ᐃᓚᐅᔪᑦ ᓇᓗᓇᐃᔭᖅᓯᒪᓗᑎᒃ ᑖᔅᓱᒧᖓ ᐊᔪᕈᓐᓃᖅᓴᒐᒃᓴᒧᑦ ᐃᓚᓕᐅᔾᔭᐅᑲᐅᑎᒋᕙᒃᐳᑦ ᓂᕆᐅᒋᔭᐅᕝᕕᐅᓗᑎᒡᓗ ᐃᓚᐅᓇᔭᕐᓂᕐᒧᑦ ᑕᒪᐃᓐᓄᑦ ᐱᖓᓱᓄᑦ ᐊᔪᕈᓐᓃᖅᓴᒐᒃᓴᓄᑦ ᓇᓗᓇᐃᖅᑕᐅᓯᒪᔪᓄᑦ ᐊᑖᓂ. ᐊᔪᕈᓐᓃᖅᓴᒐᒃᓴᐃᑦ 1 ᐊᒻᒪᓗ 2 ᐃᓱᒪᒋᔭᐅᕗᒃ ᐱᒋᐊᕐᕕᐅᓇᔭᖅᖢᑎᒃ ᐊᔪᕈᓐᓃᖅᓴᒐᒃᓴᐅᓂᖏᖕᓂᒃ ᐃᓚᐅᔪᕐᓗ ᑲᔪᓯᓂᖃᑦᑎᐊᕐᓗᓂ ᐱᔭᕇᖅᓯᓯᒪᓪᓗᐊᖅᐳᖅ ᐊᑕᐅᓯᓪᓗᐊᑕᕐᒥᒃ ᐅᑯᐊᒃ ᒪᕐᕉᒃ ᐊᔪᕈᓐᓃᖅᓴᒐᒃᓵᒃ ᐃᓚᐅᓂᐊᕐᓗᑎᒃ ᐱᖓᔪᖓᓂ ᐃᓕᓐᓂᐊᒐᒃᓴᒥᑦ.
ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᖏᓐᓄᑦ ᐃᓱᒪᒋᔭᖃᑐᐃᓐᓇᖅᑐᓄᑦ ᐊᔪᕈᓐᓃᖅᓴᒐᒃᓴᓂ ᐊᑕᐅᓯᐅᑦᑕᕐᓗᒋᑦ ᐱᓕᕆᐊᖃᕋᔭᕐᓂᕐᒥᒃ, ᐱᓇᔪᒍᑎᖏᑦ ᐊᖏᖅᑕᐅᓂᐊᖅᐳᑦ ᐅᑕᖅᑭᑎᑕᐅᓪᓗᑎᒡᓗ ᐃᓚᐅᓂᐊᕐᓗᑎᒃ ᐱᓕᕆᐊᖃᕐᓗᑎᒃ ᑕᒪᐃᓐᓂᒃ ᐱᖓᓱᓂᒃ ᐊᔪᕈᓐᓃᖅᓴᒐᒃᓴᓂᒃ ᓯᕗᓪᓕᖅᐸᐅᑦᑎᐅᑎᔭᐅᔪᖃᕐᓂᐊᖅᐳᖅ. ᖃᐅᔨᑎᑕᐅᓂᐊᖅᐳᑎᑦ ᐊᔪᕈᓐᓃᖅᓴᒐᒃᓴᐅᑉ ᐅᓪᓗᖏᑦ ᖃᓂᒡᓕᒃᑲᓐᓂᖅᐸᑕ ᐃᓂᒃᓴᓂᒃ ᒪᓂᒪᔪᖃᖅᐸᑦ.
ᐃᓕᓐᓂᐊᒐᒃᓴᖅ 1: ᐱᔾᔪᑕᐅᓪᓗᐊᑕᖅᑐᑦ ᐋᔩᖃᖃᕐᓂᕐᒥᒃ ᐊᖏᖃᑎᒌᒍᑕᐅᓯᒪᙱᑦᑐᒥᒡᓗ ᐋᖅᑭᒃᓯᒪᓕᖅᑎᑦᑎᓂᖅ - ᕕᕝᕗᐊᕆ 2−3, 2023
ᑖᓐᓇ ᖃᐅᔨᑎᑕᐅᕙᓪᓕᐊᓗᓂ ᐊᔪᕈᓐᓃᖅᓴᒐᒃᓴᖅ ᐋᖅᑭᒃᓱᖅᑕᐅᓯᒪᕗᖅ ᐱᑎᑦᑎᓂᐊᕐᓗᓂ ᐃᓚᐅᔪᓂᒃ ᐊᑐᖅᑕᐅᓪᓗᐊᑕᖅᐸᒃᑐᓄᑦ ᑲᔪᓯᓂᖃᑦᑎᐊᕐᓗᓂ
ᐋᔩᖃᑎᖃᕋᔭᕐᓂᕐᒥᒃ ᐊᑲᐅᙱᓕᐅᖁᑎᓂᒡᓗ ᐋᖅᑭᒃᓯᒪᓕᖅᑎᑦᑎᓇᔭᕐᓂᕐᒥᒃ. ᑖᓐᓇ ᐃᓚᖃᖅᐳᖅ 6−ᓄᑦ ᑎᑭᓪᓗᒍ ᐊᔪᕈᕈᓐᓃᖅᓴᒐᒃᓴᓂᒃ, ᐱᑎᑦᑎᓗᓂ ᐃᓚᐅᔪᓂᒃ
ᓴᙱᔪᒥᒃ ᑐᙵᕕᒋᔭᐅᓇᔭᖅᑐᒥᒃ ᐱᓪᓗᐊᑕᕐᓄᑦ ᐊᑲᐅᙱᓕᐅᕈᑎᒥᒃ ᐊᐅᓚᑦᑎᓂᕐᒧᑦ ᐊᔪᕈᓐᓃᖅᑕᐅᕙᒃᑐᓂᒃ ᐊᒻᒪᓗ ᓴᙱᔪᒥᒃ ᑐᑭᓯᐅᒪᓂᕐᒥᒃ ᐃᒪᐃᑦᑐᒥᒃ
CBI-ᑯᑦ ᐱᓪᓗᐊᑕᕐᓄᑦ ᐊᑕᐅᑦᑎᒃᑯᑦ ᐱᕚᓪᓕᕐᓂᕐᒧᑦ ᐊᑐᖅᑕᐅᓇᔭᖅᑐᒧᑦ ᐊᑐᒐᒃᓴᖅ. ᑕᒪᓐᓇ ᐅᖃᐅᓯᖃᓪᓚᕆᒃᐳᖅ ᐱᒻᒪᕆᐅᓂᖓᓂᒃ
ᐋᖅᑭᒃᓱᐃᓂᐊᕐᓗᓂ ᐅᒃᐱᕆᔭᐅᑦᑎᐊᖅᑐᒥᒃ ᑐᑭᓯᓇᑦᑎᐊᖅᑐᑎᒍᑦ ᐊᑐᕈᓐᓇᑦᑎᐊᖅᑐᑎᒍᓪᓗ ᑐᓴᐅᒪᑎᑦᑎᓂᒃᑯᑦ, ᐱᑎᑦᑎᕙᒃᖢᓂᓗ ᐊᑐᖅᑕᐅᔪᓐᓇᑦᑎᐊᖅᑐᓂᒃ ᐃᒪᐃᓐᓂᐊᕐᓗᓂ,
ᐊᑦᑐᖏᖅᓯᒪᔪᓐᓃᖅᑎᑦᑎᓂᐊᕐᓗᓂ ᐊᑐᖅᑕᐅᔪᓐᓇᖅᑐᓂᒃ ᐊᓐᓂᕐᓇᖅᑐᓂᒃ ᓇᓗᓇᐃᖅᓯᕙᒃᖢᓂᓗ ᐊᑐᖅᑕᐅᔪᓐᓇᖅᑐᓂᒃ ᐊᓂᒍᖅᑎᑦᑎᓂᐊᕐᓗᓂ ᓄᖅᑲᖓᓂᕆᔭᐅᔪᒥᒃ. ᐊᔪᕈᓐᓃᖅᓴᒐᒃᓴᖅ
ᐊᑐᖅᐸᒃᐳᖅ ᐃᓚᐅᓂᕐᒧᑦ ᐱᓕᕆᐊᖑᔪᓂᒃ ᖃᓄᐃᓕᐅᙳᐊᖅᑐᓂᒡᓗ ᑕᒪᕐᒥᓕᒫᖓᒍᑦ.
ᐃᓕᓐᓂᐊᒐᒃᓴᖅ 2: ᐊᐅᓚᑦᑎᓂᖅ ᐊᒃᓱᕈᕐᓇᖅᑐᓂᒃ ᐅᖃᖃᑎᒌᒃᑐᓂᑦ ᐱᓕᕆᖃᑎᒋᔭᒥᓂᒃ ᓄᓇᓕᖕᓂᓗ − ᕕᕗᐊᕆ 13−14, 2023
ᑖᓐᓇ ᐊᔪᕈᓐᓃᖅᓴᒐᒃᓴᖅ ᑕᐅᑐᒐᖃᓪᓗᐊᑕᖅᐸᒃᐳᖅ ᐊᐅᓚᑦᑎᕝᕕᖃᕐᓂᕐᒥᒃ ᐃᓅᖃᑎᒌᓂ ᐊᔾᔨᒌᙱᓐᓂᐅᕙᒃᑐᓂᒃ ᐱᓕᕆᖃᑎᒋᕙᒃᑕᕐᓄᑦ ᓄᓇᓕᖕᒥᐅᓄᓪᓗ
ᐃᓚᒋᔭᐅᔪᓄᑦ. ᑕᐅᑐᒐᓪᓗᐊᑕᖓ ᑕᒪᑐᒪ ᐊᔪᕈᓐᓃᖅᓴᕐᓂᐅᑉ ᖁᕝᕙᕆᐊᖅᑎᑦᑎᓂᐅᕗᖅ ᐃᓚᐅᔪᑦ ᐃᓅᖃᑎᒌᖕᓂᕐᒧᑦ ᐅᖃᖃᑎᒌᖕᓂᕆᕙᖕᓂᕐᒧᑦ
ᐊᔪᕈᓐᓃᖅᐸᒃᑕᖏᓐᓂᒃ ᐃᒃᐱᒋᔭᖃᕐᓂᕐᒧᓪᓗ ᐃᓱᒪᑦᑎᐊᕈᓐᓇᖅᐸᖕᓂᖓᓄᑦ. ᐃᓚᐅᔪᑦ ᐃᓕᑦᑎᓂᐊᖅᐳᑦ ᐊᑐᕐᓗᑎᒡᓗ ᐱᑕᖃᓪᓚᕆᒃᑐᓂᒃ ᐊᔪᕈᓐᓃᖅᑕᐅᕙᒃᑐᓂᒃ ᐃᒪᐃᓕᐅᕐᓂᐊᕐᓗᓂ,
ᖃᐅᔨᓇᓱᖕᓂᐊᕐᓗᓂ ᑭᓱᑦ ᐃᓚᖏᓐᓂ ᐅᖃᓪᓚᖕᓂᕆᔭᐅᔪᓂ ᐊᓂᒍᖅᑎᓐᓇᓱᒋᐊᖃᖅᐸᖕᒪᖔᑕ, ᐊᑐᖅᑕᐅᔪᓐᓇᖅᑐᓄᓪᓗ
ᐊᐅᓚᑦᑎᓂᐊᕐᓗᓂ ᑕᒪᒃᑯᓂᖓ ᐊᓂᒍᖅᑎᓐᓇᓱᒋᐊᓕᖕᓂᒃ ᕿᓚᒻᒥᐅᔪᒃᑯᑦ. ᐱᕕᒃᓴᖃᕐᓂᐊᕐᒥᔪᑦᑕᐅᖅ ᐊᑐᕐᓂᕐᒥᒃ
ᐃᓕᓯᒪᓕᖅᑕᒥᓂᒃ ᐱᓪᓚᕆᖕᒧᑦ ᑕᐃᒪᐃᑐᐃᓐᓇᕆᐊᓕᖕᒧᓪᓘᓐᓃᑦ ᐊᓂᒍᖅᑎᓐᓇᓱᒋᐊᖃᕋᔭᖅᑐᒧᑦ ᐅᖃᖃᑎᒌᖕᓂᕐᒧᑦ.
ᐃᓕᓐᓂᐊᒐᒃᓴᖅ 3: ᐋᔩᖃᑎᖃᕐᓂᕐᒧᑦ ᑲᔪᓯᑎᑦᑎᓂᕐᒧᓪᓗ ᓇᓗᓇᐃᒃᑯᑕᖅᑖᕐᓂᕐᒧᑦ ᐱᓕᕆᐊᖑᕙᒃᑐᖅ − ᕕᕗᐊᕆ 2-−22, 2023
ᑖᓐᓇ ᐱᑐᐃᓐᓇᐅᙱᑦᑐᖅ ᐊᔪᕈᓐᓃᖅᓴᒐᒃᓴᖅ ᐱᑎᑦᑎᕙᒃᐳᖅ ᐃᓚᐅᔪᓂᒃ ᐊᔪᕈᓐᓃᖅᑕᐅᔪᓂᒃ ᖃᐅᔨᒪᓂᕐᒥᒡᓗ ᐃᒪᐃᓐᓂᐊᕐᓗᓂ,
“ᓇᓕᐊᖕᓂᑐᐃᓐᓇᖅ ᐃᑲᔪᖅᑐᙱᓪᓗᓂ” — ᓇᓕᐊᖕᓄᑐᐃᓐᓇᐅᒍᓂ ᐋᔩᖃᑎᖃᖅᑎᑦᑎᔨᐅᒍᓂ ᑲᔪᓯᑎᑦᑎᔨᐅᒍᓂᓘᓐᓃᑦ— ᐃᑲᔪᕈᒪᓗᓂ ᐊᐅᓚᑦᑎᓂᐊᕐᓗᓂ ᐊᑲᐅᙱᓕᐅᕈᑎᒋᔭᐅᔪᓂᒃ ᑲᔪᓯᑎᑦᑎᓗᓂᓗ
ᐱᐅᓂᖅᓴᒥᒃ ᐱᓕᕆᖃᑎᒌᖕᓂᐅᓇᔭᖅᑐᒥᒃ ᐃᓄᑐᐊᓄᑦ ᐱᓕᕆᖃᑎᒌᓄᓪᓗ. ᑖᓐᓇ ᐊᔪᕈᓐᓃᖅᓴᒐᒃᓴᖅ ᖃᐅᔨᑎᑦᑎᕙᒃᐳᖅ ᐃᓚᐅᔪᓂᒃ
ᐊᑐᖅᑕᐅᔪᓐᓇᖅᑐᓄᑦ ᑲᔪᓯᓂᖃᑦᑎᐊᖅᑐᒧᑦ ᐋᔩᖃᑎᖃᖅᑎᑦᑎᓂᕐᒧᑦ ᑲᔪᓯᑎᑦᑎᔨᐅᓂᕐᒧᓪᓗ, ᖃᓄᖅ ᐊᐅᓚᑦᑎᔪᖃᕈᓐᓇᕐᒪᖔᑦ ᐋᔩᖃᑎᒌᖕᓂᕆᔭᐅᔪᒥᒃ
ᑲᔪᓯᑎᑦᑎᓂᕐᒧᓪᓘᓐᓃᑦ ᑲᔪᓯᓂᕆᔭᐅᔪᒥᒃ, ᐱᑐᐃᓐᓴᐅᙱᑦᑐᓄᓪᓗ ᐱᓕᕆᔾᔪᑎᓄᑦ ᐊᑐᖅᑕᐅᔪᓄᑦ ᐊᔪᙱᓐᓂᖃᑎᐊᖅᑐᓂᑦ ᐋᔩᖃᑎᒌᒃᑎᑦᑎᓂᕐᓂᑦ ᑲᔪᓯᑎᑦᑎᔨᓂᒡᓗ ᐃᒪᐃᓕᐅᓂᐊᕐᓗᑎᒃ
ᐱᐅᓯᒋᐊᖅᑎᓪᓗᒍ ᑐᑭᓯᐅᒪᓂᕆᔭᐅᔪᖅ, ᐊᓂᒍᖅᑎᓪᓗᒍ ᓄᖅᑲᖓᓂᕆᔭᐅᔪᖅ, ᐅᑎᖅᑎᓪᓗᒍ ᐅᒃᐱᕆᔭᖃᑦᑎᐊᕐᓂᖅ, ᐊᐅᓚᓪᓗᒋᑦ ᐊᒃᓱᕈᕐᓇᖅᑐᖅᓯᐅᕐᓇᖅᑐᑦ, ᐊᒻᒪᓗ
ᑲᔪᓯᑎᑦᑎᓗᓂ ᐱᐅᓂᖅᓴᒥᒃ ᐱᓕᕆᖃᑎᒌᖕᓂᕐᒥᒃ. ᐃᓚᐅᔪᑦ ᐱᕕᒃᓴᖃᕐᓂᐊᖅᐳᑦ ᐃᓕᑦᑎᓂᕐᒥᒃ, ᐅᖃᖃᑎᖃᕐᓂᕐᒥᒃ, ᐊᒻᒪᓗ
ᐊᔪᕈᓐᓃᖅᓴᕐᓗᑎᒃ ᐊᔪᕈᓐᓃᖅᓯᒪᔭᒥᓂᒃ ᐊᔾᔨᒋᙱᑦᑐᑎᒍᑦ ᑕᐃᒪᙳᐊᖅᑎᑕᐅᔪᑎᒍᑦ ᐱᓕᕆᐊᖑᔪᑎᒍᓪᓗ. ᐃᓚᐅᔪᑦ ᐱᔭᕇᖅᓯᔭᕆᐊᖃᖅᐳᑦ
ᓇᓕᐊᖕᓂᑐᐃᓐᓇᖅ ᐅᑯᐊᒃ, "ᐊᑐᖅᑕᐅᓪᓗᑕᖅᐸᒃᑐᑦ ᐋᔩᖃᑎᖃᕐᓂᕐᒥᒃ ᐊᑲᐅᙱᓕᐅᕈᑎᒋᔭᐅᔪᒥᒡᓗ ᐋᖅᑭᒃᓯᒪᓕᖅᑎᑦᑎᓂᕐᒧᑦ
ᐅᖃᖃᑎᒌᖕᓂᕐᒧᑦ" ᐊᔪᕈᓐᓃᖅᓴᒐᒃᓴᓂᒃ ᑖᔅᓱᒥᖓ ᐊᔪᕈᓐᓃᖅᓴᒐᒃᓴᒥᒃ ᐱᓕᕆᔪᖃᓚᐅᙱᓐᓂᖓᓂ.
ᖃᐅᔨᓴᐅᑦ ᓇᒧᙵᖅᐸᑦ: ᕕᕗᐊᕆ 2-22, 2023
|
ᕿᑎᕐᒥᐅᑦ ᖃᐅᔨᓴᐅᑖ ᒪᓕᒡᓗᒍ (ᕿᑎᕐᒥᐅᑦ) |
ᑭᕙᓪᓕᖅ | ᕿᑭᖅᑖᓗᒃ | |
| ᐱᒋᐊᕐᕕᖓ | 7:30−ᒥ ᐅᓪᓛᒃᑯᑦ | 8:30−ᒥ ᐅᓪᓛᒃᑯᑦ | 9:30 ᐅᓪᓛᒃᑯᑦ |
| ᐃᓱᓕᕝᕕᖓ | 2:30ᐅᓐᓄᒃᓴᒃᑯᑦ | 3:30ᐅᓐᓄᒃᓴᒃᑯᑦ | 4:30ᐅᓐᓄᒃᓴᒃᑯᑦ |
ᐱᒻᒪᕆᐅᔪᑦ ᑐᓴᖅᑕᐅᔭᕆᐊᓕᑦ:
ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᓕᒫᑦ ᑐᙵᓱᒃᑎᑕᐅᔪᑦ ᑖᔅᓱᒧᖓ ᐃᓕᓐᓂᐊᖃᑕᐅᔪᒪᑐᐊᖅᐸᑕ, ᑭᓯᐊᓂ ᐃᓕᓐᓂᐊᖅᑕᐅᓇᔭᕐᒪᑦ ᑐᙵᕕᒋᔭᐅᓗᓂ ᑲᓇᖕᓇᖅ ᖃᐅᔨᓴᐅᑦ ᒪᓕᒡᓗᒍ 9:30-ᒥ ᐅᓪᓛᒃᑯᑦ 4:30−ᒧᐊᖅᓴᓂᖓᓄᑦ ᐅᓐᓄᒃᓴᒧᑦ.