ᑭᒡᓕᓯᓂᐊᖅᑎᒃᑯᑦ ᒥᒃᓵᓄᑦ

ᑭᒡᓕᓯᓂᐊᖅᑎᒃᑯᑦ ᒥᒃᓵᓄᑦ

ᓄᓇᕗᒻᒥ ᑭᒡᓕᓯᓂᐊᕐᕕᒃ ᓄᓇᕗᒻᒥ ᒐᕙᒪᒃᑯᑦ ᑐᑦᑕᕐᕕᓪᓗᐊᑕᕆᕚ ᑖᓐᓇ ᑐᑦᑕᕐᕕᐅᔪᖅ ᑭᒡᓕᓯᓂᐊᕐᓂᕐᒧᑦ. ᑲᑎᖅᓱᐃᓲᑦ, ᖃᐅᔨᓴᓲᑦ ᐊᒻᒪᓗ ᑐᓐᓂᖅᓴᐃᕙᒃᖢᑎᒃ ᑭᒡᓕᓯᓂᐊᕈᑕᐅᔪᓂᒃ ᓄᓇᕗᒻᒧᑦ ᓄᓇᕗᒥᐅᓄᑦ ᐊᒻᒪᓗ ᑲᓇᑕᓕᒫᒧᑦ. ᑎᑎᖅᑲᓂᒃ ᐱᑕᖃᓕᓲᖑᖕᒪᑦ ᐃᑲᔫᑎᓂᒃ ᒐᕙᒪᒃᑯᑦ ᐃᓱᒪᓕᐅᕆᐊᖃᖅᑎᓪᓗᒋᑦ, ᐸᕐᓇᐃᑎᓪᓗᒋᑦ, ᓴᖅᑭᑦᑎᓇᓱᒃᑎᓪᓗᒋᑦ ᐊᒻᒪᓗ ᖃᐅᔨᓴᕐᓂᕐᒧᑦ, ᐊᒻᒪᓗᑦᑕᐅᖅ ᖃᐅᔨᒪᔭᐅᔭᕆᐊᓖᑦ ᐱᑕᖃᖁᓪᓗᒋᑦ ᐃᓄᖕᓄᑦ ᑭᒃᑯᒥᐊᓄᑦ.

ᑭᒡᓕᓯᓂᐊᕐᕕᒃ ᐊᐅᓚᑦᑎᓲᖑᖕᒥᔪᖅ ᐊᒻᒪᓗ ᖃᐅᔨᓴᓲᖑᓪᓗᑎᒃ ᓄᓇᕗᒻᒧᑦ ᐱᓕᕆᖃᑎᖃᖅᖢᑎᒃ ᑭᒡᓕᓯᓂᐊᖅᑎᒃᑯᓐᓂᒃ ᑲᓇᑕᒥ.

ᓄᓇᕗᒻᒥ ᑭᒡᓕᓯᓂᐊᖅᑏᑦ ᐃᒪᐃᓕᐅᕐᓂᐊᖅᐳᑦ:

ᓴᖅᑭᑦᑎᓗᑎᒃ ᓇᓛᒎᖅᑐᓂᒃ ᐊᒻᒪᓗ ᓈᒪᒃᑐᓂᒃ ᑭᒡᓕᓯᓂᐊᕐᓂᕐᒧᑦ ᑎᑎᖅᑲᓂᑦ ᓄᓇᕗᒻᒨᖓᔪᓂᒃ;
ᑕᑎᒋᔭᐅᔪᓐᓇᕐᓗᑎᒃ, ᓱᓕᓗᑎᒃ ᐊᒻᒪᓗ ᐱᔪᓐᓇᖅᑎᑦᑎᕙᒡᓗᑎᒃ ᖃᐅᔨᔭᐅᔪᒪᔪᓂᒃ;
ᐱᑐᐃᓐᓇᙳᖅᑎᑦᑎᕙᒃᖢᑎᒃ ᓈᒻᒪᓈᖅᑐᒃᑯᑦ ᖃᔅᓯᐅᓕᕐᓂᐅᔪᓂᒃ ᑎᑎᕋᖅᓯᒪᓪᓗᑎᒃ, ᑮᓇᐅᔾᔭᒃᓴᕋᓱᖕᓂᕐᒧᑦ ᐊᒻᒪᓗ ᐃᓄᐃᑦ ᖃᔅᓯᐅᓕᕐᓂᖏᓐᓄᑦ ᖃᐅᔨᒪᔭᐅᔭᕆᐊᓕᖕᓂᒃ;
ᐃᑲᔪᖅᖢᑎᒃ ᓄᓇᕗᒻᒥ ᒐᕙᒪᒃᑯᓐᓂᒃ, ᐊᓯᖏᓐᓂᒃ ᒐᕙᒪᐅᔪᓂᒃ, ᓇᖕᒥᓂᓕᖕᓂᒃ, ᑐᓴᐅᒪᔾᔪᑎᓕᕆᔨᓂᒃ ᐊᒻᒪᓗ ᑭᒃᑯᑐᐃᓐᓇᕐᓂᒃ ᖃᐅᔨᓇᓱᖕᓂᕐᒧᑦ, ᑐᑭᓯᓂᕐᒧᑦ ᐊᒻᒪᓗ ᐊᑐᕐᓂᕐᒧᑦ ᑭᒡᓕᓯᓂᐊᕐᓂᕐᒧᑦ ᖃᐅᔨᒪᔭᐅᔭᕆᐊᓕᖕᓂᒃ;
ᐅᓂᒃᑳᓕᐅᖅᐸᒃᖢᑎᒃ ᓄᓇᕗᒻᒨᖓᔪᓂᒃ ᖃᐅᔨᒪᔭᐅᔭᕆᐊᓕᖕᓂᒃ ᓲᕐᓗ ᐃᓄᖕᓂᑦ ᑐᓴᕈᒥᒋᔭᐅᔪᓂᒃ ᑮᓇᐅᔾᔭᒃᓴᕋᓱᖕᓂᕐᒧᑦ, ᐋᓂᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᖃᔅᓯᐅᓕᕐᓂᐅᔪᓄᑦ ᐋᖅᑭᒃᓱᐃᓪᓗᑎᒃ ᒫᓇᓕᓴᐅᓂᖅᐹᓂᒃ ᐃᑭᐊᖅᑭᕕᖕᒥᒃ ᑖᑯᓇᙵᑦ ᑭᒡᓕᓯᓂᐊᖅᑎᒃᑯᓐᓂᑦ ᐱᓪᓗᐊᑕᐅᔪᑦ ᐱᑎᑦᑎᔪᓐᓇᕐᓂᕐᒧᑦ ᑲᓇᑕᓕᒫᒧᑦ, ᐊᕕᒃᓯᒪᓂᐅᔪᓄᑦ ᐊᒻᒪᓗ ᓄᓇᕗᒻᒧᑦ ᑭᒡᓕᓯᓂᐊᕐᓂᕐᒧᑦ ᖃᐅᔨᒪᔭᐅᔭᕆᐊᓕᖕᓂᒃ.

ᓄᓇᕗᒻᒥ ᓱᓕᔪᑦ

ᓄᓇᕗᒻᒥ ᐃᓄᐃᑦ ᐅᓄᕐᓂᖏᑦ (ᐃᐳᓗ 1, 2018) 38,456

ᐃᖃᓗᖕᓂ CPI-ᒧᑦ ᐊᓯᔾᔨᖅᑐᖅ (ᒪᐃ  2018/ᒪᐃ  2017) %2.6

ᓄᓇᕗᒻᒥ ᐃᖅᑲᓇᐃᔭᖅᑏᑦ ᑎᑎᕋᖅᓯᒪᔪᑦ  
            (ᑕᖅᑭᓄᑦ ᐱᖓᓱᓄᑦ ᐃᒪᐃᒐᔪᒃᑐᑦ ᐃᓱᓕᒃ  (ᔪᓂ  2018)
            ᐃᖅᑲᓇᐃᔭᕈᓐᓇᕐᓂᕐᒧᑦ 15,500

                      ᐃᖅᑲᓇᐃᔮᓖᑦ 13,300
                                ᐃᖅᑲᓇᐃᔮᓖᑦ ᖃᔅᓯᐅᓂᖏᑦ % 53.7

                      ᐃᖅᑲᓇᐃᔮᖃᙱᑦᑐᑦ 2,200

                                ᐃᖅᑲᓇᐃᔮᖃᙱᑦᑐᑦ ᖃᔅᓯᐅᓂᖏᑦ % 14.1
ᓱᓕᔪᖅ GDP 2016-ᒥ ᐱᕈᕐᓂᕐᒧᑦ ᖃᔅᓯᐅᓂᖏᑦ % 1.9

* ᓄᓇᕗᒻᒥ ᑭᒡᓕᓯᓂᐊᖅᑏᑦ ᐱᓕᕆᐊᒃᓴᖃᓪᓚᕆᖕᒪᑕ