ᐅᖃᓚᐅᑎᓯᐅᑏᑦ

You are here

ᐃᓕᓐᓂᐊᕋᑦᓴᐅᑉ ᐊᑎᖓ: ᐱᕈᖅᑎᑦᓯᓂᕐᒧᑦ ᐱᓕᕆᑦᓯᐊᓚᕆᑦᑐᓂᑦ ᖃᕆᑕᐅᔭᒃᑯᑦ ᐱᓕᕆᖃᑎᒌᓂᑦ

“ᐱᕈᖅᑎᑦᓯᓂᕐᒧᑦ ᐱᓕᕆᑦᓯᐊᓚᕆᑦᑐᓂᑦ ᖃᕆᑕᐅᔭᒃᑯᑦ ᐱᓕᕆᖃᑎᒌᓂᑦ” ᐃᓕᓐᓂᐊᕐᓂᖅ ᑐᕌᒐᖃᖅᑐᖅ ᐊᑐᐃᓐᓇᐅᑎᑦᓯᓂᕐᒧᑦ ᐱᓕᕆᔾᔪᑎᓂᑦ ᖃᓄᐃᓕᐅᕈᑕᐅᔪᒪᔪᓂᓪᓗ ᐱᕙᓪᓕᐊᑎᑦᓯᓂᕐᒧᑦ ᑲᔪᓯᑎᑦᓯᖏᓐᓇᕐᓂᕐᒧᓪᓗ ᐱᓕᕆᑦᓯᐊᓚᕆᑦᑐᓂᑦ ᖃᕆᑕᐅᔭᒃᑯᑦ ᐱᓕᕆᖃᑎᒌᑦᑐᓂᑦ. ᐃᖅᑲᓇᐃᔭᕐᕕᒻᒥ ᖃᐅᔨᓴᕈᑎᕕᓃᑦ ᓇᓗᓇᐃᖅᓯᔪᑦ ᐊᒥᓱᑦ ᐃᖅᑲᓇᐃᔭᖅᑏᑦ ᐃᓱᒪᒋᔭᖃᖃᑦᑕᕐᒪᑕ ᖃᕆᑕᐅᔭᒃᑯᑦ ᑐᓴᐅᒪᖃᑦᑕᐅᑎᓂᖅ ᑲᔪᓯᓂᖃᑦᓯᐊᖏᓐᓂᖅᓴᐅᒻᒪᑦ ᑕᐅᑐᖃᑎᒌᓪᓗᑎᒃ ᐃᓅᖃᑎᒌᖃᑦᑕᐅᑎᓂᕐᒧᑦ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᓄ ᐅᖃᐅᓯᑦᓴᐃᑦ ᓇᓗᓇᐃᖅᑕᐅᓯᒪᔪᑦ ᖃᕆᑕᐅᔭᒃᑯᑦ ᑲᑐᔾᔨᖃᑎᒌᓐᓂᖅ “ᓇᓗᓇᐃᖅᑐᖅ ᐊᑦᓱᕈᓐᓇᖅᓱᓂᓗ” ᖃᐅᔨᓴᖅᑕᐅᕋᑖᓚᐅᖅᑐᖅ ᓇᓗᓇᐃᖅᓯᔪᖅ ᐊᐅᓚᑕᐅᑦᓯᐊᕐᓂᖓᓂᑦ ᖃᕆᑕᐅᔭᒃᑯᑦ ᐱᓕᕆᖃᑎᒌᑦ ᐱᓕᕆᑦᓯᐊᕈᓐᓇᕐᓂᖏᓐᓄᑦ ᑕᐃᒃᑯᓄᖓ ᐊᓪᓚᕝᕕᓐᓂ ᐃᓂᖃᖃᑕᐅᖃᑎᒌᖃᑦᑕᖅᑐᓂᑦ, ᖃᕆᑕᐅᔭᒃᑯᑦ ᐱᓕᕆᖃᑎᒌᑦ ᐱᕕᖃᕐᓂᖏᓐᓄᑦ ᐱᐅᓯᕚᓪᓕᖁᓪᓗᒋᑦ ᐃᖅᑲᓇᐃᔭᖅᑏᑦ ᐱᕙᓪᓕᐊᓂᕆᔭᐅᔪᖅ.

 

ᑖᓐᓇ ᐃᓕᓐᓂᐊᕐᓂᖅ ᑐᕌᒐᖃᖅᑐᖅ ᐊᑐᐃᓐᓇᐅᑎᑦᓯᓂᕐᒧᑦ ᐃᓚᐅᔪᓄᑦ ᐅᑯᓇᖓ ᐃᓗᓕᖏᓐᓂᑦ ᐊᑦᑐᐊᓂᖃᖅᑐᓂᑦ ᐱᕈᖅᑎᑦᓯᓂᕐᒧᑦ ᐱᓕᕆᑦᓯᐊᓚᕆᑦᑐᓂᑦ ᖃᕆᑕᐅᔭᒃᑯᑦ ᐱᓕᕆᖃᑎᒌᓐᓂᕐᒧᑦ:

  • ᐊᑑᑎᖃᑦᓯᐊᖅᑐᑦ ᐃᑭᐊᖅᑭᕕᒃᑯᑦ ᑐᓴᐅᒪᖃᑦᑕᐅᑎᓂᕐᒧᑦ ᐱᓕᕆᔾᔪᑏᑦ ᖃᓄᐃᓕᐅᕈᑕᐅᔪᒪᔪᓪᓗ
  • ᐃᑲᔫᑎᑦᓴᐃᑦ ᐃᑲᔪᖅᑐᐃᓂᕐᒧᑦ ᐱᕈᖅᑎᑦᓯᓂᕐᒧᑦ ᑲᒪᒋᔭᖃᖏᓐᓇᕐᓂᕐᒧᓪᓗ ᐃᑉᐱᒋᔭᖃᕐᓂᕐᒧᑦ ᖃᐅᔨᒪᔭᖃᑦᓯᐊᕐᓂᖅ ᐊᓐᓇᒍᓐᓇᕐᓂᖓᓄᓪᓗ
  • ᓱᓕᕆᓂᐅᔪᑦ ᐅᖃᖃᑎᒌᓐᓂᕐᒧᓪᓗ ᓇᓗᓇᐃᖅᓯᓂᕐᒧᑦ ᓇᓃᓐᓂᐊᕐᓂᖏᓐᓂᒃ ᐊᑦᓱᕈᓐᓇᖅᑐᓂᑦ ᐊᔪᕈᑕᐅᔪᓂᓪᓗ ᖃᕆᑕᐅᔭᒃᑯᑦ ᐱᓕᕆᖃᑎᒌᓐᓂᕐᒧᑦ.
  • ᓇᓗᓇᐃᖅᓯᓂᕐᒧᑦ ᑐᕌᒐᕆᔭᐅᔪᓂᑦ ᑲᒪᒋᔭᖃᕐᓂᕐᒧᑦ ᐅᓄᖅᓯᑎᑦᓯᓂᕐᒧᓪᓗ ᐃᖅᑲᓇᐃᔭᕐᕕᒻᒥ ᐱᓕᕆᓂᕆᔭᐅᖏᓐᓂᑦ
  • ᐱᓕᕆᔾᔪᑏᑦ ᐃᑲᔫᑏᓪᓗ ᐃᑲᔪᖅᑐᐃᓂᕐᒧᑦ ᖃᓄᐃᖏᑦᓯᐊᕐᓂᕐᒧᑦ ᖃᕆᑕᐅᔭᒃᑯᑦ ᐱᓕᕆᐊᖃᕐᓂᕐᒧᑦ ᐃᓕᖅᑯᓯᕐᒥ, ᐱᓕᕆᐊᖃᕐᓂᕐᒧᑦ ᐱᒻᒪᕆᐅᒋᔭᐅᔪᑦ ᐱᓕᕆᔾᔪᓯᕐᓗ
  • ᐱᕙᓪᓕᐊᑎᑦᓯᓂᕐᒧᑦ ᐱᓕᕆᖃᑎᒌᒍᑕᐅᒐᔪᑦᑐᓂᑦ ᖃᕆᑕᐅᔭᒃᑯᑦ ᐱᓕᕆᖃᑎᒌᓄᑦ
  • ᐱᓕᕆᔾᔪᑏᑦ, ᐊᑐᖅᑕᐅᕙᓪᓕᐊᓂᐊᖅᑐᑦ ᐃᑲᔫᑏᓪᓗ ᐆᒪᐃᓐᓇᖅᑎᑕᐅᖁᓪᓗᒍ ᐃᖅᑲᓇᐃᔭᕐᕕᒻᒥ
ᐱᒋᐊᕐᕕᖓ: 
ᔫᓂ 29, 2021
ᐃᓱᓕᕝᕕᖓ: 
ᔫᓂ 29, 2021
ᓇᓂ: 
ᖃᕆᓴᐅᔭᒃᑯᑦ - (MS Teams)
ᓄᓇᓕᒃ: 
ᐃᖃᓗᖕᓂ
ᓇᒦᓐᓂᖓ ᐊᕕᖅᑐᖅᓯᒪᔪᓂᑦ: 
ᕿᑭᖅᑖᓗᒃ
ᑐᑭᓯᒋᐊᑲᓐᓂᕈᒪᒍᕕᑦ ᖃᐅᔨᒃᑲᕐᓗᒍ: 
ᐱᐅᓪ ᑕᕐᕋᓕᒃ
ᐊᑎᓕᐅᖅᑕᐅᖃᑕᐅᓂᕐᒧ ᑦ ᐃᓱᓕᕝᕕᖓ:: 
ᔫᓂ 25, 2021
ᑐᕌᕈᑏᑦ ᐃᕐᖐᓐᓈᖅᑕᐅᒃᑯᑦ: 
ᐅᖄᓚᐅᑎ: 
867-975-6023

ᐱᓇᓱᒍᑎ ᑎᑎᕋᕝᕕᒋᔭᕆᐊᓕᒃ

ᐱᔭᕇᖅᓯᒪᔪᑦ ᐱᓇᔫᑎᒧᑦ ᑎᑎᕋᕐᕕᒃᓴᑦ ᐴᖅᑲᖅᑕᐅᔭᕆᐊᓖᑦ ᖃᕋᓴᐅᔭᕐᒧᑦ, ᑎᑎᕋᙳᖅᑎᑕᐅᓗᓂ ᐊᑎᓕᐅᖅᑕᐅᓗᓂᓗ ᐃᖅᑲᓇᐃᔭᖅᑎᒧᑦ ᐃᖅᑲᓇᐃᔭᖅᑎᐅᓪᓗ ᑲᒪᔨᖓᓄᑦ. ᐃᓚᐅᖃᑕᐅᓇᓱᒍᑎᓕᒫᑦ ᐊᖏᖅᑕᐅᓲᑦ ᓯᕗᓪᓕᐅᔪᓄᑦ−ᖃᐃᔪᓄᑦ, ᓯᕗᓪᓕᐅᔪᓄᑦ ᐱᔨᑦᑎᕋᖅᑕᐅᓗᑎᒃ.