ᐅᖃᓚᐅᑎᓯᐅᑏᑦ

You are here

ᐱᓕᕆᕝᕖᑦ ᐃᖅᑲᓇᐃᔭᖅᑐᓕᕆᔨᒃᑯᓐᓂᑦ


ᐊᐅᓚᑦᑎᕕᒃ

ᐊᖓᔪᖅᑲᐅᑎᖃᕐᕕᒃ ᐊᑐᐃᓐᓇᐅᑎᑦᑎᖃᑦᑕᖅᑐᖅ ᑕᒪᐃᓐᓄᑦ ᐊᐅᓚᑦᑎᓂᕐᒧᑦ ᓯᕗᓕᐅᖅᑎᐅᓂᕐᒧᓪᓗ ᐱᓕᕆᕝᕕᐅᔪᒧᑦ ᐱᔾᔪᑎᖃᓗᐊᖅᑐᓂᑦ ᐃᓚᒋᔭᐅᓗᑎᒃ ᐊᐅᓚᑦᑎᓂᕐᒧᑦ, ᖃᓄᐃᓕᐅᖅᐸᓪᓕᐊᓂᐊᓂᕐᒧᓪᓗ ᐸᕐᓇᓂᕐᒧᑦ, ᐃᓄᖕᓂᑦ ᐃᖅᑲᓇᐃᔭᖅᑎᖃᕐᓂᕐᒧᑦ ᐸᕐᓇᓂᕐᒧᑦ, ᐊᑐᐊᒐᕐᓂᑦ ᖃᐅᔨᓴᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ, ᑐᓴᐅᒪᖃᑦᑕᐅᑎᓂᕐᒧᑦ, ᑮᓇᐅᔭᓕᕆᓂᕐᒧᑦ ᐊᐅᓚᑦᑎᓂᕐᒧᑦ, ᑮᓇᐅᔭᓂᑦ ᐊᑐᖅᑐᒃᓴᓂᑦ ᐱᕙᓪᓕᐊᑎᑦᑎᓂᕐᒧᑦ ᖃᐅᔨᓴᕐᓂᕐᒧᓪᓗ, ᐊᑐᖅᑕᐅᖃᑦᑕᖅᑐᓂᑦ ᐃᑲᔪᖅᑐᕐᓂᕐᒧᑦ, ᐃᖅᑲᓇᐃᔭᖅᑐᓕᕆᓂᕐᒧᓪᓗ ᐱᕙᓪᓕᐊᑎᑦᑎᓂᕐᒧᑦ ᓇᓗᓇᐃᖅᓯᕐᓂᕐᒥᑦ ᑐᕌᒐᕆᔭᐅᔪᓂᑦ, ᑎᑭᐅᑕᐅᓇᓱᒃᑐᓂᑦ, ᓯᕗᓪᓕᐅᔾᔨᓂᕐᒧᓪᓗ ᐱᓕᕆᕝᕕᖕᒥᑦ ᒐᕙᒪᒃᑯᓪᓗ ᑲᔪᓯᑎᑦᑎᓂᕐᒥᑦ. ᑖᓐᓇ ᐃᓚᖃᕐᒥᔪᖅ ᐃᒻᒥᒃᑰᖅᑐᒥᑦ ᐋᖅᑭᐅᒪᑎᑦᑎᔨᒥ, ᑲᒪᒋᔭᕆᐊᖃᖅᑕᖓ ᑐᓴᖅᑎᑕᐅᕙᓪᓗᓂ ᖃᐅᔨᓴᖃᑦᑕᕐᓂᕐᒥᓪᓗ ᐸᓯᐅᕆᔾᔪᑕᐅᔪᓂᑦ ᑕᒻᒪᖅᑐᕕᓂᐅᓂᕐᒧᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᕐᕕᖕᒥᑦ, ᐊᑐᓕᖁᔨᖃᑦᑕᕐᓗᓂᓗ ᐅᖃᐅᓯᖃᕐᓂᕐᒥᑦ ᑕᒻᒪᖅᑐᕕᓂᕐᓄᑦ. ᐊᖓᔪᖅᑲᐅᑎᖃᕐᕕᒃ ᓇᓗᓇᐃᖅᓯᖃᖅᑕᖅᑐᖅ ᐃᓄᐃᑦ ᖃᐅᔨᒪᔭᑐᖃᖏᑦ ᐊᑦᑐᐊᓂᖃᕋᓗᐊᕐᒪᖔᑕ ᑕᒪᒃᑭᖅᑐᓂᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᓕᕆᐊᓂᑦ ᐱᔨᑦᑎᕋᕐᓂᐅᔪᓂᓪᓗ.
 

ᐊᑐᐊᒐᓕᕆᓂᕐᒧᑦ, ᐸᕐᓇᐅᑎᑦ ᑐᓴᐅᒪᑎᑦᑎᕙᖕᓂᕐᒧᓪᓗ

ᐊᑐᐊᒐᐃᑦ, ᐸᕐᓇᓂᕐᒧᑦ ᑐᓴᒐᒃᓴᓕᕆᔨᒃᑯᓪᓗ ᐊᐅᓚᑦᑎᖃᑦᑕᖅᑐᑦ ᐊᑐᐊᒐᕐᓂᑦ ᒪᓕᒐᕐᓂᓪᓗ ᐱᕙᓪᓕᐊᑎᑦᑎᓂᕐᒥᑦ, ᖃᓄᖅᑑᕈᑎᒃᓴᓄᑦ ᐸᕐᓇᓂᕐᒥᑦ, ᐱᓕᕆᐊᒃᓴᓄᑦ ᐸᕐᓇᓂᕐᒥᑦ, ᑐᓴᒐᒃᓴᓕᕆᓂᕐᒧᓪᓗ ᐊᐅᓚᓂᐅᔪᓂᑦ ᐱᓕᕆᕝᕕᖕᒥ. ᐊᑐᐊᒐᐃᑦ, ᐸᕐᓇᓂᕐᒧᑦ ᑐᓴᒐᒃᓴᓕᕆᔨᒃᑯᓪᓗ ᐱᕙᓪᓕᐊᓂᕆᔭᖓᓂ ᒥᓂᔅᑕᒃᑯᑦ ᐅᖃᐅᓯᒃᓴᕈᔪᖏᓐᓂᒃ, ᐊᐅᓚᑕᐅᔪᑦ ᐃᖅᑲᓇᐃᔭᕐᕕᖕᒥᑦ ᑭᐅᖃᑦᑕᖅᐳᑦ  ᑐᑭᓯᒋᐊᕈᓐᓇᕐᓂᕐᒧᑦ ᓴᐳᒻᒥᔭᐅᓯᖏᓐᓄᑦ ᑐᓴᖅᑕᐅᔭᕆᐊᖃᙱᑦᑐᓂ ᐱᖁᔭᖓᓂ ᑐᒃᓯᕋᖅᑕᐅᔪᓂ, ᓯᕗᓕᖅᑎᐅᔪᑦ ᐱᓕᕆᕝᕕᖕᒥ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᐱᓕᕆᐊᖑᕙᓪᓕᐊᔪᒪᔪᓄᑦ.
 

ᓯᕗᒻᒧᐊᖃᑎᒌᑦ

ᓯᕗᒧᐊᖃᑎᒌᒃᑯᑦ ᑲᒪᒋᔭᓕᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐸᕐᓇᓐᓂᕐᓂᒃ ᑐᑭᒧᐊᒃᓯᓂᕐᓂᓪᓗ ᐱᒋᐊᖅᑕᐅᓯᒪᔪᓂᒃ ᐊᒥᓱᕈᕆᐊᕈᑎᒃᓴᓂᒃ ᐃᓄᖕᓂᓪᓗ ᐃᖅᑲᓇᐃᔭᖅᑎᖃᐃᓐᓇᕐᓂᕐᓂᒃ ᓄᓇᕗᑦ ᒐᕙᒪᒃᑯᖏᓐᓂ. ᓯᕗᒧᐊᖃᑎᒌᑦ ᐃᑲᔪᖅᑐᐃᖃᑦᑕᖅᐳᑦ ᐱᓕᕆᕝᕕᐅᔪᓂᒃ ᐊᑐᓕᖅᑎᑦᑎᓂᕐᓂᒃ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎᓂᕐᓂᒃ ᐅᖃᖃᑎᖃᕐᓂᒃᑯᑦ, ᐱᓕᒻᒪᒃᓴᐃᔾᔪᑎᓂᒡᓗ ᒪᓂᒪᐃᕙᒃᖢᑎᒃ ᓲᕐᓗ ᓯᕗᓕᖅᑎᒃᓴᑦ ᐱᓕᒻᒪᒃᓴᒃᓴᔾᔪᑎᒃᑯᑦ. ᓯᕗᒻᒧᐊᖃᑎᒌᑦ ᑲᒪᒋᔭᖃᖅᐸᖕᒥᔪᑦ ᓴᖅᑭᑕᐅᓂᖏᓐᓂᒃ ᐱᓕᕆᐊᖑᓂᖏᓐᓂᒡᓗ ᓄᑖᓂᒃ ᐱᓕᒻᒪᒃᓴᐅᑎᒃᓴᓂᒃ ᑐᕌᖓᓪᓗᐊᑕᖅᑐᑦ ᐃᓄᖕᓄᑦ ᐃᖅᑲᓇᐃᔭᖅᑎᓄᑦ.
 

ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂ ᐱᓕᒻᒪᒃᓴᕐᓂᖅ

ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓄᑦ ᑲᒪᒋᔭᖃᖅᑐᑦ ᐃᑲᔪᖅᑐᐃᓂᕐᓂᒃ ᐃᑲᔪᕐᓂᕐᓂᓪᓗ ᐱᓕᕆᕝᕕᐅᔪᓂᒃ ᐱᓕᒻᒪᒃᓴᐃᓂᕐᓂᒃ ᐱᕙᓪᓕᐊᑎᑦᑎᓂᕐᓂᓪᓗ ᐃᖅᑲᓇᐃᔭᖅᑎᖁᑎᒥᓂᒃ. ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐃᓕᓐᓂᐊᕐᓂᖅ ᑲᒪᒋᔭᖃᕐᒥᔪᑦ ᓯᕗᓕᖅᑎᐅᓂᕐᒧᑦ ᑐᑭᒧᐊᑦᑎᑦᑎᓂᕐᒥᓪᓗ ᐱᒋᐊᖅᑕᐅᓯᒪᔪᓂᒃ ᐃᑲᔪᖅᑐᐃᓂᕐᒧᑦ ᒐᕙᒪᒃᑯᓐᓂᑦ ᓅᑕᐅᓯᒪᔪᖁᑎᖏᓐᓄᑦ ᐱᓕᕆᔾᔪᑎᓂᑦ, ᐃᓕᓐᓂᐊᑎᑦᑎᓂᕐᒥᓪᓗ ᐱᓕᕆᐊᖃᕐᓂᕐᒥᑦ ᐊᑐᐃᓐᓇᐅᑎᑦᑎᔪᑦ ᓄᓇᕘᓕᒫᒥᑦ.
 

ᐃᖅᑲᓇᐃᔭᖅᑎᑦᑎᓂᖅ

ᐃᖅᑲᓇᐃᔭᖅᑎᓴᖅᓯᐅᖅᑎᓄᑦ ᑲᑐᔾᔨᖃᑎᒌᖕᓂᒃᑰᖃᑦᑕᖅᐳᖅ ᒐᕙᒪᒃᑯᑦ ᐱᓕᕆᕝᕕᖏᓐᓂ ᐋᖅᑭᒃᓱᐃᓪᓗᑎᒃ ᐊᑐᓕᖅᑎᑦᑎᓪᓗᑎᒡᓗ ᐃᖅᑲᓇᐃᔮᖅᑎᒃᓴᖅᓯᐅᕋᓱᐊᕐᓂᕐᒧᑦ ᐱᓕᕆᐊᖑᔭᕆᐊᖃᖅᑐᓄᑦ, ᐱᓗᐊᙳᐊᖅᑐᒥᒃ ᐊᑐᑦᑎᐊᕋᓱᐊᕐᓂᖅ ᒐᕙᒪᒃᑯᑦ ᐃᓄᓐᓂᒃ ᐃᖅᑲᓇᐃᔭᖅᑎᖃᕐᓂᕐᒧᑦ ᓯᕗᓪᓕᐅᔾᔭᐅᔪᒪᔪᒥᒃ. ᐃᖅᑲᓇᐃᔭᖅᑎᓴᖅᓯᐅᖅᑏᑦ ᓴᕿᑎᑦᑎᓲᖑᕗᖅ ᒪᓕᒐᕆᔭᐅᓂᐊᖅᑐᓂᒃ ᐊᒻᒪᓗ ᐱᐅᓯᒃᓴᕆᔭᐅᓂᐊᖅᑐᓂᒃ ᐃᑲᔫᑎᒃᓴᐅᓂᐊᕐᓗᑎᒃ ᐃᖅᑲᓇᐃᔭᓄᑦ ᐊᑑᑎᔭᕆᐊᖃᖅᑕᖏᓐᓄᑦ ᐊᒻᒪᓗ ᐊᐅᓚᑦᑎᔾᔪᑎᐅᓂᐊᕐᓗᑎᒃ ᐊᕕᒃᑐᖅᑕᐅᓯᒪᔪᑎᒍᑦ ᐃᖅᑲᓇᐃᔭᖅᑎᓄᑦ ᐱᒍᔾᔨᔾᔪᑎᒃᓴᐅᓂᐊᖅᑐᓄᑦ ᒐᕙᒪᖓᓄᑦ, ᐱᖃᓯᐅᑎᓗᒍᓗ ᐃᖅᑲᓇᐃᔭᖅᑏᑦ ᓄᒃᑎᖅᑕᐅᖃᑦᑕᕐᓂᖏᓐᓄᑦ ᐱᓕᕆᐊᖑᔪᖅ. ᐃᖅᑲᓇᐃᔭᖅᑎᓴᖅᓯᐅᖅᑏᑦ ᐃᓚᒋᔭᖃᖅᑐᖅ ᐊᕕᒃᑐᖅᓯᒪᔪᓄᑦ ᐃᖅᑲᓇᐃᔭᖅᑎᓴᖅᓯᐅᖅᑎᓄᑦ, ᑲᒪᒋᔭᖃᕆᐊᖃᖅᐳᖅ ᐃᖃᓇᐃᔭᖅᑐᓕᕆᔨᒃᑯᑦ ᐱᓇᓱᐊᖅᑕᖏᓐᓂᒃ ᐊᒻᒪᓗ ᐱᒍᔾᔨᔾᔪᑎᖏᓐᓂᒃ ᓄᓇᓕᐅᑉ ᐃᓗᐊᓂᑦ ᐃᖃᓗᐃᑦ ᓯᓚᑖᓂᑦᑐᓄᑦ. ᐱᔨᑦᑎᕋᖅᑏᑦ ᐊᑐᐃᓐᓇᐅᑎᑕᐅᔪᑦ ᐱᖓᓱᓄᑦ ᐊᕕᒃᑐᖅᓯᒪᓂᖏᑦᑎᒍᑦ ᑎᑎᕋᕐᕕᐅᔪᓂᑦ ᐃᒡᓗᓕᖕᒥ, ᑲᖏᖅᖠᓂᕐᒥᑦ ᐃᖃᓗᒃᑑᑦᑎᐊᒥᓪᓗ.
 

ᐃᖅᑲᓇᐃᔭᖅᑐᓕᕆᔨᑦ ᐊᒻᒪ ᐃᖅᑲᓇᐃᔮᒧᑦ ᖃᐅᔨᓴᖅᑎᑦ

ᐃᖅᑲᓇᐃᔭᖅᑐᓕᕆᔩᑦ ᐃᖅᑲᓇᐃᔮᓂᒡᓗ ᖃᐅᔨᓴᕐᓂᖅ ᐊᑐᐃᓐᓇᐅᑎᑦᑎᔪᖅ ᐃᖅᑲᓇᐃᔭᖅᑎᓂᒃ ᑭᒡᒐᖅᑐᐃᓲᖑᕗᖅ ᐅᖃᐅᔾᔨᒋᐊᕐᓂᕐᓂᒃ ᐱᔨᑦᑎᕋᕐᓂᕐᓂᒡᓗ ᐱᓕᕆᕝᕕᐅᔪᓄᑦ ᑎᒥᖁᑎᒋᔭᐅᔪᓄᓪᓗ. ᐃᖅᑲᓇᐃᔭᖅᑏᑦ ᑭᒡᒐᖅᑐᖅᑎᖏᑦ ᐊᒻᒪ ᐃᖃᓇᐃᔮᒥᒃ ᖃᐅᔨᓴᓂᖅ ᐱᒻᒪᕆᐅᕗᖅ ᒐᕙᒪᖓᓄᑦ ᑕᒪᐃᓐᓂᒃ ᐊᔪᙱᓐᓂᕆᔭᖓᒍᑦ ᐊᒻᒪ ᐱᔪᒥᓇᕐᓂᕆᔭᖓ, ᐃᖅᑲᓇᐃᔭᖅᑎᑦᑏᓇᕈᓐᓇᕐᓂᖓ ᐊᒻᒪ ᓇᒻᒪᒃᑐᒥᒃ ᑮᓇᐅᔭᓂᒃ ᐅᑎᑦᑎᑦᑎᕕᐅᔭᕆᐊᖃᕐᓂᖏᑦ ᐃᖅᑲᓇᐃᔭᖅᑏᑦ ᐅᑯᑎᒎᓇᖅ ᐃᖅᑲᓇᐃᔭᕐᓂᕐᒧᑦ ᐊᖏᖃᑎᒌᒍᑎᖏᑦᑎᒍᑦ ᐊᑑᑎᔭᐅᒋᐊᓕᒃᑎᒍᑦ. ᐃᖅᑲᓇᐃᔭᖅᑏᑦ ᑭᒡᒐᖅᑐᖅᑎᖏᑦ ᐊᒻᒪ ᐃᖃᓇᐃᔮᒥᒃ ᓇᐅᑦᑎᖅᓱᖅᑏᑦ ᐊᐅᓚᑦᑎᓂᓕᕆᔨᐅᓲᖑᕗᑦ ᐊᒻᒪ ᑐᑭᓯᓕᐅᕆᓲᖑᓪᓗᑎᒃ ᐃᖅᑲᓇᐃᔭᕐᓂᕐᒧᑦ ᐊᖏᖃᑎᒌᒍᑎᖏᓐᓂᒃ, ᐊᐅᓚᑦᑎᓲᖑᓪᓗᓂᓗ ᐃᓕᖅᑯᓯᖅᑐᖃᕐᒨᖓᔪᓂᒃ ᐃᒃᐱᒋᔭᐅᑦᑎᐊᕆᐊᓕᓐᓂᒃ ᐊᐃᕙᐅᑎᖃᖅᖢᑎᒃ ᑐᑭᑖᕈᑎᐅᔭᕆᐊᓕᖕᓄᑦ ᐊᑑᑎᔭᐅᒋᐊᓕᖕᓂᒃ, ᐊᑐᐃᓐᓇᐅᑎᑦᑎᓂᕐᒥᑦ ᐃᖅᑲᓇᐃᔭᕐᕕᖕᒥ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᒥᑦ ᐃᑲᔫᑎᓕᖕᓂᑦ ᑕᒪᐃᓐᓄᑦ ᐃᖅᑲᓇᐃᔭᖅᑎᓄᑦ.

ᐃᖅᑲᓇᐃᔭᖅᑐᓕᕆᔩᑦ ᐃᖅᑲᓇᐃᔮᓂᒡᓗ ᖃᐅᔨᓴᕐᓂᖅ ᐱᒻᒪᕆᖕᒥᒃ ᐊᔪᖀᒋᐊᖅᑎᐅᓂᕐᒥᒃ ᐃᑲᔪᓲᖑᓪᓗᓂᓗ ᐱᓕᕆᕝᕕᐅᔪᓂᒃ ᐊᒻᒪ ᑎᒥᖁᑎᒋᔭᐅᔪᓂᒃ ᐃᓂᓪᓚᖓᐅᓯᕆᔭᐅᓲᓂᒃ ᐊᕿᒃᓱᐃᓂᕐᒥᒃ ᐊᒻᒪᓗ ᐃᖃᓇᐃᔮᒥᒃ ᓇᐅᑦᑎᖅᓱᖅᑎᐅᓂᕐᒥᒃ ᑕᒪᐃᓐᓄᑦ ᐃᓕᓴᐃᔨᐅᖏᑦᑐᓄᑦ ᐃᖃᓇᐃᔮᑉ ᐃᓂᖏᓐᓂᒃ ᑭᒃᑯᓕᒫᓂᒃ ᐱᔨᑦᑎᕋᐅᑎᓄᑦ ᐊᑐᕐᓗᑎᒃ ᖃᐅᔨᓴᕈᑎ ᐃᖃᓇᐃᔮᒥᒃ ᓇᐅᑦᑎᖅᓱᕈᑎᒥᒃ ᐊᑑᑎᔭᐅᔭᕆᐊᓕᓕᐊᕆᓯᒪᔪᒥᒃ ᖁᕙᕆᐊᖅᑎᑦᑎᔾᔪᑕᐅᓂᐊᕐᓗᓂ ᒪᓕᑦᑎᐊᕆᐊᓕᖕᓂᒃ ᐊᒻᒪ ᓈᒻᒪᓇᑦᑎᐊᖅᑎᑦᑎᓂᖅ ᐳᖅᑐᓂᕆᔭᐅᔭᕆᐊᓕᖕᓄᑦ ᐊᕿᒃᓯᒪᓂᖓ ᒐᕙᒪᖓᑕ ᐃᖅᑲᓇᐃᔭᖅᑎᖏᓐᓄᑦ.  ᐃᑲᔪᖅᑕᐅᔪᖃᖃᑦᑕᕆᕗᖅ ᐱᓕᕆᕝᕕᐅᔪᓂᑦ ᑐᑦᑕᕐᕕᐅᔪᓂᓪᓗ ᐊᖅᑯᑕᐅᓪᓗᑎᒃ ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓ ᑎᑎᕋᕐᓂᒃᑯᑦ ᐃᓕᓐᓂᐊᑎᑦᑎᓂᕐᒥᑦ.