You are here
ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 2023
ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 2023
ᐱᕙᒌᔭᓕᕆᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᕐᒧᑦ 2023-ᒥᑦ, ᐊᕐᕌᒍᑕᒫᑦ ᖁᕕᐊᓲᑕᐅᖃᑦᑕᖅᑐᖅ ᐃᓄᒃᑐᑦ ᐅᖃᐅᓯᕐᒧᑦ ᐃᓕᖅᑯᓯᕐᒧᓪᓗ ᓄᓇᕗᒻᒥ, ᐱᓕᕆᐊᖑᓛᖅᑐᖅ ᐊᐃᕆᓕᐅᓕᖅᐸᑦ!
ᑕᒪᑐᒪᓂ ᐊᕐᕌᒍᒥ ᐱᓕᕆᐊᖑᓂᐊᖅᑐᖅ 'ᖁᓪᓕᖅ,' ᐃᓄᖕᓄᑦ ᐅᖅᑰᓴᐅᑎᒋᔭᐅᓂᑯ ᓂᖅᖠᐅᕈᑕᐅᓂᑯ ᐊᑐᖅᑕᐅᖃᑦᑕᕐᓂᑰᔪᑦ ᐊᕐᕌᒍᒐᓴᕐᓄᑦ. ᖁᓪᓖᑦ ᓯᕗᕚᑦᑎᓐᓄᑦ ᐊᓐᓇᐅᒪᑎᑦᑎᔪᓐᓇᓚᐅᕐᒪᑕ ᐃᒃᑮᕐᓇᖅᑐᐊᓗᖕᒥ ᐊᒻᒪᓗ ᑕᑯᒃᓴᐅᑎᑦᑎᓪᓗᑎᒃ ᐃᓄᐃᑦ ᐃᓕᖅᑯᓯᖓᓐᓂᒃ ᐊᒻᒪᓗ ᓄᓇᓕᖓᓂᒃ.
"ᐅᖃᐅᓯᕐᒧᑦ ᖁᕕᐊᓲᑎᖃᖅᑎᓪᓗᑕ ᓯᕗᓂᖔᑦᑎᓐᓂᓪᓗ, ᓄᓇᕗᒻᒥᐅᑦ ᑎᓕᐅᖅᐸᒃᑲ ᖃᐅᑕᒫᑦ ᐃᓄᒃᑐᑦ ᐅᖃᕆᐅᖅᓴᖃᑦᑕᖁᓪᓗᒋᑦ," ᐅᖃᓚᐅᖅᐳᖅ ᐃᓕᖅᑯᓯᓕᕆᔨᒃᑯᓐᓄᑦ ᒥᓂᔅᑕ ᐹᒥᓚ ᒍᕉᔅ.
"ᐅᖃᖃᑎᒋᓗᒋᑦ ᐃᓚᑎᑦ ᐱᖃᓐᓇᕆᔭᑎᓪᓗ ᐅᖃᐅᓯᒃᑯᓪᓗ ᐊᔪᙱᓐᓂᑎᑦ ᕿᑐᕐᖓᕐᓄᑦ, ᐱᖃᓐᓇᕆᔭᕐᓄᑦ ᐃᖅᑲᓇᐃᔭᖃᑎᖕᓄᓪᓗ. ᐃᓄᒃᑐᑦ ᐅᖃᓪᓚᓕᕌᖓᑦᑕ, ᐃᑲᔪᖃᑦᑕᖅᐳᒍᑦ ᐅᖃᐅᓯᕗᑦ ᐃᓕᖅᑯᓯᕗᓪᓗ ᓴᙱᔫᑎᓪᓗᒋᑦ. ᐊᓐᓇᐅᒪᓇᓱᖕᓂᖅ ᐅᖃᐅᓯᕗᓪᓘᓐᓃᑦ ᐊᓐᓇᐅᒪᔾᔪᑎᒋᒐᑦᑎᒍᑦ ᐃᓅᓪᓗᑕ."
ᐱᓕᕆᑎᑦᑎᑎᓪᓗᒋᑦ, ᐃᓕᖅᑯᓯᓕᕆᔨᒃᑯᑦ, ᐱᓕᕆᖃᑎᖃᖅᖢᑎᒃ ᐊᓯᖏᓐᓂᒃ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᓐᓂᒃ, ᐅᔾᔨᕆᔭᐅᓕᖅᑎᑦᑎᓂᐊᖅᐳᑦ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᓂᒃ ᐊᒻᒪ ᐃᑲᔫᑎᒃᓴᓂᒃ ᖁᕕᐊᓲᑕᐅᖁᓪᓗᒍ ᐃᓄᒃᑐᑦ ᐅᖃᐅᓯᖅ.
ᖃᐅᔨᒋᐊᕐᓗᒋᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᕐᒧᑦ ᒪᒃᐱᖅᑐᒐᖅᐳᑦ ᓄᑖᙳᕆᐊᖅᓯᒪᔪᓂᒃ ᑕᑯᔪᒪᒍᔅᓯ ᐱᓕᕆᐊᒃᓴᓂᒃ ᐸᕐᓇᐃᓯᒪᒐᑦᑕ ᖁᕕᐊᓲᑎᖃᓛᖅᑎᓪᓗᑕ ᐃᓄᒃᑐᑦ ᐅᖃᐅᓯᕐᒧᑦ ᐃᓕᖅᑯᓯᕐᒧᓪᓗ. ᖃᐅᒻᒪᖅᑯᓯᖅᓯᒪᓚᐅᕐᓚᕗᑦ ᐱᐅᓂᖓ ᐱᒻᒪᕆᐅᓂᖓᓗ ᐃᓄᒃᑐᑦ ᐅᖃᐅᓯᖅ!
ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ
ᑕᕝᕙᓂ ᐄᐳᕈ ᐃᓚᒋᔭᐅᒋᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᕐᒧᑦ, ᐃᓚᓗᒍ ᑖᓐᓇ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᐅᑉ ᐊᔾᔨᙳᐊᖅ ᐊᑎᓕᐅᕈᓯᕐᓄᑦ!
ᐃᓚᓂᐊᕐᓗᒍ ᐊᔾᔨᙳᐊᖅ:
ᑐᖅᑯᕐᓗᒍ ᐃᓚᔨᐅᑎᑦᓯᒪᔪᖅ ᐊᔾᔨᙳᐊᖅ ᐃᒐᓚᐅᔭᒃᑯᕕᓐᓄᑦ. ᒪᑐᐃᕐᓗᒍ ᓄᑖᖅ ᐃᕐᖐᓐᓈᖅᑕᐅᑦ, ᓇᕿᓪᓗᒍ ‘Signature’ ᓂᕈᐊᕐᕕᐅᔪᓐᓇᖅᑐᒥᑦ.
ᑕᐃᑯᖓᕈᕕᑦ, ᒪᑐᐃᓗᒍ daily signature, ᓇᕿᓪᓗᒍ ᑭᖑᓪᓕᖅ ᓇᓗᓇᐃᖅᓯᔾᔪᑎ ᐃᓕᓗᒍ ᐊᔾᔨ.
ᐃᓕᓗᒍ ᐊᔾᔨ ᐊᑖᓂᑦ ᐃᕐᖐᓐᓈᖅᑕᐅᑎᑉᐱᑦ ᐊᑎᓕᐅᕈᓯᐅᑉ ᐊᑎᑦᓯᓂᐊᖓᓂᑦ. ᐃᓂᖃᖅᑎᑦᓯᓗᑎᑦ ᐊᑯᓐᓂᖓᓂᑦ ᐊᑎᓕᐅᕈᓯᐅᑉ ᐊᔨᙳᐊᕐᓗ.
ᐊᑎᓕᐅᕈᓯᑐᐊᖅ: ᖃᐅᔨᒋᐊᕈᒃ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 2023 | ᓄᓇᕗᑦ ᒐᕙᒪᖓ (gov.nu.ca) ᑐᑭᓯᒋᐊᒃᑲᓐᓂᕈᒪᒍᕕᑦ ᐊᒻᒪᓗ ᐅᑕᕿᑦᑎᐊᕆᑦ ᓄᓇᕗᑦ ᒐᕙᒪᖓᑦ ᖃᕆᓴᐅᔭᒃᑯᑦ ᐱᕙᓪᓕᐊᔪᓂ ᑲᔪᓯᑎᑕᐅᔪᓂ ᑕᕐᕇᔭᒐᒃᓴᓂᑦ ᐱᓐᓂᑭᓴᐅᑎᔪᓄᓪᓗ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᕐᒧ 2023ᒥᑦ.
