You are here
ᑎᑎᕋᖅᓯᒪᔪᑐᖃᐃᑦ
ᓄᓇᕗᒻᒥ ᑎᑎᖅᑲᑐᖃᐃᑦ ᐱᓕᕆᐊᖑᕙᒃᑐᑦ ᐸᐸᑐᑦᑎᐊᕐᓂᕐᒧᑦ ᐊᑐᕈᓐᓇᕐᓂᕐᒧᓪᓗ ᐱᓕᕆᐊᒃᓴᖃᖅᐳᑦ ᑎᑎᕋᖅᓯᒪᔪᓂᒃ, ᓂᐱᓕᐅᖅᓯᒪᔪᓂᒃ, ᑎᑎᕋᐅᔭᖅᓯᒪᔪᓂᒃ ᐊᒻᒪ ᖃᕆᓴᐅᔭᒃᑯᑦ ᑎᑎᕋᖅᑕᐅᓯᒪᔪᓂᒃ ᓄᓇᕗᑦ ᒐᕙᒪᒃᑯᓐᓂ ᐊᒻᒪ ᑐᓐᓂᖅᑯᑕᐅᓯᒪᔪᑦ ᒐᕙᒪᒃᑯᓐᓂᙶᙱᑦᑐᑦ ᑎᑎᕋᖅᓯᒪᔪᑦ. ᐱᓕᕆᐊᖑᔪᒥ ᐱᑕᖃᖅᑎᑦᑎᖃᑦᑕᕆᕗᑦ ᐱᓕᕆᔾᔪᑎᓄᑦ ᐊᔪᕆᖅᓱᐃᔾᔨᔪᓂᒃ ᐊᒻᒪ ᓄᓇᓕᖕᓄᑦ ᐃᑲᔫᑎᒃᓴᓂᒃ ᑎᑎᖅᑲᑐᖃᐃᑦ ᒥᒃᓵᓄᑦ ᐅᑯᓂᖓᓗ ᑎᑎᖅᑲᑐᖃᐃᑦ ᑲᑎᒪᔨᖏᑦ ᓄᓇᕗᒻᒥ.
ᓄᓇᕗᒻᒥ ᐊᕕᒃᑐᖅᓯᒪᓂᖏᓐᓂ ᑐᖅᑯᖅᑎᕆᔨ ᐃᒃᓯᕙᐅᑕᕆᔭᐅᕗᖅ ᑭᒃᑯᑐᐃᓐᓇᓄᑦ ᑎᒥᐅᔪᓂᒃ ᐱᓕᕆᐊᖑᖁᔭᐅᔪᓂᒃ ᑎᑎᖅᑲᑐᖃᐃᑦ ᐱᖁᔭᖓᓂ-eng ᑕᐃᔭᐅᔪᒥᒃ ᑭᒃᑯᑐᐃᓐᓇᑦ ᑎᑎᕋᖅᓯᒪᔪᖁᑎᖏᑕ ᑲᑎᒪᔨᕋᓛᖏᑦ. ᑲᑎᒪᔨᕋᓛᑦ ᐱᓕᕆᐊᒃᓴᖃᓪᓗᐊᑕᖅᐳᑦ ᕿᒥᕐᕈᔨᐅᓗᑎᒃ ᐊᖏᖅᑎᐅᓪᓗᑎᒡᓗ ᑎᑎᕋᖅᓯᒪᔪᓂᒃ ᓴᒃᑯᑕᐅᔪᓂᒃ ᑕᑕᑎᕆᐊᓕᖕᓂᒃ ᐊᒻᒪ ᐊᒃᑐᐊᓂᓕᖕᓂᒃ ᐊᑐᐊᒐᕐᓂᒃ. ᐊᑐᓕᖁᔨᔾᔪᑎᓕᐅᖃᑦᑕᖅᐳᑦ ᒐᕙᒪᒃᑯᑦ ᑎᑎᕋᖅᓯᒪᔪᖁᑎᖏᑦ ᓅᑦᑎᑕᐅᔪᑦ ᐱᔾᔪᑎᒋᓪᓗᒋᑦ ᑐᖅᑯᖅᑕᐅᓯᒪᔪᑦ ᑎᒍᒥᐊᖅᑎᖏᓐᓄᑦ.
ᑎᑎᕋᖅᑕᐅᓯᒪᔪᑐᖃᖁᑎᒋᔭᑦ ᒥᒃᓵᓄᑦ ᐊᐱᖅᑯᑎᖃᕐᓂᕈᕕᑦ ᐃᕐᖐᓈᖅᑕᐅᒃᑯᑦ ᑎᑎᕋᓗᓯ NUArchives@gov.nu.ca
ᓄᓇᕗᒻᒥ ᓯᕗᓕᕕᓂᕗᑦ
ᓯᕗᓕᕕᓂᓕᕆᓂᖅ ᐃᓚᒌᑦ ᐱᐅᓯᕆᕙᓚᐅᖅᑕᖏᓐᓂᒃ ᖃᐅᔨᓴᕐᓂᐅᕗᖅ ᖃᖓᙳᖅᐸᓪᓕᐊᓪᓗᓂ. ᓄᓇᕗᒻᒥ ᓯᕗᓕᕕᓂᕗᑦ ᖃᐅᔨᒪᔭᐅᕗᑦ ᖃᐅᔨᓴᖅᑕᐅᕈᓘᔭᖅᐸᒃᑐᓂᑦ ᐊᑐᖃᑦᑕᓪᓚᕆᒃᑐᓂᑦ ᑕᕆᐅᑉ ᐊᑭᐊᓂᙶᖅᑐᓂᑦ ᑎᑭᑉᐸᓚᐅᖅᑐᓂᑦ ᐊᑎᖏᑦ ᑎᑎᕋᖅᑕᐅᓯᒪᓪᓗᑎᒃ ᐅᒥᐊᕐᔪᐊᕐᓂᑦ’ ᐃᑭᒪᔪᑦ ᑎᑎᕋᖅᓯᒪᓪᓗᑎᒃ ᐊᒻᒪ ᑐᓚᒡᕕᐅᕙᒃᑐᓂᑦ ᑲᓇᑕᒧᑦ ᓲᕐᓗ ᐱᐅᕐ 21 ᕼᐋᓕᕚᒃᔅᒥᑦ. ᐃᓄᐃᑦ ᐃᓚᒌᑦ ᐱᐅᓯᕆᕙᓚᐅᖅᑕᖏᑦ ᐊᕕᒃᑐᖅᓯᒪᔪᓂᑦ ᓄᒃᑕᖅᐸᓚᐅᖅᑐᓂᑦ ᐱᖃᓯᐅᔾᔨᕗᑦ; ᐊᒻᒪ ᐃᓄᐃᑦ ᓄᓇᑖᕆᕙᓚᐅᖅᑕᖏᓐᓂᒃ ᑲᓇᑕᒥᐅᑕᑦ ᑕᕆᐅᑉ ᐊᑭᐊᓂᙶᖅᑐᑦ ᑎᑭᓚᐅᙱᑎᓪᓗᒋᑦ.
ᐃᑦᑕᕐᓂᓴᓕᕆᔨᒃᑯᑦ
ᑐᑭᒧᐊᒃᑎᑎᔨ ᐃᑦᑕᕐᓂᓴᓕᕆᓂᕐᒧᑦ
ᐋᓕᒃᔅ ᓴᑕᑉᐱᖕ
ᐅᖄᓚᐅᑎᖓ: (867) 975-5524
ᐃᕐᖏᓇᑯᑦ: AStubbing@gov.nu.ca