ᐅᖃᓚᐅᑎᓯᐅᑏᑦ

You are here

ᐃᓕᓐᓂᐊᕐᓂᕐᒥᒃ ᐃᖅᑲᓇᐃᔮᒃᓴᒧᑦ ᓴᓇᔨᐅᓂᕐᒧᓪᓘᓐᓃᑦ ᐱᖁᔭᕐᒥᒃ ᕿᒥᕐᕈᓂᖅ

 

ᐃᓄᓕᕆᔨᒃᑯᑦ ᐃᖅᑲᓇᐃᔮᕆᔭᐅᔪᒪᔪᓂᒃ ᐱᕙᓪᓕᐊᑎᑦᑎᓂᖅ ᐃᖅᑲᓇᐃᔭᕐᕕᖓ ᐃᑲᔪᖅᓱᖅᑐᖅ ᐊᔪᙱᓐᓂᖃᖅᑐᓂᒃ ᐃᖅᑲᓇᐃᔭᓕᒻᒪᒃᓴᖅᑐᓂ ᐃᖅᑲᓇᐃᔭᖅᑎᓂᒃ ᐃᓕᓐᓂᐊᖅᓯᓐᓈᓪᓗ ᐃᖅᑲᓇᐃᔭᖅᑐᓂᒃ ᑲᔪᓯᔪᓂᒃ ᓇᓗᓇᐃᒃᑯᑕᖅᑖᕐᓗᑎᒃ ᐃᓕᓴᕆᔭᐅᓯᒪᓂᕐᒧᑦ ᐱᓕᕆᐊᖑᓂᒃᑯᑦ ᓄᓇᕘᑉ ᐃᓕᓐᓂᐊᖅᓯᓐᓈᕐᓗᑎᒃ ᐃᖅᑲᓇᐃᔭᓕᒻᒪᒃᓴᖅᑐᓂ ᐊᑐᖃᑦᑕᖅᑐᓂ.

 

ᓄᓇᕘᑉ ᐃᓕᓐᓂᐊᓯᓐᓈᑦ ᐃᖅᑲᓇᐃᔭᖅᖢᑎᒃ ᐸᐃᑉᐹᖅᑖᕋᓱᐊᕐᓂᖅ, ᐃᖅᑲᓇᐃᔭᓕᒻᒪᒃᓴᖅᑐᑦ ᓴᓇᔨᒻᒪᕆᙳᕋᓱᒃᑐᓄᓪᓗ ᐱᖁᔭᖅ (“ᐱᖁᔭᖅ”) ᑕᒪᒃᑭᕐᓗᓂ ᓄᑖᖑᕆᐊᖅᑕᐅᓂᐊᖅᑐᖅ ᓯᕗᓪᓕᕐᒥ ᐊᓯᔾᔨᖅᑕᐅᓚᐅᖅᑎᓪᓗᒍ ᓄᓇᑦᓯᐊᖅ ᒪᓕᒐᖓᓂ 1988-ᒥ. ᓄᓇᕘᑉ ᐱᕈᖅᐸᓪᓕᐊᓂᖓᒍᑦ ᒪᑭᒪᔾᔪᑎᓄᓪᓗ, ᐊᖏᕈᑕᐅ ᐱᐅᓯᒋᐊᕈᑎᑦ ᐱᔭᕆᐊᖃᕐᓂᖏᓐᓂᒃ ᒫᓐᓇ ᐊᑐᖃᑦᑕᖅᑐᓄᑦ. ᐃᓚᒃ ᐱᓕᕆᐊᖅ ᐱᐅᓯᒋᐊᕐᓗᓂ ᐊᑐᖃᑦᑕᖅᑐᒥ, ᐱᖁᔭᖅ ᓄᑖᖑᕆᐊᖅᑕᐅᓂᐊᖅᑐᖅ.

 

ᑭᒃᑯᑐᐃᓐᓇᓄᑦ ᐃᖅᑲᕼᐃᔭᖅᑎᓄᓪᓗ ᐅᖃᖃᑎᒌᒍᑎᑦ ᐊᑐᕐᓂᐊᖅᑐᑦ ᓄᓇᓕᖕᓂ ᓄᓇᕘᒥ ᐅᑭᐊᒃᓵᖓᓂ 2019 ᐅᑭᐅᖓᓂᒃᓗ 2020 ᐊᕝᕗᐃᓗᑎᒃ ᑕᐅᑐᒃᑕᐅᔪᓂᒃ ᖃᓄᖅ ᓄᑖᖑᕆᐊᖅᑎᓪᓗᒍ ᐱᖁᔭᖅ. ᑖᒃᑯᐊ ᐅᖃᖃᑎᒌᒍᑎᑦ ᐃᑲᔪᕐᓂᐊᖅᑐᑦ ᖃᐅᔨᓗᑎᒃ ᓄᓇᕗᑦ ᑕᐅᑐᙳᐊᖅᑕᖓᓂᒃ ᓄᑖᖑᔪᓂᒃ ᐃᓕᓐᓂᐊᓯᓐᓈᑦ ᐃᖅᑲᓇᐃᔭᖅᖢᑎᒃ ᐸᐃᑉᐹᖅᑖᕋᓱᐊᕐᓂᖅ, ᐃᖅᑲᓇᐃᔭᓕᒻᒪᒃᓴᖅᑐᑦ ᓴᓇᔨᒻᒪᕆᙳᕋᓱᒃᑐᓄᓪᓗ ᐊᑐᖃᑦᑕᖅᑐᓂ.

 

ᖃᓄᖅ ᓴᓈᖅᑖᕈᓐᓇᖅᓯᓇᓲᑎ ᐱᔪᓐᓇᕈᑎ ᐊᑐᖃᑦᑕᕐᒪᖔᑦ

 

ᓴᓈᖅᑖᕈᓐᓇᖅᓯᓇᓲᑎᒧᑦ ᐱᔪᓐᓇᕈᑎᑖᖅᓯᒪᔪᖅ ᐊᑐᕐᓂᑯᖃᖅᑐᖅ ᐃᓕᓐᓂᐊᖅᓯᒪᓪᓗᓂ ᓴᓈᖅᑖᕈᓐᓇᖅᓯᔨᐅᔪᖅ (ᐊᑐᒐᔪᒃᑐᖅ ᑕᓪᓕᒪᓄᑦ ᐅᖓᑖᓄᓪᓘᓐᓃᑦ ᓴᓈᖅᑖᕈᓐᓇᖅᓯᓇᓱᖕᓂᕐᒥ) ᑕᐃᓐᓇ, ᒋᔭᕇᖅᓯᖏᙶᕐᖢᓂ ᐃᓕᓐᓂᐊᕐᓂᕐᒥᒃ ᐃᖅᑲᓇᐃᔮᒃᓴᒧᑦ, ᐱᑎᑦᑎᔪᑦ ᖃᐅᔨᑎᑦᑎᔾᔪᑎᓂᒃ ᐊᑐᕐᓂᑯᖏᓐᓂ ᑎᑎᕋᕐᓗᓂᓗ ᐃᓕᓐᓂᐊᕈᑎ ᖃᐅᔨᓴᕈᑎᓂᒃ ᓴᖅᑭᑎᑦᑎᓗᑎᒃ ᐊᑕᖐᑦᑎᐊᖅᑐᓂᑦ ᖃᐅᔨᒪᓂᖃᕐᓂᕐᒥᒃ ᓴᓈᖅᑖᕈᓐᓇᖅᓯᓇᓲᑎᒥᒃ. ᑲᔪᓯᑦᑎᐊᕐᓂᑲᕈᓂ, ᓇᓗᓇᐃᒃᑯᑕᖃᓕᕐᓗᑎᒃ ᐃᓕᓐᓂᐊᖅᓯᒪᓂᑰᓗᓂ ᐃᖅᑲᓇᐃᔭᖅᑎᙳᕐᓂᕐᒧᑦ. ᑕᑯᓗᒍ ᐅᐃᒍᐊᕈᓯᖅ 1 ᒪᒃᐱᖅᑐᒐᖓᓂ 7 ᒫᓐᓇᓕᓴᕐᒧᑦ ᓈᓴᐅᑎᖓᓂᒃ ᐃᓕᓐᓂᐊᖅᓯᓐᓈᕐᓗᑎᒃ ᐃᖅᑲᓇᐃᔭᓕᒻᒪᒃᓴᓂᕐᒧᑦ ᓴᓈᖅᑖᕈᓐᓇᖅᓯᓂᕐᒧᑦ ᓄᓇᕗᒻᒥ.

ᐃᓄᓗᒃᑖᓂᒃ ᐅᖃᖃᑎᖃᕐᓂᕐᒥ ᐊᐱᖅᑯᑎᑦ

1. ᐃᓕᓐᓂᐊᖅᓯᓐᓈᑦ ᐃᖅᑲᓇᐃᔭᕈᕕᑦ, ᐃᓕᓐᓂᐊᕐᕕᖕᒥᒃᓗ ᐱᓕᒻᒪᒃᓴᕈᓐᓇᙱᓪᓗᑎᑦ ᓄᓇᓕᔅᓯᓐᓂ, ᑭᓱᒧᑦ ᐊᔪᕐᓇᙱᓐᓂᖅᓴᐅᑎᑦᑎᓇᔭᖅᐸ ᐊᐅᓪᓚᕐᓗᓂ ᐃᐅᓪᐴᑕᒧᑦ ᑲᖏᕐᖠᓂᕐᒧᓪᓘᓐᓃᑦ 8−ᓄᑦ ᑕᖅᑭᓄᑦ ᐃᓕᓐᓂᐊᕐᕕᐊᕈᓯᕐᒥ ᐱᓕᒻᒪᒃᓴᕆᐊᖅᑐᕐᓗᑎᑦ.

2. ᐃᓕᑦᑎᐊᓂᑦᑎᐊᕈᒪᓗᓂ ᓴᓈᖅᑖᕈᓐᓇᖅᓯᓇᓱᖕᓂᕐᒧᑦ, ᒥᑭᓛᖑᔪᓂᒃ ᖁᑦᑎᖕᓂᓕᕇᖃᕆᐊᖃᖅᑐᑎᑦ ᖃᓪᓗᓈᑎᑐᑦ, ᓈᓴᐅᓯᕆᔾᔪᑎᓄᑦ ᐊᒻᒪ ᑭᒃᓕᓯᓂᐊᖅᑐᓕᕆᓂᕐᒥᒃ. ᐃᓕᓐᓂᐊᕈᑎᑦ ᖃᓪᓗᓈᑎᑐᑦ, ᓈᓴᐅᓯᕆᔾᔪᑎᓄᑦ ᐅᕝᕙᓘᓐᓃᑦ ᑭᒃᓕᓯᓂᐊᖅᑐᓕᕆᓂᕐᒥᒃ ᐱᑎᑕᐅᖃᑦᑕᖅᐸᑕ ᓄᓇᓕᔅᓯᓐᓂ, ᐅᓪᓗ ᓇᑉᐸᖓᓄᑦ, ᐅᓪᓗᓕᒫᒧᑦ, ᐅᓐᓄᒃᑯᓪᓘᓐᓃᑦ ᐃᓕᓐᓂᐊᖃᑦᑕᕈᒪᓇᔭᖅᐱᑦ?

3.ᐃᓕᓐᓂᐊᕐᓇᖅᑐᖃᕋᔭᖅᐸᑦ ᐃᓕᑦᑎᒃᑲᓐᓂᕋᓱᒃᓗᓂ ᓴᓈᖅᑖᕈᓐᓇᖅᓯᓇᓱᖕᓂᕐᒧᑦ ᐱᑕᖃᖅᑐᒥᒃ ᐅᖃᓘᑎᑎᒍᑦ ᖃᕆᑕᐅᔭᕋᓛᒃᑯᓪᓘᓐᓃᑦ, ᐊᑐᕋᔭᖅᐱᒋᑦ?

4.ᖃᓄᑎᒋᐅᓇᓱᒋᕕᐅᒃ ᐃᓅᓇᓱᐊᕈᑎᓄᑦ ᑕᖅᑭᑕᒫᑦ ᑮᓇᐅᔭᓕᐊᖅ ᓄᓇᓕᔅᓯᓐᓂ ᐃᑲᔪᕐᓗᒋᑦ ᐃᒡᓗᒥᐅᑕᑎᑦ ᑕᓪᓕᒪᐅᓗᑎᒃ ᐅᖓᑖᓂᓘᓐᓃᑦ ᐃᓄᖕᒧᑦ?

5. ᐊᔪᕐᓇᖅᑐᒃᑰᕈᑎᖃᕈᕕᑦ ᐃᖅᑲᓇᐃᔭᖅᓯᓐᓈᒧᑦ ᐃᓕᓐᓂᐊᕐᕕᐊᕈᓯᕐᒥᓘᓐᓃᑦ ᐱᓕᒻᒪᒃᓴᓂᕐᒥᒃ, ᑭᓱ ᐃᑲᔪᕋᔭᖅᐹᑎᑦ ᐊᑐᓕᖅᑎᓪᓗᒋᑦ?

6. ᐃᓚᖏᑦ ᐃᓄᐃᑦ ᖁᕕᐊᒋᔭᖃᖅᑐᑦ ᓱᓕᕆᓂᕐᒥᒃ ᓴᓈᖅᑖᕋᓱᖕᓂᕐᓂ ᓴᓇᔪᓕᕆᔪᓐᓇᕐᒪᑕ, ᐊᑐᕐᓗᒋᑦ ᐊᒡᒐᑎᒃ, ᐱᓕᕆᓗᑎᒃ ᓯᓚᒥ, ᐊᒻᒪᓗ ᐊᑭᓕᖅᓱᖅᑕᐅᑦᑎᐊᕐᓇᕐᒪᑦ. ᖃᓄᐃᒻᒪᑦ ᐃᓱᒪᕕᑦ ᐱᔪᓐᓇᕋᔭᕐᒪᖔᖅᐱᑦ ᓴᓈᖅᑖᕋᓱᖕᓂᕐᒥ?

7. ᐃᑲᔫᑎᖃᕋᓱᒋᓇᔭᖅᐱᐅᒃ ᐱᕙᒌᔭᕐᓗᓂ ᓴᓈᖅᑖᕈᓐᓇᖅᓯᓇᓱᖕᓂᕐᒧᑦ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ?

8. ᐃᒡᕕᑦ ᓄᑕᕋᐃᓪᓘᓐᓃᑦ ᐃᓕᑦᑎᔪᒪᓇᔭᖅᐱᓰ ᐊᔪᙱᓐᓂᖃᕐᓗᓂ ᓴᓈᖅᑖᕈᓐᓇᖅᓯᓇᓱᖕᓂᕐᒥᑦ, ᓴᒧᙵᐅᓇᔭᖅᐱᓯ ᓄᓇᓕᔅᓯᓐᓂ ᑐᓴᕆᐊᒃᑲᓐᓂᕈᑎᓄᑦ?

9. ᓇᓗᓇᐃᒃᑯᑕᖅᑖᕈᑎᑕᖃᕋᔭᖅᐸᑦ ᓴᓇᔨᒻᒪᕆᙳᕋᓱᖕᓂᕐᒧᑦ ᓲᕐᓗ ᐃᒡᓗᕐᔪᐊᒥ ᓴᓈᕐᓄᑦ ᐃᑲᔪᖅᑎ, ᐃᒪᖅ ᐃᒪᑦᑎᐊᕙᐅᙱᑦᑐᓄᓪᓗ ᐊᐅᓚᓂᓕᕆᔨ, ᓄᓇᓕᖕᒥ ᓂᕿᓪᓚᑦᑖᓂᒃ ᐊᒡᒍᐃᔨ, ᐊᑦᑕᕐᓇᖅᑐᒦᑎᑦᑎᑕᐃᓕᔨ, ᒥᕝᕕᖕᒥ ᐃᖅᑲᓇᐃᔭᖅᑎ, ᐱᔪᒪᓇᔭᖅᐲᑦ ᓇᓗᓇᐃᒃᑯᑕᖅᑖᕐᓗᑎᑦ?

 

ᑐᓐᓂᖅᑯᑎᖃᕐᓂᖅ

ᖁᔭᓐᓇᒦᒃ ᐃᓚᐅᖃᑕᐅᓂᕐᓄᑦ ᑕᕝᕙᓂ ᐅᖃᖃᑎᒌᒍᑎᓂᕐᒥ. ᓂᐲᑦ ᐱᓪᓚᕆᐅᔪᖅ ᐱᖁᓪᓗᒍ ᓄᑖᖑᕆᐊᖅᓯᒪᔪᖅ ᓄᓇᕗᒻᒥ ᐃᓕᓐᓂᐊᒻᒫᕐᓗᑎᒃ ᐃᖅᑲᓇᐃᔭᓕᒻᒪᒃᓴᖅᑐᓄᑦ, ᓴᓇᔨᓪᓚᕆᖕᓄᑦ ᓇᓗᓇᐃᒃᑯᑎᖅᓯᓂᕐᒧᑦ ᐱᖁᔭᖏᑦ ᐱᑎᑦᑎᓂᐊᕐᓗᑎᒃ ᐱᔭᕆᐊᓕᖏᓐᓂ ᓄᓇᕗᒻᒥᐅᑦ.

ᑭᓇᑐᐃᓐᓇᖅ ᑐᓐᓂᖅᑯᑎᖃᕈᓐᓇᖅᑐᖅ. ᑭᐅᔪᓐᓇᖅᑕᑎᑦ ᐊᐱᖅᑯᑎᑦ ᑕᕝᕙᓂ ᑎᑎᕋᕐᕕᒃᓴᒥ ᖃᓄᑐᐃᓐᓇᕐᓘᓐᓃᑦ ᐅᖃᐅᓯᒃᓴᓂᒃ ᐊᒃᑐᐊᓂᓕᖕᓄᑦ ᓄᓇᕗᒻᒥ ᐃᓕᓐᓂᐊᒻᒫᕐᓗᑎᒃ ᐃᖅᑲᓇᐃᔭᓕᒻᒪᒃᓴᖅᑐᓄᑦ, ᓴᓇᔨᓪᓚᕆᖕᓄᑦ ᓇᓗᓇᐃᒃᑯᑎᖅᓯᓂᕐᒧᑦ. 

ᓇᒃᓯᐅᔾᔭᐅᔪᑦ ᐃᕐᖐᓐᓈᖅᑕᐅᔪᓐᓇᖅᑐᑦ ᐅᕗᖓ:

nuappreview@gov.nu.ca

ᓂᐱᓕᐅᕈᓐᓇᖅᑐᑎᑦ ᐅᖃᐅᓯᒃᓴᕐᓂᑦ ᐃᓄᓕᕆᔨᒃᑯᑦ ᑭᒃᑯᑐᐃᓐᓇᕐᓂᑦ ᑐᓴᐅᒪᑎᑦᑎᕙᓪᓗᓂ ᐊᑭᖃᙱᑦᑐᒧᑦ:

1-833-495-0317

ᓇᒃᓯᐅᔭᐅᔪᑦ ᐊᐅᓪᓚᖅᑎᑕᐅᔪᓐᓇᖅᑐᑦ ᐅᑯᓄᖓ:

ᐃᖅᑲᓇᐃᔭᖅᑎᐅᓂᕐᒧᑦ ᐱᕙᓪᓕᐊᓂᓕᕆᔨ ᐃᖅᑲᓇᐃᔭᕐᕕᖓᓄᑦ
ᐃᓄᓕᕆᔨᒃᑯᑦ
ᑐᕌᖅᑎᓪᓗᒍ ᐋᓐᑐᕈ ᕚᖕ
ᑐᕌᕈᑖ 1000, ᐃᓂᖓ 1260
ᐃᖃᓗᐃᑦ, ᓄᓇᕗᑦ X0A 0H0

ᓇᒃᓯᐅᔾᔭᐅᔪᑦ ᓱᒃᑲᔪᒃᑰᖅᑎᑕᐅᔪᓐᓇᖅᑐᑦ ᐅᕗᖓ:

(867) 975-5253

ᓄᓇᓕᖕᓂᑦ ᑲᑎᒪᑎᑦᑎᓂᖅ ᖃᖓᒃᑰᓂᐊᕐᒪᖔᖅ

ᑭᕙᓪᓕᖅ

ᖃᒪᓂᑦᑐᐊᖅ − ᔭᓄᐊᕆ 29, 2020
ᖃᒪᓂ'ᑐᐊᖅ ᐱᙳᐊᕐᕕᖓᓂ, 7:00 ᐅᓐᓄᑯᑦ

ᑲᖏᖅᖠᓂᖅ − ᕕᕗᐊᕆ 5, 2020
ᑲᖏᖅᖠᓂᐅᑉ ᐱᙳᐊᕐᕕᖓᓂ, 7:00 ᐅᓐᓄᑯᑦ 

ᐊᕐᕕᐊᑦ - ᓰᑎᕝᕙ 30, 2020 - 7-ᒥ ᐅᓐᓄᒃᑯᑦ

 
ᕿᑭᖅᑕᓂ

ᐸᖕᓂᖅᑑᖅ − ᐅᑐᐱᕆ 7-11, 2019
ᑐᑭᓯᒋᐊᕋᓱᖕᓂᖅ ᐱᐊᓂᒃᓯᒪᓕᖅᑐᖅ

ᑲᖏᖅᑐᒑᐱᒃ - ᒫᔾᔨ 2-6, 2020

ᐃᖃᓗᐃᑦ -  ᓰᑎᕝᕙ 15, 2020 - 7-ᒥ ᐅᓐᓄᒃᑯᑦ
ᐳᕉᕕᓱ ᐃᓐ, ᑰᔾᔨᓯ ᑲᑎᒪᕕᖓᓂ (ᓂᒋᖅᐸᓯᕐᒥ).

 

ᕿᑎᕐᒥᐅᑦ

ᐃᖃᓗᒃᑑᑦᑎᐊᖅ − ᓄᕕᐱᕆ 25-29, 2019
ᑐᑭᓯᒋᐊᕋᓱᖕᓂᖅ ᐱᐊᓂᒃᓯᒪᓕᖅᑐᖅ

 

Contact Name: 
Andrew Wong
Phone: 
1-833-495-0317