ᐅᖃᓚᐅᑎᓯᐅᑏᑦ

You are here

ᐱᓕᒻᒪᑦᓴᕐᓂᖅ ᐃᓄᓐᓄᑦ ᐃᖅᑲᓇᐃᔭᖅᑎᓄᑦ

ᓯᕗᒻᒧᐊᖃᑎᒌᑦ ᐱᓕᒻᒪᑦᓴᑎᑦᓯᓂᕐᒧᑦ ᐱᓕᕆᐊᖑᔪᖅ ᐃᓄᓐᓄᑦ ᐃᖅᑲᓇᐃᔭᖅᑎᓄᑦ

ᐱᓕᕆᐊᖑᓯᒪᔪᑦ

ᒐᕙᒪᒃᑯᑦ ᓄᓇᕗᒻᒥ (GN) ᓴᖅᑭᑎᑦᓯᕋᑖᓚᐅᖅᑐᑦ ᓯᑕᒪᓂ ᐱᓕᒻᒪᑦᓴᕐᓂᕐᒧᑦ ᐱᓕᕆᐊᓂᑦ ᐃᓄᓐᓄᑦ ᐃᖅᑲᓇᐃᔭᖅᑎᓄᑦ ᐃᑲᔪᖅᑐᖅᑕᐅᓂᐊᖅᑐᓂᑦ ᐱᕙᓪᓕᐊᑎᑦᓯᓂᕐᒧᑦ ᑲᔪᓯᓂᖃᑦᑎᐊᖅᑐᒥ ᐃᖅᑲᓇᐃᔭᖃᕐᓂᕐᒥᑦ ᒐᕙᒪᒃᑯᓐᓂᑦ ᓄᓇᕗᒻᒥ, ᐃᑲᔪᕐᓂᕐᒥᓪᓗ ᒐᕙᒪᒃᑯᓐᓂᑦ ᓄᓇᕗᒻᒥ ᐱᓕᕆᕝᕕᐅᔪᓂᑦ ᑎᑭᐅᑎᓂᕐᒧᑦ ᐃᓄᓐᓂᑦ ᐃᖅᑲᓇᐃᔭᖅᑎᑦᓯᓂᕐᒧᑦ ᑐᕌᒐᖏᓐᓂᑦ. ᑕᒪᒃᑮᒃ ᑖᒃᑯᐊ ᑐᕌᒐᕆᔭᐅᔫᒃ ᓇᓕᒧᓱᑦᑑᒃ ᐱᔾᔪᑎᖓᓂᑦ ᑎᑎᕋᖅᓯᒪᓂᓕᒃ 23-ᒥ ᓄᓇᕗᒻᒥ ᐊᖏᕈᑎᓂᑦ, ᑭᒡᒐᖅᑐᐃᔨᖃᕐᓂᕐᒧᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᑦ ᓄᓇᕗᒻᒥ.

ᐱᓕᕆᐊᑦ ᐅᑯᐊ:

ᐊᒫᖅᑖᕐᓂᖅ ᐃᓕᓐᓂᐊᕐᓂᕐᒧᑦ ᐱᓕᕆᐊᒃᓴᖅ ᓯᓚᑦᑐᖅᓴᕐᓂᕐᒧᑦ ᓴᖅᑭᑎᑕᐅᔪᖅ ᐃᓄᖕᓄᑦ ᐃᖅᑲᓇᐃᔮᒥᓂᒃ ᕿᒪᐃᓯᒪᓚᐅᑲᒡᓗᑎᒃ ᐃᓕᓐᓂᐊᒃᑲᓐᓂᕈᒪᔪᓄᑦ ᐱᔭᕆᑐᔪᓕᕆᓂᕐᒥᒃ/ᐃᓐᓄᒃᑕᐅᒐᔪᖏᑦᑐᓂ ᐃᖅᑲᓇᐃᔮᒃᓴᖅᑖᕋᓱᕐᓂᕐᒧᑦ ᒐᕙᒪᒃᑯᓐᓂᑦ ᓄᓇᕗᒻᒥ.  

ᐃᖅᑲᓇᐃᔮᒥ ᐱᕚᓪᓕᒃᑲᓐᓂᕈᒪᓂᕐᒧᑦ ᐱᓕᕆᐊᒃᓴᖅ ᐃᑲᔪᖅᑐᐃᔪᖅ ᐃᖅᑲᓇᐃᔮᒥ ᐱᓕᕆᐊᓂᑦ ᐃᓄᓐᓄᑦ ᐃᖅᑲᓇᐃᔭᖅᑎᓄᑦ ᐱᕙᓪᓕᐊᓂᕐᒧᑦ ᐊᔪᙱᑕᖃᕐᓂᕐᒥᑦ ᖃᐅᔨᒪᓂᕐᒥᓪᓗ ᐱᔭᕆᐊᖃᖅᑐᓂᑦ ᑲᔪᓯᓂᖃᑦᓯᐊᕐᓂᕐᒧᑦ ᐃᖅᑲᓇᐃᔭᖃᕐᓂᕐᒧᑦ ᒐᕙᒪᒃᑯᓐᓂᑦ ᓄᓇᕗᒻᒥ.  

ᐃᓕᓐᓂᐊᕐᓂᕐᒧᑦ ᐊᐅᓪᓚᕆᐊᖃᖅᑐᓄᑦ ᑮᓇᐅᔭᖃᐅᑎ ᐊᑭᓖᓂᐊᖅᑐᑦ ᐊᐅᓪᓚᕈᑎᓂᒃ ᐊᐅᓪᓚᖅᓯᒪᓗᓂᓗ ᐊᑭᓕᖅᓱᕆᐊᓕᖕᓂᒃ ᐃᓕᓐᓂᐊᖃᑕᐅᔪᖅ ᐃᓄᒃ ᓄᓇᖓᑕ ᐊᓯᐊᓃᑉᐸᑦ.

ᐊᑐᐊᒐᓕᕆᓂᕐᒧᑦ ᑐᙵᕕᖏᑦ ᐱᓕᕆᐊᒃᓴᑦ ᑐᕌᖓᑎᑕᐅᔪᖅ ᑭᒃᑯᑐᐃᓐᓇᕐᓄᑦ ᐃᓕᓐᓂᐊᖃᑕᐅᔪᒪᓇᔭᖅᑐᓄᑦ ᑭᓱᑦ ᐃᓚᓕᐅᔾᔭᐅᓯᒪᖕᒪᖔᑕ ᐊᑐᐊᒐᓕᕆᓂᕐᒥ, ᐃᖅᑲᓇᐃᔮᒃᓴᖅᓯᐅᖅᐸᒃᑐᓄᓪᓗ ᐃᓄᖕᓄᑦ ᐊᑐᐊᒐᓕᕆᔪᓂᒃ.

ᐃᓚᒋᓗᒍ ᓄᑖᓄᑦ ᐱᓕᕆᐊᓄᑦ, ᐊᑯᓂᐅᔪᒧᑦ ᐱᔭᕆᐊᖃᖅᑯᖅ ᓯᕗᓕᖅᑎᒃᓴᐅᕐᓂᒧᑦ ᐃᓕᓐᓂᐊᖅᐸᓪᓕᐊᓂᖅ ᐃᓚᒋᔭᐅᔪᖅ ᓯᕗᒻᒧᐊᖃᑎᒌᑦ ᐱᓕᒻᒪᑦᓴᕐᓂᕐᒧᑦ ᐱᓕᕆᐊᖑᔪᒧᑦ ᐃᓄᓐᓄᑦ ᐃᖅᑲᓇᐃᔭᖅᑎᓄᑦ.