ᐅᖃᓚᐅᑎᓯᐅᑏᑦ

You are here

ᑐᙵᓱᖁᔨᔪᖅ ᒥᓂᔅᑕ

ᐃᓕᓴᐱ ᓯᐅᑎᐊᐱᒃ ᓂᕈᐊᕐᓇᐅᑎᓪᓗᒍ ᓂᕈᐊᖅᑕᐅᓚᐅᖅᑐᖅ ᐊᑦᑑᕝᕙ 30, 2017, ᑭᒡᒐᖅᑐᐃᓗᓂ ᓂᕈᐊᖅᑕᐅᕝᕕᖓᓐᓂᑦ ᐃᖃᓗᐃᑦ ᓯᓈ ᑕᓪᓕᒪᒋᓕᖅᑕᖓᓐᓂᑦ ᒪᓕᒐᓕᐅᕐᕕᒃ ᓄᓇᕗᒻᒥ ᓂᕈᐊᖅᑕᐅᔪᓂᑦ.

ᐊᕐᓇᖅ ᓯᐅᑎᐊᐱᒃ ᓂᕈᐊᖅᑕᐅᓚᐅᖅᐳᖅ ᓯᕗᓕᖅᑏᑦ ᑲᑎᒪᔨᖏᓐᓄᑦ ᓄᕕᐱᕆ 17, 2017−ᒥᑦ, ᑲᑎᒪᑎᓪᓗᒋᑦ ᓄᓇᕗᒻᒥ ᓯᕗᓕᖅᑎᔅᓴᐅᔪᓂᑦ ᓂᕈᐊᕐᓂᖃᖅᑎᓪᓗᒋᑦ. ᒥᓂᔅᑕ ᓯᐅᑎᐊᐱᒃ ᐊᖏᖅᑎᑕᐅᓚᐅᖅᑐᖅ ᒪᓕᒐᓕᐅᕐᕕᖕᒧᑦ ᓄᕕᐱᕆ 21, 2017-ᒥᑦ. ᒫᓐᓇ ᒥᓂᔅᑕᐅᔪᖅ ᐃᓄᓕᕆᔨᒃᑯᓐᓄᑦ, ᒥᓂᔅᑕ ᑲᒪᒋᔭᓕᒃ ᐃᒡᓗᖃᙱᑦᑐᓕᕆᓂᖕᒧᑦ, ᒥᓂᔅᑕ ᑲᒪᒋᔭᓕᒃ ᑲᓇᑕᒧᐊᖅᐸᓪᓕᐊᕙᒃᑐᓂᑦ ᒥᓂᔅᑕᐅᓪᓗᓂᓗ ᑲᒪᒋᔭᓕᒃ ᐊᔪᖅᓴᕈᓐᓃᖅᐹᓪᓕᖅᑎᑦᑎᓂᖕᒧᑦ.

ᐊᕐᓇᖅ ᓯᐅᑎᐊᐱᒃ ᖃᔅᓯᑲᓪᓚᖕᓄᑦ ᐱᓕᕆᔨᒻᒪᕆᐅᓂᕐᒧᑦ ᐃᖅᑲᓇᐃᔮᖃᖅᓯᒪᔪᖅ ᐊᑐᖃᑦᑕᖅᑕᖏᓐᓂ ᑕᒪᒃᑮᓄᑦ ᑭᒃᑯᑐᐃᓐᓇᕐᓄᑦ ᓇᖕᒥᓂᖃᖅᑎᓄᓪᓗ. ᖃᐅᔨᒪᔭᐅᑦᑎᐊᕐᖢᓂ ᓇᖕᒥᓂᖅᑖᖅᐸᓪᓕᐊᓂᕐᒧᑦ ᓇᖕᒥᓂᖃᕐᖢᓂᓗ ᒍᕋᐃᓐ ᐊᓐ ᕗᕉ ᐃᖃᓗᖕᓂ.

ᐊᕐᓇᖅ ᓯᐅᑎᐊᐱᒃ ᐱᔨᑦᑎᖅᓯᒪᔪᖅ ᒪᐃᔭᐅᓪᓗᓂ ᐃᖃᓗᖕᓂ, ᓄᓇᕘᑉ ᓄᓇᓕᐸᐅᔭᖃᕐᕕᐊ, 2003−ᒥ 2010−ᒧᑦ. ᐊᖏᔪᖅᑳᖑᓂᑯ ᓄᓇᕗᒻᒥ ᑲᑐᔾᔨᖃᑎᒌᑦ ᓄᓇᓕᐅᔪᓄᑦ, ᐊᖏᔪᖅᑳᖑᓂᑯ ᐸᐅᒃᑑᑎᒃᑯᓐᓄᑦ, ᑲᓇᑕᒥ ᑭᒡᒐᖅᑐᐃᔨᑦ ᑲᑐᔾᔨᖃᑎᒌᖓᑦ ᐃᓄᐃᑦ ᐊᕐᓇᓄᑦ ᑲᓇᑕᒥ, ᐊᖏᔪᖅᑳᖑᓂᑯ ᖁᓪᓖᒃᑯᑦ ᓄᓇᕗᒻᒥ ᐊᕐᓇᐃᑦ ᑲᑎᒪᔨᖏᑦ, ᐃᓚᒋᔭᐅᓂᑯ ᑲᑎᒪᔨᓄᑦ ᓄᐊᔅᕕᔅᑎᐅᓪᑯᓐᓄᑦ ᐃᓚᒋᔭᐅᓂᑯᓗ ᑲᑎᒪᔨᓄᑦ ᑐᑭᒧᐊᒃᑎᑦᑎᔨᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ.

ᐊᕐᓇᖅ ᓯᐅᑎᐊᐱᒃ ᐊᑭᓕᖅᓱᖅᑕᐅᙱᖦᖢᓂ ᐱᓕᕆᔨᐅᓯᒪᔪᖅ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᒡᔪᐊᕐᓃᑦ. ᐊᕐᓇᖅ ᓯᐅᑎᐊᐱᒃ ᑐᓂᔭᐅᓯᒪᔪᖅ ᑯᐄᓐ ᐃᓕᓴᐱ II ᑕᐃᒪᓐ ᔫᐱᓖ ᐅᔭᒥᒥᒃ ᐊᒻᒪᓗ ᒪᑭᒪᐃᓐᓇᕈᑎᒃᓴᓄᑦ ᐱᓕᕆᖃᑎᒌᑦ ᑲᓇᑕᐅᑉ 2014 ᓂᐱᖓ ᓂᕆᐅᖕᓂᕐᒧᑦ ᑐᓐᓂᖅᑯᓯᐊᖅ ᐱᖃᑕᐅᔪᒃᓴᖅ ᐱᓕᕆᐊᖃᕐᓂᖓᓄᑦ ᑲᒪᒋᓪᓗᒍ ᐱᖃᑎᒌᓄᑦ ᐱᑦᑎᐊᙱᓐᓂᕐᓂ.