2015 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ

ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ
ᕕᑉᕗᐊᕆ 16 – 27, 2015

ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ ᓄᓇᕘᑉ ᐊᕐᕋᒍᑕᒫᑦ ᖁᕕᐊᓲᑎᒋᐸᒃᑕᔾᔪᒃ ᐃᓄᒃᑑᖕᓂᖅ ᐃᓄᐃᑦ ᐃᓕᖅᑯᓯᖏᓐᓂᒃᓗ. ᐃᓕᓐᓂᐊᓚᐅᕐᑕ ᐃᓕᓴᐃᓗᑕᓗ. ᐃᙱᓚᐅᖅᑕ ᐅᓂᒃᑳᕐᓗᑕᓗ. ᐱᓕᕆᖃᑎᒌᓚᐅᖅᑕ.

2015−ᒧᑦ ᐱᔾᔪᑕᐅᔪᖅ ᑐᖅᖢᕋᐅᓰᑦ/ᐃᓚᕈᕼᐃᕇᒍᑦ (ᐃᓚᒌᖕᓂᖕᒧᑦ ᑕᐃᒎᓰᑦ). ᐊᑦᑎᐊᖃᖅᐸᖕᓂᖅ ᐃᓚᒌᖕᓂᖕᒧᓪᓗ ᑕᐃᒎᓰᑦ ᐱᒻᒪᕆᐊᓘᖕᒪᑕ ᐃᓄᖕᓂᑦ. ᑕᒪᒃᑯᐊ ᐃᓕᖅᑯᓯᑐᖃᐃᑦ ᑲᑎᙵᔾᔪᑎᒋᔭᕗᑦ ᐃᓚᑦᑎᓐᓄᑦ ᓄᓇᓕᑦᑎᓐᓄᓪᓗ.

ᖃᐃᓄᓕᐅᖕᓂᐊᖅᐱᓪᓕ?

ᐱᓕᒻᒪᒃᓴᕈᓐᓇᖅᑐᒍᑦ, ᐃᓕᓴᐃᓗᑕ, ᖁᕝᕙᖅᓴᐃᓗᑕ ᖁᕕᐊᓲᑎᒋᓗᒍᓗ ᐃᓄᒃᑑᖅᓂᖅ ᐃᓄᐃᑦ ᐃᓕᖅᖁᓯᖏᓐᓂᒃᓗ. ᓄᓇᓕᖕᓅᖓᔪᖅ, ᐃᓚᒌᓄᑦ, ᐃᓕᓐᓂᐊᕐᕕᖕᓄᑦ ᐃᖅᑲᓇᐃᔭᕐᕕᖕᓂᓪᓗ. ᑕᒪᑐᒪᓂᓕ ᐊᕐᕌᒎᔪᒥᑦ ᖃᓄᐃᓕᐅᖕᓂᐊᖅᐱᑦ?

ᕕᑉᕗᐊᕆ 21 ᓄᓇᕐᔪᐊᒥᑦ ᐅᖃᐅᓯᓪᓚᑦᑖᕆᔭᑦ ᐅᓪᓗᕆᕙᔾᔪᒃ!

ᐅᖃᐅᓯᓪᓚᑦᑖᕆᔭᑦ ᖃᓄᐃᙱᑦᑎᐊᖕᓂᖕᒨᖓᕗᖅ ᓄᓇᓕᖕᓄᓪᓗ ᐱᕚᓪᓕᕈᑕᐅᓂᖕᒧᓪᓗ. ᓄᓇᕐᔪᐊᒥᑦ ᐅᖃᐅᓯᓪᓚᑦᑖᕆᔭᑦ ᐅᓪᓗᖓ ᐅᔾᔨᖅᓱᖅᐹᓪᓕᖅᑎᑦᑎᕙᒃᐳᑦ ᑕᒪᑐᒥᖓ. ᑖᓐᓇᑦᑕᐅᖅ ᐅᓪᓗᖅ ᐱᔾᔪᑎᖃᖕᒥᔪᖅ ᐱᓪᓚᕆᐅᓂᖓᓂ ᐅᖃᐅᓰᑦ ᐊᔾᔨᒌᙱᓐᓂᖏᓐᓂᒃ.

ᓄᓇᕐᔪᐊᒥᑦ ᐅᖃᐅᓯᓪᓚᑦᑖᕆᔭᑦ ᐅᓪᓗᖓ – ᕕᑉᕗᐊᕆ 21 ᑲᓱᕐᕕᐊ: ᓄᑖᒥᑦ ᐃᒐᓛᖑᔭᖕᒥᑦ

ᖃᓄᐃᓕᐅᖅᑕᐅᓯᒪᓂᑯᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖕᓂᑦ

ᖁᕕᐊᓲᑎᖃᖕᓂᖃᖃᑦᑕᖅᐳᒍᑦ ᑕᒪᑐᒥᖓ ᕕᑉᕗᐊᕆᑕᒫᑦ, ᑕᒫᓂ ᐱᓇᓱᐊᕈᓯᐊᓂᑦ ᑖᑉᓱᒪ ᓄᓇᕐᔪᐊᒥᑦ ᐅᖃᐅᓯᓪᓚᑦᑖᕆᔭᑦ ᐅᓪᓗᖓᓂ (ᕕᑉᕗᐊᕆ 21). ᐊᕐᕌᒍᒐᓴᐅᓕᖅᑐᓂᑦ, ᑕᒪᓐᓇ ᖁᕕᐊᓲᑎᖃᖕᓂᖅ ᐊᑕᐅᓯᖕᒧᑦ ᒪᕐᕉᖕᓄᑦ ᑎᑭᓪᓗᒎᕙᓚᐅᖅᐳᖅ. ᐱᒋᐊᕐᓗᓂᓕ 2016−ᒥᑦ, ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ ᑕᖅᑭᓕᒫᒨᖓᖃᑦᑕᓛᓕᖅᑐᖅ ᕕᑉᕗᐊᕆᒥᑦ.

ᐱᔾᔪᑎᒋᔭᖓ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ ᐊᑐᖅᑕᐅᖁᑉᓗᒍ ᐃᓄᒃᑎᑐᑦ ᐅᖃᐅᓯᖅ ᐅᔾᔨᕈᓱᓕᖅᑎᑦᑎᖁᔨᒧᓪᓗ ᐱᒻᒪᕆᐅᓂᖓᓂᒃ, ᓇᑭᙶᕐᓂᖓ, ᓇᓃᓐᓂᕆᔭᖓ ᐊᒪᓗ ᐊᔾᔨᒌᖏᑦᑑᑕᐅᓂᖓ ᓄᓇᕗᒻᒥᑦ. ᐃᓄᓗᒃᑖᓄᓪᓗ ᖃᐅᔨᒪᔭᐅᓕᖁᑉᓗᒍ ᐃᓄᒃᑎᑑᖓᔪᑦ ᑐᑭᓯᐅᒪᔾᔪᑏᑦ ᐊᒪᓗ ᐱᕝᕕᐅᔪᖕᓇᖅᑐᑦ (ᒪᓕᒡᓗᒋᑦ ᐃᓄᐃᑦ ᐅᖃᐅᓯᖏᑦ ᒥᐊᓂᕆᔭᐅᓂᖏᓐᓄᑦ ᐱᖁᔭᖅ).

ᐃᓄᒃᑐᑦ ᐅᖃᐅᓯᖅ ᐱᖓᓱᒋᔭᐅᖃᑕᐅᔪᖅ ᓄᓇᖃᖅᑳᖅᑐᓄᑦ ᐅᖃᐅᓯᐅᔪᓂᑦ ᑲᓇᑕᒥᑦ ᐱᕕᖃᖅᖢᓂ ᐊᑯᓂ ᐊᑐᖅᑕᐅᔪᖕᓇᕋᓗᐊᕐᓂᖓᓄᑦ. ᑭᓯᐊᓂ, ᐃᓄᒃᑎᑐᑦ ᐅᖃᐅᓯᖅ ᐊᓯᐅᔨᙱᑦᑐᖕᓇᖅᑕᕗᑦ ᐱᒋᐊᕐᓂᖃᕐᓗᑕ. ᐊᑐᖅᑕᐅᓂᖓ ᐃᓄᒃᑎᑐᑦ ᐅᖃᐅᓯᖅ ᓱᑲᐃᑦᑐᒥᑦ ᐊᓯᐅᕙᓪᓕᐊᔪᖅ ᑕᐃᒪᙵᑦ ᖄᖏᖅᑐᓂᑦ ᖁᓖᑦ ᐅᑭᐅᑦ ᖃᑉᓰᖅᑖᕐᔪᒃᓯᒪᓕᖅᑐᓂᑦ. ᑲᓇᑕᒥᑦ ᓈᓴᐃᔩᑦ ᖃᐅᔨᓴᐃᓂᕆᔭᖏᑦ, ᐃᓄᒃᑎᑑᖃᑦᑕᕐᓂᖅ ᐅᕙᒍᒋᔭᐅᔪᓂᑦ ᑲᑕᒃᐹᓪᓕᖅᓯᒪᓕᖅᑐᖅ 76%-ᒥᑦ 1996-ᒥᑦ 64%-ᒧᑦ 2006-ᒥᑦ. ᐊᓯᐊᖑᕐᓂᖅ ᐃᓄᒃᑑᕐᓂᕐᒧᑦ ᐅᕙᒍᒋᔭᐅᔪᓂᑦ ᓇᓗᓇᐃᖅᓯᔪᖅ ᐅᔾᔨᖅᑐᕆᐊᖃᕐᓂᕐᒥᒃ, ᐅᕙᒍᒋᔭᐅᔪᓂᑦ ᓄᑕᖅᑲᕗᑦ ᐃᓕᑦᑎᖃᑦᑕᕐᒪᑕ ᐅᖃᐅᓯᕆᖅᑲᐅᑕᐅᔭᑉᑎᖕᓂᑦ.

ᐅᕙᒍᑦ, ᐅᑎᖅᑎᑦᑐᖕᓇᖅᑕᕙᑦ ᐊᓯᐅᔨᕙᓪᓕᐊᓂᖅ ᐃᓄᒃᑎᑐᑦ ᐅᖃᓪᓚᖕᓂᖅᐳᑦ. ᐅᖃᐅᓯᕗᑦ ᓴᙱᔪᒥᑦ ᑐᙵᕕᖃᕐᒪᑦ ᓱᓕ. ᐊᒪᓗ, ᐅᖃᐅᓯᕗᑦ ᒥᐊᓂᕆᔭᐅᓕᖅᖢᓂ ᓄᓇᕗᑦ ᒪᓕᒐᖏᓐᓄᑦ. ᑭᓯᐊᓂ, ᖃᓄᐃᓕᐅᕈᑎᒋᔭᕆᐊᖃᖅᑕᕗᑦ – ᐅᕙᒍᒋᔭᑉᑎᖕᓂᑦ, ᐃᓕᓐᓂᐊᕐᕕᖕᓂᑦ, ᑎᑎᕋᕐᕕᖕᓂᑦ, ᐊᒪᓗ ᓄᓇᓕᑉᑎᖕᓂᑦ.

ᖃᓄᐃᓕᐅᕈᖕᓇᖅᐱᑕ?

ᐃᓄᐃᑦ ᖃᓄᐃᓕᐅᕈᖕᓇᖅᐸᑦ? ᐊᑐᕐᓗᒍ ᐃᓄᒃᑎᑑᕐᓂᖅ ᖃᐅᑕᒫᑦ. ᐅᖃᐅᓯᕗᑦ ᐊᑐᖃᑎᒋᓗᒋᑦ ᐊᓯᑉᑎᖕᓄᑦ, ᐱᓗᐊᖅᑐᒥᑦ ᓄᑕᖅᑲᑉᑎᖕᓂᑦ. ᐅᖃᓪᓚᖃᑎᖃᖃᑦᑕᕐᓗᑕ ᑎᑎᕋᖃᑦᑕᐅᑎᖃᑦᑕᕐᓗᑕᓗ ᐊᓯᖏᓐᓂᑦ. ᓇᓂᓯᓗᑕ ᐃᓄᒃᑎᑐ ᐅᖃᓪᓚᖃᑦᑕᖅᑐᓂᑦ ᐃᑲᔪᖅᑎᒋᓂᐊᕐᓗᒋᑦ. ᐊᑐᕌᖓᕕᑦ ᐃᓄᒃᑎᑑᕐᓂᕐᒥᒃ, ᐃᑲᔪᐃᔪᑎᑦ ᐊᓯᐅᔨᙱᓐᓂᕐᒥᒃ ᐅᖃᐅᓯᑉᑎᖕᓂᑦ ᐊᒪᓗ ᐱᖅᑯᓯᕆᔭᑉᑎᖕᓂᒃ ᓴᙱᑎᑦᑎᓂᕐᒥᑦ.

ᓄᓇᕗᑦ ᒐᕙᒪᒃᑯᖏᑦ ᐱᓂᐊᕐᓂᖃᖅᑐᑦ ᐱᓕᕆᓂᕐᒥᒃ ᐃᓄᒃᑎᑑᕐᓗᑎᒃ ᐊᒪᓗ ᐃᑲᔪᐃᓗᑎᒃ ᐊᑐᖅᑕᐅᓂᖓ ᐃᓄᒃᑎᑑᕐᓂᖅ ᐃᓅᖃᑎᒋᔭᑉᑎᖕᓂᑦ. ᐱᓂᐊᕐᓂᖃᖅᑐᒍᑦ ᒪᓕᒃᖢᒍ ᐅᖃᐅᓯᓄᑦ ᒪᓕᒐᐅᔪᓂᒃ (ᐅᖃᐅᓯᓄᑦ ᐱᖁᔭᖅ ᐊᒪᓗ ᐃᓄᐃᑦ ᐅᖃᐅᓯᖏᓐᓂᒃ ᒥᐊᓂᖅᓯᓂᕐᒧᑦ ᐱᖁᔭᖅ). ᐅᖃᐅᓯᕆᔭᖏᓐᓂᒃ ᐱᔭᐅᔪᑦ ᐃᓄᖕᓂᑦ ᑲᑐᔾᔨᖃᑎᒌᓂᒡᓗ ᓄᓇᕗᒻᒥᑦ, ᓴᖅᑭᑦᑎᔪᒍᑦ ᐊᖏᔪᑲᓪᓚᖕᒥᑦ ᐸᕐᓇᐅᑎᒥᒃ ᐊᑐᓕᖅᑎᑦᑎᓂᕐᒥᒃ ᓄᑖᒥᒃ ᐅᖃᐅᓯᓕᕆᓂᕐᒧᑦ ᒪᓕᒐᓂᒃ. ᐸᕐᓇᒃᑕᕗᑦ ᑕᐃᔭᐅᔪᖅ ᐅᖃᐅᓯᕗᑦ.

ᖃᕆᑕᐅᔭᒃᑯᑦ ᐱᓗᒍ: ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 2012-2016

ᐅᔾᔨᕈᓱᓕᖅᑎᑦᑎᓂᖅ ᐊᑐᕈᒪᒃᑲᓐᓂᕐᓂᖅ ᐃᓄᒃᑎᑐᑦ ᐅᖃᐅᓯᕐᒥᑦ ᐊᒪᓗ ᐅᔾᔨᕈᓱᖕᓂᖅ ᐃᓱᒫᓘᑕᐅᔪᓂᒃ ᐃᓚᒋᔭᐅᔪᖅ ᐸᕐᓇᐅᑎᑉᑎᖕᓂᑦ. ᐊᖏᒡᓕᒋᐊᕈᒪᔭᕗᑦ ᓇᓃᓐᓂᕆᔭᖓ ᐃᓄᒃᑎᑐᑦ ᐅᖃᓪᓚᖕᓂᖅ ᖃᐅᑕᒫᑦ ᐃᓅᓯᕆᔭᑉᑎᖕᓄᑦ. ᐊᒥᓱᒃᑲᓐᓂᕐᓂᒃ ᐃᓄᖕᓂᒃ ᐅᖃᓪᓚᒃᑲᓐᓂᖁᔨᔪᒍᑦ ᐃᓄᒃᑎᑐᑦ ᐅᕙᒍᒋᔭᐅᔪᓂᑦ, ᐃᓕᓐᓂᐊᕐᕕᖕᓂᑦ, ᓄᓇᓕᑉᑎᖕᓂᑦ, ᐊᒪᓗ ᐱᓕᕆᕝᕕᑉᑎᖕᓂᑦ. ᐅᑉᓗᑕᒫᑦ, ᐅᖃᐅᓯᕗᑦ ᓴᙱᒃᑎᑉᐸᓪᓕᐊᓂᐊᖅᑐᑦ ᐊᒪᓗ ᐱᖅᑯᓯᕆᔭᕗᑦ ᑲᔪᓯᓂᖃᕐᓗᓂ.

ᐱᔾᔪᑎᑖ ᐊᑎᕆᔭᖓᑕ: ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ

ᓯᕗᓪᓕᖅᐹᒥᑦ ᖁᕕᐊᓲᑎᒋᒐᑉᑎᒍᑦ ᐃᓄᒃᑎᑐᑦ ᐅᖃᓪᓚᖕᓂᖅ, ᑕᐃᔭᐅᓚᐅᖅᑐᖅ ᐃᓄᒃᑎᑐᑦ ᐅᖃᐅᑦᑎᓐ-ᒥᑦ. ᑐᑭᖃᖅᑐᖅ “ᐅᖃᓪᓚᖕᓂᖅ ᐃᓄᐃᑦ ᐅᖃᓪᓚᐅᓯᖏᑦᑎᒍᑦ” (ᐃᒡᓗᓕᖕᒥᐅᑦ ᐅᖃᐅᓯᖏᑦᑎᒍᑦ).

ᐅᖃᐅᑦᑎᓐ ᐅᖃᐅᓯᑐᖃᐅᔪᖅ ᐅᖃᐅᓯᖅ -ᒥᑦ (“ᐅᖃᖅᑕᐅᔪᖅ,” “ᐅᖃᐅᓯᖅ”). ᑖᒻᓇ ᓱᓕ ᐊᑯᑭᑦᑐᕐᒥᐅᓄᑦ ᐊᑐᖅᑕᐅᔪᖅ (ᑎᑎᕋᖅᑕᐅᖃᑦᑕᖅᑐᖅ ᐅᖄᑦᓯᑦ), ᐃᓄᑉᐱᐊᖅ ᐊᒪᓗ ᐃᓄᕕᐊᓗᒃᑐᓐ (ᐅᖃᐅᑦᓯᑦ/ᐅᖃᐅᑦᑎᑦ), ᐊᒪᓗ ᐊᓯᖏᑦᑎᒍᑦ ᐅᐊᓕᓂᕐᒥᐅᑦ ᐅᖃᐅᑎᖏᑦᑎᒍᑦ. ᑖᒻᓇ ᐊᑐᖅᑕᐅᒐᔪᓚᐅᖅᑐᖅ ᓯᕗᓂᕆᔭᑉᑎᖕᓂᑦ ᑲᓇᖕᓇᕐᒥᑦ ᐅᑭᐅᖅᑕᖅᑐᒥᐅᓄᑦ ᑭᓯᐊᓂ ᒫᓐᓇᐅᔪᖅ ᐊᑐᖅᑕᐅᓗᐊᕌᓗᒍᖕᓃᖅᑐᖅ.

ᐅᖃᖃᑎᖃᓚᐅᖅᑐᒍᑦ ᓄᓇᕗᒻᒥ ᓄᓇᓕᖕᓂᑦ ᐊᑎᐅᑉ ᒥᒃᓵᓄᑦ. ᐅᖃᖃᑎᖃᑦᑕᐅᑎᓂᐅᔪᖅ ᐊᑐᖅᖢᒍ, ᐊᓯᐊᖑᓚᐅᖅᑕᕗᑦ ᐊᑎᖓ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ -ᒥᑦ 2005-ᒥᑦ. ᓂᕈᐊᓚᐅᖅᑕᕗᑦ ᐊᑎᖓ ᑐᑭᓯᔭᐅᔪᖕᓇᕐᓂᖓᓄᑦ ᐊᔾᔨᐅᖏᑦᑐᓄᑦ ᐅᖃᐅᓯᐅᔪᓄᑦ. ᑐᑭᖃᖅᑐᖅ “ᖁᕕᐊᓲᑎᖃᕐᓂᖅ ᐅᖃᐅᓯᑉᑎᖕᓂᑦ.”

ᑭᓲᖕᒪᑦ “ᐃᓄᒃᑐᑦ”?

ᓄᓇᕗᑦ ᒐᕙᒪᒃᑯᖏᑦ ᐊᑐᖃᑦᑕᓕᖅᑐᑦ ᑐᑭᖓᓂᒃ ᐃᓄᒃᑎᑐᑦ ᐱᔾᔪᑎᖃᖅᖢᑎᑦ ᑕᒪᐃᓂᒃ ᐃᓄᐃᑦ ᐅᖃᐅᓯᖏᓐᓂᒃ ᓄᓇᕗᒻᒥᑦ. ᑕᒡᕙᓂ ᐃᓚᐅᔪᑦ ᐃᓄᒃᑎᑐᑦ ᐊᒪᓗ ᐃᓄᐃᓐᓇᖅᑐᓐ. ᑖᒻᓇ ᑐᑭᐅᔪᖅ ᐃᓇᖐᔪᖅ ᖃᑉᓗᓈᑎᑑᖅᓯᒪᔪᒥᑦ “ᐃᓄᐃᑦ ᐅᖃᐅᓯᖓᑦ.”-ᒥᑦ.