ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎᒃᓴᑦ

ᐱᓕᕆᐊᖑᓯᒪᔪᑦ

ᓄᓇᕗᑦ ᒐᕙᒪᒃᑯᑦ ᓴᖅᑭᑎᑦᑎᖃᑦᑕᖅᐳᑦ ᐱᓕᒻᒪᒃᓴᐅᑎᒃᓴᓂᑦ ᐃᓄᖕᓄᑦ ᐃᖅᑲᓇᐃᔭᖅᑎᓄᑦ ᐱᕙᓪᓕᐊᔾᔪᑎᒋᓂᐊᖅᑕᖓᓂᑦ ᐃᖅᑲᓇᐃᔭᖅᑎᐅᖏᓐᓇᕐᓂᕐᒧᑦ ᓄᓇᕗᑦ ᒐᕙᒪᖓᓂ, ᐃᑲᔪᒡᓗᓂᓗ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᓐᓂᑦ ᐃᓄᖕᓂᑦ ᐃᖅᑲᓇᐃᔭᖅᑎᑖᕋᓱᐊᕈᒪᔪᑦ ᑎᑭᐅᑎᖁᓪᓗᒋᑦ. ᑐᕌᒐᕆᔭᐅᔫᒃ ᑕᒪᕐᒥᒃ ᒪᓕᒃᐴᒃ ᑎᑎᕋᖅᓯᒪᔪᑦ 23−ᒦᑦᑐᑦ ᐱᔾᔪᑎᖓᓂᑦ ᓄᓇᕗᒻᒥ ᐊᖏᖃᑎᒌᒍᑎᒥᑦ, ᑭᒡᒐᖅᑐᐃᓂᖅᓴᒥᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖃᕈᒪᓪᓗᑎᒃ ᓄᓇᕗᒻᒥ.

 

ᐊᒫᖅᑖᕐᓂᖅ ᐃᓕᓐᓂᐊᕐᓂᕐᒧᑦ ᐱᓕᕆᐊᒃᓴᖅ

ᐊᒫᖅᑖᕐᓂᖅ ᑮᓇᐅᔭᖃᖅᑎᑦᑎᓲᑦ ᐃᓕᓐᓂᐊᕆᐊᖅᓯᒪᑯᑖᖕᓂᐊᖅᑐᓂᑦ ᓯᓚᑦᑐᖅᓴᕐᕕᖕᒧᑦ ᓄᖅᑲᖓᒋᐊᓕᖕᓄᑦ ᐃᓕᓐᓂᐊᕆᐊᕐᓗᑎᒃ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐃᓄᖕᓂᑦ ᐱᓇᓱᐊᕈᒪᔪᓄᑦ ᐃᖅᑲᓇᐃᔮᒃᓴᒥᑦ ᐃᓐᓄᒃᑕᐅᔪᓐᓇᐃᓕᐅᖅᑲᖃᑦᑕᖅᑐᓄᑦ ᐱᓕᕆᕝᕕᖏᓐᓂᑦ ᐃᖅᑲᓇᐃᔭᕐᕕᒋᔭᖏᓐᓂᑦ.  ᐃᖅᑲᓇᐃᔭᖅᑎᑦ ᐃᓚᐅᔪᓐᓇᖅᑐᑦ ᓴᓈᒃᓴᓂᒃ ᓴᓇᕝᕕᒃᑯᒥᒋᔭᖏᓐᓂᒃ ᓇᓗᓇᐃᖅᓯᓗᑎᒃ, ᐃᓕᓐᓂᐊᒃᑲᓐᓂᕈᒪᑐᐊᖅᐸᒍ. 

ᐃᖅᑲᓇᐃᔮᓂᒃ ᐱᕙᓪᓕᐊᑎᑦᑎᓂᕐᒥᒃ ᐃᓕᓐᓂᐊᖅᑕᐅᔪᒃᓴᖅ

ᐃᖅᑲᓇᐃᔮᓂᒃ ᐱᕙᓪᓕᐊᑎᑦᑎᓂᕐᒥᒃ ᐱᓕᕆᐊᒃᓴᑦ ᑐᕌᖓᑎᑕᐅᔪᑦ ᐊᔾᔨᒌᙱᑦᑐᓂᑦ ᐃᖅᑲᓇᐃᔮᒃᓴᓂᑦ ᐱᓕᕆᖃᑦᑕᖅᓯᒪᖁᓪᓗᒋᑦ ᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᖏᑦ.  ᐱᓕᕆᐊᖑᑎᓪᓗᒋᑦ ᐃᓕᓐᓂᐊᖃᑕᐅᔪᓂᑦ ᐱᓕᕆᖃᑕᐅᑎᑦᑎᖃᑦᑕᖅᐳᑦ ᓂᕈᐊᕆᔭᒥᓂᒃ ᑕᖅᑭᑦ 12-ᓄᑦ ᑎᑭᖦᖢᒍ ᐊᑐᓂ ᐱᓕᕆᐊᒃᓴᓂᑦ ᐊᒻᒪ ᐱᓕᕆᖃᑕᐅᔪᖅ ᐱᖓᓱᓄᑦ ᑎᑭᓪᓗᒍ ᐱᓕᕆᐊᒃᓴᖃᕈᓐᓇᖅᖢᓂ.  ᐊᑐᓂ ᐱᓕᕆᐊᒃᓴᖏᑦ ᒪᓕᒃᐳᑦ ᐃᓕᓐᓂᐊᒐᒃᓴᑦ ᐸᕐᓇᒃᑕᐅᓯᒪᔪᓂᑦ ᐊᒻᒪ ᓴᖅᑭᑦᑎᒋᓪᓗᓂ ᐃᖅᑲᓇᐃᔭᖅᑎᐅᑉ ᐊᔪᕈᓐᓃᖅᓴᕈᒪᔭᖏᓐᓂᒃ ᖃᐅᔨᒪᓕᕈᒪᔭᖏᓐᓂᒡᓗ.

ᓯᕗᓕᖅᑎᒃᓴᓂᑦ ᐃᖅᑲᓇᐃᔭᕆᐅᖅᓴᑎᑦᑎᓂᖅ

ᓯᕗᓕᖅᑎᒃᓴᑦ ᐃᖅᑲᓇᐃᔭᖅᓯᓐᓈ ᐃᓕᓐᓂᐊᕐᓂᐊᕗᖅ ᓴᖅᑭᑎᑕᐅᓯᒪᓪᓗᓂ ᐃᓄᐃᑦ ᐊᐅᓚᑦᑎᔨᐅᓂᕐᒧᑦ ᐃᖅᑲᓇᐃᔮᓖᑦ ᐅᓄᖅᓯᒋᐊᖁᓪᓗᒋᑦ−ᑐᑭᒧᐊᒃᑎᑦᑎᔨᑦ (ᑐᑭᒧᐊᑦᑎᑦᓯᔨ, ᐊᐅᓚᑦᑎᔨᑦ, ᐊᖓᔪᖅᑳᖅ ᐊᓯᖏᓪᓗ) ᖃᐅᔨᒪᔨᑕᒻᒪᕇᑦ ᓴᖅᑭᑎᑕᐅᓯᒪᔪᑦ (ᐊᔾᔨᖃᙱᑦᑐᒥᑦ ᐱᓕᕆᕝᕕᖕᒥ) ᓄᓇᕗᑦ ᒐᕙᒪᖓᓂ.

ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᕋᔪᒃᐳᑦ ᐊᕐᕌᒍᓕᒫᖅ ᐊᕐᕌᒍᓄᑦ ᐱᖓᓱᓄᑦ ᑎᑭᖦᖢᒍ (ᐃᓂᒃᓴᖓ ᒪᓕᒃᑕᐅᓪᓗᓂ ᐊᒻᒪ ᑖᔅᓱᖓ ᐊᔪᙱᓐᓂᒃ ᐱᓕᕆᐊᕆᓯᒪᔭᖏᓪᓗ ᒪᓕᒃᖢᒋᑦ ᐃᖅᑲᓇᐃᔭᖅᑎᙳᕆᐅᖅᓴᔫᑉ)  ᐃᑲᔪᖅᑐᖅᑕᐅᓪᓗᓂᓗ ᓇᓗᓇᐃᖅᑕᐅᓯᒪᔪᒥᑦ ᐃᓕᓴᐃᔨᒥᒃ ᐃᖅᑲᓇᐃᔭᖅᑎᙳᕆᐅᖅᓴᑎᓪᓗᒍ, ᐋᖅᑭᒃᓱᖅᑕᐅᓯᒪᓪᓗᓂ ᐃᓕᓐᓂᐊᒐᒃᓴᖏᑦ ᐸᕐᓇᒃᑕᐅᓯᒪᔪᑦ ᑲᑎᙵᓗᑎᒃ ᐊᒻᒪ ᐃᓄᑑᓗᓂ ᐃᓕᓐᓂᐊᒐᒃᓴᖏᑦ.

ᐃᓕᓐᓂᐊᕆᐊᖅᑐᓄᑦ ᖃᖓᑦᑕᐅᑎᓄᑦ ᑮᓇᐅᔭᑦ

ᐃᓕᓐᓂᐊᕆᐊᖅᑐᓄᑦ ᖃᖓᑦᑕᐅᑎᑦ ᑮᓇᐅᔭᖏᑦ ᐋᖅᑭᒃᑕᐅᓚᐅᖅᐳᑦ ᖃᖓᑦᑕᐅᑎᒃᓴᓄᑦ ᐊᑭᓕᐅᑕᐅᖃᑦᑕᖁᓪᓗᒋᑦ ᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᖏᓐᓄᑦ ᐱᓕᕆᐊᒥᓄᑦ ᐊᒃᑐᐊᓂᓕᖕᓂᒃ ᐃᓕᓐᓂᐊᕆᐊᖅᑐᓄᑦ ᓄᓇᖓᑕ ᓯᓚᑖᓄᑦ.  ᑐᕌᒐᖃᖅᐳᑦ ᐅᓄᖅᓯᒋᐊᖅᑎᑦᑎᔪᒪᓪᓗᑎᒃ ᐃᓄᖕᓂᑦ ᐃᓕᓐᓂᐊᖅᑎᓂᑦ ᐃᖅᑲᓇᐃᔮᓄᑦ ᐊᒃᑐᐊᓂᓕᖕᓂᑦ ᐃᓕᓐᓂᐊᖅᑐᓄᑦ ᐊᒻᒪ ᑲᑎᖦᖢᒋᑦ ᐃᓕᓐᓂᐊᖅᓯᒪᔭᖏᑦ.  ᐱᓕᕆᕝᕕᒋᔭᐅᔪᑦ ᑐᒃᓯᕋᖅᑕᖓ ᖃᖓᑦᑕᐅᑎᓄᑦ ᐅᑎᖅᑎᑕᐅᔾᔪᑎᓂᒃ ᐊᒻᒪᓗ ᑐᒃᓯᕋᖅᑐᑦ ᑕᑯᑎᑦᑎᔭᕆᐊᖃᖅᐳᑦ ᐱᓇᔪᒍᓐᓇᖅᑎᑕᐅᓗᓂ ᐊᑐᕆᐊᓕᖏᑦ ᒪᓕᒃᑕᐅᓂᖏᓐᓂᒃ ᐊᒻᒪ ᓇᓗᓇᐃᖅᓯᔾᔪᑕᐅᔪᓐᓇᖅᑐᓂᑦ ᓴᖅᑭᑎᑦᑎᓗᓂ ᖃᖓᑦᑕᐅᑎᓄᑦ ᐊᑭᓕᕆᐊᓕᖕᓄᑦ.

ᐊᓯᖏᑦ ᐊᔪᕈᓐᓃᖅᓴᖅᑕᐅᔪᓐᓇᖅᑐᑦ ᐃᓄᖕᓄᑦ ᐃᖅᑲᓇᐃᔭᖅᑎᓄᑦ

ᓄᓇᕗᑦ ᒐᕙᒪᖓᓂ ᐃᓕᓐᓂᐊᒐᒃᓴᑦ ᐅᓪᓗᖅᓯᐅᑎᖓᓂ ᓴᖅᑭᔮᖅᑎᑦᑎᕙᒃᐳᑦ ᐃᓕᓐᓂᐊᒐᒃᓴᒃᑲᓐᓂᕐᓂᒃ ᐃᖅᑲᓇᐃᔭᖅᑎᓕᒫᓄᑦ ᐊᑐᐃᓐᓇᐅᑎᑕᐅᓪᓗᑎᒃ.

ᓴᖅᑭᔮᖅᑎᑦᓯᒐᓱᐊᕐᓗᑎᒃ ᑭᒡᒐᖅᑐᐃᓂᖅᓴᓂᑦ ᐃᖅᑲᓇᐃᔭᖅᑎᓂᑦ, ᓴᖅᑭᑉᐸᓪᓕᐊᔪᑦ ᓯᕗᓕᖅᑎᙳᖅᐸᓪᓕᐊᖃᑦᑕᖅᑐᑦ ᕼᐃᕗᓕᖅᑎᒃᕼᐊᓄᑦ ᐃᓕᓐᓂᐊᒐᒃᓴᑦ ᐊᒻᒪ ᐊᑐᐊᒐᕐᒧᑦ ᑐᙵᕕᒋᔭᐅᕙᓪᓕᐊᔪᑦ ᐊᑐᐊᒐᓕᐅᖅᐸᓪᓕᐊᓂᕐᒥᒃ ᑭᒡᓕᖃᖅᑎᑕᐅᕗᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐃᓄᖕᓂᑦ.

ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᑯᐊᐳᕇᓴᖏᓪᓗ ᐱᓕᕆᕝᕕᖕᒥᓂ ᐃᓕᓐᓂᐊᒐᒃᓴᒃᑲᓐᓂᕐᓂᑦ ᐊᒻᒪ ᐃᖅᑲᓇᐃᔭᖅᑎᓄᑦ ᐱᓕᕆᐊᖑᔪᓐᓇᖅᑐᓂᑦ ᓴᖅᑭᑎᑦᑎᖃᑦᑕᖅᐳᑦ ᐃᓄᖕᓄᑦ ᐃᖅᑲᓇᐃᔭᖅᑎᓄᑦ, ᓇᓗᓇᐃᖅᑕᐅᓯᒪᔪᒥᑦ ᐃᓄᐃᑦ ᐃᖅᑲᓇᐃᔭᖅᑎᑦ ᐸᕐᓇᐅᑎᖏᓐᓂ.