ᐃᑲᔫᓯᐊᑦ ᑐᓂᕐᕈᓯᐊᓪᓗ

ᐃᑲᔫᓯᐊᑦ ᑐᓂᕐᕈᓯᐊᓪᓗ ᐃᑲᔪᖅᑕᐅᔪᒪᓐᓂᕈᕕᑦ ᑐᓂᕐᕈᓯᐊᓄᑦ ᑐᓂᕐᕈᑎᔅᓴᓄᓪᓗ ᑐᔅᓯᕋᐅᑎᓂᒃ,
ᐊᑭᖃᕐᓂᖏᑦᑐᒧᑦ ᐅᖄᓚᒍᓐᓇᖅᑐᑎᒃ: 1-866-934-2035-ᒧᑦ
ᐃᖃᓗᐃᑦ: 1-867-975-5519 ᐅᕝᕙᓘᓐᓃᑦ 1-867-975-5516

ᐃᓕᖅᑯᓯᓕᕆᔨᒃᑯᑦ ᐱᖃᖅᑎᑦᑎᓲᖑᕗᑦ ᑐᓂᐅᖅᑲᐅᑎᓂᒃ ᐃᑲᔫᑎᓂᒡᓗ ᑮᓇᐅᔭᑎᒍᑦ ᑮᓇᐅᔭᓕᐅᖅᑎᐅᙱᑦᑐᓄᑦ, ᓄᓇᓕᖕᓄᑦ ᑐᕌᖓᔪᓂᒃ ᑲᑐᔾᔨᖃᑎᒌᓄᑦ, ᐃᓄᑐᐊᓄᑦ, ᐊᒻᒪ ᓄᓇᓕᖕᓂ ᒐᕙᒪᐅᔪᓄᑦ ᐱᓇᔪᒃᑕᒥᓂᒃ ᐱᒃᑯᓇᖅᓯᑎᑦᑎᓇᓱᒃᐸᒃᑐᓄᑦ, ᓴᐳᔾᔨᓇᓱᒃᐸᒃᑐᓄᑦ ᐊᒻᒪ ᔭᒐᑎᑦᑎᑦᑕᐃᓕᒪᕙᒃᑐᓄᑦ ᓄᓇᕗᒥᐅᑦ ᐃᓕᖅᑯᓯᖓᓐᓂᒃ ᐱᐅᓯᖓᓐᓂᒡᓗ, ᐅᖃᐅᓯᓪᓚᑦᑖᓕᕆᔪᓂᒃ, ᐱᓕᕆᔾᔪᓯᕐᓂᒡᓗ ᐃᑲᔪᖅᓱᐃᔪᓂᒃ ᐃᓐᓇᕐᓂᒃ ᒪᒃᑯᒃᑐᓂᒡᓗ.

ᐊᕐᕌᒍᑕᒫᑦ ᐃᓕᖅᑯᓯᓕᕆᔨᒃᑯᑦ ᑮᓇᐅᔭᖃᖅᑎᑦᑎᓲᖑᕗᑦ 100 ᐅᖓᑖᓂ ᐊᒡᒍᖅᓯᒪᔪᓂᒃ ᑐᓂᐅᖅᑲᐅᑎᓂᒃ ᐃᑲᔫᑎᓂᒡᓗ. ᑖᒃᑯᐊ ᐃᓚᖃᕆᓪᓗᑎᒃ ᑕᒪᐃᓐᓂᒃ ᐱᔭᕆᑐᔪᓂᒃ ᐱᔭᕆᐊᑭᑦᑐᓂᒡᓗ ᐱᓕᕆᐊᓂᒃ. ᓄᓇᓕᖕᓄᑦ-ᑐᕌᖓᔪᓂᒃ ᐱᓕᕆᐊᓂᒃ ᐃᓚᓕᐅᔾᔨᓲᓂᒃ ᓄᓇᓕᖕᒥᐅᑕᓂᒃ, ᐱᓗᐊᖅᑐᒥᒃ ᐃᓐᓇᕐᓂᒃ ᒪᒃᑯᒃᑐᓂᒡᓗ, ᐃᑲᔪᖅᓱᖅᑕᐅᕐᔪᐊᕐᒪᑕ. ᑖᒃᑯᐊ ᐱᓕᕆᐊᑦ ᐱᒻᒪᕆᐅᔪᒥᒃ ᐊᒃᑐᐃᓂᖃᕐᒪᑕ ᐃᓄᖕᓄᑦ ᓄᓇᓕᖕᓄᓪᓗ ᓄᓇᕘᓕᒫᒥ. ᑲᑐᔾᔨᖃᑎᒌᑦ, ᑐᑦᑕᕐᕖᑦ ᐅᕝᕙᓘᓐᓃᑦ ᐃᓄᑐᐊᑦ ᐃᓚᐅᔪᓐᓇᙱᑦᑐᑦ ᑎᓕᐅᖅᑕᐅᓲᖑᕗᑦ ᐃᓱᒪᔪᓐᓇᖁᓪᓗᒋᑦ ᐱᓕᕆᖃᑎᒋᔪᓐᓇᖅᑕᒥᓂᒃ ᑮᓇᐅᔾᔭᒐᓱᐊᖅᑎᐅᙱᑦᑐᓂᒃ ᓄᓇᓕᖕᓄᑦ-ᑐᕌᖓᔪᓂᒃ ᑲᑐᔾᔨᖃᑎᒌᒡᕕᖕᓂᒃ, ᐅᕝᕙᓘᓐᓃᑦ ᓄᓇᓕᖕᓂ ᒐᕙᒪᐅᔪᓂᒃ.