ᐃᓕᓐᓂᐊᖃᑕᐅᔪᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᑖᔅᓱᒧᖓ ᐃᓕᓐᓂᐊᖅᑕᐅᔪᒃᓴᒧᑦ ᐃᓚᓕᐅᔾᔭᐅᑲᐅᑎᒋᕙᒃᐳᑦ ᓂᕆᐅᒋᔭᐅᓪᓗᑎᓪᓗ ᐃᓚᐅᓛᕐᒪᖔᑕ ᑕᒪᐃᓐᓄᑦ ᐱᖓᓱᓄᑦ ᐃᓕᓐᓂᐊᒐᒃᓴᓄᑦ ᓇᓗᓇᐃᖅᑕᐅᓯᒪᔪᓄᑦ ᐊᑖᓂ.
ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᖏᓐᓄᑦ ᐃᓱᒪᒋᔭᖃᑐᐃᓐᓇᖅᑐᓄᑦ ᐃᓕᓐᓂᐊᒐᒃᓴᓂ ᐊᑐᓂᐅᑦᑕᕐᓗᒋᑦ ᐃᓕᓐᓂᐊᕈᒪᓇᔭᖅᑐᓄᑦ, ᐱᓇᔪᒍᑎᖏᑦ ᐊᖏᖅᑕᐅᓂᐊᖅᐳᑦ ᐅᑕᖅᑭᑎᑕᐅᓪᓗᑎᒡᓗ ᐃᓚᐅᓂᐊᕐᓗᑎᒃ ᑕᒪᐃᓐᓂᒃ ᐱᖓᓱᓂᒃ ᐃᓕᓐᓂᐊᒐᒃᓴᓂᒃ ᓯᕗᓪᓕᖅᐸᐅᔾᔭᐅᓂᐊᖅᐳᑦ. ᖃᐅᔨᑎᑕᐅᓂᐊᖅᐳᑎᑦ ᐊᔪᕈᓐᓃᖅᓴᒐᒃᓴᐅᑉ ᐅᓪᓗᖏᑦ ᖃᒡᓕᒃᑲᓐᓂᖅᐸᑕ ᐃᓂᒃᓴᓂᒃ ᒪᓂᒪᔪᖃᓕᖅᐸᑦ.
ᐃᓕᓐᓂᐊᒐᒃᓴᖅ 1: ᑐᓴᐅᒪᑎᑦᑎᑦᑎᐊᕈᓐᓇᕐᓂᖅ −MS Teams − ᒫᑦᓯ 7, 2023
ᐅᑯᐊ ᐃᓕᓐᓂᐊᖅᑕᐅᔪᒃᓴᑦ ᖃᐅᔨᔾᔪᑕᐅᓂᐊᖅᐳᑦ ᐃᓕᓐᓂᐊᖅᑎᓂᒃ ᑐᓴᐅᒪᑎᑦᑎᔪᓐᓇᑦᑎᐊᕐᓂᕐᒥᒃ ᖃᓅᓇᓱᒋᔭᐅᔪᓂᒃ, ᐊᑐᖅᑕᐅᔪᓐᓇᖅᑐᓂᒃ, ᐃᑲᔫᑎᒃᓴᓄᑦ ᐃᓅᓯᕐᒧᓪᓗ ᐊᑐᖅᑕᐅᔾᔪᓯᕐᒧᑦ ᐆᒃᑑᑎᑦ ᑐᑭᓯᔾᔪᑕᐅᔪᓐᓇᖅᑐᑦ ᐱᒻᒪᕆᐅᓂᖏᓐᓂᒃ ᑐᑭᓯᓇᖅᑐᑦ, ᖃᓄᖅᑑᕈᑎᑦ, ᐊᒻᒪ ᑐᓴᐅᒪᓇᑦᑎᐊᕐᓗᑎᒃ ᑐᓴᐅᒪᖃᑎᒌᖕᓂᖅ, ᐊᒻᒪ ᖃᓄᖅ ᑐᓴᐅᒪᖃᑎᒌᑦᑎᐊᕐᓂᖅ ᐱᐅᓯᒋᐊᖅᑎᑦᑎᔪᓐᓇᕐᒪᖔᑦ ᐱᓕᕆᖃᑎᒌᒍᓯᕐᓂᒃ ᓈᓚᒃᑎᓄᑦ (ᐃᓄᖕᓄᑦ, ᓄᓇᕗᒥᐅᓄᑦ ᐊᒻᒪ ᓄᓇᕗᒻᒥ ᓄᓇᓕᖕᓄᑦ ᐊᒻᒪ ᐱᑖᖃᑕᐅᓯᒪᔪᓄᑦ), ᓴᐳᑎᓗᒋᑦ ᖃᐅᔨᒪᔭᐅᓂᖏᑦ ᐊᒻᒪ ᐃᑲᔪᕐᓗᒋᑦ ᓇᖕᒥᓂᖁᑎᒋᔭᐅᔪᑦ ᑲᑐᔾᔨᖃᑎᒌᓪᓗ ᑲᔪᓯᑦᑎᐊᖁᓪᓗᒋᑦ. ᑖᓐᓇ ᐃᓕᓐᓂᐊᒐᒃᓴᖅ ᐊᑑᑎᖃᑦᑎᐊᖅᑐᖅ ᑐᓴᐅᒪᑎᑦᑎᔨᓄᑦ, ᐱᓕᕆᐊᒃᓴᓄᑦ ᐊᐅᓚᑦᑎᔨᓄᑦ ᐊᒻᒪ ᓯᕗᓕᖅᑎᓄᑦ. ᐱᔭᕇᓚᐅᕐᓗᒍ ᐃᓕᓐᓂᐊᕐᓂᖅ, ᐃᓕᓐᓂᐊᖃᑕᐅᔪᑦ ᐃᒪᐃᓕᐅᕈᓐᓇᖅᓯᓂᐊᖅᐳᑦ:
- ᑐᑭᓯᐊᓕᕐᓗᑎᒃ ᐱᒻᒪᕆᐅᓂᖓᓂᑦ ᐊᑑᑎᖃᑦᑎᐊᖅᑐᒥᑦ ᑐᓴᐅᒪᑎᑦᑎᔭᕆᐊᖃᕐᓂᕐᒥᒃ ᑲᖐᒋᔭᐅᔪᓂᓪᓗ, ᖃᓄᐃᓕᐅᕈᑕᐅᔪᒪᔪᓂᑦ ᐱᓕᕆᔾᔪᓯᕐᓂᓪᓗ ᐃᑲᔪᖅᑐᐃᔪᓂᒃ
- ᖃᓄᐃᒃᓴᙱᑦᑎᐊᕐᓗᑎᑦ ᐊᑐᕆᐊᒃᓴᖅ ᖃᐅᔨᓴᕐᓂᕐᒥᒃ, ᖃᓄᐃᓕᐅᕐᓂᕐᒧᑦ ᐸᕐᓇᐃᓂᕐᒥᒃ, ᑐᓴᐅᒪᔪᓕᕆᓂᕐᒥᒃ ᖃᐅᔨᓴᕐᓂᕐᒧᓪᓗ ᐊᑐᖅᑕᐅᔪᓐᓇᖅᑐᒥᒃ ᑐᓴᐅᒪᖃᑎᒌᖕᓂᕐᒥᒃ
- ᐱᓕᕆᔾᔪᑎᖃᕐᓗᑎᒃ ᐱᔭᕆᐊᖃᖅᑕᖏᓐᓂᒃ ᑐᓴᐅᒪᔪᓕᕆᓂᕐᒧᑦ ᐸᕐᓇᒃᑕᐅᒋᐊᓕᖕᓂᒃ ᐅᖃᐅᔾᔨᒋᐊᕈᑎᓂᒡᓗ ᐊᑐᓕᖅᑎᑦᑎᓗᑎᒡᓗ ᐊᑑᑎᖃᑦᑎᐊᖅᑐᓂᒃ ᑐᓴᐅᒪᔪᓕᕆᓂᕐᒧᑦ ᖃᓄᐃᓕᐅᕈᑕᐅᔪᒪᔪᓂᒃ
ᐃᓕᓐᓂᐊᒐᒃᓴᖅ 2: ᐅᖃᐅᓯᕐᒥ ᑎᑎᕋᕐᓂᖅ ᐊᒻᒪᓗ ᐋᖅᑭᒋᐊᕆᓂᖅ - MS Teams−ᑯᑦ − ᒫᑦᓯ 8, 2023
ᐅᖃᐅᓯᖅᑕᖅ ᑐᓴᖅᑕᐅᔪᒃᓴᖁᑎᑎᑦ, ᓈᓚᒃᑐᑦ ᐃᓄᒋᐊᒃᑲᓗᐊᖅᐸᑕ ᐃᓄᑭᒃᑲᓗᐊᖅᐸᑕ, ᑐᑭᓯᓇᖅᑎᑦᑎᐊᖅᐸᒡᓗᒋᑦ, ᑖᒃᑯᓄᖔᖓᑎᑦᑎᐊᖅᐸᒡᓗᒋᑦ, ᑐᑭᓯᓇᖅᑎᓪᓗᒋᑦ, ᐱᓕᕆᓐᓇᕐᓗᑎᓪᓗ. ᐱᓕᒻᒪᒃᓴᕐᓂᖅ ᐱᒻᒪᕆᐅᕗᖅ ᐱᔾᔪᑎᒃᓴᖅᓯᐅᖅᑎᓪᓚᕆᖕᓄᑦ ᑐᑭᓯᓇᖅᓯᑎᑦᑎᓇᓱᒋᐊᖃᖅᐸᒃᑐᓄᑦ ᐱᔭᕆᑐᔪᓂᒃ, ᐱᓕᕆᔾᔪᑎᓅᖓᔪᓂᒃ, ᐊᑐᐊᒐᕐᓂᒃ, ᐅᕝᕙᓘᓐᓃᑦ ᐊᒡᓚᕝᕕᓕᕆᔾᔪᑎᓄᑦ ᑐᑭᓯᒋᐊᒐᒃᓴᓂᒃ ᐃᓄᖕᒧᑦ ᐅᕝᕙᓘᓐᓃᑦ ᐊᓯᖏᓐᓄᑦ ᐱᑖᖃᑕᐅᓯᒪᔪᓄᑦ.
ᐅᓪᓘᑉ ᓇᑉᐸᖓᓄᑦ ᐃᓕᓐᓂᐊᖅᑕᐅᑎᓪᓗᒍ, ᐃᓕᓐᓂᐊᖃᑕᐅᔪᑦ ᐃᓕᑦᑎᓂᐊᖅᐳᑦ ᖃᓄᐃᒻᒪᑦ ᑐᑭᓯᔭᐅᔪᓐᓇᖅᑐᑦ ᐅᖃᐅᓯᑦ ᐱᒻᒪᕆᐅᖕᒪᖔᑕ, ᑎᑎᕋᕆᐅᖅᓴᓗᑎᒃ ᐅᕝᕙᓘᓐᓃᑦ ᑎᑎᕋᖅᓯᒪᔪᓂᒃ ᐋᖅᑭᒃᓱᐃᕙᒡᓗᑎᒃ ᑐᑭᓯᔭᐅᔪᓐᓇᖅᑐᓂᒃ ᐅᖃᐅᓯᒃᑯᑦ ᐊᑐᕐᓗᒍ ᐊᔾᔨᒌᙱᑦᑐᓄᑦ ᓈᓚᒃᑎᓄᑦ ᑐᓴᖅᑕᐅᔪᒃᓴᓪᓗ.
ᐱᔭᕇᓚᐅᕐᓗᒍ ᐃᓕᓐᓂᐊᕐᓂᖅ, ᐃᓕᓐᓂᐊᖃᑕᐅᔪᑦ ᐃᒪᐃᓕᐅᕈᓐᓇᖅᓯᓂᐊᖅᐳᑦ:
- ᑐᑭᓯᐊᓕᕐᓗᑎᒃ ᐱᒻᒪᕆᐅᓂᖏᓐᓂᒃ ᐊᑐᕐᓂᐊᕐᓗᒋᑦ ᑐᙵᕕᒋᔭᐅᓪᓗᐊᑕᖅᐸᒃᑐᑦ ᐅᖃᐅᓯᓕᕆᓂᕐᒧᑦ ᒪᓕᒐᐃᑦ ᒪᓕᒡᓗᒋᑦ ᑎᑎᕋᕐᓂᐊᕐᓗᒋᑦ
- ᐃᓕᓯᔪᓐᓇᖅᓯᓗᑎᒃ ᐃᓱᒪᓂᖅ−ᑎᑎᕋᕐᓂᖅ−ᐋᖅᑭᒋᐊᕆᓂᖅ ᐊᔾᔨᒌᙱᑦᑐᒃᑯᑦ ᑎᑎᕋᐅᓯᒃᑯᑦ
- ᐊᔪᕈᓐᓃᕐᓗᒋᑦ ᐋᖅᑭᒋᐊᖅᐸᒡᓗᒋᓪᓗ ᑎᑎᖅᑲᑦ ᐱᓗᐊᕈᓐᓃᖅᑎᓪᓗᒋᑦ ᑎᑎᖅᑲᒥᒃ ᐃᓱᒪᒋᔭᐅᓕᖅᐸᒃᑐᑦ
- ᐊᔪᕈᓐᓃᕐᓗᒋᑦ ᐋᖅᑭᒋᐊᖅᐸᒡᓗᒋᓪᓗ ᑎᑎᖅᑲᑦ ᐱᓗᐊᕈᓐᓃᖅᑎᓪᓗᒋᑦ ᑎᑎᖅᑲᒥᒃ ᐃᓱᒪᒋᔭᐅᓕᖅᐸᒃᑐᑦ
- ᑎᑎᕋᕈᓐᓇᖅᓯᓗᑎᒃ ᐅᖃᓕᒫᖅᑎᑐᑦ ᑐᓴᐅᒪᑎᑦᑎᔪᓐᓇᖅᓯᓗᑎᒡᓗ ᐃᓕᓐᓂᐊᖅᑎᑕᑎᑦ ᐃᓱᒪᒋᓗᒋᑦ
ᐃᓕᓐᓂᐊᒐᒃᓴᖅ 3: ᐊᑑᑎᖃᑦᑎᐊᖅᑐᒥᒃ ᐃᓄᐃᑦ ᓯᕗᕐᖔᓂ ᐅᓂᒃᑳᕈᓐᓇᖅᓯᓂᖅ − MS Teams−ᑯᑦ − ᒫᑦᓯ 14, 2023
ᑐᑭᓯᓇᑦᑎᐊᖅᑐᒥᒃ ᐅᓂᒃᑲᐅᓯᖃᕈᓐᓇᕐᓂᖅ ᐊᑑᑎᖃᑦᑎᐊᕐᓂᖓ ᑎᒥᐅᔪᒧᑦ ᐱᒻᒪᕆᐊᓘᔾᔪᑎᖃᖅᑐᖅ ᑲᔪᓯᓂᖃᑦᑎᐊᕐᓂᐊᑐᐊᖅᐸᑦ ᑐᑭᓯᐅᒪᔭᐅᓂᖓᒍᑦ ᐃᓅᖃᑎᒌᑦᑎᐊᕐᓂᖅᓴᐅᓂᕐᒧᑦ ᐱᔨᑦᑎᖅᑕᖏᓐᓄᑦ − ᑕᐃᒪᐃᒻᒪᑦ ᐊᔪᙱᓐᓂᖃᕆᐊᖃᓲᑦ ᐱᓇᓱᐊᕐᕕᖕᒥ ᐱᓕᕆᔨᐅᔪᑦ ᓇᖕᒥᓂᖁᑎᒋᔭᐅᔪᑉ ᐃᖏᕐᕋᓂᖓᒍᑦ ᑲᔪᓯᓂᖃᑦᑎᐊᕐᓂᐊᕐᒪᑦ. ᑖᓐᓇ ᐃᓕᓐᓪᓂᐊᖅᑕᐅᓂᐊᖅᑐᖅ ᓯᕗᓕᖅᑎᐅᔪᓄᑦ ᐱᔪᓐᓇᕐᓂᖅᑖᖅᑎᑦᑎᓲᖑᕗᖅ ᐅᖃᖃᑎᒌᖕᓂᕐᒥᒃ ᑐᑭᓯᐅᒪᖃᑦᑕᐅᑎᓂᕐᒥᒡᓗ ᓱᓕᔪᒥ ᐊᒻᒪᓗ ᐅᒃᐱᕐᓇᑦᑎᐊᕐᓗᓂ − ᐅᓂᒃᑳᕐᕕᒋᔭᑎᑦ ᖃᒡᓕᕚᓪᓕᕈᓐᓇᕐᓂᐊᕋᕕᒋᑦ, ᐅᖃᐅᓯᕆᔭᖅᐱᓪᓗ ᐃᓗᓕᖏᑦ ᐃᖅᑲᐅᒪᔭᐅᑦᑎᐊᕐᓂᐊᖅᖢᑎᒃ ᐳᐃᒍᔾᔭᐃᕐᓗᑎᒃ ᐅᓂᒃᑲᐅᓯᕆᔭᕐᓂᒃ.
ᐱᔭᕇᓚᐅᕐᓗᒍ ᐃᓕᓐᓂᐊᕐᓂᖅ, ᐃᓕᓐᓂᐊᖃᑕᐅᔪᑦ ᐃᒪᐃᓕᐅᕈᓐᓇᖅᓯᓂᐊᖅᐳᑦ:
- ᐅᓂᒃᑲᐅᓯᐅᔪᒥ ᑭᓱᑦ ᐅᖃᐅᓯᐅᓪᓗᐊᑕᕐᒪᖔᑕ ᑐᑭᓯᓇᕐᓗᑎᒃ ᐅᓂᒃᑳᕆᐊᖅᑐᖅᓯᒪᔪᖃᖅᑎᓪᓗᒍ
- ᖃᓄᖅ ᐅᒃᐱᕆᔭᐅᑦᑎᐊᕋᔭᕐᒪᖔᖅᐱᑦ ᐅᖃᐅᓯᕆᔭᕐᓄᑦ, ᑐᑭᓯᐅᒪᖃᑎᒌᓕᕈᓐᓇᕐᓂᖅ ᐊᒻᒪᓗ ᐅᓂᒃᑳᕐᕕᒋᔭᑎᑦ ᐃᒃᐱᒋᑦᑎᐊᖏᓐᓇᕐᓗᒋᑦ
- ᓇᓗᓇᐃᕈᓐᓇᕐᓗᑎᑦ ᐅᖃᐅᓯᕆᔭᖅᐱᑦ ᐃᓗᓕᖏᑦ ᖃᓄᖅ ᐊᒃᑐᐊᓂᖃᕐᒪᖔᑕ ᐊᑐᓕᖅᑎᑕᐅᓂᕐᒧᑦ
- ᐅᓂᒃᑲᐅᓯᕆᔭᐃᑦ ᐋᖅᑭᑦᑎᐊᖅᓯᒪᔪᓐᓇᕐᓗᒍ ᑐᓴᖅᑕᐅᓂᖓ ᖃᓄᐃᔾᔪᑕᐅᓂᖓᓗ ᓴᙱᔫᓂᐊᕐᒪᑦ
- ᖃᐅᔨᒪᓂᖅᑖᕐᓗᑎᑦ ᐅᓂᒃᑳᕐᕕᒋᔭᑎᑦ ᐱᐊᓂᒃᑎᓪᓗᑎᑦ ᖃᓄᖅ ᐃᒃᐱᖕᓂᖅᑎᑦᑐᓐᓇᕆᐊᒃᓴᖅ ᐅᓂᒃᑲᐅᓯᕆᔭᕐᓂᒃ ᐳᐃᒍᕐᓂᐊᙱᒻᒪᑕ
ᖃᐅᔨᓴᐅᑦ ᓇᒧᙵᖅᐸᑦ: ᒫᑦᓯ 7-8, 2023
|
ᕿᑎᕐᒥᐅᑦ ᖃᐅᔨᓴᐅᑖ ᒪᓕᒡᓗᒍ (ᕿᑎᕐᒥᐅᑦ) |
ᑭᕙᓪᓕᕐᒥᐅᑦ ᖃᐅᔨᓴᐅᑖ ᒪᓕᒡᓗᒍ (ᑭᕙᓪᓕᖅ) |
ᕿᑭᖅᑖᓗᖕᒥᐅᑦ ᖃᐅᔨᓴᐅᑖ ᒪᓕᒡᓗᒍ (ᕿᑭᖅᑖᓗᒃ) |
|
|
ᐱᒋᐊᕐᕕᖓ |
7:30−ᒥ ᐅᓪᓛᒃᑯᑦ |
8:30−ᒥ ᐅᓪᓛᒃᑯᑦ |
9:30−ᒥ ᐅᓪᓛᒃᑯᑦ |
|
ᐃᓱᓕᕝᕕᖓ |
2:30−ᒥ ᐅᓐᓄᒃᓴᒃᑯᑦ |
3:30−ᒥ ᐅᓐᓄᒃᓴᒃᑯᑦ |
4:30−ᒥ ᐅᓐᓄᒃᓴᒃᑯᑦ |
ᖃᐅᔨᓴᐅᑦ ᓇᒧᙵᖅᐸᑦ: ᒫᑦᓯ 14, 2023
|
ᕿᑎᕐᒥᐅᑦ ᖃᐅᔨᓴᐅᑖ ᒪᓕᒡᓗᒍ (ᕿᑎᕐᒥᐅᑦ) |
ᑭᕙᓪᓕᕐᒥᐅᑦ ᖃᐅᔨᓴᐅᑖ ᒪᓕᒡᓗᒍ (ᑭᕙᓪᓕᖅ) |
ᕿᑭᖅᑖᓗᖕᒥᐅᑦ ᖃᐅᔨᓴᐅᑖ ᒪᓕᒡᓗᒍ (ᕿᑭᖅᑖᓗᒃ) |
|
|
ᐱᒋᐊᕐᕕᖓ |
12:00−ᒥᑦ ᐅᓐᓄᒃᓴᒃᑯᑦ |
1:00−ᒥ ᐅᓐᓄᒃᓴᒃᑯᑦ |
2:00−ᒥ ᐅᓐᓄᒃᓴᒃᑯᑦ |
|
ᐃᓱᓕᕝᕕᖓ |
3:00−ᒥ ᐅᓐᓄᒃᓴᒃᑯᑦ |
4:00−ᒥ ᐅᓐᓄᒃᓴᒃᑯᑦ |
5:00−ᒥ ᐅᓐᓄᒃᓴᒃᑯᑦ |
ᐱᒻᒪᕆᐅᔪᑦ ᑐᓴᖅᑕᐅᔭᕆᐊᓕᑦ:
ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᓕᒫᑦ ᑐᙵᓱᒃᑎᑕᐅᔪᑦ ᑖᔅᓱᒧᖓ ᐃᓕᓐᓂᐊᖃᑕᐅᔪᒪᑐᐊᖅᐸᑕ, ᑭᓯᐊᓂ ᐃᓕᓐᓂᐊᖅᑕᐅᓇᔭᕐᒪᑦ ᑐᙵᕕᒋᔭᐅᓗᓂ ᑲᓇᖕᓇᖅ ᖃᐅᔨᓴᐅᑦ