ᐅᖃᓚᐅᑎᓯᐅᑏᑦ

You are here

ᓄᓇᕗᒥ ᑲᑎᒪᓂᖏᑦ ᐱᓪᓗᒍ ᐊᒃᖢᓂᖅ ᓄᖑᑎᑕᐅᓇᓱᐊᕐᓂᐊᑕ ᐊᕐᕌᒍᑕᒫᖅᓯᐅᑎᖏᓐᓂᒃ ᑲᑎᒪᔪᑦ ᑲᖏᖅᖠᓂᕐᒥ

ᐄᐳᕈ 23, 2018

News Release

ᓄᓇᕗᒥ ᑲᑎᒪᓂᖏᑦ ᐱᓪᓗᒍ ᐊᒃᖢᓂᖅ ᓄᖑᑎᑕᐅᓇᓱᐊᕐᓂᐊᑕ ᐊᕐᕌᒍᑕᒫᖅᓯᐅᑎᖏᓐᓂᒃ ᑲᑎᒪᔪᑦ ᑲᖏᖅᖠᓂᕐᒥ

ᑲᖏᖅᖠᓂᖅ, ᓄᓇᕗᑦ (ᐊᐃᐳᕆ 20, 2018) –ᑲᒪᒋᓗᒋᑦ ᓴᓂᐊᒍ ᑲᔪᓯᓂᒃᑯᑦ ᐊᑐᓕᖅᑎᑦᑎᕙᓪᓕᐊᓂᕐᒥᑦ ᐅᑯᓂᖓ ᒪᑭᒪᓂᖅ 2: ᐊᒥᖄᕈᑕᐅᓪᓗᑎᒃ ᑕᒪᑦᓱᒧᖓ ᐊᒃᖢᓂᖅ ᓄᖑᑎᑕᐅᓇᓱᐊᕐᓂᐊᓂᒃ, ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑦ ᐃᒃᓯᕙᐅᑕᐅᖃᑦᑕᖅᑑᒃ ᐊᕐᕌᒍᑕᒫᑦ ᑲᑎᒪᓂᖏᓐᓂᒃ ᓄᓇᕗᒥ ᑲᑎᒪᓂᐅᕙᒃᑐᑦ ᐊᒃᖢᓂ ᓄᖑᑎᑕᐅᓇᓱᐊᕐᓂᐊᓄᑦ ᑲᖏᖅᖠᓂᕐᒥᑦ ᐱᓇᓱᐊᕈᓯᒥ.

ᐅᖓᑖᓄᑦ 40 ᐃᓚᐅᔪᑦ ᑲᑎᖦᖢᑎᒃ ᐅᖃᖃᑎᒌᖑᑕᐅᓪᓗᓂ ᑕᒪᓐᓇ ᓄᓇᓕᖕᓂ−ᐃᓕᖓᔪᑦ ᕿᓂᖅᖢᑎᒃ ᑭᐅᔾᔪᑎᒃᓴᓂᒃ ᐱᔭᐅᔭᕆᐊᖃᖅᑐᑦ ᐃᓐᖐᓐᓇᖅ ᑲᒪᒋᓗᒍ ᐊᖏᕐᕋᖃᖏᓂᐅᕙᒃᑐᖅ ᐊᒻᒪᓗ ᐃᓄᒋᐊᓗᐊᕐᓂᐅᕙᒃᑐᑦ ᓄᓇᕗᑦ ᓄᓇᓕᖏᓐᓂ. ᐅᖃᖃᑎᖃᕈᑎᖃᓚᐅᕐᒥᔪᑦ ᓄᑖᖑᖅᑎᑕᐅᓂᐊ ᓄᓇᕗᒥ ᓂᕿᖃᑦᑎᐊᖏᓐᓇᖅᑎᑦᑎᓇᓱᖕᓂᕐᒧᑦ ᐅᐸᓄᖓᐃᔭᐅᑎ.

"ᖃᐅᔨᒪᔪᒍᑦ ᐊᖏᕐᕋᖃᖏᓐᓂᖅ ᐊᒻᒪᓗ ᓂᕿᖃᑦᑎᐊᖏᓐᓂᒃ ᓂᕿᑦᑎᐊᕙᓂᒃ ᓱᓕᔪᑦ ᐅᓄᓗᐊᖅᑐᓄᑦ ᓄᓇᕗᒥᐅᓄᑦ. ᐱᓪᓗᐊᑕᐅᔪᑦ ᓯᕗᓪᓕᐅᑎᑕᐅᓗᑎᓂ ᒐᕙᒪᑦᑕ ᐱᓂᐊᕐᓂᕋᕈᑎᖏᓐᓂ, ᑐᕌᖅᑕᕗᑦ, ᐱᓕᕆᐊᓕᒃ ᓯᕗᒻᒧᑦ ᓄᓇᓕᖕᓄᑦ ᐊᒻᒪᓗ ᐃᓅᓯᖏᓐᓂ ᖃᓄᐃᖏᑦᑎᐊᕐᓗᑎᒃ ᑕᒪᑦᓱᒨᓇ ᐃᓅᓯᕗᑦ. ᐅᒃᐱᕈᓱᒃᑐᖓ ᑕᒪᒃᑯᐊ ᑲᑐᑎᓗᑎᒍ ᐱᓕᕆᓂᒃᑯᑦ ᓴᖅᑭᑦᑎᔪᓐᓇᖅᑐᒍᑦ ᐃᓚᒋᓗᒋᑦ ᓄᓇᓕᑦ ᕿᐅᔾᔪᑎᓂᒃ ᑕᒪᓐᓇ ᑭᐅᓂᐅᓗᓂ ᑕᒪᒃᑯᓄᖓ ᐱᔭᐅᔭᕆᐊᖃᖅᑐᓂᒃ ᓄᓇᕗᒥᐅᓄᑦ ᐊᑦᑕᓇᖏᑦᑐᓂᒃ ᐊᒻᒪᓗ ᐊᑭᑐᓗᐊᖏᑦᑐᓂᒃ ᐃᒡᓗᖃᕐᓂᕐᒥᑦ ᐊᒻᒪᓗ ᓂᕿᖃᑦᑎᐊᕐᓂᕐᒥᑦ" ᐅᖃᖅᑐᖅ ᒥᓂᔅᑕ ᖃᑕᖑᑎᒌᓄᒃ ᐱᔨᑦᑎᕋᕈᑎᓄᑦ ᐃᓕᓴᐱ ᓯᐅᑎᐊᐱᒃ.

ᓄᓇᕗᒥ ᑲᑎᒪᓂᐅᕙᒃᑐᑦ ᐊᒃᖢᓂ ᓄᖑᑎᑕᐅᓇᓱᐊᕐᓂᐊᓄᑦ ᑎᑭᐅᑎᔪᑦ ᐊᖏᖃᑎᒌᓗᒃᑖᖅᖢᑎᒃ ᐃᖐᓐᓇᖅ ᐱᓕᕆᐊᕆᔭᕆᐊᖃᖅᑕᕗᑦ ᖃᐅᑕᒫᓪᓗ ᐊᒃᓱᕈᖅᑐᑦ ᐃᓄᐃᑦ ᓵᓯᒪᓪᓗᒋᑦ ᐃᒪᓐᓇ ᐊᖏᕐᕋᖃᖏᑦᑐᑦ ᐅᕝᕙᓗ ᐊᖏᕐᕋᖃᑕᐅᔪᑦ ᐃᓄᒋᐊᓗᖃᖅᑐᒥ ᐃᒡᓗᒥ. ᐊᖏᖃᑎᒌᒃᑐᑦ ᐱᑕᖃᕐᒪᑕ ᑎᒥᐅᔪᓂᒃ ᐊᒻᒪᓗ ᐃᓄᖕᓂᒃ ᐱᓕᕆᑦᑎᐊᕋᓱᒃᑐᓂᒃ ᐱᔪᓐᓇᕐᓂᓕᒫᖏᑦᑎᒍᑦ, ᑭᓯᐊᓂ ᐊᐅᓚᔾᔭᒋᐊᓕᑦ. ᐅᖃᕐᕕᖃᖃᑦᑕᖅᓯᒪᔪᑦ ᓄᓇᓕᖕᓂᑦ, ᒐᕙᒪᒃᑯᓐᓂᑦ, ᑎᒥᐅᔪᓂᒃ ᐊᒻᒪᓗ ᐃᓄᖕᓂᒃ ᓴᖅᑭᑦᑎᖁᓪᓗᒋᑦ ᐃᑯᕐᕋᕐᒥᑦ, ᐃᒪᒻᓇ ᑐᖓᓱᒃᑎᑦᑎᔪᓂᒃ ᐃᓂᒃᓴᓂᒃ ᐊᒻᒪᓗ ᐃᑲᔪᖅᑐᖅᑕᐅᓗᑎᒃ ᐃᑲᔪᐃᓂᒃᑯᑦ ᓯᕗᓂᒥ. ᑕᒪᓐᓇ ᐃᓚᖃᕈᓐᓇᖅᑐᖅ ᐅᑉᓗᒃᑯᑦ ᐊᒻᒪᓗ ᐅᓐᓄᒃᑯᑦ ᐃᓂᒃᓴᓂᒃ, ᐊᒻᒪᓗ ᐃᑲᔪᕐᓂᕐᒥᑦ ᐃᓄᖕᓂᒃ ᒪᑭᑎᑦᑎᓗᑎᒃ ᐊᔪᓗᐊᖅᑐᓂᒃ.

"ᐃᒪᓐᓇᐃᒋᐊᖃᖅᑐᒍᑦ ᑲᑐᔾᔨᓗᑕ ᐱᓕᕆᓂᕐᒥᑦ ᓯᕗᒻᒧᑦ ᐊᑕᐅᑦᑎᒃᑯᑦ ᐃᓱᒪᒋᔭᑦᑎᓐᓂᒃ ᑐᕌᕐᓗᑕ. ᐃᒪᓐᓇᐃᓕᐅᕆᐊᖃᖅᑐᒍᑦ ᐊᒧᓗᒋᑦ ᐅᕐᑯᒪᐃᒋᔭᐅᔪᑦ ᑎᒍᒻᒥᔭᐅᔪᑦ ᐃᒪᓐᓇ ᐊᒃᑐᐃᓯᒪᓂᒃᑯᑦ ᐊᖏᕐᕋᖃᖏᓐᓂᕐᒧᑦ. ᐃᓄᐃᑦ ᖃᐅᔨᒪᔪᑦ ᓯᕗᓪᓕᖅᐹᒥ ᐃᒪᓐᓇᐃᓐᓂᕐᒥᑦ ᐃᒃᑮᕐᓂᕐᒥᑦ ᐊᒻᒪᓗ ᑳᖕᓂᖅ ᐊᔪᕐᓇᕐᓂᖅᐹᑦ ᐊᑐᖅᖢᒍ ᑕᒪᓐᓇ" ᐅᖃᖅᑐᖅ ᔭᐃᒻᔅ ᐃᑦᑐᓗᒃ, ᐃᒃᓯᕙᐅᑕᐅᖃᑕᐅᔪᖅ ᐅᑯᓄᖓ ᓄᓇᕗᒥ ᑲᑎᒪᓂᐅᕙᒃᑐᑦ ᐊᒃᖢᓂ ᓄᖑᑎᑕᐅᓇᓱᐊᕐᓂᐊᓄᑦ ᐊᒻᒪᓗ ᑐᖏᓕᐊ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦᑕ.

###

ᐱᒋᕙᓪᓕᐊᔪᓕᕆᓂᕐᒧᑦ ᐅᖃᕐᕕᐅᔪᓐᓇᖅᑐᖅ ᖃᑕᖑᑎᒌᓄᑦ ᐱᔨᑦᑎᕋᕐᕕᖕᒥ

ᐅ Tierney
ᐊᖓᔪᖃᐅᑎᐅᓂᖅᓴᖅ ᐊᑐᐊᒐᓕᕆᓂᕐᒧᑦ ᖃᐅᔨᓴᖅᑎ ᖃᑕᓐᖑᑎᒌᓄᑦ
ᐱᔨᑦᑎᕋᖅᕕᒃ
(867) 975-5206
btierney1@gov.nu.ca

ᐱᕙᓪᓕᐊᔪᓕᕆᓂᕐᒧᑦ ᐅᖃᕐᕕᐅᔪᓐᓇᖅᑐᖅ ᓄᓇᕗᑦ ᑐᓐᖓᕕᒃ ᑎᒥᖓᓐᓂ:

ᑭᐅᕋᓐ ᕗᓕᐅᕆᑎ
ᐊᖓᔪᖅᑳᖑᑲᐃᓐᓇᖅᑐᖅ ᑐᑭᒧᐊᒃᑎᑦᑎᔨᐅᓂᕐᒧᑦ ᑐᓴᐅᒪᖃᑕᐅᑎᓕᕆᔨᒃᑯᓐᓂ
ᓄᓇᕗᑦ ᑐᓐᖓᑯᒃ ᑎᒥᖓᑦ
(867) 975-4941
kflaherty@tunngavik.com