ᐅᖃᓚᐅᑎᓯᐅᑏᑦ

You are here

ᕼᐃᕗᓕᖅᑎᒃᕼᐊᓄᑦ ᓯᕗᓕᖅᑎᐅᓂᕐᒧᑦ ᐱᕙᓪᓕᐊᑎᑦᑎᓇᓱᖕᓂᕐᒧᑦ ᐱᓕᕆᐊᒃᓴᑦ

ᑭᓲᖕᒪᑦ ᕼᐃᕗᓕᖅᑎᒃᕼᐊᓄᑦ ᓯᕗᓕᖅᑎᐅᓂᕐᒧᑦ ᐱᕙᓪᓕᐊᑎᑦᑎᓇᓱᖕᓂᕐᒧᑦ ᐱᓕᕆᐊᒃᓴᑦ?

ᓄᓇᕗᑦ ᒐᕙᒪᖓ ᓴᖅᑭᑦᑎᓚᐅᖅᑐᖅ ᕼᐃᕗᓕᖅᑎᒃᕼᐊᓄ ᓯᕗᓕᖅᑎᐅᓂᖕᒧᑦ  ᐱᕙᓪᓕᐊᑎᑦᑎᓂᕐᒧᑦ ᐃᓕᓐᓂᐊᒐᒃᓴᓂᒃ 2015−ᒥᑦ ᐱᕙᓪᓕᐊᖁᓪᓗᒋᑦ ᑲᔪᓯᖁᓪᓗᒋᓗ ᓯᕗᓕᖅᑎᒃᓴᑦ ᒐᕙᒪᒃᑯᓐᓂᑦ. ᐱᓕᕆᐊᒃᓴᖅ ᐃᓗᐃᑦᑑᓕᖓᔪᓕᑦ ᐃᓚᖃᖅᑐᑦ ᐃᓕᓐᓂᐊᕈᑎᒃᓴᓂ ᐃᖅᑲᓇᐃᔮᓂᒃ ᐱᕚᓪᓕᖅᑎᑦᑎᓂᖕᓂᓪᓗ ᐊᑐᐃᓐᓇᐅᔪᑦ ᐱᕚᓪᓕᖁᓪᓗᒋᑦ ᒐᕙᒪᒃᑯᓐᓂᑦ ᓯᕗᓕᖅᑎᐅᓃᑦ ᓇᐅᒃᑯᓕᒫᖅ. ᐃᓕᓐᓂᐊᕐᑎᑦᑎᔾᔪᑎᒃᓴᐃᑦ ᐋᖅᑭᒃᓯᒪᔪᑦ ᒪᓕᒃᖢᑎᒃ ᐃᓄᐃᑦ ᐱᒻᒪᕆᐅᒋᔭᖏᓐᓂᑦ ᓄᓇᕗᑦ ᒐᕙᒪᒃᑯᖏᑦᑕᓗ ᓯᕗᓕᖅᑎᐅᓂᖕᒧᑦ ᐃᓕᓐᓂᐊᕐᑎᑦᑎᔾᔪᑖᓂᑦ.

ᕼᐃᕗᓕᖅᑎᒃᕼᐊᓄᑦ ᐱᓕᕆᐊᒃᓴᐃᑦ ᐱᕚᓪᓕᕈᑕᐅᕙᒃᐳᑦ ᐃᓄᐃᑦ ᐃᖅᑲᓇᐃᔭᖕᓂᖏᓐᓂᑦ ᓄᓇᕗᑦ ᒐᕙᒪᒃᑯᖏᓐᓄᑦ ᐃᓚᖃᖅᖢᓂᓗ ᑭᓱᓪᓚᕆᖕᓂᑦ ᐃᓕᓐᓂᐊᒐᒃᓴᓂᑦ ᐃᖅᑲᓇᐃᔮᓂᒃ ᐱᕚᓪᓕᖅᑎᑦᑎᓂᖕᒧᓪᓗ ᐱᔭᒃᓴᑦ ᓄᓇᕗᑦ ᐃᓄᖏᓐᓄᑦ.

ᖃᖓᒃᑯᓪᓕ ᕼᐃᕗᓕᖅᑎᒃᕼᐊᓄᑦ ᐃᓕᓐᓂᐊᖃᑦᑕᖕᒪᑕ?

ᕼᐃᕗᓕᖅᑎᒃᕼᐊᓄᑦ ᐃᓕᓐᓂᐊᒐᒃᓴᐃᑦ ᐱᓕᒻᒪᒃᓴᐃᔾᔪᑕᐅᕙᒃᐳᑦ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖏᓐᓄᑦ ᐱᖓᓱᐃᓕᖓᔪᒃᑯᑦ ᖁᓕᕇᖕᓂᑦ (ᐊᕕᒃᑐᖅᓯᒪᔪᑦ):

  • ᓴᖅᑭᑉᐸᓪᓕᐊᔪᑦ ᓯᕗᓕᖅᑎᑦ – 7 ᐅᓪᓗᓄᑦ ᐱᖓᓱᓄᑦ ᐃᓕᓐᓂᐊᒐᒃᓴᑦ
  • ᐊᖓᔪᖅᑳᒃᓴᓄᑦ – 7 ᐅᓪᓗᓄᑦ ᐱᖓᓱᓄᑦ ᐃᓕᓐᓂᐊᒐᒃᓴᑦ
  • ᐊᖓᔪᖅᑲᐅᑎᒃᓴᓄᑦ – 6 ᐅᓪᓗᓄᑦ ᐱᖓᓱᓄᑦ ᐃᓕᓐᓂᐊᒐᒃᓴᑦ

ᑭᓲᖕᒪᑦ ᓄᓇᕗᑦ ᒐᕙᒪᒃᑯᖏᑦᑕ ᓯᕗᓕᖅᑎᒃᓴᐅᔪᓐᓇᖕᓂᖕᒧᑦ ᐃᓕᓐᓂᐊᒐᒃᓴᖅ?

ᓄᓇᕗᑦ ᒐᕙᒪᒃᑯᖏᑦ ᓴᖅᑭᑦᑎᓚᐅᖅᐳᑦ ᓯᕗᓕᖅᑎᒃᓴᓅᖓᔪᓂᑦ ᐃᓕᓐᓂᐊᒐᒃᓴᓂᑦ ᑕᐃᔭᐅᓪᓗᓂ “ᐱᐅᓯᖅᐳᑦ” ᑐᙵᕕᓕᒃ ᐃᓄᐃᑦ ᐱᒻᒪᕆᐅᒋᔭᖏᓐᓂᑦ. “ᐱᐅᓯᖅᐳᑦ” ᓇᓗᓇᐃᕐᓯᓯᒪᔪᑦ ᓂᕆᐅᒋᔭᑦ ᓯᕗᓕᖅᑎᐅᑉ ᐊᐅᓚᓐᓂᖓᓂᑦ ᐱᐅᓯᖓᓂᒡᓗ ᐊᐅᓚᑦᑎᔨᐅᓂᖕᒧᑦ ᓄᓇᕗᑦ ᒐᕙᒪᒃᑯᖏᓐᓂᑦ, ᐊᖓᔪᖅᑳᓂᑦ ᐊᐅᓚᑦᑎᔨᓄᑦ. ᐃᓚᖃᕆᓪᓗᓂᑦᑕᐅᖅ ᓇᓕᒃᑳᓂᑦ ᐊᐅᓚᓐᓂᐊᔪᓂᑦ ᓂᕆᐅᒋᔭᑦ ᑕᒪᐃᓐᓂᑦ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖏᓐᓂᑦ.

ᑭᒃᑯᑦ ᐃᓚᐅᔪᓐᓇᖕᒪᑕ ᐃᓕᓐᓂᐊᒐᒃᓴᓂᑦ?

ᐃᓚᐅᔪᓐᓇᐅᑕᐅᔪᑦ ᐃᓕᓐᓂᐊᒐᒃᓴᓄᑦ ᐅᑯᐊ:

  • ᓴᖅᑭᑉᐸᓪᓕᐊᔪᑦ ᓯᕗᓕᖅᑎᒃᓴᑦ: ᐃᓚᐅᔪᑦ ᓴᖅᑭᑉᐸᓪᓕᐊᔪᓄᑦ ᓯᕗᓕᖅᑎᒃᓴᓄᑦ ᐃᓚᖃᖕᓂᐊᖅᑐᑦ ᐱᓕᕆᐊᒃᓴᓄᑦ ᐱᓕᕆᐊᓄᓪᓘᓐᓃᑦ ᐊᐅᓚᑦᑎᔨᓂᑦ ᐊᕐᕌᒎᒃ ᒪᕐᕉᒃ ᑐᖔᓂᑦ ᐱᓕᕆᐊᖃᖅᓯᒪᔪᑦ ᐃᖅᑲᓇᐃᔭᕈᒻᒪᐅᓪᓗᑎᒡᓗ ᐊᐅᓚᑦᑎᔨᙳᕈᓐᓇᖅᖢᑎᒡᓗ ᐊᖓᔪᖅᑳᙳᕐᓗᑎᒡᓘᓐᓃᑦ ᐊᕐᕌᒎᖕᓂᑦ ᒪᕐᕉᖕᓂᑦ. ᐃᓚᐅᔪᑦ ᐱᓕᕆᖃᑎᒌᓄᑦ ᓯᕗᓕᖅᑎᐅᓯᒪᑐᐃᓐᓇᕆᐊᓖᑦ ᑲᒪᒋᔭᖃᕐᓗᑎᒃ ᑭᓯᐊᓂ ᓱᓕ ᐊᐅᓚᑦᑎᓚᐅᕐᓯᒪᙱᓪᓗᑎᒡᓗ.
  • ᐊᖓᔪᖅᑳᕆᔭᑦ:  ᐃᓕᓐᓂᐊᖃᑕᐅᔪᑦ ᐊᖏᔪᖅᑳᖑᓂᕐᒧᑦ ᑲᒪᖃᑦᑕᖅᓯᒪᑉᐸᑦ ᐊᕐᕌᒎᓐᓄᑦ ᒪᕐᕉᓐᓄᑦ ᐊᒻᒪ ᐱᓕᕆᐊᔅᓴᓕᕆᓂᕐᒧᑦ ᐊᐅᓚᑦᑎᔩᑦ ᐊᖏᔪᖅᑳᔅᓴᓂᕐᒨᖅᐸᓪᓕᐊᔪᑦ ᐃᓕᔪᒫᕐᓂᐊᖅᑐᑦ ᒫᓐᓇᕋᑖᖅ. ᐊᑕᖏᐸᓪᓗᑐᑦ ᓂᕆᐅᒋᔭᐅᒐᔭᖅᑐᑦ ᐊᖏᔪᖅᑳᐅᓂᕐᒥᑦ ᑲᒪᔨᐅᕙᑦᑐᑦ, ᐃᖅᑲᓇᐃᔮᖅᑖᖅᑎᑦᑎᓂᕐᒥᑦ ᐊᒻᒪ ᐊᐅᓚᑦᑎᔨᐅᓂᕐᒥᑦ ᐱᓕᕆᓂᕆᔭᐅᔪᓂᑦ.
  • ᐊᖓᔪᖅᑲᐅᑎᑦ: ᐃᓚᐅᖃᑕᐅᔪᑦ ᐱᖃᓯᐅᑎᓗᒋᑦ ᑐᑭᒧᐊᖅᑎᑦᑎᔩᑦ, ᐊᕕᒃᑐᖅᓯᒪᓂᐅᔪᓄᑦ ᑐᑭᒧᐊᖅᑎᑦᑎᔩᑦ, ᑐᑭᒧᐊᖅᑎᑦᑎᔨᒻᒪᕇᑦ, ᐊᒻᒪᓗ ᓄᑖᖑᔪᖅ ᒥᓂᔅᑕᐅᑉ ᑐᒡᓕᒃᑲᓐᓂᖓ (ADMs) ᐊᒻᒪᓗ ᐊᖏᔪᖄ ᑐᒡᓕᖓ (VPs).

ᑭᓇ ᐃᓕᓐᓂᐊᕐᑎᑦᑎᖃᑦᑕᖕᒪᑦ?

ᐃᓕᓐᓂᐊᕐᑎᑦᑎᓲᑦ ᑳᓐᑐᕌᖃᖅᑐᓂᑦ ᐊᔪᙱᑦᑐᓂᑦ ᐱᓕᒻᒪᒃᓯᒪᔪᓂᒡᓗ ᐱᓕᒻᒪᒃᓴᐃᔨᓂᑦ. ᐃᓐᓇᐃᑦ, ᐃᓄᐃᑦ ᓯᕗᓕᖅᑎᐅᔪᑦ ᓄᓇᕗᑦ ᒐᕙᒪᒃᑯᖏᓐᓂᖔᖅᑐᓂᒡᓗ ᖃᐅᔨᒪᔨᑕᓂ ᖃᐃᖁᔨᓲᑦ ᐅᖃᓪᓚᒋᐊᖅᑐᖅᑎᑦᑎᓪᓗᑎᒃ.

ᖃᖓᒃᑯᓪᓕ ᕼᐃᕗᓕᖅᑎᒃᕼᐊᓄᑦ ᐃᓕᓐᓂᐊᖃᑦᑕᖕᒪᑕ?

ᐊᔾᔨᒌᙱᑦᑑᑎᓂᑦ ᐃᓕᓐᓂᐊᕐᑎᑦᑎᓲᑦ ᐊᕐᕌᒍᑕᒫᑦ. ᐃᓕᓐᓂᐊᒐᒃᓴᓕᒫᑦᑎᐊᑦ ᑎᑎᕋᖅᓯᒪᔪᑦ ᓄᓇᕗᑦ ᒐᕙᒪᒃᑯᖏᑦᑕ ᐱᓕᒻᒪᒃᓴᓂᖕᒧᑦ ᐅᓪᓗᕐᓯᐅᑖᓂᑦ ᓴᖅᑭᔮᖅᑎᑕᐅᕙᒃᖢᑎᒃᓗ ᐃᓗᐊᓂᑦ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖏᓐᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐊᑎᓕᐅᕈᒪᒍᕕᓪᓘᓐᓃᑦ ᐱᓕᒻᒪᒃᓴᒐᒃᓴᓄᑦ, ᓄᓇᕗᑦ ᒐᕙᒪᒃᑯᖏᑦᑕ ᐱᓕᒻᒪᒃᓴᓂᖕᒧᑦ ᐅᓪᓗᕐᓯᐅᑖᓄᐊᕐᓗᑎᑦ ᐅᕙᓂ http://www.gov.nu.ca/training-calendar ᐃᕐᖐᓐᓇᒃᑰᕈᑖᓄᓪᓘᓐᓃᑦ training@gov.nu.ca