ᐅᖃᓚᐅᑎᓯᐅᑏᑦ

You are here

2016 ᐱᔾᔪᑕᐅᔪᑦ ᖃᓄᐃᓕᐅᒐᒃᓴᐃᓪᓗ

ᖃᓄᐃᓕᐅᒐᒃᓴᐃᓪᓗᕿᓚᐅᑦ 2016 | ᐃᓄᒃᑐᑦ ᐃᑲᔫᑎᒃᓴᑦ
ᓂᔾᔭᐅᓯᔭᕐᓂᖅ ᑕᕐᕆᔮᒃᓴᓪᓗᓄᓇᓕᖕᓂ ᐱᓕᕆᐊᑦ|  ᐃᑭᐊᖅᑭᕕᐅᑉ ᐱᒋᐊᕐᕕᖓᓄ

2016 ᐱᔾᔪᑕᐅᓂᐊᖅᑐᖅ: ᐃᓄᐃᑦ ᐊᓐᓄᕋᖃᐅᓯᖏᑦ

ᐱᔾᔪᑕᐅᓪᓗᓂ ᑕᐃᒎᓯᕆᑎᑕᐅᔪᖅ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᕐᒧᑦ 2016-ᒥ ᐅᓇᐅᕗᖅ ᐃᓄᐃᑦ ᐊᓐᓄᕋᖃᐅᓯᖏᑦ ("ᐃᓄᐃᑦ ᐊᓐᓄᕌᖃᐅᓯᖏᑦ"). ᐃᓄᐃᑦ ᐊᓐᓄᕌᖃᐅᓯᖏᑦᑎᒍᑦ ᐱᔪᓐᓇᕈᑎᖃᓚᐅᕐᒪᑕ ᓯᕗᓪᓕᕕᓂᐊᓗᒃᐳᑦ ᐃᓅᓇᓱᐊᖅᖢᑎᒃ ᐅᑭᐅᖅᑕᖅᑑᑉ ᐊᕙᑖᓂ. ᐃᓕᖅᑯᓯᕗᑦ ᐊᒻᒪᓗ ᓄᑖᖑᓕᖅᑐᑦ ᐊᓐᓄᕌᖃᐅᓰᑦ ᐱᒻᒪᕆᐊᓘᖕᒪᑕ ᐃᓕᖅᑯᓯᒃᑯᑦ ᐊᒻᒪᓗ ᓴᓇᑐᓕᓯᒪᑦᑎᐊᖅᐸᒃᖢᑎᒃ ᑕᑯᒃᓴᐅᔪᒃᑯᑦ, ᑕᑯᒃᓴᐅᑎᑦᑎᓪᓗᓂ ᐃᓚᒌᖕᓂᐅᔪᓂᒃ, ᐅᒃᐱᕐᓂᕐᒥᒃ, ᐊᒻᒪᓗ ᑕᐅᑐᖕᓂᕆᔭᑦᑎᓐᓂᒃ ᓄᓇᕐᔪᐊᕐᒥᒃ. 

ᐊᓐᓄᕌᓕᐅᕈᓯᕗᑦ ᐊᒃᑐᐊᖕᒪᑕ ᐅᖃᐅᓯᑦᑎᓐᓄᑦ. ᐃᓄᒃᑐᑦ, ᑕᑯᒃᓴᐅᑎᑕᕗᑦ ᐊᔪᙱᓐᓂᐅᔪᑦ, ᖃᐅᔨᒪᓂᐅᔪᑦ, ᐊᒻᒪᓗ ᐱᒻᒪᕆᐅᒍᓱᖕᓃᑦ ᐊᓐᓄᕌᔾᔨᐅᕐᓂᒃᑯᑦ, ᐱᖃᓯᐅᑎᓪᓗᒋᑦ ᐱᔭᕆᑐᓂᖏᑦ ᐱᓕᕆᐊᕆᕙᓪᓕᐊᓂᕐᒧᑦ, ᓴᓇᕐᕈᑎᑦ, ᐆᒃᑑᑎᑦ, ᐊᒻᒪᓗ ᐱᓕᕆᔾᔪᓰᐃᑦ. ᐃᓄᒃᑐᓪᓗ, ᑕᑯᒃᓴᐅᑎᑦᑎᒋᕗᒍᑦ ᐃᓄᐃᑦ ᐃᓚᒌᒍᓯᖏᓐᓂᒃ ᐊᒻᒪᓗ ᐃᓕᑦᑎᕙᓪᓕᐊᓪᓗᑕ ᖃᐅᔨᒪᔭᐅᔪᓂᒃ ᐃᓚᒋᓪᓗᓂᒋᑦ ᐊᓐᓄᕌᑕ ᐃᓕᖅᑯᓯᒃᑯᑦ. 

ᐅᖃᐅᓯᕐᒧᑦ ᖁᕕᐊᓲᑎᖃᕐᓇᒥ 2016-ᒥ, ᐱᕕᖃᕆᐊᕐᓗᑎᑦ ᐃᓕᓴᐃᔪᓐᓇᕐᓂᕐᒥᒃ ᐊᓯᖕᓂᒃ ᐊᒻᒪᓗ ᐃᓕᑦᑎᒃᑲᓐᓂᕋᓱᒡᓗᑎᑦ ᐊᓐᓄᕌᖃᐅᓯᑦᑎᓐᓂᒃ ᐃᓕᖅᑯᓯᒃᑯᑦ ᐊᒻᒪᓗ ᐊᔾᔨᒌᖏᑦᑐᑦ ᐃᓄᐃᑦ ᐊᓐᓄᕌᖃᐅᓯᖏᑦᑕ ᑕᐃᒎᓯᖏᓐᓂᒃ. ᐃᓄᒃᑐᑦ ᐅᖃᓪᓚᑲᑕᒡᓗᓯ ᓄᑕᖅᑲᔅᓯᓐᓄᑦ ᐱᔾᔪᑎᒋᓪᓗᒋᑦ ᐊᓐᓄᕌᑦ ᐊᑐᖃᑦᑕᖅᑕᖏᑦ. ᐅᖃᓪᓚᖃᑎᖃᖅᐸᒡᓗᓯ ᐃᓐᓇᕐᓂᒃ ᖃᐅᔨᒪᓂᖏᓐᓄᑦ ᐊᖑᓇᓱᖕᓂᕐᒥᒃ ᐊᒻᒪᓗ ᖃᓄᖅ ᐊᒥᓕᕆᔪᓯᐅᔪᓂᒃ, ᐋᖅᑭᐅᒪᓂᖏᑦ ᐊᒻᒪᓗ ᐊᓐᓄᕋᔾᔨᐅᕐᓂᕐᒧᑦ, ᐊᒻᒪᓗ ᐃᖅᑲᐅᒪᔭᖏᑦ ᐊᓐᓄᕋᔾᔨᐅᕐᓂᕐᒧᑦ ᐃᓅᓯᖏᓐᓂ. ᐃᓄᖕᓂᒃ ᐅᖃᓪᓚᖃᑎᖃᖅᐸᒡᓗᓯ ᓄᓇᕘᒥ ᐊᔾᔨᒌᖏᑦᑐᑦ ᐊᓐᓄᕌᖃᐅᓰᑦ ᒥᒃᓵᓄᑦ ᑕᐃᒎᓯᖏᓐᓂᒃ, ᓴᓇᐅᒪᓂᖏᓐᓂᒃ, ᐊᒻᒪᓗ ᑕᐃᒎᓯᖏᑦ ᐊᑐᓂ ᐊᕕᒃᓯᒪᓂᐅᔪᓂ. 

ᖃᓄᐃᓕᐅᕈᑎᒃᓴᐅᔪᓐᓇᖅᑐᑦ
ᖃᓄᐃᓕᐅᕐᓂᐊᖅᐱᓪᓗ ᑕᒪᑐᒪᓂ ᐊᕐᕌᒎᔪᒥ? ᒪᔾᔭ ᖃᓄᐃᓕᐅᕈᑕᐅᕈᓘᔭᕈᓐᓇᖅᑐᑦ ᖁᕕᐊᓲᑎᖃᕐᓂᕐᒧᑦ 2016-ᒥ ᐱᔾᔪᑕᐅᔪᒧᑦ, ᐃᓄᐃᑦ ᐊᓐᓄᕋᖃᐅᓯᖏᓐᓂᒃ (“ᐃᓄᐃᑦ ᐊᓐᓄᕌᖃᐅᓯᖏᑦ”): 

  • ᓄᓇᓕᖕᓂ ᓈᓚᐅᑎᖃᕐᕕᒃᑯᑦ – ᑐᙵᓴᐃᓗᑎᒃ ᐃᓐᓇᕐᓂᒃ ᐊᒻᒪᓗ ᖃᐅᔨᒪᔪᓂᒃ ᓄᓇᓕᖕᓂ ᐅᖃᓪᓚᒐᔭᖅᑐᓂᒃ ᓈᓚᐅᑎᒃᑯᑦ ᐃᓄᐃᑦ ᐊᓐᓄᕌᖃᐅᓯᖏᓐᓂᒃ, ᐱᖃᓯᐅᑎᓪᓗᒋᑦ ᐊᒥᓕᕆᔾᔪᓰᑦ, ᐅᒃᑐᕋᕐᓂᖅ ᐊᒻᒪᓗ ᐱᕙᒌᔭᐃᓂᖅ ᐆᒃᑑᑎᓂᒃ, ᒥᖅᓱᕐᓂᖅ, ᐊᒻᒪᓗ ᓴᓇᑐᓕᓯᒪᓂᖏᑦ ᖃᓄᐃᓕᖓᓂᖏᑦᑎᒍᑦ, ᐊᒻᒪ ᐃᖅᑲᐅᒪᔭᖏᑦ ᐊᓐᓄᕌᓕᐅᕈᓰᑦ ᐃᓅᓯᖏᓐᓂ. 
  • ᐅᖃᐅᓯᖅᑕᓂᒃ ᖃᐅᔨᓇᓱᖕᓂᖅ – ᐋᖅᑭᒃᓯᓗᑎᒃ ᓄᓇᓕᖕᓂ ᐱᓕᕆᖃᑎᒌᖕᓂᐊᖅᑐᓂᒃ ᓂᐱᓕᐅᕆᑲᑕᖕᓂᐊᕐᓗᑎᒃ ᐊᓐᓄᕌᖃᐅᓰᑦ ᒥᒃᓵᓄᑦ ᐊᒻᒪᓗ ᖃᐅᔨᑎᑦᑎᔾᔪᑎᒋᓗᒋᑦ ᐱᓕᕆᕝᕕᖕᒥ ᐊᒻᒪᓗ ᐃᓕᓐᓂᐊᕐᕕᖕᓂ, ᓈᓚᐅᑎᒃᑯᑦ, ᐊᒻᒪᓗ ᓄᓇᓕᖕᓂ ᒥᖅᓱᖅᑎᑕᖃᖅᐸᑦ ᐱᓕᕆᖃᑎᒌᓂᒃ. 
  • ᓴᓇᐅᒃᑲᓂᒃ ᑕᑯᒃᓴᐅᑎᑦᑎᓂᖅ – ᐃᒪᐃᓕᐅᖅᑎᑦᑎᓗᓯ “ᓴᓇᐅᒃᑲᓂᒃ ᑕᑯᒃᓴᐅᑎᑦᑎᓗᓯ” ᖁᕕᐊᓲᑎᖃᕐᓂᐊᕐᓗᓯ ᓄᓇᓕᖕᓂᑦ ᓴᓇᔭᐅᓯᒪᔪᓂᒃ ᐊᓐᓄᕌᖃᐅᓯᕐᓂᒃ ᐊᒻᒪᓗ ᐃᓚᐅᔪᑦ ᖁᕕᐊᓱᖃᑎᒋᓗᒋᑦ ᓴᖅᑭᑎᑦᑎᓂᖏᓐᓄᑦ ᐊᓐᓄᕌᕆᔭᒥᖕᓂᒃ. ᑐᙵᓴᐃᓗᑎᒃ ᐃᓄᑐᐊᖑᒐᓗᐊᓂᒃ ᐅᖃᓪᓚᒍᓐᓇᖅᑐᓂᒃ ᐊᓐᓄᕌᑦ ᒥᒃᓵᓄᑦ ᖃᖓᓂᓴᕐᓂᒃ ᐊᒻᒪᓗ ᒫᓇᓕᓴᕐᓂᒃ. 
  • ᐃᓕᑦᑎᒃᑲᓐᓂᕆᑦ ᐊᓐᓄᕌᑦ ᑕᐃᒎᓯᖏᓐᓂᒃ! ᑎᓕᐅᕐᓗᒋᑦ ᐊᓯᑎᑦ ᐊᑐᖁᓗᒋᑦ ᐃᓄᒃᑐᑦ ᐊᓐᓄᕌᑦ ᑕᐃᒎᓯᖏᓐᓂᒃ ᐊᐃᓯᒪᓕᕌᖓᔅᓯ, ᐃᓕᓐᓂᐊᕐᕕᖕᓂ, ᐊᒻᒪᓗ ᐱᓕᕆᕝᕕᖕᓂ. ᐊᑐᕐᓗᓯ ᐊᓐᓄᕌᖃᐅᓰᑦ ᑕᐃᒎᓯᖏᓐᓂᒃ ᓄᑕᖅᑲᓄᑦ ᑕᒪᑐᒪᓂ ᑕᖅᑭᔪᒥ! ᓴᖅᑭᑎᕐᓗᒋᑦ ᐊᑐᖅᑕᐅᒐᔪᒃᑐᑦ ᐅᖃᐅᓯᖅᑕᐃᑦ ᑎᑎᕋᖅᑕᐅᓗᑎᒃ ᐱᓕᕆᕝᕕᖕᒥ. 
  • ᓂᕆᕕᒡᔪᐊᕐᓂᖅ – ᐋᖅᑭᒃᓯᓗᑎᒃ ᓄᓇᓕᖕᓂ ᓂᕆᕕᒡᔪᐊᕐᓂᐅᓂᐊᖅᑐᒥᒃ ᐊᒻᒪᓗ ᑐᙵᓴᐃᓗᑎᒃ ᖃᐅᔨᒪᔪᓂᒃ ᓄᓇᓕᖕᒥᐅᓂᒃ ᐅᖃᓪᓚᒍᓐᓇᖅᑐᓂ ᐊᓐᓄᕌᑦ ᒥᒃᓵᓄᑦ ᐃᓕᖅᑯᓯᒃᑯᑦ ᐊᒻᒪᓗ ᖃᐅᔨᖃᑎᒌᒍᑎᒋᓗᒋᑦ ᐊᔪᙱᓐᓂᕆᔭᐅᔪᑦ, ᐅᖃᓪᓚᒍᓰᑦ, ᐊᒻᒪᓗ ᐅᓂᖅᑳᖅᑐᐊᓂᒃ. 
  • ᐊᔪᖏᑕᓄᑦ ᐃᓕᓐᓂᐊᖅᑎᑦᑎᓂᖅ – ᐊᐅᓚᑦᑎᓗᑎᒃ ᐊᔪᖏᑕᓄᑦ ᐱᕙᓪᓕᐊᑎᑦᑎᓐᕆᒧᑦ ᑲᑎᒪᖃᑎᖃᕐᓂᒃᑯᑦ ᐃᓕᓴᐃᓗᑎᒃ, ᓲᕐᓗ ᐊᒥᓕᕆᔾᔪᓯᕐᓂᒃ ᐅᕝᕙᓘᓐᓃᑦ ᐳᐊᓗᓕᐅᕐᓂᖅ, ᓴᓇᕈᑎᓂᒃ ᓴᓇᔪᓐᓇᖅᓯᓂᕐᒧᑦ, ᐊᒻᒪᓗ ᐃᑲᔪᖅᑐᕐᓗᒋᑦ ᐃᓚᐅᔪᑦ ᐃᓕᑦᑎᖁᓪᓗᒋᑦ ᐅᖃᐅᓯᖅᑕᕐᓂᒃ ᐊᒃᑐᐊᔪᓂᒃ ᐊᓐᓄᕌᔾᔨᐅᕐᓂᕐᒧᑦ ᑲᑎᒪᑎᑕᐅᓂᕐᒥ ᐃᓕᓐᓂᐊᖅᓯᓐᓈᑦ. 
  • ᐃᓄᒡᓄᑦ ᐃᓄᓕᕆᔪᑕᐅᕙᒃᑐᑎᒍᑦ – ᐊᔾᔨᙳᐊᑦ ᐃᓕᖅᑯᓯᒃᑯᑦ ᐊᒻᒪᓗ ᓄᑖᑦ ᐊᓐᓄᕋᖑᕙᓕᖅᑐᑦ ᖃᓄᐃᓕᖓᔾᔪᓯᖏᑦ ᑕᑯᒃᓴᐅᑎᑕᐅᔪᓐᓇᕐᓗᑎᒃ ᐃᓄᖕᓄᑦ ᐃᓄᓕᕆᔾᔪᑕᐅᕙᒃᑦᑐᑎᒍᑦ. ᐊᓯᔾᔨᕐᓗᒍ ᐊᔾᔨᖑᐊᕆᔭᑦ ᑕᑯᒃᓴᐅᔪᖅ ᐃᓄᖕᓄᑦ ᐃᓄᓕᕆᔾᔪᑕᐅᕙᒃᑐᑎᒍᑦ ᐊᓐᓄᕌᖁᑎᖕᓂᒃ ᑕᑯᒃᓴᐅᑎᑦᑎᔪᑦ. ᐊᑐᕐᓗᑎᑦ ᓇᕿᑦᑕᕆᐊᓕᒃᑯᑦ #ᐃᓄᐃᑕᓐᓄᕌᖃᐅᓯᖏᑦ ᐊᒻᒪ #ᐊᓐᓄᕋᖃᐅᓯᖏᑦ. 

ᐊᓯᖏᑦ ᖃᓄᐃᓕᐅᒐᒃᓴᐃᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖕᒧᑦ

ᒪᔾᔭᒃᑲᓐᓃᑦ ᐃᑲᔫᑕᐅᔪᓐᓇᖅᑐᑦ ᐃᓕᖅᑯᓯᓕᕆᔨᒃᑯᓐᓂᑦ ᐃᓕᐅᖅᑲᖅᐸᓪᓕᐊᔪᓐᓇᖅᑐᑦ ᖃᕋᓴᐅᔭᕐᒧᑦ ᐊᒻᒪᓗ ᐊᑐᕐᓗᒋᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᕐᒧᑦ 2016-ᒥ. 

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᓄᐃᓕᐅᒐᒃᓴᐃᑦ ᒥᒃᓵᓄᑦ ᐱᑖᕈᒪᒍᕕᓪᓘᓐᓃᑦ ᑎᑎᕋᖅᓯᒪᔪᑦ ᐊᔾᔨᖏᓐᓂᑦ, ᖃᐅᔨᒋᐊᕐᕕᒋᓗᒍ ᑑᒃᑳᓯ ᐴᒃ ᐅᕗᖓ (867) 975-5528 ᐅᕝᕙᓘᓐᓃᑦ tburke@gov.nu.ca.
 

ᐃᒡᓚᕐᓇᖅᑐᑦ!

ᐃᒡᓚᕐᓇᖅᑐᑦ! ᐅᖃᓕᒫᒐᐅᔪᖅ ᐃᔪᕐᓇᖅᑐᓂᒃ ᐅᓂᑉᑳᖅᑕᐅᔪᑦ ᓄᓇᕗᒻᒥᐅᑕᕐᓄᑦ. ᑎᑎᕋᐅᔭᖅᑐᓕᕆᔨ ᐸᐸ ᑲᓪᓗᒃ, ᑎᑎᕋᐅᔭᖅᑎᑦ ᖃᐅᓱᐃᑐᒥᑦ. ᑎᑎᕋᖅᓯᒪᔪᑦ ᐃᓄᒃᑎᑐ ᐊᒪᓗ ᖃᓕᐅᔮᖅᐸᐃᑎᑐᑦ ᑎᑎᖃᖏᑦᑎᒍᑦ ᐃᓄᒃᑎᑐᑦ ᐅᖃᖅᓯᒪᑉᓗᑎᒃ.

 

 ᑎᒥᒨᖓᔪᓄᑦ ᐅᖃᐅᓰᑦ

ᖃᕋᓴᐅᔭᒃᑯᑦ ᐱᓗᒍ ᓄᓇᕘᒥ ᓯᕗᓪᓕᖅᐹᑎᐊᑦ ᑕᖅᓴᖃᐅᖅᖢᓂ /ᐊᒥᐊᖃᐅᖅᖢᓂ ᑎᒥᒨᖓᔪᑦ ᐅᖃᐅᓰᑦ. ᑕᒡᕙᓃᑐᑦ 400 ᐅᖓᑖᓄᑦ ᑐᑭᓕᐊᑦ ᐃᓄᒃᑎᑐᑦ, ᐃᓄᐃᓐᓇᖅᑐᑦ, ᐅᐃ-ᐅᐃᑎᑐᑦ, ᐊᒪᓗ ᖃᑉᓗᓈᑎᑐᑦ. ᑐᑭᖏᑦ ᑲᑎᑕᐅᓚᐅᖅᑐᑦ ᐃᓄᐃᑦ ᐃᓐᓇᖏᓐᓂᑦ, ᐃᑲᔪᖅᑕᐅᑉᓗᑎᒃ ᐋᓐᓂᐊᖅᑐᓕᕆᔨᐅᔪᓂᑦ, ᐃᓄᒃᑎᑑᓕᕆᔨᓂᑦ, ᐊᒪᓗ ᐋᓐᓂᐊᕐᕕᖕᒥ ᐱᓕᕆᔨᐅᔪᓂᑦ ᓄᓇᕗᒻᒥ. 

 

ᖁᕕᐊᒋᔭᐅᔪᑦ ᐸᑦᑕᐅᔭᐃᑦ ᐅᖃᐅᓯᖅᑕᓂᒃ ᐱᔪᑎᓖᑦ ᑎᑎᕋᖅᑕᐅᒃᑲᓐᓂᖅᑐᑦ

ᑕᒪᑐᒪᓂ ᐊᕐᕌᒍᒥ, ᑎᑎᕋᖅᑕᐅᑎᒃᑲᓐᓂᓚᐅᖅᑕᕗᑦ ᖁᕕᐊᒋᔭᐅᔪᑦ ᐸᑦᑕᐅᔭᐃᑦ ᐅᖃᐅᓯᖅᑕᖃᐅᖅᑐᑦ. ᐃᓚᖃᖅᖢᑎᒃ 45-ᓂᒃ ᐅᖃᐅᓯᕐᓂᒃ ᐱᖁᑎᓅᖅᑐᓂᒃ. ᑎᑎᕋᖅᑕᐅᒃᑲᓐᓂᖅᑐᑦ ᑲᑎᖓᔪᑦ ᑐᓐᓂᖅᓴᐅᑕᐅᓂᐊᖅᑐᑦ ᐃᓕᓐᓂᐊᕐᕕᖕᓄᑦ ᐊᒻᒪᓗ ᐅᖃᓕᒫᒐᖃᕐᕕᖕᓄᑦ. ᐊᑐᕐᓗᑎᑦ PDF-ᒥᒃ ᑲᑎᖓᔪᓕᐊᕆᓂᐊᖅᑕᕐᓄᑦ ᐅᕝᕙᓘᓐᓃᑦ ᐃᓄᒃᑑᖅᑐᓂᒃ ᑕᖅᓯᖅᓱᒐᒃᓴᓂᒃ/ᐊᒥᐊᒐᒃᓴᓕᖕᓂᒃ ᐅᖃᓕᒫᒐᓕᐅᕐᓗᑎᑦ. 

 

ᓱᓕ ᖃᕆᑕᐅᔭᒃᑯᑦ ᐱᒋᐊᓚᕕᑦᓴᐃᑦ

ᐸᑦᑕᐅᔭᑦ ᑲᑎᖓᔪᑦ – ᖃᐅᑕᒫᖅᓯᐅᑎᑦ ᐃᓅᓯᕐᒥ

ᐊᕐᕌᓂ, ᓴᖅᑭᑦᑎᓚᐅᖅᑐᒍᑦ ᑲᑎᖓᔪᑦ ᐃᓄᒃᑎᑐᑦ ᐊᔾᔨᓂᒃ ᐅᖃᐅᓯᖃᖅᖢᑎᒃ ᖃᐅᑕᒫᑦ ᐃᓅᓯᕐᒥ ᐊᑐᖅᑕᐅᕙᒃᑐᓂᒃ. 

 

 ᑐᓗᒐᙳᐊᖅ ᑕᖅᓯᖅᓱᒐᒃᓴᖅ/ᐊᒥᐊᒐᒃᓴᖅ

ᑕᐃᓱᒪᓂᑐᖄᓗᒃ, ᑐᓗᒃᑲᑦ ᐅᖃᕈᓐᓇᓚᐅᖅᓯᒪᖕᒪᑕ ᐃᓄᒃᑎᑐᑦ... ᐅᖃᓕᒫᕐᓗᒍ ᐱᔪᑎᓕᒃ ᓇᒧᖓᐅᕙᓪᓕᐊᓂᕆᔭᖏᑦ ᒪᒃᑯᒃᑐᑦ ᐃᓄᐃᑦ ᐊᒻᒪᓗ ᐅᖃᓪᓚᒍᓐᓇᖅᑐᑦ ᑐᓗᒃᑲᑦ ᑕᕝᕙᓂ ᑕᖅᓯᖅᓱᒐᒃᓴᓂ/ᐊᒥᐊᒐᒃᓴᓂ ᐅᖃᓕᒫᒐᕐᒥ ᑐᙵᕕᓕᒃ ᓄᑕᐅᖏᕐᔪᐊᑐᒥᒃ ᐅᓂᒃᑳᖅᑐᐊᒥᑦ. ᐃᓄᒃᑑᖓᔪᑦ ᐊᒻᒪ ᐃᓄᐃᓐᓇᖅᑐᓐ.