᑦ ᐱᕙᓪᓕᐊᑎᑦᓯᔨ, ᑲᒪᒋᔭᖃᕐᓂᐊᖅᑐᖅ ᐱᕙᓪᓕᐊᑎᑦᓯᓂᕐᒧᑦ ᓄᓇᓕᓕᒫᓂᑦ ᓯᓚᑦᑐᖅᓴᕐᕕᒻᒥᓪᓗ ᑐᙵᕕᒋᓗᒍ ᐋᓐᓂᐊᓯᐅᖅᑎᐅᓂᕐᒧᑦ ᐱᓕᕆᐊᖑᓂᐊᖅᑐᓄᑦ, ᐃᑲᔪᕐᓂᕐᒧᑦ ᐃᖅᑲᓇᐃᔭᖅᑎᐅᓂᕐᒧᑦ, ᐊᓯᖏᓐᓄᓪᓗ ᐱᓕᕆᔨᒻᒪᕆᕈᖅᓴᓂᕐᒧᑦ ᐱᓕᕆᐊᓄᑦ ᓇᓗᓇᐃᖅᑕᐅᓯᒪᔪᑦ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᐅᖏᓐᓇᕆᐊᓕᓐᓄᓪᓗ. ᐃᖅᑲᓇᐃᔭᖅᑎ ᑲᒪᒋᔭᖃᕐᓂᐊᖅᑐᖅ ᐅᔾᔨᕈᓱᓐᓂᕐᒧᑦ ᓄᓇᕗᒻᒥ ᓯᓚᑦᑐᖅᓴᕐᕕᐅᑉ ᐊᖏᖅᓯᒪᓂᖓᓄᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᐱᔭᕇᖅᑎᑦᓯᓂᕐᒧᑦ ᐊᒥᓱᑲᓐᓂᕐᓂᑦ ᐃᓄᓐᓂᑦ ᓄᓇᕗᒻᒥᐅᓂᓪᓗ ᐊᔪᙱᑕᖃᕐᓂᕐᒧᑦ ᐱᔭᕆᐊᖃᕐᓂᕐᒧᑦ ᐊᖏᕐᕋᒧᑦ ᑲᒪᒋᔭᖃᖏᓐᓇᕐᓂᕐᒧᓪᓗ ᐊᓯᖏᓐᓂᓪᓘᓐᓃᑦ ᐊᑦᑐᐊᓂᖃᖅᑐᓂᑦ ᐱᔭᕇᕈᓯᐊᑦ ᓇᓗᓇᐃᒃᑯᑕᐃᓪᓗ. ᐃᖅᑲᓇᐃᔭᖅᑎ ᐃᓕᓐᓂᐊᕈᑎᓂᑦ ᐱᒡᒐᓇᓂᖅᓴᓂᑦ ᐊᒻᒪ ᓯᕗᓕᖅᑎᓂᐅᓂᕐᒥᑦ ᐃᓕᓐᓂᐊᕈᑎᒃᓴᓕᐅᖅᑎᓪᓗᒋᑦ ᓄᑖᙳᑎᑦᓯᓂᕐᒧᑦ, ᐱᓕᕆᐊᓂᓪᓗ ᐊᐅᓚᑦᓯᓂᕐᒧᑦ, ᐊᑐᓕᖅᑎᑦᑎᓂᕐᒥᑦ ᐊᒻᒪ ᖃᐅᔨᓴᕈᑎᓕᐅᓂᕐᒥᑦ, ᐃᓕᓐᓂᐊᖅᑎᑦᑎᓂᕐᒥᑦ ᐊᒻᒪ ᓯᓚᑦᑐᓴᕐᕕᒻᒥᑦ ᐱᕙᓪᓕᐊᑎᑦᑎᓂᕐᒥᑦ, ᐃᓕᓐᓂᐊᖅᑏᑦ ᐃᖅᑲᓇᐃᔭᕐᕕᔅᓴᖏᓐᓂᑦ ᕿᓂᓐᓂᕐᒥᑦ ᐊᒻᒪ ᓴᖅᑭᔮᖅᑎᑦᓯᓂᕐᒧᑦ ᐱᔪᓐᓇᐅᑎᓕᓐᓂ ᐋᓐᓂᐊᓯᐅᖅᑎᓄᑦ ᐱᓕᕆᐊᑦᓴᓂᑦ.

ᐋᓐᓂᐊᓯᐅᖅᑎᓄᑦ ᐱᔭᕇᕈᓯᐊᖅ ᐊᑐᐃᓐᓇᐅᑎᑦᓯᔪᖅ ᐱᔭᕇᖅᑐᓂᑦ ᑕᐃᒪᐃᓐᓇᓱᒋᔭᐅᔪᓂᑦ, ᖃᐅᔨᒪᓂᖅ, ᖃᓄᐃᓕᖓᓂᕋᐃᓂᖅ, ᐊᔪᙱᑕᖃᕐᓂᕐᒧᓪᓗ ᐱᔭᕆᐊᖃᖅᑐᓄᑦ ᐱᓕᒻᒪᑦᓴᕐᓂᕐᒧᑦ ᐋᓐᓂᐊᓯᐅᖅᑎᐅᓂᕐᒧᑦ ᐊᔾᔨᒌᖏᑦᑐᓂᑦ ᐋᖅᑭᑦᓯᒪᓂᓕᓐᓂᑦ ᐃᓚᒋᔭᐅᑦᓱᓂ, ᑭᓯᐊᓂ ᑭᓪᓕᖃᖅᑎᑕᐅᖏᑦᑐᖅ, ᑲᒪᒋᔭᐅᒋᐊᖃᓪᓚᕆᑦᑐᓄᑦ ᓇᔾᔨᔪᓕᕆᓂᕐᒧᑦ/ᓄᑕᖅᑲᓂ, ᓄᑕᖅᑲᐃᑦ ᐋᓐᓂᐊᕈᑎᒋᕙᒃᑕᖏᓐᓂᒃ, ᑲᒪᒋᔭᐅᙱᓐᓇᖅᑐᒃᑯᕕᖕᓂᒃ, ᐊᑯᓂᐅᔪᒧᑦ ᑲᒪᒋᔭᐅᙱᓐᓇᕆᐊᓖᑦ, ᐃᓱᒪᓕᕆᓂᖅ, ᐅᖁᒪᐃᓐᓂᕐᓂᐊᕐᕕᓕᕆᓂᖅ, ᓄᓇᓕᓐᓂᓪᓗ ᑐᑦᑕᕐᕕᐅᔪᓂᑦ. ᐱᔭᕇᖅᑐᑦ ᐃᓕᓐᓂᐊᖅᑕᒥᓂᒃ ᐋᓐᓂᐊᓯᐅᖅᑎᐅᓂᕐᒧᑦ ᐃᓕᓐᓂᐊᕐᓂᕐᒧᑦ ᐱᓕᕆᐊᒥ ᐊᑐᐃᓐᓇᐅᓂᐊᖅᑐᑦ ᑲᒪᒋᔭᖃᕐᓂᕐᒧᑦ ᐋᓐᓂᐊᕕᓕᐊᖅᓯᒪᔪᓂᑦ ᐋᓐᓂᐊᕐᕕᓕᐊᖅᓯᒪᔪᓂᓪᓗ ᓇᓚᐅᑦᑖᒐᕐᓂᖅᑐᓂᒃ ᐋᓐᓂᐊᖅᑕᐃᓕᑎᑦᑎᓂᕐᒧᑦ/ᐋᓐᓂᐊᖅᑐᓕᕆᓂᕐᒧᑦ ᖃᓄᐃᓕᖓᓕᕐᓂᖏᑦ, ᐱᓕᕆᐊᖃᕐᓂᖅ ᐱᓕᕆᔾᔪᑎᓂᑦ ᓇᓗᓇᐃᖅᑕᐅᓯᒪᔪᓂᑦ ᐋᓐᓂᐊᓯᐅᖅᑎᓄᑦ ᒪᓕᒋᐊᓕᓐᓂᑦ ᑲᑐᔾᔨᖃᑎᒌᓄᑦ.

ᖃᐅᔨᒪᓂᕆᔭᐅᔪᑦ, ᐊᔪᕈᓐᓃᖅᑕᐅᓯᒪᔪᑦ, ᐊᔪᙱᓐᓂᕆᔭᐅᔪᓪᓗ ᐱᔭᐅᓯᒪᔭᕆᐊᓖᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᐸᒃᐳᑦ ᐱᔭᕇᕈᓯᐊᕐᓯᒪᓗᓂ ᖁᑦᓯᓂᖅᐹᒥ ᐋᓐᓂᐊᓯᐅᖅᑎᐅᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᓪᓗ ᖃᐅᔨᓴᖅᑐᓕᕆᓂᕐᒧᑦ ᐱᖓᓱᓄᑦ ᐊᕐᕌᒍᓄᑦ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᑎᑦᓯᖃᑦᑕᖅᓯᒪᓗᓂ ᐱᓕᕆᐊᓂᓪᓗ ᐱᕙᓪᓕᐊᑎᑦᓯᓂᕐᒧᑦ; ᑕᓪᓕᒪᓄᑦ ᐊᕐᕌᒍᓄᑦ ᐋᓐᓂᐊᓯᐅᖅᑎᐅᓯᒪᓂᕐᒧᑦ ᐋᓐᓂᐊᕐᕕᒻᒥ/ᐱᓕᒻᒪᑦᓴᕐᓂᕐᒧᑦ ᐱᔭᕆᐊᖃᖅᑐᖅ ᓇᓗᓇᐃᖅᓯᓂᕐᒧᑦ ᑲᔪᓯᑎᑦᓯᓂᕐᒧᑦ ᐱᐅᔪᓂ ᐱᓕᕆᐊᓂᑦ, ᐋᓐᓂᐊᓯᐅᖅᑎᓄᑦ ᒪᓕᑦᑕᐅᒋᐊᖃᖅᑐᓄᑦ, ᓈᒻᒪᑦᑐᓂᓪᓗ ᐃᖅᑲᓇᐃᔭᖅᑎᓂᑦ ᐃᑲᔪᖅᑐᐃᓂᕐᒧᑦ; ᒪᕐᕉᓐᓂ ᐊᕐᕌᒍᓂ ᐱᓕᕆᓯᒪᖃᑦᑕᕐᓂᖅ ᓯᕗᓕᖅᑎᐅᓂᕐᒧᑦ ᐱᓕᕆᐊᓂᑦ, ᑲᒪᒋᔭᖃᕐᓂᕐᒥᓪᓗ ᐱᓕᕆᐊᖏᓐᓂᒃ ᖃᐅᔨᒃᑲᐃᔨᓂᑦ/ᐃᖅᑲᓇᐃᔭᖅᑎᑕᐅᓂᕐᒧᑦ ᐊᖏᖃᑎᒌᒍᑎᒃᑯᑦ.

ᐋᓐᓂᐊᖅᓯᐅᑎᐅᓯᒪᓗᓂ ᐅᑭᐅᖅᑕᖅᑐᒥ ᐅᕙᓗ ᓄᓇᓕᓐᓂᑦ ᐅᖓᓯᑦᑐᒦᑦᑐᓂᑦ ᐃᑲᔫᑎᖃᕋᔭᖅᑐᖅ.

ᐃᖅᑲᓇᐃᔭᖅᑎ ᐊᑎᖃᖃᑕᐅᔭᕆᐊᓕᒃ ᐋᓐᓂᐊᓯᐅᖅᑎᒃᑯᑦ ᑲᑐᔾᔨᖃᑎᒌᖏᑦ ᓄᓇᑦᓯᐊᕐᒥ ᓄᓇᕗᒻᒥᓗ ᑖᔅᓱᒧᖓ ᐃᖅᑲᓇᐃᔮᔅᓴᒧᑦ.

ᑖᓐᓇ ᐃᖃᓇᐃᔮᒃᓴᖅ ᐅᒃᐱᕆᔭᐅᔭᕆᐊᓕᒃ ᐊᒻᒪᓗ ᐱᕋᔭᓚᐅᖅᓯᒪᖏᓐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ.

ᐊᔾᔨᑲᓴᖏᓐᓂᑦ ᐱᓕᕆᖃᑦᑕᖅᓯᒪᓗᓂ ᐃᓚᒋᖃᓯᐅᑎᔪᓂᑦ ᐃᓕᓐᓂᐊᖅᓯᒪᓂᑯᑦ ᐊᒻᒪ ᐃᖅᑲᓇᐃᔮᖃᕐᓂᒃᑯᑦ ᐱᓕᕆᓂᑰᓂᕐᒧᑦ ᐃᓱᒪᒃᓴᖅᓯᐅᕈᑕᐅᔪᓐᓇᕐᒥᔪᑦ.

 

ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐱᓇᓱᒍᒪᒍᕕᑦ, ᐃᕐᖏᕐᓇᐅᑎᒃᑯᑦ ᑎᑎᕋᖅᑕᑎᑦ ᐊᒻᒪ ᐱᔪᒥᓴᐅᑎᑦ ᐃᖅᑲᓇᐃᔮᕆᖃᑦᑕᖅᓯᒪᔭᕐᓄᑦ ᓇᓗᓇᐃᔭᖅᓯᒪᔪᑦ ᓇᒃᓯᐅᑎᓗᒋᑦ ᐅᕗᖓ NACHR@arcticcollege.com. ᓇᓗᓇᐃᒃᑯᑕᖓᑕ ᓈᓴᐅᑖ ᑎᑎᕋᕐᓗᒍ ᐃᕐᖏᕐᓇᐅᑎᒃᑯᑦ ᑎᑎᕋᖅᑕᕕᑦ ᐱᔾᔪᑎᖓᓄᑦ ᐃᕐᖏᓇᖅᓯᐅᑎᓐᓄᑦ.

  • ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓇᓱᒃᖢᑎᒃ ᑭᒡᒐᖅᑐᐃᓂᖅᓴᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᓂᖅᓴᐅᔪᒪᓪᓗᑎᒃ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖅᑳᖁᓪᓗᒋᑦ ᓄᓇᕗᒻᒥ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ ᐊᑐᐊᒐᖅ ᒪᓕᒃᖢᒍ.
  • ᐃᓚᖏᑦ ᐃᖅᑲᓇᐃᔮᒃᓴᑦ ᖃᐅᔨᓴᖅᑕᐅᔭᕆᐊᓖᑦ ᐱᕋᔭᓚᐅᖅᓯᒪᙱᒃᑲᓗᐊᒪᖔᑦ ᑎᑎᖅᑲᖁᑎᒥᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᙱᑎᑕᐅᑐᐃᓐᓇᕆᐊᓖᑦ ᐆᒃᑐᕈᒪᔪᓂ ᐃᓱᒪᒋᔭᐅᒃᑲᓐᓂᕐᓗᑎᒡᓗ.
  • ᐃᖅᑲᓇᐃᔮᒥᑦ ᐆᒃᑐᕈᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᑦᑕ ᐱᔪᒥᓴᐅᑎᖓᓂᑦ ᑐᓂᓯᔭᕆᐊᓕᒃ ᐅᖃᐅᓯᖅ ᓇᓕᐊᑐᐃᓐᓇᖅ ᐊᑐᕐᓗᒍ ᐃᓕᓴᕆᔭᐅᓯᒪᔪᓂᑦ.
  • ᐱᔪᓐᓇᖅᑐᓂᑦ ᐊᑎᕐᓂᑦ ᑲᑎᖅᓱᐃᓂᐊᖅᑐᑦ ᓯᕗᓂᒃᓴᑦᑎᓐᓂᑦ ᐃᓐᓄᒃᓯᒪᔪᖃᕈᓐᓃᖅᐸᑦ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᐱᔭᒃᓴᐅᔪᑦ ᓱᒃᑲᔪᒃᑯᑦ, ᐃᕐᖐᓐᓈᖅᑕᐅᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᓂᕐᒧᑦ ᖃᐅᔨᒋᐊᕐᕕᐅᓂᐊᖅᐳᑦ.
Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ