ᐅᖃᓚᐅᑎᓯᐅᑏᑦ

You are here

ᐊᕐᓇᐃᑦ/ᐊᖑᑎᑦ ᓇᓕᒧᒌᒃᑎᑕᐅᓂᖏᓐᓄᑦ ᐱᓇᓱᐊᕈᓯᖅ ᓯᑎᐱᕆ 20-26, 2020

ᓯᑎᐱᕆ 22, 2020

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᐊᕐᓇᐃᑦ/ᐊᖑᑎᑦ ᓇᓕᒧᒌᒃᑎᑕᐅᓂᖏᓐᓄᑦ ᐱᓇᓱᐊᕈᓯᖅ ᓯᑎᐱᕆ 20-26, 2020

ᓯᑎᐱᕆ 20-26 – ᐃᓕᓴᕆᔭᐅᓯᒪᖕᒪᑦ ᐊᕐᓇᐃᑦ/ᐊᖑᑎᑦ ᓇᓕᒧᒌᒃᑎᑕᐅᓂᖏᓐᓄᑦ ᐱᓇᓱᐊᕈᓯᐅᓂᖓᓂᒃ ᑲᓇᑕᒥ. ᑕᒪᑐᒪᓂ ᐊᕐᕌᒍᒥ ᐱᔾᔪᑕᐅᔪᖅ "ᐃᕝᕕᑦ ᐱᔾᔪᑕᐅᓪᓗᑎᑦ", ᐃᓕᑕᖅᓯᔾᔪᑕᐅᔪᖅ ᖁᕕᐊᓱᒍᑕᐅᓪᓗᓂᓗ ᐃᓱᒪᒋᔭᐅᑦᑎᐊᖅᓯᒪᔪᓂᒃ ᐊᒻᒪ ᑭᒡᒐᖅᑐᐃᔾᔪᑕᐅᔪᓂᒃ ᐱᐅᓯᒋᐊᖅᑎᑦᑎᓇᓱᓲᓄᑦ ᐊᕐᓇᐃᑦ/ᐊᖑᑎᑦ ᓇᓕᒧᒌᒋᐊᖃᕐᓂᖏᓐᓂᒃ ᓄᓇᖏᓐᓂᒃ.

ᐊᕐᓇᐃᑦ/ᐊᖑᐃᑦ ᓇᓕᒧᒌᒃᑎᑕᐅᓂᖏᓐᓄᑦ ᑐᑭᖃᖅᑐᖅ ᐱᔪᒥᒋᔭᑦ, ᐱᔭᐅᔭᕆᐊᓕᑦ ᓯᕗᓪᓕᐅᔾᔭᒃᓴᓪᓗ ᑕᒪᐃᓐᓂ ᐊᕐᓇᓄᑦ ᐊᖑᑎᓄᓪᓗ ᓂᕕᐊᖅᓵᓄᑦ ᓄᑲᑉᐱᐊᓄᓪᓗ ᐃᓱᒪᒋᔭᐅᖕᒪᑕ, ᐃᓱᒪᖅᓱᖅᖢᑎᒃᓗ ᐱᕙᓪᓕᐊᔪᓐᓇᕐᓯᓗᑎᒍᑦ ᐊᔪᙱᑕᒥᓂᒃ ᐃᓱᒪᓕᐅᕆᕙᒡᓗᑎᒃᓗ ᑭᒡᓕᖃᙱᑦᑐᓂᑦ ᐃᓱᒪᒋᔭᐅᓲᑦ ᑕᐃᒪᐃᑦᑐᐃᓐᓇᐅᓇᓱᒋᓂᑦᑎᓂᒃ ᐃᓚᐃᓐᓈᕐᓂᕐᓗ ᐊᕐᓇᑦ/ᐊᖑᑎᑦ ᐱᓕᕆᐊᖏᓐᓂᑦ.

ᐃᓄᓕᕆᔨᒃᑯᑦ ᕿᒥᕐᕈᖕᒪᑕ ᑐᒃᓯᕋᐅᑎᓂᑦ ᓯᕗᒧᐊᖕᓂᐊᕐᓗᑎᒃ ᐱᓕᕆᐊᒃᓴᓂᑦ ᑕᒪᐃᑎᒍᑦ ᐊᕐᓇᓄᑦ ᐱᒋᐊᕈᑎᓄᑦ ᐊᐃᑦᑑᑎᑎᒍᑦ ᐊᒻᒪᓗᑦᑕᐅᖅ ᐊᖑᑎᓄᑦ ᓄᑲᑉᐱᐊᓄᓪᓗ ᐱᒋᐊᕈᑎᓄᑦ ᐊᐃᑦᑑᑎᑎᒍᑦ.

ᐊᕐᓇᓄᑦ ᐱᒋᐊᕈᑎᓄᑦ ᐊᐃᑦᑑᑎᑦ ᐱᕕᒃᓴᓕᐅᓲᖑᕗᑦ ᐃᓄᖕᓄᑦ ᓄᓇᓕᖕᒥᐅᓂᓪᓗ ᑐᑦᑕᕕᐅᔪᓄᑦ ᑮᓇᐅᔭᖅᑖᕐᓗᑎᒃ ᓄᓇᓕᖕᓂ ᐃᑲᔪᕆᐊᒃᑲᓐᓂᕈᓐᓇᖁᓪᓗᒋᑦ ᐊᕐᓇᓂᑦ ᓂᕕᐊᖅᓵᓂᒡᓗ ᐊᔪᕈᓐᓃᕐᐸᓪᓕᐊᓗᑎᒃ ᐊᔾᔨᒌᙱᑦᑐᓂᑦ ᓲᕐᓗ ᓯᕗᓕᖅᑎᑦ, ᓇᖕᒥᓂᖅᓱᕈᓐᓇᖅᓯᓂᕐᒥᒃ, ᒪᑭᒪᔪᓐᓇᕐᓂᕐᒥᒡᓗ, ᐱᕚᓪᓕᕐᑎᓪᓗᒋᓪᓗ ᖃᓄᐃᙱᑦᑎᐊᕐᓂᖏᑦ ᖃᐅᔨᒪᔭᑐᖃᖏᓪᓗ.

ᐱᓕᕆᕝᕕᐅᑉ ᐊᖑᑎᓄᑦ ᓄᑲᑉᐱᐊᓄᓪᓗ ᐱᒋᐊᕈᑎᓄᑦ ᐊᐃᑦᑑᑎᑦ ᐃᔪᖅᑐᐃᕙᒃᐳᑦ ᓄᓇᓕᖕᓂᑦ ᐱᓕᕆᐊᓂᑦ ᐱᓕᕆᖃᑎᖃᓲᑦ ᐊᖑᑎᓂᑦ ᓄᑲᑉᐱᐊᓂᓪᓗ ᐱᕚᓪᓕᖅᑎᑦᑎᓇᓱᐊᖅᖢᑎᒃ ᖃᓄᐃᙱᑦᑎᐊᕐᓂᕐᒥᒃ ᒪᒥᓴᕐᓂᕐᒥᒡᓗ. ᐅᑯᐊ ᐱᒋᐊᕈᑎᑦ ᐃᑲᔪᖅᑐᐃᓲᑦ ᐃᑲᔪᖅᖢᑎᒃ ᐊᖑᑎᓂᑦ ᓄᑲᑉᐱᐊᓂᓪᓗ ᐃᒻᒥᓂ ᒪᒥᓴᕐᐸᓪᓕᐊᓂᖏᓐᓂᑦ ᐋᓐᓂᖅᑎᕆᓂᐅᕙᒃᑐᓂᑦ ᐅᔾᔨᖅᓱᓕᕐᐹᓪᓕᕐᑎᑦᑎᕙᒃᖢᑎᒃᓗ ᐋᓐᓂᖅᑎᕆᑦᑕᐃᓕᒪᑎᑦᑎᓂᕐᒥᒃ.

ᐃᓚᐅᑎᑦᑎᓪᓗᓂ ᐊᖑᑎᓂᑦ ᓄᑲᑉᐱᐊᓂᒡᓗ ᐅᔾᔨᖅᓱᓕᖅᐹᓪᓕᖅᑎᑦᑎᕈᑎᓂᑦ ᑕᐃᒪᐃᑦᑐᑎᒍᑦ ᐱᓕᕇᓐᓇᖅᖢᑎᒡᓗ ᖁᓪᓖᑦ ᓄᓇᕗᒻᒥ ᐊᕐᓇᐃᑦ ᑲᑎᒪᔨᖏᑎᒍᑦ ᑐᙵᕕᓕᐅᕐᓂᐊᖅᐳᑦ ᐱᓕᕆᐊᒃᓴᓄᑦ ᐊᕐᓇᐅᓂᕐᓘᓐᓃᑦ/ᐊᖑᑕᐅᓂᕐᓘᓐᓃᑦ ᓇᓕᒧᒌᒃᑎᑕᐅᓂᖏᓐᓄᑦ ᐃᓄᐃᓪᓗ ᐊᓯᔾᔨᕐᐸᓪᓕᐊᓂᖏᓐᓄᑦ ᓄᓇᕗᒻᒥ.

ᐃᑭᐊᖅᑭᕕᒃᑯᑦ: https://www.qnsw.ca
ᕙᐃᔅᐳᒃᑯᑦ: https://www.facebook.com/Qulliit
ᑐᐃᑐᒃᑯᑦ: https://twitter.com/QNSWC
ᐃᓐᔅᑕᒍᕌᒻᑯᑦ: https://www.instagram.com/qulliit/

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓘᓯ ᐊᖅᐱᒃ
ᑐᓴᒐᒃᓴᓕᕆᔨᒻᒪᕆᒃ
ᐃᓄᓕᕆᔨᒃᑯᑦ
867-975-5207
LAqpik@gov.nu.ca