ᖃᓄᐃᓕᖓᓂᖓ:
ᐊᑲᐅᙱᓪᓕᐅᕈᑎᑦ ᐃᓚᒋᔭᐅᒐᔪᖕᒪᑦ ᐃᖅᑲᓇᐃᔭᕐᕕᖕᒥ ᐃᓅᖃᑎᒌᓄᑦ ᐊᐅᓚᓂᕆᔭᐅᔪᒧᑦ ᐱᓕᕆᔨᑦᑎᐊᕚᓘᒐᓗᐊᖅᐸᑕ ᑕᐃᒪᐃᓚᐅᓲᑦ, ᐱᓕᕆᖃᑎᒌᑦ ᐊᒻᒪ ᐃᓄᑐᐊᑦ ᑕᑯᒃᓴᐅᔪᖃᓲᖑᖕᒪᑦ ᐊᑲᐅᙱᓪᓕᐅᕈᑎᓂᒃ ᐊᖏᖃᑎᒌᙱᓐᓂᕐᒥᒡᓗ. ᓯᕗᓕᖅᑎᑦᑎᐊᕙᑦ ᐊᐅᓚᑦᑎᔩᓪᓗ ᑐᑭᓯᐊᕗᑦ ᑲᒪᒋᓂᐊᕐᓗᒋᑦ ᐊᑲᐅᙱᓪᓕᐅᕈᑕᐅᔪᑦ ᐱᕐᔪᐊᖑᓲᖑᖕᒪᑦ ᐃᑲᔪᖅᓱᕐᓂᐊᕐᓗᒋᑦ ᐊᐅᓚᑦᑎᕕᐅᑦᑎᐊᖅᑐᑦ ᐃᖅᑲᓇᐃᔭᕐᕖᑦ ᐱᕙᓪᓕᐊᑎᑦᑎᑦᑎᐊᓲᑦ, ᐃᒃᐱᒋᔭᖃᑦᑎᐊᖅᑐᑦ, ᐊᒻᒪ ᓈᒻᒪᙱᓪᓕᐅᕈᑎᖏᑦ ᐊᐅᓚᑕᐅᑦᑎᐊᖅᐸᒃᖢᑎᒃ. ᐊᐅᓚᑕᐅᑦᑎᐊᕌᖓᑕ, ᐊᑲᐅᙱᓪᓕᐅᕈᑎᑦ ᐱᕕᒃᓴᑦᑎᐊᕙᐅᔪᓐᓇᖅᐳᑦ (ᓲᕐᓗ, ᐱᕚᓪᓕᖅᑎᑦᑎᔪᓐᓇᖅᑐᑦ) ᐃᓕᓐᓂᐊᕐᓂᕐᒧᑦ, ᐊᓯᔾᔨᕐᓂᕐᒧᑦ ᐊᒻᒪ ᐊᑐᖅᑎᑦᑎᓂᕐᒧᑦ ᐱᐅᓂᖅᓴᓂᒃ ᐊᒻᒪ ᐱᓕᕆᖃᑎᒌᑦ ᑐᓴᐅᒪᖃᑦᑕᐅᑎᓂᖅᓴᐅᓕᕐᓗᑎᒃ. ᑲᒪᒋᔭᐅᙱᑉᐸᑦ, ᐊᑲᐅᙱᓕᐅᕈᑎ ᓱᕋᐃᔾᔪᑕᐅᔪᓐᓇᖅᑐᖅ, ᐊᑯᓂᐅᔪᓐᓇᖅᑐᖅ ᐊᒃᑐᐃᓂᕐᓗᒍᓐᓇᖅᖢᓂᓗ ᐱᓕᕆᖃᑎᒌᖕᓂᕐᒥᒃ.
ᐃᖅᑲᓇᐃᔭᕐᕕᖕᒥ ᐊᑲᐅᙱᓪᓕᐅᕈᑎᖃᖅᑐᓄᑦ ᐋᖅᑭᖃᑎᒌᖕᓂᕐᒧᑦ ᐃᓕᓐᓂᐊᖅᑕᐅᔪᒃᓴᑦ ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᒃ, ᐅᑯᐊ ᐃᓕᓐᓂᐊᖅᑕᐅᔪᒃᓴᑦ ᐃᓕᓐᓂᐊᖃᑕᐅᔪᓂᒃ ᐃᑲᔪᕐᓂᐊᖅᑐᑦ ᑐᑭᓯᐊᓕᖅᑎᑕᐅᕚᓪᓕᕐᓗᑎᒃ ᖃᓄᖅ ᐊᒻᒪ ᖃᖓ ᐃᑲᔪᑦᑎᐊᕈᓐᓇᕐᒪᖔᑕ ᓄᖅᑲᖅᑎᑦᑎᔨᐅᖃᑕᐅᓗᑎᒃ ᐃᓄᖕᓂᒃ ᐊᐅᓚᑉᐸᒃᑕᖏᓐᓄᑦ ᓯᕗᓕᖅᑎᐅᕝᕕᒋᕙᒃᑕᖏᓐᓄᓪᓗ. ᐱᓕᕆᔾᔪᑕᐅᓂᐊᖅᑐᑦ ᑐᙵᕕᐅᔪᓂᑦ ᓴᖅᑭᖅᑕᐅᓂᐊᖅᑐᖅ ᐃᓚᒋᐊᖅᑕᐅᓗᓂ ᐊᔪᙱᑕᖃᕐᓂᕐᒧᑦ ᐃᑲᔪᕐᓂᐊᖅᑐᓂᑦ ᐃᓕᓐᓂᐊᖅᑐᒧᑦ ᐅᖃᖃᑎᖃᑦᑎᐊᕈᓐᓇᕐᓂᕐᒧᑦ ᐋᖅᑭᒃᓯᓂᕐᒧᓪᓗ ᐊᑲᐅᙱᓪᓕᐅᕈᑎᓂᑦ. ᐊᑐᕐᓂᕐᒧᑦ ᐅᖃᖃᑦᑕᐅᑎᓂᒃᑯᑦ, ᑕᑯᒃᓴᐅᑎᑦᑎᓂᐅᔪᑎᒍᑦ ᐱᙳᐊᕐᓂᒃᑯᓪᓗ, ᐃᓚᒋᔭᐅᔪᑦ ᐆᒃᑑᑎᖃᖅᑎᑕᐅᓂᐊᖅᑐᑦ ᑕᑯᒃᓴᐅᑎᑦᑎᓂᒃᑯᑦ ᐅᖃᖃᑎᒌᓪᓗᑎᓪᓗ. ᓯᕗᓕᖅᑎᑦ, ᐊᐅᓚᑦᑎᔨᑦ, ᐅᕝᕙᓘᓐᓃᑦ ᐃᖅᑲᓇᐃᔭᖅᑎᒥᒃ ᐱᓕᕆᖃᑕᐅᓗᓂ ᐱᓕᕆᖃᑎᒌᓄᑦ ᐃᑲᔫᑎᖃᕐᓂᐊᖅᐳᑦ ᑐᑭᓯᐊᓕᕐᓗᒋᑦ ᐋᔩᖃᑎᒌᖕᓂᕐᒧᑦ ᓄᖅᑲᖓᑎᑦᑎᔾᔪᑎᑦ ᐃᑲᔫᑎᑐᐃᓐᓇᕆᐊᖃᕐᓂᖏᓐᓄᑦ ᑕᐃᒃᑯᓄᖓᑐᐊᖑᙱᑦᑐᖅ ᐊᑲᐅᙱᓪᓕᐅᕈᑎᖃᖅᑐᓄᑦ ᑭᓯᐊᓂ ᐃᖅᑲᓇᐃᔭᖅᑎᐅᖃᑎᒌᓕᒫᓄᑦ.
ᐃᓕᑦᑎᕙᓪᓕᐊᓂᕐᒧᑦ ᑎᑭᑕᐅᓇᓱᐊᖅᑐᑦ:
- ᐃᓕᑕᕆᐅᒪᓕᕐᓗᒋᑦ ᑐᑭᓯᐊᓕᕐᓗᒋᓪᓗ ᐊᑲᐅᙱᓪᓕᐅᕈᑎᓄᑦ ᐊᓚᓂᕆᔭᐅᔪᓄᑦ ᐊᒃᑐᐊᓂᓕᖕᓄᑦ ᐃᓄᖕᓄᑦ/ᐱᓕᕆᖃᑎᒌᓄᑦ ᐊᐅᓚᑕᖏᓐᓄᑦ ᐃᖅᑲᓇᐃᔭᖃᑎᒋᔭᖏᓐᓄᓪᓘᓐᓃᑦ;
- ᐊᒡᒍᕐᓗᒋᑦ ᐊᔾᔨᒌᙱᓐᓂᖏᑦ ᐱᓕᕆᔾᔪᑎᑦ ᓈᒻᒪᙱᓪᓕᐅᕈᑎᓂᒃ ᐋᖅᑭᒃᓯᓇᓱᒡᓗᑎᒃ ᐊᑑᑎᖃᑦᑎᐊᕐᓂᖏᓪᓗ;
- ᑐᑭᓯᐅᒪᑦᑎᐊᕐᓂᖅᓴᐅᓗᒋᑦ ᐃᒻᒥᓂᙶᖅᑐᑦ ᓈᒻᒪᙱᓪᓕᐅᕈᑎᖏᑦ ᐋᖅᑭᒋᐊᕐᓗᒋᑦ (ᓲᕐᓗ, ᐃᓚᐅᕙᖕᓂᖏᓐᓄᑦ ᐊᑲᐅᙱᓕᐅᕈᑎᑕᖃᖅᑎᓪᓗᒍ);
- ᐊᖏᖃᑎᒌᒃᑐᖃᙱᑎᓪᓗᒍ ᕿᑎᐊᓃᓪᓗᓂ ᐃᑲᔪᕋᓱᐊᖅᑎᑕᖃᕐᓗᓂ/ᐊᔪᕐᓇᕈᓐᓃᖅᑎᓪᓗᒋᑦ ᑐᓴᐅᒪᔪᓕᕆᔾᔪᑎᑦᑎᐊᕙᑦ;
- ᐱᓕᕆᐊᕆᕙᒡᓗᒋᑦ ᐊᔪᕈᓐᓃᖅᓴᐅᑎᒋᕙᒃᑕᑦ ᑎᓴᒪᐅᓕᖅᑲᖓᓗᓂ ᐱᓕᕆᔾᔪᓯᖅ ᐃᑲᔪᕐᓂᐊᕐᓗᓂ ᓈᒻᒪᙱᓪᓕᐅᖅᑐᖃᖅᑎᓪᓗᒍ ᐋᖅᑭᒋᐊᕆᓂᕐᒧᑦ ᐊᐅᓚᑦᑎᔨᐅᓗᓂ/ᐃᑲᔪᕋᓱᐊᖅᑎᐅᓗᓂ.
ᐅᓪᓗᖏᑦ: ᕕᕗᐊᕆ 14-17, 2023
| ᕿᑎᕐᒥᐅᑦ ᖃᐅᔨᓴᐅᑖ ᒪᓕᒡᓗᒍ |
ᑭᕙᓪᓕᕐᒥ ᖃᐅᔨᓴᐅᑖ ᒪᓕᒡᓗᒍ |
ᕿᑭᖅᑖᓘᑉ ᖃᐅᔨᓴᐅᑖ ᒪᓕᒡᓗᒍ | |
| ᐱᒋᐊᕐᕕᖓ | 12:00−ᒥ ᐅᓪᓗᕈᒻᒥᑕᕐᓇᒥ | 1:00−ᒥ ᐅᓐᓄᒃᓴᒃᑯᑦ | 2:00−ᒥ ᐅᓐᓄᒃᓴᒃᑯᑦ |
| ᐃᓱᓕᕝᕕᖓ | 3:00−ᒥ ᐅᓐᓄᒃᓴᒧᑦ | 4:00−ᒥ ᐅᓐᓄᒃᓴᒧᑦ | 5:00−ᒥ ᐅᓐᓄᒃᓴᒧᑦ |
ᑐᓴᖅᑕᐅᔭᕆᐊᖃᓪᓚᕆᒃᑐᖅ:
ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᓕᒫᑦ ᑐᙵᓱᒃᑎᑕᐅᔪᑦ ᑖᔅᓱᒧᖓ ᐃᓕᓐᓂᐊᖃᑕᐅᔪᒪᑐᐊᖅᐸᑕ, ᑭᓯᐊᓂ ᒪᓂᒪᑎᑕᐅᓂᐊᖅᐳᖅ ᑐᙵᕕᖃᖅᑎᑕᐅᓗᓂ ᐅᕗᖓ, ᑭᕙᓪᓕᕐᒥᐅᑦ ᖃᐅᔨᓴᑎᖓᑦᑎᒍᑦ 1:00-ᒥ ᐅᓪᓗᒃᑯᑦ 4:00−ᒧᐊᖅᓴᓂᖓᓄᑦ ᐅᓐᓄᒃᓴᒧᑦ. ᐃᓚᐅᖃᑕᐅᓂᐊᖅᑐᑦ ᓂᕆᐅᒋᔭᐅᔪᑦ ᐃᓱᓕᑦᑎᓂᐊᕋᓱᒋᔭᐅᓪᓗᑎᒃ ᐃᓕᓐᓂᐊᒐᒃᓴᒥᑦ ᑕᕝᕙᓂ ᖃᐅᔨᓴᐅᑎᖓᒍᑦ.