2015 ᐃᓄᒃᑐᑦ ᐃᑲᔫᑎᒃᓴᑦ

2015 ᖃᓄᐃᓕᐅᒐᒃᓴᐃᑦ |  ᓂᔾᔭᐅᓯᔭᖕᓃᑦ ᑕᕐᕆᔮᒃᓴᐃᓪᓗ  | ᓄᓇᓕᖕᒨᖓᔪᓄᑦ ᐱᓕᕆᐊᓄᑦ  | ᐱᓕᕆᐊᖑᓂᑯᐃᑦ | ᖃᓄᐃᓕᐅᖅᑕᐅᓂᑯᐃᑦ | ᐃᑭᐊᖅᑭᕕᐅᑉ ᐱᒋᐊᕐᕕᖓ

ᐃᓄᒃᑐᑦ ᖃᐅᔨᒋᐊᕐᕕᒃᓴᐃᑦ

ᐃᓄᒃᑎᑐᑦ ᑎᑎᕋᐅᑏᑦ ᖃᕆᑕᐅᔭᒃᑯᑦ – ᖃᕆᑕᐅᔭᒥᑦ ᐊᑐᖅᑕᐅᔭᕆᐊᓕᖕᓄᑦ  ᒪᒃᐱᖅᑐᒐᖅ 

• ᐅᖃᓕᒫᕐᓂᐊᕐᓗᓂ ᐃᓄᒃᑎᑑᓕᖓᔪᓂᒃ ᐃᒡᕕᑦ ᖃᕆᑕᐅᔭᕆᔭᒃᑯᑦ, ᐃᓕᔭᕆᐊᖃᖅᑕᐃᑦ ᐃᓄᒃᑎᑐᑦ ᑎᑎᕋᐅᑎ. ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕗᑦ ᐱᓂᐊᕐᓗᒍᓗ ᑎᑎᕋᐅᑏᑦ ᖃᕆᑕᐅᔭᕐᓄᑦ, ᑐᑭᓯᐅᒪᔾᔪᑎᓄᑦ ᒪᒃᐱᖅᑐᒐᕐᒧᐊᕐᓗᑎᑦ ᒐᕙᒪᒃᑯᑦ ᐃᓕᖅᑯᓯᓕᕆᔨᒃᑯᖏᓐᓂᑦ. 

[Microsoft Office] ᐃᓄᒃᑎᑑᖅᑐᖅ – ᐊᑭᖃᙱᑦᑐᖅ ᑲᑎᑎᑦᑎᓂᖅ

• ᖃᑉᓗᓈᑎᑑᖅᑐᒥᑦ ᐅᐃᕖᑎᑑᖅᑐᒥᒡᓘᓃᑦ [Microsoft Office]-ᒥᑦ ᐱᖃᕈᕕᑦ, ᐃᓄᒃᑑᖅᑎᑦᑐᖕᓇᖅᑕᐃᑦ ᐃᓕᓗᒍ ᐊᑭᖃᙱᑦᑐᖅ ᐃᓕᔭᕆᐊᓕᒃ ᐅᕙᙵᑦ ᐱᕈᕐᕕᒃ. ᒪᓂᒪᔪᑦ ᐅᕙᓂ 2003, 2007, 2010, Windows 7, Windows Vista−ᓄᑦ and Windows XP−ᒃᑯᓪᓗ. 

ᑐᓵᓚᖓ ᖃᕆᑕᐅᔭᒃᑯᑦ ᑕᑯᔭᐅᒋᐊᖅᑕᕐᕕᒃ

• ᐊᑭᖃᙱᑦᑐᑦ ᐅᖃᕆᐅᖅᓴᓂᕐᒧᑦ ᐃᓕᓐᓂᐊᕈᑏᑦ ᓂᐱᖃᖅᑐᓂᒃ ᐱᑕᖃᖅᖢᑎᒃ ᐱᕈᕐᕕᒃ-ᒥᑦ. 
• ᑐᑭᓕᐅᖅᓯᒪᔪᓂᒃ ᐱᑕᖃᖅᑐᖅ, ᐅᖅᑲᓪᓚᐅᓯᓂᑦ, ᒪᕐᕈᐃᓕᖓᔪᖕᓇᖅᑐᓂᒃ, ᐊᔪᕈᖕᓃᖅᓴᕐᓂᕐᒧᑦ ᐆᒃᑐᕋᕐᓂᕐᒧᑦ, ᐊᒪᓗ ᐅᑉᓗᕐᒥᑦ ᐅᖃᐅᓯᕐᒥᑦ ᐱᖃᑦᑕᕐᓂᕐᒧᑦ ᖃᕆᑕᐅᔭᒃᑯᑦ ᑎᑎᖃᑎᒍᑦ ᐃᓚᐅᖃᑕᐅᔪᖕᓇᕐᓂᕐᒧᑦ. 

ᑐᓵᓚᖓ-ᒧᑦ ᐊᑐᖅᑐᖅ (ᐅᑯᓄᖓ ᐊᑐᖅᑐᑦ [iPad, iPhone,] ᐊᒪᓗ [iPod]-ᒧᑦ)

• ᐊᑭᖃᙱᑦᑐᖅ ᐊᑐᖅᑐᖅ ᐅᖃᐅᓯᐅᔪᓂᒃ ᐃᓕᓐᓂᐊᕐᓂᕐᒧᑦ, ᐃᓚᐅᔪᑦ ᓂᐱᖃᕈᑏᑦ. 

ᐃᒻᖏᕐᓂᒃᑯᑦ

• ᐊᑭᖃᙱᑦᑐᑦ ᐃᓄᒃᑎᑑᖅᑐᑦ ᐊᑐᖅᑕᐅᔭᕆᐊᓖᑦ ᐅᑯᓄᖓ [iPads, iPhones,] ᐊᒪᓗ [iPods ]-ᓄᑦ ᐅᕙᙵᑦ ᐱᖑᐊᖅ. ᑖᓐᓇ ᐃᓄᒃᑎᑐᑦ ᐃᓕᓐᓂᐊᕐᑎᑦᑎᓲᖅ ᐃᒻᖏᐅᓯᑐᖃᑎᒍᑦ. ᑕᑯᒃᓴᐅᑎᑦᑎᔪᖅ ᑎᑎᖃᓂᒃ ᐃᒻᖏᙳᐊᖅᑐᑎᑐᑦ, ᒪᓕᖃᑕᐅᔪᖕᓇᕐᓂᐊᕋᕕᑦ. ᐊᒪᓗ ᐱᖅᑯᓯᑐᖃᐃᑦ ᓇᑭᙶᕐᓂᖏᓐᓄᑦ ᑐᑭᓯᐅᒪᔾᔪᑏᑦ ᑕᐃᒪᐅᔪᑦ ᐊᑐᓂ ᐃᒻᖏᐅᑎᓄᑦ. ᑎᑎᕋᐅᔭᖅᑕᐅᔪᖅ ᔮᓕ ᐊᑕᒍᔪᒃ-ᒧᑦ. 

ᐃᓕᑕᖅᓯᓂᖅ – ᓄᓇᕗᒻᒥ ᐅᖃᓕᒫᒋᐅᖅᓴᓕᕆᓂᕐᒧᑦ ᑲᑎᒪᔨᖏᑦᑕ ᐱᕝᕕᐅᔪᖕᓇᖅᑐᓄᑦ ᒪᒃᐱᖅᑐᒐᖅ

• ᐊᑭᖃᙱᑦᑐᑦ ᐱᕝᕕᐅᔪᖕᓇᖅᑐᑦ ᐊᒪᓗ ᖃᓄᐃᓕᐅᕈᓘᔭᕈᑏᑦ ᐊᖓᔪᖅᑳᓄᑦ ᐃᓕᓐᓂᐊᖅᑎᑦᑎᔨᓄᓪᓗ, ᐃᓚᐅᔪᑦ ᐃᒐᓂᐊᕐᓗᓂ ᐃᓚᒃᓴᐃᑦ, ᑲᓚᒐᒃᓴᐃᑦ, ᐋᕿᒃᓱᒐᐃᑦ, ᐊᒪᓗ ᒪᓕᒃᑕᐅᔪᒃᓴᖅ ᓇᖕᒥᓂᖅ ᐅᖃᓕᒫᒐᓕᐅᕐᓂᕐᒧᑦ ᐊᒡᒐᑎᑦ ᐊᑐᕐᓗᒋᑦ. 
• ᐊᑭᖃᙱᑦᑐᑦ ᐱᕝᕕᐅᔪᖕᓇᖅᑐᑦ ᓄᓇᓕᖕᓄᑦ ᐅᖃᐅᓯᓕᕆᓂᕐᒧᑦ ᐱᓕᕆᐊᖅ, ᐃᓚᐅᔪᑦ ᐅᓂᑉᑲᐅᓯᕗᑦ: ᐱᕈᖅᑎᑦᑎᓂᖅ ᐅᖃᐅᓯᒥᒃ ᐊᒪᓗ ᑎᑎᕋᕐᓂᕐᒥᒃ ᐅᖃᐅᓯᕆᔭᐅᕙᒃᑐᑐᖃᒃᑯᑦ (ᒪᓂᒪᔪᑦ ᐃᓄᒃᑎᑐᑦ ᐊᒪᓗ ᖃᑉᓗᓈᑎᑐᑦ). 

ᐴᑲᒻᒪᓗᒃ ᐅᖃᓕᒫᒐᖅᑖᕐᕕᒃ

• ᖃᕆᑕᐅᔭᒃᑯᑦ ᐱᓗᒋᑦ ᑕᒪᐃᓂᒃ Inhabit Media ᐊᒪᓗ ᓄᓇᕗᒻᒥ ᐊᒥᓱᓂᒃ ᐅᖃᐅᓯᖃᕐᓂᕐᒧᑦ ᐃᓕᓐᓂᐊᖅᑐᓕᕆᔨᒃᑯᑦ ᐅᖃᓕᒫᒐᐃᑦ ᐃᓄᒃᑎᑑᖅᑐᑦ ᐊᑭᖃᙱᑦᑐᑦ ᑕᒡᕙᙵᑦ ᖃᕆᑕᐅᔭᒃᑯᑦ ᓂᐅᕕᕐᕕᐅᔪᑎᒍᑦ. ᖃᐅᔨᒪᔭᐅᓕ: ᐊᐅᒃᑕᔫᒥᑦ ᑮᓇᐅᔭᓄᑦ ᐊᑐᖅᑐᒧᑦ ᑐᓂᓯᓯᒪᔭᕆᐊᖃᕐᓂᐊᖅᑐᑎᑦ ᐱᔪᖕᓇᕐᓂᐊᕐᓗᑎᑦ ᐅᖃᓕᒫᒐᓂᒃ ᐃᓄᒃᑎᑑᖅᑐᓂᒃ ᐊᑭᖃᙱᑦᑐᓂᒃ ᑕᒡᕙᖓᑦ ᖃᕆᑕᐅᔭᒃᑯᑦ ᓂᐅᕕᕐᕕᐅᔪᖕᓇᖅᑐᒃᑯᑦ, ᑭᓯᐊᓂ ᐊᑭᓖᑎᑕᐅᔾᔮᖏᑦᑐᑎᑦ. ᐴᑲᒻᒪᓗᒃ ᓴᓇᔭᐅᑲᓐᓂᖅᑐᖅ ᐊᒪᓗ ᓅᑕᐅᑉᓗᓂ ᓄᓇᕗᑦ ᐊᒥᓱᓂᒃ ᐅᖃᐅᓯᖃᕐᓂᕐᒧᑦ ᐃᓕᓐᓂᐊᖅᑐᓕᕆᔨᒃᑯᑦ ᖃᕆᑕᐅᔭᒃᑯᑦ ᑕᑯᔭᐅᒋᐊᖅᑕᕐᕕᖓᓐᓂᑦ ᐅᑭᐅᖑᔪᖅ ᐅᖃᓕᒫᒐᐃᑦ ᖃᕆᑕᐅᔭᒃᑯᑦ ᐱᔭᐅᔪᖕᓇᕐᓂᐊᕐᒪᑕ ᐊᑐᙱᓪᓗᑎᒃ ᐊᐅᒃᑕᔫᒥᒃ. 

[Inhabit Media]-ᑯᑦ ᒪᓕᒃᑕᐅᔪᒃᓴᖓᑦ ᐃᓕᓐᓂᐊᖅᑎᑦᑎᔨᓄᑦ 

• ᐊᑭᖃᙱᑦᑐᖅ ᐃᓕᓐᓂᐊᖅᑎᑦᑎᔩᑦ ᒪᓕᒐᒃᓴᖓᑦ [Inhabit Media ]-ᒧᑦ ᐃᓄᒃᑎᑑᖅᑐᓄᑦ ᐅᖃᓕᒫᒐᓄᑦ ᐱᔭᐅᔪᖕᓇᖅᑐᑦ [Inhabit Media ]-ᑯᑦ ᖃᕆᑕᐅᔭᒃᑯᑦ ᑕᑯᔭᐅᒋᐊᖅᑕᕐᕕᖓᓐᓂᑦ. 
• ᓄᓇᕗᒻᒥ ᐊᒥᓱᓂᒃ ᐅᖃᐅᓯᖃᕐᓂᕐᒧᑦ ᐃᓕᓐᓂᐊᖅᑐᓕᕆᔨᒃᑯᑦ

ᐃᓄᐃᑦ ᐅᓂᑉᑲᐅᓯᖏᓐᓄᑦ ᖃᕆᑕᐅᔭᒃᑯᑦ ᑕᑯᔭᐅᒋᐊᖅᑕᕐᕕᒃ

• ᐊᒥᓱᓄᑦ ᐅᖃᐅᓯᑎᒍᑦ ᖃᕆᑕᐅᔭᒃᑯᑦ ᑕᑯᔭᐅᒋᐊᖅᑕᕐᕕᓕᐊᖓᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐃᓄᒃᑎᑑᖅᑐᓂᒃ ᑎᑎᖃᖃᖅᑐᑦ ᐊᒪᓗ ᖃᑉᓗᓈᑎᑐᑦ ᑎᑎᕋᖅᓯᒪᔪᑦ ᐃᓄᒃᑎᑑᖅᑐᑦ. 
• ᐃᓚᐅᔪᑦ ᑎᑎᕋᖅᓯᒪᔪᑦ ᐅᓂᑉᑳᑦ, ᑎᑎᕋᐅᔭᖅᓯᒪᔪᑦ, ᐊᒪᓗ ᓂᐱᓕᐅᖅᓯᒪᔪᑦ ᐊᐱᖅᓱᖅᑕᐅᔪᓂᒃ ᐃᓐᓇᑐᖃᐅᔪᓂᒃ ᐱᔭᐅᔪᑦ ᓰᐲᓰ-ᑯᓐᓂᑦ.

ᓄᓇᕗᒻᒥᑦ ᐃᓕᓐᓂᐊᖅᑎᑦᑎᔩᑦ

• ᐊᑭᖃᙱᑦᑐᑦ ᐱᕝᕕᐅᔪᖕᓇᖅᑐᑦ ᐃᓄᒃᑎᑑᖅᑐᑦ ᐊᒪᓗ ᐊᓯᖏᑦᑎᒍᑦ ᐅᖃᐅᓯᑎᒍᑦ ᐊᖓᔪᖅᑳᓄᑦ ᐊᒪᓗ ᐃᓕᓐᓂᐊᖅᑎᑦᑎᔨᓄᑦ. ᐃᓚᐅᔪᑦ ᐊᒥᓱᑦ ᐅᖃᓕᒫᒐᐃᑦ ᐊᒪᓗ ᓴᓂᕋᕐᒧᐊᖅᑐᒃᓴᐃᑦ, ᓲᕐᓗ ᓄᓇᕗᑦ ᓄᓇᕋᖏᑦ ᑭᐅᕈᓕᓐ ᒫᓗᕆ-ᐅᑉ ᐅᖃᓕᒫᒐᓕᐊᖓ, ᐅᓂᑉᑳᑦ ᓴᓂᕋᔭᖕᒥᑦ ᐅᓂᑉᑳᖅᑐᖅ ᒦᑲ ᕿᓚᕝᕙᖅ, ᐊᒪᓗ ᓴᓂᕋᕐᒧᐊᖅᑐᒃᓴᐃᑦ ᓂᕐᔪᑎᓂᒃ ᐱᔾᔪᑎᓖᑦ ᐅᓂᑉᑲᐅᓯᑐᖃᓂᙶᖅᑐᓂᒡᓗ. 

 

ᑐᓂᓯᔪᒪᕕᑦ ᐱᕝᕕᐅᔪᖕᓇᖅᑐᒥᑦ? ᖃᐅᔨᒋᐊᕐᕕᒋᓗᒍ ᑑᒃᑳᓯ ᐴᒃ ᐅᕙᓂ (867) 975-5528 ᐅᕙᓘᓃᑦ tburke@gov.nu.ca.