ᐅᖃᓚᐅᑎᓯᐅᑏᑦ

You are here

ᓇᓗᓇᐃᒃᑯᑕᖅᑖᕐᓂᖅ ᐅᓄᖅᑐᑦ−ᓇᖕᒥᓂᖃᖃᑕᐅᔪᑦ ᐊᑲᐅᙱᓕᐅᕈᑎᖏᓐᓂᒃ ᐊᒻᒪ ᐱᓕᕆᖃᑎᒌᓂᒃ ᐊᐅᓚᑦᑎᔪᓐᓇᕐᓂᕐᒧᑦ−ᖃᕆᓴᐅᔭᒃᑯᑦ ᐱᓕᕆᖃᑎᒌᑦ

ᑖᓐᓇ ᓇᓗᓇᐃᖅᑕᐅᓯᒪᔪᖅ ᐃᓕᓐᓂᐊᒐᒃᓴᖅ ᐱᔾᔪᑎᖃᖅᐳᖅ ᐊᒃᓱᕈᕐᓇᓗᐊᖅᑐᓂᑦ ᐊᐅᓪᓚᑦᑎᓂᐊᕐᓗᓂ ᐅᓄᖅᑐᑦ−ᓇᖕᒥᓂᖃᖃᑕᐅᔪᑦ ᐊᑲᐅᙱᓕᐅᕈᑎᖏᓐᓂᒃ ᐱᓕᕆᖃᑎᒌᒃᑐᓂᓪᓗ (ᓲᕐᓗ ᐊᑲᐅᙱᓕᐅᕈᑎᑦ ᐅᕝᕙᓘᓐᓃᑦ ᐱᓕᕆᖃᑎᒋᒍᑕᐅᔪᓐᓇᖅᑐᓂᒃ ᒪᕐᕉᒃ ᐅᖓᑖᓂ ᐱᓕᕆᖃᑎᒌᒡᓗᑎᒃ ᐅᕝᕙᓘᓐᓃᑦ ᓇᖕᒥᓂᖃᖃᑕᐅᓗᑎᒃ).ᐃᓚᐅᔪᑦ ᐃᓕᓐᓂᐊᕐᓂᐊᖅᐳᑦ ᐱᓕᕆᔾᔪᑎᓪᓚᑦᑖᓂᒃ ᐊᑕᐅᓯᕐᒥᒃ ᐱᔭᕆᑐᔪᒥᒃ ᐊᐅᓚᑦᑎᓂᕐᒧᑦ ᑖᒃᑯᓂᖓ ᐱᓕᕆᐊᒃᓴᓂᑦ, ᐅᑯᓂᖓᓗ ᑐᑭᓯᐅᒪᓂᒃᑯᑦ ᑲᑐᔾᔨᖃᑎᒌᑦ ᐱᓕᕆᐊᒃᓴᖏᓐᓂᒃ, ᐱᓕᕆᐊᖏᓐᓂᒃ ᐊᐅᓪᓚᑦᑎᔪᓐᓇᑦᑎᐊᕐᓗᑎᒃ ᐊᑑᑎᖃᑦᑎᐊᖅᑐᒥᒡᓗ ᐊᐅᓚᑦᑎᔪᓐᓇᕐᓗᑎᒃ, ᐊᒻᒪᓗ ᐅᖃᐅᓯᕆᓗᒋᑦ ᐊᑕᐅᑦᑎᒃᑯᑦ ᐅᖃᖃᑎᒌᒃᐸᒃᑐᑦ ᐊᔾᔨᒌᙱᑦᑐᓂᑦ ᑲᑐᔾᔨᖃᑎᒌᖏᓐᓂ ᐊᒻᒪ ᑲᑐᔾᔨᖃᑎᒌᓕᒫᓂᑦ.

ᐃᓕᓐᓂᐊᒐᒃᓴᖓᓂ ᐱᖃᓯᐅᔾᔭᐅᓂᐊᕐᒥᔪᖅ ᑐᑭᓯᒋᐊᖅᑎᑦᑎᓗᑎᒃ ᐋᖅᑭᑦᑎᐊᖅᓯᒪᓂᖅᓴᒥᒃ ᐊᑑᑎᖃᖅᑐᒥᓪᓗ ᐱᓕᕆᐊᖑᓂᐊᖅᑐᒥᒃ ᐅᓄᖅᑐᑦ−ᓇᖕᒥᓂᖃᖃᑕᐅᔪᑦ ᐊᑲᐅᙱᓕᐅᕈᑎᖃᖅᑎᓪᓗᒋᑦ ᐊᐅᓚᑦᑎᓂᕐᒥᑦ, ᐊᖏᖃᑎᒌᒃᑎᑦᑎᕙᓪᓕᐊᓂᖅ, ᐱᔭᕆᐊᖃᓪᓚᕆᒃᑐᓂᑦ ᑭᒃᑯᑐᐃᓐᓇᓂᒃ ᐊᑲᐅᙱᓕᐅᕈᑎᓕᖕᓂᒃ ᐋᖅᑭᒃᓱᐃᔨᓪᓚᕆᖕᓄᑦ.

ᐃᓚᐅᔪᑦ ᐃᓕᓐᓂᐊᖅᑕᒥᓂᒃ ᐱᐊᓂᑦᑎᐊᖅᑐᑦ ᓇᓗᓇᐃᒃᑯᑕᖅᑖᕐᓂᐊᖅᐳᑦ ᐊᖏᖃᑎᒌᖕᓂᒃᑯᑦ ᐱᕙᓪᓕᐊᑎᑦᑎᔨᒃᑯᓐᓂ.

ᑐᓴᖅᑕᐅᒋᐊᖃᓪᓚᕆᒃᑐᑦ:  

ᑖᓐᓇ ᐃᓕᓐᓂᐊᒐᒃᓴᖅ ᐅᑯᓂᖓ ᐱᔭᕆᐊᖃᖅᐳᖅ ᐊᑎᓕᐅᖅᑕᐅᓂᐊᕐᓗᓂ, ᐃᓚᐅᔪᑦ ᐅᑯᓂᖓ ᐱᐊᓂᒃᓯᒪᔭᕆᐊᓖᑦ ᑐᙵᕕᒋᓂᐊᖅᑕᖓᓄᑦ ᐃᓕᓐᓂᐊᒐᒃᓴᓂᒃ ᐊᖏᖃᑎᒌᖕᓂᒃᑯᑦ ᐱᕙᓪᓕᐊᑎᑦᑎᔨᒃᑯᓐᓂ ᐊᑐᐃᓐᓇᐅᑎᑕᐅᔪᓂᑦ ᐃᓕᓐᓂᐊᒐᒃᓴᑦ ᐅᓪᓗᖅᓯᐅᑎᖓᓂ ᐊᕐᕌᓂᐅᓚᐅᖅᑐᖅ (2020-21):

  • ᐱᔾᔪᑕᐅᓪᓗᐊᑕᖅᑐᑦ ᐋᔩᖃᖃᕐᓂᕐᒥᒃ ᐊᖏᖃᑎᒌᒍᑕᐅᓯᒪᙱᑦᑐᒥᒡᓗ ᐋᖅᑭᒃᓯᒪᓕᖅᑎᑦᑎᓂᖅ
  • ᐊᐅᓚᑦᑎᓂᖅ ᐊᒃᓱᕈᕐᓇᖅᑐᓂᒃ ᐅᖃᖃᑎᒌᒃᑐᓂᑦ ᐱᓕᕆᖃᑎᒋᔭᒥᓂᒃ ᓄᓇᓕᖕᓂᓗ

ᓄᓇᕗᑦ ᒐᕙᒪᖓᓂ ᐃᓚᐅᔪᓕᒫᑦ ᑐᙵᓱᒃᑎᑕᐅᕗᑦ ᐊᑎᓕᐅᖅᑕᐅᔪᒪᒍᑎᒃ ᑖᔅᓱᒧᖓ ᐃᓕᓐᓂᐊᒐᒃᓴᒧᑦ ᐃᓕᓐᓂᐊᖅᓯᒪᔭᕆᐊᓕᖕᓂᒃ ᐱᓯᒪᒍᑎᒃ ᖁᓛᓂ ᓇᓗᓇᐃᖅᑕᐅᓯᒪᔪᓂᑦ.  ᑭᕙᓪᓕᕐᒥᐅᑦ ᖃᐅᔨᓴᐅᑎᖓᓂ ᒪᓕᖃᑦᑕᕐᓂᐊᖅᐳᑦ (CST) 9−ᒥᑦ 5−ᒧᐊᕋᓱᖕᓂᖓᓄᑦ ᐅᓪᓗᒃᑯᑦ, ᐊᑎᓕᐅᖅᑕᐅᓯᒪᔪᑦ ᐃᓚᐅᔪᑦ ᐃᓕᓐᓂᐊᒐᒃᓴᓕᒫᓂᒃ ᐱᐊᓂᒋᐊᖃᖅᐳᑦ. 

ᐃᓚᐅᖃᑕᐅᔪᒪᒍᕕᑦ, ᐱᓇᔫᑎ ᑎᑎᕋᕐᓗᒍ ᐊᑎᓕᐅᖅᑕᐅᓗᑎᓪᓗ. ᐃᓚᒋᔭᐅᔪᒪᔪᑦ ᐊᖏᖅᑕᐅᓂᐊᖅᑐᑦ ᐱᓇᓱᐊᖅᑳᖅᑐᑦ ᐱᔨᑦᑎᕋᖅᑕᐅᖅᑳᑐᓄᑦ, ᖃᔅᓰᓐᓇᕐᓂᓪᓗ ᐃᓂᒃᓴᖃᕐᓂᐊᖅᐳᑦ. 

ᐱᒋᐊᕐᕕᖓ: 
ᔭᓐᓄᐊᓕ 11, 2022
ᐃᓱᓕᕝᕕᖓ: 
ᔭᓐᓄᐊᓕ 13, 2022