ᐅᖃᓚᐅᑎᓯᐅᑏᑦ

You are here

ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᙶᖅᑐᓂᒃ ᖃᐅᔨᓴᖅᑎ (ᐱᖓᓱᑦ ᐃᖅᑲᓇᐃᔮᑦ ᐊᑐᐃᓐᓇᐅᔪᑦ)

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
10-506893
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$85,215 - $96,720
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016

ᐅᓇ ᐃᖅᑲᓇᐃᔮᒃᓴᖅ ᖃᓄᑐᐃᓐᓇᖅ ᐱᔾᔪᑎᑖᖅᓴᕋᐃᑦᑐᖅ ᓈᒻᒪᒋᔭᐅᔪᒥᒡᓗ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᓂᒃ ᐱᕝᕕᐅᔭᕆᐊᖃᕋᔭᖅᑐᖅ, ᐊᒻᒪᓗ ᐱᔭᕆᐊᑭᑦᑐᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᔭᕆᐊᓕᒃ.

ᐅᓇ ᐃᖅᑲᓇᐃᔮᒃᓴᖅ ᐅᒃᑯᐃᖓᔪᖅ ᐱᓇᔪᒃᑐᓕᒫᓄᑦ.

ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐃᖅᑲᓇᐃᔭᖅᑎᖃᕐᓂᖅᐹᖑᓂᖓᓄᑦ ᒪᒃᑯᑦᑐᓂᑦ ᐱᔭᕇᕋᑖᖅᑐᓂᓪᓗ ᐃᓕᓐᓂᐊᕐᓂᕐᒧᑦ 2021-ᒥ.  ᐱᕈᖅᐸᓪᓕᐊᓂᖅᐸᐅᖃᑕᐅᔪᖅ ᒪᒃᑯᑦᑐᐃᓪᓗ ᐃᓄᒋᐊᓐᓂᖅᐸᐅᓂᖏᓐᓂᑦ ᑲᓇᑕᒥ, ᓄᓇᕗᑦ ᐆᒻᒪᕇᑦᑐᖅ, ᐱᔪᒪᓂᖃᑦᓯᐊᖅᑐᖅ, ᐊᖏᖅᓯᒪᓂᖃᖅᓱᓂᓗ ᐱᐅᓂᖅᓴᐅᑎᑦᓯᓂᕐᒧᑦ ᐃᓂᖃᖅᑎᑦᓯᓂᕐᒧᑦ ᑭᖑᕚᑦᓴᖏᓐᓄᑦ.  ᒐᕙᒪᐅᑎᓪᓗᒋᑦ, ᐊᐅᓚᓂᕆᔭᕗᑦ ᐊᔾᔨᐅᖏᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᓴᖅᑭᔮᖅᑎᑦᓯᓂᕐᒧᑦ ᐊᑐᕐᓂᕐᒥ ᐃᓄᒃᑐᑦ ᐅᖃᐅᓯᖓᓂᑦ, ᑭᒡᒐᖅᑐᐃᑦᓯᐊᕐᓂᕐᒧᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑎᓂᑦ, ᐱᓕᕆᖃᑎᖃᖃᑦᑕᖅᓱᓂᓗ ᑲᑐᔾᔨᖃᑎᒥᓐᓂᒃ ᑲᔪᓯᑎᑦᓯᓂᕐᒧᑦ ᐊᖏᖅᓯᒪᓂᕆᔭᖓᓂᑦ ᓄᓇᕗᒻᒧᑦ. ᑲᔪᓯᓂᖃᑦᓯᐊᖅᑐᑦ ᐃᖅᑲᓇᐃᔮᖅᑖᖅᑐᑦ ᖁᕕᐊᒋᔭᖃᕐᓂᐊᖅᑐᑦ ᐊᑭᓕᖅᑐᖅᑕᐅᑦᓯᐊᕐᓂᕐᒧᑦ, ᐋᓐᓂᐊᕐᕕᓕᐊᕐᓂᕐᒧᑦ ᑭᒍᑎᓕᕆᔭᐅᓂᕐᒧᓪᓗ ᐃᑲᔫᑎᓂᑦ, ᓇᓗᓇᐃᔭᖅᑕᐅᓯᒪᔪᓂᑦ ᐃᓐᓇᑐᖃᐅᔪᓯᐊᑦᓴᓄᑦ ᐸᕐᓇᐅᑎᓂᑦ, ᓅᑦᑎᑕᐅᔾᔪᑎᔅᓴᓄᑦ ᐱᕕᖃᕐᓂᕐᒧᑦ, ᐱᕕᖃᖅᑎᑕᐅᓂᕐᒧᓪᓗ ᐱᓕᒻᒪᑦᓴᕐᓂᕐᒧᑦ ᐃᖅᑲᓇᐃᔮᒥᓪᓗ ᖁᕝᕙᖅᐸᓪᓕᐊᓂᕐᒧᑦ.

ᕿᑭᖅᑕᓂ ᐋᓐᓂᐊᕕᒃ ᐃᖃᓗᓃᑦᑐᖅ ᐋᓐᓂᐊᕕᓕᐊᖅᑐᓄᑦ ᐃᒡᓗᕈᓯᓕᒃ, ᑐᐊᕕᕐᓇᖅᑐᓕᕆᔨᒃᑯᑦ ᐱᓕᕆᕝᕕᐊ, ᐊᒻᒪᓗ ᐱᓚᑦᑐᐃᕕᒃ ᐊᒻᒪ ᐊᒥᓱᑲᓪᓚᓂᑦ ᐋᓐᓂᐊᕕᓕᐊᖅᑐᓄᑦ ᑕᑯᔭᐅᕖᑦ. ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓂᒃ ᖃᐅᔨᓴᕐᕕᒃ ᓘᒃᑖᒧᑦ ᑕᑯᔭᐅᒃᑲᓐᓂᕆᐊᓕᓐᓄᑦ ᐃᓂᓕᐅᕐᕕᐅᓲᖅ ᓄᓇᕗᒻᒥᐅᓄᑦ.  ᕿᑭᖅᑕᓂ ᐋᓐᓂᐊᕕᒃ ᐊᑐᐃᓐᓇᐅᑎᑦᑎᓲᑦ ᐋᓂᐊᕕᒻᒥᑦ ᑕᑯᔭᐅᔭᕆᐊᓕᓐᓄᑦ ᐃᓐᓇᕐᓄᑦ ᓱᕈᓯᕐᓄᓪᓗ ᐋᓐᓂᐊᕕᒃᒧᑦ ᐅᓂᒃᓯᒪᔪᓄᑦ/ᐋᓂᐊᕕᓕᐊᖅᓯᒪᔪᓄᓪᓗ ᐊᒻᒪᓗ ᑕᑯᔭᐅᔭᕆᐊᓕᓐᓄᑦ. 

ᐊᖓᔪᖄᖃᕐᓗᓂ ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓂᒃ ᖃᐅᔨᓴᕐᕕᒻᒥ ᐊᐅᓚᑦᑎᔨᒥᒃ, ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓂᒃ ᖃᐅᔨᓴᖅᑎ ᐱᓕᕆᖃᑦᑕᕋᔭᖅᑐᖅ ᐃᓚᐅᕈᑎᒃᓴᓕᕆᓂᕐᒥᑦ, ᐊᐅᖏᖅᓯᔨᐅᓗᓂ, ᐊᐅᓕᖅᓱᖅᑕᐅᓂᕐᒧᑦ ᐃᓅᓕᓴᐃᔨᐅᐅᓗᓂ, ᖁᐱᕐᕈᐊᕐᔪᓕᕆᓂᖅ, ᖁᐱᕐᕆᔾᔪᑕᐅᔪᓐᓇᖅᑐᓂᒃ ᐊᒻᒪᓗ ᖃᓄᐃᑦᑐᓃᖓᕐᒪᖔᑕ ᖃᐅᔨᓴᖅᑎᐅᓗᓂ. ᐃᓚᒋᓗᒍ ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓂᒃ ᖃᐅᔨᓴᖅᐸᓪᓗᓂ ᕿᑭᖅᑕᓂ ᐋᓐᓂᐊᕕᖓᓂᑦ, ᖃᐅᔨᓴᕐᕕᒃ ᐊᑐᐃᓐᓇᐅᑎᑦᑎᓲᑦ ᐱᔨᑦᑎᕋᑦᑕᐅᔭᕆᐊᓕᓐᓄᑦ ᐃᖃᓗᓐᓂᑦ ᐋᓐᓂᐊᖃᕐᓇᖏᑦᑐᓕᕆᕕᓐᓂᑦ; ᐋᓐᓂᐊᕕᓐᓂᑦ ᓄᓇᕗᒻᒦᑦᑐᓂᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᑦ ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓂᒃ ᖃᐅᔨᓴᖅᑎ ᖃᐅᔨᓇᓱᖃᑦᑕᕋᔭᖅᑐᖅ ᖃᐅᔨᓴᕋᒃᓴᓂᑦ ᐊᒻᒪᓗ ᐃᒻᒥᑰᖅᑐᓂ ᐋᓐᓂᐊᕕᓕᐊᖅᓯᒪᔪᓂᒃ ᖃᐅᔨᓴᖃᑦᑕᕐᓗᓂ ᑕᒪᒃᑮᓐᓂᒃ ᖃᐅᔨᓴᐅᑎᖃᕐᓗᓂ ᐱᔭᕐᓂᖏᑦᑐᓂᑦ ᖃᐅᔨᓴᕈᑎᓄᑦ ᖃᐅᔨᓴᖅᐸᓪᓗᓂ ᐊᒻᒪᓗ ᖃᐅᔨᓴᕈᓐᓇᕐᓂᕐᒥᒍᑦ ᐊᑐᖅᐸᓪᓗᓂ. ᖃᐅᔨᓴᕐᓂᕐᒥᓂᒃ, ᐃᖅᑲᓇᐃᔭᖅᑎ ᐅᔾᔨᕈᓱᒋᐊᓕᒃ ᖃᐅᔨᓴᖅᑕᖓ ᑕᐃᒪᐃᑦᑎᐊᕋᓗᐊᕐᒪᖔᑦ ᐊᒻᒪᓗ ᐊᔾᔨᐅᖏᒻᒪᖔᑕ ᐊᒻᒪᓗ ᖃᓄᐃᓕᐅᕆᐊᖃᕐᓂᓂ ᒪᓕᒡᓗᒍ ᐱᒋᐊᖅᑎᑦᑎᕙᓪᓗᓂ.

ᖃᐅᔨᒪᓂᖃᑦᑎᐊᕐᓗᓂ ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᙶᖅᑐᓂᒃ ᖃᐅᔨᓴᕈᑎᓂᒃ, ᐱᔾᔪᑎᒋᓪᓗᐊᑕᖅᑕᖏᑦ ᐊᒻᒪᓗ ᐊᑐᖅᑕᐅᔭᕆᐊᓕᓐᓂᑦ ᐱᓕᒻᒪᓴᕙᓪᓗᓂ ᐃᓚᒋᓗᒋᑦ ᐊᐅᓕᖅᓱᖅᑕᐅᔾᔪᑎᓂᑦ, ᐋᓐᓂᐊᖃᕐᓇᖏᖅᑐᓕᕆᓂᕐᒧᑦ ᑕᐃᒍᓯᓂᑦ ᐊᒻᒪᓗ ᐊᐅᓚᑦᑎᔪᓐᓇᕐᓗᓂ ᑐᑭᓯᐅᒪᓗᓂᓗ ᐱᔭᕐᓂᖏᑦᑐᓂᑦ ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓂᒃ ᖃᐅᔨᓴᕈᑎᓂᑦ ᐱᓕᕆᔾᔪᑎᓂᑦ ᐊᑐᕈᓐᓇᑦᑎᐊᕐᓗᓂ.

ᖃᐅᔨᒪᓂᖃᑦᑎᐊᕐᓗᓂ, ᐊᔪᙱᑦᑎᐊᕐᓗᓂ ᐊᒻᒪᓗ ᐱᔪᓐᓇᕐᓂᖃᑦᑎᐊᕆᐊᓕᒃ ᑖᑦᓱᒥᖓ ᐃᖅᑲᓇᐃᔮᓕᒃ ᐃᓕᓐᓂᐊᕐᕕᒻᒥ ᐱᔭᕇᕈᓯᐊᖅᓯᒪᓗᓂ ᐅᕝᕙᓗᓃᑦ ᐋᓐᓂᐊᖃᕐᓇᖏᑦᑐᓕᕆᓂᒃᑯᑦ ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓂᒃ ᖃᐅᔨᓴᕈᓐᓇᕐᓂᕐᒧᑦ ᐱᔭᕇᕈᓯᐊᖅᓯᒪᓗᓂ ᑲᓇᑕᒥ ᓯᓚᑦᑐᖅᓴᕐᕕᒻᒥᑦ ᐅᕝᕙᓗᓃᑦ ᓯᓚᑦᑐᖅᓴᕐᕕᔾᔪᐊᒥᑦ. ᐱᓕᕆᖃᖅᑕᕐᓂᑰᓗᓂ ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓄᑦ ᖃᐅᔨᓴᕈᑎᓂᒃ ᐱᐅᒐᔭᖅᑐᖅ. ᐃᓕᓴᕆᔭᐅᔾᔪᑎᑖᖅᓯᒪᔭᕆᐊᖃᖅᑐᑎᑦ ᑲᓇᑕᒥ ᑲᑐᔾᔨᖃᑎᒌᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᓴᐅᑎᓂᑦ ᖃᐅᔨᓇᓱᒃᑎᑦ ᐃᓕᓴᕆᔭᐅᔾᔪᑎᖃᕆᐊᓖᑦ.   ᓇᓕᖃᖓᓂᑦ ᑲᓇᑕᒥ ᑲᑐᔾᔨᖃᑎᒌᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᓴᐅᑎᓂᑦ ᖃᐅᔨᓇᓱᒡᓂᕐᒧᑦ ᐃᓕᓴᕆᔭᐅᔾᔪᑎᖃᕆᐊᓕᒃ ᐊᒻᒪᓗ ᓇᓕᖃᖓᓂᑦ ᐃᓕᓐᓂᐊᖅᑕᒥᓂᑦ ᐱᔭᕇᕈᓯᐊᕆᓯᒪᔭᐃᑦ ᐅᕝᕙᓗᓃᑦ ᐱᔭᕇᕈᓯᐊᕆᓯᒪᔭᐃᑦ ᐋᓂᐊᖃᕐᓇᖏᑦᑐᓕᕆᓂᕐᒧᑦ ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᙶᖅᑐᓂᒃ ᖃᐅᔨᓴᕐᓂᕐᒧᑦ  ᑲᓇᑕᒥ ᓯᓚᑦᑐᖅᓴᕐᕕᒻᒥ ᐅᕝᕙᓗᓃᑦ ᓯᓚᑦᑐᖅᓴᕐᕕᔾᔪᐊᒥᑦ ᐃᓚᓕᐅᑎᖃᓯᐅᑎᓯᒪᔭᕆᐊᓖᑦ ᐃᖅᑲᓇᐃᔮᖅᑖᕆᓇᓱᐊᖅᑕᕐᓄᑦ ᐃᓱᒪᒋᔭᐅᖃᓯᐅᑎᓂᐊᕐᒪᑦ.

ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᖕᓂ, ᐃᓕᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐋᓐᓂᐊᖃᕐᓇᖏᑦᑐᓕᕆᔩᑦ ᐃᓕᓐᓂᐊᑲᓐᓂᖃᑦᑕᕆᐊᓖᑦ ᐊᑯᓂᐅᖏᑦᑑᒐᓗᐊᖅ ᐊᒻᒪᓗ ᒫᓐᓇᕐᓂᓴᕐᓂᑦ ᐱᓕᒻᒪᒃᓴᖃᑦᑕᕐᓗᑎᒃ ᐊᒻᒪᓗ ᐃᓕᓐᓂᐊᕐᓂᕆᓯᔭᖏᓐᓄ ᐃᓕᓴᕆᔭᐅᔾᔪᑎᖃᕆᐊᓖᑦ ᐃᖅᑲᓇᐃᔭᕐᕕᒻᒥᑦ ᐊᑦᑕᕐᓇᖅᑐᓕᕆᓂᕐᒥᑦ ᖃᒪᒋᔭᖃᕐᓂᕐᒥᑦ ᐃᓕᓐᓂᐊᖅᓯᒪᓗᓂ, ᓇᓗᓇᐃᒃᑯᑕᓕᒫᓄᑦ ᐱᓕᒻᒪᒃᓴᖅᑕᐅᔭᕆᐊᖃᕐᒥᔪᑦ, ᐊᑦᑕᕐᓇᖅᑐᓄᑦ ᐅᓯᔭᐅᔾᔪᑎᖏᓐᓅᖓᔪᓄᑦ ᖃᐅᔨᒪᓂᖃᕐᓗᓂ, ᐃᓅᓕᑦᑎᓂᕐᒥᑦ ᐊᒻᒪᓗ ᐊᒡᒐᒻᒥᓂᒃ ᐅᐊᓴᖃᑦᑕᕐᓂᖅ.

ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᖅᑲᓇᐃᔮᕆᔭᐅᖏᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

 

ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᔪᓐᓇᖅᐸᑦ ᑎᑎᕋᖅᑕᕕᑦ ᖄᖓ ᐊᒻᒪᓗ ᐱᔪᒥᓴᐅᑎᑦ ᐅᑯᓄᖓ GNHR@gov.nu.ca. ᐃᓚᓕᐅᑎᓗᒍ ᓇᓗᓇᐃᒃᑯᑕᑉ ᓈᓴᐅᑖ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᒃᑯᑦ.

  • ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓇᓱᒃᖢᑎᒃ ᑭᒡᒐᖅᑐᐃᓂᖅᓴᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᓂᖅᑕᓴᐅᔪᒪᓪᓗᑎᒃ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐱᓇᔪᒃᑐᑦ ᓇᓗᓇᐃᖅᓯᑦᑎᐊᕆᐊᖃᖅᐳᑦ ᐊᔪᙱᓐᓂᖏᓐᓂᒃ ᓯᕗᓪᓕᐅᔾᔭᐅᖃᑕᐅᔪᒪᑐᐊᖅᐸᑕ ᓄᓇᕗᒻᒥ ᐃᖅᑲᓇᐃᔮᖅᑖᕋᓱᒃᑐᑦ ᓯᕗᓪᓕᐅᑎᔭᕆᐊᓕᑦ ᐊᑐᐊᒐᖅ ᒪᓕᒡᓗᒍ.
  • ᐃᖅᑲᓇᐃᔮᑦ ᐃᓚᖏᑦ ᐱᕝᕕᐅᔪᒪᓲᖑᖕᒪᑕ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓐᓂᕐᒧᑦ ᖃᐅᔨᓴᕈᑎᓂᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᕈᑕᐅᙱᑐᐃᓐᓇᕆᐊᖃᖅᑐᖅ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᒃᑲᓐᓂᑐᐃᓐᓇᕋᔭᖅᑐᑦ.
  • ᐃᖅᑲᓇᐃᔭᖅᑖᕋᓱᒃᑐᑦ ᑐᓂᓯᔪᓐᓇᖅᑐᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᓂᒃ ᓇᓕᐊᖕᓂᑐᐃᓐᓇᖅ ᐃᓕᓴᕆᔭᐅᓯᒪᔪᓂᒃ ᐅᖃᐅᓯᕐᓂᑦ ᓂᕈᐊᕆᔭᒥᓂᒃ.
  • ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
  • ᐃᖅᑲᓇᐃᔮᒃᓴᐅᑉ ᐅᓂᒃᑳᖅᓯᒪᓂᖓ ᐱᔭᐅᔪᓐᓇᖅᑐᖅ ᓱᒃᑲᔪᒃᑯᑦ, ᐃᕐᖐᓐᓈᖅᑕᐅᒃᑯᑦ ᐅᕝᕙᓘᓃᑦ ᐃᑭᐊᖅᑭᕕᒃᑯᑦ.
  • ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓂᐊᖅᑐᑦ ᖃᐅᔨᑎᑕᐅᓂᐊᖅᐳᑦ.
Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ