ᐅᖃᓚᐅᑎᓯᐅᑏᑦ

You are here

ᒥᐊᓂᖅᓯᓂᖅ

ᐃᑲᔪᖅᑕᐅᓂᖅ ᐸᐸᑦᑕᐅᓂᕐᓗ ᐱᑐᐃᓐᓇᐅᔪᖅ ᐃᓐᓇᕐᓄᑦ ᐃᓱᒪᓕᐅᕆᔪᓐᓇᙱᑦᑐᓄᑦ ᐱᔾᔪᑎᖃᕐᓗᓂ ᑲᒪᒋᔭᕆᐊᖃᖅᑕᒥᓂᒃ.

 

ᓄᓇᕗᒻᒥ ᒥᐊᓂᖅᓯᓂᕐᒧᑦ ᐸᐸᑦᑎᔨᐅᓂᕐᒧᓪᓗ ᐱᖁᔭᖅ ᐊᔪᙱᑎᑦᑎᕗᖅ ᓄᓇᕗᒻᒥ ᐃᖅᑲᖅᑐᐃᔨᒃᑯᓐᓂ ᓂᕈᐊᖅᖠᖕᓂᕐᒥᒃ ᐃᓄᖕᒥᑦ ᐃᓱᒪᓕᐅᕆᔨᐅᔪᓐᓇᖅᑐᒥᒃ ᑭᒡᒐᖅᑐᕐᓗᒍ ᐃᓐᓇᖅ ᑕᑎᖃᓕᖅᓯᒪᔪᖅ ᐊᓯᖏᓐᓂ ᖃᐅᑕᒫᖅ ᐱᔭᕆᐊᖃᖅᑕᖏᓐᓄᑦ.

 

ᐃᓄᒃ ᒥᐊᓂᖅᓯᔨᐅᑎᑕᐅᔪᖅ ᓄᓇᕗᒻᒥ ᐃᓐᓇᕐᓂᑦ ᐱᔨᑦᑎᖅᑎᐅᔪᓐᓇᖅᖢᓂ ᖃᓂᒋᔭᖓᓘᓐᓃ ᐱᖃᓐᓇᕆ.ᔭᖓ ᐃᓚᖓᓘᓐᓃ ᑕᑎᖃᖅᑎᐅᔪᖅ ᐃᓐᓇᐅᑉ.

 

ᒥᐊᓂᖅᓯᓂᕐᒧᑦ ᑎᓕᐅᕆᔾᔪᑎ ᑐᕌᖓᓪᓗᕆᒃᖢᓂ ᐱᔭᐅᔭᕆᐊᖃᖅᑐᓄᑦ ᑕᑎᖃᖅᑐᖅ ᐃᓐᓇᐅᑉ.

 

 

ᑎᒃᑯᐊᖅᓯᓂᖅ ᒥᐊᓂᖅᓯᔨᒥᒃ

 

ᑭᓇᑐᐃᓐᓇᖅ ᐃᓄᖕᒥᑦ ᒥᐊᓂᖅᓯᔨᙳᖁᔨᔪᓐᓇᖅᑐᖅ.

 

ᖃᐅᔨᒪᔭᕐᓂᑦ ᓇᖕᒥᓂᖅ ᐸᐸᑦᑐᓐᓇᙱᑦᑐᒥᒃ ᐃᓱᒪᓕᐅᕆᔾᔪᔾᔭᐅᔭᕆᐊᖃᕐᓗᓂᓗ, ᐅᖃᕐᕕᒋᔪᓐᓇᖅᑕᑦ ᐃᓐᓇᕐᓂᑦ ᐱᔨᑦᑎᕋᖅᑎᑦ ᐅᖃᖃᑎᒋᓗᒋᑦ ᐃᓱᒪᒋᔭᕐᓂᑦ.

 

ᐃᓐᓇᕐᓂᑦ ᐱᔨᑦᑎᕋᖅᑎᑦ

ᓲᓴᓐ ᐳᕆᑕᒻ

(867) 975-5233

sbreddam@gov.nu.ca

 

 

ᒥᐊᓂᖅᓯᓂᕐᒧᑦ ᐃᓱᒪᓕᐅᕆᓂᖅ

 

ᐱᔪᓐᓇᐅᑎᖃᑦᑎᐊᖅᑐᖅ ᐱᓕᕆᔨᒻᒪᕆᒃ ᖃᐅᔨᓴᕐᓂᐊᖅᑐᖅ ᐃᓐᓇᖅ ᒥᐊᓂᖅᓯᔨᖃᕆᐊᖃᕐᒪᖔᑦ.

 

ᐃᓐᓇᖅ ᒥᐊᓂᖅᓯᔨᖃᕆᐊᖃᕈᓂ, ᐃᓐᓇᕐᓂᑦ ᐱᔨᑦᑎᕋᖅᑎᑦ ᑎᒃᑯᐊᖅᓯᖁᔨᓂᐊᖅᑐᑦ ᓄᓇᕗᒻᒥ ᐃᖅᑲᖅᑐᐃᔨᒃᑯᓐᓂ ᒥᐊᓂᖅᓯᔨᒃᓴᒥᑦ.

 

ᐱᖃᓐᓇᕆᔭᐅᔪᖅ ᐃᓚᒋᔭᐅᔪᕐᓘᓐᓃ ᒥᐊᓂᖅᓯᔨᙳᕋᓱᐊᕈᓂ, ᐃᓐᓇᕐᓂᑦ ᐱᔨᑦᑎᕋᖅᑎᑦ ᓇᓗᓇᐃᕐᓂᐊᖅᑐᖅ ᐃᓄᒃ ᐱᓇᓱᐊᖅᑐᖅ ᑎᑭᐅᑎᒐᓗᐊᕐᒪᖔᑦ ᓇᓗᓇᐃᖅᑕᐅᓯᒪᔪᓄᑦ ᐃᓚᖓ 2(5)-ᒥᑦ ᒥᐊᓂᖅᓯᓂᕐᒧᑦ ᐸᐸᑦᑎᔨᐅᓂᕐᒧᓪᓗ ᐱᖁᔭᖅ.

 

ᒥᐊᓂᖅᓯᔨᙳᕋᓱᐊᖅᑐᑦ ᐃᒪᐃᑦᑕᕆᐊᓖᒃ:

 

  • ᑎᑎᕋᕐᓗᑎᑦ ᒥᐊᓂᖅᓯᔨᐊᓂᕐᒧᑦ ᐊᖏᕈᑎᒥᒃ.
  • ᒪᓕᒐᑎᒍ ᓇᓗᓇᐃᕈᑎᓕᐅᕐᓗᑎᒃ ᖃᓄᖅ ᐃᓚᒋᖕᒪᖔᑦ/ᐱᖃᓐᓇᕆᖕᒪᖔᑦ ᑕᑎᖃᖅᑎᐅᔪᖅ ᐃᓐᓇᖅ ᐊᕐᕌᒍᒋᔭᖓᓄ ᒥᐊᓂᖅᓯᔨᙳᕋᓱᐊᓚᐅᙱᑎᓪᓗᑎ.

 

ᒥᐊᓂᖅᓯᔨᒥᒃ ᑎᒃᑯᐊᖅᓯᒍᑎᒃ, ᓄᓇᕗᒻᒥ ᐃᖅᑲᖅᑐᐃᔨᒃᑯᑦ ᐃᖅᑲᖅᑐᐃᕕᖕᒥ ᖃᐅᔨᓇᓱᐊᕐᓂᐊᖅᑐᑦ ᒥᐊᓂᖅᓯᔾᔪᑕᐅᔭᕆᐊᓕᖕᓂ.

 

ᐃᓄᐃᑦ ᒥᐊᓂᖅᓯᔨᐅᓇᓱᐊᖅᑐᑦ ᐃᓚᐅᖁᔭᐅᑐᐃᓐᓇᕆᐊᓖᒃ ᐅᖃᓘᑎᒃᑯᑦ ᐃᖅᑲᖅᑐᐃᕕᖕᒥ ᖃᐅᔨᓇᓱᐊᖅᑎᓪᓗᒋᑦ.

 

ᖃᐅᔨᓇᓱᐊᖅᑎᓪᓗᒋᑦ, ᐃᖅᑲᖅᑐᐃᔨ ᐊᑎᓕᐅᖅᓯᓂᐊᖅᑐᖅ ᒥᐊᓂᖅᓯᓂᕐᒧᑦ ᑎᓕᐅᕆᔾᔪᑎᒥᒃ ᑎᓕᔭᐅᓯᒪᔪᖃᓕᕐᓗᓂᓗ, ᓇᓗᓇᐃᖅᓯᒪᓗᓂ ᐊᑯᓂᐅᑎᒋᓂᐊᕐᓂᖓ ᑎᓕᔭᐅᓯᒪᓂᐅᑉ, ᐅᓪᓗᓕᕐᓗᒍᓗ ᑎᓕᔭᐅᓯᒪᓂᖅ ᖃᐅᔨᓴᖅᑕᐅᔪᒃᓴᐅᓗᓂ ᐃᖅᑲᖅᑐᐃᕕᖕᒥ.

 

ᑎᓕᔭᐅᔾᔪᑎ ᓇᓗᓇᐃᖅᓯᒪᓂᐊᖅᑐᖅ ᐱᔪᓐᓇᐅᑎᒋᔭᐅᔪᓂᒃ ᒥᐊᓂᖅᓯᔨᐅᑉ, ᐱᓕᕆᐊᒃᓴᕆᔭᕆᐊᖃᖅᑕᖏᓐᓂᒡᓗ.

 

ᒥᐊᓂᖅᓯᔨᐅᑉ ᐱᓕᕆᐊᒃᓴᖏᑦ ᑲᒪᒋᑦᑎᐊᙱᒃᑯᓂᐅᒃ, ᐊᓯᐊᓂ ᒥᐊᓂᖅᓯᔨᒥᒃ ᑎᒃᑯᐊᖅᓯᓂᐊᖅᑐᖅ ᐃᖅᑲᖅᑐᐃᔨᒃᑯᑦ.

 

 

ᒥᐊᓂᖅᓯᔨᐅᑉ ᖃᓄᐃᓕᐅᖅᑎᐅᓂᕆᔭᖓ

 

ᒥᐊᓂᖅᓯᔨ ᐃᑲᔪᖁᔭᐅᕗᖅ ᑕᑎᖃᖅᑐᖅ ᐃᓐᓇᕐᒥᑦ ᐃᓱᒪᓕᐅᕆᑎᓪᓗᒍ ᓲᕐᓗ ᐃᒪᓐᓇ:

 

  • ᐋᓐᓂᐊᖃᖅᑕᐃᓕᓂᕐᒧᑦ.
  • ᒪᓕᒐᓕᕆᓂᕐᒧᑦ.
  • ᓂᕿᑦᑎᐊᕙᖕᓄᑦ.
  • ᐃᒡᓗᒧᑦ.
  • ᐃᕆᐸᓇᓱᐊᕐᓂᕐᒧᑦ.

 

 

ᑐᑭᓯᒋᐊᕐᕕᒃᓴᖅ

ᐃᓐᓇᕐᓂᑦ ᐱᔨᑦᑎᕋᖅᑎᑦ

ᓲᓴᓐ ᐳᕆᑕᒻ

(867) 975-5233

sbreddam@gov.nu.ca

ᐅᖃᓘᑖ: (867) 975-5233

ᓱᒃᑲᔪᒃᑰᕈᑖ: (867) 975-5298