ᓄᓇᕗᑦ: ᓄᕕᐱᕆ 2004 ᐊᒻᒪ ᔭᓄᐊᕆ 2005 ᐊᑯᓐᓂᖓᓐᓂ, ᓯᕗᓪᓕᖅᐹᑦᑎᐊᖅ ᑕᑯᒃᓴᐅᑎᑕᐅᓪᓚᑦᑖᖅᑐᖅ ᓄᓇᕗᑦ ᒐᕙᒪᒃᑯᓐᓂ ᒫᓐᓇᓕᓴᐅᓪᓗᑎᒃ ᐊᒡᒐᒧᑦ ᓴᓇᐅᒃᑲᑦ ᓴᖅᑭᔮᖅᑎᑕᐅᓚᐅᖅᐳᑦ Peabody-Essex ᑕᑯᔭᒐᖃᕐᕕᖕᒥ ᓴᐃᓚᒻ, ᒫᓴᑦᓲᓴᑦᔅ-ᒥ.
ᐊᔪᖅᑎᑕᐅᙱᑦᑐᖅ ᓄᓇᕗᑦ: ᐊᔪᖅᑎᑕᐅᙱᑦᑐᑦ ᐊᒡᒐᓄᑦ ᓴᓇᐅᒃᑲᑦ ᐅᑭᐅᖅᑕᖅᑐᒥᙶᖅᑐᑦ, ᑕᑯᒃᓴᐅᑎᑕᐅᔪᑦ 50 ᐅᖓᑖᓂ ᓴᓇᙳᐊᒐᑦ, ᔭᕐᕋᐃᑦ, ᖃᓪᓗᓈᖅᑕᑦ, ᐊᔾᔨᓕᐅᒐᑦ ᐊᒻᒪ ᓄᓇᕐᔪᐊᕐᒧᑦ ᑐᓴᐅᒪᔪᓕᕆᔾᔪᑏᑦ. ᑕᑯᔭᒐᖃᕐᕕᒃ ᐊᐅᓚᑕᐅᓚᐅᖅᐳᖅ ᐱᓕᕆᐊᖑᓪᓗᑎᒃ ᐃᓄᐃᑦ ᓯᓚᓕᕆᔾᔪᓯᖓᑦ ᐊᒻᒪ ᐅᒃᐱᕆᔭᖓ, ᐃᓚᒌᑦ, ᐱᕕᒃᓴᖅ ᑐᑭᓯᐊᓕᕐᓗᒍ ᐸᕐᓇᒍᓐᓇᖅᓯᓗᒋᓪᓗ, ᐊᕐᕌᒎᑉ ᐃᓚᖓ ᐊᑐᖅᑎᓪᓗᒍ ᐊᒻᒪ ᓇᓂᒥᐅᑕᒥᐊᑦ.
ᑖᓐᓇ ᑕᑯᔭᒐᖃᕐᕕᒃ ᐱᓕᕆᐊᖑᕗᖅ ᐊᕐᕌᒎᖕᓄᑦ ᒪᕐᕉᖕᓄᑦ ᐸᕐᓇᒃᑕᐅᓪᓗᓂ ᑲᑐᔾᔨᖃᑎᒌᒍᑕᐅᓪᓗᓂᓗ ᐃᓕᖅᑯᓯᓕᕆᔨᒃᑯᓐᓄᑦ ᐊᒻᒪ Peabody Essex ᑕᑯᔭᒐᖃᕐᕕᖕᒧᑦ. ᑖᓐᓇ ᐱᓕᕆᐊᖅ ᐊᐅᓚᑕᐅᓚᐅᖅᐳᖅ ᐊᖅᑯᑎᒋᔭᐅᓪᓗᑎᒃ ᑲᓇᑕᒥ ᑭᒡᒐᖅᑐᖅᑎ New England-ᒧᑦ ᐃᓚᐅᒋᓪᓗᓂᓗ ᐱᓕᕆᔨᐅᖃᑎᒌᓂᒃ ᓄᓇᕗᒻᒥ ᐱᕙᓪᓕᐊᔪᓕᕆᔨᒃᑯᓐᓂ ᐃᖏᕐᕋᔪᓕᕆᔨᒃᑯᓐᓂᓪᓗ, ᐊᕙᑎᓕᕆᔨᒃᑯᓐᓂ, ᐊᒻᒪ ᓄᓇᕗᑦ ᑐᙵᕕᒃᑯᓐᓂ.
ᑖᓐᓇ ᑕᑯᔭᒐᖃᕐᕕᒃ ᑕᑯᒃᓴᐅᑎᑦᑎᕗᖅ ᐱᓕᕆᐊᖑᕙᒃᑐᓂᒃ ᐃᓄᖕᓄᑦ ᓴᓇᙳᐊᖅᑎᓄᑦ, ᒪᒃᑯᒃᑐᑦ ᐃᓐᓇᐃᓪᓗ, ᐱᓕᕆᐊᕇᓐᓇᖅᑕᖓ ᐊᓯᐅᑎᑦᑕᐃᓕᒪᓪᓗᒍ ᖁᕕᐊᓲᑎᒋᓪᓗᒋᓪᓗ ᐃᓄᐃᑦ ᐃᓕᖅᑯᓯᖏᑦ ᐱᐅᓯᖏᓪᓗ.