ᐅᖃᓚᐅᑎᓯᐅᑏᑦ

You are here

ᐃᓄᐃᑦ ᐅᖃᐅᓯᖏᓐᓄᑦ ᐃᓕᓴᐃᓂᖅ ᐃᓄᓕᒫᓄᑦ ᐱᔨᑦᓯᖅᑐᓄᑦ

ᓄᓇᕗᑦ ᒐᕙᒪᖓ ᓴᙱᒃᑎᑦᑎᒋᐊᕈᒪᕗᖅ ᓄᓇᕗᒻᒥ ᐃᓕᓴᕆᔭᐅᓯᒪᔪᑦ ᐅᖃᐅᓯᕐᓂᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᑦ. ᐃᓚᒋᔭᐅᓪᓗᓂ ᑕᒪᑐᒧᖓ ᐊᖏᕈᑕᐅᓯᒪᔪᒧᑦ, ᓄᓇᕗᑦ ᒐᕙᒪᒃᑯᖏᑦ ᐅᖃᐅᓯᖕᓄᑦ ᐱᓕᒻᒪᒃᓴᐃᕙᒃᑐᑦ ᓄᓇᕘᑉ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᖅᑎᑦ ᐃᓄᒃᑐᑦ, ᐅᐃᕖᑐᑦ ᖃᓪᓗᓈᑐᓪᓗ. 

ᓄᓇᕗᑦ ᒐᕙᒪᒃᑯᖏᑦᑕᐅᖅ ᐱᓕᕆᐊᖃᓲᑦ ᐃᓄᐃᑦ ᐅᖃᐅᓯᖓᑦ ᐃᖅᑲᓇᐃᔭᕐᕕᖕᒥᑦ ᐅᖃᐅᓯᐅᓂᐊᕐᓗᓂ ᒐᕙᒪᒃᑯᓐᓄᑦ ᐱᔨᑦᑎᕋᕐᓗᓂ ᑮᓇᐅᔭᖃᖅᑎᑦᑎᓂᒃᑯᑦ ᐃᓄᒃᑐᑦ ᐃᓕᓐᓂᐊᕐᑎᑦᑎᔾᔪᖅᑎᒃᓴᓄᑦ, ᓴᖅᑭᑦᑎᕙᓪᓕᐊᓗᑎᒃ ᓄᑖᓂ ᐃᓄᒃᑐᑦ ᐃᓕᓐᓂᐊᕈᑎᒃᓴᓂᑦ ᑲᒪᒋᔭᖃᖕᓂᕐᓗ ᐃᓄᐃᑦ ᐅᖃᐅᓯᖏᓐᓂᑦ ᐱᒋᐊᕈᑕᐅᔪᓐᓇᖅᑐᓄᑦ ᐱᓕᕆᐊᓄᑦ. ᐃᓄᒃᑐᑦ ᐅᖃᐅᓯᓕᕆᓂᖕᒧᑦ ᐱᓕᕆᐊᑦ ᐋᖅᑭᒃᓱᖅᑕᐅᖏᓐᓇᖃᑦᑕᖅᐳᑦ ᐊᑐᕐᑕᐅᔭᕆᐊᓕᖕᓄᑦ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖁᑎᖏᓐᓄᑦ.

ᖃᓄᐃᑦᑐᓂᑦ ᐃᓕᓐᓂᐊᒐᒃᓴᖅᑕᖃᖕᒪᑦ?

ᐃᓄᒃᑐᑦ ᐃᓕᓐᓂᐊᒐᒃᓴᖃᓲᑦ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖏᓐᓄᑦ ᓄᓇᕗᓕᒫᒥᑦ ᑕᒪᐃᓐᓂᒃ ᐃᓕᓐᓂᐊᑐᐃᓐᓇᖕᓂᒃᑯᑦ ᐱᓕᕆᔨᒻᒪᕆᒃᑎᑐᓪᓗ. ᐃᓕᓐᓂᐊᒐᒃᓴᐅᓲᑦ ᐅᑯᐊ:

  • ᐃᓄᒃᑐᑦ ᑎᑎᕋᑦᑎᐊᕆᐅᖅᓴᓂᖕᓂᑦ
  • ᓯᕗᕙᓯᒃᑐᓂᑦ ᐅᖃᐅᓯᑐᖃᖕᓂᓪᓗ ᐃᓄᒃᑐᑦ ᑕᐃᒎᓯᓕᕆᓂᖅ
  • ᐃᓕᓐᓂᐊᕐᓂᖅ ᐃᓄᒃᑎᑐᑦ ᐃᓄᐃᓐᓇᖅᑐᓪᓗ
  • ᐃᓄᒃᑐᑦ ᑐᙵᕕᓖᑦ ᐃᓕᓐᓂᐊᒐᒃᓴᐃᑦ

ᐅᐃᕖᑐᑦ ᖃᓪᓗᓈᑐᓪᓗ ᐃᓕᓐᓂᐊᒐᒃᓴᐃᑦ ᐱᔾᔪᑎᖃᓗᐊᖅᐸᒃᐳᑦ ᐅᖃᓪᓚᖕᓂᖕᒥᑦ, ᓈᓚᖕᓂᖕᒥᑦ, ᐅᖃᓕᒫᖕᓂᖕᒥᑦ ᑎᑎᕋᖕᓂᖕᒥᓪᓗ ᐊᐃᑉᐸᖓᓂᑦ ᐅᖃᐅᓯᖃᖕᓂᖕᒧᑦ ᐃᓕᓐᓂᐊᕐᑎᓄᑦ. ᐃᓕᓐᓂᐊᒐᒃᓴᐃᑦ ᐋᖅᑭᒃᓱᖅᑕᐅᕙᒃᐳᑦ ᓄᓇᕗᓕᒫᒥ ᒪᓕᒃᖢᒋᑦ ᐱᔭᕆᐊᓕᖏᑦ.

ᖃᓄᕐ ᐋᖅᑭᒃᓯᒪᕙᖕᒪᑦ ᐅᖃᐅᓯᖕᓄᑦ ᐃᓕᓐᓂᐊᒐᒃᓴᐃᑦ?

ᐃᓕᓐᓂᐊᕐᑎᑦᑎᓲᑦ ᐃᓕᓐᓂᐊᕐᕕᖕᒥᑦ/ᑕᕐᕆᔭᐅᑎᒃᑯᓪᓘᓐᓃᑦ ᑲᑎᒪᓂᒃᑯᑦ.

ᑭᓇ ᐃᓕᓐᓂᐊᕐᑎᑦᑎᖃᑦᑕᖕᒪᑦ?

ᐃᓕᓐᓂᐊᕐᑎᑦᑎᓲᑦ ᑳᓐᑐᕌᓕᖕᓂᑦ ᐊᔪᙱᑦᑐᓂᑦ ᐱᓕᒻᒪᒃᓯᒪᔪᓂᒡᓗ ᐅᖃᐅᓯᓕᕆᔨᓂᑦ ᐃᓕᓴᐃᔨᓂᑦ ᐱᓕᒻᒪᒃᓴᐃᔨᐅᕙᒃᑐᓂᒡᓗ.

ᖃᓄᐃᑦᑐᓂᒡᓕ ᒫᓐᓇ ᐃᓕᓐᓂᐊᒐᒃᓴᖃᖅᐸ?

ᐃᓕᓐᓂᐊᒐᒃᓴᓕᒫᑦᑎᐊᑦ ᑎᑎᕋᖅᓯᒪᔪᑦ ᓄᓇᕗᑦ ᒐᕙᒪᒃᑯᖏᑦᑕ ᐱᓕᒻᒪᒃᓴᓂᖕᒧᑦ ᐅᓪᓗᕐᓯᐅᑖᓂᑦ ᓴᖅᑭᔮᖅᑎᑕᐅᕙᒃᖢᑎᒃᓗ ᐃᓗᐊᓂᑦ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖏᓐᓄᑦ. ᐃᓕᓐᓂᐊᒐᒃᓴᐃᓪᓗ ᐃᓚᔭᐅᖏᓐᓇᕐᐸᒃᖢᑎᒃ ᐱᓕᒻᒪᒃᓴᓂᖕᒧᑦ ᐅᓪᓗᕐᓯᐅᑖᓄᑦ ᐊᕐᕌᒎᑉ ᐃᓗᐊᓂ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐊᑎᓕᐅᕈᒪᒍᕕᓪᓘᓐᓃᑦ ᐱᓕᒻᒪᒃᓴᒐᒃᓴᓄᑦ, ᓄᓇᕗᑦ ᒐᕙᒪᒃᑯᖏᑦᑕ ᐱᓕᒻᒪᒃᓴᓂᖕᒧᑦ ᐅᓪᓗᕐᓯᐅᑖᓄᐊᕐᓗᑎᑦ ᐅᕙᓂ http://www.gov.nu.ca/training-calendar ᐃᕐᖐᓐᓇᒃᑰᕈᑖᓄᓪᓘᓐᓃᑦ training@gov.nu.ca