You are here
ᓄᓇᕗᑦ ᒐᕙᒪᒃᑯᖏᑦ ᐃᖅᑲᓇᐃᔮᖑᕙᒃᑐᓂᒃ ᓴᖅᑭᔮᖅᑎᑦᑎᓂᖅ
ᓄᕕᐱᕆ 17, 2022
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᑦ
ᓄᓇᕗᑦ ᒐᕙᒪᒃᑯᖏᑦ ᐃᖅᑲᓇᐃᔮᖑᕙᒃᑐᓂᒃ ᓴᖅᑭᔮᖅᑎᑦᑎᓂᖅ
ᑲᓇᑕᒥ ᐃᖅᑲᓇᐃᔭᖅᕕᑦᑎᐊᕙᐅᓛᖑᔪᒥ ᐃᓚᒋᔭᐅᖃᑕᐅᒋᑦ! ᓄᕕᐱᕆ 21 ᐊᒻᒪ 22-ᒥ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔮᖑᕙᒃᑐᓂᒃ ᓴᖅᑭᔮᖅᑎᑦᑎᓂᐊᕐᒪᑕ ᐃᖃᓗᒃᑑᑦᑎᐊᒥ.
ᐃᖅᑲᓇᐃᔮᖑᕙᒃᑐᓂᒃ ᓴᖅᑭᔮᖅᑎᑦᑎᓂᖅ ᒪᒃᐱᖅᓯᒪᓛᖅᑐᖅ 1:00-ᒥ 5:00-ᒧᑦ, ᑲᑎᒪᕝᕕᐅᒐᔪᒃᑐᒥᒃ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ 48 Nugak Street−ᒥ ᖃᐅᑕᒫᑦ.
ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᒻᒪ ᑎᒥᖁᑎᖏᑦ, ᑕᐃᑲᓃᓛᖅᑐᑦ ᐃᓕᔅᓯᓐᓂᒃ ᐅᖃᓪᓚᖃᑎᖃᕆᐊᖅᑐᕐᓗᑎᒃ ᐃᖅᑲᓇᐃᔮᒃᓴᑦ ᒥᒃᓵᓄᑦ.
ᐃᖅᑲᓇᐃᔮᖅᑖᕐᓂᕐᒧᑦ ᐱᔪᒥᓴᐅᑎᓕᐊᓯ ᓇᒃᓯᐅᕐᓗᓯᐅᒃ ᐃᖅᑲᓇᐃᔮᒃᓴᖅᓯᐅᕐᓗᓯ ᓇᓕᒧᑦᑐᓂᒃ ᐊᔪᙱᑕᕐᓄᑦ.
2022-ᒥ, ᒐᕙᒪᒃᑯᑦ ᓄᓇᕗᒻᒥ ᐃᓕᑕᖅᓯᓯᒪᔪᖅ ᑲᓇᑕᐅᑉ ᐱᐅᓂᖅᐹᖅ ᐊᔾᔨᒌᙱᕈᓘᔭᖅᑐᓂᑦ ᐃᖅᑲᓇᐃᔭᕐᕕᐅᔪᓂᑦ ᐊᒻᒪᓗ ᖁᑦᑎᖕᓂᖅᐹᖅ ᐃᖅᑲᓇᐃᔭᕐᕕᒋᔭᐅᔪᖅ ᒪᒃᑯᑦᑐᓄᑦ ᐃᓕᓐᓂᐊᕇᕋᑖᓚᐅᖅᑐᓄᑦ. ᑕᑯᔭᖅᑐᕐᓂᐊᖅᐳᑎᑦ ᖃᓄᐃᑦᑑᓇᔭᕐᒪᖔᑦ ᐃᓕᓐᓄᑦ!
ᑕᑯᓂᐊᕐᓗᒍ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓ ᐃᖅᑲᓇᐃᔮᒃᓴᓄᑦ ᒪᑐᐃᖓᑎᑕᐅᔪᓄᑦ.
###
ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:
ᐲᑕᑭᓐ ᑦᓴᑰᓐᓴ
ᑐᑭᒧᐊᒃᑎᑦᑎᔨ, ᐊᑐᐊᒐᓕᕆᓂᕐᒧᑦ, ᐸᕐᓇᐃᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ
ᐃᖅᑲᓇᐃᔭᖅᑐᓕᕆᔨᒃᑯᑦ
867-975-6226
PChakonza@gov.nu.ca
