ᐅᖃᓚᐅᑎᓯᐅᑏᑦ

You are here

ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ-19 ᐃᖅᑲᓇᐃᔭᖅᑐᓕᕆᔨᒃᑯᓐᓂ ᑐᓴᒐᒃᓴᖅ

ᔫᓂ 08, 2020

ᐃᖅᑲᓇᐃᔭᖅᑐᓕᕆᔨᒃᑯᓐᓂ ᑐᓴᒐᒃᓴᖅ - ᔫᓂ 1, 2020

ᐊᐅᓪᓚᕐᓗᓂ ᐃᖅᑲᓇᐃᔭᕆᐊᖃᑦᑕᕐᓂᖅ ᓄᕙᒡᔪᐊᕐᓇᖅ-19−ᑕᖃᖅᑎᓪᓗᒍ

ᔫᓐ 1−ᖑᓕᖅᑎᓪᓗᒍ, ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᒃ ᐲᓚᐅᕐᐸᐅᒃ ᓄᓇᕗᑦ−ᐃᓗᐊᓂᑦ ᐊᐅᓪᓚᖅᑲᑦᑕᖁᔨᙱᓐᓂᖅ. ᓄᓇᕗᑦ ᓯᓚᑖᓄᑦ ᐊᐅᓪᓚᖃᑦᑕᖁᔭᐅᙱᓚᑦ ᓱᓕ.

ᔫᓐ 8−ᖑᓕᖅᐸᑦ, ᓄᓇᕗᑦ ᒐᕙᒪᒃᑯᖏᑦ ᐱᒋᐊᖕᓂᐊᓕᖕᒥᔪᑦ ᓄᓇᕗᑦ−ᐃᓗᐊᓂᑦ ᐊᐅᓪᓚᖃᑦᑕᖕᓂᖅ ᐃᖅᑲᓇᐃᔭᖅᑎᓄᑦ, ᒪᓕᒡᓗᑎᒃ ᐃᓕᖅᑯᓯᐅᕙᒃᑐᓂᑦ. ᑕᒪᖕᒥᒃ ᐱᔭᕆᐊᖃᓪᓚᕆᑦᑐᑦ ᐱᔭᕆᐊᖃᙱᑦᑐᓪᓗ ᐃᖅᑲᓇᐃᔭᕆᐊᕐᓗᑎᒃ ᐊᐅᓪᓚᖃᖑᑦᑕᖕᓃᑦ ᐊᖏᕐᑕᐅᑐᐃᓐᓇᕆᐊᓕᑦ ᓄᓇᕗᑦ ᐃᓗᐊᓂᑦ.

ᐃᖅᑲᓇᐃᔭᕆᐊᕐᓄᒥ ᐊᐅᓐᓇᖃᑦᑕᖕᒥᑦ ᕿᑎᕐᒥᐅᓄᑦ ᕿᑎᕐᒥᐅᓂᑦ ᐊᖏᕐᑕᐅᑐᐃᓐᓇᕆᐊᓕᒃ ᖃᖓᑕᓂᖏᑦ ᓄᖅᑲᕐᑕᕆᐊᖃᙱᑉᐸᑕ ᐃᓄᑐᐊᒃᑯᕕᖕᒦᒋᐊᖃᙱᓪᓗᑎᒃᓗ ᔭᓗᓇᐃᕝᒥ. ᐱᓕᕆᕝᕕᐅᔪᑦᑕᐅᖅ ᐃᓱᒪᑐᐃᓐᓇᕆᐊᓕᑦ ᓵᑕᖅᓯᓗᑎᒃ ᕿᑎᖕᒥᐅᓄᑦ ᕿᑎᖕᒥᐅᓂᓪᓘᓐᓃᑦ.

ᐃᖅᑲᓇᐃᔭᕆᐊᕐᓗᓂ ᐊᐅᓪᓚᕐᑐᑦ ᓴᓂᑭᓗᐊᒧᑦ ᐅᑎᒧᓪᓗ ᐊᖏᕐᑕᐅᑐᐃᓐᓇᕆᐊᓕᑦ ᓵᑕᓄᑐᐊᖅ, ᖃᖓᑕᓂᕆᔭᖏᑦ ᓄᖅᑲᕐᑕᕆᐊᖃᙱᑉᐸᑕ ᓄᓇᕗᑦ ᓯᓚᑖᓄᑦ ᐃᓄᑐᐊᒃᑯᕕᖕᒦᒋᐊᖃᙱᓪᓗᑎᒃᓗ.

ᐱᔭᕆᐊᖃᓪᓚᕆᙱᑦᑐᑦ ᐃᖅᑲᓇᐃᔭᕆᐊᕐᓗᑎᒃ ᐊᐅᓪᓚᖕᓃᑦ ᓄᓇᕗᑦ ᓯᓚᑖᓄᑦ ᓱᓕ ᓄᖅᑲᖔᖅᑎᑕᐅᔪᑦ.

 

ᖃᕆᑕᐅᔭᒃᑯᑦ ᐊᔪᕈᓐᓃᖅᓴᕐᓃᑦ ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᖏᓐᓄᑦ

ᓄᓇᕗᑦ ᒐᕙᒪᒃᑯᑦ ᐱᓕᕆᖃᑎᒋᔭᖏᓪᓗ ᕼᐆᒻᕗᑦ ᐋᓐᓂᐊᖃᕐᓇᙱᑦᑐᓕᕆᔨᑦ ᐃᑭᐊᖅᑭᕕᒃᑯᑦ ᐃᓕᓐᓂᐊᒐᒃᓴᖃᖅᑎᑦᑎᕗᑦ ᐃᓕᖕᓄᑦ ᐃᓚᖕᓄᓪᓗ ᐃᑲᔫᑕᐅᓇᓱᒃᑐᓂᒃ ᐊᓯᔾᔨᕆᐊᖃᑕᐅᔪᓐᓇᖁᓪᓗᓯ ᐊᒻᒪ ᐃᓱᒪᒃᑯᑦ ᖃᓄᐃᙱᑦᑎᐊᖏᓐᓇᕐᓗᓯ.

ᑎᑎᕋᖅᓯᒪᔪᓕᒫᑦ ᑐᙵᕕᖃᖅᐳᑦ ᒫᓐᓇ, ᖃᐅᔨᓴᕈᑎᑦᑎᐊᕙᐅᓛᓂᒃ ᐱᖃᓯᐅᔾᔨᓪᓗᑎᒡᓗ ᑎᑎᖅᑲᓕᐅᒐᒃᓴᓂᒃ ᑐᑭᓯᒋᐊᕈᑎᒃᓴᓂᒃ, ᖃᐅᔨᓴᕈᑎᒃᓴᓂᒃ (ᐊᐱᖅᑯᑎᑦ), ᐊᒻᒪ ᐊᔪᕈᓐᓃᖅᓴᕈᑎᓂᒃ. ᐃᓕᓐᓂᐊᒐᒃᓴᐃᑦ ᓇᓂᑐᐃᓐᓇᖅ ᖃᖓᑐᐃᓐᓇᖅ ᐱᔪᓐᓇᖅᑕᑎᑦ.

ᑖᒃᑯᐊ ᐃᓕᓐᓂᐊᕈᑎᒃᓴᑦ ᒫᓐᓇ ᖃᓪᓗᓈᑎᑐᑦ ᐅᐃᕖᑎᑐᓪᓗ ᐊᑐᐃᓐᓇᐅᕗᑦ.

ᐱᔪᒪᒍᕕᑦ ᕼᐆᒻᕗᑦ ᐋᓐᓂᐊᖃᕐᓇᙱᑦᑐᓕᕆᔨᑦ ᐃᑭᐊᖅᑭᕕᖓ ᑕᑯᒋᐊᕐᓗᒍwww.homeweb.ca ᐊᑦᑕᑕᕐᕕᖏᓪᓗ ᒪᓕᒡᓗᒋᑦ ᐃᓚᒋᔭᐅᔪᑦ ᐱᔨᑦᑎᕋᖅᑕᐅᕝᕕᖓᓄᑦ.

ᐃᖅᑲᓇᐃᔭᖅᑏᑦ ᐃᓚᒌᓪᓗ ᐅᖄᓚᔪᓐᓇᖅᑐᑦ ᐊᑭᖃᙱᑦᑐᒧᑦ ᐅᕗᖓ 1-800-663-1142 ᓇᖕᒥᓂᖅ ᐃᓅᓯᓕᕆᔨᒧᑦ ᐃᑲᔪᖅᑕᐅᔪᒪᔪᑦ.

 


ᐃᖅᑲᓇᐃᔭᖅᑐᓕᕆᔨᒃᑯᓐᓂ ᑐᓴᒐᒃᓴᖅ - ᔫᓂ 1, 2020

ᒥᓂᔅᑕ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᓄᑖᙳᕆᐊᖅᑎᑕᖏᑦ:

ᐅᓪᓛᒃᑯᑦ. ᑲᒪᒋᔭᐅᓪᓗᓂ ᓘᒃᑖᒧᑦ ᐹᑐᓴᓐ−ᒧᑦ, ᓄᓇᕗᑦ ᒐᕙᒪᖓ ᖃᐅᔨᓴᖅᓯᒃᑲᓐᓂᖅᐸᓪᓕᐊᓕᖅᐳᖅ ᐊᑐᖅᑕᐅᔭᕆᐊᓕᖕᓂᒃ ᐃᓕᐅᖅᑲᖅᑕᐅᓚᐅᖅᑐᓂᒃ ᑕᐃᒪᐅᔾᔪᑎᖃᖅᖢᑎᒃ ᓄᕙᒡᔪᐊᕐᓇᖅ-19−ᒥᒃ. “ᓄᓇᕗᑦ ᐊᑐᕐᓂᐊᖅᑕᖓ: ᓯᕗᒻᒧᐊᖅᐸᓪᓕᐊᓂᖅ ᓄᕙᒡᔪᐊᕐᓇᖅ-19 −ᑕᖃᕐᓂᖓᓂ" ᑖᓐᓇᓗ ᓴᖅᑭᑕᐅᓵᓚᐅᖅᖢᓂ ᐱᓇᓱᐊᕈᓯᐅᓵᖅᑐᒥ, ᓴᖅᑭᑎᑦᑎᓪᓗᓂᓗ ᒐᕙᒪᒃᑯᑦ ᖃᓄᐃᓕᐅᕐᓂᐊᖅᑕᖏᓐᓂᒃ ᖃᓱᑎᑦᑎᒋᐊᕈᒪᓪᓗᑎᒃ ᐊᔪᓕᖅᑎᑦᑎᓯᒪᔾᔪᑎᓂᒃ, ᐊᒃᑐᐊᓂᓕᖕᓂᒃ ᒥᑭᒡᓕᒋᐊᖅᑎᑦᑎᔪᒪᓪᓗᑎᒃ ᖁᐊᖅᓵᕐᓇᖅᑐᓂᒃ ᐊᒃᑐᐊᓂᓕᖕᓂᒃ ᖃᓂᒪᓐᓇᖅᑐᒧᑦ, ᑕᐃᒪᐃᓕᐅᕐᓂᕐᒥᓂᓗ ᒥᑭᒡᓕᒋᐊᖅᑎᑦᑎᓯᒪᓗᑎᒃ ᐊᒃᑐᖅᓯᓂᕆᔭᐅᔪᓂᒃ ᓄᓇᕗᒻᒥᐅᓄᑦ. ᑐᙵᕕᒋᓪᓗᒍ ᒫᓐᓇ ᖃᐅᔨᔾᔪᑕᐅᓯᒪᔪᖅ ᖁᐊᖅᓵᕐᓇᕋᔭᖅᑐᓄᑦ ᐊᒃᑐᖅᓯᓂᐅᓇᔭᖅᑐᓄᓪᓗ ᑕᒪᒃᑯᓄᖓ ᐊᑐᖅᑕᐅᑎᑕᐅᔪᓄᑦ, ᒪᑐᐃᖅᓯᒃᑲᓐᓂᕐᓂᖅ ᐃᖅᑲᓇᐃᔭᕐᕕᒋᔭᐅᔪᓂᒃ ᐃᓱᒪᒋᔭᐅᕗᖅ ᐊᑦᑎᒃᑐᒦᓐᓇᓱᒋᔭᐅᓪᓗᓂ ᐊᑐᖅᑕᐅᓕᕋᔭᕐᓂᖏᓐᓄᑦ ᑎᑎᕋᕐᕖᑦ.

ᐅᓪᓗᒥ, ᐅᖃᐅᓯᖃᖅᐳᖓ ᐃᒪᓐᓇ, ᓄᓇᕗᑦ ᒐᕙᒪᖓ ᐊᖏᕐᕋᓂ ᐃᖅᑲᓇᐃᔭᖅᑎᑦᑎᓂᖓ ᐃᓱᓕᓐᓂᖓᓂᒃ ᓄᓇᕗ ᒐᕙᒪᖓᑕ ᐃᖅᑲᓇᐃᔭᖅᑎᖏᓐᓄᑦ. ᐱᒋᐊᕐᓗᓂ ᓇᒡᒐᔾᔭ, ᔫᓂ 8, 2020, ᓄᓇᕗᑦ ᒐᕙᒪᖓᓄᑦ ᐃᖅᑲᓇᐃᔭᖅᑏᑦ ᒫᓐᓇ "ᐊᖏᕐᕋᒥᓂ ᐃᖅᑲᓇᐃᔭᖅᑐᑦ" ᐅᑎᕐᓂᐊᓕᖅᐳᑦ ᐃᖅᑲᓇᐃᔭᕐᕕᒋᕙᒃᑕᑐᖃᒥᓄᑦ.

ᑕᒪᓐᓇ ᐋᖅᑭᒃᓯᒪᓕᖅᑎᑕᐅᔪᖅ ᐋᖅᑭᑕᐅᓚᐅᖅᐳᖅ ᐅᖃᖃᑎᒋᔭᐅᕌᓪᓚᓚᐅᖅᖢᑎᒃ ᑭᒃᑯᑐᐃᓐᓇᓂᒃ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐱᓕᕆᖃᑎᒌᑦ, ᐅᑯᐊᓗ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑎᒃᑯᑦ. ᐃᓕᓴᖅᓯᕗᒍᑦ ᖃᓄᐃᙱᑦᑎᐊᖅᑐᒥᒃ ᐃᖅᑲᓇᐃᔭᕐᕕᖃᕆᐊᖃᓪᓚᕆᖕᓂᖏᓐᓂᒃ ᐃᖅᑲᓇᐃᔭᖅᑎᓕᒫᑦ ᐋᓐᓂᐊᖃᑦᑕᐃᓕᒪᓂᕐᒧᑦ ᖃᓄᐃᖏᑦᓯᐊᕐᓂᕐᒧᓪᓗ ᓴᖅᑭᑎᑦᑎᔪᓐᓇᕐᓗᑎᒃ ᐊᔾᔨᒌᙱᑦᑐᓂᑦ ᐊᔪᙱᑕᖏᓐᓂᒃ, ᐊᔪᙱᓐᓂᖏᓐᓂᒃ, ᐊᒻᒪ ᐆᒻᒪᕆᖕᓂᖓᓂᒃ ᓄᓇᕗᒻᒥᐅᓕᒫᓄᑦ ᐱᔨᑦᑎᕋᖅᑎᓪᓗᒋᑦ.

ᐃᑲᔪᖅᑐᐃᔪᒪᓂᕐᒧᑦ ᖁᐊᖅᓵᕐᓇᙱᑦᑐᒥᒃ ᖃᓄᐃᓐᓇᙱᑦᑎᐊᖅᑐᒥᒡᓗ ᐃᖅᑲᓇᐃᔭᖅᕕᖃᕐᓂᕐᒥᒃ, ᓄᓇᕗᑦ ᒐᕙᓚᖓ ᒪᓕᒃᐳᖅ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᒪᓕᒋᐊᖃᖅᑎᑕᖏᓐᓂᒃ ᖁᐊᖅᓵᕐᓇᖅᑐᓄᑦ ᖃᐅᔨᓴᖅᓯᕙᖕᓂᕐᓂᒥᒃ ᐃᖅᑲᓇᐃᔭᕐᕕᒋᔭᐅᔪᓂᓗ ᐅᔾᔨᖅᓱᖅᑕᐅᖅᑳᕆᐊᓕᖕᓄᑦ, ᒪᒡᓂᓐᓇᕐᓂᐊᖅᖢᑎᒡᓗ ᑕᒪᐃᓐᓂᑦᑎᐊᖅ ᑎᓕᓯᔾᔪᑕᐅᓯᒪᔪᓂᒃ ᐊᑐᕆᐊᖃᙱᑎᑕᐅᔪᓂᒡᓗ ᐋᖅᑭᒃᑕᐅᓯᒪᔪᓂᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᒥᑦ ᑕᐃᒪᐃᔾᔪᑎᖃᖅᖢᓂ ᓄᕙᒡᔪᐊᕐᓇᖅ-19−ᒥᒃ. ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᖏᑦ ᐲᓐᓇᖃᑦᑕᕐᓂᐊᕐᒥᔪᑦ ᑲᔪᓰᓐᓇᖅᑐᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖁᐊᖅᓵᕐᓇᖅᑕᐃᓕᒪᓂᕐᒧᓪᓗ ᑐᓴᖅᐅᔪᒃᓴᓂᒃ ᒪᓕᒃᑕᐅᔭᕆᐊᓕᖕᓂᒡᓗ. ᓄᓇᕗᑦ ᒐᕙᒪᖓᑕᑦᑕᐅᖅ ᐃᖅᑲᓇᐃᔭᖅᑎᖁᑎᒥᓄᑦ ᐃᓚᒌᓄᓪᓗ ᐃᑲᔪᖅᑐᐃᓐᓂᕐᒧᑦ ᐱᓕᕆᐊᕆᕙᒃᑕᖓᑦ ᐊᒻᒪᑦᑕᐅᖅ ᒪᓂᒪᒋᕗᖅ ᐃᑲᔪᖅᑐᐃᔪᒪᓪᓗᓂ ᖃᓄᐃᙱᑦᑎᐊᕋᔭᕐᓂᖏᓐᓄᑦ ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᖏᑦ ᐃᓚᖏᓪᓗ.

ᑭᒡᒐᖅᑐᐃᔩᑦ ᑕᒪᐃᓐᓂᑦ ᐊᑐᓂᑦ ᐱᓕᕆᕝᕕᒋᔭᐅᔪᓂᑦ ᑕᒪᑐᒪᓂ ᐱᓇᓱᐊᕈᓯᕐᒥ ᐱᓕᕆᐊᖃᖅᐳᑦ ᖃᐅᔨᒪᑦᑎᐊᕈᒪᓪᓗᑎᒃ ᐃᖅᑲᓇᐃᔭᕐᕖᑦ ᐱᑐᐃᓐᓇᕆᐊᖃᓕᕋᓗᐊᕐᒪᖔᑕᐅᑎᕋᔭᕐᓂᖏᓐᓂᒃ ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᖏᑦ, ᑕᒪᓐᓇᓗ ᐅᖓᓯᒃᓴᕆᐊᖃᕐᓂᖅ ᑲᔪᓯᑎᑕᐅᖏᓐᓇᕋᓗᐊᕐᒪᖔ ᖃᐅᔨᒪᑦᑎᐊᕐᒥᓗᑎᒃ. ᐃᓚᖓᒍᑦ ᐊᓯᔾᔨᑲᑕᒋᐊᖃᕐᓂᖅ ᐊᑐᖅᑕᐅᑐᐃᓐᓇᕆᐊᓕᒃ ᐃᖅᑲᓇᐃᔭᖅᑏᑦ ᓅᑉᐸᓪᓕᐊᓕᖅᐸᑕ ᐊᖏᕐᕋᒥᓂᑦ ᐃᖅᑲᓇᐃᔭᕐᕕᖕᒥᓄᑦ.

ᖃᐅᔨᒪᕗᒍᑦ ᐃᓕᓐᓂᐊᕐᕖᑦ ᒪᑐᓚᐅᕐᓂᖏᓐᓄᑦ ᓇᓗᓇᕈᔪᖕᓂᖓᓄᓪᓗ ᐊᐅᔭᒃᑯᑦ ᐅᓪᓗᒃᑯᑦ ᐱᓕᕆᔪᖃᖃᑦᑕᕐᓂᐊᕐᒪᖔᑦ ᑕᒪᑐᒪᓂᐅᔪᖅ, ᐊᖓᔪᖅᑳᕆᔭᐅᔪᓪᓗ ᓄᑕᕋᐃᑦ ᑲᒪᒋᔭᐅᕙᖕᓂᖏᓐᓄᑦ ᐊᓯᖔᖏᑎᒍᑦ ᐱᓕᕆᐊᖃᕆᐊᖃᕐᓂᐊᕐᓂᖏᓐᓄᑦ, ᑕᐃᒪᐃᓐᓂᖓᓄᓪᓗᕗᑦ ᑲᒪᒋᔨᒋᔭᐅᕙᒃᑐᓂᒃ ᖃᐅᔨᒋᐊᓯᑲᐅᑎᒋᖁᓪᓗᒋᑦ ᖃᓄᖔᕈᓐᓇᕋᔭᕐᓂᕐᒥᒃ ᐅᖃᖃᑎᒋᓂᐊᕐᓗᒋᑦ.

ᒫᓐᓇᐅᔪᒃᑯᓪᓗ, ᐃᓱᓕᑦᑕᖅᑐᒥᒃ ᑭᒃᑯᑐᐃᓐᓇᐃᑦ ᐅᐸᖃᑦᑕᕈᓐᓇᕐᓂᐊᖅᑐᑦ ᓄᓇᕗᑦ ᒐᕙᒪᖓᑕ ᑎᑎᕋᕐᕕᖏᓐᓄᑦ ᐃᑲᔪᖅᑐᐃᔪᒪᓂᕐᒥᓄᑦ ᐃᓅᖃᑎᒌᑦ ᐅᖓᓯᒌᒋᐊᖃᖅᐸᖕᓂᖏᓂᒃ, ᖃᓄᐃᙱᑦᑎᐊᖁᔨᓂᕐᒧᓪᓗ ᖁᐊᖅᓵᕐᓇᖅᑐᒦᖁᔨᙱᓐᓂᕐᒧᑦ ᓄᓇᕗᒻᒥᐅᓕᒫᑦᑎᐊᓂᒃ.

ᐱᕕᒃᓴᖃᕐᓂᕐᓂᑦᑕᐅᖅ ᖁᔭᓕᔪᒪᕙᒃᑲ ᑕᒪᕐᒥᑦᑎᐊᖅ ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᓕᒫᖏᑦ ᐊᒃᓱᕈᖅᖢᓯ ᐱᓕᕆᖃᑦᑕᖅᓯᒪᓂᔅᓯᓐᓄᑦ ᐱᓕᕇᓐᓇᖃᑦᑕᕈᒪᓂᔅᓯᓐᓄᓪᓗ ᑕᒪᒃᑯᓇᓂ ᐅᓪᓗᓂ ᐊᑐᖅᑕᑦᑎᓐᓂ. ᖃᓄᐃᙱᑦᑎᐊᕐᓂᕆᔭᓯ ᓯᕗᓪᓕᖅᐸᐅᑦᑎᐊᑎᓯᒪᑦᑎᐊᖅᐸᕗᑦ.

ᖁᔭᒋᔪᒪᕙᒃᑲᑦᑕᐅᖅ ᓄᓇᕗᒻᒥᐅᑦ ᑲᔪᓰᓐᓇᖅᑐᒥᒃ ᐅᑕᖅᑭᔪᓐᓇᑦᑎᐊᖃᑦᑕᖅᓯᒪᒐᔅᓯ ᑐᑭᓯᐅᒪᖃᑦᑕᖅᓯᒪᒐᔅᓯᓗ, ᑲᔪᓯᓂᖃᖅᑎᓪᓗᑕ ᐊᑐᕆᐊᓕᖕᓄᑦ ᐱᓕᕆᐊᒃᓴᓄᑦ ᐱᔨᑦᑎᕋᕐᓂᕆᔭᐅᕙᒃᑐᓄᓪᓗ.

ᖁᔭᓐᓇᒦᒃ.

 

ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐱᔨᑦᑎᕋᕐᓂᕆᔭᐅᕙᒃᑐᑦ

ᑕᒪᕐᒥᑦᑎᐊᖅ ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᖏᑦ ᐅᑎᓛᖅᑐᑦ ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᕐᕕᖏᓐᓄᑦ, ᐱᒋᐊᕐᓗᓂ ᑕᒪᓐᓇ ᔫᓂ 8, 2020−ᒥ. ᑕᒪᓐᓇ ᐋᖅᑭᒃᓯᒪᓕᖅᑎᑕᐅᔪᖅ ᐋᖅᑭᑕᐅᓚᐅᖅᐳᖅ ᐅᖃᖃᑎᒋᔭᐅᕌᓪᓚᓚᐅᖅᖢᑎᒃ ᑭᒃᑯᑐᐃᓐᓇᓂᒃ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐱᓕᕆᖃᑎᒌᑦ, ᐅᑯᐊᓗ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑎᒃᑯᑦ.

ᐃᑲᔪᖅᑐᐃᔪᒪᓂᕐᒧᑦ ᖁᐊᖅᓵᕐᓇᙱᑦᑐᒥᒃ ᖃᓄᐃᓐᓇᙱᑦᑎᐊᖅᑐᒥᒡᓗ ᐃᖅᑲᓇᐃᔭᖅᕕᖃᕐᓂᕐᒥᒃ, ᓄᓇᕗᑦ ᒐᕙᓚᖓ ᒪᓕᒃᐳᖅ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᒪᓕᒋᐊᖃᖅᑎᑕᖏᓐᓂᒃ ᖁᐊᖅᓵᕐᓇᖅᑐᓄᑦ ᖃᐅᔨᓴᖅᓯᕙᖕᓂᕐᓂᒥᒃ ᐃᖅᑲᓇᐃᔭᕐᕕᒋᔭᐅᔪᓂᓗ ᐅᔾᔨᖅᓱᖅᑕᐅᖅᑳᕆᐊᓕᖕᓄᑦ, ᒪᒡᓂᓐᓇᕐᓂᐊᖅᖢᑎᒡᓗ ᑕᒪᐃᓐᓂᑦᑎᐊᖅ ᑎᓕᓯᔾᔪᑕᐅᓯᒪᔪᓂᒃ ᐊᑐᕆᐊᖃᙱᑎᑕᐅᔪᓂᒡᓗ ᐋᖅᑭᒃᑕᐅᓯᒪᔪᓂᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᒥᑦ ᑕᐃᒪᐃᔾᔪᑎᖃᖅᖢᓂ ᓄᕙᒡᔪᐊᕐᓇᖅ-19−ᒥᒃ. ᐃᓅᖃᑎᒥᒃ ᐅᖓᓯᒃᓴᕆᐊᖃᕐᓂᖅ ᑲᔪᓯᑎᑕᐅᖏᓐᓇᕐᓂᐊᖅᑐᖅ ᓄᓇᕗᑦ ᒐᕙᒪᖓᑕ ᑎᑎᕋᕐᕕᖏᓐᓂ, ᓄᓇᕗᑦ ᒐᕙᒪᖓᑕᓗ ᐃᖅᑲᓇᐃᔭᖅᑎᖏᑦ ᐱᑎᑕᐅᕙᓪᓕᐊᖏᓐᓇᖃᑦᑕᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖁᐊᖅᓵᕐᓇᖅᑕᐃᓕᒪᓂᕐᒧᓪᓗ ᑐᓴᖅᑕᐅᔪᒃᑕᓂᒃ, ᐃᖅᑲᐃᑎᑦᑎᔾᔪᑎᓂᒡᓗ, ᑲᔪᓰᓐᓇᖅᑐᒃᑯᑦ. ᓄᓇᕗᑦ ᒐᕙᒪᖓᑕᑦᑕᐅᖅ ᐃᖅᑲᓇᐃᔭᖅᑎᖁᑎᒥᓄᑦ ᐃᓚᒌᓄᓪᓗ ᐃᑲᔪᖅᑐᐃᓐᓂᕐᒧᑦ ᐱᓕᕆᐊᕆᕙᒃᑕᖓᑦ ᐊᒻᒪᑦᑕᐅᖅ ᒪᓂᒪᒋᕗᖅ ᐃᑲᔪᖅᑐᐃᔪᒪᓪᓗᓂ ᖃᓄᐃᙱᑦᑎᐊᕋᔭᕐᓂᖏᓐᓄᑦ ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᖏᑦ ᐃᓚᖏᓪᓗ.

ᒫᓐᓇᐅᔪᒃᑯᓪᓗ, ᐃᓱᓕᑦᑕᖅᑐᒥᒃ ᑭᒃᑯᑐᐃᓐᓇᐃᑦ ᐅᐸᖃᑦᑕᕈᓐᓇᕐᓂᐊᖅᑐᑦ ᓄᓇᕗᑦ ᒐᕙᒪᖓᑕ ᑎᑎᕋᕐᕕᖏᓐᓄᑦ ᐃᑲᔪᖅᑐᐃᔪᒪᓂᕐᒥᓄᑦ ᐃᓅᖃᑎᒌᑦ ᐅᖓᓯᒌᒋᐊᖃᖅᐸᖕᓂᖏᓂᒃ, ᖃᓄᐃᙱᑦᑎᐊᖁᔨᓂᕐᒧᓪᓗ ᖁᐊᖅᓵᕐᓇᖅᑐᒦᖁᔨᙱᓐᓂᕐᒧᑦ ᓄᓇᕗᒻᒥᐅᓕᒫᑦᑎᐊᓂᒃ. ᑭᒃᑯᑐᐃᓐᓇᐃᑦ ᖃᐅᔨᒋᐊᖃᑦᑕᕈᓐᓇᕐᓂᐊᖅᑐᑦ ᓱᓕ ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᖏᓐᓄᑦ ᑕᐃᒪᐃᑦᑕᕆᐊᖃᕌᖓᒥᒃ ᐅᖄᓚᐅᑎᒃᑯᑦ ᖃᕆᑕᐅᔭᒃᑯᓪᓗ ᑎᑎᕋᖃᑦᑕᐅᑎᕝᕕᒃᑯᑦ. ᐅᐸᒃᓯᓯᒪᒻᒪᕆᒡᓗᓂ ᑲᑎᖃᑎᖃᕆᐊᖃᖅᑐᖃᕐᓂᖅᐸᑦ,ᑭᒃᑯᑐᐃᓐᓇᐃᑦ ᐊᐱᕆᔭᐅᕗᑦ ᒪᓕᖁᔭᐅᓪᓗᑎᒃ ᐃᓅᖃᑎᒥᒃ ᐅᖓᓯᒃᓴᕆᐊᖃᖅᐸᖕᓂᕐᒥᒃ ᐊᓯᖏᓐᓂᒡᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖁᐊᖅᓵᕐᓇᖅᑕᐃᓕᒪᓂᕐᒧᓪᓗ ᐊᑐᖅᑕᐅᔭᕆᐊᓕᖕᓂᒃ.

ᓄᓇᕗᑦ ᒐᕙᒪᒃᑯᖏᑕ ᐱᓕᕆᕝᕕᖏᑦ ᐱᑎᑦᑎᖃᑦᑕᐃᓐᓇᕐᓂᐊᖅᐳᑦ ᑭᒃᑯᑐᐃᓐᓇᓄᑦ ᓄᑖᙳᕆᐊᖅᓯᒪᔪᓂᒃ ᖃᓄᑐᐃᓐᓇᖅ ᐋᖅᑭᒋᐊᖅᓯᔪᖃᒃᑲᓐᓂᕌᖓᑦ ᐱᓕᕆᐊᕆᑎᑕᒥᓄᑦ ᐱᔨᑦᑎᕋᕐᓂᕆᔭᒥᓄᓪᓗ, ᑕᒪᓐᓇ ᐃᖅᑲᓇᐃᔭᕐᓂᖅ ᐊᖏᕐᕋᕆᔭᐅᔪᓂ ᐱᓕᕆᐊᖑᖃᑦᑕᖅᓯᒪᔪᖅ ᐃᓱᓕᓕᖅᑎᓪᓗᒍ.

 


ᐃᖅᑲᓇᐃᔭᖅᑐᓕᕆᔨᒃᑯᓐᓂ ᑐᓴᒐᒃᓴᖅ - ᒪᐃ 11, 2020

ᓄᓇᕗᑦ ᒐᕙᒪᖓ ᒫᓐᓇ ᐱᔪᓐᓇᖅᓯᒪᕗᖅ ᐱᓇᔪᒍᑕᐅᔪᓂᒃ ᐊᐅᔭᒃᑯᑦ ᐃᓕᓐᓂᐊᖅᑏᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᐱᓕᕆᐊᖑᕙᒃᑐᒧᑦ.

ᑐᓴᒐᒃᓴᒃᑲᓐᓂᕐᓂᒃ ᒪᓂᒪᔪᖃᖅᐳᖅ ᐅᕙᓂ https://www.gov.nu.ca/human-resources/information/become-summer-student

ᑭᖑᓪᓕᖅᐹᖅ ᐅᓪᓗᕆᓇᔭᖅᑕᖓ ᐱᓇᔪᖕᓂᐊᕐᓗᓂ ᔪᓚᐃ 17, 2020−ᐅᕗᖅ, ᑭᓯᐊᓂᓗ ᑎᓕᐅᕆᕗᒍ ᐃᓕᓐᓂᐊᖅᑎᓂᒃ ᐱᓇᔪᖁᓪᓗᒋᑦ ᐊᔪᕐᓇᕈᓐᓃᑐᐊᖅᐸᑦ, ᐃᓂᒃᓴᓂᒃ ᒫᓐᓇ ᒪᓂᒪᔪᖃᓕᕐᓂᖓᓄᑦ! ᐃᓂᒃᑲᓐᓂᕐᓂᒃ ᒪᓂᒪᔪᖃᓕᑐᐃᓐᓇᕆᐊᓕᒃ ᐊᐅᔭᒥ ᑕᒪᑐᒪᓂ.

ᒫᓐᓇᐅᔪᒃᑯᑦ, ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᖏᕐᕋᕆᔭᐅᔪᓂ ᓱᓕ ᐊᑐᖅᑕᐅᕗᖅ, ᓄᓇᕗᑦ ᒐᕙᒪᖓᓗ ᒪᓖᓐᓇᖅᐳᖅ ᑕᒪᐃᓐᓂᑦᑎᐊᖅ ᑭᒃᑯᑐᐃᓐᓇᓄᑦ ᐋᓐᓂᐊᖃᖅᑕᐃᓕᑎᑦᑎᓂᕐᒧᑦ ᖃᓄᐃᓕᐅᖁᔭᐅᓯᒪᔪᓂᒃ ᐃᑲᔪᖅᑐᐃᓪᓗᑎᒡᓗ ᐃᓅᖃᑎᒌᑦ ᐅᖓᓯᒌᒋᐊᖃᐸᖕᓂᖏᓐᓄᑦ ᐊᑐᖅᑕᐅᖃᑦᑕᖅᑐᓂᒃ. ᐊᐅᔭᒃᑯᑦ ᐃᖅᑲᓇᐃᔭᓚᐅᑲᖕᓂᐊᖅᑐᑦ ᐃᓕᓐᓂᐊᖅᑎᑦ ᐃᖅᑲᓇᐃᔭᑐᐃᓐᓇᕆᐊᖃᖅᐳᑦ ᐊᖏᕐᕋᒥᓂ ᒐᕙᒪᒃᑯᓪᓘᓐᓃᑦ ᑎᑎᕋᕐᕕᖏᓐᓂ ᖃᓄᐃᑦᑑᓂᖓ ᐃᓂᐅᑉ ᑕᐅᑐᒃᖢᒍ, ᑭᒃᑯᑐᐃᓐᓇᓂᒡᓗ ᐋᓐᓂᐊᖃᖅᑕᐃᓕᑎᑦᑎᓂᕐᒧᑦ ᐊᑐᖅᑕᐅᕙᒃᓂᒃ ᐊᑐᕐᓗᑎᒃ.


ᐃᖅᑲᓇᐃᔭᖅᑐᓕᕆᔨᒃᑯᓐᓂ ᑐᓴᒐᒃᓴᖅ - ᐄᐳᕈ 30, 2020

ᓄᓇᕗᑦ ᒐᕙᒪᖓᑕ ᐊᖏᕐᕋᕆᔭᐅᔪᓂ ᐃᖅᑲᓇᐃᔭᕐᓂᕐᒧᑦ ᐊᑐᖅᑕᐅᔪᓐᓇᖅᑐᖁᑎᖓᑦ ᐊᑐᓕᖅᑕᐅᓚᐅᖅᑐᖅ ᒫᑦᓯ 20-ᒥ, ᓄᓇᕗᑦ ᒐᕙᒪᖓᒃᑯᖏᓐᓄᑦ ᐃᖅᑲᓇᐃᔭᖅᑏᑦ ᒥᑦᑎᒪᑕᓕᖕᒥ ᐃᑲᔪᖅᑐᖅᑕᐅᖏᓐᓇᖅᐳᑦ ᐃᖅᑲᓇᐃᔭᖁᔭᐅᓪᓗᑎᒃ ᐊᖏᕐᕋᕆᔭᒥᓂ ᐊᔪᓐᓇᙱᓐᓂᓕᒫᖓ ᒪᓕᒡᓗᒍ.

ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᐃᓚᒌᓄᓪᓗ ᐃᑲᔪᖅᑕᐅᔪᓐᓇᕐᓂᖏᓐᓄᑦ ᐱᓕᕆᐊᖅ (EFAP) Hᐆᒻᕗᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᐃᓐᓇᐅᑎᑦᓯᔪᑦ ᐊᔾᔨᒌᖏᑦᑑᑎᓂᑦ ᑲᙳᓇᖅᑐᓂᑦ ᐱᔨᑦᓯᕋᕐᓂᕐᒧᑦ ᐃᖅᑲᓇᐃᔭᖅᑎᓂᑦ ᐃᓚᒌᖏᓐᓂᓪᓗ. ᐊᒥᓱᑦ ᑖᒃᑯᐊ ᑲᙳᓇᖅᑐᓂᑦ ᐱᔨᑦᓯᕋᕐᓂᕐᒧᑦ ᐃᑲᔪᖅᑐᐃᓂᕐᒥᑦ ᐃᓕᓐᓂᑦ, ᐊᓯᖏᓐᓂᑦ ᐃᖅᑲᓇᐃᔭᖅᑎᓂᑦ ᐃᓚᒌᓂᓪᓗ ᐱᔾᔪᑎᓄᑦ ᐊᐱᖅᑯᑎᓄᑦ ᓯᕘᕋᓂᖃᑐᐃᓐᓇᕆᐊᖃᕐᓂᕐᒥᓪᓗ ᓴᖅᑭᖅᓯᒪᔪᒥᑦ ᓄᕙᕐᔪᐊᕐᓇᕐᒧᑦ (COVID-19). ᐃᖅᑲᓇᐃᔭᖅᑏᑦ ᐃᓚᖏᓪᓗ ᐅᖄᓚᔪᓐᓇᖅᐳᑦ ᐅᕗᖓ 1-800-663-1142.

ᑭᓇᑐᐃᓐᓇᑦᑎᐊᖅ ᐃᓱᒪᒋᔭᖃᖅᑐᖅ ᐊᐴᑎᓯᒪᓯᒪᓂᕐᒥᓂᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ ᐅᖃᐅᔾᔭᐅᕗᑦ ᐅᖄᓚᖁᔭᐅᓪᓗᑎᒃ ᓄᕙᒡᔪᐊᕐᓇᕐᒧᑦ−ᐅᖄᕝᕕᐅᔪᓐᓇᖅᑐᒥᒃ ᐅᕗᖓ, 1-888-975-8601−ᒧᑦ  10−ᓗ ᐅᓪᓛᒥᑦ  6−ᓗ ᐅᓐᓄᒃᓴᒧᑦ ᐊᑯᓐᓂᖏᓐᓂ, ᖃᐅᔨᑎᓪᓗᒋᓪᓗ ᓄᓇᓕᖕᒥᓂ ᐋᓐᓂᐊᕕᓕᐊᕐᕕᖕᒥᓂᒃ ᖃᐅᔨᑎᑲᐅᑎᒋᓗᒋᓪᓗ,  ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᓂᓗ ᐊᖏᕐᕋᖅᓯᒪᓗᓂᓗ 14−ᓄᑦ ᐅᓪᓗᓄᑦ.

ᐃᖅᑲᓇᐃᔭᖅᑏᑦ ᑐᓴᖅᑎᑦᑎᔭᕆᐊᖃᖅᐳᑦ ᐊᐅᓚᑦᑎᔨᒋᔭᒥᓂᒃ ᓇᖕᒥᓂᖅ ᐅᐸᒃᑕᐅᑦᑕᐃᓕᒪᑎᒃᑯᑎᒃ.


ᐃᖅᑲᓇᐃᔭᖅᑐᓕᕆᔨᒃᑯᓐᓂ ᑐᓴᒐᒃᓴᖅ

ᐃᖅᑲᓇᐃᔭᖅᑐᓕᕆᔨᒃᑯᑦ ᐱᓕᕆᖃᑎᖃᖅᑐᑦ ᒪᓕᒐᓕᕆᔨᒃᑯᓐᓂ, ᐃᓄᓕᕆᔨᒃᑯᓐᓂ, ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑐᑭᑖᕋᓱᒃᖢᑎᒃ ᑭᓱᓂᒃ ᐃᑲᔪᖅᑐᐃᔾᔪᑎᒃᓴᒃᑲᓐᓂᕐᓂᒃ ᐱᔭᕆᐊᖃᕐᒪᖔᑕ. 

ᐃᖅᑲᓇᐃᔭᖅᑐᓕᕆᔨᒃᑯᑦ ᑲᑎᒪᖃᑎᖃᕐᓂᐊᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᓪᓗ ᖃᐅᔨᓴᖅᑎᓂᑦ ᐅᖃᐅᓯᖃᕐᓗᑎᒃ ᖃᓄᖅ ᐱᓕᕆᖃᑎᒌᑦᑎᐊᓛᖑᔪᓐᓇᕐᒪᖔᑕ.  ᐃᖅᑲᓇᐃᔭᖅᑐᓕᕆᔨᒃᑯᑦ ᑲᑎᒪᖃᑎᖃᕐᓂᐊᕐᒥᔪᑦ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓂᑦ ᖃᓄᐃᑉᐸᓕᐊᓕᕐᓂᖏᓐᓂᒃ ᐱᔾᔪᑎᖃᕐᓗᑎᒃ.

ᐅᖃᐅᓯᐅᒃᐸᑦ ᑭᓯᐊᓂ, ᐊᓯᖏᑦ ᐱᓕᕆᕝᕕᐅᑉ ᐱᔨᑦᑎᕋᐅᑎᖏᑦ ᐊᐅᓚᔾᔪᓯᕆᕙᒃᑕᒥᓂᒃ ᐊᐅᓚᐃᓐᓇᕐᓂᐊᕋᓱᒋᔭᐅᔪᑦ. ᖃᐅᑕᒫ ᑐᓴᒐᒃᓴᓂᒃ ᓴᖅᑭᑦᑎᑲᑕᖕᓂᐊᖅᑐᑦ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ

  • ᐃᖅᑲᓇᐃᔭᖅᑎᑦ ᐃᒡᓗᖁᑎᖏᓐᓂᒃ ᐃᒡᓗᑖᖅᑎᑦᑎᔩᑦ ᑲᑎᒪᔨᕋᓛᖏᑦ ᑲᑎᒪᓂᐊᓚᐅᖅᑐᑦ ᓄᖅᑲᖅᑎᑕᐅᔪᑦ. 
  • ᐊᐅᔭᒃᑯᑦ ᐃᓕᓐᓂᐊᖅᑏᑦ ᐃᖅᑲᓇᐃᔭᖅᑎᑕᐅᕙᒃᑐᑦ ᓄᖅᑲᖓᑎᑕᐅᓚᐅᑲᒃᑐᖅ ᓴᖅᑭᑕᐅᒃᑲᓐᓂᑐᐃᓐᓇᕆᐊᖃᖅᖢᓂᓗ ᖃᑯᒍᒃᑲᓐᓂᖅ.