ᐅᖃᓚᐅᑎᓯᐅᑏᑦ

You are here

Productive Choices

ᓂᕈᐊᑦᑎᐊᖕᓯᒪᓃᑦ ᐱᔾᔪᑎᖃᐅᐳᑦ ᐃᑲᔫᓯᐊᖅᐸᒃᑐᒧᑦ ᐱᓕᕆᕙᓪᓕᐊᔪᓐᓇᕐᓂᖕᒥᑦ ᐃᒻᒥᓂᖅᓱᕈᓐᓇᖕᓂᖕᒧᑦ. ᐱᓕᕆᐊᒃᓴᓪᓗᐊᑕᕆᔭᐅᔪᖅ ᑕᒪᑐᒧᖓ ᐱᓕᕆᐊᒧᑦ ᐃᑲᔪᖅᑐᐃᓂᖅ ᐊᔭᐅᖅᑐᐃᓂᕐᓗ ᖃᓄᖅᑑᕈᓐᓇᖕᓂᖕᒥᑦ ᓂᕈᐊᑦᑎᐊᖕᓂᖕᒥᒃᓗ ᓄᓇᓕᖕᓂᑦ ᐊᑐᐃᓐᓇᐅᔪᓂ ᖃᓄᐃᙱᑦᑎᐊᖕᓂᖕᒧᑦ, ᐃᓕᑦᑎᕙᓪᓕᐊᓂᖕᒧᑦ, ᐃᓕᓐᓂᐊᖕᓂᖕᒧᑦ ᐃᖅᑲᓇᐃᔭᓕᒻᒪᒃᓴᓂᖕᒧᓪᓗ ᐱᔪᓐᓇᖅᓯᕚᓪᓕᖁᓪᓗᒋᑦ ᑮᓇᐅᔭᑎᒍᑦ ᐃᒻᒥᓂᖅᓱᖕᓂᖕᒧᑦ.

 

ᑖᓐᓇ ᑕᓪᓕᒪᓂ ᑐᕌᒐᖃᕐᒪᑦ:

  • ᐃᓱᒪᓕᐅᑦᑎᐊᕈᓐᓇᖅᓯᖁᓪᓗᒋᑦ, ᑭᐅᔪᓐᓇᑦᑎᐊᕐᓗᑎᒡᓗ ᑐᑭᑖᕈᑎᒋᓯᒪᔭᖏᓐᓄᑦ ᐊᒻᒪᓗ ᓇᖕᒥᓂᖅᓱᕈᓐᓇᕐᓂᖅᓴᐅᓕᕐᓗᑎᒃ ᓄᓇᓕᐅᔪᑦ ᐊᒻᒪᓗ ᐃᓄᐃᑦ ᐊᔪᖅᓴᖅᑐᖅᓯᐅᑎᑖᕈᒪᖃᑦᑕᖅᑐᑦ;
  • ᐃᑲᔪᖅᑕᐅᑲᐃᓐᓇᕐᕕᖃᖁᓪᓗᒋᑦ ᐱᔪᓐᓇᖅᓯᑦᑎᐊᕋᓱᖕᓂᖏᓐᓂ ᐃᒻᒥᓄᑦ ᐃᓚᒋᔭᒥᓄᓪᓗ;
  • ᐃᓕᓴᕆᔭᐅᑦᑎᐊᖁᓪᓗᒍ ᐱᖅᑯᓯᐅᔪᑦ ᐃᓕᖅᑯᓯᖏᓪᓗ ᐃᓄᐃᑦ ᐃᓅᓯᖏᓐᓂ ᐊᒻᒪᓗ ᐱᒻᒪᕆᐅᒍᓱᖕᓂᖏᑦ ᐃᓚᒥᓂ ᑕᒪᒃᑯᑎᒎᓇ ᐊᔪᖅᓴᖅᑐᖅᓯᐅᑎᑎᒍᑦ ᐃᑲᔪᖅᑕᐅᒍᑎᐅᓲᓄᑦ ᑕᐃᒫᒡᓗ ᐃᑲᔪᖅᑕᐅᕕᖓᑦᑕ ᐊᖅᑯᑖᒍᑦ;
  • ᖃᐅᔨᓴᖅᑕᐅᑦᑎᐊᖁᓪᓗᒋᑦ ᐃᑲᔪᖅᑕᐅᔭᖅᑐᖅᓯᒪᔪᑦ ᐊᒻᒪᓗ ᐃᑲᔪᖅᑕᐅᕕᒋᒃᑲᓐᓂᕈᓐᓇᖅᑕᖏᓐᓄᑦ ᑐᕌᕐᕕᒋᔭᕆᐊᓕᖏᓐᓂ ᖃᐅᔨᒪᑎᑕᐅᓪᓗᒋᑦ ᐊᑕᐅᑦᑎᒥ ᐅᐸᒐᐅᔪᓐᓇᖅᑐᒥ ᓄᓇᓕᐅᑉ ᐃᓗᐊᓂ;
  • ᐊᑑᑎᖃᑦᑎᐊᕐᓂᖅᓴᐅᖁᓪᓗᒋᑦ ᐱᑕᖃᕈᑕᐅᔪᑦ, ᑖᒃᑯᐊᓗ ᑮᓇᐅᔭᑦ ᐊᔪᖅᓴᖅᑐᖅᓯᐅᑎᑖᕈᑎᑎᒎᖓᔪᑦ ᐊᒻᒪᓗ ᓄᓇᓕᖕᓂ ᐃᖅᑲᓇᐃᔭᖅᑐᓕᕆᓂᕐᒨᖓᔪᑦ.

 

 

ᐆᒃᑑᑎᒐᓴᐅᖕᒪᑕ ᓂᕈᐊᑦᑎᐊᖕᓂᖕᒨᖓᔪᓂᑦ ᐃᓚᖃᐅᖅᑐᑦ:

 

ᐃᖅᑲᓇᐃᔮᒨᖓᔪᓂᑦ ᖃᓄᐃᓕᐅᖕᓃᑦ

ᖁᕝᕙᕆᐊᖅᑎᕆᓂᖅ, ᐃᖅᑲᓇᐃᔮᒃᓴᒧᑦ ᐃᑲᔪᖅᑕᐅᓂᖅ, ᐃᖅᑲᓇᐃᔭᖕᓂᖅ, ᐃᓕᓐᓂᐊᖕᓂᖅ, ᐊᖑᓇᓱᖕᓂᑦ, ᓄᓇᓕᖕᓂᑦ ᐱᓕᕆᓂᖅ/ᐃᑲᔪᖅᑐᐃᓃᑦ, ᓄᑕᖅᑭᕆᓃᑦ (ᓄᑕᖅᑲᓂᖅ ᑕᓪᓕᒪᑦ ᑐᖔᓂ ᐅᑭᐅᓖᑦ).

 

 

ᖃᓄᐃᙱᑦᑎᐊᖕᓂᖕᒧᑦ ᖃᓄᐃᓕᐅᖕᓃᑦ

ᐃᒥᐊᓗᖕᒧᑦ ᐋᖓᔮᖕᓇᖅᑐᓄᓪᓗ ᐃᑲᔪᖅᑕᐅᓃᑦ, ᐃᓱᒪᒧᑦ ᖃᓄᐃᙱᑦᑎᐊᖕᓂᖕᒧᑦ ᐃᓅᓯᓕᕆᔭᐅᓃᑦ, ᐃᓚᒌᓄᑦ ᐃᑲᔪᖅᑕᐅᓃᑦ, ᐃᓅᓕᓴᐅᑎᓄᑦ ᐃᑲᔪᖅᑕᐅᓃᑦ, ᓄᓇᓕᖕᓂᑦ ᒪᓕᒐᓕᕆᓃᑦ.

 

 

ᐊᔪᕆᖅᓱᖅᑕᐅᔪᓐᓇᖁᓪᓗᑎᑦ ᐃᑲᔪᖅᑐᖅᑕᐅᓂᐊᕐᓗᑎᓪᓗ ᓂᕈᐊᑦᑎᐊᖅᓯᒪᓂᖕᒧᑦ, ᐱᒋᐊᕆᐊᖃᖅᑐᓂᑦ ᐱᔪᒪᓃᑦ ᓴᖅᑭᔮᖅᑎᓪᓗᒍ ᖃᓄᐃᓕᐅᖕᓂᐊᖅᑎᓪᓗᑎᑦ ᓂᕈᐊᕆᔭᖕᓂᑦ.

 

 

ᐃᑲᔫᓯᐊᖅᑐᓕᕆᔨᐅᑉ ᐃᖅᑲᓇᐃᔮᕆᔭᐅᔪᒪᔪᓕᕆᔨᐅᓪᓘᓐᓃᑦ ᐃᑲᔪᕈᓐᓇᖅᐹᑎᑦ ᕿᓚᒻᒥᐅᔪᒥᑦ ᐊᑯᓂᐅᔪᒥᒃᓘᓐᓃᑦ ᐸᖕᓇᐅᓯᐅᖅᑎᓪᓗᑎᑦ.  ᐃᑲᕐᕋᖃᕆᐊᖃᒋᑦᑐᑦ ᓂᕈᐊᑦᑎᐊᖅᓯᒪᓂᖕᒧᑦ.  ᖃᓄᖅ ᐊᑯᓂᐅᑎᒋᓇᔭᖕᓂᖓ ᒪᓕᖕᓂᐊᖅᑐᖅ ᓇᓕᐊᒃᑯᑦ ᓂᕈᐊᖕᓂᒃᑰᖕᒪᖔᖕᒥ.

 


ᓂᕈᐊᖕᓂᒃᑰᖓᔪᒥᑦ ᐸᖕᓇᐅᓯᐅᕌᓂᒃᐸᑦ, ᐃᑲᔫᓯᐊᖅᑐᓕᕆᔨᐅᑉ ᐃᖅᑲᓇᐃᔮᕆᔭᐅᔪᒪᔪᓕᕆᔨᐅᓪᓘᓐᓃᑦ ᐃᕝᕕᓪᓗ - ᐃᑲᔪᖅᑕᖅ - ᐊᑎᓕᐅᖕᓂᐊᖅᐳᓯ ᓂᕈᐊᑦᑎᐊᖕᓂᖕᒧᑦ ᐊᖏᕈᑎᒥᑦ.  ᑖᓐᓇ ᐊᖏᕈᑎ ᓇᓗᓇᐃᔭᖅᓯᒪᓂᐊᖅᑐᖅ ᖃᓄᐃᖅ ᑮᓇᐅᔭᑎᒍᑦ ᐃᑲᔪᖅᑕᐅᓃᑦ ᐃᑲᔫᑎᖃᕈᓐᓇᖕᒪᖔᑦ ᐊᑐᕈᓐᓇᖁᓪᓗᑎᑦ ᓂᕈᐊᑦᑎᐊᖅᑕᖕᓂᑦ ᐱᔪᒪᔭᐃᑦ.

 


ᑲᒪᒋᔭᖃᖅᐳᑎᑦ ᒪᓕᑦᑎᐊᕆᐊᒃᓴᖅ ᐸᖕᓇᐅᑎᓕᐊᖕᓂᑦ ᐊᔪᙱᓐᓂᓕᒫᖕᓄᑦ ᐱᑎᑕᐅᖏᓐᓇᕈᓐᓇᖁᓪᓗᑎᑦ ᐃᑲᔫᓯᐊᓂᑦ.  ᐊᓯᔾᔨᕈᓐᓇᖅᑕᐃᑦ ᓂᕈᐊᑦᑎᐊᖕᓂᖕᒧᑦ ᐊᖏᕈᑏᑦ ᖃᖓᑐᐃᓐᓇᑎᐊᖅ ᐊᑲᐅᓂᖅᓴᐅᒃᐸᑦ ᐱᕙᓪᓕᐊᓂᕆᓇᔭᖅᑕᖕᓄᑦ.  ᐊᔪᕈᑎᖃᖕᓂᕋᖅᑕᑦ 60-ᐅᓪᓘᓐᓃᑦ ᐅᖓᑖᓂ ᐅᑭᐅᓖᑦ ᐃᓚᐅᔪᓐᓇᙱᓚᑦ ᓂᕈᐊᑦᑎᐊᖕᓂᓕᕆᓂᖕᓄᑦ.

 

 

ᐃᑲᔫᓯᐊᖅᑐᓕᕆᓕ ᐱᓕᕆᖃᑎᖃᕈᓐᓇᖅᐳᖅ, ᐊᓯᐊᓄᐊᖁᔨᓗᑎᒃᓘᓐᓃᑦ ᐅᑯᓄᖓ ᐃᑲᔪᑕᐅᒃᑲᓐᓂᕈᑎᒃᓴᓄᑦ:

  • ᐃᖅᑲᓇᐃᔮᕆᔭᐅᔪᒪᔪᓕᕆᔨ ᐃᓐᓇᖕᓄᑦ ᐃᓕᓴᐃᔨᒧᓪᓘᓐᓃᑦ, ᐃᖅᑲᓇᐃᔮᒧᑦ ᐃᑲᔪᖅᑕᐅᓂᖕᒧᑦ, ᐃᓐᓇᖕᓄᑦ ᐃᓕᓐᓂᐊᒐᒃᓴᓄᑦ, ᓴᓈᒃᓴᓄᑦ/ᓯᓚᑦᑐᓴᕐᕕᒃᒧᑦ ᐱᓕᕆᐊᓴᓂ ᐃᓕᓐᓂᐊᕈᑎᒃᓴᐃᑦ ᖁᕝᕙᓯᒋᐊᕈᑎᒃᓴᓂᒃᓘᓐᓃᑦ.
  • ᐃᖅᑲᓇᐃᔮᕆᔭᐅᔪᒪᔪᓕᕆᔨᒧᑦ ᐃᖅᑲᓇᐃᔭᖅᑐᓕᕆᔨᒧᓪᓘᓐᓃᑦ, ᐃᖅᑲᓇᐃᔮᒃᓴᖅᓯᐅᓪᓗᑎᑦ.
  • ᐃᓐᓇᑐᖃᐃᑦ ᑐᒃᓯᐊᕐᕕᖕᒥᓪᓘᓐᓃᑦ ᐃᓚᒋᔭᐅᔪᓄᑦ ᐃᓄᓕᕆᔨᒧᓪᓘᓐᓃᑦ, ᐃᑲᔪᖅᑕᐅᔪᒪᒍᕕᑦ ᐃᓚᒌᖕᓂᔅᓯᓐᓄᑦ ᐊᑲᐅᙱᓕᐅᕈᑎᔪᓄᑦ.
  • ᐱᙳᐊᕐᕕᓕᕆᔨᒥᑦ, ᐃᑲᔪᖅᑐᐃᓂᖅ ᓄᓇᓕᖕᓂᑦ ᐱᓕᕆᖃᑕᐅᓂᖕᓄᑦ.

 

ᑕᒪᑐᒪ ᒥᒃᓵᓄᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᐊᓯᖏᓐᓂᒃᓘᓐᓃᑦ ᐱᓕᕆᐊᒃᓴᓂᑦ, ᖃᐅᔨᒋᐊᕐᕕᒋᓗᒍ ᐃᑲᔫᓯᐊᖅᑐᓕᕆᔨᒧᑦ ᐃᖅᑲᓇᐃᔮᕆᔭᐅᔪᒪᔪᓕᕆᔨᒧᓪᓘᓐᓃᑦ ᓄᓇᔅᓯᓐᓂᑦ ᐊᕕᒃᑐᖅᓯᒪᕝᕕᒋᔭᔅᓯᓐᓂᒃᓘᓐᓃᑦ:

 

ᕿᑭᖅᑕᓂ:

1-800-567-1514

(867) 473-2615

 

ᑭᕙᓪᓕᖅ

1-800-953-8516

(867) 645-5040

 

ᕿᑎᖕᒥᐅᑦ:

1-800-661-0845

(867) 983-4032