ᓴᕚᓇ ᐱᑯᔭᒃ ᐃᓕᓐᓂᐊᖅᑕᐅᔪᓄᑦ ᐃᑲᔫᑎ

ᐱᓕᕆᐊᖑᓯᒪᔪᑦ

ᓴᕚᓇ ᐱᑯᔭᒃ ᓴᙱᓚᐅᕐᑐᖅ, ᐃᓄᑦᑎᐊᕙᒻᒪᕆᐅᓪᓗᓂ, ᒪᒃᑯᒃᖢᓂ ᐃᓅᓪᓗᓂ ᐊᕐᓇᐅᓪᓗᓂ, ᐊᖏᕐᑕᐅᓚᐅᕐᑐᖅ ᓯᕗᓂᐊᓂ−ᐋᓐᓂᐊᖅᑕᐃᓕᒪᓂᖕᒧᑦ ᐃᓕᓐᓂᐊᒐᒃᓴᒥ ᐋᓪᖔᓐᑯᐃᓐ ᓯᓚᑦᑐᖅᓴᕐᕕᐊᓂ. ᓴᕚᓇ ᐃᖅᑲᓇᐃᔭᓚᐅᕐᑐᖅ ᐱᖓᓱᓄᑦ ᐊᐅᔭᕐᓄᑦ ᐊᐅᔭᒃᑯᑦ ᐃᓕᓐᓂᐊᕐᑎᐅᓪᓗᓂ ᐋᓐᓂᐊᕕᖕᒥᑦ ᓴᓂᕋᔭᖕᒥᑦ ᓯᕗᒧᐊᓚᐅᙱᓐᓂᖓᓂ ᐱᕚᓪᓕᕋᓱᒃᖢᓂᒋᓪᓗ ᐃᓕᓐᓂᐊᕐᑕᓂ ᐋᓐᓂᐊᓯᐅᑎᐅᓂᖕᒧᑦ.

ᐅᓇ ᐃᓕᓐᓂᐊᖅᑕᐅᔪᓄᑦ ᐃᑲᔫᑎ ᓴᖅᑭᑕᐅᓚᐅᕐᑐᖅ ᐅᐱᒋᔭᐅᓪᓗᓂ, ᐃᓕᓴᕆᔭᐅᖁᓪᓗᒋᑦ ᓄᓇᕗᒻᒥᑦ ᐃᓄᐃᑦ ᓯᕗᓂᐊᓂ−ᐋᓐᓂᐊᖅᑕᐃᓕᒪᓂᖕᒧᑦ ᐃᓕᓐᓂᐊᒐᒃᓴᒥ ᓄᓇᕗᒻᒥ ᓯᓚᑦᑐᖅᓴᕐᕕᐊᓂ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓴᕚᓇᒥ ᐳᐃᒍᖅᑕᐅᑦᑕᐃᓕᑎᑦᑎᖕᒪᑕ ᑐᓂᖅᑯᓯᐊᖃᕐᑎᑦᑎᓗᑎᒃ ᐊᕐᕌᒍᑕᒫᑦ $5,000−ᓂᑦ ᐃᓕᓐᓂᐊᕐᑕᐅᔪᓄᑦ ᐃᑲᔫᑎᒥ ᐊᑕᐅᓯᖕᒧᑦ ᐃᓕᓐᓂᐊᕐᑎᒧᑦ ᓴᖅᑭᔮᕐᑎᑦᑎᔪᑦ ᑭᓱᒧ ᑲᔪᖏᖅᑕᐅᓯᒪᓂᖏᓐᓂᑦ ᐃᓕᓐᓂᐊᕈᒪᓪᓗᑎᒃ ᐋᓐᓂᐊᓯᐅᑎᐅᓂᖕᒥᑦ.

ᑐᒃᓯᕋᐅᑎᓄᑦ ᐃᓱᓕᕝᕕᒃᓴᐅᑖ ᐅᑐᐱᕆ 14, 2022.

ᑐᒃᓯᕋᕐᑐᓕᒫᑦ ᕿᒥᕐᕈᔭᐅᓂᐊᕐᑐᑦ ᓂᕈᐊᕐᑎᐅᓂᐊᕐᑐᓄ ᓇᓗᓇᐃᕐᓯᓂᐊᕐᓗᑎᒃ ᑐᓂᔭᐅᓛᕐᑐᒥᑦ ᐆᒥᖓ ᐃᓕᓐᓂᐊᕐᑕᐅᓄᑦ ᐃᑲᔫᑎᒥᑦ.

ᒪᓕᒃᑕᐅᔪᒃᓴᑦ

ᑐᒃᓯᕋᕐᑐᑦ ᑎᑎᕋᕆᐊᓕᑦ 500−ᓂ ᐅᖃᐅᓯᓕᖕᓂᑦ ᑎᑎᖅᑲᒥ ᑎᑎᕋᕐᓯᒪᔪᑦ, ᓇᓗᓇᐃᔭᕐᓯᒪᓗᓂ, ᓇᑭᙶᕐᓂᖏᓐᓂᑦ, ᖃᓄᐃᒻᒪ ᓂᕈᐊᖕᒪᖔᖏ ᓯᕗᓂᐊᓂ−ᐋᓐᓂᐊᖅᑕᐃᓕᒪᓂᖕᒧᑦ ᐃᓕᓐᓂᐊᒐᒃᓴᒥᑦ, ᑭᓱᒧᓪᓗ ᑲᔪᖏᕐᑕᐅᓚᐅᕐᒪᖔᖏ ᐱᒋᐊᕐᓂᐊᕐᓗᑎᒃ ᐃᓕᓐᓂᐊᕐᓂᖅ ᐋᓐᓂᐊᓯᐅᑎᐅᓂᖕᒥᑦ. ᑎᑎᖅᑲᖅ ᑎᑎᕋᕐᓯᒪᔭᕆᐊᖃᕐᒥᔪᖅ, ᓇᓗᓇᐃᔭᕐᓯᒪᓗᓂ, ᖃᓄᖅ ᑐᒃᓯᕋᕐᑐᖅ ᐃᑲᔪᕈᓐᓇᖕᒪᖔᖏᑦ ᓯᕗᓂᒃᓴᒥ ᓄᓇᕗᒻᒥᐅᓄᑦ ᐃᓕᓐᓂᐊᕌᓂᒃᐸᑕ BScN ᐃᓕᓐᓂᐊᒐᒃᓴᒥᑦ.

• ᐅᓇ ᐃᓕᓐᓂᐊᕐᑕᐅᔪᓄᑦ ᐃᑲᔫᑎ ᐊᑐᐃᓐᓇᐅᔪᖅ ᓄᓇᕗᒻᒥᐅᑕᓄᑦ ᐃᓄᖕᓄᑐᐊᖅ ᓯᕗᓂᐊᓂ−ᐋᓐᓂᐊᖅᑕᐃᓕᒪᓂᖕᒧᑦ ᐃᓕᓐᓂᐊᕐᑐᓄ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᑦ.
• ᑎᑎᕋᖅᑕᐅᔪᖅ ᑖᓐᓇᓪᓚᑦᑖᖑᔭᕆᐊᓕᒃ ᐱᓕᕆᐊᖓᓂᑦ.
• ᑐᒃᓯᕋᕐᑐᖅ ᐱᔪᓐᓇᕐᑐᖅ ᐊᑕᐅᓯᐊᑐᐃᓐᓇᕐᓗᓂ ᐃᓕᓐᓂᐊᕐᑕᐅᔪᓄ ᐃᑲᔫᑎᒥᑦ.

ᖃᓄᖅ ᐱᓇᔪᒃᑐᖃᕈᓐᓇᖅᐸ?

• ᑕᑕᑎᕆᐊᓕᒃ ᑎᑎᕋᕐᑕᐃᓐᓇᕆᓗᒋᑦ (ᓇᕿᓪᓗᒍ ᒥᓇᕆᓂᐊᕐᓗᒍ).
• ᑎᑎᕌᓂᒃᓗᒍ 500-ᓂ ᐅᖃᐅᓯᓕᒃ ᑎᑎᕋᕆᐊᓕᒃ
• ᓇᓗᓇᐃᒃᑯᑕᒥ ᐊᑎᓕᐅᕐᑕᐅᓯᒪᓂᖕᒧᑦ ᓄᓇᕗᒻᒥ ᐊᖏᕈᑎᑎᒍᑦ
• ᑎᑎᕋᕆᐊᓕᓕᒫᒃ ᓇᒃᓯᐅᑎᓗᒋᑦ ᔫᐋᓐ ᐃᑦᓚᐅᑦᒧᑦ ᐅᑐᐱᕆ 14, 2022−ᕈᓚᐅᙱᓐᓂᖓᓂᑦ.

ᑐᒃᓯᕋᐅᑎᓄᑦ ᐃᓱᓕᕝᕕᑦᓴᖓ

• ᑐᒃᓯᕋᐅᑎᓄᑦ ᐃᓱᓕᕝᕕᒃᓴᐅᑖ ᐅᑐᐱᕆ 14, 2022.
• ᓂᕈᐊᖅᑕᐅᔪᖅ ᐃᓕᓴᕆᔭᐅᓛᖅᑐᖅ ᑐᓂᔭᐅᓕᕐᐸᑦ ᐃᓕᓐᓂᐊᕐᓂᖕᒧᑦ ᐃᑲᔫᑎᒥ ᓄᕕᐱᕆ 2022-ᒥᑦ.
• ᑕᑕᑎᕆᐊᓕᒃ ᐱᐊᓂᒃᓯᒪᑦᑎᐊᕐᓗᒋᑦ ᐃᕐᖐᓈᖅᑕᐅᑎᒃᑰᕐᑎᓪᓗᒍ ᐅᕗᖓ:
• ᔫᐋᓐ ᐃᑦᓚᐅᑦ, ᑐᑭᒧᐊᑦᑎᑦᑎᔨ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᕗᖓ JIdlout1@gov.nu.ca ᐊᑐᐃᓐᓇᐅᓂᐊᕐᑐᖅ ᑭᐅᔪᓐᓇᕐᓗᓂ ᐊᐱᖅᑯᑎᒃᓴᖃᖅᑐᖃᕐᓂᖅᐸᑦ ᑖᒃᓱᒧᖓ ᐃᓕᓐᓂᐊᕐᑕᐅᔪᓄᑦ ᐃᑲᔫᑎᓂ ᑐᒃᓯᕋᐅᑎᓂ.