ᐅᖃᓚᐅᑎᓯᐅᑏᑦ

You are here

ᓂᖃᐃᓲᑎᓄᑦ ᐃᑲᔫᓯᐊᑦ ᐊᒻᒪᓗ ᑐᐊᕕᕐᓇᖅᑐᖃᖅᑎᓪᓗᒍ ᐃᑲᔫᑎᑦ

ᒪᐃ 13, 2020

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓂᖃᐃᓲᑎᓄᑦ ᐃᑲᔫᓯᐊᑦ ᐊᒻᒪᓗ ᑐᐊᕕᕐᓇᖅᑐᖃᖅᑎᓪᓗᒍ ᐃᑲᔫᑎᑦ

ᓂᖃᐃᓲᑎᑖᖃᑦᑕᕈᕕᑦ, ᐅᑯᐊ ᑕᕝᕙ ᖃᐅᔨᒪᔭᕆᐊᖃᖅᑕᑎᑦ ᑲᓇᑕᒥ ᑐᐊᕕᕐᓇᖅᑐᖃᖅᑎᓪᓗᒍ ᐃᑲᔫᑎᒥᒃ ᐱᓇᔪᖃᑕᐅᓂᐊᕈᕕᑦ.

  • ᑮᓇᐅᔭᖅᑖᕆᓚᐅᖅᑕᑎᑦ ᐊᕐᕌᓂ ᓂᖃᐃᓱᕐᕕᖕᒥᖔᖅᑐᐃᓐᓇᐅᓚᐅᖅᐸᑕ, ᐊᔪᖅᐳᑎᑦ ᑖᓱᒧᖓ ᑐᐊᕕᕐᓇᖅᑐᖃᖅᑎᓪᓗᒍ ᐃᑲᔫᑎᒧᑦ.
  • ᑮᓇᐅᔭᓕᐅᓚᐅᕐᓂᕈᕕᑦ $5000 ᐅᖓᑖᓂ ᑕᖅᑭᓂ 12-ᓂᒃ ᐊᓂᒍᓵᖅᑐᓂ ᐊᓯᐊᓂᒃ ᐃᖅᑲᓇᐃᔭᕐᓂᕐᒧᑦ, ᐊᔪᙱᓚᑎᑦ ᑕᐃᒪ ᑐᐊᕕᕐᓇᖅᑐᖃᖅᑎᓪᓗᒍ ᐃᑲᔫᑎᒥᒃ.
  • ᐃᓄᐃᑦ ᐃᖅᑲᓇᐃᔮᖃᕈᓐᓃᓚᐅᖅᑐᑦ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᐱᓇᔪᖃᑕᐅᔭᕆᐊᖃᖅᑐᑦ ᑐᐊᕕᕐᓇᖅᑐᖃᖅᑎᓪᓗᒍ ᐃᑲᔫᑎᒥᒃ ᐃᖅᑲᓇᐃᔭᙱᑦᑐᖅᓯᐅᑎᒥᒃ ᐱᓇᔪᓚᐅᙱᓐᓂᕐᒥᓂᒃ. ᓄᖅᑲᑐᐃᓐᓇᓚᐅᕈᕕᑦ ᐃᖅᑲᓇᐃᔮᕐᓂᒃ ᐃᓱᒪᖅᓱᖅᖢᑎᑦ, ᑕᐃᒪ ᐊᔪᖅᐳᑎᑦ ᐃᑲᔫᑎᒧᑦ.

ᑐᐊᕕᕐᓇᖅᑐᖃᖅᑎᓪᓗᒍ ᐃᑲᔫᑎᑖᓚᐅᕐᓂᕈᕕᑦ ᐱᔭᕆᐊᖃᙱᒃᑲᓗᐊᕐᓗᑎᑦ, ᐅᑎᖅᑎᑦᑕᕆᐊᖃᓛᖅᑕᐃᑦ ᐃᓕᖕᓄᐊᖅᑕᐅᓚᐅᖅᑐᖅ ᑲᓇᑕᐅᑉ ᒐᕙᒪᒃᑯᖏᓐᓄᑦ. ᖃᐅᔨᒪᔭᕆᐊᖃᕆᕗᑎᑦ ᐃᖅᑲᓇᐃᔭᙱᑦᑐᖅᓯᐅᑎᖕᓄᑦ ᐊᒃᑐᐃᓂᖃᕐᓂᐊᕐᒪᑦ ᑐᐊᕕᕐᓇᖅᑐᖃᖅᑎᓪᓗᒍ ᐃᑲᔫᓯᐊᖅᑖᕈᕕᑦ ᐊᒻᒪᓗ ᐃᓐᑲᒻ ᑖᒃᓯᓄᑦ ᐲᖅᑕᐅᓲᖑᒋᓪᓗᓂ. ᐃᓚᖓᓂᒃ ᓴᓂᕐᕙᒃᓯᓪᓗᐊᖅᑐᑎᑦ, ᐃᓐᑲᒻ ᑖᒃᓯᑖᕐᓇᖅᓯᒃᐸᑦ ᐊᓯᐊᙳᐃᓂᐊᕐᒪᑦ 2020−ᒧᑦ ᑖᒃᓯᓕᕆᔭᐅᔾᔪᑎᖕᓄᑦ.

ᐃᓗᐃᑦᑐᒥᒃ ᐃᑲᔫᑎᑕᕋᔭᕐᓂᕈᕕᑦ ᐊᔪᙱᓪᓗᑎᓪᓗ ᑲᓇᑕᐅᑉ ᒐᕙᒪᒃᑯᖏᓐᓂ, ᐅᓇ ᑕᑯᒋᐊᕐᓗᒍ https://www.canada.ca/en/services/benefits/ei/cerb-application/questions...
ᓂᖃᐃᓲᑎᓂᒃ ᐃᑲᔫᓯᐊᖅᐸᒃᑐᑦ ᑕᒪᐃᓐᓂᑦᑎᐊᖅ ᓇᓗᓇᐃᕆᐊᖃᖅᐸᖕᒪᑕ ᑮᓇᐅᔭᓕᐅᓚᐅᕐᒪᖔᕐᒥᓂᒃ ᓂᖃᐃᓱᖅᑐᓕᕆᔨᒥᖕᓄᑦ ᑕᒪᒃᑯᐊ ᒪᐃᒧᑦ ᔫᓂᒧᓪᓗ

ᐃᑲᔫᑎᒃᓴᐅᓂᐊᖅᑐᑦ ᐱᓕᕆᐊᖑᕙᓪᓕᐊᓕᕐᓂᐊᕐᒪᑕ. ᐊᑏ ᑲᔪᓯᑐᐃᓐᓇᕐᓗᑎᑦ ᑮᓇᐅᔭᖃᕐᕕᖕᒥ ᐅᓂᒃᑳᑦ ᑐᓂᕙᒡᓗᒋᑦ, ᓂᐅᕕᕐᕕᒃᑯᑎᒍᑦ ᓂᐅᕕᕈᓐᓇᐅᑎ (ᕗᐃ ᓂᐅᕕᕈᓐᓇᐅᑎ), ᐊᒻᒪᓗ/ᐅᕝᕙᓗᓃᑦ ᑯᐊᐸᒃᑯᑎᒍᑦ ᔅᐱᐅᕆᑦ ᓂᐅᕕᕈᓐᓇᐅᑎᒧᑦ ᐃᕐᖐᓈᖅᑕᐅᑎᒃᑯᑦ ᐊᐅᓪᓚᖅᑎᓪᓗᒍ, ᐅᖄᓚᐅᑎᕋᓛᑯᑦ ᐅᕝᕙᓘᓃᑦ ᓱᒃᑲᔪᒃᑯᑦ ᐊᐅᓪᓚᖅᑎᓪᓗᒍ ᓂᖃᐃᓱᖅᑐᓕᕆᔨᖕᓄᑦ. ᑕᐃᒪᓕ ᐊᒡᔭᕆᐊᖃᕈᕕᐅᒃ ᐃᑲᔫᑎᑖᕋᓱᒍᑎᒋᔭᐃᑦ ᓂᖃᐃᓱᕐᕕᐅᑉ ᑎᑎᕋᕐᕕᖓᓄᑦ ᓄᓇᖕᓂ, ᐃᓂᒃᓴᓕᐅᕆᐊᖃᕐᓂᐊᖅᑐᑎᑦ ᐅᖄᓚᕝᕕᒋᖅᑳᕐᓗᒋᑦ ᑐᓴᐅᒪᓂᐊᕐᒪᑦ ᓂᖃᐃᓱᖅᑐᓕᕆᖁᑏᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓘᓯ ᐊᖅᐱᒃ
ᑐᓴᒐᒃᓴᓕᕆᔨᒻᒪᕆᒃ
ᐃᓄᓕᕆᔨᒃᑯᑦ
867-975-5207
LAqpik@gov.nu.ca