ᐊᖏᖃᑎᒌᖕᓂᒃᑯᑦ ᐊᐅᓚᓂᖃᖅᑐᖅ ᒐᕙᒪᖓᑦ ᓄᓇᕗᒥ

ᓇᓗᓇᐃᖅᓯᔾᔪᑎᑦ ᑎᑎᖅᑲᑦ

ᐊᖏᖃᑎᒌᖕᓂᒃᑯᑦ ᐊᐅᓚᓂᖃᖅᑐᖅ ᒐᕙᒪᖓᑦ ᓄᓇᕗᒥ

ᒪᓕᒐᓕᐅᖅᑎᑦ ᑲᑎᒪᔨᖏᑦ ᓄᓇᕗᒥ ᐃᓚᒋᔭᐅᕗᑦ ᒪᕐᕈᐃᓐᓈᖕᓂᑦ ᑲᓇᑕᐅᑉ, ᑲᓇᑕᐅᑉ ᐊᒡᒍᖅᑐᖅᓯᒪᓂᖏᓐᓂᑦ ᐅᕝᕙᓗ ᐅᑭᐅᖅᑕᖅᑐᕐᒥᐅᑦ ᒪᓕᒐᓕᐅᕐᕕᖏᓐᓂᑦ ᐊᑐᖅᑐᓂᒃ ᐊᖏᖃᑎᒌᖕᓂᒃᑯᑦ ᒐᕙᒪᖃᕐᓂᕐᒥᒃ ᐊᒡᒍᖅᑐᖅᓯᒪᓂᒃᑰᖏᑦᑐᖅ.

ᓄᓇᕗᒥ, ᐃᓘᓐᓇᖏᑦ ᒪᓕᒐᓕᐅᖅᑎᑦ ᑲᑎᒪᔨᖏᑦ ᓂᕈᐊᖅᑕᐅᖃᑦᑕᖅᑐᑦ ᐃᒻᒥᒃᑰᕐᖢᑎᒃ ᓂᕈᐊᒐᒃᓴᐅᓪᓗᑎᒃ ᓂᕈᐊᖅᑕᐅᒪᕕᖕᒥ. ᐊᖏᖃᑎᒌᖕᓂᒃᑯᑦ ᐊᐅᓚᓂᖃᖅᑐᑦ ᐃᓱᒪᒋᔭᐅᕗᑦ ᒪᓕᒃᓯᒪᓂᖅᓴᐅᓂᖏᓐᓂᒃ ᐃᓄᐃᑦ ᐃᓕᖅᑯᓯᑐᖃᖏᑎᒍᑦ ᐃᓱᒪᓕᐅᕈᑕᐅᕙᓚᐅᖅᑐᓂᒃ. ᑭᓯᐊᓂᓕ, ᐃᓘᓐᓇᖏᑦ ᐊᖏᖅᑐᐃᓐᓇᐅᒋᐊᑐᖏᑦᑐᑦ ᐃᓱᒪᓕᐅᕐᓂᐊᖅᑎᓪᓗᒋᑦ, ᐱᖁᔨᕗᖔᕈᑎᑦ ᐊᓂᒍᖅᑎᑕᐅᑎᓪᓗᒋᓪᓗ ᐅᕝᕙᓗ ᐱᖁᔭᑦ ᐱᓐᖑᖅᑎᑕᐅᑎᓪᓗᒋᑦ ᒪᓕᒐᓕᐅᕐᕕᖕᒥ. ᐅᓄᖅᑐᓂᒃ ᐱᔾᔪᑎᖃᕐᖢᑎᒃ, ᐅᓄᕐᓂᖅᓴᐅᔪᓄᑦ ᐃᑲᔪᖅᑐᐃᓗᑎᒃ ᓂᕈᐊᕆᐊᖃᖅᑐᑦ ᓵᓚᒃᓴᕐᓂᐊᖅᑎᓪᓗᒋᑦ. ᑕᐃᒪᐃᒻᒥᖕᒪᑕ ᑲᓇᑕᐅᑉ ᐊᒡᒍᖅᑐᖅᓯᒪᓂᐊᓂ ᒐᕙᒪᐅᔪᑦ, ᒪᓕᒐᓕᐅᖅᑎᑦ ᑲᑎᒪᔨᖏᑦ ᓇᖕᒥᓂᓕᖅ ᑲᑎᒪᓂᕐᒧᑦ ᐊᐅᓚᑦᑎᖃᑦᑕᖅᑐᑦ ᐊᑐᕐᖢᑎᒃ ᒪᓕᒐᖏᓐᓂᒃ ᒪᓕᒐᓕᐅᖅᑎᑦ ᑲᑎᒪᔨᖏᑕ.

ᑕᐃᒪ ᓂᕈᐊᕐᔪᐊᓚᐅᖅᑎᓪᓗᒋᑦ, ᒪᓕᒐᓕᐅᖅᑎᑦ ᑲᑎᒪᑎᑕᐅᖃᑦᑕᖅᑐᑦ ᑕᐃᔭᐅᔪᒥᒃ "ᓄᓇᕗᒥ ᓯᕗᓕᖅᑎᑦ ᑲᑎᒪᓂᖓᓐᓂᒃ" ᓂᕈᐊᕐᓂᐊᖅᑎᓪᓗᒋᑦ ᐅᖃᖅᑎᒥᒃ, ᓯᕗᓕᖅᑎᒃᓴᒥᒃ ᐊᒻᒪ ᒥᓂᔅᑕᐅᓂᐊᖅᑐᓂᒃ ᑲᓐᖑᓇᖅᑐᒃᑯᑦ ᓂᕈᐊᖅᑕᐅᓪᓗᑎᒃ. ᑕᐃᒪᓐᓇ ᒪᑐᐃᖓᖃᑦᑕᖅᑐᖅ ᑲᑎᒪᓂᖓᑦ ᑕᖅᑲᒃᑯᐊ ᑕᑯᓐᓇᕆᐊᖅᑐᖅᓯᒪᔪᓐᓇᕐᖢᑎᒃ. ᓂᕈᐊᖅᑕᐅᔪᑦ ᐃᓕᔭᐅᖃᑦᑕᖅᐳᑦ ᐱᖁᔨᕗᖔᕈᑎᒃᑯᑦ ᓯᕗᓪᓕᖅᐹᒥ ᑲᑎᒪᕐᔪᐊᖅᑎᓪᓗᒋᑦ ᒪᓕᒐᓕᐅᖅᑎᑦ ᑲᑎᒪᔨᖏᑦ. ᑲᒥᓴᓇ, ᐊᑐᕐᖢᓂ ᐊᑐᓕᖁᔭᓕᐊᖏᓐᓂᒃ ᒪᓕᒐᓕᐅᖅᑎᑦ ᑲᑎᒪᔨᖏᑕ, ᑎᒃᑯᐊᖅᓯᖃᑦᑕᖅᑐᖅ ᓯᕗᓕᖅᑎᒥᒃ ᐊᒻᒪ ᒥᓂᔅᑕᐅᓂᐊᖅᑐᓂᒃ.

ᐋᖅᑭᒡᓯᒪᔪᖃᖏᑦᑐᖅ ᖃᑦᓯᐅᒐᔭᕐᒪᖔᑕ ᒥᓂᔅᑕᐃᑦ ᑲᑎᒪᔨᖏᑦ. ᑭᓯᐊᓂᓕ, ᓯᕗᒧᐊᑦᑎᐊᖁᓪᓗᒋᑦ ᑭᐅᔪᓐᓇᕐᓂᖏᑦ ᐊᐅᓚᑦᑎᔨᑦ ᑲᑎᒪᔨᖁᑎᖏᑦ ᒪᓕᒐᓕᐅᖅᑎᑦ, ᑲᒥᓴᓇ ᓄᓇᕗᒥ ᑎᒃᑯᐊᖅᓯᔭᕆᐊᖃᖏᑦᑐᖅ ᐅᓄᕐᓂᖅᓴᐅᔪᓂᒃ ᒪᓕᒐᓕᐅᖅᑎᓂᒃ ᒥᓂᔅᑕᐃᑦ ᑲᑎᒪᔨᖏᓐᓄᑦ. ᓯᕗᓕᖅᑎ ᐃᓱᒪᖅᓱᕈᓐᓇᕐᓂᖃᖅᐳᖅ ᑐᓂᓯᓂᕐᒥᒃ ᒥᓂᔅᑕᐅᕝᕕᒋᐅᓂᐊᖅᑐᒥᒃ ᐊᒻᒪᓗ ᐲᖅᓯᓂᓕᕐᒥᒃ ᒥᓂᔅᑕᐅᔪᓂᒃ. ᑭᓯᐊᓂᓕ, ᐱᖁᔨᖔᖅᑎᒎᕆᐊᖃᖅᑐᑦ ᒪᓕᒐᓕᐅᖅᑎᑦ ᑲᑎᒪᔨᖏᑦ ᐲᖅᓯᓂᐊᕈᑎᒃ ᐃᓚᒋᔭᐅᔪᒥᒃ ᐊᐅᓚᑦᓯᔨᑦ ᑲᑎᒪᔨᖏᓐᓄᑦ.

ᐊᖏᖃᑎᒌᖕᓂᒃᑯᑦ ᐊᐅᓚᓂᖃᖅᑐᖅ ᓄᓇᕗᑦ ᒐᕙᒪᒃᑯᖏᑦ 

ᐊᑕᐅᓯᕐᒥᒃ ᑐᑭᒥᒃ ᓇᓗᓇᐃᖅᓯᒪᔪᖃᖏᒻᒪᑦ "ᐊᖏᖃᑎᒌᖕᓂᒃᑯᑦ ᒐᕙᒪᖃᕐᓂᕐᒧᑦ" ᓄᓇᕗᑦ ᐃᓗᐊᓂ. ᑭᓯᐊᓂᓕ, ᐅᓄᖅᑐᑦ ᐃᓗᓕᕆᔭᖏᑦ ᓄᓇᕗᑦ ᐊᔾᔨᔾᒌᖏᔾᔪᑎᖃᖅᐳᑦ ᑲᓇᑕᐅᑉ ᓄᓇᖁᑎᖏᓐᓂᑦ ᐊᒡᒍᖅᑐᖅᓯᒪᔪᓂᑦ ᑕᑯᒃᓴᐅᓪᓗᑎᒃ ᐊᒻᒪ ᐊᒃᑐᐊᓂᖅᓴᐅᓪᓗᑎᒃ ᒐᕙᒪᓕᕆᓂᐅᑉ ᐊᐅᓚᑕᐅᓂᕆᕙᒃᑕᖓᓄᑦ ᐊᒻᒪ ᐃᓱᒪᓕᐅᕈᓯᐅᕙᒃᑐᓄᑦ, ᑎᑎᕋᖅᓯᒪᓂᖏᓐᓅᖏᑦᑐᖅ ᐱᖁᔭᕐᔪᐊᑦ ᐅᕝᕙᓗ ᐊᑐᐊᒐᐃᑦ.

ᐃᓚᖏᑦ ᓇᓗᓇᐃᖅᓯᔾᔪᑎᑦ ᑕᑯᒃᓴᐅᔪᑦ ᓄᓇᕗᒥ ᐊᖏᖃᑎᒌᖕᓂᒃᑯᑦ ᐊᐅᓚᓂᖃᖅᑎᓪᓗᒍ ᒐᕙᒪᒃᑯᑦ ᐅᑯᐊᖑᕗᑦ:

• ᒪᓕᒐᓕᐅᖅᑎᑦ ᓂᕈᐊᖅᑕᐅᓯᒪᕗᑦ ᐃᒻᒥᒃᑰᕐᖢᑎᒃ, ᐃᓚᒋᔭᐅᓇᑎᒃ ᒐᕙᒪᓕᕆᓂᕐᒧᑦ ᐊᒡᒍᖅᑐᖅᓯᒪᓂᕐᒥᒃ ᓂᕈᐊᖅᑕᐅᔾᔪᑎᒃᓴᒧᑦ ᑐᓐᖓᕕᖃᕐᖢᑎᒃ ᑎᑎᕋᖅᓯᒪᔪᑎᒍᑦ;
• ᒥᓂᔅᑕᐃᑦ ᓂᕈᐅᒡᕕᐅᒐᓗᐊᖅᑎᓪᓗᒋᑦ ᑲᑐᔾᔨᓗᑎᒃ ᓂᕈᐊᕋᔭᕐᓂᖏᓐᓂᒃ ᒪᓕᒐᓕᐅᕐᕕᖕᒥ ᐱᓕᕆᔭᐅᔪᒥᒃ, ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᑦ ᓂᕈᐊᕈᓐᓇᖅᑐᑦ ᐃᓱᒪᖅᓱᕐᓗᑎᒃ ᐱᔪᒪᔭᒥᖕᓂᒃ ᓯᕘᕋᖏᓪᓗᑎᒃ ᐃᓂᖅᑎᖅᑕᐅᓂᐊᕐᓂᖏᓐᓂᒃ ᐅᕝᕙᓗ ᓱᒋᐊᖅᑕᐅᓂᐊᕐᓂᖏᓐᓂᒃ. ᑭᓯᐊᓂᓕ, ᑎᑎᖅᑲᑎᒍᑦ ᐃᓂᖅᑎᖅᑕᐅᓂᐊᖅᐸᑕ ᒪᓕᒐᓕᐅᖅᑎᑐᐃᓐᓇᐃᑦ ᐊᑐᕈᓐᓇᖅᑐᑦ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᓐᓂᒃ (RMC);
• ᒪᓕᒐᓕᐅᖅᑎᑐᐃᓐᓇᐃᑦ ᐅᓄᕐᓂᓯᓴᐅᓪᓗᑎᒃ ᐃᓯᒃᕙᐅᑕᖃᖅᐳᑦ ᒪᓕᒐᓕᐅᖅᑎᑦ ᑲᑎᒪᔨᖏᓐᓂ. ᐊᔾᔨᒋᓇᓂᒋᑦ ᐊᒡᒍᖅᑐᖅᓯᒪᓪᓗᑎᒃ ᒐᕙᒪᓕᕆᓂᒃᑯᑦ ᑕᐱᕇᖃᑦᑕᖅᑐᑦ ᐱᐅᓯᖏᓐᓂᒃ ᑲᓇᑕᒥ ᐱᖁᔭᓕᐅᕐᕕᐅᔪᓂ, "ᒐᕙᒪᒃᑯᑦ ᓯᕗᓕᖅᑎᖏᑕ ᑐᓄᖓᓐᓂ ᐃᒃᓯᕚᖅᑐᖃᖅᐸᖏᑦᑐᖅ" ᑕᐃᒃᑯᐊ ᓂᕈᐅᒡᕕᐅᕙᖕᒪᑕ ᓂᕈᐊᕐᓂᐊᕐᓂᖏᓐᓂᒃ ᒪᓕᒡᑕᐅᓗᑎᒃ ᒥᓂᔅᑕᐃᑦ ᑲᑎᒪᔨᖏᑦ;
• ᐊᔾᔨᒋᔭᐅᓇᑎᒃ ᑲᓇᑕᒥ ᐱᖁᔭᓕᐅᕐᕕᐅᔪᓄᑦ ᑭᓯᐊᓂ ᐊᔾᔨᖃᖅᑐᑦ ᓄᓇᑦᑎᐊᕐᒥᐅᓂᒃ, ᓯᕗᓕᖅᑎ ᐊᒻᒪ ᒥᓂᔅᑕᐃᑦ ᑲᑎᒪᔨᖏᑦ ᓂᕈᐊᖅᑕᐅᖃᑦᑕᕐᖢᑎᒃ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ. ᓯᕗᓕᖅᑎ ᐱᔪᓐᓇᕐᓂᖃᖅᐳᖅ ᑎᒃᑯᐊᖅᓯᓂᕐᒥᒃ ᒥᓂᔅᑕᐅᕝᕕᒋᓂᐊᖅᑕᖏᓐᓄᑦ ᒥᓂᔅᑕᐅᔪᑦ, ᐊᒻᒪ ᑎᒃᑯᐊᖅᓯᖃᑦᑕᕆᓪᓗᓂ ᑐᖏᓕᕆᓂᐊᖅᑕᖓᓂᒃ ᓯᕗᓕᖅᑎᐅᑉ. ᓯᕗᓕᖅᑎ ᐊᒻᒪᓗ ᒥᓂᔅᑕᐅᔪᑦ ᐃᓂᒋᔭᒥᖕᓂᒃ ᑎᒍᒥᐊᖅᓯᖃᑦᑕᖅᐳᖅ ᐃᓱᒪᖅᓱᕈᑕᐅᓪᓗᑎᒃ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ;
• ᐱᖅᑯᓯᖃᕐᒪᑕ ᓯᕗᓕᖅᑎᑦ ᑲᑎᒪᔨᖏᓐᓂᒃ ᐱᓕᕆᓂᖏᓐᓄᑦ ᕿᒥᕐᕈᓇᒡᓗᑎᒃ ᑲᑎᒪᖃᑦᑕᕐᓂᕐᒥᓂᒃ ᓂᕈᐊᖅᑕᐅᓯᒪᓂᖓᑦ ᕿᑎᕋᕌᖓᑦ, ᑕᐃᒪᐃᓕᐅᖃᑦᑕᖅᓯᒪᔪᑦ ᓯᕗᓪᓕᖅᐹᒥ, ᑐᒡᓕᖓᓂᓗ ᐊᒻᒪ ᐱᖓᔪᖓᓐᓂ ᓂᕈᐊᖅᑕᐅᓯᒪᔪᑦ ᒪᓕᒐᓕᐅᖅᑎᑦ ᑲᑎᒪᔨᖏᑦ;
• ᑲᑎᒪᓂᕆᔭᖏᑦ ᒪᓕᒐᓕᐅᖅᑎᓕᒫᑦ ᑲᑎᒪᔨᖏᑕ ᐱᒻᒪᕆᐅᕗᖅ ᑎᒥᐅᔪᖅ ᑖᓐᓇ ᑲᑎᒪᔨᖃᕐᖢᓂ ᐃᓘᓐᓇᖏᓐᓂᒃ 19−ᖑᔪᓂᒃ ᒪᓕᒐᓕᐅᖅᑎᑦ ᑲᑎᒪᔨᖏᑦ ᐅᖃᓪᓚᒍᓐᓇᑦᑐᐃᓐᓇᐅᓪᓗᑎᒃ − ᑲᑉᐱᐊᓱᖏᓪᓗᑎᒃ ᐊᒻᒪ ᓇᓕᒧᒌᒡᓗᑎᒃ − ᐅᖃᐅᓯᖃᕈᓐᓇᖁᓪᓗᒋᑦ ᐅᖃᐅᓯᕆᔪᒪᔭᖏᓐᓂᒃ. ᓄᓇᕗᒥ ᓴᖅᑭᑕᐅᓇᓱᐊᖅᑐᑦ ᐱᖁᔭᒃᓴᑦ ᐊᒻᒪ ᑮᓇᐅᔭᖅᑐᕈᑎᒃᓴᑦ ᐅᖃᐅᑕᐅᖃᑦᑕᕆᐊᖃᖅᑎᓪᓗᒋᑦ ᑕᖅᑲᒃᑯᐊ ᑕᑯᓐᓇᖅᑎᓪᓗᒋᑦ ᒪᓕᒐᓕᐅᖅᑎᑦ ᑲᑎᒪᔨᖏᑦ ᑲᑎᒪᑎᓪᓗᒋᑦ, ᒪᓕᒐᓕᐅᖅᑎᓕᒫᓪᓕ ᑲᑎᒪᔨᖏᑕ ᑲᑎᒪᓂᖓᑦ ᐊᑐᖅᑕᐅᒐᔪᒃᐳᖅ ᐋᖅᑭᒡᓯᔾᔪᑕᐅᓪᓗᓂ ᐊᖏᖃᑎᒌᖏᓐᓂᕆᔭᐅᔪᓂᒃ ᐊᒻᒪ ᐊᖏᖅᑐᐃᓐᓇᐅᓕᖅᑎᓪᓗᒋᑦ ᐃᓱᒪᓕᐅᕐᕕᐅᓪᓗᓂ. ᑲᑎᒪᔨᓕᒫᑦ ᑲᑎᒪᔨᖏᑦ ᐊᑐᖅᑕᐅᖃᑦᑕᖅᑐᑦ ᐊᑑᑎᖃᕐᖢᓂ ᑲᑎᒪᓂᐅᔪᑦ ᐅᖃᐅᓯᖃᕐᓂᐊᖅᑎᓪᓗᒋᑦ ᐋᖅᑭᒡᓱᐃᓂᕐᒥᒃ ᒪᓕᒐᓕᐅᕐᕕᒃ ᑲᑎᒪᕐᔪᐊᖅᑎᓪᓗᒍ ᑲᑎᒪᐅᑕᐅᓂᐊᖅᑐᓂᒃ, ᕿᒥᕐᕈᓇᖕᓂᕐᒥᒃ ᐱᓕᕆᐊᒃᓴᖏᓐᓂᒃ ᐊᒻᒪ ᖃᖓᒃᑯᑦ ᓂᕈᐊᕐᔪᐊᕐᓂᐊᕐᒪᖔᑕ. ᒥᓂᔅᑕᐃᑦ ᑲᑎᒪᔨᖏᑦ ᒪᓕᒐᖅᑎᒍᑦ ᐱᔪᓐᓇᕐᓂᖃᕋᓗᐊᖅᑎᓪᓗᒋᑦ ᖃᖓᑐᐃᓐᓇᒃᑯᑦ ᓂᕈᐊᕐᔪᐊᖅᑎᑦᑎᓂᕐᒥᒃ, ᐊᑐᖅᓯᒪᔭᖓᓪᓕ ᓄᓇᕗᑦ ᐃᒪᓐᓇᐃᓕᖓᔪᖅ ᑕᒪᓐᓇ ᓯᕗᓪᓕᖅᐹᒥ ᐅᖃᐅᑕᐅᖅᑳᖃᑦᑕᖅᑐᑦ ᒪᓕᒐᓕᐅᖅᑎᓕᒫᑦ ᑲᑎᒪᑎᓪᓗᒋᑦ ᐊᖏᖃᑎᒌᒃᑐᐃᓐᓇᐅᔪᓐᓇᖁᓪᓗᒋᑦ;
• ᐃᓘᓐᓇᖏᑦ ᐊᖏᖏᒃᑲᓗᐊᖅᑎᓪᓗᒋᑦ ᐊᓂᒍᖅᑎᑦᓯᔪᓐᓇᖅᑐᑦ ᐱᖁᔭᒃᓴᓂᒃ ᐅᕝᕙᓗ ᐊᓯᖏᓐᓂᒃ ᑲᑎᒪᔾᔪᑕᐅᔪᓂᒃ ᒪᓕᒐᓕᐅᕐᕕᖕᒥ, ᑕᐃᒪᐃᒐᔪᒃᑭᓪᓗᑎᒃ. ᒪᓕᒐᓕᐅᖅᑎᑐᐃᓐᓇᐃᑦ ᓂᕈᐊᖃᑦᑕᖏᑦᑐᑦ ᐊᑭᕋᖅᑐᕐᓗᑎᒃ ᒐᕙᒪᒃᑯᑦ ᐋᖅᑭᒋᐊᕈᑎᖏᓐᓂᒃ ᐊᑭᕋᖅᑐᕋᓱᖕᓂᕐᒧᑐᐃᓐᓇᖅ. ᐃᓘᓐᓇᖏᑦ ᐊᖏᖃᑎᒌᒃᓯᒪᓂᖅᓴᐅᒐᔪᒃᑐᑦ ᐅᖃᐅᓯᒃᓴᕆᔭᖏᑦ ᐱᔭᕇᖏᑎᓪᓗᒋᑦ ᐱᔭᕇᕈᒪᓪᓗᒋᑦ, ᑕᑯᔪᓐᓇᖅᐸᑎᑦ ᒥᓂᔅᑕᐃᑦ ᐅᖃᐅᓯᒃᓴᖏᑦ ᑲᑎᒪᑐᐃᓐᓇᖅᑎᓪᓗᒋᑦ, ᓯᕗᒧᐊᒃᑎᑕᐅᓂᖏᓪᓗ ᒐᕙᒪᒃᑯᑦ ᐱᖁᔭᒃᓴᖏᑕ ᐊᖅᑯᓵᕆᐊᖃᖅᑕᖏᑦ ᒪᓕᒐᓕᐅᖅᑕᐅᑎᓪᓗᒋᑦ ᕿᓚᒥᒻᒥᐅᓂᖅᓴᐅᒐᔪᒃᑐᑦ ᐅᕝᕙᓗ ᐊᐅᓚᔾᔭᐃᒋᐊᖃᖅᑎᓪᓗᒋᑦ;
• ᒪᓕᒐᓕᐅᖅᑎᑐᐃᓐᓇᐃᑦ ᒥᓂᔅᑕᓂᒃ ᑭᐅᔪᓐᓇᕆᐊᖃᕐᓂᖏᓐᓄᑦ ᓵᓐᖓᒃᓯᔪᓐᓇᖅᐳᑦ ᐊᖅᑯᑎᖃᕐᓗᑎᒃ ᐅᖃᐅᓯᒃᑯᑦ ᐊᐱᖅᓱᕐᓇᕐᒥᒃ, ᖃᓄᐃᓐᓂᕆᔭᖓᑦ ᑲᑎᒪᕐᔪᐊᖅᑎᓪᓗᒋᑦ ᒪᓕᒐᓕᐅᖅᑎᑦ ᐱᑦᑎᐊᕐᓂᖅᓴᐅᓪᓗᑎᒃ ᐱᓕᕆᕙᒃᐳᑦ ᑕᒪᒃᑯᓇᓐᖓᑦ ᐊᒡᒍᖅᑐᖅᓯᒪᓪᓗᑎᒃ ᒐᕙᒪᓕᕆᓂᒃᑯᑦ ᐊᐅᓚᓂᖃᖅᑐᓂᑦ ᒪᓕᒐᓕᐅᕐᕕᖕᓂᑦ. ᐅᖃᓪᓚᒃᑐᖃᖅᑎᓪᓗᒍ ᕿᕐᓕᕈᑎᓗᑎᒃ ᓂᓪᓕᖅᑐᖃᒐᔪᖏᑦᑐᖅ, ᐆᒃᑑᑎᒋᓗᒍ. ᐅᖃᕆᐊᒃᓴᖅ ᐱᒻᒪᕆᐅᕗᖅ ᒪᓕᒐᓕᐅᖅᑎᑦ ᑲᑎᒪᔨᖏᑦ ᑲᑎᒪᓂᖃᓚᐅᕋᓗᐊᖅᑎᓪᓗᒋᑦ ᐅᓪᓗᓄᑦ 400−ᓄᑦ ᑕᐃᒪᓐᖓᑦ ᐱᓐᖑᖅᑎᑕᐅᓚᐅᖅᓯᒪᖕᒪᑦ ᓄᓇᕗᑦ ᐄᑉᐳ 1, 1999−ᒥᓂᑦ, ᐅᖃᖅᑎᖓᑦ ᒪᓕᒐᓕᐅᖅᑎᑦ ᑲᑎᒪᔨᖏᑕ ᐊᑎᖓᓂᒃ ᑕᐃᓯᔭᕆᐊᖃᓕᓚᐅᖅᓯᒪᖏᑦᑐᑦ ᐊᒻᒪ ᐊᓂᑦᑎᓚᐅᖅᓯᒪᖏᑦᑐᑦ ᑲᑎᒪᕐᔪᐊᕐᕕᖓᓐᓂᑦ ᐱᑦᑎᐊᖏᓐᓂᖓᓄᑦ ᐅᕝᕙᓗ ᓯᖁᒥᑦᑎᖃᑦᑕᕐᓂᖓᓄᑦ ᐅᓄᖅᑐᐃᖅᓱᕐᖢᓂ ᒪᓕᒐᓕᐅᖅᑎᑦ ᑲᑎᒪᔨᖏᑕ ᒪᓕᒐᖏᓐᓂᒃ;
• ᐃᒻᒥᒃᑰᖅᑐᑦ ᐱᓕᕆᔨᖏᑦ ᒪᓕᒐᓕᐅᖅᑎᑦ ᑲᑎᒪᔨᖏᑕ ᐊᑐᓕᖁᔭᓕᐅᕐᓂᒃᑯᑦ ᑎᒃᑯᐊᖅᑕᐅᖃᑦᑕᖅᐳᑦ ᒪᓕᒐᓕᐅᖅᑎᑦ ᑲᑎᒪᔨᖏᑕ, ᓂᕈᐊᖅᑕᐅᖃᑦᑕᖏᑦᑐᑦ ᒥᓂᔅᑕᐃᑦ ᑲᑎᒪᔨᖏᓐᓄᑦ ᐅᕝᕙᓗ ᐊᖓᔪᖅᑳᖓᓐᓄᑦ ᒐᕙᒪᒃᑯᑦ ᐃᓄᑐᐊᖑᓪᓗᑎᒃ; ᐊᒻᒪ
• ᑲᑎᒪᔨᕋᓛᖁᑎᖏᑦ ᒪᓕᒐᓕᐅᖅᑎᑦ ᑲᑎᒪᔨᖏᑕ ᐊᔭᐅᖅᑐᐃᔪᓐᓇᕐᓂᖅᓴᐅᔪᑦ ᒐᕙᒪᒃᑯᓐᓂᑦ ᐊᓯᖏᓐᓂᑦ ᑲᓇᑕᒥ ᐱᖁᔭᓕᐅᕐᕕᐅᔪᓂᑦ. ᐆᒃᑑᑎᒋᓗᒍ, ᑲᑎᒪᔨᕋᓛᑦ ᕿᒥᕐᕈᓇᖃᑦᑕᕐᒪᑕ ᒐᕙᒪᒃᑯᑦ ᐊᕐᕌᒍᑕᒫᓐ ᐱᓕᕆᐊᒃᓴᖏᓐᓄᑦ ᐸᕐᓇᐅᑎᖏᓐᓂᒃ, ᐊᐅᓚᔾᔪᑎᒃᓴᓄᑦ ᑮᓇᐅᔭᖅᑐᕈᑎᒃᓴᓂᒃ ᐊᒻᒪ ᐊᑭᑐᔪᖅᑐᕈᑎᒃᓴᓄᑦ ᑮᓇᐅᔭᖅᑐᕈᑎᒃᓴᓂᒃ ᐆᒃᑐᕋᐅᑎᓕᐊᖑᓯᒪᑎᓪᓗᒋᑦ ᓯᕗᕐᖓᒍᑦ ᓴᖅᑭᑕᐅᓚᐅᖏᓐᓂᖏᓐᓂ ᒪᓕᒐᓕᐅᕐᕕᖕᒥ. ᑕᐃᒪᓐᓇ ᒪᓕᒐᓕᐅᖅᑎᑐᐃᓐᓇᐃᑦ ᐱᕕᒃᓴᖃᕈᓐᓇᕐᒪᑕ ᐊᑐᓕᖁᔭᓕᐅᕐᓂᕐᒥᒃ ᐊᓯᔾᔨᖅᓯᖁᔨᒍᑎᒃ ᑮᓇᐅᔭᖅᑐᕈᑎᒋᓂᐊᖅᑕᖏᑕ ᐸᕐᓇᐅᑎᖏᓐᓄᑦ ᐊᒻᒪᓗ ᐱᓕᕆᐊᒃᓴᓄᑦ ᐊᐅᓚᔾᔭᒃᑕᐅᔪᒪᔪᓄᑦ ᑭᖑᓪᓕᖅᐹᒥ ᐃᓱᒪᓕᐅᕈᑕᐅᓚᐅᖏᓐᓂᖏᓐᓂ. ᑲᑎᒪᔨᕋᓛᑦ ᐱᕕᒃᓴᖃᖃᑦᑕᕆᕗᑦ ᕿᒥᕐᕈᓇᖕᓂᕐᒥᒃ ᓄᑖᓂᒃ ᐱᖁᔭᒃᓴᓂᒃ ᓴᖅᑭᑕᐅᓚᐅᖏᓐᓂᖏᓐᓂ ᒪᓕᒐᓕᐅᕐᕕᐅᑉᐃᓗᐊᓂ ᐱᖁᔭᒃᓴᐅᓗᑎᒃ.ᐊᖏᖃᑎᒌᖕᓂᒃᑯᑦ ᐊᐅᓚᓂᖃᖅᑐᖅ ᒐᕙᒪᖓᑦ ᓄᓇᕗᐊᖏᖃᑎᒌᖕᓂᒃᑯᑦ ᐊᐅᓚᓂᖃᖅᑐᖅ ᒐᕙᒪᖓᑦ ᓄᓇᕗᒥ.

ᐱᖓᓱᑦ ᐊᒡᒍᖅᓯᒪᔪᑦ ᐱᓕᕆᕕᖁᑎᖏᑦ ᒐᕙᒪᒃᑯᑦ

ᑲᓇᑕ ᑐᓐᖓᕕᒡᔪᐊᑎᒍᑦ ᒐᕙᒪᖏᑦ ᐊᐅᓚᓂᖃᖅᐳᑦ. ᐊᔾᔨᒋᔭᐅᓪᓗᑎᒃ ᑲᓇᑕᒥᐅᑕᑦ ᐊᒡᒍᖅᑐᖅᓯᒪᓂᖏᓐᓂ ᒐᕙᒪᐅᔪᑎᑐᑦ, ᐱᖓᓱᓂᒃ ᐊᒡᒍᖅᓯᒪᔪᓂᒃ ᐱᓕᕆᕕᖁᑎᖃᖅᐳᑦ ᓄᓇᕗᑦ ᒐᕙᒪᒃᑯᖏᑦ: ᐊᐅᓚᑦᑎᔨᒃᑯᑦ: ᒪᓕᒐᓕᐅᖅᑎᒃᑯᑦ ᐊᒻᒪ ᐃᖅᑲᖅᑐᐃᕕᓕᕆᓂᕐᒧᑦ ᐱᓕᕆᕕᑦ;

ᐊᑐᓂᓗ ᐱᓕᕆᕕᖁᑎᖏᑦ ᒐᕙᒪᒃᑯᑦ ᐊᔾᔨᒌᖏᑦᑐᓂᒃ ᓴᓐᖏᓂᖃᖅᑐᑦ ᐊᒻᒪᓗ ᐱᓕᕆᐊᒃᓴᖃᖅᑐᑦ. ᑭᓱᐃᓐᓇᕐᓄᑦ ᒪᓕᒐᖏᑦ ᐃᒪᓕᖓᓪᓗᑎᒃ:

• ᒪᓕᒐᓕᐅᖅᑎᓄᑦ ᐱᓕᕆᕕᖁᑎᖓᑦ ᒐᕙᒪᒃᑯᑦ ᐃᓗᓕᖃᖅᐳᖅ ᒪᓕᒐᓕᐅᖅᑎᑦ ᑲᑎᒪᔨᖏᓐᓂᒃ ᐊᒻᒪᓗ ᑲᒥᓴᓇᒥᒃ. ᐊᖏᖅᓯᑎᓪᓗᒋᑦ ᐅᓄᕐᓂᖅᓴᐅᔪᑦ ᒪᓕᒐᓕᐅᖅᑎᑦ ᐊᒻᒪ ᐱᓐᖑᖅᑎᑦᑎᖃᑕᕆᐊᖃᖅᑐᖅ ᑲᒥᓴᓇ ᐱᖁᔭᒃᓴᓂᒃ ᐱᖁᔭᓐᖑᖁᓪᓗᒋᑦ. ᐅᓄᕐᓂᖅᓴᐅᔪᑦ ᐱᖁᔭᒃᓴᑦ ᓴᖅᑭᑕᐅᖃᑦᑕᖅᑐᑦ ᒐᕙᒪᒃᑯᓐᓂᑦ ᐊᒻᒪ ᒥᓂᔅᑕᒧᑦ ᑲᒪᔪᒧᑦ. ᐊᐅᓚᑦᓯᔨᒃᑯᑦ ᑲᑎᒪᔨᖏᑕ ᐱᓕᕆᕕᐊᕈᓯᐊ ᒐᕙᒪᒃᑯᑦ ᑭᐅᔪᓐᓇᕆᐊᖃᖅᐳᖅ ᒪᓕᒐᓕᐅᖅᓂᕐᒧᑦ ᐱᓕᕆᕕᖁᖓᓐᓄᑦ ᒐᕙᒪᒃᑯᑦ. ᑕᒪᓐᓇᓗ ᓇᓗᓇᐃᖅᑎᖅᑕᐅᓯᒪᓪᓗᓂ ᓯᕗᓕᖅᑎᒧᑦ ᐊᒻᒪ ᒥᓂᔅᑕᐅᔪᑦ ᐃᓂᒋᔭᖏᓐᓂᒃ ᐊᑕᓂᐊᖅᑎᓪᓗᒋᑦ ᐃᓱᒪᖅᓱᕈᑕᐅᓗᑎᒃ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ.
• ᑲᒥᓴᓇᖓᑦ ᓄᓇᕗᑦ ᑎᑎᖅᑲᑎᒍᑦ ᑎᒃᑯᐊᖅᑕᐅᓯᒪᕗᖅ ᓄᓇᕗᑦ ᐱᖁᔭᕐᔪᐊᖏᑎᒍᑦ ᐊᖓᔪᖅᑳᕆᔭᐅᓂᐊᕐᓗᓂ ᐊᐅᓚᑦᓯᔨᑦ ᑲᑎᒪᔨᖏᓐᓄᑦ ᓄᓇᕗᒥ, ᑕᐃᒪᓐᓇᑦᑕᐅᖅ ᐱᓕᕆᐊᖃᖃᑦᑕᕐᒪᑦ ᑯᐃᓐ ᑭᒡᒐᖅᑐᖅᑎᖓ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐊᒡᒍᖅᑐᖅᓯᒪᓂᖏᑕ ᒐᕙᒪᖃᕐᕕᐊᑕ ᐃᓗᐊᓂ. ᐊᐅᓚᑦᑎᔨᒃᑯᑦ ᐱᓕᕆᕝᕕᐊᕈᓯᖓᑦ ᒐᕙᒪᒃᑯᓐᓂ ᓯᕗᓕᖅᑎᖃᖅᐅᖅ ᓯᕗᓕᖅᑎᒥᒃ ᐊᒻᒪ ᒥᓂᔅᑕᐃᑦ ᑲᑎᒪᔨᖏᓐᓂᒃ, ᑖᒃᑯᐊ ᐃᓚᒋᔭᐅᔪᑦ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ. ᓄᓇᕗᑦ ᒐᕙᒪᒃᑯᖏᑕ ᐱᓕᕆᕕᖁᑎᖏᑦ, ᑲᑎᒪᔨᖁᑎᖏᑦ, ᒐᕙᒪᒃᑯᑦ ᑎᒥᖁᑎᖏᑕ ᐱᓕᕆᕝᕕᖏᑦ ᐊᒻᒪ ᐊᓯᖏᑦ ᑎᒥᐅᔪᑦ ᐊᐅᓚᑦᑎᖃᑦᑕᖅᑐᑦ ᓄᓇᕗᑦ ᐱᖁᔭᕐᔪᐊᖏᓐᓂᒃ ᐊᒻᒪ ᐱᔨᑦᓯᕈᑎᖃᕐᖢᑎᒃ ᐱᓕᕆᐊᒃᓴᓂᒃ ᐊᒻᒪ ᐱᔨᑦᓯᕈᑎᐅᔪᓂᒃ. ᐊᐅᓚᑦᓯᔨᒃᑯᑦ ᐱᓕᕆᕕᐊᖁᓯᖓᑦ ᑎᒍᒥᐊᖅᓯᕗᖅ "ᒐᕙᒪᒃᑯᑦ ᐱᔪᓐᓇᕐᓂᕐᒥᒃ ᑎᒍᒥᐊᖅᓯᕗᑦ" ᐊᐅᓚᔾᔭᐃᒋᐊᕐᓂᕐᒥᒃ ᑮᓇᐅᔭᖅᑐᕋᔭᖅᑐᓂᒃ ᒋᐱᖁᔭᒃᓴᓂᒃ ᐊᑭᓖᑎᑦᓯᓂᕐᒥᒃ ᑖᒃᓯᔭᕈᑎᓂᒃ ᐅᕝᕙᓗ ᒐᕙᒪᒃᑯᑦ ᑮᓇᐅᔭᖁᑎᖏᓐᓂᒃ ᐊᑐᕐᓂᕐᒥᒃ.1
• ᐃᖅᑲᖅᑐᐃᕕᓕᕆᓂᕐᒧᑦ ᐱᓕᕆᕕᐊᕈᓯᖁᑎᖓᑦ ᒐᕙᒪᒃᑯᑦ, ᐊᐅᓚᑦᓯᕙᒃᐳᑦ ᐃᖅᑲᖅᑐᐃᕕᖕᓂᒃ. ᐃᖅᑲᖅᑐᐃᕕᓕᕆᔨᒃᑯᑦ ᑲᒪᓂᖃᖅᐳᑦ ᑐᑭᓕᐅᕆᓂᕐᒥᒃ ᐱᖁᔭᕐᔪᐊᓂᒃ. ᓄᓇᕗᑦ ᐊᔾᔨᐅᖏᒻᒪᑦ ᑲᓇᑕᒥ "ᐊᑕᐅᓯᕐᒥᒃ" ᐃᖅᑲᖅᑐᐃᕕᖃᖅᑐᑦ − ᓄᓇᕗᒥ ᐃᖅᑲᖅᑐᐃᕕᖁᑎᖓᓐᓂᒃ.

1 ᐱᐅᓂᖅᐸᒃᑯᑦ ᓇᓗᓇᐃᖅᓯᔾᔪᑎᖃᕈᓐᓇᖅᑐᑦ ᑕᐃᒃᑯᐊ ᒪᓕᒐᓕᐅᖅᑎᑐᐃᓐᓇᐃᑦ ᐃᓚᒋᔭᐅᖏᑦᑐᑦ ᐊᐅᓚᑦᓯᔨᒃᑯᑦ ᑲᑎᒪᔨᖏᓄᑦ ᓇᖕᒥᓂᖅ ᑮᓇᐅᔭᖅᑐᕐᓂᐊᖅᑐᓂᒃ ᐱᖁᔭᒃᓴᓂᒃ ᓴᖅᑭᑦᑎᔪᓐᓇᖏᑦᑐᑦ ᐊᑐᕐᓂᐊᖅᑐᐊᖅᐸᑕ ᒐᕙᒪᒃᑯᑦ ᑮᓇᐅᔭᖁᑎᖏᓐᓂᒃ ᐅᕝᕙᓗ ᖁᕝᕙᖅᑎᑦᓯᒋᐊᕐᓂᐊᖅᐸᑕ ᑖᒃᓯᔭᕈᑎᓂᒃ. "ᑮᓇᐅᔭᓕᕆᓂᕐᒧᑦ ᐱᖁᔭᒃᓴᖅ" ᓴᖅᑭᑕᐅᔪᓇᖅᑐᖅ ᒪᓕᒐᓕᐅᕐᕕᖕᒥ ᐱᖃᑎᖃᕐᓗᓂ ᑕᐃᔭᐅᔪᓂᒃ "ᐅᖃᐅᓯᒃᓴᑦ ᑮᓇᐅᔭᓕᕆᓂᕐᒧᑦ" (ᑕᐃᔭᐅᖕᒥᔪᖅ "ᐊᑐᓕᖁᔭᓕᐊᒥᒃ"). ᑕᐃᒪᐃᑦᑐᑎᒍᑦ ᑎᑎᕋᖃᑦᑕᖅᑐᖅ ᑲᒥᓴᓇ ᒪᓕᒡᖢᓂ ᐅᖃᐅᔾᔭᐅᒋᐊᕈᑎᒋᓯᒪᔭᖓᓂᒃ ᒐᕙᒪᒃᑯᓐᓄᑦ, ᐊᑐᓕᖁᔭᓕᐅᖃᑦᑕᖅᑐᖅ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ ᐱᖁᔭᒃᓴᖅ ᑮᓇᐅᔭᖅᑐᕐᓂᐊᖅᑐᖅ ᐊᓂᒍᖅᑎᑕᐅᖁᓪᓗᒍ.

ᐱᒻᒪᕆᐅᔪᑦ ᑐᓐᖓᕕᖏᑦ ᒪᓕᒐᓕᐅᕐᕕᖃᕐᓗᑎᒃ ᒐᕙᒪᖃᕐᓂᒃᑯᑦ

ᑲᓇᑕᒥ ᒪᓕᒐᓕᐅᕐᕕᑦ ᐊᐅᓚᓂᖓᒍᑦ ᒐᕙᒪᖃᕐᓂᖅ ᑕᐃᔭᐅᒐᔪᒃᑭᕗᖅ "ᑲᒪᑦᓯᐊᕈᓐᓇᖅᑐᑦ ᒐᕙᒪᓂᒃ" ᐅᕝᕙᓗ "ᖃᓪᓗᓈᑦ ᐃᓕᖅᑯᓯᖓᒍᑦ ᒐᕙᒪᖃᕐᓂᕐᒥᒃ Westminister−ᒥᓐᖔᖅᑐᓂᒃ.”2 ᐱᒻᒪᕆᐅᓂᖅᐹᖑᔪᑦ ᑐᓐᖓᕕᐅᔪᑦ ᐊᐅᓚᓂᕆᔭᖓᓄᑦ ᐊᑐᖅᑕᐅᖃᑦᑕᖅᑐᑦ ᓄᓇᕗᒧᑦ ᐅᑯᓂᖓ ᐱᖃᓯᐅᔾᔨᓯᒪᕗᑦ:

• ᑐᓐᖓᕕᖓ "ᒪᓕᒐᓕᐅᕐᕕᖕᒥ ᐱᔪᓐᓇᐅᑎ" ᐅᐱᒋᔭᐅᑦᑎᐊᖅᐳᖅ. ᐱᔪᓐᓇᐅᑎᖏᑦ, ᓴᓐᖏᓂᖏᑦ ᐊᒻᒪ ᐱᓕᕆᔪᓐᓇᕐᓂᖏᑦ ᒪᓕᒐᓕᐅᖅᑎᑦ ᑲᑎᒪᔨᖏᑕ ᐊᒻᒪ ᐊᐅᓚᑦᓯᔨᑦ ᑲᑎᒪᔨᖏᑕ ᐱᖁᔭᕐᔪᐊᖏᓐᓂᑉᐳᑦ. ᒪᓕᒐᓕᐅᕐᕕᖕᒥ ᐱᔪᓐᓇᕐᓂᕆᔭᐅᔪᑦ ᐱᖃᓯᐅᔾᔨᓯᒪᕗᑦ ᐱᔪᓐᓇᐅᑎᒋᔭᐅᔪᓂᒃ ᐊᒻᒪ ᓴᓐᖏᓂᕆᔭᐅᔪᓂᒃ ᑐᓂᔭᐅᓯᒪᔪᓂᒃ ᓂᕈᐊᖅᑕᐅᓯᒪᔪᓄᑦ ᒪᓕᒐᓕᐅᖅᑎᐅᓂᐊᕐᓗᑎᒃ ᐱᓕᕆᐊᒃᓴᖏᓐᓂᒃ ᐱᓕᕆᔪᓐᓇᖁᓪᓗᒋᑦ, ᐊᒻᒪᓗ ᐱᔪᓐᓇᐅᑎᖏᓐᓂᒃ ᓴᓐᖏᓂᖏᓐᓂᒡᓗ ᒪᓕᒐᓕᐅᕐᕕᐅᑉ ᐊᑕᖏᕐᓗᒍ;

2 Westminister ᐊᑎᕆᔭᐅᔪᖅ ᑯᐃᓐ ᓄᓇᖓᓐᓂ ᓄᓇᓕᒡᔪᐊᖓᓐᓂᒃ ᐱᖁᔭᓕᐅᕐᕕᒡᔪᐊᖓᑦᑕ ᐃᓂᒋᔭᖓᓂ. ᐅᓄᖅᑐᓂᒃ ᑐᓐᖓᕕᖕᓂᒃ ᒪᓕᒐᖃᐅᖅᑐᑦ ᐊᒻᒪᓗ ᐱᖅᑯᓯᑐᖃᖃᐅᖅᑐᑦ ᑯᐃᓐ ᓄᓇᖓᓐᓂ ᐱᖁᔭᓕᐅᖅᑎᕐᔪᐊᑦ ᒐᕙᒪᕆᔭᖓᑦᑕ ᐱᖅᑯᓯᖏᑦ ᐱᔭᐅᓯᒪᕗᑦ ᐊᑐᖅᑕᐅᓪᓗᑎᒡᓗ ᑲᓇᑕᒥ.

• ᑲᑎᓐᖓᓪᓗᑎᒃ ᐱᔪᓐᓇᕐᓂᕆᔭᖏᑦ ᒪᓕᒐᓕᐅᖅᑎᑦ ᑲᑎᒪᔨᖏᑕ ᐱᓕᕆᕝᕕᐅᓪᓗᓂ ᐱᖃᓯᐅᔾᔨᓯᒪᕗᖅ ᐱᔪᓐᓇᐅᕐᓂᕐᒥᒃ ᓴᖅᑭᑦᑎᔪᓐᓇᕈᑕᐅᔪᑦ ᓇᖕᒥᓂᖅ ᒪᓕᒐᖏᓂᒃ ᐊᒻᒪ ᐊᐅᓚᑦᑎᑎᓪᓗᒋᑦ ᐊᑐᐊᒐᖏᓐᓂᒃ, ᐱᔪᓐᓇᕐᓂᐅᔪᖅ ᐊᐅᓚᑦᑎᖁᓪᓗᒋᑦ ᓇᖕᒥᓂᖅ ᑎᑎᕋᖅᐸᓪᓕᐊᔭᖏᓐᓂᒃ, ᓴᓐᖏᓂᐅᔪᖅ ᓱᒋᐊᕈᓂᕐᒥᒃ ᑭᓇᒃᑯᑐᐃᓐᓇᕐᓂᒃ ᒪᓕᖏᑦᑐᓄᑦ, ᐱᔪᓐᓇᐅᑎᖃᕐᒥᔪᑦ ᐃᓂᖅᑎᕆᓂᕐᒥᒃ ᒪᓕᒐᓕᐅᖅᑎᐅᖃᑎᒋᔭᖏᓐᓂᒃ ᐊᒻᒪ ᓴᓐᖏᓂᖃᖅᑐᑦ ᐅᖃᓪᓚᒋᐊᖅᑐᖅᑎᑦᑎᓂᕐᒥᒃ ᖃᐃᖅᑯᔨᓗᑎᒃ ᐊᒻᒪ ᑎᑎᖅᑲᓂᒃ ᐱᔪᒪᓗᑎᒃ;
• ᒐᕙᒪᒃᑯᑦ − ᓯᕗᓕᖅᑎ ᐊᒻᒪ ᒥᓂᔅᑕᐃᑦ ᑲᑎᒪᔨᖏᑦ − ᑎᒍᒥᐊᖅᓯᕙᒃᐳᑦ ᐊᒻᒪ ᐱᓯᒪᒃᓯᖃᑦᑕᖅᐳᑦ ᑎᑎᕋᕐᕕᖕᒥᖕᓂᒃ "ᑕᑎᒋᔭᐅᑦᑎᐊᕐᖢᑎᒃ" ᒪᓕᒐᓕᐅᖅᑎᑦ ᑲᑎᒪᔨᓕᒫᖏᓐᓄᑦ. ᐆᒃᑐᕈᑎᒋᓗᒍ, ᐱᖁᔨᕗᖔᕈᑎᓕᐅᕐᓂᖅᐸᑕ ᑕᑎᒋᔭᐅᔪᓐᓇᐃᓪᓕᓂᖓᓄᑦ ᒥᓂᔅᑕ, ᑖᓐᓇ ᐱᖁᔨᕗᖔᕈᑎ ᐊᓂᒍᖅᑎᑕᐅᒃᐸᑦ, ᒥᓂᔅᑕᐅᔪᖅ ᒥᓂᔅᑕᐅᓂᕐᒥᓂᑦ ᐲᕆᐊᖃᓕᕋᔭᖅᑐᖅ ᒥᓂᔅᑕᐃᑦ ᑲᑎᒪᔨᖏᓐᓂᑦ. ᑕᐃᒪᐃᓕᓯᒪᔪᖅ ᐊᑕᐅᓯᐊᕐᖢᑎᒃ ᓯᕗᓪᓕᖅᐹᒥ ᓂᕈᐊᖅᑕᐅᓯᒪᑎᓪᓗᒋᑦ ᒪᓕᒐᓕᐅᖅᑎᑦ ᑲᑎᒪᔨᖏᑦ ᓄᓇᕗᒥ (1999-2004);
• ᒥᓂᔅᑕᐃᑦ ᑲᑎᒪᔨᖏᑦ ᑲᑐᔾᔨᖃᑎᒌᒋᐊᖃᖅᑐᑦ ᐊᑕᐅᓯᐅᓗᑎᒃ. ᐃᓚᖏᑦ ᒥᓂᔅᑕᐅᔪᑦ ᓂᕆᐅᒡᕕᐅᒐᓗᐊᖅᑎᓪᓗᒋᑦ ᐃᓱᒪᒋᔭᖏᓐᓂᒃ ᓂᓪᓕᐊᓂᐊᕐᓂᖏᓐᓂᒃ ᑲᓐᖑᓇᖅᑐᒃᑯᑦ ᑲᑎᒪᓂᖃᖅᑎᓪᓗᒋᑦ ᒥᓂᔅᑕᐃᑦ ᑲᑎᒪᔨᖏᑦ ᐊᒻᒪᓗ ᑲᑎᒪᔨᕋᓛᖁᑎᖏᑦ, ᑕᐃᒪᓕ ᑲᑐᔾᔨᓗᑎᒃ ᐃᓱᒪᓕᐅᖅᐸᑕ, ᐃᓘᓐᓇᖏᑦ ᒥᓂᔅᑕᐅᔪᑦ ᓂᕆᐅᒡᕕᐅᕗᑦ ᑕᖅᑲᒃᑯᐊ ᑐᓵᑎᓪᓗᒋᑦ ᐃᑲᔪᖅᑐᐃᓂᐊᕐᓂᖏᓐᓂᒃ. ᐆᒃᑐᕈᑎᒋᓗᒍ, ᒥᓂᔅᑕᐅᔪᑦ ᓂᕆᐅᒡᕕᐅᕗᑦ ᐃᑲᔪᖅᑐᐃᓗᑎᒃ ᓂᕈᐊᕐᓂᐊᕐᓂᖏᓐᓂᒃ ᐱᖁᔭᒃᓴᓂᒃ ᓴᖅᑭᑕᐅᓯᒪᔪᓂᒃ ᒐᕙᒪᒃᑯᓐᓄᑦ, ᑭᓯᐊᓂᓕ ᒪᓕᒐᓕᐅᖅᑎᑐᐃᓐᓇᐃᑦ ᐃᓱᒪᖅᓱᖅᑐᑦ ᖃᓄᖅ ᓂᕈᐊᕈᒪᓂᐊᕈᑎᒃ;
• ᒥᓂᔅᑕᐃᑦ, ᑕᒪᕐᒥᒡᓗ ᒐᕙᒪᒃᑯᓐᓄᑦ ᐊᖓᔪᖅᑲᐅᑎᐅᔪᑦ ᐱᓕᕆᕝᕕᖁᑎᖏᓐᓂ ᐊᒻᒪ ᐃᓚᒋᔭᐅᔪᑦ ᐊᐅᓚᑦᑎᔨᑦ ᑲᑎᒪᔨᖏᓐᓄᑦ ᐊᑕᐅᓯᐅᖃᑎᒌᒡᖢᑎᒃ, ᑭᐅᔪᓐᓇᕆᐊᖃᖅᐳᑦ ᒪᓕᒐᓕᐅᖅᑎᑦ ᑲᑎᒪᔨᖏᑕ ᐊᑐᐊᒐᖁᑎᖏᓐᓄᑦ, ᐃᓱᒪᓕᐅᕈᑎᖏᓐᓄᑦ ᐊᒻᒪ ᐊᐅᓚᔾᔭᒃᑕᐅᓯᒪᔪᓄᑦ ᒐᕙᒪᒃᑯᓐᓄᑦ;
• ᒐᕙᒪᒃᑯᑦ ᑎᑎᕋᖅᓯᒪᔪᑎᒍᑦ ᓇᓗᓇᐃᖅᓯᖃᑦᑕᖅᑐᑦ ᓯᕗᓪᓕᐅᑎᓯᒪᔭᖏᓐᓂᒃ ᐊᒻᒪ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒃᓴᐅᓂᐊᖅᑐᓂᒃ ᐱᒋᐊᓕᓵᖅᑎᓪᓗᒋᑦ ᓄᑖᒥᒃ ᑲᑎᒪᕐᔪᐊᕐᓂᖃᖅᑎᓪᓗᒋᑦ ᒪᓕᒐᓕᐅᖅᑎᑦ ᑲᑎᒪᔨᖏᑦ ᐊᖅᑯᑎᒋᔭᐅᓪᓗᓂ ᑲᒥᓴᓇᐅᑉ ᐅᖃᐅᓯᕐᖓᐅᑎᖏᑦ (ᑕᐃᔭᐅᖃᑦᑕᕐᒥᔪᖅ ᖃᓪᓗᓈᑎᑐᑦ ᐃᕐᒪᓐᓇ “Speech from the Throne” ᐅᕝᕙᓗ “Throne Speech”);
• ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᑦ ᐱᔨᑦᓯᖅᑎᑦ ("ᐸᐃᐹᓕᕆᔨᑦ) ᓂᕆᐅᒡᕕᐅᕗᑦ ᒐᕙᒪᓕᕆᓂᕐᒧᑦ ᑕᑉᐱᖅᓱᐃᔭᕆᐊᖃᖏᓐᓂᖏᓐᓂᒃ. ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᐅᔪᑦ ᓂᕆᐅᒡᕕᐅᕗᑦ ᐱᓕᕆᔨᒻᒪᕆᐅᓂᐊᕐᓂᖏᓐᓂᒃ, ᑕᑉᐱᖅᓱᐃᖏᓪᓗᑎᒡᓗ ᐅᖃᐅᔾᔨᒋᐊᖃᑦᑕᕐᓂᕐᒥᒃ ᒥᓂᔅᑕᖁᑎᒋᔭᖏᓐᓂᒃ, ᐊᑐᓕᖅᑎᑦᑎᖃᑦᑕᕐᓗᑎᒡᓗ ᐃᓱᒪᓕᐅᕈᑕᐅᔪᓂᒃ ᒐᕙᒪᕆᔭᐅᔪᓄᑦ. ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᐅᔪᑦ ᑭᐅᔪᓐᓇᕆᐊᖃᖅᑐᑦ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ ᐊᖅᑯᑎᒋᓪᓗᒋᑦ ᒥᓂᔅᑕᐃᑦ ᐊᖓᔪᖅᑳᕆᔭᖏᑦ;
• ᐱᖁᔭᒃᓴᑦ ᐊᑐᖅᑕᐅᓪᓗᑎᒃ ᑮᓇᐅᔭᖁᑎᖏᓐᓂᒃ ᒐᕙᒪᒃᑯᑦ ᐊᑐᕈᓐᓇᖅᐳᑦ (ᐊᖅᑯᑎᒋᓪᓗᒋᑦ ᐊᑐᕈᒫᖅᑐᓄᑦ ᒥᒃᓴᐅᓴᒃᓯᓂᕐᒥᒃ) ᐊᒻᒪ ᐅᓄᖅᓯᒋᐊᖅᑎᑦᑎᓂᕐᒥᒃ ᒐᕙᒪᒃᑯᑦ ᑮᓇᐅᔭᖁᑎᖏᓐᓂᒃ ᑖᒃᓯᔭᕈᑎᑦ ᐊᑭᑦᑐᕆᐊᕐᓂᖏᑎᒍᑦ ᐊᐅᓚᔾᔭᒃᑕᐅᔪᓐᓇᖅᐳᖅ ᑕᒪᓐᓇ ᑭᓯᐊᓂ ᒐᕙᒪᒃᑯᓐᓄᑦ (ᑕᑯᓗᒍ ᐊᑖᒍᑦ ᑎᑎᕋᖅᓯᒪᔪᖅ #1 ᐅᖃᐅᓯᖃᖅᑐᖅ “ᑮᓇᐅᔭᖅᑐᖅᑐᓂᒃ ᐱᖁᔭᒃᓴᓂᒃ”);
• ᑲᑎᒪᔨᐅᖃᑕᐅᔪᑦ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ ᐊᔾᔨᒌᖏᑦᑐᓂᒃ ᓴᓇᕐᕈᑎᒃᓴᖃᖅᐳᑦ ᒐᕙᒪᒃᑯᑦ ᑭᐅᔪᓐᓇᑦᑎᐊᖁᓪᓗᒋᑦ ᐊᐅᓚᔾᔭᒃᓯᒪᔭᖏᓐᓄᑦ. ᑖᒃᑯᐊ ᐱᖃᓯᐅᔾᔨᓯᒪᕗᑦ ᐊᐱᖅᓱᕈᓐᓇᕐᓂᕐᒥᒃ ᐅᖃᐅᓯᒃᑯᑦ ᐊᐱᖅᓱᕐᓇᐅᑎᓪᓗᒍ ᐊᒻᒪᓗ ᑎᑎᖅᑲᑎᒍᑦ ᐊᐱᖅᓱᕐᓇᐅᑎᓪᓗᒍ, ᓅᑕᐅᓂᖏᑦ ᐱᖁᔨᕗᖔᕈᑎᑦ ᐊᒻᒪ ᐊᑐᕆᐊᖃᖅᑕᖏᑦ ᒐᕙᒪᒃᑯᑦ ᑕᖅᑲᒃᑯᐊ ᑐᓵᑎᓪᓗᒋᑦ ᑎᑎᖅᑲᑎᒍᑦ ᑭᐅᔭᕆᐊᖃᖅᑐᑦ ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑎᓂᒃ ᐊᒻᒪᓗ ᐅᓂᒃᑳᓕᐊᖏᓐᓂᒃ ᑲᑎᒪᔨᕋᓛᑦ ᐊᒻᒪᓗ ᑲᑎᒪᔨᕋᓛᖑᑲᐃᓐᓇᖅᑐᖁᑎᖏᑦ ᒪᓕᒐᓕᐅᖅᑎᑦ ᑲᑎᒪᔨᖏᑕ;
• ᒐᕙᒪᒃᑯᑦ ᐊᑐᕆᐊᖃᖅᑎᑕᐅᒋᕗᑦ ᐱᖁᔭᕐᔪᐊᑎᒍᑦ ᓴᖅᑭᑦᑎᖃᑦᑕᕆᐊᖃᕐᓂᕐᒥᒃ ᐅᓄᑲᓪᓚᒃᑐᓂᒃ  ᐅᓂᒃᑳᓕᐊᓂᒃ ᐊᒻᒪ ᐊᓯᖏᓐᓂᒃ ᑎᑎᕋᖅᓯᒪᔪᓂᒃ ᐊᕐᕌᒍᑕᒫᓐ. ᑖᒃᑯᐊ ᐅᓂᒃᑳᓕᐊᑦ ᐅᓂᒃᑳᖅᓯᒪᖃᑦᑕᖅᐳᑦ ᒐᕙᒪᒃᑯᑦ ᐱᓕᕆᓯᒪᔭᖏᓐᓂᒃ ᐅᓄᑲᓪᓚᒃᑐᓂ ᐊᔾᔨᒌᖏᑦᑐᓂ; ᐊᒻᒪᓗ
• ᐃᒻᒥᒃᑰᖅᑐᓂᒃ ᐱᓕᕆᔨᖃᕐᒥᔪᑦ ᒪᓕᒐᓕᐅᖅᑎᑦ ᑲᑎᒪᔨᖏᑦ ᐊᒻᒪ ᑮᓇᐅᔭᖅᑐᕈᑎᕕᓂᕐᓂᒃ ᑕᒻᒪᖅᓯᒪᔪᖅᓯᐅᖅᑎ ᑲᓇᑕᒧᑦ ᐊᕐᕌᒍᑕᒫᓐ ᐅᓂᒃᑳᓕᐅᖃᑦᑕᖅᑐᖅ ᒪᓕᒐᓕᐅᖅᑎᑦ ᑲᑎᒪᔨᓕᒫᖏᓐᓄᑦ.

ᐊᖏᖃᑎᒌᖕᓂᒃᑯᑦ ᐊᐅᓚᓂᖃᖅᑐᖅ ᓄᓇᕗᑦ ᒐᕙᒪᒃᑯᖏᑦ 

ᐊᑕᐅᓯᕐᒥᒃ ᑐᑭᒥᒃ ᓇᓗᓇᐃᖅᓯᒪᔪᖃᖏᒻᒪᑦ "ᐊᖏᖃᑎᒌᖕᓂᒃᑯᑦ ᒐᕙᒪᖃᕐᓂᕐᒧᑦ" ᓄᓇᕗᑦ ᐃᓗᐊᓂ. ᑭᓯᐊᓂᓕ, ᐅᓄᖅᑐᑦ ᐃᓗᓕᕆᔭᖏᑦ ᓄᓇᕗᑦ ᐊᔾᔨᔾᒌᖏᔾᔪᑎᖃᖅᐳᑦ ᑲᓇᑕᐅᑉ ᓄᓇᖁᑎᖏᓐᓂᑦ ᐊᒡᒍᖅᑐᖅᓯᒪᔪᓂᑦ ᑕᑯᒃᓴᐅᓪᓗᑎᒃ ᐊᒻᒪ ᐊᒃᑐᐊᓂᖅᓴᐅᓪᓗᑎᒃ ᒐᕙᒪᓕᕆᓂᐅᑉ ᐊᐅᓚᑕᐅᓂᕆᕙᒃᑕᖓᓄᑦ ᐊᒻᒪ ᐃᓱᒪᓕᐅᕈᓯᐅᕙᒃᑐᓄᑦ, ᑎᑎᕋᖅᓯᒪᓂᖏᓐᓅᖏᑦᑐᖅ ᐱᖁᔭᕐᔪᐊᑦ ᐅᕝᕙᓗ ᐊᑐᐊᒐᐃᑦ.

ᐃᓚᖏᑦ ᓇᓗᓇᐃᖅᓯᔾᔪᑎᑦ ᑕᑯᒃᓴᐅᔪᑦ ᓄᓇᕗᒥ ᐊᖏᖃᑎᒌᖕᓂᒃᑯᑦ ᐊᐅᓚᓂᖃᖅᑎᓪᓗᒍ ᒐᕙᒪᒃᑯᑦ ᐅᑯᐊᖑᕗᑦ:

• ᒪᓕᒐᓕᐅᖅᑎᑦ ᓂᕈᐊᖅᑕᐅᓯᒪᕗᑦ ᐃᒻᒥᒃᑰᕐᖢᑎᒃ, ᐃᓚᒋᔭᐅᓇᑎᒃ ᒐᕙᒪᓕᕆᓂᕐᒧᑦ ᐊᒡᒍᖅᑐᖅᓯᒪᓂᕐᒥᒃ ᓂᕈᐊᖅᑕᐅᔾᔪᑎᒃᓴᒧᑦ ᑐᓐᖓᕕᖃᕐᖢᑎᒃ ᑎᑎᕋᖅᓯᒪᔪᑎᒍᑦ;
• ᒥᓂᔅᑕᐃᑦ ᓂᕈᐅᒡᕕᐅᒐᓗᐊᖅᑎᓪᓗᒋᑦ ᑲᑐᔾᔨᓗᑎᒃ ᓂᕈᐊᕋᔭᕐᓂᖏᓐᓂᒃ ᒪᓕᒐᓕᐅᕐᕕᖕᒥ ᐱᓕᕆᔭᐅᔪᒥᒃ, ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᑦ ᓂᕈᐊᕈᓐᓇᖅᑐᑦ ᐃᓱᒪᖅᓱᕐᓗᑎᒃ ᐱᔪᒪᔭᒥᖕᓂᒃ ᓯᕘᕋᖏᓪᓗᑎᒃ ᐃᓂᖅᑎᖅᑕᐅᓂᐊᕐᓂᖏᓐᓂᒃ ᐅᕝᕙᓗ ᓱᒋᐊᖅᑕᐅᓂᐊᕐᓂᖏᓐᓂᒃ. ᑭᓯᐊᓂᓕ, ᑎᑎᖅᑲᑎᒍᑦ ᐃᓂᖅᑎᖅᑕᐅᓂᐊᖅᐸᑕ ᒪᓕᒐᓕᐅᖅᑎᑐᐃᓐᓇᐃᑦ ᐊᑐᕈᓐᓇᖅᑐᑦ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᓐᓂᒃ (RMC);
• ᒪᓕᒐᓕᐅᖅᑎᑐᐃᓐᓇᐃᑦ ᐅᓄᕐᓂᓯᓴᐅᓪᓗᑎᒃ ᐃᓯᒃᕙᐅᑕᖃᖅᐳᑦ ᒪᓕᒐᓕᐅᖅᑎᑦ ᑲᑎᒪᔨᖏᓐᓂ. ᐊᔾᔨᒋᓇᓂᒋᑦ ᐊᒡᒍᖅᑐᖅᓯᒪᓪᓗᑎᒃ ᒐᕙᒪᓕᕆᓂᒃᑯᑦ ᑕᐱᕇᖃᑦᑕᖅᑐᑦ ᐱᐅᓯᖏᓐᓂᒃ ᑲᓇᑕᒥ ᐱᖁᔭᓕᐅᕐᕕᐅᔪᓂ, "ᒐᕙᒪᒃᑯᑦ ᓯᕗᓕᖅᑎᖏᑕ ᑐᓄᖓᓐᓂ ᐃᒃᓯᕚᖅᑐᖃᖅᐸᖏᑦᑐᖅ" ᑕᐃᒃᑯᐊ ᓂᕈᐅᒡᕕᐅᕙᖕᒪᑕ ᓂᕈᐊᕐᓂᐊᕐᓂᖏᓐᓂᒃ ᒪᓕᒡᑕᐅᓗᑎᒃ ᒥᓂᔅᑕᐃᑦ ᑲᑎᒪᔨᖏᑦ;
• ᐊᔾᔨᒋᔭᐅᓇᑎᒃ ᑲᓇᑕᒥ ᐱᖁᔭᓕᐅᕐᕕᐅᔪᓄᑦ ᑭᓯᐊᓂ ᐊᔾᔨᖃᖅᑐᑦ ᓄᓇᑦᑎᐊᕐᒥᐅᓂᒃ, ᓯᕗᓕᖅᑎ ᐊᒻᒪ ᒥᓂᔅᑕᐃᑦ ᑲᑎᒪᔨᖏᑦ ᓂᕈᐊᖅᑕᐅᖃᑦᑕᕐᖢᑎᒃ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ. ᓯᕗᓕᖅᑎ ᐱᔪᓐᓇᕐᓂᖃᖅᐳᖅ ᑎᒃᑯᐊᖅᓯᓂᕐᒥᒃ ᒥᓂᔅᑕᐅᕝᕕᒋᓂᐊᖅᑕᖏᓐᓄᑦ ᒥᓂᔅᑕᐅᔪᑦ, ᐊᒻᒪ ᑎᒃᑯᐊᖅᓯᖃᑦᑕᕆᓪᓗᓂ ᑐᖏᓕᕆᓂᐊᖅᑕᖓᓂᒃ ᓯᕗᓕᖅᑎᐅᑉ. ᓯᕗᓕᖅᑎ ᐊᒻᒪᓗ ᒥᓂᔅᑕᐅᔪᑦ ᐃᓂᒋᔭᒥᖕᓂᒃ ᑎᒍᒥᐊᖅᓯᖃᑦᑕᖅᐳᖅ ᐃᓱᒪᖅᓱᕈᑕᐅᓪᓗᑎᒃ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ;
• ᐱᖅᑯᓯᖃᕐᒪᑕ ᓯᕗᓕᖅᑎᑦ ᑲᑎᒪᔨᖏᓐᓂᒃ ᐱᓕᕆᓂᖏᓐᓄᑦ ᕿᒥᕐᕈᓇᒡᓗᑎᒃ ᑲᑎᒪᖃᑦᑕᕐᓂᕐᒥᓂᒃ ᓂᕈᐊᖅᑕᐅᓯᒪᓂᖓᑦ ᕿᑎᕋᕌᖓᑦ, ᑕᐃᒪᐃᓕᐅᖃᑦᑕᖅᓯᒪᔪᑦ ᓯᕗᓪᓕᖅᐹᒥ, ᑐᒡᓕᖓᓂᓗ ᐊᒻᒪ ᐱᖓᔪᖓᓐᓂ ᓂᕈᐊᖅᑕᐅᓯᒪᔪᑦ ᒪᓕᒐᓕᐅᖅᑎᑦ ᑲᑎᒪᔨᖏᑦ;
• ᑲᑎᒪᓂᕆᔭᖏᑦ ᒪᓕᒐᓕᐅᖅᑎᓕᒫᑦ ᑲᑎᒪᔨᖏᑕ ᐱᒻᒪᕆᐅᕗᖅ ᑎᒥᐅᔪᖅ ᑖᓐᓇ ᑲᑎᒪᔨᖃᕐᖢᓂ ᐃᓘᓐᓇᖏᓐᓂᒃ 19−ᖑᔪᓂᒃ ᒪᓕᒐᓕᐅᖅᑎᑦ ᑲᑎᒪᔨᖏᑦ ᐅᖃᓪᓚᒍᓐᓇᑦᑐᐃᓐᓇᐅᓪᓗᑎᒃ − ᑲᑉᐱᐊᓱᖏᓪᓗᑎᒃ ᐊᒻᒪ ᓇᓕᒧᒌᒡᓗᑎᒃ − ᐅᖃᐅᓯᖃᕈᓐᓇᖁᓪᓗᒋᑦ ᐅᖃᐅᓯᕆᔪᒪᔭᖏᓐᓂᒃ. ᓄᓇᕗᒥ ᓴᖅᑭᑕᐅᓇᓱᐊᖅᑐᑦ ᐱᖁᔭᒃᓴᑦ ᐊᒻᒪ ᑮᓇᐅᔭᖅᑐᕈᑎᒃᓴᑦ ᐅᖃᐅᑕᐅᖃᑦᑕᕆᐊᖃᖅᑎᓪᓗᒋᑦ ᑕᖅᑲᒃᑯᐊ ᑕᑯᓐᓇᖅᑎᓪᓗᒋᑦ ᒪᓕᒐᓕᐅᖅᑎᑦ ᑲᑎᒪᔨᖏᑦ ᑲᑎᒪᑎᓪᓗᒋᑦ, ᒪᓕᒐᓕᐅᖅᑎᓕᒫᓪᓕ ᑲᑎᒪᔨᖏᑕ ᑲᑎᒪᓂᖓᑦ ᐊᑐᖅᑕᐅᒐᔪᒃᐳᖅ ᐋᖅᑭᒡᓯᔾᔪᑕᐅᓪᓗᓂ ᐊᖏᖃᑎᒌᖏᓐᓂᕆᔭᐅᔪᓂᒃ ᐊᒻᒪ ᐊᖏᖅᑐᐃᓐᓇᐅᓕᖅᑎᓪᓗᒋᑦ ᐃᓱᒪᓕᐅᕐᕕᐅᓪᓗᓂ. ᑲᑎᒪᔨᓕᒫᑦ ᑲᑎᒪᔨᖏᑦ ᐊᑐᖅᑕᐅᖃᑦᑕᖅᑐᑦ ᐊᑑᑎᖃᕐᖢᓂ ᑲᑎᒪᓂᐅᔪᑦ ᐅᖃᐅᓯᖃᕐᓂᐊᖅᑎᓪᓗᒋᑦ ᐋᖅᑭᒡᓱᐃᓂᕐᒥᒃ ᒪᓕᒐᓕᐅᕐᕕᒃ ᑲᑎᒪᕐᔪᐊᖅᑎᓪᓗᒍ ᑲᑎᒪᐅᑕᐅᓂᐊᖅᑐᓂᒃ, ᕿᒥᕐᕈᓇᖕᓂᕐᒥᒃ ᐱᓕᕆᐊᒃᓴᖏᓐᓂᒃ ᐊᒻᒪ ᖃᖓᒃᑯᑦ ᓂᕈᐊᕐᔪᐊᕐᓂᐊᕐᒪᖔᑕ. ᒥᓂᔅᑕᐃᑦ ᑲᑎᒪᔨᖏᑦ ᒪᓕᒐᖅᑎᒍᑦ ᐱᔪᓐᓇᕐᓂᖃᕋᓗᐊᖅᑎᓪᓗᒋᑦ ᖃᖓᑐᐃᓐᓇᒃᑯᑦ ᓂᕈᐊᕐᔪᐊᖅᑎᑦᑎᓂᕐᒥᒃ, ᐊᑐᖅᓯᒪᔭᖓᓪᓕ ᓄᓇᕗᑦ ᐃᒪᓐᓇᐃᓕᖓᔪᖅ ᑕᒪᓐᓇ ᓯᕗᓪᓕᖅᐹᒥ ᐅᖃᐅᑕᐅᖅᑳᖃᑦᑕᖅᑐᑦ ᒪᓕᒐᓕᐅᖅᑎᓕᒫᑦ ᑲᑎᒪᑎᓪᓗᒋᑦ ᐊᖏᖃᑎᒌᒃᑐᐃᓐᓇᐅᔪᓐᓇᖁᓪᓗᒋᑦ;
• ᐃᓘᓐᓇᖏᑦ ᐊᖏᖏᒃᑲᓗᐊᖅᑎᓪᓗᒋᑦ ᐊᓂᒍᖅᑎᑦᓯᔪᓐᓇᖅᑐᑦ ᐱᖁᔭᒃᓴᓂᒃ ᐅᕝᕙᓗ ᐊᓯᖏᓐᓂᒃ ᑲᑎᒪᔾᔪᑕᐅᔪᓂᒃ ᒪᓕᒐᓕᐅᕐᕕᖕᒥ, ᑕᐃᒪᐃᒐᔪᒃᑭᓪᓗᑎᒃ. ᒪᓕᒐᓕᐅᖅᑎᑐᐃᓐᓇᐃᑦ ᓂᕈᐊᖃᑦᑕᖏᑦᑐᑦ ᐊᑭᕋᖅᑐᕐᓗᑎᒃ ᒐᕙᒪᒃᑯᑦ ᐋᖅᑭᒋᐊᕈᑎᖏᓐᓂᒃ ᐊᑭᕋᖅᑐᕋᓱᖕᓂᕐᒧᑐᐃᓐᓇᖅ. ᐃᓘᓐᓇᖏᑦ ᐊᖏᖃᑎᒌᒃᓯᒪᓂᖅᓴᐅᒐᔪᒃᑐᑦ ᐅᖃᐅᓯᒃᓴᕆᔭᖏᑦ ᐱᔭᕇᖏᑎᓪᓗᒋᑦ ᐱᔭᕇᕈᒪᓪᓗᒋᑦ, ᑕᑯᔪᓐᓇᖅᐸᑎᑦ ᒥᓂᔅᑕᐃᑦ ᐅᖃᐅᓯᒃᓴᖏᑦ ᑲᑎᒪᑐᐃᓐᓇᖅᑎᓪᓗᒋᑦ, ᓯᕗᒧᐊᒃᑎᑕᐅᓂᖏᓪᓗ ᒐᕙᒪᒃᑯᑦ ᐱᖁᔭᒃᓴᖏᑕ ᐊᖅᑯᓵᕆᐊᖃᖅᑕᖏᑦ ᒪᓕᒐᓕᐅᖅᑕᐅᑎᓪᓗᒋᑦ ᕿᓚᒥᒻᒥᐅᓂᖅᓴᐅᒐᔪᒃᑐᑦ ᐅᕝᕙᓗ ᐊᐅᓚᔾᔭᐃᒋᐊᖃᖅᑎᓪᓗᒋᑦ;
• ᒪᓕᒐᓕᐅᖅᑎᑐᐃᓐᓇᐃᑦ ᒥᓂᔅᑕᓂᒃ ᑭᐅᔪᓐᓇᕆᐊᖃᕐᓂᖏᓐᓄᑦ ᓵᓐᖓᒃᓯᔪᓐᓇᖅᐳᑦ ᐊᖅᑯᑎᖃᕐᓗᑎᒃ ᐅᖃᐅᓯᒃᑯᑦ ᐊᐱᖅᓱᕐᓇᕐᒥᒃ, ᖃᓄᐃᓐᓂᕆᔭᖓᑦ ᑲᑎᒪᕐᔪᐊᖅᑎᓪᓗᒋᑦ ᒪᓕᒐᓕᐅᖅᑎᑦ ᐱᑦᑎᐊᕐᓂᖅᓴᐅᓪᓗᑎᒃ ᐱᓕᕆᕙᒃᐳᑦ ᑕᒪᒃᑯᓇᓐᖓᑦ ᐊᒡᒍᖅᑐᖅᓯᒪᓪᓗᑎᒃ ᒐᕙᒪᓕᕆᓂᒃᑯᑦ ᐊᐅᓚᓂᖃᖅᑐᓂᑦ ᒪᓕᒐᓕᐅᕐᕕᖕᓂᑦ. ᐅᖃᓪᓚᒃᑐᖃᖅᑎᓪᓗᒍ ᕿᕐᓕᕈᑎᓗᑎᒃ ᓂᓪᓕᖅᑐᖃᒐᔪᖏᑦᑐᖅ, ᐆᒃᑑᑎᒋᓗᒍ. ᐅᖃᕆᐊᒃᓴᖅ ᐱᒻᒪᕆᐅᕗᖅ ᒪᓕᒐᓕᐅᖅᑎᑦ ᑲᑎᒪᔨᖏᑦ ᑲᑎᒪᓂᖃᓚᐅᕋᓗᐊᖅᑎᓪᓗᒋᑦ ᐅᓪᓗᓄᑦ 400−ᓄᑦ ᑕᐃᒪᓐᖓᑦ ᐱᓐᖑᖅᑎᑕᐅᓚᐅᖅᓯᒪᖕᒪᑦ ᓄᓇᕗᑦ ᐄᑉᐳ 1, 1999−ᒥᓂᑦ, ᐅᖃᖅᑎᖓᑦ ᒪᓕᒐᓕᐅᖅᑎᑦ ᑲᑎᒪᔨᖏᑕ ᐊᑎᖓᓂᒃ ᑕᐃᓯᔭᕆᐊᖃᓕᓚᐅᖅᓯᒪᖏᑦᑐᑦ ᐊᒻᒪ ᐊᓂᑦᑎᓚᐅᖅᓯᒪᖏᑦᑐᑦ ᑲᑎᒪᕐᔪᐊᕐᕕᖓᓐᓂᑦ ᐱᑦᑎᐊᖏᓐᓂᖓᓄᑦ ᐅᕝᕙᓗ ᓯᖁᒥᑦᑎᖃᑦᑕᕐᓂᖓᓄᑦ ᐅᓄᖅᑐᐃᖅᓱᕐᖢᓂ ᒪᓕᒐᓕᐅᖅᑎᑦ ᑲᑎᒪᔨᖏᑕ ᒪᓕᒐᖏᓐᓂᒃ;
• ᐃᒻᒥᒃᑰᖅᑐᑦ ᐱᓕᕆᔨᖏᑦ ᒪᓕᒐᓕᐅᖅᑎᑦ ᑲᑎᒪᔨᖏᑕ ᐊᑐᓕᖁᔭᓕᐅᕐᓂᒃᑯᑦ ᑎᒃᑯᐊᖅᑕᐅᖃᑦᑕᖅᐳᑦ ᒪᓕᒐᓕᐅᖅᑎᑦ ᑲᑎᒪᔨᖏᑕ, ᓂᕈᐊᖅᑕᐅᖃᑦᑕᖏᑦᑐᑦ ᒥᓂᔅᑕᐃᑦ ᑲᑎᒪᔨᖏᓐᓄᑦ ᐅᕝᕙᓗ ᐊᖓᔪᖅᑳᖓᓐᓄᑦ ᒐᕙᒪᒃᑯᑦ ᐃᓄᑐᐊᖑᓪᓗᑎᒃ; ᐊᒻᒪ
• ᑲᑎᒪᔨᕋᓛᖁᑎᖏᑦ ᒪᓕᒐᓕᐅᖅᑎᑦ ᑲᑎᒪᔨᖏᑕ ᐊᔭᐅᖅᑐᐃᔪᓐᓇᕐᓂᖅᓴᐅᔪᑦ ᒐᕙᒪᒃᑯᓐᓂᑦ ᐊᓯᖏᓐᓂᑦ ᑲᓇᑕᒥ ᐱᖁᔭᓕᐅᕐᕕᐅᔪᓂᑦ. ᐆᒃᑑᑎᒋᓗᒍ, ᑲᑎᒪᔨᕋᓛᑦ ᕿᒥᕐᕈᓇᖃᑦᑕᕐᒪᑕ ᒐᕙᒪᒃᑯᑦ ᐊᕐᕌᒍᑕᒫᓐ ᐱᓕᕆᐊᒃᓴᖏᓐᓄᑦ ᐸᕐᓇᐅᑎᖏᓐᓂᒃ, ᐊᐅᓚᔾᔪᑎᒃᓴᓄᑦ ᑮᓇᐅᔭᖅᑐᕈᑎᒃᓴᓂᒃ ᐊᒻᒪ ᐊᑭᑐᔪᖅᑐᕈᑎᒃᓴᓄᑦ ᑮᓇᐅᔭᖅᑐᕈᑎᒃᓴᓂᒃ ᐆᒃᑐᕋᐅᑎᓕᐊᖑᓯᒪᑎᓪᓗᒋᑦ ᓯᕗᕐᖓᒍᑦ ᓴᖅᑭᑕᐅᓚᐅᖏᓐᓂᖏᓐᓂ ᒪᓕᒐᓕᐅᕐᕕᖕᒥ. ᑕᐃᒪᓐᓇ ᒪᓕᒐᓕᐅᖅᑎᑐᐃᓐᓇᐃᑦ ᐱᕕᒃᓴᖃᕈᓐᓇᕐᒪᑕ ᐊᑐᓕᖁᔭᓕᐅᕐᓂᕐᒥᒃ ᐊᓯᔾᔨᖅᓯᖁᔨᒍᑎᒃ ᑮᓇᐅᔭᖅᑐᕈᑎᒋᓂᐊᖅᑕᖏᑕ ᐸᕐᓇᐅᑎᖏᓐᓄᑦ ᐊᒻᒪᓗ ᐱᓕᕆᐊᒃᓴᓄᑦ ᐊᐅᓚᔾᔭᒃᑕᐅᔪᒪᔪᓄᑦ ᑭᖑᓪᓕᖅᐹᒥ ᐃᓱᒪᓕᐅᕈᑕᐅᓚᐅᖏᓐᓂᖏᓐᓂ. ᑲᑎᒪᔨᕋᓛᑦ ᐱᕕᒃᓴᖃᖃᑦᑕᕆᕗᑦ ᕿᒥᕐᕈᓇᖕᓂᕐᒥᒃ ᓄᑖᓂᒃ ᐱᖁᔭᒃᓴᓂᒃ ᓴᖅᑭᑕᐅᓚᐅᖏᓐᓂᖏᓐᓂ ᒪᓕᒐᓕᐅᕐᕕᐅᑉᐃᓗᐊᓂ ᐱᖁᔭᒃᓴᐅᓗᑎᒃ.ᐊᖏᖃᑎᒌᖕᓂᒃᑯᑦ ᐊᐅᓚᓂᖃᖅᑐᖅ ᒐᕙᒪᖓᑦ ᓄᓇᕗᐊᖏᖃᑎᒌᖕᓂᒃᑯᑦ ᐊᐅᓚᓂᖃᖅᑐᖅ ᒐᕙᒪᖓᑦ ᓄᓇᕗᒥ.