ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 2020: ᐊᑦᑏᓂᖅ

ᔭᓐᓄᐊᓕ 31, 2020

ᐱᕙᓪᓕᐊᔪᑦ ᓴᖅᑭᑕᖅ

ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 2020: ᐊᑦᑏᓂᖅ

ᐃᖃᓗᐃᑦ, ᓄᓇᕗᑦ (ᔭᓐᓂᐊᓕ 31, 2020) - ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅᑕᖃᖅᑎᓪᓗᒍ - ᖁᕕᐊᓲᑎᖃᕐᓂᕐᒥᑦ ᐃᓄᒃᑐᑦ ᐅᖃᐅᓯᕐᒧᑦ ᑕᖅᑭᖓᓂᑦ, ᒐᕙᒪᒃᑯᑦ ᓄᓇᕗᒻᒥ ᖃᐃᖁᔨᔪᑦ ᓄᓇᕗᒻᒥᐅᓂᑦ ᐅᖃᐅᓯᖃᖁᔨᑦᓱᑎᒃ ᐃᓚᒌᖏᑦᑕ ᐅᓂᒃᑳᖏᓐᓂᑦ ᐊᖅᑯᑎᒋᓗᒍ ᐊᑦᑏᓂᖅ, ᐃᓕᖅᑯᓯᐅᔪᖅ ᐃᓄᐃᑦ ᐊᑦᓰᒍᓯᖓ.

“ᑕᕝᕙᓂ ᐊᕐᕌᒍᒻᒥ ᐱᔾᔪᑕᐅᔪᖅ ᖁᕕᐊᓲᑎᖃᕐᓂᕐᒥᑦ ᐊᑦᓰᒍᓯᕐᒥᑦ; ᓴᙱᓂᖃᓪᓚᕆᖅᑐᖅ ᐅᖃᐅᓯᖃᕐᓂᕐᒥᑦ ᐃᒻᒥᒃᑰᖅᑐᓄᑦ ᑲᑐᔾᔨᖃᑎᒌᓐᓂᕐᒥᓪᓗ,” ᐅᖃᖅᑐᖅ ᒥᓂᔅᑕ ᐅᖃᐅᓯᓕᕆᓂᕐᒧᑦ, ᑕᐃᕕᑎ ᔪᐊᓇᓯ. “ᑭᖑᕚᖏᓐᓅᖅᑕᐅᓯᒪᔪᑐᖃᐃᑦ, ᐃᓄᐃᑦ ᐊᑎᖏᑦ ᑐᙵᔾᔪᑎᒋᒐᑦᑎᒍ ᐃᓚᑦᑎᓐᓄᑦ ᓄᓇᓕᑦᑎᓐᓄᓪᓗ, ᐱᓯᒪᑦᓯᓂᕐᒧᑦ ᐃᓅᓇᓱᐊᕐᓂᕐᒧᑦ ᖃᐅᔨᒪᓂᖃᕐᓂᕐᒥᑦ ᐱᐅᓯᑐᖃᑦᑎᓐᓄᑦ, ᐃᓕᖅᑯᓯᑦᑎᓐᓄᑦ ᐅᖃᐅᓯᕗᓪᓗ ᑲᔪᓯᓂᖃᑦᓯᐊᖅᑐᖅ ᓴᙱᔫᑦᓱᓂᓗ.”
ᓄᓇᕗᑦ ᐊᔾᔨᐅᖏᑦᑐᖅ ᐊᔾᔨᐅᖏᓐᓂᖓᓄᓪᓗ ᐅᖃᐅᓯᓕᕆᓂᖅ ᑲᓇᑕᒥ. ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ ᐊᕐᕌᒍᑕᒫᖅ ᖁᕕᐊᓲᑎᖃᕐᓂᖅ ᐱᒻᒪᕆᐅᓂᖓᓂᑦ, ᐱᐅᓯᑐᖃᖅ ᐊᔾᔨᒌᖏᕈᓘᔭᕐᓂᕐᓗ ᐃᓄᒃᑐᑦ ᓄᓇᕗᒻᒥ.

ᐱᒋᐊᕐᓗᓂ ᕕᐅᓪᓗᐊᓕ, ᐃᓕᖅᑯᓯᓕᕆᔨᒃᑯᑦ ᓴᖅᑭᔮᖅᑎᑦᓯᓂᐊᖅᑐᑦ ᓱᓕᕆᓂᐅᔪᓂᑦ ᓴᖅᑭᑎᑦᓯᓂᕐᒥᓪᓗ ᐊᔾᔨᒌᖏᑦᑐᓂᑦ ᐃᓄᒃᑐᑦ ᐅᖃᓕᒫᕈᓐᓇᕐᓂᕐᒧᑦ ᐃᑲᔫᑎᓂᑦ ᐃᓄᐃᑦ ᐊᑎᖏᓐᓂᑦ ᐊᑦᓰᔾᔪᓯᕐᓗ, ᐃᓚᒋᓪᓗᒍ ᐱᒋᐊᖅᑎᑦᓯᓂᕐᒥᑦ ᓄᑖᒥ ᕿᓚᐅᑦ ᕿᓪᓕᖅᑐᖅ ᓂᔾᔭᐅᓯᐊᖑᓯᒪᔪᖅ ᓵᖅᑭᔮᖅᑎᑦᓯᓂᕐᒥᑦ ᐃᓚᒌᓂᑦ ᐱᖃᑎᒌᓐᓂᕐᒥᓪᓗ.

ᓄᓇᕗᒻᒥᐅᑦ ᖃᐃᖁᔭᐅᔪᑦ ᓴᖅᑭᔮᖅᑎᑦᓯᓂᕐᒧᑦ ᐃᓄᒃᑐᑦ ᑕᕝᕙᓂ ᐊᕐᕌᒍᒻᒥ ᐊᑐᕐᓗᒍ ᖃᐅᑕᒫᑦ, ᐅᖃᐅᓯᖃᕐᓂᕐᒥᑦ ᐅᓂᒃᑳᕐᓂᑦ ᐊᑦᓯᖅᑐᐃᓂᕐᒥᑦ ᐃᓕᓐᓂᐊᕐᓂᕐᒥᓪᓗ, ᐃᓚᒋᔭᐅᓂᕐᒥᓪᓗ ᐅᖃᖃᑎᒌᓐᓂᕐᒧᑦ ᐃᓄᓐᓄᑦ ᑐᓴᐅᒪᔾᔪᑎᒥ ᐊᑐᕐᓗᑎᑦ #ᐃᓄᒃᑑᖅᑕ.

ᑐᑭᓯᒋᐊᒃᑲᓂᕈᒪᒍᕕᑦ, ᖃᐅᔨᒋᐊᕐᓗᒍ: www.gov.nu.ca/culture-and-heritage

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᒪᐃᑯᓪ ᓵᓚᒨᓂ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ ᐃᓕᖅᑯᓯᓕᕆᔨᒃᑯᑦ
867-975-5526
MSalomonie@gov.nu.cas