ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᒐᕙᒪᖓ ᓴᖅᑭᑎᑦᑎᔪᑦ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐸᕐᓇᐅᑎᓂᒃ 2023-ᒧᓄᑦ

ᒫᑦᓯ 03, 2020

ᑐᓴᒐᒃᓴᑦ ᓴᖅᑭᑕᑦ

ᓄᓇᕗᑦ ᒐᕙᒪᖓ ᓴᖅᑭᑎᑦᑎᔪᑦ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐸᕐᓇᐅᑎᓂᒃ 2023-ᒧᓄᑦ

ᐃᖃᓗᐃᑦ, ᓄᓇᕗᑦ (ᒫᑦᓯ 3, 2020) − ᓄᓇᕗᑦ ᒐᕙᒪᖓ ᐅᓪᓗᒥ ᓴᖅᑭᑎᑦᑎᔪᑦ ᒐᕙᒪᒃᑯᓐᓄᓕᒫᖅ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐸᕐᓇᐅᑎᒥᑦ ᐊᒻᒪᓗ ᓇᓗᓇᐃᔭᖅᓯᒪᑦᑎᐊᖅᑐᑦ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐸᕐᓇᐅᑎᓂᒃ ᑐᕌᖓᔪᓂᒃ ᓄᓇᕗᑦ ᒐᕙᒪᖓᑕ ᐱᓕᕆᕝᕕᓕᒫᖏᓐᓄᑦ, ᓄᓇᕗᒻᒥ ᓯᓚᑦᑐᖅᓴᕐᕕᒻᒧᑦ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᖏᓐᓄᑦ, ᐊᒻᒪᓗ ᐆᒻᒪᖅᑯᑎᓕᕆᔨᒃᑯᓐᓄᑦ. ᐸᕐᓇᐅᑎᓕᒫᑦ ᐱᕙᒌᔭᖅᓯᒪᔪᖅ 2023−ᖑᕋᓱᐊᕐᓂᖓᓄᑦ.

“ᑖᑯᐊ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐸᕐᓇᐅᑏᑦ ᐃᑲᔫᑎᖃᕐᓂᐊᖅᑐᑦ ᓄᓇᕗᑦ ᒐᕙᒪᖓᑕ ᐱᓕᕆᐊᒃᓴᖏᓐᓄᑦ ᓇᓗᓇᐃᖅᓯᒪᔪᑦ ᑎᑎᕋᖅᓯᒪᓂᓕᒻᒥᑦ 23−ᒥᑦ ᓄᓇᕗᒻᒥ ᐊᖏᕈᑎᒥᑦ ᐊᒻᒪᓗ ᐊᐅᓚᑦᑎᓗᑎᒃ ᓴᖅᑭᑕᐅᕙᓪᓕᐊᖁᓪᓗᒋᑦ ᐊᔪᙱᑎᐊᖅᑐᓂᑦ, ᑭᒡᒐᖅᑐᐃᔪᓐᓇᑦᑎᐊᖅᑐᓂᒃ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓄᑦ ᐱᓕᕆᕝᕕᐅᔪᓂᑦ ᐃᖅᑲᓇᐃᔭᖅᑎᓂᒃ, ᑐᖓᓇᑦᑎᐊᕐᓗᑎᒃ ᐃᖅᑲᓱᑦᑎᐊᕐᓗᑎᒡᓗ ᐱᓕᕆᕝᕕᐅᔪᓂᑦ,” ᐅᖃᖅᓯᒪᔪᖅ ᒥᓂᔅᑕ ᐃᖅᑲᓇᐃᔭᖅᑐᓕᕆᔨᒃᑯᓄᑦ ᓗᐊᓐ ᑯᓱᒐᖅ.
ᓄᓇᕗᓕᒫᒥᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᑦ ᒪᕐᕈᐃᖅᓲᑎᓪᓗᐊᖏᓐᓂᑦ ᐅᓄᖅᓯᒋᐊᖅᓯᒪᔪᑦ ᐊᕐᕌᒍᐃᑦ ᐊᕙᑎᑦ (20) ᓈᑎᓪᓗᒋᑦ. ᖃᑦᓯᐅᓂᖏᑦ ᐃᓄᐃᑦ ᒐᕙᒪᒃᑯᓐᓂᑦ ᐅᓄᖅᓯᒋᐊᖅᓯᒪᒻᒥᔪᑦ ᒪᕐᕉᐃᓲᑎᓪᓗᐊᖏᑕ ᐅᖓᑖᓂᑦ ᐱᕈᖅᐸᓪᓕᐊᑎᓪᓗᒋᑦ ᒫᑦᓯ 2000−ᐅᑎᓪᓗᒍ 918−ᖑᓚᐅᖅᓯᒪᔪᑦ ᒫᓐᓇ 1843−ᖑᓚᐅᖅᑐᑦ ᑎᓯᐱᕆ 2019-ᖑᑎᓪᓗᒍ.

ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐸᕐᓇᐅᑏᑦ ᐱᕙᓪᓕᐊᑎᑕᐅᓚᐅᖅᑐᖅ ᑎᑎᕋᖅᓯᒪᔪᓄᑦ ᖃᐅᔨᓴᖅᑕᐅᕙᓪᓕᐊᔪᓂᑦ ᐊᑐᖅᑕᐅᓪᓗᓂ ᓄᓇᕗᒻᒥᑦ ᐃᓄᐃᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᖃᐅᔨᓴᖅᑕᐅᕙᓪᓕᐊᓂᕐᒥᑦ ᐊᒻᒪᓗ ᖃᐅᔨᖅᑕᐅᕙᓪᓕᐊᔪᓂᑦ ᓄᓇᕗᑦ ᒐᕙᒪᖓᓄᑦ ᐱᓕᕆᕝᕕᐅᔪᑦ ᐃᖅᑲᓇᐃᔭᖅᑎᖏᓐᓂᒃ. ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎ ᓇᓗᓇᐃᔭᐃᓯᒪᔪᖅ ᐱᕕᓴᖃᕐᕕᐅᒍᓐᓇᖅᑐᓂᒃ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐃᓚᖃᕐᒥᔪᖅ ᑐᕌᒐᕆᔭᐅᔪᓂᑦ ᖃᓄᐃᓕᐅᕐᓂᕐᒧᑦ ᐸᕐᓇᐅᑕᐅᔪᓂᓘ ᑎᑭᓪᓗᒍ 2023. ᐊᑐᐃᓐᓇᕈᖅᑎᑦᑎᕙᒃᑭᕗᒍᑦᑕᐅᖅ ᐱᓕᒻᒪᒃᓴᕐᓂᕐᒥᒃ, ᐃᓕᓐᓂᐊᕐᓂᕐᒥᒃ ᐊᒻᒪ ᑭᓱᓕᕆᔨᙳᕐᓂᕐᒧᑦ ᐃᓕᓐᓂᐊᕈᑎᒃᓴᓂᒃ ᐃᓄᖕᓄᑦ ᐃᑲᔫᑎᒋᓪᓗᒍ ᐃᖅᑲᓇᐃᔭᕐᓂᕐᒧᑦ ᐊᒻᒪ ᐊᔪᙱᔾᔪᑎᑖᖅᐸᓪᓕᐊᓂᕐᒧᑦ ᑭᓱᓕᕆᔨᐅᔪᒪᓂᖏᑦ ᒪᓕᒃᖢᒋᑦ ᐱᕕᖃᖅᑎᑕᐅᓲᖑᖕᒥᔪᑦ.

ᓄᓇᕗᑦ ᒐᕙᒪᖓ ᑲᒪᒋᔭᖃᖃᑦᑕᖅᑐᖅ ᐊᕐᕌᒍᒐᓴᓐᓄᑦ, ᒐᕙᒪᒃᑯᓕᒫᓄᑦ ᐃᓄᓐᓂᑦ ᐃᖅᑲᓇᐃᔭᖅᑎᖃᕐᓂᕐᒧᑦ ᐸᕐᓇᐅᑎᒥᑦ ᑕᐃᒪᖓᓂᑦ ᓄᓇᕗᑖᓚᐅᖅᓯᒪᒻᒪᑕ 1999−ᖑᑎᓪᓗᒍ. ᑖᑯᐊ ᓇᓗᓇᐃᔭᖅᓯᒪᑦᑎᐊᖅᑐᑦ, ᐊᕐᕌᒍᒐᓴᓐᓄᑦ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎ ᐱᓕᕆᐊᓄᑦ ᐱᕈᖅᐸᓪᓕᐊᔪᑎᒋᔭᐅᔪᖅ, ᓴᖅᑭᑎᑦᑎᕙᓪᓕᐊᑎᓪᓗᒋᑦ ᐊᑕᖐᑦᑎᐊᖅᑐᓂᑦ ᐃᓗᓕᖏᓂ ᐸᕐᓇᐅᑎᓂᑦ ᓇᓗᓇᐃᔭᖅᓯᒪᑦᑎᐊᖅᑐᓂᑦ. ᐊᕐᕌᒍᑕᒫᑦ ᑎᑭᑕᐅᓇᓱᒃᐸᒃᑐᑦ ᓯᕗᓪᓕᐅᔾᔭᒃᓴᓪᓗ ᐱᓕᕆᐊᖑᓂᐊᕐᑐᓄᑦ ᐃᓚᖃᐃᓐᓇᖅᐳᑦ ᐊᕐᕌᒍᑕᒫᒥᑦ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᖕᓇᐅᑎᓂᑦ ᓄᓇᕗᑦ ᒐᕙᒪᒃᑯᖏᑦᑕ ᐱᓕᕆᐊᒃᓴᓄᑦ ᐸᕐᓇᐅᑎᖏᓐᓂᑦ. ᓯᕗᓪᓕᖅᐹᒥᑦ, ᐱᓕᕆᕝᕕᐅᔪᑦ ᐊᖏᔪᓪᓗ ᐅᑭᐅᖅᑕᖅᑐᒥᑦ ᑎᒥᐅᔪᑦ ᓴᖅᑭᑦᑎᓚᐅᕆᕗᑦ ᐊᕐᕌᒍᒐᓴᖕᓄᑦ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᖕᓇᐅᑎ
ᓂᒃ.

ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᐸᕐᓇᐅᑏᑦ ᐊᑐᐃᓐᓇᐅᔪᑦ ᐅᕙᓂ http://bit.ly/IEPs-INUK. ᐱᓕᕆᕝᕕᐅᔪᓄᑦ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑦ ᐊᑐᐃᓐᓇᐅᒻᒥᔪᑦ ᓄᓇᕗᑦ ᒐᕙᒪᖓᑕ ᐃᑭᐊᖅᑭᕕᐊᓂᑦ ᐊᒻᒪᓗ ᓄᓇᕗᓕᒫᒥᑦ ᑎᒥᐅᔪᑦ ᐃᑭᐊᖅᑭᕕᐊᓂᑦ.

###

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᖅ:

ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎ
ᔮᓂᔅ ᖃᐅᓐᓂᖅ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
867-975-6239
hrcommunications@gov.nu.ca

ᓄᓇᕗᑦ ᒐᕙᒪᒃᑯᖏᑕ ᐱᓕᕆᕝᕕᖏᑦ ᐊᒻᒪᓗ ᒐᕙᒪᒃᑯᑎᓐᓂᑦ ᑎᒥᖁᑎᒋᔭᐅᔪᑦ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎᒦᑦᑐᑦ.
ᑐᓴᕆᐊᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒋᔪᓐᓇᖅᑕᑎᑦ ᐱᓕᕆᕝᕕᐅᔪᑦ ᐊᒻᒪᓗ ᑎᒥᐅᔪᑦ ᐅᕗᖓ: http://bit.ly/GNComms-INUK

 

 

ᐱᓕᕆᐊᖑᓯᒪᔪᑦ

ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐱᕙᒌᔭᐅᑎ 2023-ᒧᓄ


ᒐᕙᒪᒃᑯᑦ ᓄᓇᕗᒻᒥ ᑎᑎᕋᕆᐊᙵᖅᓯᒪᔪᑦ ᓄᑖᒥ ᐊᕐᕌᒍᒐᓴᕐᓄᑦ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐱᕙᒌᔭᐅᑎᓪᓚᕆᒻᒥᒃ ᐊᕐᕌᒍᒻᒥ 2017-2018 ᑭᖑᓂᖓᒍᑦ ᓄᑖᓂᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᑮᓇᐅᔭᖃᖅᑎᑕᐅᓂᕐᒧᑦ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐱᓕᕆᐊᖑᔪᓂᑦ ᐊᑐᐃᓐᓇᐅᓕᖅᑎᑦᓯᓂᕐᒥᑦ 2023-ᒥ. ᑖᒃᑯᐊ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐱᕙᒌᔭᐅᑏᑦ ᓄᑖᙳᕆᐊᖅᑕᐅᓯᒪᔪᑦ ᐱᔭᕇᖅᑕᐅᑦᓱᑎᓪᓗ 2019-ᒥ.

ᖃᓄᐃᓕᖓᓂᖓ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᒐᕙᒪᒃᑯᓐᓂᑦ ᓄᓇᕗᒻᒥ

ᓄᓇᕗᒻᒥ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᖃᐅᔨᒪᔭᕆᐊᖃᖅᐳᑦ ᐊᔪᙱᑦᑕᕆᐊᖃᖅᓱᑎᓪᓗ


ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔮᑉ ᐅᓂᒃᑳᖅᓯᒪᔭᖏᓐᓂᒃ ᓴᖅᑭᔮᖅᑎᑦᓯᓂᕐᒥᓪᓗ ᕿᒥᕐᕈᔭᐅᖃᑦᑕᖅᑐᑦ ᖃᐅᔨᒪᔪᒪᓪᓗᑎᒃ ᐃᓕᓐᓂᐊᖅᓯᒪᓂᖏᓐᓂᒃ, ᐱᓕᕆᖃᑦᑕᖅᓯᒪᔭᖏᓐᓂᒃ ᐊᓯᖏᓐᓂᓪᓗ ᐊᔪᙱᑕᖏᓐᓂᒃ ᑐᓗᖅᑕᕈᑕᐅᙱᓪᓗᑎᒃ ᐃᓄᐃᑦ ᐃᖅᑲᓇᐃᔮᖅᑖᕋᓱᐊᕐᓂᖏᓐᓄᑦ.
ᐊᕝᕙᓗᐊᑲᓴᖏᑦ ᒐᕙᒪᒃᑯᑦ ᓄᓇᕗᒻᒥ ᐃᖅᑲᓇᐃᔮᑦ ᐃᓚᒋᔭᐅᔪᑦ ᓯᓚᑦᑐᖅᓴᕐᕕᔾᔪᐊᖅᒥ ᐃᓕᓐᓂᐊᖅᓯᒪᓗᓂ ᒪᓕᒐᖅᑎᒍᑦ ᐊᔪᙱᓐᓂᕆᔭᐅᔪᑦ, ᐃᓚᒋᔭᐅᑦᓱᑎᒃ ᐃᓕᓐᓂᐊᑎᑦᓯᔩᑦ, ᐋᓐᓂᐊᓯᐅᖅᑏᑦ, ᒪᓕᒐᓕᕆᔩᑦ ᑮᓇᐅᔭᓕᕆᔩᓪᓗ. ᐊᑐᓂᑦ ᒪᓕᒐᖅᑎᒍᑦ ᐊᔪᙱᓐᓂᕆᔭᐅᔪᑦ ᐱᔭᕆᐊᖃᖅᑐᑦ ᐱᔭᕇᕈᓯᐊᕐᒥᒃ ᓇᓗᓇᐃᖅᑕᐅᓯᒪᔪᒥᑦ ᖃᐅᔨᓴᕐᓂᕐᒧᑦ. ᐃᓕᓐᓂᐊᖅᑕᒥᓂᑦ ᐱᔭᕇᖅᑐᑦ ᐱᔪᓐᓇᐅᑎᖃᕆᐊᓖᑦ ᓯᓚᑖᓂᑦ ᐱᔪᓐᓇᐅᑎᖃᖅᑎᐅᔪᓂᑦ ᐃᖅᑲᓇᐃᔭᕈᓐᓇᕐᓂᕐᒥᑦ ᐊᔪᙱᓐᓂᕆᔭᐅᔪᓂᑦ.
ᐃᓄᓐᓂᑦ ᑭᒡᒐᖅᑐᐃᔨᖃᕐᓂᖅ ᖁᑦᓯᑦᑐᖅ ᒐᕙᒪᒃᑯᑦ ᓄᓇᕗᒻᒥ 50 ᐳᓴᓐᑎ ᐃᖅᑲᓇᐃᔮᑦ ᐃᓚᒋᔭᐅᔪᑦ ᓯᓚᑦᑐᖅᓴᕐᕕᒻᒥ ᓴᓇᔨᐅᓂᕐᒧᓪᓘᓐᓃᑦ ᐱᓕᒻᒪᑦᓴᕐᓂᖅ, ᖁᑦᓯᓂᖅᓴᓄᑦ ᐃᓕᓐᓂᐊᕐᕕᒻᒥ ᐱᔭᕇᖅᓯᓂᖅ, ᐃᓕᓐᓂᐊᖅᓯᒪᓂᖃᖏᑦᑑᒐᓗᐊᕐᓘᓐᓃᑦ. 2013-ᒥᓂ, ᐃᓄᓐᓂᑦ ᑭᒡᒐᖅᑐᐃᔨᖃᕐᓂᖅ ᖃᑦᓰᓐᓇᐅᓂᖅᓴᖅ 33 ᐳᓴᓐᑎ ᐃᖅᑲᓇᐃᔮᓂᑦ ᐃᓚᒋᔭᐅᔪᑦ ᐃᓕᓐᓂᐊᖅᓯᒪᓂᕐᒧᑦ ᓯᓚᑦᑐᖅᓴᕐᕕᔾᔪᐊᖅᒥ.
ᓄᓇᕘᑉ ᐃᖅᑲᓇᐃᔭᖅᑏᑦ ᐱᔭᐅᔪᒪᕙᓐᓂᖏᑦ ᓴᖅᑭᑎᑦᓯᔪᖅ ᐊᑦᓱᕉᑎᓂᑦ ᐃᓄᓐᓂ ᐃᖅᑲᓇᐃᔭᖅᑎᑦᓯᓂᕐᒧᑦ
ᓄᓇᕗᒻᒥᐅᑦ ᐃᖅᑲᓇᐃᔭᖅᑐᓕᕆᓂᖓ ᒫᓐᓇ ᓱᓕ ᐃᑲᔪᖅᑐᐃᕙᙱᓚᖅ ᐊᑕᖐᑦᑎᐊᖅᑐᒥᒃ ᑭᒡᒐᖅᑐᐃᔪᓂᒃ ᒐᕙᒪᒃᑯᓐᓂ ᐃᖅᑲᓇᐃᔭᑎᐅᕙᓐᓂᖅ ᐃᖅᑲᓇᐃᔮᓕᒫᓂᑦ ᑲᑎᙵᐅᖅᑐᓂᑦ ᐃᓘᓐᓇᖏᓐᓂᓪᓗ ᖁᑦᓯᓂᓕᓐᓂᑦ. ᒐᕙᒪᒃᑯᑦ ᑲᓇᑕᒥ 2018-ᒥ ᓄᓇᕗᒻᒥ ᐃᓄᓐᓂᑦ ᐃᖅᑲᓇᐃᔭᖅᑐᑦ ᖃᐅᔨᓴᕐᓂᖅ ᑕᑯᑦᓴᐅᑎᑦᓯᔪᖅ ᐱᔪᓐᓇᕐᓂᖃᖅᑐᓂᑦ, ᐊᑐᐃᓐᓇᐅᔪᓂᑦ ᐱᔪᒪᓂᖃᖅᑐᓂᓪᓗ ᐃᓄᓐᓂᑦ ᓱᓕ ᐊᔾᔨᒌᖏᑦᑕᖓ ᐱᔭᕆᐊᖃᕐᓂᖏᓐᓄᑦ ᒐᕙᒪᒃᑯᑦ ᐊᓯᖏᓪᓗ ᐃᖅᑲᓇᐃᔭᕐᕕᒋᔭᐅᔪᑦ ᓄᓇᕗᒻᒥ:

  • ᓄᓇᕗᑦ ᒪᒃᑯᑦᑐᓂᒃ ᐱᕈᖅᐸᓪᓕᐊᖏᓐᓇᖅᑐᓂᓪᓗ ᐃᓄᖃᖅᐳᖅ.
  • ᐃᓄᐃᑦ ᐃᓚᐅᓂᖏᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᐊᑦᑎᒃᑐᒦᖏᓐᓇᖅᐳᖅ.
  • ᐃᓱᓕᑦᑕᖅᑐᓂᒃ ᐊᑐᖅᑕᐅᔪᓐᓇᖅᑐᓂᒃ ᐃᓕᓐᓂᐊᖅᓯᒪᔪᓂᒃ ᐃᓄᒃᑕᖃᖅᐳᖅ ᐊᖑᒻᒪᑎᔪᒪᓂᐊᕐᓗᑎᒃ ᒐᕙᒪᒃᑯᑦ ᐱᔭᕆᐊᖃᖅᑕᖏᓐᓂᒃ.
  • ᓄᓇᕗᒻᒥᐅᑦ ᐊᖏᓪᓕᕙᓪᓕᐊᔪᒥᒃ ᓂᕈᐊᕆᔭᖃᕈᓐᓇᖅᐸᓪᓕᐊᕗᑦ ᐃᖅᑲᓇᐃᔭᖅᑎᓂ ᖃᓄᐃᑦᑐᓂᓪᓗ ᐃᖅᑲᓇᐃᔮᖃᕋᔭᕐᒪᖔᕐᒥᓂ.

ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐱᕙᒌᔭᐅᑎ ᓴᖅᑭᑎᑦᓯᔪᖅ ᓄᑖᓂᑦ ᐱᕕᖃᕐᓂᐅᔪᓂᑦ ᐃᓄᓐᓂᑦ ᐃᖅᑲᓇᐃᔭᖅᑎᑦᓯᓂᕐᒥᑦ

ᐊᖅᑯᑕᐅᑦᓱᓂ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐱᕙᒌᔭᐅᑎ, ᐱᓕᕆᕝᑦ, ᓄᓇᕘᒥ ᑯᐊᐳᕇᓴᐃᑦ ᑐᑦᑕᕐᕕᐅᔪᓪᓗ ᐊᑐᓕᖅᑎᑦᓯᔪᑦ ᖃᓄᐃᓕᐅᕐᓂᐅᔪᓂᑦ ᐱᖓᓲᔪᖅᑐᓂᑦ ᑐᕌᒐᖃᕐᓂᕐᒥᑦ: