ᐅᖃᓚᐅᑎᓯᐅᑏᑦ

You are here

ᐱᔾᔪᑎᓕᒃ


ᐃᖅᑲᓇᐃᔭᖅᑐᓕᕆᔨᒃᑯᑦ ᐅᖃᐅᔾᔨᔨᓪᓗᐊᑕᐅᔪᑦ ᓄᓇᕗᑦ ᒐᕙᒪᖓᓂ ᑕᒪᐃᓐᓄᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᐱᔾᔪᑎᖏᓐᓄᑦ. ᐃᖅᑲᓇᐃᔭᖅᑐᓕᕆᔨᒃᑯᑦ ᓇᓗᓇᐃᖅᓯᕙᒃᑐᑦ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐃᑲᔫᑕᐅᔪᓐᓇᖅᑐᓄᑦ ᐱᕚᓪᓕᖅᑎᑦᑎᓂᕐᒧᑦ ᑐᕌᒐᕆᔭᐅᔪᑦ, ᑎᑭᑕᐅᓇᓱᐊᖅᑐᑦ ᓯᕗᓪᓕᐅᔾᔭᐅᔭᕆᐊᓖᓪᓗ ᒐᕙᒪᒃᑯᓐᓂᑦ ᑲᔪᓯᑎᑕᐅᑎᑦᐊᕋᓗᐊᕐᒪᖔᑦ. ᐃᖅᑲᓇᐃᔭᖅᑐᓕᕆᔨᒃᑯᑦ ᐱᓕᕆᕝᕕᓪᓗᐊᑕᐅᔪᑦ ᐱᓕᕆᖃᑎᖃᖅᐸᒃᑐᑦ ᐋᖅᑭᒃᓱᖅᓯᒪᔪᒥ ᐃᑲᔪᖃᑦᑕᖅᑐᑦ ᐊᓯᖏᓐᓂᒃ ᐱᓕᕆᕝᕕᓕᒫᓂᒃ ᑎᒥᐅᔪᓂᒡᓗ ᓄᓇᕗᑦ ᒐᕙᒪᖓᓂ.

ᐊᑐᖅᑕᐅᔪᓐᓇᖅᑐᑦ ᐱᓕᕆᐊᒃᓴᑦ ᑖᒃᑯᓇᖓᑦ ᐃᖅᑲᓇᐃᔭᖅᑐᓕᕆᔨᒃᑯᓐᓂᑦ ᐋᖅᑭᒃᓱᖅᑕᐅᓲᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂ ᐱᖁᔭᓂᒃ (PSA). ᑖᓐᓇ ᐱᖁᔭᖅ ᐋᖅᑭᒃᓯᓂᐅᔪᖅ ᒥᓂᔅᑕ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᓴᙱᓂᕐᒥᒃ ᑲᒪᒋᔭᒃᓴᖏᓐᓂᒡᓗ. 

ᐃᖅᑲᓇᐃᔭᖅᑐᓕᕆᔨᒃᑯᑦ ᐱᓕᕆᐊᖃᖅᐸᒃᑐᑦ ᐊᑐᐃᓐᓇᐅᑎᑦᑎᓂᕐᒥᑦ ᐊᔪᕆᖅᓱᐃᓂᕐᒥᑦ ᑐᑭᒧᐊᑦᑎᑦᑎᓂᕐᒥᒡᓗ ᐱᕙᓪᓕᐊᑎᑦᑎᓂᕐᒧᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐸᕐᓇᐅᑎᓂᑦ ᒐᕙᒪᒃᑯᓐᓄᑦ ᓄᓇᕗᒻᒥ. ᐱᓕᕆᕝᕕᖕᒥ ᑲᒪᒋᔭᐅᓪᓗᐊᑕᖅᑐᑦ ᐃᓚᖃᖅᑐᑦ:

  • ᓯᕗᓕᖅᑎᐅᓂᕐᒥᑦ ᐱᕙᓪᓕᐊᑎᑦᑎᓂᕐᒧᑦ ᒐᕙᒪᓕᒫᒦᑦᑐᓂᒃ ᐃᓄᖕᓂᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓂᑦ, ᐃᑲᔪᖅᑐᕐᓂᕐᒥᑦ ᒐᕙᒪᒃᑯᓐᓂᑦ ᑲᔪᓯᑎᑦᑎᓂᕐᒥᑦ ᒪᓕᒐᖅᑎᒍᑦ ᐱᓕᕆᐊᒃᓴᓂᑦ ᑎᑎᕋᖅᓯᒪᓂᓕᒃ 23-ᒥ ᓄᓇᕗᒻᒥ ᐊᖏᕈᑎᒥᑦ.
  • ᓯᕗᓕᖅᑎᐅᖃᑦᑕᕐᓗᑎᒃ ᐱᕙᓪᓕᐊᑎᑕᐅᔪᓂᑦ ᐊᒻᒪᓗ ᓴᖅᑭᑎᑕᐅᔪᓂᑦ ᐊᑑᑎᖃᑦᑎᐊᖅᑐᓂᒃ ᐊᒻᒪᓗ ᑭᐅᔾᔪᑕᐅᔪᓐᓇᖅᑐᓂᒃ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᑐᐊᒐᖏᓐᓂᒃ, ᐱᓕᕆᐊᒃᓴᖏᓐᓂᒃ, ᐊᑐᖅᑕᐅᕙᒃᑐᓂᒃ ᐊᒻᒪᓗ ᐱᔨᑦᑎᕋᕈᑎᓂᒃ.
  • ᐱᕙᓪᓕᐊᓂᕐᒥᒃ ᑲᒪᒋᔭᖃᑦᑎᐊᕐᓂᕐᒥᒡᓗ ᐊᑑᑎᖃᑦᑎᐊᖅᑐᒥᑦ ᑭᐅᔾᔪᑎᖃᕈᓐᓇᕐᓂᕐᒥᓪᓗ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᑐᐊᒐᕐᓄᑦ ᒐᕙᒪᒃᑯᓐᓄᑦ ᓄᓇᕗᒻᒥ, ᐱᔾᔪᑎᖃᓗᐊᖅᑐᓂᑦ ᐃᓄᖕᓂᑦ ᐃᖅᑲᓇᐃᔭᖅᑎᖃᕐᓂᕐᒧᑦ.
  • ᓄᑖᙳᖅᑎᕆᓂᕐᒥᑦ, ᑲᒪᒋᔭᖃᕐᓂᕐᒥᑦ, ᑎᑎᕋᖅᑕᐅᒋᐊᕐᖓᖅᑐᓂᑦ ᓴᖅᑭᑎᑦᑎᓂᕐᒥᓪᓗ ᒐᕙᒪᒃᑯᓐᓄᑦ ᓄᓇᕗᒻᒥ ᐃᖅᑲᓇᐃᔭᖅᑐᓕᕆᓂᕐᒧᑦ ᐅᖃᓕᒫᒐᕐᓂᑦ.
  • ᐅᓄᖅᓯᒋᐊᕐᓗᒋᑦ ᐃᓄᓐᓂᒃ ᑭᒡᒐᖅᑐᐃᔨᖃᕐᓂᕐᒥᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐃᑲᔪᖅᑐᐃᓂᒃᑯᑦ ᐱᓕᕆᕝᕕᑦ ᐊᒻᒪ ᑐᖅᑲᖅᑕᕐᕕᑦ ᐱᕙᓪᓕᐊᑎᑕᐅᓂᖏᑦ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎᓂᒃ.
  • ᓯᕗᓕᖅᑎᐅᓗᓂ ᐃᖃᓇᐃᔭᖅᑎᒃᓴᖅᓯᐅᕐᓂᕐᒧᑦ ᐊᕿᒃᓯᒪᐅᑎᐅᓂᐊᖅᑐᓂᒃ, ᑖᓐᓇ ᐅᓄᖅᓯᕙᓪᓕᖅᑎᑦᑎᔪᓐᓇᕐᓂᖃᕐᓂᐊᕐᓗᓂ ᐃᓄᖕᓂᒃ ᐃᖃᓇᐃᔭᖅᑎᖃᕐᓂᕐᒥᒃ.
  • ᐱᐅᔪᓂᒃ ᐃᓕᓐᓂᐊᕐᓂᕐᒧᑦ ᐱᕕᒃᓴᖃᖅᑎᑦᑎᓗᑎᒃ ᐊᔪᕈᓐᓃᖅᓴᕐᓂᕐᒧᓪᓗ ᐱᓕᕆᐊᒃᓴᐅᖃᑦᑕᖅᑐᓂᒃ ᐱᐅᓯᒋᐊᖅᑎᑦᑎᖃᑦᑕᕐᓂᐊᖅᑐᓂᒃ, ᐊᔪᕈᓐᓃᖅᑕᐅᕙᒃᑐᓂᒃ, ᖃᐅᔨᒪᓂᕐᒥᒃ, ᐊᔪᙱᓐᓂᕆᔭᐅᔪᓂᒡᓗ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓄᑦ.
  • ᓯᕗᓕᖅᑎᐅᓗᑎᒃ ᐊᐅᓚᑦᑎᔨᐅᓗᑎᒡᓗ ᐸᕐᓇᐅᑎᓕᕆᓂᕐᓂᒃ ᐱᕙᓪᓕᐊᑎᑦᑎᑎᓂᕐᒧᓪᓗ ᐱᓕᕆᐊᒃᓴᐅᓇᔭᖅᑐᓂᒃ ᓄᓇᓂ ᐊᕕᒃᑐᖅᓯᒪᔪᓂᒃ ᐊᒻᒪ ᓄᓇᓕᖕᓂ.
  • ᐱᕙᓪᓕᐊᑎᑦᑎᓗᓂ ᐊᒻᒪᓗ ᖁᓚᕐᓇᕈᓐᓇᐃᖅᑎᑦᑎᓗᑎᒃ ᒪᓕᒃᑕᐅᔭᕆᐊᓕᖕᓂᒃ ᐃᖃᓇᐃᔭᖅᑎᑖᕐᓂᕐᒧᑦ ᒪᓕᒐᕐᒥᒃ ᓯᕗᓪᓕᐅᔭᐅᖁᔭᐅᔪᓂᒃ.
  • ᐊᐅᓚᑦᑎᓗᑎᒃ ᓈᒻᒪᓇᕐᕕᖃᑦᑎᐊᕐᓂᒥᒃ ᑕᑯᒃᓴᐅᓂᖃᑦᑎᐊᖅᑐᒥᒡᓗ ᐃᖃᓇᐃᔭᖅᑎᒃᓴᖅᓯᐅᕐᓂᕐᒧᑦ ᐃᖃᓇᐃᔭᖅᑎᖃᕐᓂᕐᒧᓪᓗ ᐱᓕᕆᕙᓪᓕᐊᓂᖏᓐᓂᑦ.
  • ᐊᑐᐃᓐᓇᐅᑎᑦᑎᓂᕐᒥᒃ ᐱᐅᓂᖓᓂᑦ ᑭᖑᕙᖏᑦᑐᒥᓪᓗ ᐅᖃᐅᔾᔪᐃᓂᕐᒥᑦ ᐱᔨᑦᑎᕋᕐᓂᕐᒥᓪᓗ ᒐᕙᒪᒃᑯᓐᓂᑦ ᐱᓕᕆᕝᕕᐅᔪᓂᑦ ᑕᒪᐃᓐᓄᑦ ᐃᖅᑲᓇᐃᔭᖅᑎᒃᓴᕐᓯᐅᓂᕐᒧᑦ ᐃᖅᑲᓇᐃᔭᖅᑎᖃᕐᓂᕐᒨᖓᔪᓄᓪᓗ.
  • ᓯᕗᓕᖅᑎᐅᓂᖃᕐᓗᓂ ᑐᑭᒧᐊᒃᑎᑦᑎᕙᒡᓗᓂᓗ ᐊᒃᑐᐊᓂᖃᖅᑐᓄᑦ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ ᐱᓕᕆᕝᕕᖕᒥ ᖃᓄᐃᙱᑦᑎᐊᖅᑎᑦᑎᓂᕐᒧᑦ ᐱᓕᕆᐊᒃᓴᖃᕐᓂᕐᒧᑦ.
  • ᓴᕿᑎᑦᑎᓗᑎᒃ ᐃᖅᑲᓇᐃᔭᖅᑏᑦ ᑭᒡᒐᖅᑐᖅᑎᖏᓐᓄᑦ ᑲᔪᓯᑎᑕᐅᓂᖏᓐᓄᑦ ᐃᑲᔪᖅᑐᐃᓂᕐᒥᑦ ᐃᖅᑲᓇᐃᔭᖃᕐᓂᕐᒥᓪᓗ ᐅᓄᕐᓂᖅᓴᓂᑦ ᐃᓄᖕᓂᑦ ᑭᒡᒐᖅᑐᖅᑕᐅᓂᐊᕐᓗᑎᒃ ᒐᕙᒪᖓᓄᑦ.
  • ᓇᓪᓕᐅᑎᑦᑕᑎᐊᖅᑐᒥᒃ ᓈᒻᒪᓇᑦᑎᐊᖅᑐᒥᒡᓗ ᐃᖃᓇᐃᔮᑦ ᓇᐅᑦᑎᖅᓱᖅᑕᐅᔾᔪᑎᖏᓐᓂᒃ ᐱᔾᔪᔨᕙᒡᓗᓂ ᐃᑲᔪᖅᑑᑎᐅᓗᑎᒃ ᐃᖃᓇᐃᔭᖅᑎᒃᓴᖅᓯᐅᕐᓂᖓᓄᑦ ᒐᕙᒪᑯᑦ ᐱᓕᕆᕝᕕᖏᓐᓂᑦ, ᑐᑦᑕᕐᕕᐅᔪᓂᑦ ᐊᒻᒪ ᑎᒥᖁᑎᒋᔭᖏᓐᓂᑦ.