ᐅᖃᓚᐅᑎᓯᐅᑏᑦ

You are here

(2) ᐃᖢᐊᖅᓴᐃᔨ, ᑐᐊᕕᕐᓇᖅᑐᓕᕆᔨᒃᑯᓐᓄᑦ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
10-01-235-187SK
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
ᐱᒋᐊᕋᔭᖅᑐᖅ $99,241- $112,629 ᐊᕐᕌᒍᒧᑦ, 42.00 ᐃᑲᕐᕋᑦ/ᐱᓇᓱᐊᕈᓯᕐᒥᑦ
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15016

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᖏᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᖏᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᓪᓗ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᑐᐊᕕᓐᓇᖅᑐᓕᕆᕕᒻᒥᑦ ᐋᓐᓂᐊᓯᐅᖅᑎ ᐃᓚᒋᔭᐅᖃᑕᐅᔪᖅ ᐋᓐᓂᐊᖅᓯᐅᑎᓂᑦ, ᐋᓐᓂᐊᕕᓕᐊᖅᓯᒪᔪᓂᑦ ᑲᒪᔨᐅᓪᓗᑎᑦ ᑐᐊᕕᕐᓇᖅᑐᒃᑯᕕᒻᒨᖅᓯᒪᔪᓂᑦ, ᐋᓐᓂᐊᔪᓂᑦ ᑎᒥᒥᒍᑦ ᖃᓄᐃᒍᑎᖃᖅᑐᓂᑦ ᑲᒪᓂᕐᒥᑦ ᐊᒻᒪ ᐃᓕᖅᑯᓯᖃᑎᒋᙱᑕᖏᓐᓂᑦ ᐃᑉᐱᒍᓱᑦᑎᐊᕆᐊᖃᕐᓂᕐᒧᑦ ᑲᒪᔪᓐᓇᕐᓗᑎᑦ.  ᐃᖅᑲᓇᐃᔭᖅᑎ ᐃᖅᑲᓇᐃᔭᖃᑦᑕᕋᔭᖅᑐᖅ ᐃᑲᕐᕋᓄᑦ 12ᓄᑦ ᓇᓪᓕᒃᑭᑕᖅᑐᓂᑦ ᐊᒻᒪ ᐋᓐᓂᐊᓯᐅᖅᑎᓄᑦ ᐊᐅᓚᑦᑎᔨᒧᑦ ᑐᑭᒧᐊᖅᑎᑦᑕᐅᖃᑦᑕᕐᓗᑎᑦ ᑐᐊᕕᓐᓇᖅᑐᓕᕆᔨᓄᑦ. ᐋᓐᓂᐊᓯᐅᖅᑎ ᑐᐊᕕᕐᓇᖅᑐᓕᕆᔨᒃᑯᓐᓄᑦ, ᐅᓂᒃᓯᒪᔪᓄᑦ, ᑲᒪᒋᔭᖃᕆᐊᓕᒃ ᐊᑦᑕᕐᓇᖏᑦᑐᒥᑦ ᐊᑭᒻᒪᑎᔪᓄᓪᓗ ᒪᓕᒋᐊᓕᓐᓄᑦ ᐋᓐᓂᐊᓯᐅᖅᑎᓄᑦ ᐱᔨᑦᓯᕋᖅᑕᐅᓲᓄᑦ, ᑲᑐᔾᔨᖃᑎᖃᕐᓗᓂ ᐊᓯᖏᓐᓂᑦ ᐋᓐᓂᐊᖃᕐᓇᖏᑦᑐᓕᕆᔨᐅᖃᑕᐅᔪᓂᑦ ᐃᑲᔪᖅᐸᓪᓗᓂᓗ ᑲᑎᙵᐅᖅᑐᓂᑦ ᐋᓐᓂᐊᓯᐅᖅᑎᐅᖃᑕᐅᔪᓂᑦ.

ᑖᔅᓱᒥᖓ ᐃᖅᑲᓇᐃᔮᖅᑖᕈᓐᓇᖁᓪᓗᑎᑦ ᐅᑯᓂᖓ ᖃᐅᔨᒪᓂᖃᕆᐊᖃᖅᑐᑎᑦ; ᑐᐊᕕᓐᓇᖅᑐᓂᑦ; ᓇᔾᔨᔪᓂᑦ ᐊᒻᒪ ᐃᓄᕋᑖᖅᑐᓂᑦ, ᓱᕈᓯᓕᕆᔪᓐᓇᓂᕐᒥᑦ, ᐃᓱᒪᓕᕆᔪᓐᓇᓂᕐᒥᑦ, ᐄᔭᒐᓕᕆᔪᓐᓇᓂᕐᒥᑦ, ᐃᓐᓇᕈᖅᐸᓪᓕᐊᓂᕐᒥᑦ ᐃᓐᓇᑐᖃᐅᓂᕐᒧᑦ ᑎᒥᖏᑦ ᖃᓄᐃᑦᑐᓐᓇᕐᓂᖏᓐᓂᑦ, ᐊᐃᑦᑐᕐᓘᑕᐅᔪᓐᓇᖅᑐᓂᑦ ᑲᒪᔨᐅᓂᕐᒥᑦ ᐊᒻᒪ ᐃᖅᑲᓇᐃᔭᖅᑏᑦ ᑎᒥᖏᑕ ᖃᓄᐃᓐᓂᖏᓐᓂᑦ ᐊᒻᒪ ᖃᓄᐃᙱᑦᑎᐊᕋᓱᓐᓂᕐᒥᑦ.

ᑕᕝᕙᓂᐃᖅᑲᓇᐃᔮᒥᖃᐅᔨᒪᓂᐅᔭᕆᐊᓖᑦ, ᐱᓕᕆᒍᓐᓇᕐᓃᑦᐊᒻᒪᓗᐱᔪᓐᓇᕐᓂᐅᔪᑦᐱᔭᐅᓯᒪᔭᕆᐊᓖᑦᑕᕝᕗᖓᐃᖅᑲᓇᐃᔮᒧᑦᐱᔭᐅᔪᓐᓇᖅᑯᑦᓯᓚᑦᑐᖅᓴᕐᕕᒡᔪᐊᕐᒥᙶᖅᑐᒥᖃᐅᔨᓴᕐᓂᕐᒧᑦ ᐋᓐᓂᐊᓯᐅᖅᑎᐅᓂᕐᒧᑦ ᐃᓕᑕᕆᔭᐅᓯᒪᔪᒥᑦ ᓯᓚᑦᑐᓴᕐᕕᔾᔪᐊᕐᒥᑦ (ᐱᔭᕆᐊᖃᖅᑐᖅ) ᐊᕐᕌᒍᓕᒫᒧᓪᓗ ᐱᓕᕆᓯᒪᓂᑰᓗᓂ (ᐊᕐᕌᒍᐃᑦ ᑕᓪᓕᒪᑦ ᐃᓗᐊᓂ) ᑐᐊᕕᓐᓇᖅᑐᓕᕆᕕᒻᒥᑦ (ᐱᔭᕆᐊᖃᖅᑐᖅ).  ᐃᖅᑲᓇᐃᔮᖅᑖᕋᓱᐊᖅᑐᖅ ᐃᓚᐅᔪᓐᓇᕆᐊᓕᒃ ᐊᑎᓕᐅᖅᑕᐅᔪᓐᓇᕐᓗᓂ ᐃᓕᑕᕆᔭᐅᔾᔪᑎᖃᖅᑐᖅ ᐋᓐᓂᐊᓯᐅᖅᑎᓄᑦ ᑲᑐᔾᔨᖃᑎᒌᓄᑦ ᓄᓇᑦᓯᐊᕐᒥᑦ ᓄᓇᕗᒻᒥᓪᓗ.. ᓄᑖᖑᓗᑎᑦ ᐃᓕᓴᕆᔭᐅᔾᔪᑎᖏᑦ ᐆᒪᓯᕆᔪᓂᑦ ᐊᓂᖅᓵᖅᑎᑦᑎᓇᓱᓐᓂᕐᒥᑦ ᐊᒻᒪ ᐋᓐᓂᖅᑐᓂᑦ ᐊᓂᖅᓵᖅᑎᑦᑎᓇᓱᓐᓂᕐᒥᑦ.

ᐃᑲᔫᑎᖃᕋᔭᕐᒥᔪᑦ ᐅᑯᐊ: ᐃᖅᑲᓇᐃᔭᖅᑎ ᐅᐸᖃᑦᑕᕈᒪᔭᕆᐊᓕᒃ ᐱᐊᓂᖃᑕᐅᑦᑎᐊᖅᐸᒡᓗᓂᓘᓐᓃᑦ ᐃᓅᓵᖅᑐᒥᑦ ᐊᓂᖅᓵᖅᑎᑦᑎᓇᓱᖕᓂᕐᒧᑦ ᐱᓕᕆᐊᒃᓴᒥᑦ , ᓄᑕᕋᓛᓂᒃ ᐋᓐᓂᐊᖅᑐᓂᑦ ᑲᒪᒋᔭᐅᔭᕆᐊᖃᓪᓚᕆᒃᑐᓂᑦ (PALS), ᐆᒪᓯᕆᔪᒥᑦ ᐊᓂᖅᓵᖅᑎᑦᑎᓇᓱᖕᓂᖕᒥᒃ (ACLS), ᖁᐊᖅᓵᖅᓯᒪᔪᓂ ᐋᓐᓂᖅᑐᓕᕆᓂᕐᒧᑦ ᐃᓕᓐᓂᐊᕐᓂᕐᒥᒃ (TNCC), ᑲᓇᑕᒥ ᑲᑐᔾᔨᖃᑎᒌᖕᓂᕐᒥᒃ ᐅᐸᓗᖓᐃᔭᕐᓂᕐᒥᒡᓗ ᖃᐅᔨᒪᔾᔪᑎᖏᓐᓂᒃ (CTAS) ᐊᒻᒪ ᐊᓂᖅᑎᕆᓂᒃᑰᙱᑦᑐᖅ ᖃᓄᖅᑑᕋᓱᐊᖅᑎᑦᑎᓂᖅ ᐊᒃᓱᕉᓴᓗᐊᖅᑐᓂᑦ ᐅᖃᐅᔾᔨᒋᐊᕐᓂᕐᒥᒃ (NVCI) ᑕᖅᑭᓂᑦ ᐊᕐᕕᓂᓕᖕᓂᒃ (6) ᐃᖅᑲᓇᐃᔭᓕᖅᑎᓪᓗᒍ.  ᑖᒃᑯᐊ ᐃᓕᓴᕆᔭᐅᔾᔪᑎᑖᕆᔭᐅᕆᐊᖃᓪᓚᕆᒃᑐᑦ ᓄᑖᙳᕆᐊᖃᑦᑕᕆᐊᖃᖅᐳᑦ ᐃᓕᓐᓂᐊᒐᒃᓴᑦ ᐊᑐᐊᒐᖏᑦ ᒪᓕᒃᖢᒋᑦ.

ᖃᐅᔨᒪᒃᐸᑦ ᐃᓄᐃᑦ ᐅᖃᐅᓯᖓᓂ, ᓄᓇᓕᖕᓂ, ᐃᓕᖅᑯᓯᖓᓂ, ᓄᓇᒥ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᑲᔫᑎᖃᑦᑎᐊᕋᔭᖅᐳᖅ.

ᐃᖅᑲᓇᐃᔭᐃᓐᓇᖅᑐᓄᑦ, ᐃᓗᐊᖅᓴᐃᔨᓪᓚᕆᖕᓄᑦ, ᐃᖅᑲᓇᐃᔮᖃᐃᓐᓇᖅᑐᑦ ᐊᑭᓕᖅᑕᐅᒃᑲᓐᓂᖃᑦᑕᕐᓂᐊᖅᐳᑦ: $5,000 ᐃᖅᑲᓇᐃᔮᒥ ᐱᒋᐊᓵᖅᑎᓪᓗᒋᑦ, $5,000 18-ᓄᑦ ᑕᖅᑭᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ ᐊᒻᒪ $10,000 ᑕᖅᑭᓄᑦ 30−ᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ. ᐃᓚᓕᐅᔾᔭᐅᓯᒪᔪᑦ ᐊᑭᓕᐅᑎᑦ $9,000 ᐊᕐᕌᒍᓕᒫᒧᑦ ᑲᒪᓯᒋᐊᖅᑳᒃᐸᒃᑐᓄᑦ ᐊᑭᓕᐅᓯᐊᑦ ᐊᒻᒪ $375 ᑕᖅᑭᑕᒫᑦ ᐃᖅᑲᓇᐃᔮᖃᐃᓐᓇᕐᓂᕐᒧᑦ ᐊᑭᓕᐅᓯᐊᒃᑲᓐᓂᖅᐸᒃᖢᑎᒃ ᑲᑎᖦᖢᒋᑦ $4,500 ᐊᕐᕌᒍᓕᒫᒧᑦ.

 

Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ