ᐅᖃᓚᐅᑎᓯᐅᑏᑦ

You are here

ᖃᖓᑦᑕᐅᑎᒃᓴᑦ FANS−ᒃᑯᑦ ALTS−ᒃᑯᓐᓂᓗ ᐱᓕᕆᐊᒃᓴᖏᑦ ᐃᓕᓐᓂᐊᕐᑎᓄᑦ ᓄᓇᕗᑦ ᓯᓚᑖᓃᑦᑐᓂᑦ

ᒫᑦᓯ 19, 2020


ᑭᒃᑯᑐᐃᓐᓇᖕᓄᑦ ᑐᓴᒐᒃᓴᖅ

ᖃᖓᑦᑕᐅᑎᒃᓴᑦ FANS−ᒃᑯᑦ ALTS−ᒃᑯᓐᓂᓗ ᐱᓕᕆᐊᒃᓴᖏᑦ ᐃᓕᓐᓂᐊᕐᑎᓄᑦ ᓄᓇᕗᑦ ᓯᓚᑖᓃᑦᑐᓂᑦ

ᓄᓇᕗᑦ ᒐᕙᒪᒃᑯᖏᑦ (GN) ᑐᑭᓯᔪᑦ ᓯᓚᑦᑐᖅᓴᕐᕖᑦ ᓯᓚᑦᑐᖅᓴᕐᕕᔾᔪᐊᕐᒥᖔᕐᑐᓪᓗ ᓄᓇᕗᑦ ᓯᓚᑖᓂᖔᕐᑐᑦ ᐃᓱᒫᓗᖕᓂᖏᓐᓂᑦ ᓯᐊᒻᒪᒃᐸᓪᓕᐊᓂᖏᓐᓄᑦ ᐳᕙᒡᓗᒡᔪᐊᖅ−19 ᐊᐃᑦᑐᕐᓗᖕᓇᕐᒥᑦ.

ᓄᓇᕗᒻᒥᑦ ᐋᓐᓂᐊᕐᑕᐃᓕᒪᔪᓕᕆᔨᒃᑯᑦ ᐊᖓᔪᖄᒻᒪᕆᖓ ᐊᒻᒪᓗ ᐊᓯᖏᑦᑕ ᒪᓕᒐᐃᑦ ᐃᓗᐊᓂ ᐊᐅᓚᑕᐅᔪᓐᓇᖅᑐᑦ ᓇᓗᓇᐃᕐᕕᐅᓚᐅᕐᒪᑕ ᖃᖓᑕᔭᕆᐊᖃᓪᓚᕆᖏᒃᑯᑎᒃ ᐊᐅᓚᑲᑕᖁᔭᐅᖏᑦᑐᑦ ᑕᐃᒪᐃᑎᓪᓗᒍ ᐳᕙᒡᓗᒡᔪᐊᖅ−19 ᐊᒥᓱᓄᑦ ᖃᓂᒪᓐᓇᐅᑎᓪᓗᒍᑦ.

ᒪᓕᑦᑎᐊᖁᔨᕗᒍᑦ ᑖᒃᑯᓂᖓ ᐊᑐᓕᖁᔭᐅᔪᓂᑦ, ᓄᓇᕘ ᒐᕙᒪᒃᑯᑦ ᐃᓕᓐᓂᐊᒃᑎᓂᑦ ᐊᒻᒪᓗ ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ (FANS) ᐊᒻᒪᓗ ᐃᓐᓇᕐᓄᑦ ᐃᓕᓐᓂᐊᕐᓂᖅ ᐱᓕᒻᒪᒃᓴᕐᓂᕐᒧᓪᓗ ᐱᕚᓪᓕᕈᑎᒃᓴᑦ ᐱᓕᕆᐊᒃᓴᖏᑦ ᖃᖓᑦᑕᐅᑦᑎᒃᓴᖏᓐᓂᑦ ᐅᑎᕈᑎᓄᑦ ᐋᕿᒃᑐᐃᔾᔮᖏᓐᓂᖏᓐᓂᑦ ᖃᐅᔨᒪᖁᔨᔪᑦ ᓇᓗᓇᕈᓐᓃᓚᐅᖏᑎᓪᓗᒍᑦ.

ᐃᓕᓐᓂᐊᖅᑏᑦ ᐊᖏᕐᕋᖏᑦ ᒪᑐᐃᙶᖏᓐᓇᖅᐳᑦ, ᐃᓕᓐᓂᐊᖅᑏᓪᓗ ᐱᔪᓐᓴᖅᑎᑕᐅᓪᓗᑎᒃ ᐃᓕᓐᓂᐊᕕᖏᑕ ᐊᖏᕐᕋᕿᑎᑉᐸᒃᑕᖏ ᓂᓐᓂᐊᖅᖢᑎᒃ ᐄᐳᕈ ᐃᓱᓕᓐᓴᓱᖕᓂᖓᓄᑦ. ᐃᓕᓐᓂᐊᕖᑦᑕᐅᖅ ᑲᔪᓯᑎᑦᑎᒋᕗᑦ ᓂᕆᑎᑦᑎᕙᖕᓂᕆᔭᒥᓂᒃ.

ᐱᔭᕆᐊᖃᓪᓚᕆᖏᑦᑐᒥᑦ ᖃᐅᓪᓚᖃᑦᑕᕐᓂᖅ ᑐᕌᕈᓐᓇᕐᒪᑦ ᐊᐃᑦᑐᕐᓗᐃᓂᕐᒧᑦ ᑖᔅᓱᒥᖓ ᐳᕙᒡᓗᒡᔪᐊᖅ−19ᒥᑦ. ᐃᓚᐅᖃᑕᐅᓗᑕ ᐱᔪᓐᓃᖅᑎᑦᑎᓂᕐᒧᑦ ᐊᐃᑦᑐᕐᓗᐃᑎᑦᑎᓂᕐᒥᑦ, ᐊᒻᒪᓗ ᐊᔪᕈᓐᓃᕐᓴᖅᐸᒡᓗᑕ ᐃᓅᖃᑎᑦᑎᓐᓂᒃ ᖃᓂᒃᓴᓗᐊᕐᑕᐃᓕᒪᓂᕐᒥᑦ ᐱᒻᒪᕆᐅᕗᖅ, ᐊᔪᒃᓇᖃᑦᑕᕋᓗᐊᖅᑎᓪᓗᒍ. ᐋᓐᓂᐊᕐᑕᐃᓕᒪᓂᕐᒧᑦ ᖃᓄᐃᖏᑦᑎᐊᕐᓂᕐᒧᓗ ᓄᓇᕗᒻᒥᐅᓄᑦ, ᓄᓇᕗᑦ ᐃᓗᐊᓂᙶᕐᑐᓂᒃ ᓯᓚᑖᓂᙶᖅᑐᓂᓗ ᓄᓇᕗᑦ ᒐᕙᒪᖓ ᑖᔅᓱᒥᖓ ᓯᕗᓪᓕᕐᐹᖑᑎᑦᑎᓂᐊᖅᑐᖅ.

ᖃᐅᔨᒪᑦᑎᐊᕈᒪᓂᕐᒧᑦ ᑮᓇᐅᔭᑎᒍᑦ ᐊᒃᓱᕈᓐᓇᖅᑐᖅᓯᐅᖅᑐᖃᙱᓐᓂᖓᓂᒃ ᑕᒪᒃᑯᓄᖓ ᑕᒫᓂᕐᒥᐅᑕᐅᙱᑦᑐᓄᑦ ᐃᓕᓐᓂᐊᖅᑎᓄᑦ, ᑕᐃᒃᑯᐊ ᑮᓇᐅᔭᖅᑖᖅᐸᒃᑐᑦ FANS−ᑯᓐᓂᑦ ALTS−ᑯᓐᓂᓘᓐᓃᑦ ᐱᖃᑦᑕᐃᓐᓇᕐᓂᐊᖅᐳᑦ ᑮᓇᐅᔭᓂᒃ ᑕᐃᒪᙵᓕᒫᖅ ᐊᖏᕐᕋᕆᔭᒥᓂᑦ ᐊᐅᓪᓚᖅᓯᒪᑐᐊᕈᑎᒃ.

ᑐᓴᖅᑕᖃᒃᑲᓐᓂᕈᒪᒍᕕᑦ, ᐅᓇ ᖃᐅᔨᒋᐊᕐᕕᒋᓗᒍ: FANSTravel@gov.nu.ca

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓘᓯ ᐊᖅᐱᒃ
ᑐᓴᒐᒃᓴᓕᕆᔨᒻᒪᕆᒃ
ᐃᓄᓕᕆᔨᒃᑯᑦ
867-975-5207
LAqpik@gov.nu.ca