ᐅᖃᓚᐅᑎᓯᐅᑏᑦ

You are here

ᑐᒃᓯᕋᐅᓯᐅᖁᔭᐅᔪᑦ − ᐊᖓᔪᖅᑳᖑᓂᕐᒧᑦ ᐊᒻᒪ ᓄᑕᖅᑲᓂᒃ ᐱᕈᖅᓴᐃᓂᕐᒧᑦ ᓄᓇᓕᖕᓂ ᑮᓇᐅᔭᖃᖅᑎᑕᐅᓪᓗᑎᒃ ᐱᓕᕆᐊᖑᕙᓪᓕᐊᔪᒪᔪᑦ

ᔭᓐᓄᐊᓕ 21, 2021

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ

ᑐᒃᓯᕋᐅᓯᐅᖁᔭᐅᔪᑦ − ᐊᖓᔪᖅᑳᖑᓂᕐᒧᑦ ᐊᒻᒪ ᓄᑕᖅᑲᓂᒃ ᐱᕈᖅᓴᐃᓂᕐᒧᑦ ᓄᓇᓕᖕᓂ ᑮᓇᐅᔭᖃᖅᑎᑕᐅᓪᓗᑎᒃ ᐱᓕᕆᐊᖑᕙᓪᓕᐊᔪᒪᔪᑦ

ᐃᓄᓕᕆᔨᒃᑯᑦ ᐱᔪᒪᔪᑦ ᑐᒃᓯᕋᐅᑎᓂᒃ ᐱᓕᕆᐊᒃᓴᓄᑦ 2021−2022 ᑮᓇᐅᔭᓕᕆᓂᕐᒧᑦ ᐊᕐᕌᒍᒧᑦ ᐊᖓᔪᖄᖑᓂᕐᒧᑦ ᐊᒻᒪᓗ ᕿᑐᙵᓕᕆᓂᕐᒧᑦ ᓄᓇᓕᖕᓂᑦ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᖑᔪᒪᔪᒧᑦ.

ᑐᒃᓯᕋᐅᑏᑦ ᐊᑐᐃᓐᓇᐅᔪᑦ ᐱᓕᕆᐊᒃᓴᓄᑦ ᐃᑲᔪᖅᓱᐃᔪᓐᓇᖅᑐᓂ ᓄᓇᓕᖕᓂᖔᖅᑐᓂ ᐊᖓᔪᖃᖑᓂᕐᒧᑦ ᐊᒻᒪᓗ ᕿᑐᙵᓕᕆᓂᕐᒧᑦ ᐃᓕᓐᓂᐊᓯᓐᓈ ᑲᑎᒪᓗᑎᒃ ᑐᕌᕆᔭᖃᕐᑐᓂ ᐱᕙᓪᓕᐊᑎᑦᑎᒃᑲᓐᓂᕐᓂᕐᒧᑦ ᐊᒻᒪᓗ ᓴᙱᒃᑎᒋᐊᕐᓂᕐᒧᑦ ᐃᓄᐃᑦ ᐃᓕᖁᓯᑐᖃᖏᑦ ᕿᑐᖓᓕᕆᓂᕐᒧᑦ ᐃᓕᓐᓂᐊᕐᑎᑦᑎᓂᕐᒥᑦ, ᐱᓕᒻᒪᒃᓴᕐᓂᕐᒧᑦ ᐊᒻᒪᓗ ᐃᑲᔪᖅᓱᐃᒃᑲᓐᓂᕐᓗᒋᑦ ᐱᔪᓐᓃᖅᑎᑦᑎᕚᓪᓕᕐᓂᕐᒧᑦ ᐊᔪᖅᓴᕐᖃᑦᑕᕐᓂᖅ.

ᑮᓇᐅᔭᓕᐅᖅᑎᐅᙱᑦᑐᑦ ᑲᑐᔾᔨᖃᑎᒌᑦ, ᑲᑐᔾᔨᖃᑎᒌᑦ ᐊᒻᒪ ᕼᐋᒻᒪᓚᒃᑯᑦ ᐱᓕᕆᑎᑦᑎᓲᑦ ᑮᓇᐅᔭᓂᒃ ᐱᓇᔪᒍᓐᓇᖅᑐᑦ ᐱᓕᕆᐊᓄᑦ ᐃᒪᐃᑦᑐᓄᑦ:

  • ᐆᒻᒪᖅᑎᒃᑲᓐᓂᕐᓗᒍ ᓯᓚᑐᓂᕆᔭᐅᔪᖅ ᐊᔪᕈᓐᓃᖅᓴᐅᑎᓪᓗ ᐃᓄᙳᐃᓂᕐᒧᑦ.
  • ᐃᑲᔪᖅᓱᕐᓗᒋᑦ ᒪᒥᓴᕈᑕᐅᓲᑦ ᐊᒻᒪ ᖃᓄᐃᙱᑦᑎᐊᕈᓯᑦ ᐊᖓᔪᖅᑳᕆᔭᐅᔪᓄᑦ ᐊᒻᒪ ᖃᑕᙳᑎᖏᓐᓄᑦ.
  • ᓴᙱᒃᑎᒋᐊᖅᑎᑦᑎᓂᖅ ᐱᓕᕆᐊᕆᔭᕆᐊᖃᖅᑕᖏᓐᓂᒃ ᖃᑕᙳᑎᒌᓄᑦ ᓄᓇᓕᖕᓂᓪᓗ ᓄᑕᖅᑲᓂᒃ ᐱᕈᖅᓴᐃᓂᕐᒥᒃ.
  • ᓴᖅᑭᓪᓗᒋᑦ ᐃᑲᔫᑎᒃᓴᑦ ᑐᕌᖓᔪᑦ ᐊᑖᑕᒋᔭᐅᔪᓄᑦ.
  • ᓴᖅᑭᓪᓗᒋᑦ ᐃᑲᔫᑎᒃᓴᑦ ᐊᐃᑉᐸᖃᙱᑦᑐᓄᑦ ᐊᓈᓇᒋᔭᐅᔪᓄᑦ.
  • ᓴᖅᑭᓪᓗᒋᑦ ᐊᒻᒪ ᐅᕝᕙᓘᓐᓃᑦ ᐱᐅᓯᒋᐊᖅᑎᓪᓗᒋᑦ ᐊᖓᔪᖅᑳᓄᑦ ᐃᑲᔪᖅᓱᐃᔾᔪᑎᑦ ᑐᓴᐅᒪᔪᓕᕆᔾᔪᑎᑦ.
  • ᐃᑲᔪᖅᓱᕐᓗᒍ ᐱᕙᓪᓕᐊᓂᖓ ᐊᖓᔪᖅᑳᙳᕆᐅᖅᓴᔪᓄᑦ; ᐊᒻᒪ/ᐅᕝᕙᓘᓐᓃᑦ
  • ᐃᑲᔪᖅᓱᕐᓗᒋᑦ ᐊᖏᕐᕋᕆᔭᐅᔪᓄᑦ ᐳᓛᕆᐊᖃᑦᑕᕐᓂᖅ ᐅᕝᕙᓘᓐᓃᑦ ᐊᖓᔪᖅᑳᑦ ᐃᓕᓐᓂᐊᖅᑎᑕᐅᖃᑦᑕᕐᓂᖏᑦ.

ᐱᓇᔪᒃᑕᐅᓂᐊᖅᐸᑕ ᐴᖅᑲᖅᓯᒪᔪᑦ, ᖃᐅᔨᒋᐊᕐᕕᐅᔪᓐᓇᖅᑐᖅ ᒪᐃᓇ ᑭᒍᑦᑕᖅ, ᐃᓄᖕᓂᒃ ᐃᓚᐅᓂᐊᖅᑐᓂᒃ ᐸᕐᓇᐃᔨ ᐅᕗᖓ MKiguktak1@GOV.NU.CA ᐅᕝᕙᓗ 867-975-5212.

ᐱᓇᔪᖕᓂᐊᕐᓗᓂ ᐃᓱᓕᕝᕕᖃᖅᑐᖅ ᕕᕝᕗᐊᕆ 15, 2021, 5:00-ᒧᐊᖅᐸᑦ ᐅᓐᓄᒃᓴᒃᑯᑦ. (ᑲᓇᖕᓇᕐᒥ ᖃᐅᔨᓴᐅᑦ ᒪᓕᒡᓗᒍ).

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓘᓯ ᐊᖅᐱᒃ
ᑐᓴᒐᒃᓴᓕᕆᔨᒻᒪᕆᒃ ᐃᓄᓕᕆᔨᒃᑯᑦ
867-975-5207
LAqpik@gov.nu.ca