ᐅᖃᓚᐅᑎᓯᐅᑏᑦ

You are here

ᑐᑭᓯᑎᑕᐅᕚᓪᓕᕐᓂᖕᒧᑦ ᐱᓕᕆᐊᒃᓴᑦ

ᓄᓇᕗᑦ ᒐᕙᒪᒃᑯᖏᑦ ᐃᓕᖅᑯᓯᒧᑦ ᑐᑭᓯᑎᑦᑎᕚᓪᓕᕈᑎᖃᖃᑦᑕᖅᐳᑦ ᐃᖅᑲᓇᐃᔭᖅᑎᓄᓪᓗ ᑐᑭᓯᑎᑕᐅᕚᓪᓕᖕᒧᑦ ᐱᓕᕆᐊᓂᓪᓗ ᓄᓇᕗᑦ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᖅᑎᓕᒫᖏᓐᓄᑦ.

ᑭᓲᖕᒪᑦ ᐃᓕᖅᑯᓯᖕᓂᑦ ᑐᑭᓯᕚᓪᓕᖕᓂᖕᒧᑦ ᐱᓕᕆᐊᑦ?

ᓄᓇᕗᑦ ᒐᕙᒪᒃᑯᖏᑦ ᐅᒃᐱᕈᓱᒃᑐᑦ ᑖᒃᑯᐊ ᐃᓄᐃᑦ ᐱᒻᒪᕆᐅᒋᔭᖏᑦ ᑐᙵᕕᐅᖕᒪᑕ ᐅᒃᑯᐃᖓᓂᖕᒧᑦ, ᐱᓕᕆᐊᖃᓲᑦ ᓵᑕᒃᓴᐅᔪᓐᓇᕐᑐᒥᒡᓗ ᒐᕙᒪᒥᑦ. ᓄᓇᕗᑦ ᒐᕙᒪᒃᑯᖏᑦ ᐱᓕᕆᐊᔅᓴᖏᑎᑦ ᐱᔨᑦᑎᕈᑏᑦ ᐊᑑᑦᑎᐊᕋᓗᐊᕐᒪᖔᑕᓗ ᐊᒻᒪ ᓈᒻᒪᒃᑲᓗᐊᕐᒪᖔᑕ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᐊᒻᒪ ᐃᓄᐃᑦ ᐃᓅᖃᑎᒌᖕᓂᕐᒧᑦ ᐱᒻᒪᕆᐅᒋᔭᖏᓐᓄᑦ.

ᐃᓕᖅᑯᓯᖕᓂᑦ ᑐᑭᓯᕚᓪᓕᕐᑎᑦᑎᓃᑦ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖏᓐᓂᑦ ᐃᓕᑦᑎᕚᓪᓕᖅᑎᑦᑎᕙᒃᐳᑦ ᓯᕗᓂᐅᓚᐅᖅᑐᓂᑦ ᐃᓕᖅᑯᓯᐅᔪᓂᒡᓗ ᓄᓇᕗᒻᒥᑦ, ᐃᑲᔪᖅᑐᐃᓪᓗᑎᒡᓗ ᐃᖅᑲᓇᐃᔭᖅᑎᓂᑦ ᐃᓚᓕᐅᔾᔨᓂᖕᓂᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᓄᐃᑦ ᐱᒻᒪᕆᐅᒋᔭᖏᓐᓂᒡᓗ ᐃᖅᑲᓇᐃᔭᕐᕕᖕᒧᑦ.

ᐅᑯᐊ ᐅᖃᐅᓯᐅᓲᑦ:

  • ᓄᓇᕘᑉ ᓯᕗᓂᐊ
  • ᐃᓄᐃᑦ ᐱᒻᒪᕆᐅᒋᔭᖏᑦ
  • ᓄᓇᕗᒻᒥ ᐊᖏᕈᑏᑦ
  • ᐃᓕᖅᑯᓯᕆᔭᐅᔪᒃᑯᑦ ᐱᓕᕆᐊᑦ

ᖃᓄᕐᓕ ᐃᓕᖅᑯᓯᒧᑦ ᑐᑭᓯᑎᑕᐅᕚᓪᓕᖕᓂᖕᒧᑦ ᐱᓕᕆᐊᖃᓲᖑᕙᑦ?

ᐅᓪᓗᖕᒥᑦ ᐊᑕᐅᓯᖕᒥᑦ ᑐᑭᓯᑎᑕᐅᕚᓪᓕᕐᓂᖕᒧᑦ ᑲᑎᙵᑎᑕᐅᓲᑦ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖏᑦ ᐊᕐᕌᒍᒥᑦ ᑕᒪᐃᓐᓂᒃ ᐱᖓᓱᓂᑦ ᐊᕕᒃᓯᒪᔪᓂᑦ (ᕿᑭᖅᑖᓗᒃ, ᑭᕙᓪᓕᖅ ᕿᑎᖕᒥᐅᓪᓗ). ᐃᓕᓐᓂᐊᕐᑎᑦᑎᓲᑦ ᐃᓕᓐᓂᐊᕐᕕᖕᓂᑦ, ᑕᕐᕆᔭᐅᑎᒃᑯᑦ ᑲᑎᒪᓪᓗᑎᒃ ᐅᑭᐅᑉ ᐃᓚᖓᓂᒡᓘᓐᓃᑦ, ᐊᐅᓪᓚᕐᓯᒪᓪᓗᑎᒃ ᓄᓇᐃᓐᓇᒥᑦ.

ᑭᒃᑯᓪᓕ ᐃᓕᖅᑯᓯᒧᑦ ᑐᑭᓯᑎᑕᐅᕚᓪᓕᖕᓂᖕᒧᑦ ᐱᓕᕆᐊᖃᓲᖑᕙᑦ?

ᐃᓕᖅᑯᓯᖕᒧᑦ ᑐᑭᓯᕚᓪᓕᕐᑎᑦᑎᓂᖕᒧᑦ ᐊᐅᓚᑕᐅᓲᑦ ᐃᓐᓇᕐᓄᑦ, ᐃᓄᐃᑦ ᐃᓕᖅᑯᓯᓕᕆᔨᒻᒪᕆᐊᓄᑦ, ᖃᐅᖁᔭᐅᓯᒪᔪᓄᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᑦ, ᐊᒻᒪᓗ/ᐅᕝᕙᓗᓃᑦ ᓄᓇᕗᑦ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᖅᑎᑦ ᐱᓕᕆᐊᓖᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᐃᑦ ᐱᒻᒪᕆᐅᒋᔭᖏᓐᓂᑦ ᐃᓄᐃᑦ ᐃᖅᑲᓇᔭᖕᓂᖏᓐᓂᒡᓗ.

ᑭᓲᖕᒪᑦ ᐃᖅᑲᓇᐃᔭᖅᑎᓄᑦ ᑐᑭᓯᕚᓪᓕᖕᓂᖕᒧᑦ ᐱᓕᕆᐊᑦ?

ᓄᓇᕗᑦ ᒐᕙᒪᒃᑯᖏᑦ ᐊᖏᖅᓯᒪᔪᑦ ᒪᓕᒃᖢᒍ ᐃᓄᐃᑦ ᐱᒻᒪᕆᐅᒋᔭᖏᑦᑕ ᑐᙵᕕᖏᓐᓂᑦ ᑐᙵᓇᕐᓂᖅ ᐃᖅᑲᓇᐃᔭᕐᕕᖕᒥᑦ ᑐᙵᓇᕐᑎᑦᑎᓂᖕᒥᑦ, ᑐᙵᓵᕆᓂᖅ ᐊᖏᕐᓯᒪᓂᕐᓗ ᓄᓇᕗᒻᒥᐅᓂᑦ, ᐃᖅᑲᓇᐃᔭᖃᑎᑦᑎᓐᓂᒃ ᐊᓯᖏᓐᓂᒡᓗ. ᑕᒪᓐᓇ ᐱᓕᕆᐊᖑᓲᖅ ᑐᓴᖅᑎᑦᑎᕙᖕᓂᒃᑯᑦ ᐊᑑᑎᓕᖕᓂᓪᓗ ᑐᑭᓯᑎᑦᑎᓂᖕᒧᑦ ᐱᓕᕆᐊᓂᑦ ᐊᑑᑎᖃᖁᓪᓗᒋᑦ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᓕᒫᖏᑦ.

ᐃᖅᑲᓇᐃᔭᖅᑎᑖᓵᓂᒃ ᐱᓕᒻᒪᒃᓴᐃᓂᖅ ᑐᓂᓯᖃᑦᑕᖅᑐᑦ ᓄᓇᕗᒻᒥ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓂᒃ ᐱᕕᖃᕐᓂᕐᒧᑦ ᐃᓕᑦᑎᓂᕐᒥᒃ ᓄᓇᕗᑦ ᓇᑭᙶᕐᓂᖓᓂᒃ, ᓄᓇᕗᒻᒥ ᒐᕙᒪᒃᑯᑦ ᐊᐅᓚᑕᖏᑦ, ᐊᒻᒪᓗ ᐱᔨᑦᑎᕋᐅᑎᓂᒃ ᐊᒻᒪᓗ ᐊᑐᖅᑕᐅᔪᓐᓇᖅᑐᑦ ᐊᑐᐃᓐᓇᐅᔪᑦ ᓄᑖᓄᑦ ᐃᖅᑲᓇᐃᔭᖅᑎᓄᑦ.

ᐅᑯᐊ ᐅᖃᐅᓯᐅᓲᑦ:

  • ᓄᓇᕗᑦ ᒐᕙᒪᒃᑯᖏᑦᑕ ᐱᓕᕆᐊᒃᓴᖏᑦ
  • ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᓗ
  • ᐊᑭᓕᕐᑕᐅᔾᔪᑏᑦ ᐃᑲᔫᓯᐊᓪᓗ
  • ᐱᓕᒻᒪᒃᓴᕐᓂᖅ ᐊᒻᒪ ᐱᕙᓪᓕᐊᑎᑦᑎᓂᖅ

ᖃᓄᐃᓕᖓᖕᒪᑦ ᐃᖅᑲᓇᐃᔭᖅᑎᓄᑦ ᑐᑭᓯᑎᑦᑎᕚᓪᓕᕐᓃᑦ?

ᐅᓪᓗᖕᒥᑦ ᐊᑕᐅᓯᖕᒥᑦ ᐃᖅᑲᓇᐃᔭᖅᑎᑦ ᑐᑭᓯᑎᑕᐅᕚᓪᓕᕐᓂᖕᒧᑦ ᑲᑎᙵᑎᑕᐅᓲᑦ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖏᑦ ᐊᕐᕌᒍᒥᑦ ᑕᒪᐃᓐᓂᒃ ᐱᖓᓱᓂᑦ ᐊᕕᒃᓯᒪᔪᓂᑦ (ᕿᑭᖅᑖᓗᒃ, ᑭᕙᓪᓕᖅ ᕿᑎᖕᒥᐅᓪᓗ). ᐃᓕᓐᓂᐊᒐᒃᓴᑦ ᐋᖅᑭᒃᓯᒪᔪᑦ ᐃᓕᓐᓂᐊᕐᕕᖕᒧᑦ ᐅᕝᕙᓘᓃᑦ ᑕᕐᕆᔭᐅᑎᒃᑯᑦ ᑲᑎᒪᓂᒃᑯᑦ.

ᑭᒃᑯᓪᓕ ᐃᖅᑲᓇᐃᔭᖅᑎᓂᑦ ᑐᑭᓯᑎᑕᐅᕚᓪᓕᖕᓂᖕᒧᑦ ᐱᓕᕆᐊᖃᓲᖑᕙᑦ?

ᐃᖅᑲᐃᔭᖅᑎᑦ ᑐᑭᓯᑎᑕᐅᕚᓪᓕᕐᓂᖕᒧᑦ ᐊᐅᓚᑕᐅᕙᒃᐳᑦ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖏᓐᓄᑦ ᐊᒥᓱᓂᙶᖅᑐᓂᑦ ᐱᓕᕆᕝᕕᖕᓂᑦ, ᐃᓚᖃᖅᐸᒃᑭᓪᓗᑎᒃᓗ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᒃᑯᖏᓐᓂᑦ.

ᖃᖓᒃᑯᑦ ᑐᑭᓯᕚᓪᓕᖕᓂᑦᒧᑦ ᑲᑎᙵᕙᖕᒪᑕ?

ᐃᓕᓐᓂᐊᒐᒃᓴᓕᒫᑦᑎᐊᑦ ᑎᑎᕋᖅᓯᒪᔪᑦ ᓄᓇᕗᑦ ᒐᕙᒪᒃᑯᖏᑦᑕ ᐱᓕᒻᒪᒃᓴᓂᖕᒧᑦ ᐅᓪᓗᕐᓯᐅᑖᓂᑦ ᓴᖅᑭᔮᖅᑎᑕᐅᕙᒃᖢᑎᒃᓗ ᐃᓗᐊᓂᑦ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖏᓐᓄᑦ. ᐃᓕᓐᓂᐊᒐᒃᓴᐃᓪᓗ ᐃᓚᔭᐅᖏᓐᓇᕐᐸᒃᖢᑎᒃ ᐱᓕᒻᒪᒃᓴᓂᖕᒧᑦ ᐅᓪᓗᕐᓯᐅᑖᓄᑦ ᐊᕐᕌᒎᑉ ᐃᓗᐊᓂ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐊᑎᓕᐅᕈᒪᒍᕕᓪᓘᓐᓃᑦ ᐱᓕᒻᒪᒃᓴᒐᒃᓴᓄᑦ, ᓄᓇᕗᑦ ᒐᕙᒪᒃᑯᖏᑦᑕ ᐱᓕᒻᒪᒃᓴᓂᖕᒧᑦ ᐅᓪᓗᕐᓯᐅᑖᓄᐊᕐᓗᑎᑦ ᐅᕙᓂ http://www.gov.nu.ca/training-calendar ᐃᕐᖐᓐᓇᒃᑰᕈᑖᓄᓪᓘᓐᓃᑦ training@gov.nu.ca