ᐃᑲᔫᓯᐊᖅᑐᓕᕆᔨᒃᑯᑦ (IA)

ᐃᑲᔫᓯᐊᑐᓕᕆᔨᒃᑯᑦ ᐃᑲᔪᖃᑦᑕᖅᐳᑦ ᓄᓇᕘᒥ ᐃᓚᒌᖕᓂᑦ ᐃᓄᑑᔪᓂᓪᓗ ᐱᔭᕆᐊᖃᖅᑕᒥᒍᑦ ᖃᔅᓯᓂᒃ ᐱᔾᔪᑎᖃᖅᖢᑎᒃ, ᐱᒡᒐᖅᑐᓂᒃ, ᐋᓐᓂᐊᖅᑐᓂᒃ, ᑮᓇᐅᔭᓕᐅᕐᓂᑭᑦᑐᓂᒃ ᐅᕝᕙᓘᓃᑦ ᐃᖅᑲᓇᐃᔭᖏᑦᑐᓂᒃ ᓇᓖᑦ ᓇᖕᒥᓂᖅ ᐱᔪᓐᓇᖏᑦᑕᕌᖓᑕ.

 

ᐃᑲᔫᓯᐊᕈᑏᑦ ᖃᓄᑐᐃᓐᓇᖅ ᐱᒃᓴᖃᕈᓐᓃᖅᑐᓄᑦ ᐅᐸᒡᕕᒃᓴᑐᐊᑦᑎᐊᖑᓕᓲᖑᖕᒪᑕ. ᑖᓇ ᑐᑭᖃᖅᐳᖅ ᓂᕆᐅᓇᖅᑐᖅᑕᖃᕈᓐᓇᕐᓂᖓᓂᒃ ᐱᒋᐊᕈᑎᒃᓴᓂᒃ ᐊᓯᖏᓐᓂᒃ ᐱᓕᕆᐊᓂ ᐱᔪᓐᓇᑐᐃᓐᓇᕆᐊᖃᖅᐳᑎᑦ ᓲᓗ ᐃᖅᑲᓇᐃᔭᖏᑦᑐᖅᓯᐅᑎᒥᒃ, ᐊᔾᔨᒌᖏᑦᑐᑦ ᐅᑎᖅᑐᒃᓴᐃᑦ, ᐋᓐᓂᖅᓯᒪᔪᓕᕆᔨᓂᒃ ᐊᒻᒪ ᓄᑕᖅᑲᓂᑦ ᑲᒪᔨᔭᖃᐅᓯᐊᕐᒥᒃ, ᐊᒻᒪᓗ ᐊᑐᕈᓐᓇᖅᑕᐃᓐᓇᕆᓕᕐᓗᒋᑦ ᐊᓯᓕᒫᖏ ᑮᓇᐅᔭᓄᑦ ᐃᑲᔫᑎᒃᓴᑦ ᐱᓕᒪᕙᒌᑐᐃᓐᓇᕆᐊᖃᖅᑕᓯ, ᓲᕐᓗ ᑮᓇᐅᔭᑦ ᑮᓇᐅᔭᒃᑯᕕᖕᒥᑦ ᐊᒻᒪ ᐃᓐᓇᐅᔪᓯᐊᑦ ᓄᖅᑲᖔᖅᑐᑦ, ᖃᐅᔨᒋᐊᓚᐅᖏᓐᓂᕐᓂᒃ ᒐᕙᒪᒃᑯᑦ ᐱᓕᕆᐊᖏᓐᓂᒃ.

 

ᓂᐅᕆᐅᒋᔭᐅᑎᐊᕐᒥᔪᑦ ᐊᕐᕋᒍᑕᒫᖅ ᑖᒃᓯᓕᕆᔾᔪᑎᑎᑦ ᐱᓕᕆᐊᖑᑎᖃᑦᑕᕈᕕᒋᑦ.

 

ᑭᓇ ᐱᖓᔪᒍᓐᓇᖅᐸ:

ᑭᓇᑐᐃᓐᓇᖅ ᐊᕐᕌᒍᓕᒃ 18-ᓂᒃ ᐅᖓᑖᓄᓪᓗ ᑮᓇᐅᔭᓕᐅᓂᑭᓪᓗᑎᑦ ᓄᓇᕗᒥᐅᑕᐅᓗᑎ ᐱᓇᔪᒍᓐᓇᖅᑐᖅ ᓂᖃᐃᓲᑎᒥᒃ.

 

ᖃᐅᔨᒋᐊᕐᓗᓂ ᐱᖃᑕᐅᔪᓐᓇᕐᒪᖔᑦ:

ᐱᑕᖃᕆᐊᖃᖅᐳᖅ ᑕᖅᑭᑕᒫᖅ ᑮᓇᐅᔭᖅᓕᕆᔾᔪᑏᑦ ᖃᐅᔨᓴᖅᑕᐅᓯᒫᓂᒋᐊᖃᖅᐳᑦ ᓂᖃᓱᖅᑐᓕᕆᔨᒧᑦ.

 

 

ᑭᓱᒥ ᓇᒃᓴᕆᐊᖃᖅᐱᑦ ᓯᕗᓪᓕᖅᐹᒥᑦ ᐅᐸᒃᑯᕕᑦ:

 

ᓇᒃᓴᕆᐊᖃᕆᔭᐅᕗᑎᑦ ᐃᓅᕝᕕᒃᐱᑦ ᓇᓕᖃᖓᓂᒃ, ᓴᓇᔪᓐᓇᐅᑎᖕᓂᑦ ᐋᓐᓂᐊᕕᓕᐊᕈᓐᓇᐅᑎᖕᓂᓪᓗ, ᐊᒻᒪᓗ ᐊᓯᖏᓐᓂᒃ ᑎᑎᕋᖅᓯᒪᔪᓂᒃ ᐱᐊᓂᒃᓯᖁᓪᓗᒋᑦ ᐱᓇᔫᑎᒋᔭᕐᖏᑦ.

 

ᓂᖃᐃᓱᕐᕕᖕᒦᓕᕈᕕᑦ, ᐃᓂᖃᓱᖅᑐᓕᕆᔨ ᐅᖃᖃᑎᒋᓇᔭᖅᐸᑦ ᖃᐅᔨᓴᕐᓗᓂᓗ ᖃᓄᑐᐃᓐᓇᖅ ᐃᑲᔫᓯᐊᕆᓚᐅᖅᑕᑎᑦ ᐱᑎᑕᐅᓚᐅᖏᓐᓂᕐᓂᒃ ᖃᐅᔨᒋᐊᑕᐅᓗᑎᑦ.

 

ᐃᑲᔫᑎᑦ ᐱᑎᑎᔪᑕᐅᑐᐃᓐᓇᕆᐊᖃᖅᐳᑦ ᐃᓛᑰᖅᑕᕐᓗᒋᑦ ᓂᖃᓱᕈᓐᓇᖅᑎᑕᐅᔪᓄᑦ.

 

ᓂᖃᐃᓱᕈᓐᓇᖅᑎᑕᐅᑐᐃᓐᓇᕆᐊᖃᖅᐳᑎᑦ ᐃᑲᔪᖅᑕᐅᔭᕆᐊᖃᕈᕕᑦ ᑮᓇᐅᔭᒧᑦ ᐊᑭᓕᖅᓱᐃᔪᑎᒃᓴᕐᓄᑦ ᖃᓄᑐᐃᓐᓇᖅ ᐱᓕᕆᓯᒪᒍᕕᑦ ᑮᓇᐅᔭᒃᓴᕐᕕᒋᔪᓐᓇᖅᑕᖕᓂᑦ, ᐃᓚᖃᖅᖢᓂ ᐃᖅᑲᓇᐃᔭᕐᓂᖕᒥᒃ, ᐊᒻᒪᓗ ᐱᓕᕆᐊᒃᓴᑦᑕᕙᖕᒧᑦ ᐱᓇᔪᒡᓗᑎᑦ ᓇᖕᒥᓂᖅᓱᕋᓱᒍᓐᓇᕐᓂᖅᑕᐅᓕᕐᓗᖏᓪᓗ. ᖃᔅᓰᑲᓪᓚᒡᓗᑎᑦ ᐱᓕᕆᖃᑎᖃᖃᑦᑕᕐᓂᐊᖅᐳᑎᑦ ᐱᕙᓪᓕᐊᑲᓐᓂᕋᓱᒡᓗᑎᓪᓗ ᐸᕐᓇᐃᖃᑎᖃᕐᓗᑎ ᓂᖃᐃᓱᖅᑐᓕᕆᔨᒥᒃ.

 

ᐱᓕᕆᐊᒃᓴᑦᑕᕙᐅᔪᖅ ᐃᓚᖃᕋᔭᖅᐳᖅ ᖁᕝᕙᕆᐊᑲᓐᓂᕐᓗᒍ ᐃᓕᓐᓂᐊᖅᓯᒪᓃᑦ, ᐱᓕᒻᒪᓯᒪᓃᑦ, ᒪᓕᒋᐊᖃᖅᑕᖃᖅᖢᑎᒃ ᐊᖓᔪᖅᑳᖑᔭᕆᐅᖅᓴᕐᓂᖅ, ᐃᖅᑲᓇᐃᔭᕐᓂᖅ, ᓄᓇᓕᖕᓂᑦ ᐱᓕᕆᖃᑦᑕᕐᓂᖅ, ᐊᖑᓇᓱᖕᓂᖅ ᐊᒻᒪ/ᐅᕝᕙᓘᓃᑦ ᐃᓄᑑᔪᓄᑦ ᐃᓱᒪᒥᒍᑦ ᐊᔪᓕᑕᖅᑐᓄᑦ ᐅᕝᕙᓘᓃᑦ ᐃᒥᐊᓗᖕᒧᑦ ᐋᖓᔭᕐᓇᖅᑐᓄᑦ ᐃᓅᓯᓕᕆᔭᐅᓂᕐᒥᒃ.

 

ᐃᓄᑐᐊᑦ ᐱᒡᒐᖅᖢᑎᒡᓗ ᐅᕝᕙᓘᓃᑦ ᐅᑭᐅᓖ 60-ᒥ ᐅᖓᑖᓄᑦ ᐃᓚᐅᔪᓐᓇᖅᑎᑕᐅᖏᑦᑐᑦ ᐱᓕᕆᐊᒃᓴᑦᑕᕙᖕᒧᑦ ᐸᕐᓇᐅᑎᒧᑦ.

 

 

ᖃᓄᖅ ᐱᖓᔪᒍᓐᓇᖅᐱᑦ:

 

ᖃᐅᔨᒋᐊᕐᕕᒋᓗᒍ ᓄᓇᖕᓂᑦ ᓂᖃᐃᓱᖅᑐᓕᕆᔨ ᑕᑯᔭᐅᕕᒃᓴᓕᐅᕐᓗᑎᑦ.

 

 

ᑐᑭᓯᒐᕐᕕᒃᓴᖅ

ᐃᑲᔪᖅᑕᐅᔪᒪᒍᕕ ᑐᑭᓯᒋᐊᕈᒪᒍᕕᓪᓘᓃᑦ, ᖃᐅᔨᒋᐊᕈᒃ ᓂᖃᐃᓱᖅᑐᓕᕆᔩᑦ ᐅᕝᕙᓘᓃᑦ ᐃᓄᓕᕆᔨᒃᑯᑦ ᐊᕕᒃᑐᖅᓯᒪᔪᒥᑦ ᑎᑎᕋᕐᕕᖓ:

 

 

ᑭᕙᓪᓕᕐᒥᐅᑦ: 867-645-5040

ᕿᑭᖅᑖᓗᖕᒥᐅᑦ: 867-473-2600

ᕿᑎᖕᒥᐅᑦ: 867-983-4030