2017 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ

2013 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ | 2014 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ | 2015 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ | 2016 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ | 2017 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ | 2018 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ | 2019 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ | 2020 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ | 2021 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ | ᐃᑭᐊᖅᑭᕕᐅᑉ ᐱᒋᐊᕐᕕᖓ

ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 

ᕕᐅᓪᓗᐊᓕ 1-ᒥ-28-ᒧ, 2017 

ᕕᕝᕗᐊᕆ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᐅᕗᖅ - ᐃᓄᒃᑐᑦ  ᐅᖃᐅᓯᓕᕆᓂᐅᑉ ᑕᖅᑭᖓ, ᓄᓇᕗᒻᒥᐅᑦ ᖁᕕᐊᓲᑎᖃᕈᓐᓇᖅᖢᑎᒃ  ᐃᓄᐃᑦ  ᐅᖃᐅᓯᖓᓂᒃ ᐊᒻᒪ ᐃᓕᖅᑯᓯᖓᓂᒃ ᓄᓇᕘᓕᒫᒥ.  ᐃᓚᐅᖁᔨᓪᓗᓯ  ᑕᒪᑐᒪᓂ ᐊᕐᕌᒍᒥ  ᖁᕕᐊᓲᑎᖃᓕᖅᐸᑕ  ᐅᖃᓪᓚᖃᑕᐅᓗᑎᒃ, ᐃᓕᓴᐃᓗᑎᒃ,  ᐊᒻᒪ ᐃᓕᓐᓂᐊᕐᓗᑎᒃ  ᐃᓄᒃᑐᑦ!
ᐃᓕᓴᕆᔭᐅᓯᒪᔪᓄᑦ ᐅᖃᐅᓯᓄᑦ ᑐᑭᒧᐊᒃᑎᑦᑎᔨ

ᐃᑲᔪᖅᑐᕐᓂᕐᓂᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᕐᒧᑦ 2017-ᒥ ᓱᓂᕆᓂᐅᔪᓂᑦ ᐃᓕᓐᓂᐊᕐᕕᒻᒥᑦ, ᐸᐃᕆᕕᓐᓂᑦ, ᐅᖃᓕᒫᒐᖃᕐᕕᓐᓂᓪᓗ, ᐊᐅᓪᓚᑎᑦᓯᕕᖃᕐᓂᐊᖅᑐᒍᑦ ᐃᓕᓐᓂᑦ ᑖᑦᓱᒪᖓᑦ ᐃᓄᒃᑐᑦ ᐃᑲᔫᑎᓂᑦ.

ᓴᖅᑭᑎᑦᓯᓯᒪᔪᒍᑦ ᐊᒥᓱᒐᓚᓐᓂᑦ ᐃᑲᔫᑎᓂᑦ ᐃᑲᔪᕐᓂᕐᒥᑦ ᐃᑲᔪᖅᑐᕐᓂᕐᒥᑦ ᓴᖅᑭᔮᖅᑎᑦᓯᓂᕐᒥᓪᓗ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᕐᒥᑦ.

ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 2017-ᒥ ᖃᕆᑕᐅᔭᑎᒍᑦ ᑐᓴᕋᑦᓴᖅ

ᐱᕙᓪᓕᐊᑎᑦᓯᓯᒪᔪᒍᑦ ᖃᕆᑕᐅᔭᑎᒍᑦ ᑐᓴᒐᑦᓴᕐᒥᑦ ᐊᑐᐃᓐᓇᐅᑎᑦᓯᓂᕐᒥᑦ ᐱᒻᒪᕆᐅᔪᓂᑦ ᑐᑭᓯᒋᐊᕈᑎᑦᓴᓂᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᐅᑉ ᒥᑦᓵᓄᑦ 2017-ᒥ ᑕᐃᒎᓯᕆᔭᖓ ᐅᓂᒃᑳᑐᖃᐃᑦ ᐊᒥᓱᒻᒪᕆᓐᓂᓪᓗ ᐱᒻᒪᕆᐅᔪᓂᑦ ᐱᔾᔪᑎᓂᑦ, ᓲᕐᓗ ᐃᓄᐃᑦ ᐅᖃᐅᓯᖓᓂᑦ ᐱᔪᓐᓇᐅᑎᖃᕐᓂᕐᒥᑦ ᐅᖃᐅᓯᖃᕐᓂᕐᒥᓪᓗ ᐅᖃᐅᓯᕐᓄᑦ ᐱᓕᕆᐊᓂᑦ ᒥᑦᓵᓄᑦ.

ᐃᓄᒃᑐᑦ ᐊᖏᕐᕋᕐᒥᑦ ᐅᖃᓕᒫᕈᓐᓇᓂᕐᒧᑦ ᑎᑎᕋᕈᓐᓇᓂᕐᒧᓪᓗ ᐅᖃᓕᒫᒐᕋᓛᑦ

ᐱᕙᓪᓕᐊᑎᑦᓯᓯᒪᔪᒍᑦ ᐃᑲᔫᑎᓂᑦ ᐃᑲᔪᖅᑐᕐᓂᕐᒥᑦ ᐃᓄᒃᑐᑦ ᐅᖃᓕᒫᕈᓐᓇᓂᕐᒧᑦ ᑎᑎᕋᕈᓐᓇᓂᕐᒧᓪᓗ ᓱᓕᕆᓂᐅᔪᓄᑦ ᐊᖏᕐᕋᒻᒥᑦ. ᐆᒪᓇᓱᐊᕐᓂᕐᒧᑦ ᐃᓄᒃᑐᑦ ᑕᑎᖃᖅᑐᖅ ᐅᖃᐅᓯᐅᖃᑦᑕᕐᓂᖓᓄᑦ ᐊᖏᕐᕋᕐᒥᑦ, ᑖᓐᓇᓗ ᐃᑲᔫᑎ ᐊᑐᐃᓐᓇᐅᑎᑦᓯᔪᖅ ᐱᒻᒪᕆᐅᔪᓂᑦ ᑐᑭᓯᒋᐊᕈᑎᑦᓴᓂᑦ ᖃᓄᐃᓕᐅᖁᔨᓂᕐᒥᓪᓗ ᖃᓄᖅ ᐱᓕᕆᖃᑎᖃᕈᓐᓇᓂᕐᒥᑦ ᓄᑕᖅᑲᕐᓂᑦ ᓴᙱᓕᑎᑦᓯᓂᕐᒥᑦ ᑐᑭᓯᐅᒪᓂᖏᓐᓂᑦ ᐅᑉᐱᕈᓱᓐᓂᕐᒥᓪᓗ ᐃᓄᒃᑐᑦ.

ᐊᓪᓚᕝᕕᕗᑦ ᑐᓂᐅᖅᑲᐃᓂᐊᖅᑐᖅ ᑖᒃᑯᓇᖓᑦ ᕕᐅᓪᓗᐊᓕᒥᑦ. ᐱᙱᒃᑯᕕᑦ ᑖᒃᑯᓇᖓᑦ ᐃᑲᔫᑎᓂᑦ, ᖃᐅᔨᒃᑲᕐᓗᒍ ᑑᒃᑳᓯ ᐴᒃ (TBurke@gov.nu.ca) ᓵ ᐱᑦᓯᐅᓛᕐᒧᓘᓐᓃᑦ (SPitsiulak@gov.nu.ca) ᑐ ᑦ ᓯ ᕋ ᕐ ᓂ ᕐ ᒧ ᑦ ᐊᔾᔨᓕᐊᖑᓯᒪᔪᓂᑦ.

ᑖᓐᓇ ᖁᕕᐊᓲᑎᖃᕐᓂᖅ ᓄᓇᕗᒻᒥᐅᓕᒫᓄᑦ! ᐃᓕᓐᓂᐊᖅᑕ ᐃᓕᓐᓂᐊᑎᑦᓯᓗᑕᓗ. ᐃᙱᖅᑕ ᐅᓂᒃᑳᕐᓗᑕᓗ. ᖃᓄᐃᓕᐅᖃᑎᒌᓐᓂᖃᖅᑕ. 

ᐃᓕᖅᑯᓯᓕᕆᔨᒃᑯᑦ ᐃᖃᓗᓐᓂᑦ ᖁᕕᐊᓲᑎᖃᖅᑐᑦ ᐱᒋᐊᖓᕐᓂᖓᓂᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᕐᒥᑦ 2017 - ᐅᖃᐅᓯᕐᒧᑦ ᑕᖅᑭᐅᑎᓪᓗᒍ - ᐊᑐᖅᓱᑎᒃ ᑐᖑᔪᖅᑕᕐᒥᑦ ᐃᓄᐃᑦ ᑎᑎᕋᕈᓯᖏᑦᑕ ᓇᕿᑦᑕᐅᑎᖏᓐᓂᑦ ᐅᕕᓂᕈᖏᓐᓂᑦ ᑎᒍᒥᐊᖅᓱᑎᓪᓗ ᐃᓅᒐᑦᑕ ᐊᑭᓐᓇᕐᒥᐅᑕᖓᓂᑦ, ᑐᑭᖃᖅᑐᖅ “ᐃᓄᐃᓐᓇᐅᔪᒍᑦ ᐃᓅᑦᓱᑕᓗ.” ᐃᓚᒋᔭᐅᖃᑕᐅᒋᑦ ᐃᓕᖅᑯᓯᓕᕆᔨᒃᑯᓐᓄᑦ ᖁᕕᐊᓲᑎᖃᕐᓂᕐᒥᑦ ᐅᖃᐅᓯᕐᒧᑦ ᑕᖅᑭᕐᒥᑦ ᐃᓚᐅᖃᑕᐅᓗᑎᑦ ᑕᕝᕙᓂ ᐊᕐᕌᒍᒻᒥᑦ ᐱᔾᔪᑕᐅᓂᐊᖅᑐᖅ, ᐅᓂᒃᑳᖅᑐᐊᑦ - ᐃᓄᐃᑦ ᐅᓂᒃᑲᐅᓯᖓ.