ᖃᕆᓴᐅᔭᒃᑯᑦ ᐊᑐᖅᑕᐅᔪᓐᓇᖅᑐᑦ ᐱᓕᕆᔾᔪᑕᐅᓗᑎᒃ

ᑎᑎᕋᖅᑕᐅᓪᓗᑎᒃ ᑐᓴᐅᒪᑎᑦᑎᓂᐅᖃᑦᑕᖅᑐᑦ ᐃᓄᒃᑎᑑᖓᓪᓗᑎᒃ ᐊᓯᔾᔨᖅᐸᓪᓕᐊᕐᔪᐊᖅᓯᒪᓂᖃᖅᑐᒻᒪᕆᐊᓘᕗᑦ ᓯᕗᓪᓕᖅᐹᒥᒃ ᓇᕿᑦᑕᕐᓗᓂ ᑎᑎᕋᐅᑏᑦ ᐋᖅᑭᒃᓱᖅᑕᐅᓚᐅᖅᓯᒪᑎᓪᓗᒋᑦ 30 ᐊᕐᕌᒍᐃᑦ ᐊᓂᒍᖅᓯᒪᓕᖅᑐᓂ. ᐅᓪᓗᒥᐅᓕᖅᑐᖅ, ᐊᔪᕐᓇᕈᓐᓃᖅᑐᖅ ᐊᑐᕆᐊᒃᓴᖅ ᖃᓕᐅᔭᖅᐸᐃᑎᑑᖓᔪᓂᑦ (ᐃᓄᒃᑎᑑᖓᔪᓂᒃ) ᑕᒪᐃᓐᓂᑲᓴᒃ ᐊᑐᖅᑕᐅᒐᔪᖕᓂᖅᐹᓂ ᖃᕆᓴᐅᔭᒃᑯᑦ ᓴᓇᔪᓐᓴᐅᑎᓂ. ᓄᓇᕗᑦ ᒐᕙᒪᖓ ᓯᕗᓪᓕᖅᐸᐅᑦᑎᐅᑎᓯᒪᕗᖅ ᐋᖅᑭᒃᓱᐃᕙᓪᓕᐊᖏᓐᓇᖅᖢᓂᒃ ᓄᑖᓂᒃ ᓴᓇᔪᓐᓇᐅᑎᓂᒃ ᐃᑲᔪᕈᑕᐅᖃᑦᑕᕐᓂᐊᖅᑐᓂᒃ ᐃᓄᒃᑎᑐᑦ ᐅᖃᓪᓚᒍᓐᓇᖅᑐᓄᑦ ᓴᓇᔪᓐᓇᖁᓪᓗᒋᑦ ᐊᔪᕐᓇᙱᓐᓂᖅᓴᐅᔪᑎᒍᑦ ᓈᒻᒪᓈᕐᓗᒋᓪᓗ ᖃᕆᓴᐅᔭᒃᑯᑦ. ᑕᒪᓐᓇ ᐱᓕᕆᓂᕆᔭᐅᔪᖅ ᐊᑐᕈᓐᓇᖅᑐᒻᒪᕆᐊᓗᖕᓂᒃ ᑐᓂᓯᕙᓪᓕᐊᔾᔪᑕᐅᕗᖅ ᐋᖅᑭᒃᓯᔾᔪᑕᐅᕙᓪᓕᐊᓪᓗᑎᒃ ᐃᓄᒃᑎᑑᒥᒃ ᐱᓕᕆᔾᔪᑕᐅᓪᓗᓂ ᐅᖃᐅᓯᖅᑖᕆᔭᐅᓂᐊᖅᑎᓪᓗᒍ ᒐᕙᒪᒋᔭᐅᔪᒥᑦ.

 

ᔫᓂᑰᑦ ᑎᑎᕋᕈᓐᓇᐅᑏᑦ

ᔫᓂᑰᑦ ᓄᑖᖑᕗᖅ ᓄᓇᕐᔪᐊᓕᒫᒥ ᖃᕆᓴᐅᔭᒃᑯᑦ ᑭᒃᑯᑐᐃᓐᓇᓂᑦ ᐊᑐᖅᑕᐅᕙᒃᖢᓂ ᐃᑲᔪᖅᑐᕈᑕᐅᕙᒃᖢᓂ ᑕᒪᐃᓐᓄᑲᓴᑦᑎᐊᖅ ᐅᖃᐅᓯᕐᓄᑦ ᑎᑎᕋᕈᓐᓇᐅᑎᒋᔭᐅᔪᓄᓪᓗ ᐊᑐᖅᑕᐅᕙᒃᑐᓄᑦ ᐊᑐᖅᑕᐅᒐᔪᒃᐸᓕᖅᖢᓂᓗ ᓄᓇᕐᔪᐊᓕᒫᒥ ᐅᓪᓗᒥᐅᓕᖅᑐᖅ. ᓯᕗᓂᖓᓂ ᐊᑐᖅᑕᐅᓪᓗᐊᑕᖅᐸᓚᐅᖅᑐᖅ ᑭᒃᑯᑐᐃᓐᓇᓂᑦ, ᐊᑎᖃᖅᖢᓂ ASCII, ᐊᑐᕈᓐᓇᑐᐃᓐᓇᓚᐅᖅᓯᒪᔪᖅ ᐃᑲᔪᖅᑐᕈᑕᐅᑦᑎᐊᖅᖢᓂ ᖃᓪᓗᓈᑎᑐᑦ. ᑖᓐᓇ ASCII-ᖑᓂᕋᖅᑕᐅᔪᖅ ᐃᓄᒃᑎᑐᑦ ᑎᑎᕋᕈᓐᓇᐅᑎᑦ, ᓲᕐᓗ Prosyl, ᐊᓂᒍᖅᑎᑕᐅᓪᓗᓂ ᐱᓕᕆᐊᖑᕐᔪᐊᖅᑑᓚᐅᖅᓯᒪᔪᖅ ᐋᖅᑭᒃᓱᖅᑕᐅᓕᓵᖅᖢᓂ, ᖃᔅᓯᑲᓪᓚᐃᖅᓱᖅᖢᑎᒃ ᐊᑲᐅᙱᓕᐅᕈᑎᒋᔭᐅᖃᑦᑕᓚᐅᖅᑐᑦ ᐃᓄᒃᑎᑐᑦ ᐅᖃᓪᓚᒍᓐᓇᖅᑐᓄᑦ. ᐊᑐᖅᖢᓂ ᔫᓂᑰᑦ-ᖑᓂᕋᖅᑕᐅᔪᓂᒃ ᑎᑎᕋᕐᓂᖅ ᐃᓄᒃᑎᑐᑦ ᐊᑲᐅᓯᑎᑦᑎᒻᒪᕆᒃᓯᒪᕗᑦ ᐊᑲᐅᙱᓕᐅᕈᑎᓂᒡᓗ ᓴᖅᑭᑎᑦᑎᕙᒐᓂ ᓲᕐᓗ ᑎᑎᕋᖅᑐᑎᑐᑦ ᖃᓪᓗᓈᑎᑐᑦ. ᑕᒪᓐᓇ ᐱᔾᔪᑎᒋᓪᓗᒍ ᒐᕙᒪᒋᔭᐅᔪᖅ ᓄᓇᕗᒻᒧᑦ ᐱᔭᕆᐊᖃᖅᑎᑦᑎᕙᓕᖅᐳᖅ ᔫᓂᑰᑦ-ᒥᒃ ᑐᙵᕕᓕᖕᓂᒃ ᑎᑎᕋᕈᓐᓴᐅᑎᓂᒃ, ᐃᓚᒋᔭᐅᓪᓗᓂ ᐱᒋᐊᕐᓂᖅ, ᐃᓄᒃᑎᑐᑦ ᑐᓴᖅᑎᑦᑎᔭᕆᐊᖃᓕᕌᖓᒥᒃ.

ᓇᕿᑦᑕᕐᓗᑎᑦ ᑎᑎᕋᕐᓂᐊᕈᕕᑦ ᐱᒋᐊᕐᓂᖅ ᐊᑐᕐᓗᒍ, ᐊᓯᖏᓐᓂᒡᓘᓐᓃᑦ ᔫᓂᑰᑦ-ᒥᒃ ᐊᑐᖅᑐᓂᒃ ᐱᔭᕆᐊᖃᕋᔭᖅᐳᑎᑦ ᑖᒃᑯᓂᖓ ᑎᑎᕋᕈᓐᓇᐅᑎᓂᒃ ᓇᕿᑦᑕᕐᕕᖓᓂᒡᓗ ᓴᖅᑭᑎᑦᑎᔪᒪᒍᕕᑦ ᐃᓄᒃᑎᑑᖓᔪᓂᒃ ᑎᑎᕋᖅᓯᒪᔪᓂᒃ.

ᐅᓇ ᑕᕝᕙ ᖃᕆᓴᐅᔭᒃᑯᑦ ᐅᐸᒐᒃᓴᐅᔪᖅ ᓇᓗᓇᐃᖅᓯᔪᓐᓇᖅᑐᖅ ᖃᓄᖅ ᐊᑐᕋᔭᕆᐊᒃᓴᖅ ᑎᑎᕋᕈᓐᓇᐅᑎᓂᒃ ᓇᕿᑦᑕᕐᕕᖓᓂᒡᓗ:

ᐃᓕᐅᖅᑲᖅᑕᐅᓂᐊᖅᑎᓪᓗᒋᑦ ᒪᓕᒃᑕᐅᕙᓪᓕᐊᕙᒃᑐᑦ (PDF-ᒧᑦ ᓴᓇᓯᒪᔪᖅ) ᐱᒋᐊᕐᓂᖅ ᑎᑎᕋᕈᓐᓇᐅᑎ ᖃᕆᓴᐅᔭᒃᑯᑦ ᐱᔭᐅᕙᓪᓕᐊᔪᓐᓇᖅᑐᖅ ᓄᓇᕗᑦ ᒐᕙᒪᖓᑕ ᖃᕆᓴᐅᔭᒃᑯᑦ ᐅᐸᒃᑕᐅᕝᕕᒋᔪᓐᓇᖅᑕᖓᓂ ᐅᕙᓂ: ᐃᓄᒃᑎᑐᑦ ᑎᑎᕋᕈᓐᓇᐅᑏᑦ

 ᐃᓄᒃᑎᑐᑦ ᑎᑎᕋᕈᓐᓇᐅᑏᑦ 
 ᖃᓄᖅ ᐊᑐᕋᔭᕆᐊᒃᓴᖅ ᑎᑎᕋᕈᓐᓇᐅᑎᓂᒃ ᓇᕿᑦᑕᕐᕕᖓᓂᒡᓗ 

 

ᓄᓇᕗᑦ ᐊᑐᖅᑕᐅᔪᓐᓇᖅᑐᑦ

ᓄᓇᕗᑦ ᐊᑐᖅᑕᐅᔪᓐᓇᖅᑐᑦ ᓴᓇᔾᔪᑕᐅᕗᑦ Microsoft Office-ᒥᒃ ᐊᑎᖃᖅᖢᑎᒃ ᓴᓇᔾᔪᑕᐅᓪᓗᑎᒃ ᐱᓕᕆᓂᐊᕐᓗᓂ ᐃᓄᐃᑦ ᐅᖃᐅᓯᖓᑎᒍᑦ ᐊᔪᕐᓇᙱᓐᓂᖅᓴᐅᖁᓪᓗ. ᐅᑯᓂᖓ ᐃᓗᓕᖃᖅᐳᑦ: ᐃᓄᒃᑎᑐᑦ ᑎᑎᕋᕈᓐᓇᐅᑎᓂᒃ ᐊᓯᔾᔨᖅᓯᔪᓐᓇᕈᑎᒥᒃ ᐊᓯᔾᔨᖅᓯᔾᔪᑕᐅᖃᑦᑕᕐᓂᐊᖅᑐᒥᒃ ᔫᓂᑰᑦ ᐃᓄᒃᑎᑐᑦ ᑎᑎᕋᕈᓐᓇᐅᑎᓂᒃ ᐊᒻᒪᓗ ᓄᑕᐅᙱᓐᓂᖅᓴᓂᒃ ᐃᓄᒃᑎᑐᑦ ᑎᑎᕋᕈᓐᓴᐅᑎᓂᒃ; ᐊᓯᔾᔨᖅᓯᔾᔪᑎᒥᒃ ᐊᓯᔾᔨᖅᓯᓂᐊᕐᓗᓂ ᑎᑎᕋᖅᓯᒪᔪᓂᒃ ᖃᓕᐊᔮᖅᐸᐃᑎᑐᑦ ᖃᓂᐅᔮᖅᐸᐃᙳᖅᑎᓪᓗᒋᑦ, ᐃᒡᓗᖔᖓᓄᓪᓘᓐᓃᑦ. ᑎᑎᕋᕐᓂᐊᕐᓗᓂ ᒪᓕᒐᖏᑕ ᖃᐅᔨᓴᐅᑎᖏᓐᓂᒃ ᖃᓂᐅᔮᖅᐸᐃᑎᑐᑦ ᖃᓕᐅᔮᖅᐸᐃᑎᑐᓪᓗ ᖃᐅᔨᖃᑦᑕᖅᑐᓂᒃ ᐊᒥᓱᓂᒃ ᑕᒻᒪᖅᑕᖅᑕᐅᒐᔪᒃᑐᓂᒃ ᑎᑎᕋᖅᑐᖃᓕᕌᖓᒥ ᐃᓄᐃᑦ ᐅᖃᐅᓯᖓᓂᒃ.

ᑕᒪᕐᒥᑦᑎᐊᖅ ᑖᒃᑯᐊ ᒫᓐᓇ ᐊᑐᕈᓐᓇᖅᑐᑦ ᐅᑯᑎᒎᓇᖅ Microsoft Word-ᑯᑎᒍᑦ. Microsoft Excel-ᑰᕈᓐᓇᕋᔭᖅᑐᒥᒃ ᐋᖅᑭᒃᓱᐃᔪᖃᖅᐸᓪᓕᐊᖕᒥᔪᖅᑕᐅᖅ.

ᖃᕆᓴᐅᔭᒃᑯᑦ ᐅᑯᐊ ᐱᓗᒋᑦ:

ᓄᓇᕗᒻᒥ ᐊᑐᖅᑕᐅᔪᒃᓴᐃᑦ 
Keyboard Driver 
ᓄᓇᕗᒻᒥ ᐊᑐᖅᑕᐅᔪᒃᓴᐃᑦ 
ᐱᓕᕆᔾᔪᑎᓄᑦ ᒪᓕᒃᑕᐅᕙᔾᔨᐊᔪᒃᓴᐃᑦ 

ᐋᖅᑭᓪᓗᒍ ᐃᓄᑦᑎᑐᑦ ᓇᕿᑦᑕᐅᑎᓐᓂᑦ 

ᐃᓄᒃᑎᑑᕈᓐᓇᖅᓯᑎᓐᓂᐊᕐᓗᒍ ᒫᒃᐱᑦ (Mac) ᐃᒐᓚᐅᔭᖓᑎᒍᑦ, ᐅᑯᐊ ᒪᓕᒡᓗᒋᑦ: 

ᐃ. ᓇᕿᓪᓗᒍ ᐋᐳᙳᐊᖅ (the Apple icon)
ᐱ. ᓇᕿᓪᓗᒍ “ᓂᕈᐊᕆᔭᖅ ᖃᕆᑕᐅᔭᖅ” (“System Preferences”)
ᑎ. ᓇᕿᓪᓗᒍ “ᓇᕿᑦᑕᐅᑦ” (“Keyboard”)
ᑭ. ᓇᕿᓪᓗᒍ “ᐃᓯᖅᓯᕕᒃᓴᐃᑦ” (“Input Sources”)
ᒋ. ᓇᕿᓪᓗᒍ “+”
ᒥ. ᓇᕿᓪᓗᒍ “ᐃᓄᒃᑎᑐᑦ” (“Inuktitut”)
ᓂ.ᓇᕿᓪᓗᒍ “ᐃᓄᒃᑎᑐᑦ - QWERTY” (“Inuktitut – QWERTY”)
ᑕᑯᓂᐊᖅᐳᑎᑦ ᑲᓇᑕᐅᑉ ᐊᐅᓚᖁᑖᓂ ᖁᓛᓂ ᑕᓕᖅᐱᖕᒥᑦ ᐃᒐᓚᐅᔭᖅᐱᑦ;  ᓇᕿᓪᓗᒍ ᐊᓯᔾᔨᕈᓐᓇᖅᑕᐃᑦ ᐃᓄᒃᑎᑐᒧᑦ ᓇᕿᑦᑕᕈᓐᓇᖅᓯᒍᕕᑦ ᐃᓄᒃᑎᑐᑦ.

ᐃᓄᒃᑎᑑᕈᓐᓇᖅᓯᑎᓐᓂᐊᕐᓗᒍ ᖃᕆᑕᐃᔭᕕᑦ ᐃᒐᓚᐅᔭᖓᑎᒍᑦ ᐊᑐᕐᓗᑎᑦ ᐃᒐᓛᖑᔭᒥᑦ (Windows) 10, ᐅᑯᐊ ᒪᓕᒡᓗᒋᑦ:

ᐃ. ᓇᕿᓪᓗᒍ ᐱᒋᐊᕐᕕᖕᒥᑦ ᓱᔾᔪᑏᑦ (Start Menu).  
ᐱ. ᓇᕿᓪᓗᒍ “ᖃᕆᑕᐅᔭᐅᑉ ᐋᖅᑭᒃᓯᒪᐅᑎᖏᑦ  (“PC Settings”)
ᑎ. ᓇᕿᓪᓗᒍ “ᐃᑲᕐᕋᖓ ᐅᖃᐅᓯᖓᓗ (“Time & language”)
ᑭ.ᓇᕿᓪᓗᒍ “ᓇᒦᓐᓂᖏᓐᓄᑦ ᐅᖃᐅᓯᖓᓄᓪᓗ” (“Region & language”)
ᒋ.ᓇᕿᓪᓗᒍ “ᐃᓄᒃᑎᑐᑦ (“Inuktitut”)
ᒥ.ᓇᕿᓪᓗᒍ “ᖃᓄᖅᑑᕈᑎ” (“Options”)
ᓂ.ᓇᕿᓪᓗᒍ “ᓇᕿᑦᑕᐅᒻᒥᑦ ᐃᓚᓗᒍ” (“Add a keyboard”)
ᓯ.ᓇᕿᓪᓗᒍ “ᐃᓄᒃᑎᑐᑦ” (“Inuktitut”)

 ᐃᓄᒃᑎᑐᑦ ᓇᕿᑦᑕᐅᑎᓐᓄᑦ ᐊᑭᓐᓇᕐᒥᐅᑕᖅ

 

ᐃᓄᑦᑎᑐᑦ ᐅᖄᓚᐅᑎᕋᓛᒃᑯᑦ ᓇᕿᑦᑕᕈᓐᓇᕐᓗᑎᑦ (iphone) ᐅᕙᓗ (Android)

ᐃᓄᒃᑎᑐᑦ ᓇᕿᑦᑕᕈᓐᓇᕐᐲᑦ? ᐃᓕᖅᑯᓯᓕᕆᔨᒃᑯᑦ ᐱᕈᕐᕕᒃᑯᓪᓗ ᓴᕿᑎᑦᑎᓯᒪᔪᑦ ᐊᒥᓱᑲᓪᓚᓐᓂᑦ ᐃᑲᔪᕈᑎᑦᓂᑦ ᖃᕆᓴᐅᔭᒃᑯᑦ ᐱᔭᑦᓴᐃᑦ ᐃᓄᒃᑎᑐᑦ ᓇᕿᑦᑕᕈᓐᓇᕐᓂᕐᒧᑦ ᐃᑲᔪᕈᓐᓇᖅᑐᑦ!

ᐅᖄᓚᐅᑎᕋᓛᓄᑦ (iPhone) ᐊᒻᒪᓗ ᐅᖄᓚᐅᑎᕋᓛᒃᑲᓐᓃᑦ (Android smartphones) ᐊᑖᓂᑦ ᓇᓗᓇᐃᖅᓯᒪᔪᑦ ᒪᓕᓪᓗᒋᑦ:

ᐃ. ᑐᑦᓯᕋᕈᓐᓇᐅᑎᖓᓅᕐᓗᑎᑦ (app/play store).
ᐱ. ᕿᓂᕐᓗᒍ “ᐃᓄᒃᑎᑐᑦ”.
ᑎ. ᐱᓗᒍ ᐊᒻᒪᓗ ᐋᕿᓪᓗᒍ ᐃᓕᓗᒍ “ᐃᓄᒃᑐᑦ ᓇᕿᑦᑕᐅᑎᓄᑦ”.

ᐅᓇ ᑕᐅᑐᕋᓐᓈᕈᓐᓇᖅᑕᐃᑦ ᐱᕈᕐᕕᒃᑯᑦ ᑕᕆᔭᕋᑦᓴᖁᑎᖏᑦ ᑐᓴᕋᓐᓈᖅᑕᐅᔪᓐᓇᖅᑐᑦ ᐃᓕᕝᕕᒋᒃᑲᓐᓂᕈᓐᓇᖅᑕᐃᑦ ᖃᓄᖅ ᐱᔪᓐᓇᕐᒪᖔᖅᐱᐅᒃ ᐅᕙᓂ:     

ᐅᓇ ᑕᐅᑐᕋᓐᓈᕈᓐᓇᖅᑕᐃᑦ ᐱᕈᕐᕕᒃᑯᑦ ᑕᕆᔭᕋᑦᓴᖁᑎᖏᑦ ᑐᓴᕋᓐᓈᖅᑕᐅᔪᓐᓇᖅᑐᑯᑦ ᑕᕐᕆᔭᕐᓗᒍ ᓇᓗᓇᐃᔭᐃᓯᒪᑦᑎᐊᖅᑐᖅ ᐃᓕᕝᕕᒋᔪᓐᓇᖅᑕᐃᑦ:

ᓄᑖᖅ!

ᖃᐅᔨᒪᕕᑦ ᐃᓄᒃᑐᑦ ᑎᑎᕋᕈᓐᓇᕐᓂᕐᓂ ᐅᖃᓘᑎᕋᓛᑦ ᓇᕿᑦᑕᕐᓗᒍ? iOS−ᖃᕈᔅᓯ ᐅᕝᕙᓘᓐᓃᑦ Android−ᖃᕈᔅᓯ ᓇᕿᑦᑕᐅᑎᑦ ᐅᖃᓘᑎᕋᓛᕐᓄᐊᖅᑎᕐᓗᒋᑦ.

ᑐᑭᓯᒋᐊᑲᓂᕈᒻᒪᓂᕈᕕᑦ ᐅᓇ ᑕᑯᒋᐊᕈᒃ: https://news.microsoft.com/en-ca/2021/01/27/microsoft-introduces-inuktitut-to-microsoft-translator/

Microsoft-ᑯᑎᒍᑦ ᐃᓄᑎᑐᓕᐅᕈᑎ ᑕᑯᔪᒪᓐᓂᕈᕕᑉ ᐅᕗᖓᓗᑎ: www.bing.com/translator

ᓄᑖᖅ! ᖃᐅᔨᒪᔾᔪᑎᒃᓴᑦ ᑐᓴᐅᒪᖃᑎᒌᖕᓂᕐᒧᑦ ᐃᓄᒃᑐᑦ ᐃᖅᑲᓇᐃᔭᕐᕕᖕᒥ ᐊᒻᒪ ᐊᖏᕐᕋᖅᓯᒪᓗᓂ ᖃᕆᓴᐅᔭᒧᑦ ᑐᖅᑯᒐᒃᓴᐅᓪᓗᓂ ᐊᑐᕈᓐᓇᕐᓂᐊᕐᒪᑦ

ᖃᕆᓴᐅᔭᓄᑦ ᑐᑭᓕᐅᕆᔾᔪᑎ ᐱᓕᕆᔾᔪᑎᐅᔪᓇᖅᑐᖅ ᑎᒍᒥᐊᒐᐅᔪᓄᑦ ᖃᕆᓴᐅᔭᕋᓛᓕᖕᓄᑦ ᐃᑭᐊᖅᑭᕕᖕᒧᑦ ᐊᑦᑕᑕᕈᓐᓇᑐᐊᖅᐸᑕ ᓇᓕᐊᖕᓄᑐᐃᓐᓇᖅ ᐅᖃᐅᓯᕐᒧᑦ ᑐᑭᓕᐅᖁᔭᖓᓄᑦ ᑐᑭᓕᐅᕆᔪᓐᓇᖅᖢᓂ. ᖃᕆᓴᐅᔭᓄᑦ ᑐᑭᓕᐅᕆᔾᔪᑎ ᐊᑐᖅᑎᓄᑦ ᖃᐅᔨᒪᔭᐅᔭᕆᐊᓖᑦ ᒫᓐᓇ ᐋᖅᑭᒃᓯᒪᓕᖅᑐᖅ ᖃᓄᖅ ᐊᑐᖅᑕᐅᓗᓂ ᐱᕚᓪᓕᕈᑕᐅᔪᓐᓇᕐᒪᖔᖅ ᐊᔪᕆᖅᓲᔾᔨᓯᒪᔪᒥᒃ ᐃᑲᔫᑎᖃᖅᖢᓂ ᐃᓄᖕᓄᑦ ᖃᓄᖅ ᐊᑲᕐᕉᑕᐅᔪᓐᓇᕐᒪᖔᖅ ᐊᑑᑎᖃᕈᓐᓇᕐᒪᖔᕐᓗ.

ᖃᕆᓴᐅᔭᓄᑦ ᑐᑭᓕᐅᕆᔾᔪᑎ ᑭᒃᑯᑐᐃᓐᓇᕐᓄᑦ ᑐᓴᖃᑎᒌᖕᓂᕐᒧᑦ ᐊᒥᒐᖅᓯᓂᐅᔪᓂᒃ ᐊᑐᒐᐅᔪᓐᓇᖅᑐᖅ ᖃᐅᑕᒫᖅ ᑐᑭᓯᖃᑎᒌᒍᑕᐅᓗᓂ ᐃᓄᑐᐃᓐᓇᕐᓄᑦ, ᐃᖅᑲᓇᐃᔮᒧᑦ ᐃᓅᑐᐃᓐᓇᕐᓂᕐᒧᓪᓗ ᐃᑲᔪᕈᓐᓇᖅᖢᓂ. ᖃᕆᓴᐅᔭᓂᒃ ᑎᒍᒥᐊᒐᓂᒡᓘᓃᑦ ᐊᑐᖅᐸᒃᑐᑦ ᐊᑲᕐᕆᔮᕈᓐᓇᕐᓂᖅᓴᐅᓂᐊᓕᖅᑐᑦ ᐃᕐᖐᓈᖅᑕᐅᑦ ᐊᑐᕐᓗᒍ ᑎᑎᕋᕈᓐᓇᖅᖢᑎᒃ ᐱᖃᓐᓇᕆᔭᒥᓄᑦ, ᐃᑭᐊᖅᑭᕕᖕᒥᒃ ᕿᒥᕐᕈᓇᕐᓂᕐᒧᑦ ᕿᓂᖅᓴᕐᓂᕐᒧᓪᓘᓃᑦ, ᐊᒻᒪ ᑎᑎᖅᑲᓕᐅᕈᓐᓇᖅᖢᑎᒃ ᐃᓄᒃᑑᕐᓗᑎᒃ, ᖃᓕᐅᔮᖅᐸᐃᑎᑐᑦ, ᐊᒻᒪ ᐃᓄᐃᓐᓇᖅᑐᓐ. ᑖᓐᓇ ᐱᓕᕆᔾᔪᑎᑖᖑᔪᖅ ᑭᓱᓕᕆᓂᕐᒧᑦ ᖃᓄᑐᐃᓐᓇᖅ ᐊᑐᖅᑕᐅᔪᓐᓇᖃᑦᑕᕐᓂᐊᖅᑐᖅ − ᐱᔨᑦᑎᖅᑕᐅᓂᕐᒧᑦ ᐊᑲᐅᓂᖅᓴᒃᑯᑦ ᑐᑭᓯᖃᑎᒌᒡᓗᓂ, ᓄᓇᓕᖕᒥᐅᖃᑎᓄᑦ ᑐᓴᐅᒪᖃᑎᒌᒍᑕᐅᔪᓐᓇᖅᖢᓂ ᑎᑭᓯᒪᓚᐅᑲᒃᑐᓄᓪᓗ, ᐃᖅᑲᓇᐃᔭᖅᑐᓄᑦ ᑐᑭᓕᐅᕆᔾᔪᑕᐅᔪᓐᓇᖅᖢᓂ, ᐊᒻᒪ ᑐᓴᖃᑎᒌᒍᑕᐅᔪᓐᓇᖅᖢᓂ ᐱᔨᑦᑎᕋᖅᑕᐅᕙᒃᑐᓄᑦ ᐅᕝᕙᓘᓃᑦ ᐋᓐᓂᐊᕕᓕᐊᖅᓯᒪᔪᓄᑦ.

 

ᐊᔪᕆᖅᓲᔾᔨᔪᖅ ᖃᓅᔭᕆᐊᖃᕐᒪᖔᖅ ᑐᖅᑯᕐᓗᒍ ᖃᕆᓴᐅᔭᕐᓄᑦ ᑎᒍᒥᐊᒐᕐᓄᓪᓘᓐᓃᑦ ᖃᐅᔨᒪᓕᕐᓂᐊᕋᕕᑦ ᖃᓄᖅ ᖃᕆᓴᐅᔭᓄᑦ ᑐᑭᓕᐅᕆᔾᔪᑎᐅᔪᖅ ᐊᑐᕈᓐᓇᖅᓯᓗᒍ ᖃᐅᑕᒫᑦ ᐃᓅᓯᕐᓂ.

ᒪᓕᒐᒃᓴᑦ ᖃᕆᓴᐅᔭᓄᑦ ᑐᑭᓕᐅᕆᔾᔪᑎ ᐱᓕᕆᔾᔪᑎᐅᔪᓇᖅᑐᖅ ᐃᓄᒃᑐᑦ

ᖃᐅᔨᒋᐊᕐᕕᐅᔪᓐᓇᖅᑐᑦ

ᐊᑐᐊᒐᕐᓄᑦ ᐸᕐᓇᐅᑎᓄᓪᓗ
ᓗᐃᔅ ᕙᑭᓇᕐ ᒪᑲᐃ
ᐊᑐᐊᒐᕐᓄᑦ ᐸᕐᓇᐅᑎᓄᓪᓗ ᐊᐅᓚᑦᓯᔨ
ᐅᖄᓚᐅᑎᖓ: (867) 975-5518
ᖃᕋᓴᐅᔭᒃᑯᑦ ᑐᕌᕈᑎᖓ: LFMAcKAy@gov.nu.ca ᐅᕙᓗᓃ

ᐃᓕᓴᐱ ᐊᓚᒃᑲᕆᐊᓪᓚᒃ - ᕌᐳᑦᔅ
ᑐᓴᒐᑦᓴᓕᕆᔨ
ᐊᑐᐊᒐᕐᓄᑦ ᐸᕐᓇᐅᑎᓄᓪᓗ
867-975-5543 nbsp;         
EARoberts@gov.nu.ca