ᐅᖃᓚᐅᑎᓯᐅᑏᑦ

You are here

ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᑐᓴᖅᑎᑦᑎᕗᑦ ᐃᑲᔫᑎᔅᓴᓂᑦ ᐃᓪᓗᖃᖅᑎᐅᔪᑦ ᓄᓇᕗᒻᒥᐅᓕᒫᓄᑦ

ᐊᒐᓯ 13, 2021

ᐱᕙᓪᓕᐊᔪᑦ ᑐᓴᒐᒃᓴᑦ

ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᑐᓴᖅᑎᑦᑎᕗᑦ ᐃᑲᔫᑎᔅᓴᓂᑦ ᐃᓪᓗᖃᖅᑎᐅᔪᑦ ᓄᓇᕗᒻᒥᐅᓕᒫᓄᑦ

ᐃᖃᓄᐃᑦ, ᓄᓇᕗᑦ − ᑲᓇᑕᐅᒥᓕᒫᑦ ᐊᑦᑕᕐᓇᖏᑦᑐᒥᑦ ᐊᑭᑐᔫᓗᐊᙱᑦᑐᓂᑦ ᐃᓪᓗᖃᕆᐊᖃᕐᒪᑕ ᐊᖏᕐᕋᖃᕆᔪᓐᓇᖅᑕᒻᒥᓂᒃ. ᑖᓐᓇ ᐱᓪᓗᒍ ᑲᓇᑕᐅᑉ ᒐᕙᒪᒃᑯᖏᑦ ᑲᑐᔾᔨᓯᒪᔪᑦ ᓄᓇᕗᑦ ᒐᕙᒪᒃᑯᖏᓐᓂᑦ ᐃᑲᔪᖅᑕᐅᒋᐊᒃᑲᓐᓂᖁᓪᓗᒋᑦ ᐃᓇᒋᐊᖅᓯᔪᑦ ᑕᐅᓴᑦᑎᖏᓐᓃᑦᑐᑦ ᑮᓇᐅᔾᔭᔅᓴᓗᐊᙱᓂᖅᓴᐅᔪᑦ ᐃᓪᓗᒥᐅᖃᑎᒌᓄᑦ ᓄᓇᕗᒻᒥᓄᑦ.

ᐅᓪᓗᒥ, ᒪᓕᒐᓕᐅᖅᑎ ᐊᕼᒥᐊᑦ ᕼᐅᓵᓐ, ᒥᓂᔅᑕ ᐃᓚᒌᓄᑦ, ᓄᑕᖅᑲᓄᑦ ᐃᓅᖃᑎᒌᓄᓪᓗ ᐱᕙᓪᓕᐊᓂᕐᒥ ᐊᒻᒪᓗ ᒥᓂᔅᑕ ᑲᒪᒋᔭᓕᒃ ᑲᓇᑕᒥ ᓇᒻᒥᓂᖅᑖᖅᐸᓪᓕᐊᓂᖅ ᐃᓪᓗᓕᕆᔨᕐᔪᐊᒃᑯᓐᓄᓪᓗ, ᐊᒻᒪᓗ ᒪᓕᒐᓕᐅᖅᑎ ᒫᒡᒍᓚ ᓇᑲᓱᒃ, ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᓐᓄᑦ, ᐊᒻᒪᓗ ᒪᓕᒐᓕᐅᖅᑎ ᐃᓕᓴᐱ ᓯᐅᑎᐊᐱᒃ, ᒥᓂᔅᑕ ᐃᓄᓕᕆᔨᒃᑯᓐᓄᑦ, ᒥᓂᔅᑕ ᑲᒪᒋᔭᓕᒃ ᐊᖏᕐᕋᖃᙱᑦᑐᓕᕆᓂᕐᒧᑦ ᐅᖃᐅᓯᖃᖅᑐᑦ ᓇᓗᓇᐃᔭᖅᓯᒪᔪᓂᑦ ᑲᑐᔾᔨᓗᑎᒃ ᑮᓇᐅᔭᓕᐅᕋᓱᐊᕐᓂᕐᒧᑦ $18 ᒥᓕᐊᓐᓂᒃ ᐃᑲᔪᖅᑐᐃᓂᕐᒧᑦ ᐅᖓᑖᓄ 670 ᑮᓇᐅᔾᔭᑦᓴᓗᐊᖏᑦᑐᓄᑦ ᐊᖏᕐᕋᓕᓐᓄᑦ ᐱᔭᕆᐊᖃᖅᑐᓄᑦ ᓄᑖᒧ ᑲᓇᑕᒥ-ᓄᓇᕗᒻᒥ ᐃᓪᓗᓕᕆᓂᕐᒧᑦ ᐃᑲᔫᑎᒥ (CA-NU HB).

ᑲᓇᑕᒥ ᐃᓪᓗᓕᕆᓂᕐᒧᑦ ᐃᑲᔫᑎ ᑲᓇᑕᓕᒫᒥᑦ ᐃᓪᓗᓕᕆᓂᕐᒧᑦ ᐅᐸᓗᖓᐃᔭᐅᑎ ᑮᓇᐅᔭᖃᖅᑎᑕᐅᓂᕐᒧᑦ ᒐᕙᒪᒃᑯᓐᓂ ᑲᓇᑕᒥ ᐊᑭᖏᓪᓗ-ᐊᔾᔨᖃᕆᐊᖃᖅᓱᑎᒃ ᓄᓇᕗᒻᒥ.

ᐊᒻᒪ ᓱᓕ, ᑲᓇᑕᒥ-ᓄᓇᕗᒻᒥ ᐃᓪᓗᓕᕆᓂᕐᒧᑦ ᐃᑲᔫᑎ ᐅᖃᐅᓯᖃᕈᒫᓐᓂᐊᖅᑐᖅ ᐊᑐᖅᑐᐊᕐᓂᕐᒧᑦ ᐃᓂᓪᓚᖓᑦᓯᐊᖏᓐᓂᖓᓄᑦ ᑐᕌᒐᕆᔭᐅᔪᓄᑦ ᑲᑎᙵᐅᖅᑎᓄᑦ ᓲᕐᓗ ᐊᕐᓇᐃᑦ ᓄᑕᖅᑲᐃᓪᓗ ᐊᑐᖅᓯᒪᔪᑦ ᐅᓗᕆᐊᓇᖅᑐᒦᑦᑐᓂᓪᓘᓐᓃᑦ ᐋᓐᓂᖅᑎᖅᑕᐅᖃᑦᑕᕐᓂᕐᒧᑦ, ᐃᓐᓇᐃᑦ, ᓄᓇᖃᖅᑳᖅᓯᒪᔪᑦ ᐃᓄᐃᑦ, ᐃᓄᐃᑦ ᑎᒥᒥᒍᑦ ᐊᔪᓕᕈᑎᓖᑦ, ᑕᒃᑯᐊ ᑲᒪᒋᔭᖃᖅᑐᑦ ᐃᓱᒪᓕᕆᓂᕐᒧᑦ ᐅᐃᕆᓯᒪᓂᕐᒧᓪᓗ ᐱᔾᔪᑏᑦ, ᐊᖏᕐᕋᖃᖏᑦᑐᐃᓪᓗ ᑕᐃᒃᑯᐊᓗ ᐊᖏᕐᕋᖃᖏᑦᑐᑦ, ᐅᕕᓂᖃᖃᑎᒌᖏᑦᑐᑦ ᓄᓇᓖᑦ, ᐅᓇᓕᐅᓚᐅᖅᓯᒪᔪᑦ, ᒪᒃᑯᑦᑐᐃᑦ ᐃᓐᓇᐃᑦ, ᐊᓯᕈᓘᖏᓪᓗ.

ᐅᖃᖅᑕᐅᔪᑦ:

“ᑭᒃᑯᓕᒫᑦ ᐊᑕᕐᓇᖏᑦᑐᒦᒋᐊᖃᕐᒪᑕ ᐊᑦᑕᕐᓇᖏᑦᑐᒥᓪᓗ ᐊᖏᕐᕋᒻᒥ. ᑲᓇᑕᒥ-ᓄᓇᕗᒻᒥ ᐃᓪᓗᓕᕆᓂᕐᒧᑦ ᐃᑲᔫᑎ ᓴᓇᒪᓂᖓ ᐃᓪᓗᖃᖅᑐᓂᑦ ᐱᔭᕆᐊᖃᖅᑐᓄᑦ ᖁᕝᕙᕆᐊᖅᑎᑦᓯᓂᕐᒧᑦ, ᐊᑐᐃᓐᓇᐅᑎᑦᓯᓂᕐᒧᓪᓗ ᐃᓂᓪᓚᖓᑦᓯᐊᑎᑦᓯᓂᕐᒧᑦ ᓇᓗᓇᖅᑐᒃᑰᖅᑎᓪᓗᑕ. ᐊᕐᕌᒍᓄᑦ 8-ᖑᓂᐊᖅᑐᓄᑦ, ᓇᓚᐅᖅᓵᖅᑐᒍᑦ ᑖᒃᑯᐊ ᑮᓇᐅᔭᖃᖅᑎᑕᐅᓃᑦ ᐱᔨᑦᓯᕋᕐᓂᐊᖅᑐᑦ 670-ᓂ ᐊᖏᕐᕋᕆᔭᐅᔪᓂᑦ ᓄᓇᓕᓐᓂᑦ ᓄᓇᕘᓕᒫᒥᑦ. ᖁᓚᕐᓇᖏᑦᑐᖅ, ᐊᑦᑐᐃᓂᖃᓪᓚᕆᓐᓂᐊᖅᑐᖅ ᐃᓅᓯᖏᓐᓂᑦ ᓄᓇᕗᒻᒥ. ᑖᓐᓇ ᑲᓇᑕᒥ ᐃᓪᓗᓕᕆᓂᕐᒧᑦ ᐅᐸᓗᙵᐃᔭᐅᑎ ᐱᓕᕆᐊᖅ -ᒪᓕᒐᓕᐅᖅᑎ ᐊᕼᒥᐊᑦ ᕼᐅᓵᓐ, ᒥᓂᔅᑕ ᐃᓚᒌᓄᑦ, ᓄᑕᖅᑲᓄᑦ ᐃᓄᓕᕆᓂᕐᒧᓪᓗ ᐱᕙᓪᓕᐊᑎᑦᓯᓂᕐᒧᑦ ᐊᒻᒪᓗ ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᒥ ᓇᒻᒥᓂᖅᑖᖅᐸᓪᓕᐊᓂᖅ ᐃᓪᓗᓕᕆᔨᕐᔪᐊᒃᑯᓪᓗ.

“ᑭᒃᑯᓕᒫᑦ ᐊᖏᕐᕋᖃᕆᐊᖃᕐᒪᑕ ᐊᑦᑕᕐᓇᖏᑦᑐᒥᓪᓗ ᐊᖏᕐᕋᖃᓂᕋᕐᓂᕐᒧᑦ. ᑖᓐᓇ ᑮᓇᐅᔭᓕᐅᕋᓱᐊᕈᑎ ᐊᖅᑯᑎᒋᓗᒍ ᑲᓇᑕᒥ-ᓄᓇᕗᒻᒥ ᐃᓪᓗᓕᕆᓂᕐᒧᑦ ᐃᑲᔫᑏᑦ ᐃᑲᔪᕐᓂᐊᖅᑐᖅ ᐊᒥᓱᓂ ᐃᓚᒌᓂᒃ ᑭᒃᑯᑐᐃᓐᓇᕐᓂᕐᓗ ᐊᑐᖅᑐᓂᒃ ᐊᖏᕐᕋᖃᖏᓐᓂᕐᒧᑦ ᐅᓪᓗᕆᐊᓇᖅᑐᒦᑦᑐᓂᓪᓘᓐᓃᑦ ᐊᖏᕐᕋᖃᖏᓐᓂᕐᒧᑦ ᐊᓯᔾᔨᕈᑕᐅᓂᐊᖅᓱᓂᓪᓗ ᓄᖅᑲᑎᑦᓯᓂᕐᒧᑦ ᐊᖏᕐᕋᖃᖏᓕᖅᑭᑖᓂᐅᔪᒥᑦ. ᒐᕙᒪᒃᑯᑦ ᑲᓇᑕᒥ ᐃᑲᔪᖅᑐᐃᖏᓐᓇᖅᑐᑦ ᐊᖏᖅᓯᒪᓂᖃᖅᓱᑎᓪᓗ ᓴᖅᑭᑎᑦᓯᓂᕐᒧᑦ ᐊᑭᑐᓗᐊᖏᑦᑐᓂᑦ ᐃᓪᓗᓕᕆᓂᕐᒧᑦ ᐃᑲᔪᕐᓂᕐᒧᑦ ᐱᐅᓯᕚᓪᓕᖁᓪᓗᒋᑦ ᐃᓅᓯᖏᑦ ᐊᑐᖅᑕᐅᓴᐃᓐᓂᖅᐸᐅᔪᓂᑦ ᑭᒃᑯᑐᐃᓐᓇᕐᓂᑦ ᐃᓚᒌᓂᓪᓗ ᓄᓇᕗᒻᒥ.” - ᒪᓕᒐᓕᐅᖅᑎ ᑖᓐ ᕚᓐᑖᓪ, ᒥᓂᔅᑕ ᐃᓄᓕᕆᔨᑐᖃᒃᑯᓐᓄᑦ

“ᐱᑕᖃᖏᓗᐊᕐᓂᖓᓄᑦ ᐊᖏᕐᕋᕆᔭᐅᑲᐃᓐᓇᕈᓐᓇᖅᑐᓂ ᓄᓇᕗᒻᒥ ᑐᑭᖃᖅᐳᖅ ᐊᒥᓱᑦ ᓄᓇᕗᒻᒥᐅᑦ ᐃᓂᑦᓴᖃᖏᑦᑐᐃᑦ ᐊᑐᖃᑦᑕᕆᐊᖃᕐᓂᖏᓐᓄᑦ ᑐᐊᕕᕐᓇᖅᑐᓄᑦ ᕿᒫᕕᓐᓂᑦ, ᐃᓄᒋᐊᓗᐊᖅᑐᒥᐅᖑᓗᑎᒃ, ᐊᖏᕐᕋᖃᖏᑦᑐᐃᓪᓘᓐᓃᑦ. ᑲᓇᑕᒥ ᐃᓪᓗᓕᕆᓂᕐᒧᑦ ᐃᑲᔫᑎᓄᑦ ᑮᓇᐅᔭᖃᖅᑎᑕᐅᓂᖅ ᐊᑐᖅᑕᐅᓂᐊᖅᑐᖅ ᐊᑦᓱᕈᓗᐊᕈᓐᓃᑎᑦᓯᓂᕐᒧᑦ ᑲᒪᒋᔭᖃᕐᓂᕐᒧᑦ ᐱᔪᓐᓇᑎᑦᓯᓂᕐᒧᑦ ᐃᓪᓗᒥ ᓇᒻᒥᓂᖃᖅᑐᓄᑦ ᒪᓂᒪᔪᓄᑦ ᑭᒃᑯᑐᐃᓐᓇᕐᓄᑦ, ᒪᒃᑯᑦᑐᓄᑦ ᐃᓚᒌᓄᓪᓘᓐᓃᑦ ᐊᑐᖅᑐᓂᒃ ᐊᑦᑐᖅᑕᐅᓴᕋᐃᓐᓂᕐᒧᑦ ᐊᑦᑕᕐᓇᖅᑐᒦᓂᕐᒧᓪᓘᓐᓃᑦ. ᑖᓐᓇ ᐃᑲᔫᑎ ᐊᑐᐃᓐᓇᐅᑎᑦᓯᓂᐊᖅᑐᖅ $9 ᒥᓂᐊᓐᓂᒃ ᓄᓇᕗᒻᒥᐅᓄᑦ ᐱᔭᕆᐊᖃᖅᑐᓄᑦ ᐅᖓᑖᓄᑦ 9 ᐊᕐᕌᒍᐃᑦ.” ᒪᓕᒐᓕᐅᖅᑎ ᒫᒡᒍᓛ ᓇᑲᓱᒃ, ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᓐᓄᑦ.

“ᖁᕕᐊᓱᑦᑐᒍᑦ ᐱᔪᓐᓇᕐᓂᕐᒧᑦ $9 ᒥᓕᐊᓐᓂᒃ ᑲᓇᑕᒥ ᐃᓪᓗᓕᕆᓂᕐᒧᑦ ᐃᑲᔫᑎᓂᒃ, ᓴᓂᕐᕙᐃᓂᕐᒧᑦ ᑐᕌᒐᖃᕐᓂᕐᒧᓪᓗ ᓄᓇᕗᒻᒥᐅᓄᑦ ᓅᑉᐸᓕᐊᓂᖏᓐᓄᑦ ᓇᒻᒥᓂ ᐊᖏᕐᕋᖏᓐᓄᑦ, ᑭᓯᐊᓂ ᐊᑲᐃᓪᓕᐅᕈᑎᖃᕐᓂᕐᒧᑦ ᐊᖏᔪᒻᒪᕆᐅᔪᑦ ᑮᓇᐅᔭᑦᓵᕆᔭᐅᔪᑦ ᐊᑐᖅᑐᐊᕐᓂᒨᖃᑦᑕᕐᒪᑕ. ᑖᓐᓇ ᐃᑲᔫᑎ ᐊᑐᖅᑐᐊᕐᓂᕐᒧᑦ ᐃᑲᔫᑎᐅᓂᐊᖅᑐᖅ ᑭᒃᑯᑐᐃᓐᓇᕐᓄᑦ ᐃᓚᒌᓄᓪᓗ ᓅᑉᐸᓪᓕᐊᔪᓄᑦ ᓄᑖᓄ, ᐱᐅᓂᖅᓴᓄ ᐊᖏᕐᕋᖃᐃᓐᓇᕐᓂᐊᕐᓂᕐᒧᓪᓗ ᐋᖅᑭᒋᐊᕈᑎᑦᓴᓄᑦ. ᐊᑐᖅᑐᐊᕐᓂᕐᒧᑦ ᐃᑲᔪᖅᑐᐃᓂᕐᒧᑦ ᓇᓗᓇᐃᔭᖅᓯᒪᔪᓂᑦ ᖃᐅᔨᒋᐊᖅᑕᐅᑲᓐᓂᕐᓂᕐᒧᑦ ᐃᑲᔪᖅᑐᐃᓂᕐᒧᓪᓗ ᐃᓄᓕᕆᔨᒃᑯᑦ’ ᐃᖅᑲᓇᐃᔭᖅᑎᖏᓐᓂᒃ ᓇᓗᓇᐃᖅᓯᓂᕐᒧᑦ ᐃᓚᐅᔪᑦ ᐱᓕᕆᐊᕐᓄᑦ ᑲᔪᓯᓂᖃᖅᓯᐊᕐᓂᖏᓐᓄᑦ ᓅᑉᐸᓪᓕᐊᓂᖏᓐᓄᑦ ᓄᑖᓄᑦ ᐃᓪᓗᖏᓐᓄᑦ. ᓅᓐᓂᐊᕐᑐᓂ ᐃᓪᓗᓄᑦ ᑐᑭᒧᐊᑦᑐᓕᕆᔨ ᖃᐅᔨᓇᓱᐊᕐᓂᐊᖅᑐᖅ ᓄᓇᓕᐅᔪᓄᑦ ᓇᓗᓇᐃᖅᓯᓂᕐᒧᑦ ᐱᓇᓱᐊᕈᓐᓇᕐᓂᐊᖅᑐᓄᑦ. ᐊᑕᖏᕐᓗᒍ ᖃᐅᔨᓴᖅᑕᐅᓂᐊᖅᑐᖅ ᐊᕐᕌᒍᓕᒫᖅ ᓈᓯᒪᓕᖅᐸᑦ.” - ᒪᓕᒐᓕᐅᖅᑎ ᐃᓕᓴᐱ ᓯᐅᑎᐊᐱᒃ, ᒥᓂᔅᑕ ᑲᒪᒋᔭᓕᒃ ᐃᓄᓕᕆᔨᒃᑯᓐᓂᑦ, ᒥᓂᔅᑕ ᑲᒪᒋᔭᓕᒃ ᐊᖏᕐᕋᖃᖏᑦᑐᓕᕆᓂᕐᒧᑦ.

ᓱᓕᔪᑦ:

  • ᑲᓇᑕᒥ-ᓄᓇᕗᒻᒥ ᐃᓪᓗᓕᕆᓂᕐᒧᑦ ᐃᑲᔫᑎ ᑮᓇᐅᔭᓕᐅᕋᓱᐊᕐᓂᐅᓂᐊᖅᑐᖅ $18 ᒥᓕᐊᓐᓂᒃ ᑐᕌᒐᖃᕐᓂᕐᒧᑦ ᐃᑲᔪᖅᑐᐃᓂᕐᒧᑦ ᐃᓪᓗᖃᕆᐊᖃᓪᓚᕆᖅᑐᓄᑦ 670-ᓂ ᓄᓇᓕᒻᒥᐅᓂᑦ ᓄᓇᕗᒻᒥ ᑮᓇᐅᔭᑦᓴᓗᐊᖏᑦᑐᓄᑦ ᐊᑯᓐᓂᖓᓂ 2021-22 ᐊᒻᒪᓗ 2027-28.
  • ᑲᓇᑕᒥ-ᓄᓇᕗᒻᒥ ᐃᓪᓗᓕᕆᓂᕐᒧᑦ ᐃᑲᔫᑎ ᐊᕐᕌᒍᓐᓄᑦ 8-ᓄ ᑕᒪᒃᑮᓄᑦ ᐊᖏᕈᑎ ᒐᕙᒪᒃᑯᓐᓄᑦ ᑲᓇᑕᒥ ᐊᒻᒪᓗ ᓄᓇᕗᑦ, ᐊᑖᓂ ᑲᓇᑕᓕᒫᒥᑦ ᐃᓪᓗᓕᕆᓂᕐᒧᑦ ᐅᐸᓗᖓᐃᔭᐅᑎ (NHS). ᓄᓇᕗᒻᒥ ᐃᓪᓗᓕᕆᓂᕐᒧᑦ ᐅᐸᓗᖓᐃᔭᐅᑎ ᑲᑎᑦᓱᒋᑦ ᐃᒪᓐᓇ $333 ᒥᓕᐊᓐ, ᐊᑭᖏᑦ-ᐊᔾᔨᒌᑦᑐᑦ ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᓄᓇᕗᒻᒥ ᒐᕙᒪᒃᑯᑦ, ᓴᐳᔾᔨᓂᕐᒧᑦ, ᓄᑖᙳᑎᑦᓯᓂᕐᒧᑦ ᐅᓄᖅᓯᑎᑦᓯᓂᕐᒧᓪᓗ ᐃᓅᖃᑎᒌᓐᓂᕐᒧᑦ ᓄᓇᓕᓐᓂᓗ ᐃᓪᓗᓕᕆᓂᕐᒧᑦ, ᐃᑲᔪᖅᑐᐃᓂᕐᒧᑦ ᐊᕕᑦᑐᖅᓯᒪᔪᓂᑦ ᓯᕗᓪᓕᐅᔾᔨᓂᕐᒧᑦ ᐊᑦᑐᐊᓂᖃᖅᑐᓂᑦ ᐃᓪᓗᐃᑦ ᓴᓇᔭᐅᒋᐊᖃᕐᓂᖏᓐᓄᑦ, ᓴᓇᔭᐅᓂᖏᑦ ᐊᑭᑐᓗᐊᖏᑦᑐᓂᓪᓗ, ᐊᑐᐃᓐᓇᐅᑎᑦᓯᓂᕐᒧᓪᓗ ᐊᑐᖅᑐᐊᕐᓂᕐᒧᑦ ᐃᑲᔪᖅᑕᐅᔾᔪᑎᓂᒃ ᑐᕋᐃᓐᓇᖅᑐᒧ ᐃᓪᓗᒥᐅᖃᑎᒌᓄᑦ.
  • ᐊᖅᑯᑎᒋᓗᒍ ᑲᓇᑕᒥ-ᓄᓇᕗᒻᒥ ᐃᓪᓗᓕᕆᓂᕐᒧᑦ ᐃᑲᔫᑎ, ᑕᖅᑭᑕᒫᑦ ᐃᑲᔫᑎᑦ ᐃᒻᒪᖄ $3100 ᑕᖅᑭᑕᒫᑦ ᐃᑲᔪᖅᑐᐃᓂᕐᒧᑦ ᐃᓪᓗᓕᕆᓂᕐᒧᑦ ᐊᑭᖏᓐᓂᒃ.
  • ᑲᓇᑕᒥ ᓇᒻᒥᓂᖅᑖᖅᐸᓪᓕᐊᓂᖅ ᐃᓪᓗᓕᕆᔨᕐᔪᐊᒃᑯᓪᓗ ᐃᑲᔪᖅᑐᐃᔪᑦ ᒐᕙᒪᒃᑯᑦ ᐱᓇᓱᐊᕐᓂᖏᓐᓄᑦ ᐱᐅᓯᕚᓪᓕᖁᓪᓗᒋᑦ ᖃᓄᐃᖏᓐᓂᖏᑦ ᑲᓇᑕᒥᐅᑕᐃᑦ ᐃᓪᓗᓕᕆᓂᕐᒧᑦ ᐊᖏᕐᕋᖃᖏᓐᓂᕐᒧᓪᓗ ᐊᑦᓱᕉᑎᖃᖅᑐᑦ ᐱᔾᔪᑕᐅᔪᓄᑦ ᓄᕙᕐᔪᐊᕐᓇᖅ-19 ᐊᒥᓱᓄᑦ ᖃᓂᒻᒪᓐᓇᐅᔪᒧᑦ.
  • ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐅᐸᓗᖓᐃᔭᐅᑎᖓ ᓴᖏᔪᒥᒃ ᑲᑐᔾᔨᖃᑎᖃᖅᑐᑦ ᐅᑯᓇᖓ ᒐᕙᒪᑐᖃᒃᑯᓐᓂᑦ, ᐊᕕᖅᑐᓯᒪᔪᓂᑦ ᓄᓇᕗᒻᒥᓪᓗ ᒐᕙᒪᒃᑯᓐᓂᑦ, ᐃᓚᐅᑎᑦᓯᖏᓐᓇᖅᓱᑎᓪᓗ ᐊᓯᖏᓐᓂᑦ, ᐃᓚᒋᑦᓱᒋᑦ ᕼᐋᒻᒪᓚᐃᑦ, ᓄᓇᖃᖅᑳᖅᓯᒪᔪᑦ ᒐᕙᒪᐃᑦ ᑲᑐᔾᔨᖃᑎᒌᓪᓗ, ᐃᓪᓗᓕᕆᔨᒃᑯᑦ ᓇᒻᒥᓂᖁᑎᒋᔭᐅᔪᓪᓗ ᐃᓪᓗᓕᕆᓂᕐᒧᑦ. ᑖᓐᓇ ᐃᓚᒋᑦᓱᒍ ᐅᖃᖃᑎᖃᕐᓂᕐᒧᑦ ᑲᓇᑕᒥᐅᑕᕐᓂᑦ ᓇᑭᑐᐃᓐᓈᖅᑐᓂᑦ, ᐃᓄᓐᓂᓪᓗ ᐊᑐᖅᓯᒪᔭᖃᖅᑐᓂᑦ ᐃᓪᓗᖃᕆᐊᖃᕐᓂᕐᒧᑦ.
  • ᐃᓘᓐᓇᑎᒃ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐅᐸᓗᖓᐃᔭᐅᑎᖓ ᑮᓇᐅᔭᓕᐅᕋᓱᐊᕐᓂᕐᒧᑦ ᑲᔪᓯᑎᑕᐅᔪᖅ ᒐᕙᒪᑐᖃᒃᑯᓐᓂᑦ, ᐊᕕᖅᑐᓯᒪᔪᓂᑦ ᓄᓇᕗᒻᒥᓪᓗ ᒐᕙᒪᒃᑯᓐᓂᑦ ᐃᑉᐱᒍᓱᑦᓯᐊᕐᓂᐊᖅᑐᑦ ᑐᙵᕕᖏᓐᓂᒃ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐅᐸᓗᖓᐃᔭᐅᑎᖓᓂ ᐃᑲᔪᖅᑐᐃᓂᕐᒧᑦ ᑲᑐᔾᔨᖃᑎᒌᓂᒃ, ᐃᓄᓐᓂᒃ ᓄᓇᓕᓐᓂᓗ.
  • ᑲᓇᑕᒥ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐅᐸᓗᖓᐃᔭᐅᑎᖓ ᐱᔪᒪᓂᖃᓪᓚᕆᑦᑐᖅ, ᖁᓕᓄᑦ ᐊᕐᕌᒍᓄᑦ ᐸᕐᓇᐅᑎᖃᕐᓂᕐᒧᑦ ᑮᓇᐅᔭᓕᐅᕐᓂᕐᒧᑦ ᐅᖓᑖᓄᑦ $72 ᕕᓕᐊᓐᓂᒃ ᐱᕕᖃᖅᑎᑦᓯᓂᕐᒧᑦ ᐊᖏᕐᕋᖃᕐᓂᕋᕐᓂᕐᒧᑦ. ᐱᒋᐊᖅᑎᑕᐅᔨᒪᔪᖅ 2017-ᒥ, ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐅᐸᓗᖓᐃᔭᐅᑎᖓ ᐱᕈᖅᑎᑦᓯᓂᐊᖅᑐᖅ ᓴᓇᓂᕐᒥᓪᓗ ᑕᐅᓴᓐᓂᒃ ᐃᓪᓗᓂᑦ, ᐃᑲᔪᕐᓂᕐᒧᓪᓗ ᐃᓪᓗᒥᖃᑎᒌᓂᒃ ᐊᑭᑐᓗᐊᖏᑦᑐᒧᑦ ᐃᑲᔪᖅᑐᐃᓂᕐᒧᑦ.

ᐊᑦᑐᐊᓂᓖᑦ ᐊᑦᑕᑕᕐᕕᐅᔪᓐᓇᖅᑐᑦ:

ᑲᓇᑕᒥ ᐱᔪᓐᓇᐅᑎᖃᖅᑎᑕᐅᔪᖅ ᐃᓪᓗᓕᕆᓂᕐᒧᑦ, ᑲᓇᑕᒥ ᓇᒻᒥᓂᖅᑖᖅᐸᓪᓕᐊᓂᖅ ᐃᓪᓗᓕᕆᔨᕐᔪᐊᒃᑯᓪᓗ ᐃᑲᔪᖃᖅᑕᖅᑐᑦ ᒪᑭᑕᑦᓯᐊᕐᓂᖓᓄᑦ ᐃᓪᓗᓂᑦ ᓂᐅᕐᕈᑕᐅᓲᓄᑦ ᑮᓇᐅᔭᓕᕆᓂᕐᒧᓪᓗ ᐊᑐᖅᑕᐅᖃᑦᑕᖅᑐᓂᑦ, ᐊᑐᐃᓐᓇᐅᑎᑦᓯᓂᕐᒥᑦ ᐃᑲᔪᖅᑐᕐᓂᕐᒥᑦ ᑲᓇᑕᒥᐅᓂᑦ ᐃᓪᓗᖃᕆᐊᖃᖅᑐᓄᑦ, ᐊᑐᐃᓐᓇᐅᑎᑦᓯᓂᕐᒥᓪᓗ ᐃᓚᐃᓐᓈᖏᑦᑐᓂᑦ ᐃᓪᓗᓕᕆᓂᕐᒧᑦ ᖃᐅᔨᓴᕐᓂᕐᒥᑦ ᐅᖃᐅᔾᔨᒋᐊᕐᓂᕐᒥᓪᓗ ᐃᓘᓐᓇᖏᓐᓂᑦ ᖁᑦᓯᓂᓕᓐᓂᑦ ᑲᓇᑕᒥ ᒐᕙᒪᒃᑯᓐᓂᑦ, ᓂᐅᕕᖅᑎᓂᑦ ᐃᓪᓗᓕᕆᓂᕐᒧᓪᓗ ᓴᓇᕕᐅᔪᓂᑦ. ᑲᓇᑕᒥ ᓇᒻᒥᓂᖅᑖᖅᐸᓪᓕᐊᓂᖅ ᐃᓪᓗᓕᕆᔨᕐᔪᐊᒃᑯᓪᓗ ᑐᕌᒐᖓ 2030-ᐅᓕᖅᐸᑦ, ᑭᒃᑯᓕᒫᑦ ᑲᓇᑕᒥ ᐊᖏᕐᕋᖃᕐᓂᐊᖅᑐᑦ ᐊᑭᓕᖅᑐᕈᓐᓇᖅᑕᖏᓐᓂᒃ, ᐱᔭᕆᐊᖃᖅᑕᖏᓐᓂᓪᓗ. ᑐᑭᓯᒋᐊᑲᓐᓂᕈᒪᒍᕕᑦ, ᒪᓕᓪᓗᒍ ᑐᕆᑐᒥ, ᐃᓐᔅᑕᒍᓛᒥ, ᔫᑑᑉᒥ, ᓕᒃᐃᓐᒥ, ᐊᒻᒪᓗ ᕙᐃᔅᐳᒃᒥ.

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:

ᕼᐊᕝᓴ ᐊᓴᑑᓚ
ᑐᓴᒐᑦᓴᓕᕆᓂᕐᒧᑦ ᐃᑲᔪᖅᑎ
ᐊᓪᓚᕝᕕᖓ ᒥᓂᔅᑕᐅᑉ ᐃᓚᒌᓄᑦ ᓄᑕᖅᑲᕐᓄᑦ ᐃᓄᓕᕆᓂᕐᒧᓪᓗ ᐱᕙᓪᓕᐊᑎᑦᓯᓂᕐᒥᑦ
Hafsah.Asadullah@hrsdc-rhdcc.gc.ca

ᑐᓴᒐᑦᓴᓕᕆᔨᓄᑦ ᑐᓴᐅᒪᑎᑦᑎᖃᑦ ᑕᕐᓂᖅ
ᑲᓇᑕᒥ ᓇᒻᒥᓂᖅᑖᖅᐸᓪᓕᐊᓂᖅ ᐃᓪᓗᓕᕆᔨᕐᔪᐊᒃᑯᓪᓗ
media@cmhc-schl.gc.ca

ᔮᔅ ᓛᖕ
ᑐᓴᒐᒃᓴᓕᕆᔨᒻᒪᕆᒃ
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ
867-975-7250
jlong@gov.nu.ca

ᔫᑎ ᑑᑐᓪ ᐊᕙ
ᑐᑭᒧᐊᒃᑎᑦᑎᔨ, ᐊᑐᐊᒐᓕᕆᓂᕐᒧᑦ ᐸᕐᓇᐃᓂᕐᒧᓪᓗ
ᐃᓄᓕᕆᔨᒃᑯᓐᓄᑦ
867-975-5250
jdurdle-awa@gov.nu.ca