ᐅᓂᒃᑲᐅᓯᐅᓂᖓ
ᓯᕗᓕᖅᑎᐅᔪᑦ ᐱᔪᒪᓂᕐᒥᒃ ᐃᓱᒻᒪᒃᑎᑦᑎᔪᓐᓇᓲᖑᔪᑦ ᑲᑐᔾᔨᖃᑎᖃᕈᒪᓂᕐᒥᒃ ᐱᐊᓂᒃᓯᓇᓱᐊᕐᓂᕐᒧᑦ ᑭᓱᓕᕆᔭᕆᐊᓕᖕᓂᒃ ᐱᔨᑦᑎᕋᐅᑎᐅᔭᕆᐊᓕᖕᓂᒡᓘᓃᑦ ᕿᓚᒻᒥᐅᓂᖅᓴᒃᑯᑦ, ᐊᑲᐅᓈᕐᓂᖅᓴᐅᓗᑎᒃ ᐊᒻᒪᓗ ᑮᓇᐅᔭᖅᑐᓗᐊᕐᓇᙱᓐᓂᖅᓴᒃᑯᑦ. ᑕᕚᓂᓕ ᐃᓕᓐᓂᐊᖅᑎᓪᓗᓯ, ᐱᓕᕆᔪᓐᓇᖅᓯᓂᐊᖅᐳᓯ ᒪᑭᑦᑎᔾᔪᑎᓂᒃ, ᖃᐅᔨᓴᕈᑎᒃᓴᓂᒃ ᐊᒻᒪᓗ ᐱᓕᕆᐊᖑᔭᕆᐊᓖᑦ ᓈᒻᒪᒃᓯᓕᖅᑕᐅᓗᑎᒃ ᐱᔨᑦᑎᕋᐅᑕᐅᔭᕆᐊᓕᖕᓄᑦ ᐱᓗᐊᖅᑐᒥ ᐊᑕᐅᓯᐅᙱᑦᑐᑦ ᐱᓕᕆᑎᓪᓗᒋᑦ ᐊᑕᐅᓯᕐᒧᑦ ᑐᕌᖅᑐᒥᒃ. ᐱᓕᕆᔪᓐᓇᖅᓯᓂᒃᑯᑦ ᐱᓕᒻᒪᒃᓴᖃᑦᑕᖅᖢᓂ ᖃᐅᔨᒪᓕᕐᓇᖅᑐᖅ ᖃᓄᖅ ᓯᕗᓕᖅᑎᐅᔭᕆᐊᖃᕐᒪᖔᕐᓂᒃ ᓲᕐᓗ ᐱᓕᕆᔨᐅᖃᑎᒋᔭᑎᑦ ᐊᔪᙱᓐᓂᖃᖅᑎᑐᐊᕐᓗᒋᑦ ᐱᐊᓂᒃᓯᔪᓐᓇᖅᓯᓂᐊᕐᒪᑕ ᓴᖅᑭᑉᐸᓪᓕᐊᔪᑦ ᖁᕝᕙᓯᒍᓐᓇᕐᓂᖅᓴᐅᓗᑎᒃ ᑕᐃᒫᒡᓗ ᐱᓕᕆᔨᐅᖃᑎᒌᑦ ᖁᕕᐊᓱᒍᓐᓇᕐᓂᖅᓴᐅᓇᔭᖅᖢᑎᒃ.
ᖃᐅᔨᒪᓕᕐᓂᐊᖅᐳᑎᑦ ᐃᒫᒃ:
- ᐱᓕᕆᐊᖃᕈᓐᓇᕐᓂᖏᑦ ᖁᕝᕙᕆᐊᕐᓗᒋᑦ ᐊᔪᙱᓐᓂᕆᔭᖏᑦ ᒪᓕᒡᓗᒋᑦ ᐊᒻᒪ ᓴᖅᑮᕙᓪᓕᐊᔪᓐᓇᕐᓂᖏᑦ ᑕᐃᒫᒃ ᐱᕈᖅᐸᓪᓕᐊᖃᑕᐅᓂᐊᕆᕗᑦ
- ᐋᖅᑭᐅᒪᑦᑎᐊᕈᓐᓇᕐᓗᑎᒃ ᒪᑭᑕᔾᔪᑎᖏᓐᓂᒃ ᑕᐃᒫᒃ ᑲᔪᓯᓂᖃᑦᑎᐊᕈᓐᓇᕐᓂᐊᕐᒪᑕ ᑲᑐᔾᔨᖃᑎᒌᒃᑐᑦ ᐱᓕᕆᐊᒥᒃᑎᒍᑦ ᐊᑕᐅᓯᕐᒧᑦ ᑐᕌᖅᑐᐃᑦ ᑲᔪᓯᓂᖃᑦᑎᐊᕈᓐᓇᕐᓂᐊᕐᒪᑕ
- ᖃᓄᑎᒋ ᐱᐊᓂᒃᑎᒋᓂᕐᒥᒃ ᖃᐅᔨᒪᓂᖃᕐᓗᓂ ᖁᕝᕙᖅᓴᐃᔾᔪᑎᒃᑲᓐᓂᐅᔪᓐᓇᖅᖢᓂ ᐱᓕᕆᖃᑎᒌᒃᑐᓄᑦ
- ᓯᕗᓕᖅᑎᐅᔭᕆᐊᖃᕈᑎᑎᑦ ᐱᓕᕆᐊᕐᓄᑦ ᐃᓂᓪᓚᑦᑎᐊᕐᓗᒋᑦ, ᐱᐊᓂᒍᓐᓇᖅᑕᑎᑦ ᐃᓗᐃᑦᑑᓪᓗᑎᒃ ᐊᒻᒪᓗ ᐃᓕᖅᑯᓯᐅᕙᒃᑐᑦ ᐊᐅᓚᑦᑎᔨᐅᓂᕐᒧᑦ ᐊᑐᑦᑎᐊᕐᒥᓗᒋᑦ
- ᐱᓕᕆᐊᖃᕈᓐᓇᕐᓂᖏᑦ ᑭᓱᓕᕆᓂᕐᒧᑦ ᐱᓕᕆᔨᐅᖃᑎᑎᑦ ᐊᑲᕐᕉᑎᒋᔪᓐᓇᕐᓗᒋᑦ ᑕᒪᐃᑕᓗ ᐱᓕᕆᐅᖃᑕᐅᔪᑦ ᐱᐅᓯᖏᑦ ᐃᑲᔫᑕᐅᒻᒪᕆᒍᓐᓇᕋᔭᖅᖢᑎᒃ
- ᐱᑕᖃᕈᓐᓃᖅᑎᓪᓗᒋᑦ ᐅᓚᕕᓴᐃᓇᔭᖅᑐᑦ ᑲᑐᔾᔨᖃᑎᒌᒐᓱᖕᓂᕐᒧᑦ ᐊᒻᒪᓗ ᓇᐅᒃᑯᑦ ᓄᖅᑲᖅᑕᕐᕕᐅᔪᑦ ᑲᑐᔾᔨᖃᑎᒌᒍᑕᐅᔪᓐᓇᙱᑦᑐᑦ ᓄᖅᑲᖓᑎᓪᓗᒋᑦᑕᐅᖅ
ᐅᓪᓗᐊ ᖃᖓᒃᑰᕐᓂᖏᓪᓗ
|
ᕿᑭᖅᑖᓘᑉ ᖃᐅᔨᓴᐅᑖ ᒪᓕᒡᓗᒍ |
ᑭᕙᓪᓕᖅ | ᕿᑎᕐᒥᐅᑦ ᖃᐅᔨᓴᐅᑖ ᒪᓕᒡᓗᒍ | |
|
ᐱᒋᐊᕐᕕᖓ |
9:30−ᒥ ᐅᓪᓛᒃᑯᑦ |
8:30−ᒥ ᐅᓪᓛᒃᑯᑦ |
7:30−ᒥ ᐅᓪᓛᒃᑯᑦ |
|
ᐃᓱᓕᕝᕕᖓ |
5:00−ᒧᐊᖅᓴᓂᖓᓄ ᐅᓐᓄᒃᓴᒧᑦ |
4:00−ᒧᐊᖅᓴᓂᖓᓄ ᐅᓐᓄᒃᓴᒧᑦ |
3:00−ᒧᐊᖅᓴᓂᖓᓄ ᐅᓐᓄᒃᓴᒧᑦ |
ᑐᓴᖅᑕᐅᔭᕆᐊᖃᓪᓚᕆᒃᑐᖅ:
ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᓕᒫᑦ ᑐᙵᓱᒃᑎᑕᐅᔪᑦ ᑖᔅᓱᒧᖓ ᐃᓕᓐᓂᐊᒐᒃᓴᒧᑦ, ᑭᓯᐊᓂ ᐃᓕᓐᓂᐊᖅᑕᐅᓇᔭᕐᒪᑦ ᑐᙵᕕᒋᔭᐅᓗᓂ ᑲᓇᖕᓇᖅ ᖃᐅᔨᓴᐅᑦ ᒪᓕᒡᓗᒍ 9:00-ᒥ ᐅᓪᓛᒃᑯᑦ 5:00−ᒧᐊᖅᓴᓂᖓᓄᑦ ᐅᓐᓄᒃᓴᒧᑦ. ᐃᓚᐅᖃᑕᐅᓂᐊᖅᑐᑦ ᓂᕆᐅᒋᔭᐅᔪᑦ ᐃᓱᓕᑦᑎᓂᐊᕋᓱᒋᔭᐅᓪᓗᑎᒃ ᐃᓕᓐᓂᐊᒐᒃᓴᒥᑦ ᑕᒃᑯᓇᓂ ᐱᕕᒃᓴᕆᑎᑕᑦ ᒪᓕᒡᓗᒋᑦ ᓯᕿᙳᔭᖅ.