ᐅᖃᓚᐅᑎᓯᐅᑏᑦ

You are here

ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 2016

ᖃᓄᐃᓕᐅᒐᒃᓴᑦ | ᕿᓚᐅᑦ 2016 | ᐃᓄᒃᑐᑦ ᐃᑲᔫᑎᒃᓴᑦ
ᓂᔾᔭᐅᓯᔭᕐᓂᖅ ᑕᕐᕆᔮᒃᓴᓪᓗ | ᓄᓇᓕᖕᓂ ᐱᓕᕆᐊᑦ

 

ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ
ᕕᕝᕗᐊᕆ 1-29, 2016

ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ ᓄᓇᕘᒥ ᐊᕐᕌᒍᑕᒫᑦ ᖁᕕᐊᓲᑕᐅᓲᖑᖕᒪᑦ ᐃᓄᒃᑐᑦ ᐊᒻᒪᓗ ᐃᓄᐃᑦ ᐃᓕᖅᑯᓯᖏᓐᓂᒃ. ᐃᓕᓐᓂᐊᖅᑕ ᐊᒻᒪᓗ ᐃᓕᓴᐃᓗᑕ. ᐃᖏᕐᑕ ᐊᒻᒪᓗ ᐅᓂᒃᑳᑲᑕᒡᓗᑕ. ᖃᓄᐃᓕᐅᕆᐊᖅᑕ ᑲᑐᔾᔨᓗᑕ.

 
ᖃᓄᐃᓕᐅᕐᓂᐅᓂᐊᖅᑐᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 2016-ᒥ ᒪᑯᓂᖓᓕᕆᓂᐊᖅᑐᑦ ᐃᓄᐃᑦ ᐊᓐᓄᕋᖃᐅᓯᖏᑦ (“ᐃᓄᐃᑦ ᐊᓐᓄᕌᖃᐅᓯᖏᑦ”). ᐃᓄᐃᑦ ᐊᓐᓄᕌᓕᐅᕈᓯᖏᑦᑎᒍᑦ ᐱᔪᓐᓇᕈᑕᐅᓚᐅᕐᒪᑕ ᓯᕗᓪᓕᕕᓂᑦᑎᓐᓂᑦ ᑲᔪᓯᔾᔪᑕᐅᓗᑎᒃ ᐅᑭᐅᖅᑕᖅᑐᒥ ᐊᕙᑎᖓᓂ. ᐃᓕᖅᑯᓯᕗᑦ ᐊᒻᒪᓗ ᒫᓇᓕᓴᑦ ᐊᓐᓄᕌᑦ ᐱᒻᒪᕆᐊᓘᖕᒪᑕ ᓴᓇᑐᓕᓂᒃᑯᑦ ᐊᒻᒪᓗ ᐃᓕᖅᑯᓯᕐᓂᒃ ᓇᓗᓇᐃᖅᓯᔾᔪᑕᐅᓪᓗᑎᒃ, ᑕᑯᒃᓴᐅᑎᑦᑎᔪᑦ ᐃᓚᒌᖕᓂᕐᓂᒃ, ᐅᒃᐱᕐᓂᕐᒥᒃ, ᐊᒻᒪᓗ ᖃᓅᔾᔪᓯᐅᔪᓂᒃ ᓄᓇᕐᔪᐊᕐᒥ.

ᖃᓄᐃᓕᐅᕐᓂᐊᓕᖅᐱᓪᓕ?
ᐊᔪᕈᓐᓃᖅᓴᖅᑐᐃᓐᓇᐅᔪᓐᓇᖅᑐᒍᑦ, ᐃᓕᓴᐃᔪᓐᓇᖅᖢᑕ, ᖁᕝᕙᖅᑎᕆᔪᓐᓇᖅᖢᑕ, ᐊᒻᒪᓗ ᖁᕕᐊᓲᑎᖃᕐᓗᑕ ᐱᔾᔪᑎᒋᓗᒋᑦ ᐃᓄᒃᑐᑦ ᐊᒻᒪᓗ ᐃᓄᐃᑦ ᐱᖅᑯᓯᖏᑦ. ᓄᓇᓕᖕᓅᖓᖕᒪᑦ, ᐃᓕᐊᒌᓄᑦ, ᐃᓕᓐᓂᐊᕐᕕᖕᓄᑦ, ᐊᒻᒪᓗ ᐱᓕᕆᕝᕕᖕᓄᑦ. ᖃᓄᐃᓕᐅᕐᓂᐊᖅᐱᓪᓕ ᑕᒪᑐᒪᓂ ᐊᕐᕌᒍᔫᒥ?

ᕕᑉᕗᐊᕆ 21 ᓄᓇᕐᔪᐊᒥ ᐅᖃᐅᓯᓪᓚᑦᑖᕆᔭᑦ ᐅᓪᓗᕆᕚᑦ!


ᐅᖃᐅᓯᓪᓚᑦᑖᕆᔭᑦ ᖃᓄᐃᙱᑦᑎᐊᖕᓂᖕᒨᖓᕗᖅ ᓄᓇᓕᖕᓄᓪᓗ ᐱᕚᓪᓕᕈᑕᐅᓂᖕᒧᓪᓗ. ᓄᓇᕐᔪᐊᒥ ᐅᖃᐅᓯᓪᓚᑦᑖᕆᔭᑦ ᐅᓪᓗᖓ ᐅᔾᔨᖅᓱᖅᐹᓪᓕᖅᑎᑦᑎᕙᒃᐳᑦ ᑕᒪᑐᒥᖓ. ᑖᓐᓇᑦᑕᐅᖅ ᐅᓪᓗᖅ ᐱᔾᔪᑎᖃᖕᒥᔪᖅ ᐱᓪᓚᕆᐅᓂᖏᓐᓂᒃ ᐅᖃᐅᓰᑦ ᐊᔾᔨᒌᙱᓐᓂᖏᑦᑕ.

ᓄᓇᕐᔪᐊᒥᑦ ᐅᖃᐅᓯᓪᓚᑦᑖᕆᔭᑦ ᐅᓪᓗᖓ – ᕕᑉᕗᐊᕆ 21 

ᖃᓄᐃᓕᐅᖅᑕᐅᓯᒪᓂᑯᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᕐᓂᑦ


ᖁᕕᐊᓲᑎᖃᖕᓂᖃᖃᑦᑕᖅᐳᒍᑦ ᑕᒪᑐᒥᖓ ᕕᑉᕗᐊᕆᑕᒫᑦ, ᑕᒫᓂ ᐱᓇᓱᐊᕈᓯᐊᓂᑦ ᑖᑉᓱᒪ ᓄᓇᕐᔪᐊᒥᑦ ᐅᖃᐅᓯᓪᓚᑦᑖᕆᔭᑦ ᐅᓪᓗᖓᓂ (ᕕᑉᕗᐊᕆ 21). ᐊᕐᕌᒍᒐᓴᐅᓕᖅᑐᓂᑦ, ᑕᒪᓐᓇ ᖁᕕᐊᓲᑎᖃᖕᓂᖅ ᐊᑕᐅᓯᖕᒧᑦ ᒪᕐᕉᖕᓄᑦ ᑎᑭᓪᓗᒎᕙᓚᐅᖅᐳᖅ. ᐱᒋᐊᕐᓗᓂᓕ 2016−ᒥᑦ, ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ ᑕᖅᑭᓕᒫᒨᖓᖃᑦᑕᓛᓕᖅᑐᖅ ᕕᑉᕗᐊᕆᒥ. ᑕᒪᓐᓇ ᐊᓯᔾᔨᕐᓂᐅᔪᑦ ᑐᙵᕕᓕᒃ ᓇᖕᒥᓂᖃᖃᑕᐅᔪᑦ ᐃᓱᒪᒋᔭᖏᑦᑎᒍᑦ ᑲᑎᖅᓱᖅᑕᐅᓯᒪᔪᑦ 2014-ᒥ ᐱᓕᕆᐊᒥᒃ ᕿᒥᕐᕈᓂᕐᒥᑦ. 

ᐱᔾᔪᑎᒋᔭᖓ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ ᐊᑐᖅᑕᐅᖁᑉᓗᒍ ᐃᓄᒃᑎᑐᑦ ᐅᖃᐅᓯᖅ ᐅᔾᔨᕈᓱᓕᖅᑎᑦᑎᖁᔨᒧᓪᓗ ᐱᒻᒪᕆᐅᓂᖓᓂᒃ, ᓇᑭᙶᕐᓂᖓ, ᓇᓃᓐᓂᕆᔭᖓ ᐊᒪᓗ ᐊᔾᔨᒌᖏᑦᑑᑕᐅᓂᖓ ᓄᓇᕗᒻᒥᑦ. ᐃᓄᓗᒃᑖᓄᓪᓗ ᖃᐅᔨᒪᔭᐅᓕᖁᑉᓗᒍ ᐃᓄᒃᑎᑑᖓᔪᑦ ᑐᑭᓯᐅᒪᔾᔪᑏᑦ ᐊᒪᓗ ᐱᕝᕕᐅᔪᖕᓇᖅᑐᑦ (ᒪᓕᒡᓗᒋᑦ ᐃᓄᐃᑦ ᐅᖃᐅᓯᖏᑦ ᒥᐊᓂᕆᔭᐅᓂᖏᓐᓄᑦ ᐱᖁᔭᖅ). 

ᐃᓄᒃᑐᑦ ᐅᖃᐅᓯᖅ ᐱᖓᓱᒋᔭᐅᖃᑕᐅᔪᖅ ᓄᓇᖃᖅᑳᖅᑐᓄᑦ ᐅᖃᐅᓯᐅᔪᓂ

ᑦ ᑲᓇᑕᒥᑦ ᐱᕕᖃᖅᖢᓂ ᐊᑯᓂ ᐊᑐᖅᑕᐅᔪᖕᓇᕋᓗᐊᕐᓂᖓᓄᑦ. ᑭᓯᐊᓂ, ᐃᓄᒃᑎᑐᑦ ᐅᖃᐅᓯᖅ ᐊᓯᐅᔨᙱᑦᑐᖕᓇᖅᑕᕗᑦ ᐱᒋᐊᕐᓂᖃᕐᓗᑕ. ᐊᑐᖅᑕᐅᓂᖓ ᐃᓄᒃᑎᑐᑦ ᐅᖃᐅᓯᖅ ᓱᑲᐃᑦᑐᒥᑦ ᐊᓯᐅᕙᓪᓕᐊᔪᖅ ᑕᐃᒪᙵᑦ ᖄᖏᖅᑐᓂᑦ ᖁᓖᑦ ᐅᑭᐅᑦ ᖃᑉᓰᖅᑖᕐᔪᒃᓯᒪᓕᖅᑐᓂᑦ. ᑲᓇᑕᒥᑦ ᓈᓴᐃᔩᑦ ᖃᐅᔨᓴᐃᓂᕆᔭᖏᑦ, ᐃᓄᒃᑎᑑᖃᑦᑕᕐᓂᖅ ᐅᕙᒍᒋᔭᐅᔪᓂᑦ ᑲᑕᒃᐹᓪᓕᖅᓯᒪᓕᖅᑐᖅ 76%-ᒥᑦ 1996-ᒥᑦ 64%-ᒧᑦ 2006-ᒥᑦ. ᐊᓯᐊᖑᕐᓂᖅ ᐃᓄᒃᑑᕐᓂᕐᒧᑦ ᐅᕙᒍᒋᔭᐅᔪᓂᑦ ᓇᓗᓇᐃᖅᓯᔪᖅ ᐅᔾᔨᖅᑐᕆᐊᖃᕐᓂᕐᒥᒃ, ᐅᕙᒍᒋᔭᐅᔪᓂᑦ ᓄᑕᖅᑲᕗᑦ ᐃᓕᑦᑎᖃᑦᑕᕐᒪᑕ ᐅᖃᐅᓯᕆᖅᑲᐅᑕᐅᔭᑉᑎᖕᓂᑦ. 

ᐅᕙᒍᑦ, ᐅᑎᖅᑎᑦᑐᖕᓇᖅᑕᕙᑦ ᐊᓯᐅᔨᕙᓪᓕᐊᓂᖅ ᐃᓄᒃᑎᑐᑦ ᐅᖃᓪᓚᖕᓂᖅᐳᑦ. ᐅᖃᐅᓯᕗᑦ ᓴᙱᔪᒥᑦ ᑐᙵᕕᖃᕐᒪᑦ ᓱᓕ. ᐊᒪᓗ, ᐅᖃᐅᓯᕗᑦ ᒥᐊᓂᕆᔭᐅᓕᖅᖢᓂ ᓄᓇᕗᑦ ᒪᓕᒐᖏᓐᓄᑦ. ᑭᓯᐊᓂ, ᖃᓄᐃᓕᐅᕈᑎᒋᔭᕆᐊᖃᖅᑕᕗᑦ – ᐅᕙᒍᒋᔭᑉᑎᖕᓂᑦ, ᐃᓕᓐᓂᐊᕐᕕᖕᓂᑦ, ᑎᑎᕋᕐᕕᖕᓂᑦ, ᐊᒪᓗ ᓄᓇᓕᑉᑎᖕᓂᑦ.

ᖃᓄᐃᓕᐅᕈᖕᓇᖅᐱᑕ?


ᐃᓄᐃᑦ ᖃᓄᐃᓕᐅᕈᖕᓇᖅᐸᑦ? ᐊᑐᕐᓗᒍ ᐃᓄᒃᑎᑑᕐᓂᖅ ᖃᐅᑕᒫᑦ. ᐅᖃᐅᓯᕗᑦ ᐊᑐᖃᑎᒋᓗᒋᑦ ᐊᓯᑉᑎᖕᓄᑦ, ᐱᓗᐊᖅᑐᒥᑦ ᓄᑕᖅᑲᑉᑎᖕᓂᑦ. ᐅᖃᓪᓚᖃᑎᖃᖃᑦᑕᕐᓗᑕ ᑎᑎᕋᖃᑦᑕᐅᑎᖃᑦᑕᕐᓗᑕᓗ ᐊᓯᖏᓐᓂᑦ. ᓇᓂᓯᓗᑕ ᐃᓄᒃᑎᑐ ᐅᖃᓪᓚᖃᑦᑕᖅᑐᓂᑦ ᐃᑲᔪᖅᑎᒋᓂᐊᕐᓗᒋᑦ. ᐊᑐᕌᖓᕕᑦ ᐃᓄᒃᑎᑑᕐᓂᕐᒥᒃ, ᐃᑲᔪᐃᔪᑎᑦ ᐊᓯᐅᔨᙱᓐᓂᕐᒥᒃ ᐅᖃᐅᓯᑉᑎᖕᓂᑦ ᐊᒪᓗ ᐱᖅᑯᓯᕆᔭᑉᑎᖕᓂᒃ ᓴᙱᑎᑦᑎᓂᕐᒥᑦ.

 

ᓄᓇᕗᑦ ᒐᕙᒪᒃᑯᖏᑦ ᐱᓂᐊᕐᓂᖃᖅᑐᑦ ᐱᓕᕆᓂᕐᒥᒃ ᐃᓄᒃᑎᑑᕐᓗᑎᒃ ᐊᒪᓗ ᐃᑲᔪᐃᓗᑎᒃ ᐊᑐᖅᑕᐅᓂᖓ ᐃᓄᒃᑎᑑᕐᓂᖅ ᐃᓅᖃᑎᒋᔭᑉᑎᖕᓂᑦ. ᐱᓂᐊᕐᓂᖃᖅᑐᒍᑦ ᒪᓕᒃᖢᒍ ᐅᖃᐅᓯᓄᑦ ᒪᓕᒐᐅᔪᓂᒃ (ᐅᖃᐅᓯᓄᑦ ᐱᖁᔭᖅ ᐊᒪᓗ ᐃᓄᐃᑦ ᐅᖃᐅᓯᖏᓐᓂᒃ ᒥᐊᓂᖅᓯᓂᕐᒧᑦ ᐱᖁᔭᖅ). ᐅᖃᐅᓯᕆᔭᖏᓐᓂᒃ ᐱᔭᐅᔪᑦ ᐃᓄᖕᓂᑦ ᑲᑐᔾᔨᖃᑎᒌᓂᒡᓗ ᓄᓇᕗᒻᒥᑦ, ᓴᖅᑭᑦᑎᔪᒍᑦ ᐊᖏᔪᑲᓪᓚᖕᒥᑦ ᐸᕐᓇᐅᑎᒥᒃ ᐊᑐᓕᖅᑎᑦᑎᓂᕐᒥᒃ ᓄᑖᒥᒃ ᐅᖃᐅᓯᓕᕆᓂᕐᒧᑦ ᒪᓕᒐᓂᒃ. ᐸᕐᓇᒃᑕᕗᑦ ᑕᐃᔭᐅᔪᖅ ᐅᖃᐅᓯᕗᑦ.

ᐅᔾᔨᕈᓱᓕᖅᑎᑦᑎᓂᖅ ᐊᑐᕈᒪᒃᑲᓐᓂᕐᓂᖅ ᐃᓄᒃᑎᑐᑦ ᐅᖃᐅᓯᕐᒥᑦ ᐊᒪᓗ ᐅᔾᔨᕈᓱᖕᓂᖅ ᐃᓱᒫᓘᑕᐅᔪᓂᒃ ᐃᓚᒋᔭᐅᔪᖅ ᐸᕐᓇᐅᑎᑉᑎᖕᓂᑦ. ᐊᖏᒡᓕᒋᐊᕈᒪᔭᕗᑦ ᓇᓃᓐᓂᕆᔭᖓ ᐃᓄᒃᑎᑐᑦ ᐅᖃᓪᓚᖕᓂᖅ ᖃᐅᑕᒫᑦ ᐃᓅᓯᕆᔭᑉᑎᖕᓄᑦ. ᐊᒥᓱᒃᑲᓐᓂᕐᓂᒃ ᐃᓄᖕᓂᒃ ᐅᖃᓪᓚᒃᑲᓐᓂᖁᔨᔪᒍᑦ ᐃᓄᒃᑎᑐᑦ ᐅᕙᒍᒋᔭᐅᔪᓂᑦ, ᐃᓕᓐᓂᐊᕐᕕᖕᓂᑦ, ᓄᓇᓕᑉᑎᖕᓂᑦ, ᐊᒪᓗ ᐱᓕᕆᕝᕕᑉᑎᖕᓂᑦ. ᐅᑉᓗᑕᒫᑦ, ᐅᖃᐅᓯᕗᑦ ᓴᙱᒃᑎᑉᐸᓪᓕᐊᓂᐊᖅᑐᑦ ᐊᒪᓗ ᐱᖅᑯᓯᕆᔭᕗᑦ ᑲᔪᓯᓂᖃᕐᓗᓂ.

ᐱᔾᔪᑎᑖ ᐊᑎᕆᔭᖓᑕ: ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ

 

ᓯᕗᓪᓕᖅᐹᒥᑦ ᖁᕕᐊᓲᑎᒋᒐᑉᑎᒍᑦ ᐃᓄᒃᑎᑐᑦ ᐅᖃᓪᓚᖕᓂᖅ, ᑕᐃᔭᐅᓚᐅᖅᑐᖅ ᐃᓄᒃᑎᑐᑦ ᐅᖃᐅᑦᑎᓐ-ᒥᑦ. ᑐᑭᖃᖅᑐᖅ “ᐅᖃᓪᓚᖕᓂᖅ ᐃᓄᐃᑦ ᐅᖃᓪᓚᐅᓯᖏᑦᑎᒍᑦ” (ᐃᒡᓗᓕᖕᒥᐅᑦ ᐅᖃᐅᓯᖏᑦᑎᒍᑦ). 

ᐅᖃᐅᑦᑎᓐ ᐅᖃᐅᓯᑐᖃᐅᔪᖅ ᐅᖃᐅᓯᖅ -ᒥᑦ (“ᐅᖃᖅᑕᐅᔪᖅ,” “ᐅᖃᐅᓯᖅ”). ᑖᒻᓇ ᓱᓕ ᐊᑯᑭᑦᑐᕐᒥᐅᓄᑦ ᐊᑐᖅᑕᐅᔪᖅ (ᑎᑎᕋᖅᑕᐅᖃᑦᑕᖅᑐᖅ ᐅᖄᑦᓯᑦ), ᐃᓄᑉᐱᐊᖅ ᐊᒪᓗ ᐃᓄᕕᐊᓗᒃᑐᓐ (ᐅᖃᐅᑦᓯᑦ/ᐅᖃᐅᑦᑎᑦ), ᐊᒪᓗ ᐊᓯᖏᑦᑎᒍᑦ ᐅᐊᓕᓂᕐᒥᐅᑦ ᐅᖃᐅᑎᖏᑦᑎᒍᑦ. ᑖᒻᓇ ᐊᑐᖅᑕᐅᒐᔪᓚᐅᖅᑐᖅ ᓯᕗᓂᕆᔭᑉᑎᖕᓂᑦ ᑲᓇᖕᓇᕐᒥᑦ ᐅᑭᐅᖅᑕᖅᑐᒥᐅᓄᑦ ᑭᓯᐊᓂ ᒫᓐᓇᐅᔪᖅ ᐊᑐᖅᑕᐅᓗᐊᕌᓗᒍᖕᓃᖅᑐᖅ. 

ᐅᖃᖃᑎᖃᓚᐅᖅᑐᒍᑦ ᓄᓇᕗᒻᒥ ᓄᓇᓕᖕᓂᑦ ᐊᑎᐅᑉ ᒥᒃᓵᓄᑦ. ᐅᖃᖃᑎᖃᑦᑕᐅᑎᓂᐅᔪᖅ ᐊᑐᖅᖢᒍ, ᐊᓯᐊᖑᓚᐅᖅᑕᕗᑦ ᐊᑎᖓ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ -ᒥᑦ 2005-ᒥᑦ. ᓂᕈᐊᓚᐅᖅᑕᕗᑦ ᐊᑎᖓ ᑐᑭᓯᔭᐅᔪᖕᓇᕐᓂᖓᓄᑦ ᐊᔾᔨᐅᖏᑦᑐᓄᑦ ᐅᖃᐅᓯᐅᔪᓄᑦ. ᑐᑭᖃᖅᑐᖅ “ᖁᕕᐊᓲᑎᖃᕐᓂᖅ ᐅᖃᐅᓯᑉᑎᖕᓂᑦ.”

ᑭᓲᖕᒪᑦ “ᐃᓄᒃᑐᑦ”?

 

ᓄᓇᕗᑦ ᒐᕙᒪᒃᑯᖏᑦ ᐊᑐᖃᑦᑕᓕᖅᑐᑦ ᑐᑭᖓᓂᒃ ᐃᓄᒃᑎᑐᑦ ᐱᔾᔪᑎᖃᖅᖢᑎᑦ ᑕᒪᐃᓂᒃ ᐃᓄᐃᑦ ᐅᖃᐅᓯᖏᓐᓂᒃ ᓄᓇᕗᒻᒥᑦ. ᑕᒡᕙᓂ ᐃᓚᐅᔪᑦ ᐃᓄᒃᑎᑐᑦ ᐊᒪᓗ ᐃᓄᐃᓐᓇᖅᑐᓐ. ᑖᒻᓇ ᑐᑭᐅᔪᖅ ᐃᓇᖐᔪᖅ ᖃᑉᓗᓈᑎᑑᖅᓯᒪᔪᒥᑦ “ᐃᓄᐃᑦ ᐅᖃᐅᓯᖓᑦ.”-ᒥᑦ.

 

ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 2013 | ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 2014|

ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 2015 | ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 2017