ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐳᕙᒃᓗᒃᑐᓕᕆᔨ

ᓄᓇᓕᒃ: 
ᑲᙱᖅᖠᓂᖅᒥ
ᓇᓗᓇᐃᒃᑯᑕᖓ: 
10-505952
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$95,882.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$18,517.00
ᒪᑐᕝᕕᒃᓴᖓ: 
ᐄᐳᕈ 03, 2020

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᑲᒪᒋᔭᐅᕝᕕᖃᕐᓗᓂ ᑐᑭᒧᐊᒃᑎᑦᑎᔨᒧᑦ ᐃᓄᒋᐊᒃᑐᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᐃᑲᔪᕐᑕᐅᓗᓂᓗ ᐊᕕᒃᑐᖅᓯᒪᓂᒃᑯᑦ ᐊᐃᑦᑐᕐᓘᑕᐅᔪᓐᓇᖅᑐᓄᑦ ᑲᒪᔨᒧᑦ, ᓄᓇᕗᒻᒥᓗ ᐊᐃᑦᑐᕐᓘᑕᐅᔪᓐᓇᖅᑐᓄᑦ ᐅᖃᖅᑎᒧᑦ, ᑕᒪᐃᓐᓄᓪᓗ ᑐᑭᒧᐊᒃᑎᑕᐅᓗᓂ ᓘᒃᑖᓄᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᐅᓚᑦᑎᔨᒻᒪᕆᖕᒧᑦ ᑖᓐᓇ ᐃᖅᑲᓇᐃᔮᒃᓴᖅ ᐱᓕᕆᐊᖃᕐᐸᒃᓗᓂ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᖃᖅᑕᖓᓂᒃ ᓴᐳᒻᒦᓗᓂ, ᐅᑎᖅᑎᑦᑎᕙᓪᓕᐊᓗᓂ, ᖁᕝᕙᕆᐊᖅᑎᑦᑎᓗᓂᓗ ᐋᓐᓂᐊᖃᖅᑕᐃᓕᒪᓂᕐᒥᒃ ᐱᑎᑦᑕᐃᓕᒪᓗᒍ ᒥᒃᖠᒋᐊᖅᑎᓪᓗᒍᓗ ᐊᑐᖃᑦᑕᖅᑐᖅ ᐳᕙᒃᓗᖕᓇᒥ ᐊᑐᕐᓗᒍ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐱᓕᕆᔾᔪᑕᐅᓂᐊᖅᑐᑦ. ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐳᕙᒃᓗᒃᑐᓕᕆᔨ ᐊᐅᓚᑦᑎᔨ ᑕᐅᑐᓪᓗᐊᑕᕐᓗᓂ ᐃᑲᔪᕐᓂᕐᒥᒃ ᓄᓇᓕᖕᓂ ᐳᕙᒃᓗᖕᓇᓄᑦ ᐱᓕᕆᐊᒃᓴᓂᑦ ᓄᓇᕗᒻᒥ ᐱᑎᑦᑎᓂᒃᑯᑦ ᖃᐅᔨᒪᓂᕐᒥᒃ ᐊᔪᙱᑦᑎᐊᕐᓂᕐᓂᒃᓗ ᑐᙵᕕᓕᖕᓂᒃ ᐊᑐᕋᓱᖃᑦᑕᕐᓂᕐᓂ, ᒫᓐᓇᓕᓴᕐᓄᑦ ᖃᐅᔨᓴᕈᑎᓄᑦ, ᑲᓇᑕᒥ ᓄᓇᕗᒻᒥᓗ ᒪᓕᒃᑕᐅᔭᕆᐊᓕᖕᓂᑦ ᓯᕗᓕᖅᓯᓂᕐᒥᒃᓗ ᑐᙵᑦᑎᐊᖅᑐᓂᒃ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐃᓗᓕᖏᓐᓂᒃ. ᐃᖅᑲᓇᐃᔭᓕᖅᑐᖅ ᓯᕗᒃᑲᐃᓗᓂ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐳᕙᒃᓗᖕᓇᖅᑐᓕᕆᓂᕐᒥ ᐱᓕᕆᐊᒃᓴᓕᕆᓂᕐᓂ ᐱᑎᑦᑎᓗᓂᓗ ᐊᔪᙱᑦᑎᐊᕐᓗᓂ ᓯᕗᓕᖅᓯᓂᕐᒥᒃ ᐱᑎᓪᓗᒋᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᓯᕗᓪᓕᐅᑎᔭᕆᐊᖃᖅᑕᖏᑦ ᓄᓇᓕᖕᒧᑦ ᓄᓇᓕᖕᓂᓗ ᐊᕕᒃᑐᖅᓯᒪᓂᐅᔪᓄᑦ.

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐳᕙᒃᓗᒃᑐᓕᕆᔨ ᐊᐅᓚᑦᑎᔨ ᐱᑎᑦᑎᕙᒃᓗᓂ ᐅᖁᒪᐃᓐᓂᕐᓂᐊᕐᕕᖕᒥ ᐳᕙᒡᓗᒃᑐᓄᑦ ᐊᑭᓕᐅᓯᐊᓂᑦ ᐱᓕᕆᐊᒃᓴᓄᑦ ᐊᐅᓚᑦᑎᓂᕐᒥᒃ ᐃᑲᔪᕐᓗᒋᑦ ᓄᓇᓖᑦ ᐋᓐᓂᐊᕖᓪᓗ ᐱᓂᒃᑯᑦ ᖃᐅᔨᓴᐃᓐᓇᕐᓂᒃᑯᓪᓗ ᐊᐅᓚᑦᑎᓂᕐᓂ ᓄᓇᓕᖕᓂ ᐳᕙᒃᓗᖕᓇᓄᑦ ᐱᓕᕆᐊᒃᓴᓂᑦ, ᐊᑐᓕᖅᑎᑦᑎᓗᓂ ᐳᕙᒃᓗᖕᓇᓄᑦ ᐱᓕᕆᐊᒃᓴᓕᕆᓂᕐᓂ ᐱᑎᑦᑎᑕᐃᓕᓂᕐᓄᓪᓗ ᒪᓕᒋᐊᖃᖅᑐᖏᓐᓂᑦ, ᖃᐅᔨᒪᒋᐊᕐᓗᓂ ᐳᕙᒃᓗᖕᓇᒧᑦ ᐱᓗᐊᖅᑎᑦᑎᑕᐃᓕᒪᔾᔪᑏᑦ ᓄᓇᕗᒻᒥ ᒪᓕᒃᓗᑎᒃ ᓄᓇᕗᑦ ᒪᓕᒃᑕᐅᔭᕆᐊᖃᓪᓚᕆᒃᑐᖏᓐᓂ ᐊᒻᒪ ᑲᓇᑕᒥᐅᓄᑦ ᐳᕙᒃᓗᖕᓇᓄᑦ ᒪᓕᒋᐊᖃᖅᑕᖏᓐᓂ, ᐊᕝᕗᐃᓗᓂ ᐋᓐᓂᐊᓄᑦ ᑲᑎᖅᓱᖅᓯᒪᔪᓂᒃ ᑎᑎᕋᓕᐅᕐᓂᕐᓂᒃᓗ ᑕᐃᒪᐃᑦᑐᖃᕋᓱᒋᔭᐅᔪᓕᒫᓂᒃ ᓇᓗᓇᐃᖅᑕᐅᔪᓂᒃᓗ ᐱᖃᖅᑐᓂᒃ ᐳᕙᒃᓗᖕᓇᓂᒃ ᐱᓕᕆᐊᖃᕐᓗᓂᓗ ᖃᐅᔨᓴᐃᓐᓇᐅᔭᕐᓂᕐᒥᒃ ᓄᓇᓕᖕᓂ ᐳᕙᒃᓗᖕᓇᓄᑦ ᐱᓕᕆᐊᒃᓴᓂᑦ ᓱᖏᐅᑎᓗᒋᓪᓗ ᐱᓕᕆᐊᒃᓴᑦ ᐱᖁᓪᓗᒋᑦ ᓄᓇᓕᖕᓂ ᐱᔭᕆᐊᓕᖏᑦ. ᐱᑎᑦᑎᕙᒃᓗᓂ ᐳᕙᒃᓗᒃᑐᓕᕆᔨ ᐊᐅᓚᑦᑎᓂᕐᒥᒃ ᓄᓇᓕᖕᓂ ᐋᓐᓂᐊᕕᖏᓐᓂ ᖃᐅᔨᒪᒋᐊᕐᓂᒃᑯᑦ ᐳᕙᒃᓗᒃᑐᓄᑦ ᖃᐅᔨᓴᐃᓂᖅ, ᐅᐸᒃᓯᒪᖃᑦᑕᖅᑕᖏᓐᓂᒃᓗ ᖃᐅᔨᓇᓱᖕᓂᖅ ᐊᒻᒪ ᖃᓄᐃᑦᑑᓚᐅᕐᓂᖓᓂᒃ ᓇᓗᓇᐃᖅᓯᒍᑎ ᖃᐅᔨᓴᕐᓂᕐᓂ ᐊᑐᓕᖅᑎᑕᐅᓗᑎᒃ ᓄᑖᓕᒫᓄᑦ ᐳᕙᒃᓗᓕᖅᑐᓄᑦ. ᐊᐅᓚᑦᑎᔨ ᐊᐅᓪᓚᖃᑦᑕᕐᓗᓂ ᓄᓇᓕᖕᓄᑦ ᐱᔭᕆᐊᖃᕌᖓᑦ ᐊᐅᓚᑦᑎᓚᐅᑲᒃᓗᓂ ᐅᓄᕐᓂᖏᑎᒍᑦ ᖃᓂᒻᒪᒃᑐᑦ ᐅᕝᕙᓘᓐᓃᑦ ᐳᕙᒃᓗᖕᓇᖅᑐᖃᓗᐊᖅᑎᓪᓗᒍ.

ᖃᐅᔨᒪᓗᓂ ᐊᔪᙱᑦᑕᕆᐊᖃᓪᓗᐊᑕᖅᑕᖏᓐᓂ ᐳᕙᒃᓗᖕᓇᒧᓪᓘᓐᓃᑦ ᐱᓗᐊᖅᑕᐃᓕᑎᑦᑎᓂᕐᒥᒃ ᑲᓇᑕᒥ, ᓄᓇᓕᖕᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓗᐊᖅᓴᐃᔨᖏᑦ ᑲᓇᑕᒥ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐃᓗᐊᖅᓴᐃᔨᐅᓂᕐᒥᒃ ᐊᔪᙱᑦᑎᐊᕐᓂᕐᓂ, ᒪᓕᒋᐊᖃᖅᑐᓂᒃ ᐊᑐᕋᓲᑎᓂᒃ, ᐱᓕᕆᔨᒻᒪᕆᐅᓂᕐᒧᓪᓗ ᐊᑐᕆᐊᓕᒃ, ᖃᕆᑕᐅᔭᓕᕆᔪᓐᓇᑦᑎᐊᕐᓗᓂ, ᑲᑎᙵᔪᓂᒃ ᐱᓕᕆᔨᐅᓂᖅ, ᐃᓕᓴᐃᓂᖅ, ᑐᓴᐅᒪᔪᓕᕆᔪᓐᓇᕐᓂᕐᓗ ᐱᒋᔭᕆᐊᖃᖅᑕᖏᑦ. ᐊᖁᑦᑐᓐᓇᐅᑎᖃᕆᐊᓕᒃ.  ᐋᓐᓂᐊᖅᓯᐅᑏᑦ ᑲᑐᔾᔨᖃᑎᒌᒃᑯᖏᑦ ᓄᓇᑦᓯᐊᕐᒥᑦ/ᓄᓇᕗᒻᒥᓪᓗ ᐊᑎᓕᐅᖅᑕᐅᓯᒪᓗᓂ ᐱᕗᓐᓇᕐᓗᓂᓘᓐᓃᑦ ᐊᑎᓕᐅᖅᑕᐅᓂᕐᒥᒃ ᐱᒋᐊᓚᐅᙱᑎᓪᓗᒍ ᐅᓪᓗᖓ ᐱᒋᐊᕐᕕᒃᓴᒥ ᐱᔭᕆᐊᓕᒃ, ᐃᓅᓕᑦᑎᔪᓐᓇᕐᓂᕐᒧᑦ ᐱᓕᕆᔪᓐᓇᑦᑎᐊᕐᓗᓂ ᐊᕐᕌᒍᑕᒫᑦ ᓇᓗᓇᐃᒃᑯᑕᖅᑖᖅᐸᒃᓗᓂ. ᐃᖅᑲᓇᐃᔭᖅᑎᙳᖅᑐᖅ ᐱᐊᓂᒐᓱᑦᑎᐊᕈᒪᔭᕆᐊᓕᒃ ᐃᓕᓴᕆᔭᐅᔾᔪᑎᑖᕆᔭᕆᐊᖃᖅᑕᓕᒫᖏᓐᓂᒃ ᐃᓕᓐᓂᐊᒐᒃᓴᓂᒃ ᐃᖅᑲᓇᐃᔭᕐᕕᖕᒥᓂ ᐊᑐᐃᓐᓇᐅᑎᑕᐅᕙᒃᑐᓂᒃ.

ᖃᐅᔨᒪᔭᖏᑦ, ᐊᔪᙱᑕᖏᑦ ᐊᒻᒪ ᐱᓕᕆᔪᓐᓇᕐᓂᖏᑦ ᑖᑦᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᑦᑐᑦ ᐃᓕᑕᕆᔭᐅᓯᒪᔪᒧᑦ ᓯᓚᑦᑐᓴᕐᕕᔾᔪᐊᕐᒥᑦ ᐱᔭᕇᕈᓯᐊᕐᒥᒃ ᐋᓐᓂᐊᓯᐅᑎᓕᕆᓂᕐᒧᑦ ᐱᔭᕇᕈᐊᕐᒥᓪᓘᓐᓃᑦ ᖃᐅᔨᓴᕐᓂᕐᒧᑦ ᐋᓐᓂᐊᓯᐅᑎᓕᕆᓂᕐᒧᑦ ᐱᔭᕇᕈᐊᓯᕐᒥᓪᓘᓐᓃᑦ ᖃᐅᔨᓴᕐᓂᕐᒧᑦ ᐅᑭᐅᖅᑕᖅᑐᒥ ᐋᓐᓂᐊᓯᐅᑎᓕᕆᓂᕐᒧᑦ ᐊᕐᕌᒍᓐᓄᑦ ᒪᕐᕉᓐᓄᑦ ᐱᓕᕆᓯᒪᓂᑰᓗᓂ ᐳᕙᓪᓕᑦᑐᓕᕆᓂᕐᒧᑦ. 

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᑲᑎᓯᒪᓗᑎᒃ ᒪᑯᐊᖑᔪᓐᓇᖅᑐᑦ, ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᖅᑕᖏᑦ ᐃᓱᒪᒋᔭᐅᑐᐃᓐᓇᕆᐊᖃᕋᔭᕐᒥᔪᑦ.

ᐃᓕᓐᓂᐊᕌᓂᒍᓯᐊᖃᕐᓗᓂ ᐃᓗᐊᖅᓴᐃᔨᐅᓂᕐᒧᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐱᔭᐅᔪᒪᔪᖅ.

ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᖕᓂ, ᐃᓕᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ